ᔨᕆᒤᐊᐅᑉ ᐊᒡᓚᖏᑦ 50:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ “ᐃᓴᕆᐊᓕᒥᐅᑦ ᓰᐱᑎᑐᑦ ᓯᐊᒻᒪᕐᓯᒪᕗᑦ ᓛᔭᓄᑦ ᒪᓕᑲᑕᒃᑕᐅᔪᑎᑐᑦ, ᓯᕗᓪᓕᕐᐹᖑᓪᓗᑎᒃ ᑖᒃᑯᓂᖓ ᑎᒍᓯᓚᐅᕐᐳᖅ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ, ᑭᖑᓪᓕᕐᐹᖑᓪᓗᓂ ᓴᐅᓂᖅᑯᑦᑍᔪᑎᑐᑦ ᑍᒤᑦᑑᓯᒪᕗᖅ ᓂᐱᑯᓁᓴ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦ.

ᔨᕆᒤᐊᐅᑉ ᐊᒡᓚᖏᑦ 50:17 Iomraidhean Croise

ᐊᑕᓃᑦ ᐂᑉᐸᖏᑦ 15:19

ᐴᓪ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᐃᓴᕆᐊᓕᒥᐅᑦ ᓄᓇᖁᑎᖓᓄᐊᓚᐅᕐᐳᖅ ᓵᓚᖃᕈᓐᓇᕐᓂᖓᓗ ᓯᕘᕋᒋᔭᐅᓚᐅᕐᐳᑦ; ᐊᖓᔪᖅᑳᕐᔪᐊᑉ ᒥᓇᕼᐃᒻ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᐴᓪ 76,000ᐸᐅᓂᒃ ᓯᐅᓪᕕᕆᓂᒃ ᑐᓂᓯᕕᒋᕚ, ᐱᔪᓐᓇᕐᓂᖃᕐᑎᑕᐅᓂᕆᔭᓂ ᓄᓇᖁᑎᒥᓄᑦ ᐃᑲᔪᕐᑐᕐᑕᐅᖁᓪᓗᒍ.

ᐊᑕᓃᑦ ᐂᑉᐸᖏᑦ 15:29

ᐲᑲ ᐊᖓᔪᖅᑳᕐᔪᐊᖑᑎᓪᓗᒍ ᐃᓴᕆᐊᓕᓄᑦ, ᑎᒡᓚᑦ-ᐰᓕᓴ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᓵᓚᖃᕐᓂᕐᒥᓄᑦ ᓄᓇᓕᖕᓂᒃ ᑎᒍᓯᖃᑦᑕᓚᐅᕐᐳᖅ, ᐂᔮᓐᒥᐅᓂᒃ, ᐊᐱᐅᓪ-ᐱᑦ-ᒫᑲᒥᐅᓂᒃ, ᔭ-ᓄᐊᒥᐅᓂᒃ, ᑭᑎᔅ-ᓯᒥᐅᓂᒃ ᕼᐂᔭᒥᐅᓂᒡᓗ, ᒋᓕᐊᑎᐅᑉ ᓄᓇᓕᖏᑦ, ᒐᓕᓖᓪᓗ, ᓈᑉᑕᓕᒥᐅᓪᓗ ᐃᓄᖏᓐᓂᒃ ᑎᒍᓯᓪᓗᓂ ᐊᓯᕆᐊᒧᑦ ᐊᐅᓪᓚᕈᑎᓚᐅᕐᐰᑦ.

ᐊᑕᓃᑦ ᐂᑉᐸᖏᑦ 24:1

ᔨᕼᐅᐃᐊᑭᒻ ᐊᖓᔪᖅᑳᕐᔪᐊᖑᑎᓪᓗᒍ ᓂᐱᑯᓁᓴ ᐹᐱᓘᓂᒥᐅᑉ ᐊᖓᔪᖅᑳᕐᔪᐊᖓᑦ ᑎᑭᓚᐅᕐᐳᖅ, ᔨᕼᐅᐃᐊᑭᒻᓗ ᐱᔨᒋᓕᓚᐅᕐᐹ ᐊᕐᕌᒍᓂᒃ ᐱᖓᓱᓂᒃ; ᑭᖑᓂᖓᒍᑦ ᐊᐅᓚᑕᐅᔪᒪᔪᓐᓃᕐᓗᓂ ᐊᑭᕋᕐᑐᓕᓚᐅᕐᐳᖅ.

ᐊᑕᓃᑦ ᐂᑉᐸᖏᑦ 24:10

ᔨᕼᐅᐃᐊᑭᓐ ᐊᖓᔪᖅᑳᕐᔪᐊᖑᑎᓪᓗᒍ ᐹᐱᓘᓂᒥᐅᑦ ᐅᓇᑕᕐᑎᖁᑎᖏᑦ ᓂᐱᑯᓁᓴᐅᑉ ᐅᓇᑕᕐᑎᖁᑎᖏᑕ ᐊᖓᔪᖅᑳᖏᓐᓄᑦ ᐊᐅᓚᑕᐅᓪᓗᑎᒃ ᐅᓇᑕᕆᐊᕐᐳᑦ ᔨᕉᓴᓕᒥᒃ, ᓱᕖᕈᑦᔨᓯᒪᓪᓗᑎᒃ ᐃᓗᒪᒃᓯᓕᓚᐅᕐᐳᑦ.

ᐊᑕᓃᑦ ᐂᑉᐸᖏᑦ 25:1

ᑕᖅᑮᑦ 10ᖓᑦᑕ ᐅᓪᓗᖏᑕ 10ᖓᓐᓂ ᐊᕐᕌᒍᐃᑦ 9ᒋᓕᕐᑕᖓᓂ ᔨᑎᑬᐊᐅᑉ ᐊᖓᔪᖅᑳᕐᔪᐊᖑᕕᒋᔭᖏᓐᓂ, ᓂᐱᑯᓁᓴ ᐅᓇᑕᕐᑎᖁᑎᓕᒫᒥᓂᒃ ᐃᓚᖃᕐᓗᓂ ᐅᓇᑕᕆᐊᕐᐳᖅ ᔨᕉᓴᓕᒧᑦ, ᐃᒡᓗᒐᓴᒡᔪᐊᑦ ᐃᓗᒪᓪᓗᒋᑦ ᑕᖕᒫᕐᑎᕐᐳᑦ ᓴᐴᓗᑕᓕᐅᕐᓗᑎᒡᓗ ᐃᒡᓗᒐᓴᒡᔪᐊᑦ ᑬᕙᓪᓚᓯᒪᓪᓗᒋᑦ ᔨᑎᑬᐊ ᐊᑭᕋᕐᑐᓕᓚᐅᕐᒪᑦ ᓂᐱᑯᓁᓴᒥᒃ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓂᒃ.

ᑯᕉᓂᑲ ᐂᑉᐸᖏᑦ 28:20

ᑍᒤᒻᒪᑦ ᑎᓪᒐᑦ-ᐱᓪᓂᓯᕆ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓ ᑎᑭᓚᐅᕐᐳᖅ ᑖᑦᓱᒧᖓ ᐊᑭᕋᕐᑐᕐᓗᓂ, ᐋᓐᓂᐊᑎᖔᓚᐅᕐᐹᓗ ᓲᖑᓯᑎᓐᓇᓂᐅᒃ.

ᑯᕉᓂᑲ ᐂᑉᐸᖏᑦ 33:11

ᑍᒤᒻᒪ ᐊᑕᓂᐅᑉ ᐱᔭᐅᑎᓚᐅᕐᐰᑦ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑕ ᐅᓇᑕᕐᑎᖏᓐᓄᑦ, ᑖᒃᑯᐊ ᒫᓇᓯᒥᒃ ᑎᒍᓯᕗᑦ ᓴᕕᕋᔭᖕᓄᓪᓗ ᓂᒃᓯᒃᓯᒪᓪᓗᒍ ᐊᕐᓵᕐᑑᔭᓄᑦ ᑲᓐᓄᔭᓄᑦ ᕿᓚᒃᓱᕐᐹᑦ ᐊᐅᓪᓚᐅᑎᓪᓗᒍᓗ ᐹᐱᓘᓂᒧᑦ.

ᐂᓮᐊᓯᐅᑉ ᐊᒡᓚᖏᑦ 15:9

ᑎᐴᓂᒥᐅᑦ ᑰᖓᑦᑕ ᐃᒪᖓ ᐊᐅᐸᕐᓯᕗᖅ ᐊᐅᖕᒧᑦ. ᓱᓕᓕ ᐊᖏᓂᕐᓴᒃᑲᓐᓂᕐᒥᒃ ᐱᔪᒪᕗᖓ ᑎᐴᓂᒥᐅᓄᑦ, ᓛᔭᓄᑦ ᒪᓕᒃᑕᐅᑎᑦᓱᒪᕙᒃᑲ ᒧᐊᐱᒥᑦ ᕿᒫᓗᑎᒃ ᐊᓐᓇᒃᑐᑦ, ᐊᒥᐊᒃᑯᑑᓕᕐᑐᓄᑦ.

ᐂᓮᐊᓯᐅᑉ ᐊᒡᓚᖏᑦ 47:6

ᐃᓄᖁᑎᒃᑲ ᓂᓐᖓᒡᕕᒋᓚᐅᕋᒃᑭᑦ; ᐃᓄᖁᑎᑖᕆᓯᒪᔭᒃᑲᓗ ᓇᕐᕈᓇᕐᓯᑎᓚᐅᕋᒃᑭᑦ, ᐱᔪᓐᓇᕐᓂᑦᓯᓐᓄᑦ ᑐᓂᓚᐅᕐᐸᒃᑲ, ᐊᑦᑕᕆᓚᐅᓐᖏᓐᓇᒃᑭᓪᓗ ᐃᓄᑐᖃᐅᓂᖏᑦ ᐊᒡᓛᑦ ᐊᖏᔪᒥᒃ ᐅᖁᒤᒃᓴᕐᑎᓚᐅᕐᐸᓯ.

ᔨᕆᒤᐊᐅᑉ ᐊᒡᓚᖏᑦ 10:25

ᓂᓐᖓᐅᑦᔨᓃᑦ ᑲᔪᓯᑎᓕᕈᒃ ᐃᓅᖃᑎᒌᒡᔪᐊᓄᑦ ᐃᓕᖕᓂᒃ ᖃᐅᔨᒪᖏᑦᑐᓄᑦ, ᐊᑎᕐᓄᓪᓗ ᑐᒃᓯᐊᕐᐸᖏᑦᑐᓄᑦ, ᔧᑰᑉ ᑭᖑᕚᖏᓐᓂᒃ ᐊᓯᕈᐃᓯᒪᖕᒪᑕ; ᓄᖑᕈᑎᑦᓯᐊᕐᓗᒍ ᓄᓇᖓᓐᓂᒡᓗ ᓄᓇᒋᔭᒃᓴᐅᔪᓐᓃᕐᑎᑦᓯᓪᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 2:15

ᓛᔭᑎᑐᑦ ᖃᓕᖑᐊᕐᑕᐅᖕᒪᑕ, ᐃᕐᓯᓵᕐᑕᐅᓪᓗᑎᒡᓗ; ᓄᓇᖓᓗ ᓱᓁᕈᑦᔭᐅᖕᒪᑦ, ᐃᒡᓗᒐᓴᒡᔪᐊᖁᑎᖏᓪᓗ ᐃᑭᑕᐅᓪᓗᑎᒃ ᓄᖑᑕᐅᖕᒪᑕ ᐃᓄᖃᕈᓐᓃᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 21:7

ᑕᒪᓐᓇᓗ ᐊᓂᒍᕐᒪᑦ, ᐊᑕᓂᖅ ᐅᖃᕐᐳᖅ, ᔨᑎᑬᐊ ᔫᑕᐅᑉ ᐊᖓᔪᖅᑳᕐᔪᐊᖓ, ᐊᖓᔪᖅᑳᖁᑎᖏᓪᓗ, ᐃᓄᐃᓪᓗ ᑐᖁᕋᕐᓇᕐᑐᒧᑦ ᐱᔭᐅᓂᐊᓐᖏᓚᑦ ᐅᓇᑕᕐᑐᓂᓘᓐᓃᑦ, ᑳᖕᓇᕐᑐᕐᔪᐊᒧᓪᓘᓐᓃᑦ ᐹᐱᓘᓂᒥᐅᓪᓘᓐᓃᑦ ᐊᖓᔪᖅᑳᕐᔪᐊᖓᓐᓄᑦ ᓂᐱᑯᓁᓴᒧᑦ, ᑖᒃᑯᐊ ᐊᒥᐊᒃᑰᔪᑦ ᑐᖁᑕᐅᑎᓐᓂᐊᕐᐰᑦ ᓇᒡᓕᒋᖏᓪᓗᒋᑦ ᐃᓚᑦᓱᒋᖏᓪᓗᒋᓪᓘᓐᓃᑦ.’

ᔨᕆᒤᐊᐅᑉ ᐊᒡᓚᖏᑦ 4:7

ᓛᔭᑎᑐᑦ ᐃᔨᕐᓯᒪᕕᖕᓂᑦ ᐊᓂᔪᑎᑐᑦ, ᐃᓅᖃᑎᒌᒡᔪᐊᓂᒃ ᐊᓯᕈᐃᔭᕐᑐᕐᑐᖅ ᐃᓂᒋᔭᒥᓂᑦ ᕾᓕᕐᐳᖅ, ᓄᓇᖁᑎᓯᓗ ᓄᓇᓕᕕᓂᑐᐃᓐᓇᓐᖑᕐᑎᓐᓂᐊᕐᐰᑦ ᐃᓄᖃᕈᓐᓃᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 49:19

ᑕᑯᒋᑦ, ᐃᒤᑦᓱᒫᕐᐳᖅ ᓛᔭᑎᑐᑦ ᓇᐹᕐᑐᐃᑦ ᐃᒻᒧᐊᓂ ᓴᖅᑭᑳᓪᓚᒃᑐᑎᑐᑦ ᓇᑎᕐᓇᒧᑦ ᔪᐊᕐᑕᓂᐅᑉ ᑰᖓᓄᑦ, ᑍᒫᒃᑕᐅᖅ ᐄᑐᒥᒥᐅᑦ ᐊᖑᔪᒫᕐᐸᒃᑲ ᓄᓇᖓᓐᓂ ᑕᕝᕔᓐᓇᖅ, ᓇᓪᓕᐊᓐᓂᒃ ᑍᒤᓕᐅᕐᑐᒃᓴᒥᒃ ᓂᕈᐊᕈᓐᓇᕐᐳᖔ, ᑭᓇ ᐅᕙᑦᑐᑦ ᑍᒤᑉᐹ? ᐊᑭᓕᖃᕈᓐᓇᕐᑐᖅ ᐅᕙᓐᓂᒃ? ᓰᐱᓕᕆᔨᑕᖃᕐᐹ ᐅᕙᓐᓂᒃ ᐊᑭᕋᕐᑐᕈᓐᓇᕐᑐᒥᒃ?

ᔨᕆᒤᐊᐅᑉ ᐊᒡᓚᖏᑦ 5:17

ᑲᑎᕐᓱᓯᒪᔭᓯ ᐱᕈᕐᑐᑦ ᓂᕿᓯᓗ ᓂᕆᓗᒋᑦ ᓄᖑᓐᓂᐊᕐᐰᑦ, ᐃᕐᓂᓯᓗ ᐸᓂᓯᓗ ᑐᖁᕋᕐᓗᒋᑦ ᐆᒪᔪᖁᑎᓯᓗ ᓂᕆᓂᐊᕐᐰᑦ, ᕔᓂᒃᓴᓂᒡᓗ ᐸᐅᕐᖓᓕᖁᑎᓯ ᐅᕐᐱᒊᑦ, ᓇᐹᕐᑐᐃᓪᓗ ᐱᒋᓖᑦ ᓱᒃᑯᓐᓂᐊᕐᐰᑦ. ᐅᓇᑕᕐᑎᖁᑎᖏᑕᓗ ᐃᒡᓗᒐᓴᒡᔪᐊᖁᑎᓯ ᐱᔭᐅᑦᔧᕐᓯᒪᓇᓱᒋᓚᐅᕐᑕᓯ ᓱᕋᒃᑎᕐᓂᐊᕐᐰᑦ.”

ᔨᕆᒤᐊᐅᑉ ᐊᒡᓚᖏᑦ 5:6

ᑕᒪᓐᓇ ᐱᓪᓗᒍ ᓛᔭᒧᑦ ᓇᐹᕐᑐᐃᑦ ᐊᑯᓐᓂᖓᓂ ᑐᖁᑕᐅᓂᐊᕐᐳᑦ. ᐊᒪᕈᕐᓄᓪᓗ ᓱᓇᖃᔪᐃᑦᑐᒥᑦ ᐱᔪᓄᑦ ᐹᔭᐅᓂᐊᕐᐳᑦ. ᐃᕐᓯᓇᕐᑐᒧᓪᓗ ᓕᐅᐸᕐᑦᒧᑦ ᐅᑕᖅᑭᔭᐅᓂᐊᕐᐳᑦ ᓄᓇᓕᖏᑕ ᖃᓂᒋᔭᖏᓐᓂ, ᓄᓇᓖᓪᓗ ᓯᓚᑖᓄᐊᕐᑐᑦ ᐅᒋᐊᕐᑕᓂᐊᕐᐳᑦ, ᑕᒻᒪᕐᓯᒪᓂᖓᑦ ᐊᖏᓗᐊᓕᕐᒪᑦ, ᑲᑕᒍᑎᒋᓯᒪᔭᖏᓪᓗ ᐅᓄᓗᐊᓕᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 50:6

“ᐃᓄᖁᑎᒃᑲ ᓰᐱᑎᑐᑦ ᐊᓯᐅᓯᒪᓚᐅᕐᒪᑕ, ᐰᕐᓯᔨᖏᑕ ᑕᒻᒪᕐᑎᓚᐅᕐᒪᒋᑦ, ᖃᖅᑲᓂᓗ ᐃᓂᖃᓕᕐᑎᓪᓗᒋᑦ, ᐃᖏᕐᕋᖃᑦᑕᑐᐃᓐᓇᓕᕐᓗᑎᒃ ᖃᖅᑲᑎᒍᑦ ᐱᖑᕐᑎᒍᓪᓗ, ᒥᕐᖑᐃᕐᓯᕐᕕᒃᓴᒥᖕᓂᒃ ᐳᐃᒍᕋᒥᒃ.

ᔨᕆᒤᐊᐅᑉ ᐊᒡᓚᖏᑦ 51:38

ᐃᓄᖏᑦ ᓛᔭᑎᑐᑦ ᓂᓪᓕᐊᕗᑦ, ᓛᔮᕋᕐᑎᑐᓪᓗ ᖃᓕᖑᐊᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 52:1

ᔨᑎᑬᐊ ᐊᖓᔪᖅᑳᕐᔪᐊᓐᖑᓚᐅᕐᐳᖅ ᐊᕐᕌᒍᖃᓕᕐᓗᓂ 21ᓂᒃ, ᐊᖓᔪᖅᑳᕐᔪᐊᕆᔭᐅᓚᐅᕐᐳᕐᓗ ᔨᕉᓴᓕᒥ ᐊᕐᕌᒍᓂᒃ 11ᓂᒃ, ᐊᓈᓇᖓ ᐊᑎᖃᕐᐳᖅ ᕼᐊᒧᑕᓕᒥᒃ ᔨᕆᒤᐊᐅᑉ ᐸᓂᖓ ᓕᑉᓇᒥ ᓄᓇᖃᕐᓗᓂ.

ᐃᓯᑭᐊᓕᐅᑉ ᐊᒡᓚᖏᑦ 34:12

ᐰᕐᓯᔩᑦ ᕿᓂᑦᓯᐊᓲᖑᖕᒪᑕ ᓰᐱᖁᑎᖏᑕ ᐃᓚᖏᓐᓂᒃ ᓇᒧᑐᐃᓐᓇᖅ ᓯᐊᒻᒪᕐᑐᖃᕐᑎᓪᓗᒍ, ᑍᒫᒃᑕᐅᖅ ᓰᐱᖁᑎᒃᑲ ᕿᓂᕐᓂᐊᓕᕐᐸᒃᑲ; ᓴᐳᑎᔪᒫᕐᐸᒃᑲ ᓇᓂᓕᒫᖅ ᓯᐊᒻᒪᕐᓯᒪᕕᒋᓚᐅᕐᑕᖏᓐᓂᑦ ᐅᓪᓗᖅ ᓄᕗᔭᑎᓪᓗᒍ ᑖᕐᑑᑎᓪᓗᒍᓗ.

ᑖᓂᐊᓕᐅᑉ ᐊᒡᓚᖏᑦ 6:24

ᐊᖓᔪᖅᑳᕐᔪᐊᑉ ᐱᖁᔨᓂᖓᓄᑦ, ᐊᖑᑎᑦ ᑖᓂᐊᓕᒥᒃ ᓱᓕᖏᑦᑐᒥᒃ ᐸᓯᒃᓯᕋᓱᓚᐅᕐᑐᑦ, ᕾᑎᑕᐅᕗᑦ ᐃᒋᑕᐅᓪᓗᑎᒃᓗ ᓛᔧᑦ ᓯᑎᖓᓄᑦ, ᓄᓕᐊᖏᑦ ᕿᑐᕐᖓᖏᓪᓗ ᐃᓚᒋᓪᓗᒋᑦ; ᓛᔭᒃᑯᕕᐅᑉ ᓇᑎᖓᓄᑦ ᓱᓕ ᑐᓚᐅᕐᑎᓐᓇᒋᑦ ᓛᔭᓂᑦ ᐊᑯᕐᑕᐅᓪᓗᑎᒃ ᓴᐅᓂᖏᑦ ᓯᖁᓪᓗᕐᑕᐅᕗᑦ.

ᔪᐃᓕᐅᑉ ᐊᒡᓚᖏᑦ 3:2

ᐃᓅᖃᑎᒌᒡᔪᐊᑦ ᐊᓯᖏᑦ ᑲᑎᑎᑦᓱᒫᕐᐸᒃᑲ, ᔨᕼᐆᓴᐸᐅᓪᓗ ᓇᕐᓴᖓᓄᐊᕈᑎᔪᒫᕐᐸᒃᑲ, ᑍᑲᓂᓗ ᐃᖅᑲᕐᑐᕈᒫᕐᐸᒃᑲ, ᐃᓄᖁᑎᒃᑲ ᐃᓴᕆᐊᓕᐅᑉ ᑭᖑᕚᖏᑦ ᐱᓪᓗᒋᑦ, ᑖᒃᑯᐊ ᐃᓄᖁᑎᓐᓂᒃ ᓯᐊᒻᒪᕐᑎᑦᓯᓚᐅᕐᑐᑦ ᐃᓅᖃᑎᒌᒡᔪᐊᓄᑦ; ᓄᓇᖁᑎᓐᓂᒡᓗ ᐊᕕᒃᑐᐃᓚᐅᕐᒪᑕ.

ᐲᑦᑐᕉᓯ ᓯᕗᓪᓖᑦ 2:25

ᓰᐱᑎᑐᑦ ᐊᖅᑯᑎᒋᔭᒥᖕᓂᑦ ᐊᓯᐅᔨᔪᑎᑐᑦ ᑍᒤᓚᐅᕋᑦᓯ, ᒫᓐᓇᓕ ᐅᑎᕐᑎᑕᐅᓯᒪᕗᓯ ᐰᕐᓯᔨᒧᑦ ᑲᒪᔨᐅᔪᒧᓪᓗ ᑕᕐᓂᑦᓯᓐᓂᒃ.