ᔨᕆᒤᐊᐅᑉ ᐊᒡᓚᖏᑦ 50:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᐊᕙᑖᓂᑦ ᓂᓪᓕᐊᓗᓯ ᐅᐸᓕᕐᓯᒋᒃ, ᓴᐱᓕᕈᑎᒃ ᐃᒻᒥᖕᓂᒃ ᑐᓂᑦᔪᑎᒋᓂᐊᕐᒪᑕ, ᓇᐸᔪᕐᔪᐊᖏᑦ ᐅᕐᕈᔪᒫᕐᐳᑦ, ᐊᕙᓗᕐᔪᐊᖏᓪᓗ ᓱᕋᒡᓗᑎᒃ ᐊᑕᓂᐅᑉ ᐊᑭᓂᐊᕐᓂᕆᖕᒪᒍ, ᐊᑭᓂᐊᕐᕕᒋᓕᕐᓯᐅᒃ ᑍᒫᓪᓗᐊᖅ ᐱᓂᐊᕐᓂᕆᖃᑦᑕᕐᓯᒪᔭᖏᑎᑐᑦ ᐃᓕᑦᓯᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 50:15 Iomraidhean Croise

ᑯᕉᓂᑲ ᓯᕗᓪᓖᑦ 29:24

ᓯᕗᓕᕐᑎᓕᒫᑦ ᐊᔪᖏᑦᑐᕐᔪᐊᓪᓗ ᐊᖑᑏᑦ, ᐊᖓᔪᖅᑳᕐᔪᐊᓪᓗ ᑍᕕᑎᐅᑉ ᐃᕐᓂᓕᒫᖏᑦ, ᓈᓚᖕᓂᐊᓂᕋᕐᐳᑦ ᐊᖓᔪᖅᑳᕐᔪᐊᕐᒧᑦ ᓲᓗᒨᓂᒧᑦ.

ᑯᕉᓂᑲ ᐂᑉᐸᖏᑦ 30:8

ᒫᓐᓇ ᓯᑎᔫᒐᓱᐊᕐᑍᓕᒋᑦᓯ ᓯᕗᓕᑦᓯᑐᑦ, ᐃᓕᑦᓯᓐᓂᒡᓕ ᑐᓂᓕᕆᑦᓯ ᐊᑕᓂᕐᒧᑦ, ᐃᑎᕐᓗᓯᓗ ᐃᑦᔪᕐᓁᑦᑐᕕᖁᑎᖓᓄᑦ, ᑖᑦᓱᒪ ᐃᑦᔪᕐᓁᑎᓚᐅᕐᑕᖓᓄᑦ ᐃᓱᖃᖏᑦᑐᒧᑦ, ᐊᑕᓂᕐᓗ ᒎᑎᓯ ᐱᔨᑦᓯᓕᕐᓯᐅᒃ, ᑖᑦᓱᒪ ᓂᓐᖓᐅᓯᖓᓄᑦ ᓯᕘᕋᓇᕐᑐᒧᑦ ᕿᒪᒃᑕᐅᖁᓪᓗᓯ.

ᐃᓐᖏᕈᑎᑦ 149:7

ᐊᑭᓂᐊᕐᑎᐅᖁᓪᓗᒋᑦ ᐃᓅᖃᑎᒋᒡᔪᐊᓂᒃ ᐋᖅᑭᒃᓱᐃᔨᐅᖁᓪᓗᒋᓪᓗ ᐃᓄᖕᓂᒃ.

ᐃᓐᖏᕈᑎᑦ 94:1

ᐊᑕᓃᖅ ᒎᑏ ᓱᒋᐊᕐᓯᓂᕐᒥᒃ ᐱᖃᕐᐳᑎᑦ, ᒎᑏ ᓱᒋᐊᕐᓯᓂᕐᒥᒃ ᐱᑕᖃᕋᕕᑦ, ᓴᖅᑭᓕᕆᑦ!

ᐂᓮᐊᓯᐅᑉ ᐊᒡᓚᖏᑦ 59:17

ᓇᓛᒎᕐᓂᖅ ᓴᒡᕕᖕᒥᐅᑕᕐᑖᕆᕚ, ᐱᐅᓕᔭᐅᓂᕐᓗ ᓇᓴᕐᑖᕆᓪᓗᒍ, ᐊᓐᓄᕌᕐᓗᓂᓗ ᐊᑭᓂᐊᕐᓂᕐᒥᒃ, ᓂᓐᖓᐅᒪᓂᕐᔪᐊᕐᓗ ᐊᑎᕚ ᐅᓕᒡᔪᐊᓕᐅᑎᓪᓗᒍ.

ᐂᓮᐊᓯᐅᑉ ᐊᒡᓚᖏᑦ 59:18

ᐱᓂᐊᕐᓂᕆᓯᒪᔭᖏᑦ ᒪᓕᒡᓗᒋᑦ ᐊᑭᓕᕈᒫᕐᐰᑦ, ᐊᑭᕋᕐᑐᕐᑎᓂ ᓂᓐᖓᐅᒪᓂᕐᒥᓄᑦ ᐱᓇᓱᐊᕐᕕᒋᔪᒫᕐᐰᑦ; ᐊᑭᕋᕐᑐᕐᑎᓂ ᑍᒫᓪᓗᐊᖅ ᐱᓂᐊᕐᕕᒋᓗᒋᑦ; ᐃᒪᐅᓪᓗ ᓯᓈᓂᒥᐅᑦ ᐱᓂᐊᕐᓂᖏᑦ ᒪᓕᒡᓗᒋᑦ ᐱᓇᓱᐊᕐᕕᒋᔪᒫᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 61:2

ᐅᖃᐅᑦᔨᖁᓪᓗᖓᓗ ᐊᕐᕌᒍᒥᒃ ᐊᑕᓂᐅᑉ ᐊᑲᐅᓈᕐᕕᒋᓕᕐᑕᖓᓂᒃ, ᒎᑎᑦᑕᓗ ᐊᑭᓂᐊᕐᕕᒃᓴᖓᑕ ᐅᓪᓗᖓᑕ ᓇᓪᓕᐅᑎᓯᒪᓕᕐᓂᖓᓂᒃ; ᕿᒃᓵᒃᑐᓕᒫᑦ ᓮᒻᒪᕐᑎᑕᐅᖁᓪᓗᒋᑦ;

ᐂᓮᐊᓯᐅᑉ ᐊᒡᓚᖏᑦ 63:4

ᐅᓪᓗᖅ ᐊᑭᓂᐊᕐᕕᒃᓴᕋ ᐆᒻᒪᒻᒥᐅᑕᕆᓕᕋᒃᑯ, ᐊᕐᕌᒍᓗ ᐱᐅᓕᒃᓯᕕᒃᓴᕋ ᑎᑭᓯᒪᓕᕐᓗᓂ.

ᔨᕆᒤᐊᐅᑉ ᐊᒡᓚᖏᑦ 46:10

ᐅᓪᓗᖅ ᑍᓐᓇ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᒎᑎᐅᑉ ᐅᓪᓗᖁᑎᒋᕚ, ᐅᓪᓗᖅ ᐊᑭᓂᐊᕐᕕᒋᕚ, ᐊᑭᕋᕐᑐᕐᑎᓂ ᐊᑭᓂᐊᕐᕕᒋᔪᒫᕐᒪᒋᑦ, ᓴᕕᒡᔪᐊᒧᑦ ᑲᐱᔭᐅᔪᖅ ᑐᖁᓗᓂ ᑭᓯᐊᓂᐅᕗᖅ, ᐊᐅᖕᒥᒃ ᑯᕕᓯᖏᓐᓂᖓᓂ ᓄᖅᑲᐅᑎᔭᐅᓂᐊᓐᖏᓚᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᑐᓂᕐᕈᓯᕐᓂᐊᕐᒪᑦ, ᐅᓐᓄᐊᓪᓗᐊᑉ ᓇᓛᓃᑦᑐᑦ ᓄᓇᖓᓐᓂ ᑰᑉ ᐃᕗᕅᑎᐅᑉ ᖃᓂᒋᔭᖓᓂ.

ᔨᕆᒤᐊᐅᑉ ᐊᒡᓚᖏᑦ 50:14

“ᐹᐱᓘᓂᒥᐅᑦ ᐊᕙᑕᖏᕐᓗᒋᑦ ᐱᑎᒃᓵᓕᕐᓯᒋᒃ ᖃᕐᔪᓯ ᐊᒥᐊᒃᑯᑦᑍᓕᓗᒋᑦ ᐊᑕᓂᕐᒧᑦ ᐊᔪᕐᑐᓕᓚᐅᕐᒪᑕ.

ᔨᕆᒤᐊᐅᑉ ᐊᒡᓚᖏᑦ 50:25

ᐊᑕᓂᐅᑉ ᐅᓇᑕᐅᑎᓂ ᓴᖅᑭᑎᒻᒪᒋᑦ, ᓂᓐᖓᕕᒃᔪᐊᕐᓂᕐᒥᓄᓪᓗ ᓱᒋᐅᑎᓂ ᐊᑐᐃᓐᓇᕈᕐᐰᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐱᓇᓱᐊᒐᒃᓴᖃᓕᕐᒪᑦ ᑲᐅᓪᑎᐊᒥᐅᑦ ᓄᓇᖁᑎᖓᓐᓂ.

ᔨᕆᒤᐊᐅᑉ ᐊᒡᓚᖏᑦ 50:44

“ᑕᑯᒋᑦ, ᓛᔭᑎᑐᑦ ᑕᕐᕆᓯᒪᕕᖕᒥᖕᓂᑦ ᔪᐊᕐᑕᓂᐅᑉ ᓯᓈᓂᑦ ᓴᖅᑭᑳᓪᓚᒃᑐᑎᑐᑦ ᓇᑎᕐᓇᔪᖕᒧᑦ ᐃᕕᒃᓱᒐᖃᕐᑐᒧᑦ, ᐹᐱᓘᓂᒥᐅᑦ ᐊᖑᑦᓴᐅᑎᒋᔪᒫᕐᐸᒃᑲ ᕿᒫᑎᓪᓗᒋᑦ ᓄᓇᒥᖕᓂᑦ, ᑭᓇᒥᒃ ᑎᓕᔭᒃᓴᖃᕐᐳᖔ ᑍᒤᓕᐅᕈᓐᓇᕐᑐᒥᒃ? ᑭᓇ ᐅᕙᑦᑐᑦ ᑍᒤᑉᐹ, ᐅᕙᓐᓂᒃ ᐊᑭᓕᖃᕈᓐᓇᕐᑐᖅ? ᓰᐱᓕᕆᔨᑕᖃᕐᐹ ᐅᕙᓐᓂᒃ ᓴᐱᓯᓯᒪᔪᓐᓇᕐᑐᒦᒃ?

ᔨᕆᒤᐊᐅᑉ ᐊᒡᓚᖏᑦ 51:11

“ᖃᕐᔪᓯ ᑮᓐᓇᒃᓴᓕᕐᓯᒋᒃ ᓴᐴᓗᑕᓯᓗ ᑎᒍᓗᒋᑦ! ᐊᑕᓂᐅᑉ ᒥᑏᔅᑯᑦ ᐊᖓᔪᖅᑳᕐᔪᐊᖏᑦ ᐊᐅᓚᑦᔭᒃᑎᒻᒪᒋᑦ ᐹᐱᓘᓂᒥᐅᓂᒃ ᐊᓯᕈᐃᔪᒪᓪᓗᓂ ᐃᓱᒪᒋᔭᖃᕐᒪᑦ, ᐊᑕᓂᖅ ᐊᑭᓂᐊᕈᒫᕐᒪᑦ ᑐᒃᓯᐊᕐᕕᒃᔪᐊᖁᑎᓂ ᐱᑦᔪᑎᒋᓗᓂᐅᒃ.

ᔨᕆᒤᐊᐅᑉ ᐊᒡᓚᖏᑦ 51:14

ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕕᒍᑎᒋᕗᖅ ᐃᒻᒥᓂᒃ, ᐅᓇᑕᕐᑐᒃᓴᓂᒃ ᑕᑕᑕᐅᑎᑦᓱᒫᕐᐸᑦᓯ ᐱᒡᓕᕐᑕᐅᔮᕐᑐᑎᑐᑦ ᐅᓄᕐᑎᒋᔪᓂᒃ, ᕾᒐᓛᕈᒫᕐᐳᓪᓗ ᐃᓕᑦᓯᓐᓂᒃ ᓵᓚᖃᕐᓂᑎᒃ ᐱᑦᔪᑎᒋᓗᒍ.”

ᔨᕆᒤᐊᐅᑉ ᐊᒡᓚᖏᑦ 51:24

ᐊᑕᓂᖅ ᐅᖃᕐᐳᖅ, “ᑕᐅᑐᒃᑎᓪᓗᓯ ᐹᐱᓘᓂ ᐊᑭᓂᐊᓛᕐᐸᕋ ᑕᕝᕙᓂᓗ ᓄᓇᖃᕐᑐᑦ ᑲᐅᓪᑎᐊᒥᐅᑦ, ᐱᐅᖏᑦᑐᓕᓂᕆᓚᐅᕐᑕᖏᓐᓄᑦ ᓮᐅᓂᒥ.

ᔨᕆᒤᐊᐅᑉ ᐊᒡᓚᖏᑦ 51:25

ᑕᑯᒋᑦ, ᐊᑭᕋᕆᓕᕐᐸᒋᑦ ᐊᓯᕈᕐᓮᔨᑐᐃᓐᓇᐅᒐᕕᑦ, ᓄᓇᕐᔪᐊᓕᒫᒥ ᐊᓯᕈᐃᔨᐅᒐᕕᑦ, ᐊᑕᓂᖅ ᐅᖃᕐᐳᖅ. ᑕᓖᒃᑲᒃ ᐃᓵᒃᑎᒍᒃᑭᒃ ᐃᓐᓈᕉᑉ ᓯᓇᕐᔪᐊᓂᑦ ᐃᔪᒃᑲᕈᕕᑦ, ᖃᖅᑲᐅᓕᕈᒫᕐᐳᑎᑦ ᐃᑭᓐᓂᑯᑎᑐᑦ ᑍᒤᓕᕐᓗᑎᑦ.

ᔨᕆᒤᐊᐅᑉ ᐊᒡᓚᖏᑦ 51:30

ᐹᐱᓘᓂᒥᐅᑦ ᐅᓇᑕᕐᑎᖁᑎᖏᑦ ᓴᐱᓕᕐᐳᑦ, ᐱᔭᐅᑦᑍᓕᕕᖕᒥᓃᒃᑲᓗᐊᕐᓗᑎᒃ, ᑕᖃᓂᕐᒧᑦ ᐊᕐᓇᑎᑐᑦ ᑍᒤᓕᕐᒪᑕ, ᐊᖏᕐᕋᖏᑦ ᐃᑯᐊᓪᓚᒃᑕᐅᖕᒪᑕ, ᐃᑎᕐᑕᕐᕕᖏᑕᓗ ᓴᕕᕋᔭᒃᑕᖏᑦ ᓯᖁᑦᑎᕐᑕᐅᖕᒪᑕ.

ᔨᕆᒤᐊᐅᑉ ᐊᒡᓚᖏᑦ 51:36

ᑍᒤᒻᒪᑦ, ᐃᒫᒃ ᐊᑕᓂᖅ ᐅᖃᕐᐳᖅ, “ᑕᑯᒋᑦ, ᓴᐳᑎᓂᐊᕐᐸᑦᓯ ᓯᕐᓈᕐᓗᖓ ᐊᑭᒋᐊᕈᑎᓂᐊᕐᐸᑦᓯ; ᑕᕆᐅᖁᑎᖏᑦ ᐃᒤᕈᑎᑎᓐᓂᐊᕐᐸᒃᑲ, ᓄᓇᒥᓪᓗ ᑰᒃᑐᖁᑎᖏᑦ ᓴᓗᐊᕐᑎᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 51:44

ᐹᐱᓘᓂᒥᐅᑦ ᒎᑎᒋᔭᖓᑦ ᐱᐊᓪ ᓱᒋᐊᕈᒫᕐᐸᕋ, ᒥᕆᐊᕐᑎᓪᓗᒍᓗ ᐄᔭᕕᓂᖏᓐᓂᒃ, ᐃᓅᖃᑎᒌᒡᔪᐊᓄᑦ ᐅᐸᒃᑕᐅᕙᒍᓐᓃᕈᒫᕐᐳᖅ. “ᐹᐱᓘᓂᒥᐅᑦ ᐊᕙᓗᕐᔪᐊᖓ ᐅᕐᕈᔪᒫᕐᒪᑦ.

ᔨᕆᒤᐊᐅᑉ ᐊᒡᓚᖏᑦ 51:58

ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᐹᐱᓘᓂᒥᐅᑦ ᐊᕙᓗᕐᔪᐊᖓ ᐃᑦᔪᔪᐊᓘᒐᓗᐊᖅ ᓄᖑᑎᑕᐅᓗᓂ ᒪᓂᖅᑲᒦᓕᕈᒫᕐᐳᖅ, ᐃᑎᕐᑕᕐᕕᖏᓪᓗ ᐃᑯᐊᓪᓚᒃᑕᐅᓗᑎᒃ. ᐃᓄᐃᑦ ᐱᓇᓱᐊᕕᒃᔪᐊᕐᓂᕆᓚᐅᕐᑕᖏᑦ ᐊᑐᕐᓇᕐᓂᖃᓐᖏᓚᑦ, ᐃᓅᖃᑎᒌᒡᔪᐊᓪᓗ ᓴᓇᖃᑦᑕᕐᓯᒪᔭᖏᑦ ᐃᑯᐊᓪᓚᖅᑯᑎᒃᓴᓐᖑᕐᐳᑦ.”

ᔨᕆᒤᐊᐅᑉ ᐊᒡᓚᖏᑦ 51:6

ᐹᐱᓘᓂᒥᑦ ᕿᒫᓕᕆᑦᓯ ᐃᓅᔪᒪᒍᑦᓯ, ᐊᔪᕐᑐᓕᓂᖏᓐᓄᑦ ᐊᓯᕈᕐᑕᐅᑦᔪᑎᖃᕐᑍᓕᒋᑦᓯ, ᐊᑕᓂᐅᑉ ᐊᑭᓂᐊᕐᓂᒃᓴᖓ ᓇᓪᓕᐅᑎᖕᒪᑦ, ᐊᑕᓂᐅᑉ ᐊᑭᓂᐊᕐᕕᒋᓂᐊᕐᒪᒋᑦ ᐊᑭᓂᐊᕐᕕᐅᔭᕆᐊᖃᕐᓂᖏᑦ ᒪᓕᒡᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 51:64

ᐅᖃᕐᓗᑎᓪᓗ, ‘ᐹᐱᓘᓂᑦᑕᐅᖅ ᑍᒫᒃ ᑭᕕᑎᑦᓱᒫᕐᐸᕋ ᒪᑭᒃᑲᓐᓂᕈᓐᓁᕐᓗᓂᓗ ᑲᑉᐱᐊᓇᕐᑐᓄᑦ ᑎᑭᕝᕕᐅᑎᑦᓱᒫᕋᒃᑯ, ᐃᓄᖏᓪᓗ ᑲᑕᒍᒫᕐᐳᑦ.’” ᑕᕝᕗᖓ ᑎᑭᓪᓗᒋᑦ ᔨᕆᒤᐊᐅᑉ ᐅᖃᐅᓯᖏᑦ ᐃᓱᓕᑉᐳᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 5:6

ᐄᑦᔨᑉᑎᒥᐅᓂᒃ ᐊᓯᕆᐊᒥᐅᓂᒡᓗ ᐊᖏᖃᑎᖃᕐᓯᒪᕗᒍᑦ, ᓂᕿᓂᒃ ᓈᒻᒪᑐᐃᓐᓇᕐᑐᓂᒃ ᐱᔪᓐᓇᕈᒪᓪᓗᑕ.

ᐃᓯᑭᐊᓕᐅᑉ ᐊᒡᓚᖏᑦ 17:18

ᐅᖃᕕᒍᑎᒥᓂᒃ ᓇᕐᕈᓂᕐᒧᑦ ᐊᖏᖃᑎᒌᒍᑎᒋᓯᒪᔭᒥᓂᒃ ᓯᖁᒥᑦᓯᓚᐅᕐᒪᑦ, ᐃᒻᒥᓂᒃ ᐂᑦᑑᑎᒋᓚᐅᕐᓗᓂ ᑕᒪᒃᑯᓂᖓ ᐱᓇᓱᐊᓚᐅᕋᒥ, ᐊᓐᓇᖕᓂᐊᓐᖏᓚᖅ.

ᐃᓯᑭᐊᓕᐅᑉ ᐊᒡᓚᖏᑦ 21:22

ᑕᓕᕐᐱᖕᒥᓄᓪᓗ ᖃᕐᔪᒥᒃ ᑎᒍᓯᕗᖅ ᓇᓗᓁᕐᓯᔪᒥᒃ ᔨᕉᓴᓕᒥᒃ, ᐅᓇᑕᕆᐊᕐᑐᓪᓗ ᐊᐅᓪᓚᕆᐊᕈᑎᒃᓴᖓᓂᒃ ᕾᒐᓛᕈᑕᐅᓂᐊᕐᑐᒥᒃ, ᐋᖅᑭᒃᓱᐃᕗᓪᓗ ᐅᑯᐊᕐᔪᐊᖏᓐᓄᑦ ᒪᑐᐃᕐᓯᓇᓱᐊᕈᑎᒃᓴᒥᖕᓂᒃ, ᓄᓇᒥᒡᓗ ᐳᕐᑐᓯᑎᑦᓯᑦᔪᑎᒃᓴᒥᖕᓂᒃ, ᐊᕙᓗᕐᔪᐊᖓᓄᑦ ᒪᔪᕈᓐᓇᕐᓯᑦᔪᑎᒃᓴᒥᖕᓂᒃ.

ᓇᕼᐅᒥᐅᑉ ᐊᒡᓚᖏᑦ 1:2

ᐊᑕᓂᖅ ᒎᑎᐅᕗᖅ ᐊᓯᒥᓅᖁᔨᖏᑦᑐᖅ ᐊᑭᓂᐊᕐᑎᐅᓪᓗᓂᓗ; ᐊᑕᓂᖅ ᐊᑭᓂᐊᕐᐳᖅ ᓂᓐᖓᐅᒪᓕᕐᓗᓂᓗ; ᐊᑕᓂᐅᑉ ᐊᑭᕋᕐᑐᕐᑎᓂ ᐊᑭᓂᐊᕐᐰᑦ, ᐆᒥᒋᔨᒥᓄᓪᓗ ᓂᓐᖓᖕᓂᓂ ᐃᓕᖓᑎᑉᐹ.

ᒫᑎᐅᓯᐅᑉ ᐊᒡᓚᖏᑦ 7:2

ᐃᖅᑲᕐᑐᐃᓂᓯ ᒪᓕᒡᓗᒍ ᑍᒫᓪᓗᐊᖅ ᐃᖅᑲᕐᑐᕐᑕᐅᔪᒫᕆᕗᓯ, ᐱᓇᓱᐊᕐᓂᓯ ᒪᓕᒡᓗᒍ ᑍᒫᓪᓗᐊᖅ ᐱᓇᓱᐊᕐᕕᐅᔪᒫᕆᕗᓯ.

ᓘᑲᓯᐅᑉ ᐊᒡᓚᖏᑦ 21:22

ᑖᒃᑯᐊ ᐅᓪᓗᐃᑦ ᓱᒋᐊᕐᑕᐅᕕᐅᖕᒪᑕ, ᐊᒡᓚᖕᓂ ᐅᖃᐅᓯᐅᓯᒪᔪᓕᒫᑦ ᓇᓚᐅᓯᖁᓪᓗᒋᑦ.

ᕉᒪᒥᐅᓄᑦ 12:19

ᐃᓚᓐᓇᕆᔭᒃᑲ, ᓇᖕᒥᓂᖅ ᐊᑭᒋᐊᕐᓂᐊᕋᓯ, ᒎᑎᐅᓪᓕ ᓂᓐᖓᖕᓂᕆᔪᒫᕐᑕᖓᓄᑦ ᑐᕌᖓᑎᓕᕐᓯᐅᒃ; ᐊᒡᓚᒃᓯᒪᖕᒪᑦ, “ᐊᑭᓂᐊᕐᓂᖅ ᐱᒋᕙᕋ, ᐅᕙᖓ ᐊᑭᓂᐊᕈᒫᕐᐳᖓ, ᐊᑕᓂᖅ ᐅᖃᕐᐳᖅ.”

ᕉᒪᒥᐅᓄᑦ 3:5

ᐊᔪᕐᑐᓕᓂᕗᓪᓕ ᓴᖅᑭᑎᑦᓯᒃᑲᓐᓂᕐᐸᑕ ᒎᑎᐅᑉ ᓈᒻᒪᒃᑐᑑᓂᖓᓂᒃ, ᖃᓄᖅ ᐅᖃᕐᑐᒃᓴᐅᕕᑕ? ᒎᑎᒧᑦ ᓈᒻᒪᓈᖏᑦᑐᒥᒃ ᓂᓐᖓᒡᕕᐅᓂᕋᕈᓐᓇᕐᐱᑖ? (ᐃᓄᐃᑦ ᐃᓱᒪᑦᔪᓯᖓᒍᑦ ᒫᓐᓇ ᐅᖃᕐᐳᖓ.)

ᒨᓯᓯ ᑕᓪᓕᒪᖏᑦ 32:35

ᐊᑭᓂᐊᕐᓂᖅ ᐱᒋᕙᕋ, ᐊᑭᒪᓂᕐᓗ, ᐹᓪᓚᒡᕕᒃᓴᖓᑦ ᓇᓪᓕᐅᑎᓕᕐᐳᖅ; ᐊᓯᕈᕐᑕᐅᓂᒃᓴᖓᑕᓗ ᐅᓪᓗᖓ ᑎᑭᓕᕐᐳᖅ, ᐊᓯᕈᕐᑕᐅᕕᒃᓴᖓᑦ ᐊᑯᓂᐅᔪᓐᓃᕐᐳᖅ.

ᒨᓯᓯ ᑕᓪᓕᒪᖏᑦ 32:41

ᓴᕕᒡᔪᐊᕋ ᕿᓪᓚᕆᒃᑐᖅ ᐃᐱᒃᓴᕈᒃᑯ, ᑎᒍᒥᐊᓕᕐᓗᖓᓗ ᐃᖅᑲᕐᑐᐃᓂᕐᒧᑦ, ᐊᑭᕋᕐᑐᕐᑎᒃᑲ ᐊᑭᓂᐊᕐᕕᒋᓂᐊᕐᐸᒃᑲ ᓱᒋᐊᕐᓂᐊᕐᓗᒋᓪᓗ ᐅᕙᓐᓂᒃ ᐆᒥᓱᒃᑐᑦ.

ᒨᓯᓯ ᑕᓪᓕᒪᖏᑦ 32:43

ᓂᕐᑐᕐᓯᐅᒃ ᑖᑦᓱᒪ ᐃᓄᖁᑎᖏᑦ, ᐃᓅᖃᑎᒌᒡᔪᐊᖑᔪᓯ; ᓴᐳᑎᖕᒪᒋᑦ ᐱᔨᒥ ᐊᐅᖏᑦ, ᐊᑭᕋᕐᑐᕐᑎᓂ ᐊᑭᓂᐊᕐᕕᒋᖕᒪᒋᑦ, ᐃᓄᖁᑎᒥ ᓄᓇᖓ ᓴᓗᒻᒪᕐᓴᕐᒪᒍ.”

ᑎᓴᓗᓁᑲᒥᐅᓄᑦ ᐂᑉᐸᖏᑦ 1:8

ᐃᑯᒪᒧᑦ ᐃᑯᐊᓚᔪᒧᑦ, ᓱᒋᐊᕈᒫᕐᐰᑦ ᒎᑎᒥᒃ ᖃᐅᔨᒪᖏᑦᑐᑦ ᐅᖃᐅᓯᕐᓂᒡᓗ ᑐᓴᕈᒥᓇᕐᑐᓂᒃ ᐊᑕᓂᑦᑎᓐᓂᒃ ᔩᓱᓯᒥᒃ ᓈᓚᓚᐅᖏᑦᑐᑦ.

ᔧᒥᓯᐅᑉ ᐊᒡᓚᖏᑦ 2:13

ᐃᖅᑲᑐᕐᑕᐅᓂᕐᒧᑦ ᓂᑲᒋᔭᐅᒐᔭᓐᖏᓚᖅ ᓂᑲᒍᓱᓐᖏᑦᑐᒧᑦ; ᓂᑲᒍᓱᖕᓂᖅ ᓵᓚᖃᕐᑎᑦᓯᔪᓐᓇᕐᐳᖅ ᐃᖅᑲᕐᑐᕐᑕᐅᓂᒃᓴᒥᒃ.

ᔮᓱᐊᑉ ᐊᒡᓚᖏᑦ 6:20

ᑕᕝᕙ ᑐᓂᕐᕈᓯᕐᑎᑦᓯᔩᑦ ᑎᑦᑐᓚᐅᑎᒥᖕᓂᒃ ᓂᓪᓕᕐᑎᑦᓯᑐᐊᕐᒪᑕ, ᐊᖑᑏᑦ ᓂᐱᖅᑯᕐᑐᓪᓗᑎᒃ ᕾᒐᓛᓕᓚᐅᕐᐳᑦ. ᔨᕆᑰᓪᓗ ᐊᕙᓗᕐᔪᐊᖏᑦ ᐅᕐᕈᕗᑦ, ᐃᓄᓕᒫᓪᓗ ᓵᓐᖓᔭᒥᒃᑎᒍᑦ ᑐᕅᓐᓇᕐᓗᑎᒃ ᐃᑎᕐᐳᑦ ᐃᒡᓗᒐᓴᖕᓄᑦ, ᐃᒡᓗᒐᓮᓪᓗ ᓵᓚᒋᓪᓗᒋᑦ.

ᔮᓱᐊᑉ ᐊᒡᓚᖏᑦ 6:5

ᑎᑦᑐᓚᐅᒻᒥᒃ ᓂᓪᓕᑯᑖᒃᑎᑦᓯᒃᐸᑕ, ᑐᓴᑐᐊᕈᑦᓯᐅᒃ, ᑕᕝᕙ ᐊᖑᑎᓕᒫᑦ ᓂᐱᖁᕐᑐᓗᑎᒃ ᑬᒐᓛᕐᑐᒃᓴᐅᕗᑦ; ᑕᕝᕙ ᐃᒡᓗᒐᓮᑦ ᐊᕙᓗᕐᔪᐊᖓ ᐅᕐᕈᓂᐊᕐᐳᖅ ᐊᑕᖏᕐᓗᓂ, ᐅᓇᑕᕐᑐᒃᓴᓕᒫᓪᓗ ᐃᑎᕐᑐᒃᓴᐅᕗᑦ ᐃᒡᓗᒐᓴᖕᓄᑦ ᓵᓐᖓᔭᑐᐃᓐᓇᕐᒥᒃᑎᒍᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 16:6

ᑖᒃᑯᐊ ᐊᐅᓈᕐᑎᑦᓯᓚᐅᕐᒪᑕ ᐃᑦᔪᕐᓁᑦᑐᑦ ᓇᓚᐅᑦᑍᔪᑦ ᐊᐅᖏᓐᓂᒃ, ᑕᕝᕙ ᐊᐅᖕᒥᒃ ᐃᒥᒐᒃᓴᖏᓐᓂᒃ ᑐᓂᓯᕕᒋᕙᑎᑦ. ᑍᒤᑕᐅᔭᕆᐊᖃᕐᒪᑕ!”

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:6

ᐃᓕᑦᓯᓐᓄᑦ ᐱᓂᐊᕐᓯᒪᓂᖓ ᒪᓕᒡᓗᒍ ᐱᓂᐊᕐᕕᒋᓯᐅᒃ, ᐱᓂᐊᕐᓂᕆᓚᐅᕐᑕᖏᓪᓗ ᒪᕐᕈᐃᕐᑐᓪᓗᐊᕐᑐᒥᒃ ᐊᑭᓂᐊᕐᕕᒋᓗᒍ, ᖃᓪᓗᑎᖓ ᐃᒻᒥᕐᑕᐅᓕ ᒪᕐᕈᐃᕐᑐᓪᓗᐊᕐᓗᓂ ᓴᓐᖏᓂᕐᓴᒥᒃ ᐃᓕᑦᓯᓐᓂᒃ ᐃᒥᕐᑎᑦᓯᓯᒪᓂᖓᓂᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:2

ᑖᑦᓱᒪ ᐃᖅᑲᕐᑐᐃᓂᖏᑦ ᓱᓕᖕᒪᑕ ᓈᒻᒪᓈᑦᓯᐊᕐᓗᑎᒡᓗ; ᐃᖅᑲᕐᑐᓚᐅᕐᒪᒍ ᐊᖑᓐᓂᐊᕐᑎᕐᔪᐊᖅ ᓄᓇᕐᔪᐊᕐᒥᐅᓂᒃ ᐊᓯᕈᐃᓚᐅᕐᑐᖅ ᐊᖑᓐᓂᐊᕐᓂᕐᒥᓄᑦ, ᑖᑦᓱᒪᓗ ᐊᑭᓂᐊᕐᕕᒋᓚᐅᕐᐹ ᐱᔨᖏᑕ ᐊᐅᖏᑦ ᐱᑦᔪᑎᒋᓪᓗᒋᑦ.”

ᓴᒧᐃᓕ ᓯᕗᓪᓖᑦ 15:33

ᓴᒧᐃᓕᓗ ᐅᖃᕐᐳᖅ, “ᓴᕕᒡᔪᐊᕕᑦ ᐊᕐᓁᑦ ᕿᑐᕐᖏᓱᐃᑦᑑᑎᓚᐅᕐᒪᒋᑦ, ᐊᓈᓁᑦᑕᐅᖅ ᕿᑐᕐᖓᖃᕐᓂᐊᕈᓐᓃᕐᐳᖅ ᐊᕐᓁᑦ ᐊᑯᕐᖓᓐᓂ.” ᓴᒧᐃᓕᐅᓪᓗ ᐋᒑᒡ ᐊᕕᒃᑐᕐᐹ ᐅᓄᕐᑑᓕᓗᒍ ᐊᑕᓂᐅᑉ ᓵᖓᓂ ᒋᐅᓪᒐᐅᓪᒥ.