ᔨᕆᒤᐊᐅᑉ ᐊᒡᓚᖏᑦ 51:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᐃᒪᖁᑎᖃᕐᑐᓯ ᐅᓄᕐᑐᓂᒃ, ᓄᓇᖃᕐᑐᓯᓗ ᐊᔪᕐᓴᖏᑦᔪᑎᒃᓴᖃᕐᑐᓂᒃ, ᐊᔪᓕᕐᕕᒃᓴᓯ ᑎᑭᑉᐳᖅ, ᐃᓅᑦᔪᑎᒃᓴᖃᕈᓐᓃᕐᕕᒃᓴᓯ ᓈᕗᖅ.

ᔨᕆᒤᐊᐅᑉ ᐊᒡᓚᖏᑦ 51:13 Iomraidhean Croise

ᒨᓯᓯ ᓯᕗᓪᓖᑦ 6:13

ᒎᑎᓗ ᓄᐊᒧᑦ ᐅᖃᕐᐳᖅ, “ᓄᓇᕐᔪᐊᕐᒥᐅᑦ ᑎᒥᖃᕐᑐᑦ ᐃᓱᓕᑎᑦᓱᒪᓕᕋᒃᑭᑦ ᓄᖑᑦᓯᐊᕈᒪᓪᓗᒋᑦ; ᓄᓇᕐᔪᐊᓕᒫᖅ ᑲᑉᐱᐊᓱᒃᑎᑦᓯᓂᕐᒥᒃ ᐱᓗᐊᓕᕐᒪᑦ ᑖᒃᑯᑎᒎᓇᖅ; ᑕᑯᒋᑦ ᐊᓯᕈᕐᓂᐊᕐᐸᒃᑲ ᓄᓇᕐᔪᐊᖅ ᐱᖃᓯᐅᑎᓗᒍ.

ᐃᓐᖏᕈᑎᑦ 137:1

ᐹᐱᓘᓂᐅᑉ ᑰᖓᓂ, ᐃᒃᓯᕙᕗᒍᑦ, ᐄᓛᒃ, ᕿᐊᕗᒍᑦ, ᓮᐅᓂ ᐃᖅᑲᐅᒪᓕᕋᑦᑎᒍ.

ᐂᓮᐊᓯᐅᑉ ᐊᒡᓚᖏᑦ 43:14

ᐃᒫᒃ ᐊᑕᓂᖅ ᐅᖃᕐᐳᖅ, ᓴᐳᑦᔨᔨᓯ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ: “ᐱᑦᔪᑎᒋᓗᓯ ᐹᐱᓘᓂᒧᑦ ᑎᓕᓯᔪᒪᕗᖓ, ᓵᓚᒋᔭᐅᑎᓪᓗᒋᑦ ᕿᒫᑎᑕᐅᖁᓪᓗᒋᑦ, ᑲᐅᓪᑎᐊᒥᐅᑦ ᐅᒥᐊᕐᔪᐊᖁᑎᒥᖕᓂᒃ ᖁᕕᐊᓲᑎᖃᕐᐸᒃᑐᑦ ᐅᒡᒍᐊᕈᑎᖃᓕᖁᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 45:3

ᐱᒃᑯᒥᓇᕐᑐᓂᒃ ᐱᑖᕐᑎᓐᓂᐊᕐᐸᒋᑦ ᑖᕐᑐᒦᑦᑐᓂᑦ ᐊᔪᕐᓴᕈᓐᓃᕈᑎᓂᒡᓗ ᐃᔨᕐᑐᕐᓯᒪᔪᓂᒃ, ᖃᐅᔨᓕᖁᓪᓗᑎᑦ ᐅᕙᖓ ᑍᒤᑎᑦᓯᒐᒪ ᐊᑕᓂᖅ, ᐃᓕᖕᓂᒃ ᕾᖁᔨᓯᒪᔪᖅ ᐊᑏᑦ ᑍᓪᓗᒍ, ᐅᕙᖓᐅᕗᖅ ᐃᓴᕆᐊᓕᒥᐅᑦ ᒎᑎᖓᑦ.

ᐂᓮᐊᓯᐅᑉ ᐊᒡᓚᖏᑦ 57:17

ᓂᓐᖓᓚᐅᕋᒪ ᐊᔪᕐᑐᓕᔪᒪᓗᐊᕐᓂᖏᓐᓂᒃ ᐱᑦᔪᑎᖃᕐᓗᖓ, ᓱᒋᐊᓚᐅᕐᐸᒃᑲ, ᐃᔨᕐᓗᖓᓗ ᑖᒃᑯᓇᓐᖓᑦ ᓂᓐᖓᓚᐅᕋᒪ, ᑭᓯᐊᓂᓕ ᑲᑕᒃᐸᓪᓕᐊᑐᐃᓐᓇᓚᐅᕐᐳᑦ ᐊᑐᕈᒪᔭᑐᐃᓐᓇᕐᒥᖕᓂᒃ ᑲᔪᓯᕙᒃᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 17:11

ᐊᕿᒡᒋᐅᔭᑎᑐᑦ ᒪᓐᓂᒋᓐᖏᑕᒥᓂᒃ ᐃᕙᓕᕐᑐᑎᑐᑦ, ᐊᖑᑦ ᓈᒻᒪᓈᖏᑦᑐᒃᑯᑦ ᐊᒃᓱᐃᓕᓯᒪᔪᖅ ᑍᒤᑦᑑᕗᖅ, ᐃᓅᓯᖓᑕ ᐃᓚᖓᓂ ᐊᓯᐅᔨᔪᒫᕐᐳᖅ, ᐃᓅᓯᐊᑕᓗ ᐃᓱᐊᓂ ᓯᓔᑦᑑᓂᖓ ᓇᓗᓇᕈᓐᓃᕈᒫᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 50:27

ᐊᖑᓴᓪᓗᓐᖑᕋᑖᕐᑐᖁᑎᖏᑦ ᑐᖁᕋᕐᑕᐅᓕᑦ, ᑐᖁᓮᕕᖕᒧᐊᕐᑕᐅᓗᑎᒃ ᑲᑉᐱᐊᓐᓇᒦᒃ ᑖᒃᑯᓄᖓ ᐅᓪᓗᖅ ᓇᓪᓕᐅᓯᒪᖕᒪᑦ ᓱᒋᐊᕐᑕᐅᕕᒃᓴᖓᑦ!

ᔨᕆᒤᐊᐅᑉ ᐊᒡᓚᖏᑦ 50:31

“ᑕᑯᒋᑦ ᐊᑭᕋᕐᑐᕐᐸᒋᑦ ᐱᔪᓐᓇᕋᓱᒋᓗᐊᓚᐅᕋᕕᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᐅᓪᓗᖅ ᓱᒋᐊᕐᑕᐅᕕᒃᓴᖅ ᓇᓪᓕᐅᑎᕗᖅ.

ᔨᕆᒤᐊᐅᑉ ᐊᒡᓚᖏᑦ 50:37

ᕿᒻᒥᕐᔪᐊᑦ ᕿᒧᒃᓯᐅᑎᓪᓗ ᑐᖁᑕᐅᔪᒫᕐᐳᑦ, ᐅᓇᑕᕐᑎᑖᖑᓂᑯᐃᑦ ᓄᓇᖃᕐᑐᑐᖃᐅᖏᑦᑐᑦ ᑐᖁᑕᐅᖃᑕᐅᔪᒫᕐᐳᑦ, ᐊᕐᓇᕐᑎᑑᓕᕈᒫᕐᐳᑦ! ᐊᔪᕐᓴᖏᑦᔪᑎᖏᑦ ᓇᒡᕚᕐᑕᒐᐅᔪᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 51:36

ᑍᒤᒻᒪᑦ, ᐃᒫᒃ ᐊᑕᓂᖅ ᐅᖃᕐᐳᖅ, “ᑕᑯᒋᑦ, ᓴᐳᑎᓂᐊᕐᐸᑦᓯ ᓯᕐᓈᕐᓗᖓ ᐊᑭᒋᐊᕈᑎᓂᐊᕐᐸᑦᓯ; ᑕᕆᐅᖁᑎᖏᑦ ᐃᒤᕈᑎᑎᓐᓂᐊᕐᐸᒃᑲ, ᓄᓇᒥᓪᓗ ᑰᒃᑐᖁᑎᖏᑦ ᓴᓗᐊᕐᑎᓪᓗᒋᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:18

ᐊᑭᕋᑦᑎᓐᓄᑦ ᓇᒧᓐᖓᕐᓂᕗᑦ ᖃᐅᔨᒪᔭᐅᓇᓱᐊᖏᓐᓇᓕᓚᐅᕐᐳᑦ, ᐊᖅᑯᑎᑎᒍᑦ ᐱᓱᑲᑕᒍᓐᓁᓪᓕᓚᐅᕐᐳᒍᑦ ᐊᒡᓛᑦ, ᐅᓪᓗᐃᑦ ᓈᓴᕐᑕᐅᓯᒪᓚᐅᕐᐳᑦ ᐃᓱᓕᕝᕕᒃᓴᕗᑦ, ᐃᓱᓕᕝᕕᒃᓴᕗᑦ ᓇᓪᓕᐅᑎᖕᒪᑦ.

ᑖᓂᐊᓕᐅᑉ ᐊᒡᓚᖏᑦ 5:26

ᐃᒫᒃ ᐅᖃᐅᓯᖏᑦ ᑐᑭᖃᕐᐳᑦ, ᒥᓂ: ᒎᑎᐅᑉ ᐅᓪᓗᐃᑦ ᐊᖓᔪᖅᑳᕐᔪᐊᖑᓂᕐᑎᑦ ᓈᓴᕐᓯᒪᕔᑦ ᐃᓱᓕᑎᓯᒪᓪᓗᒋᓪᓗ.

ᐂᒨᓯᐅᑉ ᐊᒡᓚᖏᑦ 8:2

ᐅᖃᐅᑎᕚᖓᓗ, “ᐂᒨᓰ ᓱᓇᒥᒃ ᑕᑯᕖᑦ?” ᑭᐅᕙᕋᓗ, “ᐃᕕᐅᔭᕐᒥᒃ ᐸᐅᕐᖓᓂᒃ ᐱᕈᕇᕐᓯᒪᔪᓂᒃ ᐃᓗᓕᓕᖕᒥᒃ.” ᑕᕝᕙ ᐊᑕᓂᐅᑉ ᐅᖃᐅᑎᕚᖓ, “ᐃᓄᖁᑎᒪ ᐃᓴᕆᐊᓕᒥᐅᑦ ᐃᓱᓕᕝᕕᐊ ᓇᓪᓕᐅᑎᕗᖅ, ᖄᖏᑐᐃᓐᓇᕐᓂᐊᕈᓐᓃᕐᐸᒃᑲ.

ᐲᑦᑐᕉᓯ ᓯᕗᓪᓖᑦ 4:7

ᓱᓇᓕᒫᑦ ᐃᓱᓕᕝᕕᒃᓴᖓᑦ ᖃᒡᓕᕗᖅ; ᑍᒤᒻᒪᑦ ᖃᐅᔨᒪᓇᓱᑦᓯᐊᕆᐊᖃᓕᕐᐳᓯ ᐃᒻᒥᓂᒃ ᐱᓯᒪᑦᓯᐊᕈᓐᓇᕐᑐᒥᒃ ᐃᓅᓯᑲᕐᓗᓯ ᑐᒃᓯᐊᕈᓐᓇᕐᓂᐊᕋᑦᓯ.

ᐲᑦᑐᕉᓯ ᐂᑉᐸᖏᑦ 2:3

ᐱᔪᒪᓗᐊᕐᓂᕐᒥᖕᓄᑦ ᑖᒃᑯᐊ ᐊᔪᕆᕐᓱᐃᓂᕐᓗᒃᑐᑦ ᑮᓇᐅᔭᓕᐅᕋᓱᑐᐃᓐᓇᕐᓗᑎᒃ ᓇᖕᒥᓂᖅ ᐅᖃᐅᓯᒃᓴᓕᐊᕆᓯᒪᔭᒥᖕᓂᒃ ᓱᓕᖏᑦᑐᓂᒃ ᐅᖃᐅᓯᖃᖃᑦᑕᕈᒫᕐᐳᑦ ᐋᖅᑭᒌᕐᓯᒪᕗᖅ ᐃᖅᑲᕐᑐᐃᔨᒋᔪᒫᕐᑕᖓᑦᑕ ᐅᑕᖅᑭᔪᑎᓕᕐᐰᑦ, ᑖᒃᑯᓂᖓ ᓄᖒᑦᓯᔪᒃᓴᖅ ᓯᓂᖕᓂᐊᓐᖏᓚᖅ ᐅᑕᖅᑭᓗᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:1

ᐂᖏᓖᓪᓗ 7 ᖃᓪᓗᑎᓂᒃ 7ᓂᒃ ᐱᓯᒪᓚᐅᕐᑐᑦ ᐃᓚᖓᑦᑕ ᕾᓪᓗᓂ ᐅᖃᐅᑎᕚᖓ, “ᕾᒋᑦ, ᑕᑯᑎᓐᓂᐊᕋᒃᑭᑦ ᐊᖑᓐᓂᐊᕐᑎᕐᔪᐊᑉ ᐃᖅᑲᕐᑐᕐᑕᐅᓂᖓᓂᒃ ᑖᓐᓇ ᐃᓂᖃᕐᑐᖅ ᐃᒪᕐᔪᐃᑦ ᖃᓂᒋᔮᓂ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:15

ᐂᖏᓕᐅᓪᓗ ᐅᖃᐅᑎᕚᖓ, “ᐃᒪᕐᔪᐊᑦ ᑕᑯᓯᒪᔭᑎᑦ, ᐊᕐᓇᐅᑉ ᐊᖑᓐᓂᐊᕐᑎᐅᑉ ᐃᒃᓯᕚᕐᕕᒋᔭᖏᑦ, ᐃᓅᕗᑦ ᐃᓄᒐᓴᒡᔪᐊᖑᓪᓗᑎᒡᓗ ᐃᓅᖃᑎᒌᒡᔪᐊᖑᕗᑦ ᐅᖃᐅᓯᖃᖃᑎᒌᖏᑦᑐᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:19

ᓂᐊᖁᑎᒡᓗ ᓴᓂᕐᒥᒃ ᑲᑕᒑᕕᒋᓪᓗᒋᑦ, ᕿᐊᕗᑦ ᐅᒡᒍᐊᕐᓗᑎᒡᓗ, ᐅᖃᕐᐳᑦ, “ᑲᑉᐱᐊᓐᓇᒦᒃ, ᑲᑉᐱᐊᓐᓇᒦᒃ, ᐃᒡᓗᒐᓴᒡᔪᐊᑦ ᐊᔪᖏᑦᑐᕐᔪᐊᑦ ᐊᔪᕐᓴᕈᓐᓃᕐᕕᐅᓯᒪᕗᑦ ᐅᒥᐊᕐᑐᕐᑎᓄᑦ! ᐃᑲᕐᕋᒥᒃ ᐊᑕᐅᓯᕐᒥᒃ ᓄᖑᑉᐳᖅ.