ᔨᕆᒤᐊᐅᑉ ᐊᒡᓚᖏᑦ 50:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᐃᓴᕆᐊᓕᒥᐅᑦ ᓄᓇᖁᑎᖏᓐᓄᑦ ᐅᑎᕐᑎᑦᓱᒫᕐᐸᒃᑲ, ᓂᕆᓇᓱᒡᕕᒃᓴᖃᕈᓐᓇᕐᓯᔪᒫᕐᐳᑦ ᖃᖅᑲᒥ ᑳᕐᒥᐅᓪᒥ ᐹᓴᓂᒥᓗ, ᐊᑭᐊᑦᑐᕐᓗᑎᒃ ᓂᕆᔪᒤᕈᒫᕐᐳᑦ, ᐃᕗᕅᒥ ᒋᓕᐊᑎᒥᓗ.

ᔨᕆᒤᐊᐅᑉ ᐊᒡᓚᖏᑦ 50:19 Iomraidhean Croise

ᐄᓱᕋᐅᑉ ᐊᒡᓚᖏᑦ 2:1

ᐅᓄᕐᑐᑦ ᐊᐅᓪᓚᕈᑦᔭᐅᓯᒪᔪᕕᓃᑦ ᕿᒤᓚᐅᕐᐳᑦ ᐹᐱᓘᓂᒥᒃ ᐅᑎᕐᓗᑎᒡᓗ ᔨᕉᓴᓕᒧᑦ ᔫᑕᒧᓪᓗ, ᐃᓘᓐᓇᑎᒃ ᓄᓇᒥᖕᓄᑦ. ᑖᒃᑯᐊ ᐃᓚᖏᑦ ᐊᐅᓪᓚᕈᑦᔭᐅᓯᒪᓚᐅᕐᒪᑕ ᐹᐱᓘᓂᒧᑦ ᑍᒪᓐᖓᒥᑦ ᐊᖓᔪᖅᑳᕐᔪᐊᑉ ᓂᐱᑯᓁᓴᐅᑉ ᑎᒍᓚᐅᕐᓯᒪᖕᒪᒋᑦ.

ᓲᓗᒨᓂᐅᑉ ᐃᓐᖏᕈᓯᖏᑦ 6:5

ᑕᑯᓐᓇᓐᖏᓚᐅᓐᖓ, ᐃᔨᖕᓄᑦ ᓵᓚᐅᓕᕋᒪ, ᓄᔭᕐᑎᑦ ᒎᑦᓯᑎᑐᑦ ᕿᕐᓂᕐᑕᑎᑐᑦ ᑕᑯᒥᓇᕐᑎᒋᕗᑦ, ᖃᖅᑲᒥᑦ ᒋᓕᐊᑎᒥᑦ ᐊᖅᑲᕐᑎᕐᑐᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 33:9

ᓄᓇ ᕿᒃᓵᓕᕐᐳᖅ ᓴᓐᖐᓕᓪᓗᓂᓗ; ᓕᐸᓇᓂᐅᑉ ᓇᐹᕐᑐᒐᓴᒃᔪᐊᖏᑦ ᓇᓗᓕᕐᓂᕐᒧᑦ ᑐᖁᓕᕗᑦ; ᓵᕋᓂᐅᑉ ᓇᑎᕐᓇᖓ ᓱᓇᖃᔪᐃᑦᑐᑎᑐᑦ ᑍᒤᓕᕐᐳᖅ; ᐹᓴᓂᒥ ᑳᕐᒥᐅᓪᒥᓗ ᓇᐹᕐᑐᐃᑦ ᐅᖃᐅᔭᖏᑦ ᑲᑕᒐᕐᓯᒪᓕᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 35:2

ᐊᒥᒐᖏᑦᑐᓂᒃ ᐱᕈᕐᑐᖃᓕᕈᒫᕐᐳᖅ ᖁᕕᐊᓱᓕᕐᓗᓂᓗ, ᓂᕐᑐᐃᔪᒫᕐᐳᖅ ᖁᕕᐊᓱᖕᓂᕐᒧᑦ ᐃᓐᖏᕐᓗᓂᓗ. ᓕᐸᓇᓂᐅᑉ ᑕᑯᒥᓇᕐᓂᖓᓂᒃ ᑐᓂᓯᕕᐅᔪᒫᕐᐳᖅ, ᑳᕐᒥᐅᓕᐅᓪᓗ ᓵᕋᓂᐅᓪᓗ ᓇᑎᕐᓇᖏᑎᑐᑦ ᑲᑦᔮᕐᓇᕐᑐᒥᒃ, ᐊᑕᓂᐅᑉ ᐱᓐᓇᕐᓇᕐᓂᖓᓂᒃ ᑕᑯᔪᒫᕐᐳᑦ, ᒎᑎᑦᑕ ᐊᖓᔪᖅᑳᕐᔪᐊᑦᓯᐊᖑᓂᖓᓂᒃ.

ᔨᕆᒤᐊᐅᑉ ᐊᒡᓚᖏᑦ 23:3

ᐅᕙᖓ ᐃᓄᖁᑎᒪ ᐊᒥᐊᒃᑯᖏᑦ ᑲᑎᕐᓱᕈᒫᕐᐸᒃᑲ ᓇᒧᑐᐃᓐᓇᖅ ᐊᐅᓪᓚᕐᑎᑦᓯᕕᒋᓯᒪᓚᐅᕐᑕᓐᓂᑦ, ᐅᑎᕐᑎᓪᓗᒋᓪᓗ ᓇᑎᕐᓇᒧᑦ ᓄᓇᒋᔭᖓᓐᓄᑦ, ᕿᑐᕐᖏᐅᖁᓪᓗᒋᑦ ᐅᓄᕐᓯᕙᓪᓕᐊᓗᑎᒡᓗ.

ᔨᕆᒤᐊᐅᑉ ᐊᒡᓚᖏᑦ 3:18

ᑍᒃᑯᓇᓂᓗ ᐅᓪᓗᓂ ᔫᑕᒥᐅᑦ ᐃᓚᓕᐅᑎᔪᒫᕐᐳᑦ ᐃᓴᕆᐊᓕᒥᐅᓄᑦ, ᑖᒃᑯᐊᓗ ᐃᓅᖃᑎᒌᖑᓗᑎᒃ ᐅᓐᓄᐊᓪᓗᐊᑉ ᓇᓛᓂᓐᖓᕐᓗᑎᒃ ᓄᓇᑖᕈᒫᕐᐳᑦ ᓯᕗᓕᑦᓯᓐᓄᑦ ᓄᓇᑖᕆᔭᐅᖁᓚᐅᕐᑕᕋ ᑭᖑᕐᖑᑎᓕᕐᓗᒍ.”

ᔨᕆᒤᐊᐅᑉ ᐊᒡᓚᖏᑦ 30:10

“ᔧᑯᒃᑯᑦ ᐃᓄᖁᑎᒃᑲ, ᓯᕘᕋᓂᐊᕋᓯ ᓴᐱᓕᕐᑍᓕᓗᓯᓗ ᐃᓴᕆᐊᓕᒥᐅᑕᐅᔪᓯ; ᐊᑕᓂᖅ ᐅᖃᕐᐳᖅ, ᑕᑯᒋᑦ, ᐱᐅᓕᓂᐊᕐᐸᑦᓯ ᓄᓇᒥᑦ ᐅᖓᓯᒃᑐᒥᑦ, ᑭᖑᕚᓯᓗ ᐊᐅᓪᓚᕐᑎᑕᐅᓯᒪᕕᒋᔭᖏᓐᓂᑦ, ᔧᑯᒃᑯᑦ ᐃᓕᒪᓱᖏᓪᓗᑎᒃ ᖃᓄᐃᖏᑦᓯᐊᕐᓗᑎᒡᓗ ᐃᓅᔪᓐᓇᕐᓯᔪᒫᖁᓪᓗᒋᑦ, ᑭᓇᒧᓪᓘᓐᓃᑦ ᑲᑉᐱᐊᓱᒃᑎᑕᐅᖏᓪᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 30:18

ᐃᒫᒃ ᐊᑕᓂᖅ ᐅᖃᕐᐳᖅ, “ᑕᑯᒋᑦ, ᔧᑰᑉ ᐃᒡᓗᖓ ᐱᐅᓯᖓᓄᑦ ᐅᑎᕐᑎᑦᓱᒫᕐᐸᕋ, ᓇᔪᒐᖏᓪᓗ ᓂᑲᒋᓕᕐᓗᒋᑦ, ᐃᒡᓗᒐᓴᒡᔪᐊᕕᓂᕐᓂᓪᓗ ᓱᕐᕋᑯᓂᑦ ᐃᒡᓗᒐᓴᒡᔪᐊᖏᑦ ᓇᑉᐸᕐᑎᑦᓱᒫᕆᕙᒃᑲ, ᐊᖓᔪᖅᑳᒃᑯᕕᖓᓗ ᐃᓂᒋᕙᒃᑕᒥᓂ ᓇᐸᓕᕈᒫᕆᕗᖅ.

ᔨᕆᒤᐊᐅᑉ ᐊᒡᓚᖏᑦ 30:7

ᐅᓪᓗᖅ ᑍᓐᓇ ᑲᑉᐱᐊᓇᕐᑐᖃᕐᑐᖅ ᐊᑦᔨᖃᕈᒫᓐᖏᓚᖅ ᔧᑯᒃᑯᑦ ᐊᒃᓱᕈᕐᓇᕐᑐᒦᑦᓱᒫᕐᐳᑦ, ᑭᓯᐊᓂᓕ ᑕᕝᕙᓐᖓᑦ ᐱᐅᓕᔭᐅᔪᒫᕐᐳᑦ.”

ᔨᕆᒤᐊᐅᑉ ᐊᒡᓚᖏᑦ 31:14

ᑐᓂᕐᕈᓯᕐᑎᑦᓯᔩᑦ ᓂᕿᒃᓴᓂᒃ ᐊᒥᒐᖏᑦᑐᓂᒃ ᑐᓂᔪᒫᕐᐸᒃᑲ, ᐃᓄᖁᑎᒃᑲᓗ ᓈᒻᒪᒃᓯᔪᒫᕐᐳᑦ ᑐᓂᕐᕈᑎᓂᒃ, ᐊᑕᓂᖅ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 31:25

ᑕᕐᓂᖏᑦ ᑕᖃᓯᒪᔪᑦ ᑕᕾᕐᓯᕐᕕᒃᓴᖃᕐᑎᑦᓱᒫᕐᐸᒃᑲ, ᑳᒡᑐᓪᓗ ᓂᕿᒃᓴᖃᕐᑎᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 31:6

ᐅᓪᓗᖅ ᓇᓪᓕᐅᑎᔪᒫᕐᐳᖅ ᐃᕗᕅᒻ ᖃᖅᑲᖏᓐᓂ ᖃᐅᔨᓴᕐᑏᑦ ᕾᒐᓛᕐᕕᒃᓴᖓᑦ, ‘ᕾᓕᕆᑦᓯ ᓮᐅᓂᒧᐊᓚᐅᕐᑕ, ᐊᑕᓂᐅᑉ ᒎᑎᑦᑕ ᓇᔪᕐᑕᖓᓄᑦ.’”

ᔨᕆᒤᐊᐅᑉ ᐊᒡᓚᖏᑦ 32:37

ᑕᑯᒋᑦ, ᑲᑎᕐᓱᕈᒫᕆᕙᒃᑲ ᓄᓇᓕᖕᓂᑦ ᓂᓐᖓᕕᒡᔪᐊᕐᓂᓐᓄᑦ ᐊᐅᓪᓚᕐᑎᑕᐅᕕᒋᓚᐅᕐᑕᖏᓐᓂᑦ, ᑕᒪᐅᖓᓗ ᐅᑎᕐᑎᑦᓱᒫᕐᐸᒃᑲ, ᐃᓅᓯᖃᓕᕐᑎᓪᓗᒋᑦ ᐃᓂᓪᓚᖓᑦᓯᐊᕐᓇᕐᑐᒥᒃ.

ᔨᕆᒤᐊᐅᑉ ᐊᒡᓚᖏᑦ 46:27

“ᓯᕘᕋᓂᐊᕋᓯ ᐃᓄᖁᑎᒃᑲ, ᑲᒪᓂᐊᕈᑎᒋᓇᒍᓗ ᐃᓴᕆᐊᓕᒥᐅᖑᔪᓯ ᐅᖓᓯᒃᑐᒥᑦ ᐱᐅᓕᔭᕐᑐᕈᒫᕐᐸᑦᓯ, ᑭᖑᕚᓯᓗ ᐊᐅᓪᓚᕈᑦᔭᐅᓯᒪᕕᒋᔭᖏᓐᓂᑦ. ᔧᑯᒃᑯᑦ ᐅᑎᕈᒫᕐᐳᑦ ᓮᒪᓇᕐᑐᒥᒃ ᐃᓂᖃᑦᓯᐊᕐᓇᕐᑐᒥᒡᓗ ᓄᓇᖃᓕᕈᒫᕆᕗᑦ, ᓯᕘᕋᓵᕐᑎᖃᕈᓐᓃᕐᓗᑎᒡᓗ.

ᔨᕆᒤᐊᐅᑉ ᐊᒡᓚᖏᑦ 50:6

“ᐃᓄᖁᑎᒃᑲ ᓰᐱᑎᑐᑦ ᐊᓯᐅᓯᒪᓚᐅᕐᒪᑕ, ᐰᕐᓯᔨᖏᑕ ᑕᒻᒪᕐᑎᓚᐅᕐᒪᒋᑦ, ᖃᖅᑲᓂᓗ ᐃᓂᖃᓕᕐᑎᓪᓗᒋᑦ, ᐃᖏᕐᕋᖃᑦᑕᑐᐃᓐᓇᓕᕐᓗᑎᒃ ᖃᖅᑲᑎᒍᑦ ᐱᖑᕐᑎᒍᓪᓗ, ᒥᕐᖑᐃᕐᓯᕐᕕᒃᓴᒥᖕᓂᒃ ᐳᐃᒍᕋᒥᒃ.

ᐃᓯᑭᐊᓕᐅᑉ ᐊᒡᓚᖏᑦ 11:17

“ᑍᒤᒻᒪᑦ ᐅᖃᕆᑦ, ‘ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐃᓄᖕᓂᑦ ᐊᐅᓪᓚᕈᑦᔭᐅᕕᒋᓯᒪᔭᑦᓯᓐᓂᑦ ᑲᑎᕐᓱᕈᒫᕐᐸᑦᓯ, ᑲᑎᓪᓗᓯ ᐊᑕᐅᓯᕐᒧᑦ ᓄᓇᓂᑦ ᓯᐊᒻᒪᕐᑎᑕᐅᕕᒋᓯᒪᔭᑦᓯᓐᓂᑦ, ᐃᓴᕆᐊᓕᐅᓪᓗ ᓄᓇᖓᓂᒃ ᑐᓂᓯᕕᒋᔪᒫᕐᐸᑦᓯ.’

ᐃᓯᑭᐊᓕᐅᑉ ᐊᒡᓚᖏᑦ 36:24

ᐃᓅᖃᑎᒌᒡᔪᐊᓂᑦ ᐂᔪᒫᕐᐸᑦᓯ, ᑲᑎᕐᓱᕈᒫᕐᐸᑦᓯᓗ ᓄᓇᓕᒡᔪᐊᓕᒫᓂᑦ, ᓇᖕᒥᓂᕐᓗ ᓄᓇᑦᓯᓐᓄᑦ ᐅᑎᕐᑎᑦᓱᒫᕐᐸᑦᓯ.

ᐃᓯᑭᐊᓕᐅᑉ ᐊᒡᓚᖏᑦ 36:33

“ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐅᓪᓗᖅ ᓇᓪᓕᐅᑎᒃᐸᑦ ᓴᓗᒻᒤᕕᒋᔪᒫᕐᑕᕋ ᐱᐅᖏᑦᑐᓕᓂᓕᒫᑦᓯᓐᓂᑦ, ᐃᒡᓗᒐᓴᒡᔪᐊᑦ ᐃᓄᖃᓕᕐᑎᑦᓱᒫᕆᕙᒃᑲ, ᓱᓇᐅᔪᓐᓃᕐᓯᒪᔪᓪᓗ ᐋᖅᑭᒃᓱᕐᓕᕐᒥᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 38:8

ᐅᓪᓗᐃᑦ ᐅᓄᕐᑐᑦ ᓈᒃᐸᑕ ᐅᓇᑕᕆᐊᖁᔪᒫᕋᒃᑭᑦ; ᐊᕐᕌᒎᓛᕐᑐᓂ ᐅᓇᑕᕆᐊᖁᔪᒫᕋᒃᑭᑦ ᐅᓇᑕᕋᓱᒍᓐᓃᕐᑐᓂᒃ, ᐃᓴᕆᐊᓕᒥᐅᑦ ᖃᖅᑲᖏᓐᓂᕐᒥᐅᓂᒃ ᑲᑎᕐᓱᕐᓯᒪᔪᓂᒃ ᐃᓅᖃᑎᒌᒡᔪᐊᓂᑦ, ᐊᑯᓂ ᓱᓇᐅᔪᓐᓃᕐᓯᒪᔪᓂᒃ; ᐃᓄᖃᕐᑐᓂᒃ ᐃᓅᖃᑎᒌᒡᔪᐊᓂᓐᖔᕐᓯᒪᔪᓂᒃ ᒫᓐᓇᓗ ᐃᓂᓪᓚᑦᑎᐊᕐᓯᒪᓕᕐᑐᓂᒃ, ᑖᒃᑯᓂᖓᓕᒫᖅ.

ᐃᓯᑭᐊᓕᐅᑉ ᐊᒡᓚᖏᑦ 47:18

“ᓄᓇᐅᑉ ᐊᕕᒃᓯᒪᓂᖓ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᖅ, ᐱᒋᐊᕐᓯᒪᔪᒃᓴᐅᕗᖅ ᕼᐊᔭᕆᓇᒥᑦ ᑕᒫᓯᑰᓯᐅᑉ ᕼᐊᐅᕋᓐᓗ ᐊᑯᓐᓂᖓᓂᑦ; ᔪᐊᕐᑕᓂᐅᑉ ᑰᖓ ᐃᓚᖅᑯᓪᓗᒍ ᒋᓕᐊᑎᐅᑉ ᐃᓴᕆᐊᓕᐅᓪᓗ ᓄᓇᖓᑕ ᐊᑯᓐᓂᖓᓂᑦ; ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᖅ ᑕᒫᕐ ᑎᑭᓪᓗᒍ ᑕᓯᕐᔪᐊᑉ ᑕᕆᐅᕋᓘᑉ ᐃᓚᖓᓃᑦᑐᖅ. ᑕᒪᓐᓇ ᑕᕝᕙ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᖅ ᑍᒤᓕᖓᔪᒃᓴᐅᕗᖅ.

ᒤᑲᐅᑉ ᐊᒡᓚᖏᑦ 7:14

ᐃᓄᖁᑎᑎᑦ ᐰᕆᒃᑭᑦ ᐊᔭᐅᑉᐱᐊᕐᓄᑦ, ᓰᐱᖁᑎᑎᑦ ᓇᖕᒥᓂᕆᒋᒐᕕᒋᑦ ᑭᖑᕚᒃᓴᓯ, ᓄᓇᖃᕐᑐᑦ ᑭᓯᒥᐅᓗᑎᒃ ᓇᐹᕐᑐᓕᖕᓂ, ᐱᕈᕐᑐᖃᑦᓯᐊᕐᑐᒥᓗ. ᓂᕆᓕᕐᓕᑦ ᐹᓴᓂᒥ ᒋᓕᐊᑎᒥᓗ ᑍᑦᓱᒪᓂ ᐱᐅᓯᐅᕙᓚᐅᕐᑐᑎᑐᑦ.

ᒤᑲᐅᑉ ᐊᒡᓚᖏᑦ 7:18

ᑭᓇ ᐃᓕᒃᑐᑦ ᒎᑎᐅᕙ, ᐃᓱᒪᒋᔪᓐᓁᕐᓯᔪᓐᓇᕐᑐᖅ ᐱᐅᖏᑦᑐᓕᓂᕐᓂᒃ ᐊᔪᕐᑐᓕᓂᕐᓂᒡᓗ ᐊᒥᐊᒃᑰᔪᓄᑦ ᐃᓄᖁᑎᒥᓄᑦ ᑭᖑᕚᕆᔭᐅᔪᓄᑦ, ᓂᓐᖓᐅᒤᓐᓇᕈᓐᓇᖏᑦᑐᖅ ᖁᕕᐊᒋᔭᖃᕋᒥ ᓇᒡᓕᖕᓂᕐᒥᒃ ᓱᖁᓯᔪᐃᑦᑐᒥᒃ.

ᓴᑲᕅᐊᐅᑉ ᐊᒡᓚᖏᑦ 10:10

ᓄᓇᒥᑦ ᐄᑦᔨᑉᑎᒥᑦ ᐂᓗᒋᑦ ᐅᑎᕐᑎᑦᓱᒫᕐᐸᒃᑲ, ᓄᓇᒥᓪᓗ ᐊᓯᕆᐊᒥᑦ ᑲᑎᑎᓪᓗᒋᑦ ᐅᑎᕐᑎᑦᓱᒪᕙᒃᑲ; ᐂᑎᓪᓗᒋᓪᓗ ᓄᓇᒧᑦ ᒋᓕᐊᑎᒧᑦ ᓕᐸᓇᓂᒧᓪᓗ; ᑕᕝᕙᓂ ᐃᓂᒃᓮᕈᑎᔪᒫᕐᐳᑦ.

ᒨᓯᓯ ᓯᑕᒪᖏᑦ 32:1

ᕉᐱᓂᐅᑉ ᑭᖑᕚᖏᑦ ᒑᑦᓗ ᑭᖑᕚᖏᑦ ᐅᓄᕐᑐᕐᔪᐊᓂᒃ ᐆᒪᔪᖁᑎᖃᓚᐅᕐᐳᑦ; ᓄᓁᑦ ᐊᑎᖃᕐᑐᑦ ᔧᔨᕆᒥᒃ ᒋᓕᐊᑎᒥᒡᓗ ᐆᒪᔪᖁᑎᓄᑦ ᓈᒻᒪᑦᓯᐊᕐᒪᑕ,

ᒨᓯᓯ ᓯᑕᒪᖏᑦ 32:4

ᓄᓁᑦ ᐊᑕᓂᐅᑉ ᓵᓚᒋᓚᐅᕐᑕᖏᑦ ᐃᓴᕆᐊᓕᒥᐅᑦ ᓵᖏᓐᓂ, ᑖᒃᑯᐊ ᐆᒪᔪᖁᑎᓄᑦ ᐱᐅᔫᖕᒪᑕ, ᐱᔨᑎᓪᓗ ᐅᑯᐊ ᐆᒪᔪᖁᑎᓕᐊᓘᓪᓘᑎᒃ.”

ᔮᓱᐊᑉ ᐊᒡᓚᖏᑦ 17:15

ᔮᓱᐊ ᑭᐅᕗᖅ, “ᐃᓄᒋᐊᒃᑐᐊᓗᒐᑦᓯ, ᓄᓇᑖᕋᓱᓕᕆᑦᓯ ᓇᐹᕐᑐᓕᖕᒥ ᓇᐹᕐᑐᐃᑦ ᐲᔭᕐᓗᒋᑦ ᐱᕆᔧᑎᒥᐅᓪᓗ ᕆᐰᒥᐅᓪᓗ—ᐃᓄᒃᐰᑦ—ᓄᓇᖁᑎᖓᓂᒃ ᐊᕐᓵᕐᓗᒋᑦ, ᐃᕗᕅᒻ ᖃᖅᑲᖏᑦ ᒥᑭᓗᐊᕐᐸᑕ ᐃᓕᑦᓯᓐᓄᑦ.”