ᔨᕆᒤᐊᐅᑉ ᐊᒡᓚᖏᑦ 51:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᐹᐱᓘᓂᒥᐅᑦ ᐊᑭᕋᕐᑐᕐᕕᒋᓕᕐᓯᒋᒃ ᓇᓗᓁᒃᑯᓯᔭᕐᓗᓯᓗ, ᖃᐅᔨᓴᕐᑎᐅᔪᑦ ᐱᔪᓐᓇᕐᓯᑎᒋᐊᒃᑲᓐᓂᕐᓯᐅᒃ, ᐅᓐᓄᐊᕐᓯᐅᕐᑏᓪᓗ ᐅᐸᓗᐃᓗᒋᑦ ᐱᒋᐊᕐᓂᕆᓂᐊᕐᑕᑦᓯᓐᓂᒃ ᐋᖅᑭᒃᓱᐃᓕᕆᑦᓯ ᐊᑕᓂᐅᑉ ᐋᖅᑭᒃᓯᒪᔭᓂ ᑲᔪᓯᑎᓐᓂᐊᕐᒪᒍ ᐹᐱᓘᓂᒥᐅᓄᑦ ᐅᖃᕐᓯᒪᔭᓂ.

ᔨᕆᒤᐊᐅᑉ ᐊᒡᓚᖏᑦ 51:12 Iomraidhean Croise

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:30

ᓯᓚᑐᓂᖅ, ᐃᓕᓯᒪᓂᕐᓗ, ᐃᓱᒪᒃᓴᕐᓯᐅᕈᓐᓇᕐᓂᕐᓘᓐᓃᑦ, ᓵᓚᖃᓕᕈᓐᓇᓐᖏᓚᑦ ᐊᑕᓂᕐᒥᒃ.

ᐂᓮᐊᓯᐅᑉ ᐊᒡᓚᖏᑦ 11:12

ᐃᓅᖃᑎᒌᒡᔪᐊᓄᓪᓗ ᓇᓗᓁᒃᑯᑕᕐᒥᒃ ᓴᖅᑭᑎᑦᓯᔪᒫᕐᐳᖅ, ᓇᕐᕈᒋᔭᐅᔪᓪᓗ ᐃᓴᕆᐊᓕᒥᐅᓂᑦ ᑲᑎᑎᑦᓱᒫᕐᐰᑦ, ᓇᒧᑐᐃᓐᓇᕐᓗ ᓯᐊᒻᒪᒃᓯᒪᔪᑦ ᔫᑕᐅᑉ ᑭᖑᕚᖏᑦ ᑲᑎᕐᓱᕈᒫᕐᐰᑦ ᓄᓇᕐᔪᐊᑉ ᓯᑕᒪᐅᓕᖅᑲᖓᓂᖓᓂᑦ ᐱᓯᒪᔪᑦ.

ᐂᓮᐊᓯᐅᑉ ᐊᒡᓚᖏᑦ 13:2

“ᖃᖅᑲᐅᑉ ᐳᕐᑐᔫᑉ ᐱᕈᕐᑐᖃᖏᑦᑑᑉ ᖄᖓᓂ ᓇᓗᓁᒃᑯᑦᓯᓕᕆᑦᓯ, ᓂᐱᖅᑯᕐᑐᓗᓯ ᓂᓪᓕᐊᕕᒋᓕᕐᓯᐅᒃ; ᑕᓕᑦᓯᓐᓄᓪᓗ ᓄᓗᕋᕐᓗᒋᑦ, ᐃᑎᕈᓐᓇᖁᓪᓗᒋᑦ ᐊᖓᔪᖅᑳᑦ ᐃᑎᕐᑕᕐᕕᖓᒍᑦ.

ᔨᕆᒤᐊᐅᑉ ᐊᒡᓚᖏᑦ 23:20

ᐊᑕᓂᐅᑉ ᓂᓐᖓᐅᒪᓂᖓ ᓴᖑᓂᐊᕈᓐᓃᕐᐳᖅ ᐱᔪᒪᔭᖓ ᐊᑑᑎᓚᐅᖏᓐᓂᖓᓂ, ᐅᓪᓗᐃᑦ ᑭᖑᓪᓕᖏᓐᓂ ᑐᑭᓯᑦᓯᐊᕈᒫᕐᐸᓯ ᑕᒪᓐᓇ.

ᔨᕆᒤᐊᐅᑉ ᐊᒡᓚᖏᑦ 4:28

ᓄᓇᕐᔪᐊᖅ ᕿᒃᓵᖕᓂᐊᕐᐳᖅ, ᕿᓚᒡᓗ ᑖᕐᓯᓗᓂ, ᐊᑕᓂᐅᔪᖓ ᐅᖃᕋᒪ ᐅᒡᒍᐊᕈᑎᒋᑦᔮᓐᖏᓚᕋᓗ, ᐃᓱᒪᒋᔭᕋ ᓴᖑᑎᓐᓂᐊᕐᓇᒍ.”

ᔨᕆᒤᐊᐅᑉ ᐊᒡᓚᖏᑦ 50:2

“ᐃᓅᖃᑎᒌᒡᔪᐊᓂ ᐅᖃᐅᑎᒋᓯᐅᒃ ᑐᓴᕐᑕᐅᑎᓪᓗᒍᓗ, ᓇᓗᓁᒃᑯᑕᖃᕐᓗᓯ ᐅᖃᐅᓯᕆᓯᐅᒃ, ᑐᓴᕐᑕᐅᔭᕆᐊᓖᑦ ᐅᖃᐅᑎᒋᔧᓐᓇᕆᓯᐅᒃ ᐅᖃᕐᓗᓯᓗ, ᐹᐱᓘᓂᒥᐅᑦ ᓵᓚᐅᓗᑎᒃ ᑎᒍᔭᐅᓂᐊᕐᐳᑦ, ᒎᑎᖓᑦ ᐱᐊᓪ ᑲᓐᖑᓱᒃᑎᑕᐅᓂᐊᕐᐳᖅ, ᒎᑎᖓᓪᓗ ᒥᕈᑖᒃ ᑲᑉᐱᐊᓱᒃᑎᑕᐅᓂᐊᕐᐳᖅ, ᐊᑦᔨᖏᓪᓗ ᓴᓇᔭᐅᓯᒪᔪᑦ ᑲᓐᖑᓇᕐᑐᒥᒃ ᐊᑐᕐᓂᐊᕐᐳᑦ, ᒎᑎᒋᔭᓕᒫᖏᑦ ᑲᑉᐱᐊᓇᕐᑐᒦᑎᑕᐅᓂᐊᕐᐳᑦ!

ᔨᕆᒤᐊᐅᑉ ᐊᒡᓚᖏᑦ 50:25

ᐊᑕᓂᐅᑉ ᐅᓇᑕᐅᑎᓂ ᓴᖅᑭᑎᒻᒪᒋᑦ, ᓂᓐᖓᕕᒃᔪᐊᕐᓂᕐᒥᓄᓪᓗ ᓱᒋᐅᑎᓂ ᐊᑐᐃᓐᓇᕈᕐᐰᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐱᓇᓱᐊᒐᒃᓴᖃᓕᕐᒪᑦ ᑲᐅᓪᑎᐊᒥᐅᑦ ᓄᓇᖁᑎᖓᓐᓂ.

ᔨᕆᒤᐊᐅᑉ ᐊᒡᓚᖏᑦ 51:11

“ᖃᕐᔪᓯ ᑮᓐᓇᒃᓴᓕᕐᓯᒋᒃ ᓴᐴᓗᑕᓯᓗ ᑎᒍᓗᒋᑦ! ᐊᑕᓂᐅᑉ ᒥᑏᔅᑯᑦ ᐊᖓᔪᖅᑳᕐᔪᐊᖏᑦ ᐊᐅᓚᑦᔭᒃᑎᒻᒪᒋᑦ ᐹᐱᓘᓂᒥᐅᓂᒃ ᐊᓯᕈᐃᔪᒪᓪᓗᓂ ᐃᓱᒪᒋᔭᖃᕐᒪᑦ, ᐊᑕᓂᖅ ᐊᑭᓂᐊᕈᒫᕐᒪᑦ ᑐᒃᓯᐊᕐᕕᒃᔪᐊᖁᑎᓂ ᐱᑦᔪᑎᒋᓗᓂᐅᒃ.

ᔨᕆᒤᐊᐅᑉ ᐊᒡᓚᖏᑦ 51:27

“ᓄᓇᓕᖕᓂ ᓇᓗᓁᒃᑯᑕᕐᒥᒃ ᓴᖅᑭᑦᑎᓕᕆᑦᓯ, ᖁᖁᐊᕈᑦ ᓂᓪᓕᕐᑎᓕᕐᓯᐅᒃ ᐃᓅᖃᑎᒌᒡᔪᐊᓪᓗ ᐊᑐᐃᓐᓇᕈᕐᑎᓕᕐᓯᐅᒃ ᐅᓇᑕᕆᐊᖁᓪᓗᒋᑦ, ᕾᖁᔨᓕᕆᑦᓯ ᐊᖓᔪᖅᑲᐅᕕᖕᓂᒃ ᐅᑯᓂᖓ; ᐊᕋᕌᑦᒥᐅᓂᒃ, ᒥᓐᓂᒥᐅᓂᒃ, ᐊᔅᑭᓇᔅᒥᐅᓂᒡᓗ, ᑖᒃᑯᐊ ᐊᐅᓚᑦᓯᔨᒋᓂᐊᕐᑕᖏᓐᓂᒃ ᓇᓗᓁᕐᓯᓗᓯ ᕿᒻᒥᕐᔪᐊᒦᑦᑐᓂᒃ ᑎᓕᓯᓕᕆᑦᓯ ᐱᒡᓕᕐᑕᐅᔮᕐᑐᑎᑐᑦ ᐅᓄᕐᑎᒋᔪᓂᒃ.

ᔨᕆᒤᐊᐅᑉ ᐊᒡᓚᖏᑦ 51:29

ᓄᓇ ᓴᔪᒃᐱᓗᒃᐳᖅ ᐋᓐᓂᕇᓯᕐᑐᑎᑐᑦ, ᐊᑕᓂᐅᑉ ᐹᐱᓘᓂᒥᐅᓄᑦ ᐊᑭᓂᐊᕐᓂᕆᔪᒪᔭᖓ ᓇᓪᓕᐅᑎᖕᒪᑦ, ᐹᐱᓘᓂᒥᐅᑦ ᓄᓇᖓᑦ ᓱᓁᕈᑦᔭᐅᖕᒪᑦ ᓄᓇᖃᕐᕕᐅᔪᓐᓇᕈᓐᓃᕐᐳᖅ ᑭᓇᒃᑯᑐᐃᓐᓇᕐᓄᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:17

ᐊᑕᓂᐅᑉ ᐊᓯᕈᐃᓂᐊᕐᓂᕋᕐᓯᒪᓂᓂ ᐊᑑᑎᑎᓕᑍᓐᓇᕐᐹ, ᐊᓯᕈᕐᑕᐅᑎᒻᒪᒍ ᓂᑲᒍᓱᖕᓂᖃᖏᑦᑐᒥᒃ, ᑍᒤᒍᒪᓂᐊᕐᓂᕋᕐᓯᒪᓂᓂ ᒪᓕᒡᓗᒍ ᐊᑭᕋᕗᑦ ᓵᓚᖃᕐᑎᒻᒪᒋᑦ ᑲᑕᒃᓯᒪᓂᑦᑎᓐᓂᒡᓗ ᖁᕕᐊᓲᑎᖃᕐᑎᑉᐰᑦ.

ᔪᐃᓕᐅᑉ ᐊᒡᓚᖏᑦ 3:2

ᐃᓅᖃᑎᒌᒡᔪᐊᑦ ᐊᓯᖏᑦ ᑲᑎᑎᑦᓱᒫᕐᐸᒃᑲ, ᔨᕼᐆᓴᐸᐅᓪᓗ ᓇᕐᓴᖓᓄᐊᕈᑎᔪᒫᕐᐸᒃᑲ, ᑍᑲᓂᓗ ᐃᖅᑲᕐᑐᕈᒫᕐᐸᒃᑲ, ᐃᓄᖁᑎᒃᑲ ᐃᓴᕆᐊᓕᐅᑉ ᑭᖑᕚᖏᑦ ᐱᓪᓗᒋᑦ, ᑖᒃᑯᐊ ᐃᓄᖁᑎᓐᓂᒃ ᓯᐊᒻᒪᕐᑎᑦᓯᓚᐅᕐᑐᑦ ᐃᓅᖃᑎᒌᒡᔪᐊᓄᑦ; ᓄᓇᖁᑎᓐᓂᒡᓗ ᐊᕕᒃᑐᐃᓚᐅᕐᒪᑕ.

ᓇᕼᐅᒥᐅᑉ ᐊᒡᓚᖏᑦ 2:1

ᓯᖁᑦᑎᕆᔨ ᐃᓕᑦᓯᓐᓄᑦ ᒪᔪᕋᓕᕐᐳᖅ. ᐊᕙᓗᕐᔪᐊᓯ ᖃᐅᔨᓴᕐᑎᖃᓕᕐᓕᑦ; ᐊᖅᑯᑏᑦ ᐅᑦᔨᕐᑐᓕᕐᓯᒋᒃ; ᐅᓇᑕᕐᓂᕐᒧᑦ ᐊᑐᐃᓐᓇᕈᓕᕆᑦᓯ; ᓴᓐᖏᒃᑎᓴᓕᕆᑦᓯ ᓄᑭᖃᑦᓯᐊᖁᓪᓗᓯ.

ᔮᓱᐊᑉ ᐊᒡᓚᖏᑦ 8:14

ᐂᑉ ᐊᖓᔪᖅᑳᕐᔪᐊᖓ ᔮᓱᐊᑉ ᐃᓄᖁᑎᖏᓐᓂᒃ ᑕᑯᒐᒥ ᐅᐃᒻᒪᒃᓗᓂ ᐱᒋᐊᓚᐅᕐᐳᖅ, ᐊᖑᑎᓕᒫᑦ ᐃᓚᒋᓪᓗᒋᑦ ᐊᓂᕗᑦ ᔪᐊᕐᑕᓂᐅᑉ ᓇᑎᕐᓇᖓᑕ ᓇᓛᓄᑦ ᐅᓇᑕᕆᐊᕐᓗᑎᒃ ᐃᓴᕆᐊᓕᒥᐅᓂᒃ ᑕᕝᕗᖓᑦᓮᓐᓇᖅ ᐅᓇᑕᕐᕕᒋᓚᐅᕐᑕᒥᖕᓄᑦ; ᖃᐅᔨᒪᓚᐅᓐᖏᓚᕐᓕ ᐃᒡᓗᒐᓴᖏᑕ ᑐᓄᐊᓂᑦ ᐱᒋᐊᕐᑕᐅᓕᒑᓂᕐᒥᖕᓂᒃ.