ᔨᕆᒤᐊᐅᑉ ᐊᒡᓚᖏᑦ 50:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᑕᑯᒋᑦ, ᑲᐅᓪᑎᐊᒥᐅᑦ ᐊᑭᕋᕐᑐᕐᑎᒃᓴᖏᓐᓂᒃ ᐸᕐᓁᕐᓂᐊᕋᒪ, ᐅᓐᓄᐊᓪᓗᐊᑉ ᓇᓛᓂᑦ ᐃᓅᖃᑎᒌᒡᔪᐊᓂᒃ ᑕᐱᕇᓕᕐᑎᑦᓯᔪᒫᕋᒪ, ᐸᕐᓇᖕᓂᐊᕐᐳᓪᓗ ᐹᐱᓘᓂᒥᐅᓂᒃ ᐅᓇᑕᕐᕕᖃᕈᒪᓗᑎᒃ, ᐅᓐᓄᐊᓪᓗᐊᒥᓐᖔᕐᑐᓄᑦ ᑎᒍᔭᐅᔪᒫᕐᐳᑦ ᐱᑎᒃᓯᖏᑕ ᖃᕐᔪᖏᑦ ᐅᓇᑕᕆᐅᕐᓴᓯᒪᔪᑎᑐᑦ ᑕᒪᐅᖕᒊᓐᓈᕐᑐᖃᕐᓂᐊᓐᖏᓚᑦ.

ᔨᕆᒤᐊᐅᑉ ᐊᒡᓚᖏᑦ 50:9 Iomraidhean Croise

ᓴᒧᐃᓕ ᐂᑉᐸᖏᑦ 1:22

ᔫᓇᑕᓂᐅᑉ ᖃᕐᔪᖏᑦ ᑐᖁᓐᓇᕐᑑᓚᐅᕐᐳᑦ, ᓴᐅᓕᐅᑉ ᓴᕕᒡᔪᐊᖓ ᓈᒃᑭᒍᓱᖕᓂᖃᓚᐅᓐᖏᓚᖅ, ᐱᓯᑎᐊᓘᒐᓗᐊᑦ ᔫᓇᑕᓂᐅᑉ ᖃᕐᔪᖏᑕ ᐅᕐᕈᑎᓚᐅᕐᐰᑦ, ᓴᐅᓕᐅᓪᓗ ᓴᕕᒡᔪᐊᖓ ᐊᑭᕋᒥᓂᒃ ᑐᖁᑦᓯᓚᐅᕐᐳᖅ.

ᓲᓗᒨᓂᐅᑉ ᐃᓐᖏᕈᓯᖏᑦ 3:8

ᑕᒪᕐᒥᒃ ᓴᕕᒃᔪᐊᖃᕐᐳᑦ, ᐅᓇᑕᕐᓂᕐᒥᒡᓗ ᖃᐅᔨᒪᑦᓯᐊᕐᓗᑎᒃ, ᑕᒪᕐᒥᒃ ᓴᓂᕋᖏᑎᒍᑦ ᓴᕕᒡᔪᐊᒥᒃ ᓂᕕᖓᔪᖃᕐᐳᑦ, ᐅᓐᓄᐊᑉ ᐃᓕᒪᓇᕐᓂᖓ ᐱᑦᔪᑎᒋᓪᓗᒍ.

ᐂᓮᐊᓯᐅᑉ ᐊᒡᓚᖏᑦ 21:2

ᑕᑯᑎᑕᐅᓚᐅᕐᐳᖓ ᐃᓕᕋᓇᕐᑐᓂᒃ ᐃᒫᒃ ᐅᖃᐅᑎᔭᐅᓪᓗᖓ; ᐱᒋᔭᕕᓂᕐᓂᒃ ᑎᒎᖅᑬᔪᖅ ᑎᒎᖅᑬᓕᕐᐳᖅ, ᑐᖁᕅᔪᕐᓗ ᑐᖁᕅᓕᕐᐳᖅ, ᐃᓛᒻᒥᐅᑦ ᐅᓇᑕᕐᑐᒃᓴᖏᑦ ᐅᓇᑕᕆᐊᓕᕆᑦᓯ, ᒥᑎᐊᒥᐅᓪᓗ ᐅᓇᑕᕐᑐᒃᓴᖏᑦ ᐊᕙᑕᖏᕐᓯᓕᕆᑦᓯ ᐃᒡᓗᒐᓴᒡᔪᐊᓂᒃ; ᐹᐱᓘᓂᒥᐅᑦ ᐃᓄᖕᓂᒃ ᐊᓂᕐᓴᐅᒥᑎᑦᓯᓂᖓᑦ ᐃᓱᓕᑎᑦᓱᒪᓕᕐᐸᕋ.

ᐂᓮᐊᓯᐅᑉ ᐊᒡᓚᖏᑦ 41:25

ᐊᖑᒻᒥᒃ ᓂᕈᐊᓚᐅᕐᐳᖓ ᓯᕿᓂᐅᑉ ᓄᐃᕕᐊᑕ ᓇᓛᓂ ᓄᓇᖃᕐᑐᒥᒃ, ᑖᓐᓇ ᐅᓐᓄᐊᓪᓗᐊᑉ ᓇᓛᓂᑦ ᑎᑭᑦᓱᒫᕐᐳᖅ ᑖᑦᓱᒪ ᐊᑎᕋ ᓂᓪᓕᐊᕕᒋᔪᒫᕐᐹ; ᐅᓇᑕᕆᐊᕈᒫᕐᐳᕐᓗ ᐊᐅᓚᑦᓯᔨᐅᔪᓂᒃ ᑐᓪᓕᕋᕐᑐᑎᑐᑦ ᓱᓇᐅᑎᑦᓯᔪᒫᓐᖏᓚᖅ ᒪᕐᕋᕐᑎᑐᑦ, ᒪᕐᕋᓕᐅᕐᑎ ᑍᒫᒃ ᓯᖃᓪᓕᓯᕙᖕᒪᑦ ᒪᕐᕋᕐᒥᒃ ᑐᓪᓕᕋᕐᓗᒍ.

ᔨᕆᒤᐊᐅᑉ ᐊᒡᓚᖏᑦ 15:14

ᓯᐊᓛᕆᔭᐅᓕᕈᒫᕐᐳᓯ ᐊᑭᕋᑦᓯᓐᓄᑦ ᓄᓇᒋᓚᐅᕐᓯᒪᓐᖏᑕᑦᓯᓐᓂ, ᓂᓐᖓᐅᓯᕋ ᐃᑯᐊᓛᕐᑐᑎᑐᑦ ᐃᑯᐊᓚᔪᒫᕐᒪᑦ ᐃᓱᖃᖏᑦᑐᒧᑦ.

ᔨᕆᒤᐊᐅᑉ ᐊᒡᓚᖏᑦ 25:14

ᑖᒃᑯᐊᑦᑕᐅᖅ ᐃᓅᖃᑎᒌᒡᔪᐊᓄᑦ ᐊᖓᔪᖅᑳᕐᔪᐊᓄᓪᓗ ᐱᔪᓐᓇᕐᑐᕐᔪᐊᓄᑦ ᑎᒍᔭᐅᔪᒫᕐᒥᖕᒪᑕ. ᐱᓂᐊᕐᓂᖏᑦ ᓴᓇᔭᖏᓪᓗ ᒪᓕᒡᓗᒋᑦ ᐊᑭᓂᐊᕐᕕᒋᔪᒫᕋᒃᑭᑦ.’”

ᔨᕆᒤᐊᐅᑉ ᐊᒡᓚᖏᑦ 25:26

ᐅᓐᓄᐊᓪᓗᐊᓪᓗ ᓇᓛᓂᑦᑐᑦ ᐊᖓᔪᖅᑳᕐᔪᐊᓕᒫᖏᑦ, ᖃᓂᑦᑐᒦᑦᑐᑦ ᐅᖓᓯᒃᑐᒦᑦᑐᓪᓗ. ᓄᓇᕐᔪᐊᕐᒥᐅᓕᒫᑦ ᐊᖓᔪᖅᑲᐅᕕᒃᔪᐊᖏᑦ ᑖᒃᑯᐊᓕᒫᑦ, ᓯᓵᒃᒥᐅᑦ ᐊᖓᔪᖅᑳᕐᔪᐊᖓᑦ ᐃᓚᒋᔭᐅᓗᓂ ᑖᑦᓱᒥᖓ ᐃᒥᕐᑐᒃᓴᐅᕗᑦ.

ᔨᕆᒤᐊᐅᑉ ᐊᒡᓚᖏᑦ 50:14

“ᐹᐱᓘᓂᒥᐅᑦ ᐊᕙᑕᖏᕐᓗᒋᑦ ᐱᑎᒃᓵᓕᕐᓯᒋᒃ ᖃᕐᔪᓯ ᐊᒥᐊᒃᑯᑦᑍᓕᓗᒋᑦ ᐊᑕᓂᕐᒧᑦ ᐊᔪᕐᑐᓕᓚᐅᕐᒪᑕ.

ᔨᕆᒤᐊᐅᑉ ᐊᒡᓚᖏᑦ 50:21

“ᐅᓇᑕᕆᐊᕐᑕᐅᓕᑦ ᒥᕋᓮᒥᐅᑦ ᓄᓇᓕᖏᑦ, ᐱᑳᑦᒥᐅᓪᓗ ᒪᓕᒡᓗᒋᑦ ᑐᖁᕋᕐᑕᐅᓗᑎᒃ ᓄᖑᑕᐅᓕᑦ. ᐊᑕᓂᖅ ᐅᖃᕐᐳᖅ, ᑎᓕᓯᑦᔪᑎᓕᒫᒃᑲ ᐱᓂᐊᕈᑎᒋᓯᒋᒃ.

ᔨᕆᒤᐊᐅᑉ ᐊᒡᓚᖏᑦ 50:26

ᐅᖓᓯᒃᑐᓂᑦ ᐅᐸᒡᓗᒍ, ᐸᐅᕐᖓᒃᓴᒃᑯᕕᖏᑦ ᒪᑐᐃᕐᓯᐅᒃ, ᓂᐊᖂᔭᒃᓴᑎᑐᓪᓗ ᐹᐱᓘᓂᒥᐅᑦ ᐱᖑᐊᕐᔪᓕᐅᕐᓯᒪᑎᓯᐅᒃ, ᐊᒥᐊᒃᑯᖃᖏᓪᓗᒋᑦ ᓄᖑᑕᐅᓕᑦ.

ᔨᕆᒤᐊᐅᑉ ᐊᒡᓚᖏᑦ 50:29

“ᐱᑎᒃᓵᕐᑏᑦ ᐹᐱᓘᓂᒧᑦ ᐱᑎᒃᓵᕆᐊᕐᑐᖁᔭᐅᓕᑦ, ᐊᕙᑕᖏᕐᑕᐅᓯᒪᓗᑎᒃ ᓯᓂᒃᑕᕆᐊᕐᕕᐅᓕᑦ, ᐊᑕᐅᓯᕐᒥᒡᓘᓐᓃᑦ ᐊᓐᓇᒃᑐᖃᕐᑍᓕᓕ, ᐊᑭᓂᐊᕐᕕᐅᓕᑦ ᐱᓂᐊᕐᓂᕆᖃᑦᑕᓚᐅᕐᑕᖏᑦ ᒪᓕᒡᓗᒋᑦ, ᐊᑕᓂᖅ ᐊᑭᕋᕐᑐᓚᐅᕐᒪᑦᔪᒃ ᐃᓴᕆᐊᓕᒥᐅᑦ ᐃᑦᔪᕐᓁᓐᓂᕐᐹᖁᑎᖓᑦ.

ᔨᕆᒤᐊᐅᑉ ᐊᒡᓚᖏᑦ 50:3

“ᐅᓐᓄᐊᓪᓗᐊᑉ ᓇᓛᓂᑦ ᑎᑭᑦᑐᓄᑦ ᐃᓅᖃᑎᒌᒡᔪᐊᓄᑦ ᐅᓇᑕᕐᑕᐅᔪᒫᕐᐳᑦ, ᓄᓇᖓᓗ ᓱᓁᕈᑦᔭᐅᓗᓂ ᓄᓇᒋᔭᐅᔪᓐᓃᕐᑎᑕᐅᔪᒫᕐᐳᖅ ᐃᓄᖕᓄᑦ, ᐆᒪᔪᓪᓗ ᐃᓄᖏᓪᓗ ᑕᒪᕐᒥᒃ ᕿᒫᔪᒫᕐᐳᑦ.”

ᔨᕆᒤᐊᐅᑉ ᐊᒡᓚᖏᑦ 51:11

“ᖃᕐᔪᓯ ᑮᓐᓇᒃᓴᓕᕐᓯᒋᒃ ᓴᐴᓗᑕᓯᓗ ᑎᒍᓗᒋᑦ! ᐊᑕᓂᐅᑉ ᒥᑏᔅᑯᑦ ᐊᖓᔪᖅᑳᕐᔪᐊᖏᑦ ᐊᐅᓚᑦᔭᒃᑎᒻᒪᒋᑦ ᐹᐱᓘᓂᒥᐅᓂᒃ ᐊᓯᕈᐃᔪᒪᓪᓗᓂ ᐃᓱᒪᒋᔭᖃᕐᒪᑦ, ᐊᑕᓂᖅ ᐊᑭᓂᐊᕈᒫᕐᒪᑦ ᑐᒃᓯᐊᕐᕕᒃᔪᐊᖁᑎᓂ ᐱᑦᔪᑎᒋᓗᓂᐅᒃ.