ᔨᕆᒤᐊᐅᑉ ᐊᒡᓚᖏᑦ 50:36 - ᐊᒡᓔᑦ ᐃᑦᔪᕐᖕᓁᑦᑐᑦ

³⁶ ᐅᖃᕐᑎᖁᑎᖏᑦ ᓴᒡᓗᑐᔪᑦ ᑐᖁᑕᐅᔪᒫᕐᐳᑦ, ᓯᓔᓐᓂᖏᑦ ᓇᓗᓇᕈᓐᓃᕈᒫᕐᒪᑕ ᐅᓇᑕᕐᑎᖁᑎᖏᑦ ᑐᖁᕋᕐᑕᐅᔪᒫᕐᒪᑕ ᑲᑉᐱᐊᓱᖕᓂᕐᔪᐊᖃᕈᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 50:36 Iomraidhean Croise

ᓴᒧᐃᓕ ᐂᑉᐸᖏᑦ 15:31

ᑍᕕᑎ ᐅᖃᐅᑦᔭᐅᒐᒥ ᐊᕼᐃᑐᐱᐅᓪ ᐃᓚᓕᐅᑎᓂᖓᓂᒃ ᐋᑉᓴᓚᐅᑉ ᐊᑭᕋᕐᑐᓕᕐᓂᖓᓄᑦ, ᑐᒃᓯᐊᓚᐅᕐᐳᖅ, “ᐊᑕᓃᖅ, ᐃᓕᖕᓄᑦ ᑐᒃᓯᐊᕐᐳᖓ, ᐊᕼᐃᑐᐱᐅᑉ ᐃᓱᒪᓕᐅᕆᓂᖓ ᑐᑭᖃᕈᓐᓃᕐᑎᓚᐅᕈᒃ!”

ᓴᒧᐃᓕ ᐂᑉᐸᖏᑦ 17:14

ᐋᑉᓴᓚᒻ ᐃᓴᕆᐊᓕᒥᐅᓕᒫᓪᓗ ᐅᖃᕐᐳᑦ, “ᕼᐅᓮᑉ ᐊᑬᑎᒥᐅᑕᐅᑉ ᐃᓱᒻᒥᕐᑐᐃᑦᔪᑎᒋᔭᖓ ᐱᐅᓂᕐᓴᐅᕗᖅ ᐊᕼᐃᑐᐱᐅᑉ ᐃᓱᒻᒥᕐᓱᐃᑦᔪᑎᖏᓐᓂᑦ.” ᐊᑕᓂᖅ ᐱᒋᐊᕐᑎᑦᓯᓚᐅᕐᒪᑦ ᐊᕼᐃᑐᐱᓕᐅᑉ ᐃᓱᒻᒥᕐᑐᐃᒍᑎᒋᔭᖓ ᐱᐅᔪᐊᓗᒃ ᒪᓕᒃᑕᐅᖁᓇᒍ, ᑲᑕᖕᓇᕐᑐᒧᑦ ᑎᑭᑎᑦᓯᔪᓐᓇᖁᓪᓗᒍ ᐋᑉᓴᓚᒻᒧᑦ.

ᑯᕉᓂᑲ ᐂᑉᐸᖏᑦ 25:16

ᓱᓕ ᐅᖃᓪᓚᒃᑎᓪᓗᒍ ᐊᖓᔪᖅᑳᕐᔪᐊᑉ ᐅᖃᐅᑎᕚ, “ᐊᖓᔪᖅᑳᕐᔪᐊᒨᑦ ᐅᖃᐅᑦᔨᒋᐊᕐᑎᓐᖑᕐᑎᓚᐅᕐᐱᒌᑦ? ᓄᖅᑲᓕᕆ! ᓱᖕᒪᑦ ᑐᖁᑕᐅᔪᒃᓴᐅᕖᑦ?” ᑕᕝᕙ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ ᓄᖅᑲᕐᐳᖅ, ᐅᖃᕐᓗᓂᓗ, “ᒫᓐᓇ ᖃᐅᔨᕗᖓ ᒎᑎᐅᑉ ᐊᓯᕈᕐᓂᐊᓕᕐᒪᑎᑦ, ᑍᒫᒃ ᐱᓇᓱᐊᕐᓃᑦ ᐱᓪᓗᒍ ᐅᖃᐅᓯᓐᓂᒃ ᓈᓚᓚᐅᖏᓐᓇᕕᑦ.”

ᐂᓮᐊᓯᐅᑉ ᐊᒡᓚᖏᑦ 43:14

ᐃᒫᒃ ᐊᑕᓂᖅ ᐅᖃᕐᐳᖅ, ᓴᐳᑦᔨᔨᓯ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ: “ᐱᑦᔪᑎᒋᓗᓯ ᐹᐱᓘᓂᒧᑦ ᑎᓕᓯᔪᒪᕗᖓ, ᓵᓚᒋᔭᐅᑎᓪᓗᒋᑦ ᕿᒫᑎᑕᐅᖁᓪᓗᒋᑦ, ᑲᐅᓪᑎᐊᒥᐅᑦ ᐅᒥᐊᕐᔪᐊᖁᑎᒥᖕᓂᒃ ᖁᕕᐊᓲᑎᖃᕐᐸᒃᑐᑦ ᐅᒡᒍᐊᕈᑎᖃᓕᖁᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 44:25

ᑭᐊ ᓇᓗᓕᕐᑎᑉᐰᑦ ᓱᓕᓇᑎᒃ ᓇᓚᐅᑦᑍᓇᓱᒃᑐᑦ, ᓯᕗᓂᕐᒥᒡᓗ ᖃᐅᔨᒪᓇᓱᐊᕐᑐᑦ ᓯᓔᑦᑐᓐᖑᕐᑎᓪᓗᒋᑦ; ᑭᐊ ᑎᒥᒃᑯᑦ ᓯᓚᑐᔪᑦ ᐅᑎᒧᑦ ᓵᑎᑉᐰᑦ, ᖃᐅᔨᒪᓂᖏᓪᓗ ᓯᓔᓐᓂᐅᓕᕐᑎᓪᓗᒋᑦ;

ᔨᕆᒤᐊᐅᑉ ᐊᒡᓚᖏᑦ 48:30

ᖃᐅᔨᒪᕙᒃᑲ ᐊᓯᒥᖕᓂᒃ ᓱᓇᐅᒃᓴᖏᓐᓂᖏᑦ, ᑭᓯᐊᓂᓕ ᐊᑐᕐᓇᕐᓂᖃᓐᖏᓚᑦ ᐊᑕᓂᖅ ᐅᖃᕐᐳᖅ, ᐅᓇᖕᒥᓇᖏᓐᓇᓱᖕᓂᖏᓪᓗ ᐊᑑᑎᖃᓐᖏᓚᑦ, ᐱᓂᐊᕐᓂᖏᑦ ᓱᓕᖏᒻᒪᑕ.

ᔨᕆᒤᐊᐅᑉ ᐊᒡᓚᖏᑦ 49:22

ᑕᑯᓕᕆᑦ ᓇᒃᑐᕋᓕᖕᒥᒃ ᐊᐅᕐᓵᕐᑐᒥᒃ ᐃᓴᕈᖏᒃᑕᓗ ᐃᓵᖓᓂᖏᒃ ᐅᓕᒃᓯᕘᒃ ᐳᔾᕋᒥᐅᓂᒃ, ᐅᓪᓗᒥ ᑍᑲᓂ ᐄᑐᒥᒥᐅᑦ ᐅᓇᑕᕐᑎᖁᑎᖏᑦ ᐃᒃᐱᒍᓱᖕᓂᖃᕈᒫᕐᐳᑦ ᐊᕐᓇᐅᑉ ᐃᕐᓂᓱᒃᑑᑉ ᐃᒃᐱᒍᓱᖕᓂᖓᑎᑐᑦ.”

ᔨᕆᒤᐊᐅᑉ ᐊᒡᓚᖏᑦ 50:30

ᑍᒤᒻᒪᑦ ᐃᓅᓱᒃᑐᖁᑎᖏᑦ ᑐᖁᕋᕐᑕᐅᔪᒫᕐᐳᑦ, ᐅᓇᑕᕐᑐᒃᓴᖁᑎᖏᓪᓗ ᑐᖁᑕᐅᓗᑎᒃ ᑕᒪᕐᒥᒃ ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 51:23

ᐊᑐᕐᓗᑎᑦ ᐊᓯᕈᐃᓚᐅᕐᐳᖓ ᓰᐱᓕᕆᔨᓂᒃ ᓰᐱᖁᑎᖏᓐᓂᒡᓗ, ᐊᑐᕐᓗᑎᓪᓗ ᐊᓯᕈᐃᓚᐅᕐᐳᖓ ᐆᒪᔪᓕᕆᔨᓂᒃ ᐆᒪᔪᖁᑎᖏᓐᓂᒡᓗ, ᐊᑐᕐᓗᑎᑦᑕᐅᖅ ᐊᓯᕈᐃᓚᐅᕐᐳᖓ ᐊᐅᓚᑦᓯᔨᓂᒃ ᐊᖓᔪᖅᑳᖑᔪᓂᒡᓗ.”

ᔨᕆᒤᐊᐅᑉ ᐊᒡᓚᖏᑦ 51:30

ᐹᐱᓘᓂᒥᐅᑦ ᐅᓇᑕᕐᑎᖁᑎᖏᑦ ᓴᐱᓕᕐᐳᑦ, ᐱᔭᐅᑦᑍᓕᕕᖕᒥᓃᒃᑲᓗᐊᕐᓗᑎᒃ, ᑕᖃᓂᕐᒧᑦ ᐊᕐᓇᑎᑐᑦ ᑍᒤᓕᕐᒪᑕ, ᐊᖏᕐᕋᖏᑦ ᐃᑯᐊᓪᓚᒃᑕᐅᖕᒪᑕ, ᐃᑎᕐᑕᕐᕕᖏᑕᓗ ᓴᕕᕋᔭᒃᑕᖏᑦ ᓯᖁᑦᑎᕐᑕᐅᖕᒪᑕ.

ᔨᕆᒤᐊᐅᑉ ᐊᒡᓚᖏᑦ 51:32

ᑰᑦ ᐃᑳᕈᑎᖃᕈᓐᓃᕐᑎᑕᐅᕗᑦ, ᐃᒡᓗᐃᑦ ᐱᔭᐅᑦᔧᕐᓯᒪᔪᑦ ᐃᑯᐊᓪᓚᒃᑕᐅᕗᑦ, ᐅᓇᑕᕐᑏᓪᓗ ᐅᐃᒻᒪᒃᑎᑕᐅᕗᑦ.

ᓇᕼᐅᒥᐅᑉ ᐊᒡᓚᖏᑦ 2:8

ᓂᓂᕕ ᑕᓯᓕᐊᖑᓯᒪᔪᑎᑐᑦ ᑍᒤᑉᐳᖅ, ᐃᒪᖓᑕ ᑰᓕᕐᓂᖓᑐᑦ ᕾᒐᓛᕐᑐᑲᕐᐳᖅ. “ᓄᖅᑲᕆᑦᓯ! ᓄᖅᑲᕆᑦᓯ!” ᑭᓯᐊᓂᓕ ᐅᑎᕆᐊᕐᑐᖃᓐᖏᓚᖅ.

ᓇᕼᐅᒥᐅᑉ ᐊᒡᓚᖏᑦ 3:13

ᑕᑯᒋᑦ, ᐅᓇᑕᕐᑐᒃᓴᖁᑎᓯ ᐊᕐᓇᑎᑐᑦ ᑍᒤᑉᐳᑦ ᐊᑯᓐᓇᑦᓯᓐᓂ, ᓄᓇᒋᔭᑦᓯᓗ ᐃᑎᕐᑕᕐᕕᖏᑦ ᐊᑭᕋᑦᓯᓐᓄᑦ ᒪᑐᐃᖓᑦᓯᐊᕐᐳᑦ; ᐃᑎᕐᑕᕐᕕᒃᔪᐊᑦᓯᓗ ᓴᕕᕋᔭᖏᑦ ᐃᑯᒪᒧᑦ ᓄᖑᑕᐅᕗᑦ.

ᓇᕼᐅᒥᐅᑉ ᐊᒡᓚᖏᑦ 3:7

ᐃᓕᖕᓂᒡᓗ ᑕᑯᔪᓕᒫᑦ ᓇᕐᕈᖃᑦᑕᕈᒫᕐᐳᑦ, ᐅᖃᕐᓗᑎᒡᓗ, ‘ᓂᓂᕕ ᓱᓇᐅᔪᓐᓃᑦᓯᐊᕐᐳᖅ, ᑭᐊᓕ ᐅᒡᒍᐊᕆᓗᒍ ᕿᒃᓵᖃᑎᒋᓂᐊᕐᐸᐅ? ᑭᐊᓗ ᓮᒻᒪᕐᓴᕐᓂᐊᕐᐸᐅᒃ?’”

ᑎᒧᑎᒧᑦ ᓯᕗᓪᓖᑦ 4:2

ᑍᒤᑦᑐᑦ ᐊᔪᕆᕐᑐᐃᓃᑦ ᓯᐊᒻᒪᒃᑎᑕᐅᓯᒪᕗᑦ ᓱᓕᓐᖏᑦᑐᑎᒍᑦ ᐅᐃᕕᕆᒃᓯᓪᓗᑎᒃ ᐃᓱᒪᖏᑦ ᐃᒃᐱᖕᓂᐊᓂᖃᕈᓐᓃᕐᐳᑦ ᓴᕕᕋᔭᖕᒧᑦ ᐆᓇᕐᓯᑎᑕᐅᓯᒪᔪᒧᑦ ᐆᑕᕐᑕᐅᓯᒪᔪᑎᑐᑦ.

ᑎᒧᑎᒧᑦ ᓯᕗᓪᓖᑦ 6:4

ᑖᓐᓇ ᐱᐅᔪᕆᓂᖃᓗᐊᕐᓂᕐᒦᑉᐳᖅ ᖃᐅᔨᒪᓇᓂᓗ; ᐂᕙᑦᔪᑎᒃᓴᕐᓯᐅᑐᐃᓐᓇᕐᐳᖅ ᐅᖃᐅᓯᑐᐃᓐᓁᑦ ᐱᓪᓗᒋᑦ, ᑕᒪᓐᓇ ᓴᖅᑭᑎᑦᓯᕗᖅ ᐱᓂᕐᓴᐅᔪᒪᓂᕐᒥᒃ, ᐊᑭᕋᕐᑐᕈᒪᓂᕐᒥᒃ, ᐃᓅᖃᑎᒥᒃ ᓇᕐᕈᓇᕐᓯᑎᑎᓇᓱᖕᓂᕐᒥᒃ, ᐱᐅᓐᖏᓕᕐᑎᑎᓇᓱᖕᓂᕐᒥᒡᓗ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:20

ᐆᒪᔪᐊᓗᒡᓗ ᓵᓚᐅᓪᓗᓂ ᑎᒍᔭᐅᕗᖅ ᐊᑦᓱᖏᕐᑕᐅᓪᓗᓂᓗ, ᓇᓚᐅᑦᑍᓂᕐᓗᒃᑐᓪᓗ ᑎᒍᔭᐅᖃᑕᐅᕗᑦ ᑖᑦᓱᒪ ᓵᖓᓂ ᑲᒪᓇᕐᑐᓕᖃᑦᑕᐅᓚᕐᑐᑦ ᑲᒪᓇᕐᑐᓕᓂᕐᒥᓄᓪᓗ ᑕᒻᒪᕐᑎᑦᓯᓚᐅᕐᑐᑦ ᐆᒪᔪᐊᓘᑉ ᓇᓗᓁᒃᑯᑕᖓᓂᒃ ᓇᓗᓁᒃᑯᓯᕐᓯᒪᔪᓂᒃ ᑐᒃᓯᐊᕐᕕᖃᖃᑦᑕᓚᐅᕐᑐᓪᓗ ᐆᒪᔪᐊᓘᑉ ᐊᑦᔨᖓᓂᒃ ᓴᓇᓯᒪᔪᒥᒃ. ᑖᒃᑯᐊᒡᓗ ᑕᒪᕐᒥᒃ ᐃᒋᑕᐅᕘᒃ ᐆᒪᑎᓪᓗᒋᒃ ᑕᓯᕐᒧᑦ ᐃᑯᒪᕐᔪᐊᕐᒧᑦ ᐃᒃᑭᕆᒃᑐᕐᔪᐊᕐᒥᒃ ᓲᓪᕙᒥᒃ ᐃᑯᒪᔪᒧᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:8

ᓯᕘᕋᓂᕐᒧᓪᓕ ᓯᕗᒧᒍᓐᓃᕐᑐᑦ, ᐅᒃᐱᖏᑦᑐᑦ, ᐃᒃᓯᒎᕐᓂᕐᒧᑦ ᓱᕈᕐᑎᕐᓯᒪᔪᑦ, ᐃᓄᐊᕐᑏᑦ, ᐊᕐᓇᕐᓂᐊᕐᑏᑦ ᐊᖑᓐᓂᐊᕐᑏᓪᓗ, ᐊᖓᒃᑰᓇᓱᐊᕐᑏᑦ, ᒎᑎᐅᓐᖑᐊᓖᑦ, ᓴᒡᓗᑐᔪᓪᓗ, ᑖᒃᑯᐊ ᐃᓂᖃᕈᒫᕐᐳᑦ ᑕᓯᕐᒥ ᐃᑯᒪᕐᔪᐊᕐᒥ ᐃᒃᑭᕆᒃᑐᕐᔪᐊᕐᒧᑦ ᓲᓪᕕᒧᑦ ᐃᑯᒪᔪᒧᑦ, ᑕᒪᓐᓇ ᑕᕝᕙ ᑐᖂᑉ ᐂᑉᐸᖓ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:15

ᐃᒡᓗᒐᓴᒡᔪᐊᓪᓕ ᓯᓚᑖᓃᑉᐳᑦ ᕿᒻᒦᑦ ᐊᖓᒃᑰᓇᓱᐊᕐᑐᓪᓗ ᐊᕐᓇᕐᓂᐊᕐᑏᑦ ᐊᖑᓐᓂᐊᕐᑏᓪᓗ, ᐃᓄᐊᕐᑏᓪᓗ, ᒎᑎᓐᖑᐊᓖᓪᓗ, ᓴᒡᓗᑐᔪᓪᓗ ᐅᖃᐅᓯᕐᒥᒃᑎᒍᑦ ᐱᓂᐊᕐᓂᕐᒥᒃᑎᒍᓪᓗ.