ᔨᕆᒤᐊᐅᑉ ᐊᒡᓚᖏᑦ 50:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᑍᒤᒻᒪᑦ ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ, ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ: ᑕᑯᒋᑦ, ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓ ᓱᒋᐊᕐᓂᐊᕐᐸᕋ ᓄᓇᖁᑎᖓᓗ, ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 50:18 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 10:12

ᑍᒤᒻᒪᑦ ᑕᕝᕙ ᐃᒤᑦᓱᒫᕐᐳᖅ, ᐊᑕᓂᐅᑉ ᐱᓇᓱᐊᕈᒪᔭᓕᒫᓂ ᐱᔭᕇᕈᓂᒋᑦ ᓮᐅᓂᐅᑉ ᖃᖅᑲᖓᓂ ᔨᕉᓴᓕᒥᓗ, ᑕᕝᕙ ᐅᖃᕈᒫᕐᐳᖅ, “ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑕ ᐱᐅᔪᕆᓪᓗᓂ ᐅᖃᓪᓚᖃᑦᑕᕐᓂᖓ ᓱᒋᐊᕈᒪᕙᕋ, ᓂᕐᑐᕐᓇᕐᑑᔪᕆᓂᖓᓗ ᐃᒻᒥᓂᒡᓗ ᖁᕝᕙᕐᑎᖃᑦᑕᕐᓂᖓ.”

ᔨᕆᒤᐊᐅᑉ ᐊᒡᓚᖏᑦ 27:7

ᐃᓅᖃᑎᒌᒡᔪᐊᓪᓗ ᐱᔨᑦᓯᕈᒫᕐᐹᑦ, ᐃᕐᓂᖏᓪᓗ ᐃᕐᖑᑕᖏᓪᓗᑦᑕᐅᖅ ᓇᖕᒥᓂᖅ ᐅᕐᕈᕕᒃᓴᖓ ᑎᑭᓚᐅᖅᑳᕐᑎᓐᓇᒍ, ᑭᖑᓂᖓᒍᓪᓗᑦᑕᐅᖅ ᐊᓯᒥᓄᑦ ᐊᐅᓚᑕᐅᓕᕈᒫᕆᕗᖅ ᐱᔪᓐᓇᕐᓂᖃᕐᓂᕐᓴᐅᔪᓄᑦ.

ᔨᕆᒤᐊᐅᑉ ᐊᒡᓚᖏᑦ 46:10

ᐅᓪᓗᖅ ᑍᓐᓇ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᒎᑎᐅᑉ ᐅᓪᓗᖁᑎᒋᕚ, ᐅᓪᓗᖅ ᐊᑭᓂᐊᕐᕕᒋᕚ, ᐊᑭᕋᕐᑐᕐᑎᓂ ᐊᑭᓂᐊᕐᕕᒋᔪᒫᕐᒪᒋᑦ, ᓴᕕᒡᔪᐊᒧᑦ ᑲᐱᔭᐅᔪᖅ ᑐᖁᓗᓂ ᑭᓯᐊᓂᐅᕗᖅ, ᐊᐅᖕᒥᒃ ᑯᕕᓯᖏᓐᓂᖓᓂ ᓄᖅᑲᐅᑎᔭᐅᓂᐊᓐᖏᓚᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᑐᓂᕐᕈᓯᕐᓂᐊᕐᒪᑦ, ᐅᓐᓄᐊᓪᓗᐊᑉ ᓇᓛᓃᑦᑐᑦ ᓄᓇᖓᓐᓂ ᑰᑉ ᐃᕗᕅᑎᐅᑉ ᖃᓂᒋᔭᖓᓂ.

ᓇᕼᐅᒥᐅᑉ ᐊᒡᓚᖏᑦ 3:18

ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ, ᐰᕐᓯᔨᖁᑎᑎᑦ ᓯᓂᒃᐳᑦ, ᐊᖓᔪᖅᑳᖁᑎᑎᑦ ᓯᓐᓇᕆᒃᐳᑦ. ᐃᓄᖁᑎᑎᓪᓗ ᖃᖅᑲᓂ ᓇᓂᑐᐃᓐᓇᖅ ᓯᐊᒻᒪᕐᓯᒪᕗᑦ, ᑭᓇᒧᓪᓘᓐᓃᑦ ᑲᑎᕐᓱᕐᑕᐅᔪᓐᓇᕋᑎᒃ.

ᓇᕼᐅᒥᐅᑉ ᐊᒡᓚᖏᑦ 3:7

ᐃᓕᖕᓂᒡᓗ ᑕᑯᔪᓕᒫᑦ ᓇᕐᕈᖃᑦᑕᕈᒫᕐᐳᑦ, ᐅᖃᕐᓗᑎᒡᓗ, ‘ᓂᓂᕕ ᓱᓇᐅᔪᓐᓃᑦᓯᐊᕐᐳᖅ, ᑭᐊᓕ ᐅᒡᒍᐊᕆᓗᒍ ᕿᒃᓵᖃᑎᒋᓂᐊᕐᐸᐅ? ᑭᐊᓗ ᓮᒻᒪᕐᓴᕐᓂᐊᕐᐸᐅᒃ?’”

ᕼᐊᐸᑲᐅᑉ ᐊᒡᓚᖏᑦ 2:8

ᐃᓅᖃᑎᒌᒡᔪᐊᑦ ᐅᓄᕐᑐᑦ ᐱᖁᑎᖏᓐᓂᒃ ᐊᕐᓵᓚᐅᕋᑦᓯᐅᒃ, ᒫᓐᓇᓕ ᐃᓄᐃᑦ ᐊᒥᐊᒃᑯᖏᓐᓂᑦ ᐱᖁᑎᑦᓯᓐᓂᑦ ᐱᐅᕋᕐᕕᐅᓂᐊᓕᕐᐳᓯ, ᑐᖁᕅᖃᑦᑕᓚᐅᕐᓂᑦᓯᓐᓄᑦ ᓄᓇᒥᓗ ᐃᒡᓗᒐᓴᒡᔪᐊᖏᓐᓂᒡᓗ ᑲᑉᐱᐊᓱᒃᑎᑦᓯᔨᐅᓚᐅᕐᓂᑦᓯᓐᓄᑦ, ᓄᓇᖃᕐᑐᓄᑦ ᑖᒃᑯᓇᓂ.

ᒨᓯᓯ ᑕᓪᓕᒪᖏᑦ 32:41

ᓴᕕᒡᔪᐊᕋ ᕿᓪᓚᕆᒃᑐᖅ ᐃᐱᒃᓴᕈᒃᑯ, ᑎᒍᒥᐊᓕᕐᓗᖓᓗ ᐃᖅᑲᕐᑐᐃᓂᕐᒧᑦ, ᐊᑭᕋᕐᑐᕐᑎᒃᑲ ᐊᑭᓂᐊᕐᕕᒋᓂᐊᕐᐸᒃᑲ ᓱᒋᐊᕐᓂᐊᕐᓗᒋᓪᓗ ᐅᕙᓐᓂᒃ ᐆᒥᓱᒃᑐᑦ.