ᔨᕆᒤᐊᐅᑉ ᐊᒡᓚᖏᑦ 50:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᐊᑕᓂᕐᒧᑦ ᓂᓐᖓᒡᕕᐅᓯᒪᓂᕐᒥᖕᓄᑦ ᐃᓄᖃᕈᓐᓃᕈᒫᕐᐳᑦ ᓱᓇᖃᕈᓐᓃᕐᓗᓂᓗ, ᐹᐱᓘᓂᒥᒃ ᐊᖅᑯᓵᕐᑐᑦ ᑕᒪᕐᒥᒃ ᑲᒪᓂᐊᕈᑎᒋᔪᒫᕐᐹᑦ ᑲᑉᐱᐊᓲᑎᒋᓗᒍᓗ ᓱᕋᒃᓯᒪᓂᖓᓄᑦ.

ᔨᕆᒤᐊᐅᑉ ᐊᒡᓚᖏᑦ 50:13 Iomraidhean Croise

ᔫᐱᐅᑉ ᐊᒡᓚᖏᑦ 27:23

ᐸᑦᑕᒃᑐᕈᑎᒋᔭᐅᓂᐊᕐᐳᖅ, ᓱᓗᒃᓱᕐᕕᐅᓗᓂᓗ ᐃᓂᒋᔭᖓᓂᑦ ᓄᑎᑕᐅᕗᖅ.”

ᔨᕆᒤᐊᐅᑉ ᐊᒡᓚᖏᑦ 18:16

ᓄᓇᖓ ᐊᑐᕐᑐᒃᓴᐅᔪᓐᓃᕐᓂᐊᕐᐳᖅ, ᓄᓇᒋᔭᐅᔭᕆᐊᒃᓴᖅ ᓇᕐᕈᒋᔭᐅᓕᕐᓗᓂ. ᐊᖅᑯᓵᕐᑐᓕᒫᑦ ᑲᒪᓂᐊᖃᑦᑕᕈᒫᕐᐳᑦ ᐃᓕᕿᑕᒫᕐᓗᑎᒡᓗ.

ᔨᕆᒤᐊᐅᑉ ᐊᒡᓚᖏᑦ 19:8

ᑖᒃᑯᐊ ᐃᒡᓗᒐᓴᒡᔪᐊᑦ ᓱᕋᒃᑕᐅᑎᓐᓂᐊᕐᐸᒃᑲ ᓇᕐᕈᒋᔭᒃᓴᓐᖑᕐᑎᓪᓗᒋᓪᓗ; ᐊᖅᑯᓵᕐᑐᓪᓗ ᑲᒪᓂᐊᕐᓗᑎᒃ ᓱᕋᒃᑎᕐᓯᒪᓂᖓᓂᒃ ᖁᐊᕐᓵᖓᔪᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 25:12

ᐊᕐᕌᒍᓪᓕ 70 ᓈᒃᐸᑕ, ᐊᑭᓂᐊᕕᒋᔪᒫᕐᐹᕋ ᐹᐱᓘᓂᐅᑉ ᐊᖓᔪᖅᑳᕐᔪᐊᖓ ᐃᓄᖁᑎᖏᓪᓗ ᑲᐅᓪᑎᐊᒥᐅᑦ, ᓄᓇᖓᓪᓗ ᐸᓯᔭᒃᓴᐅᓂᖏᑦ ᐱᑦᔪᑎᒋᓗᒋᑦ ᐊᑕᓂᖅ ᐅᖃᕐᐳᖅ, ᓱᓇᑕᖃᕈᓐᓃᕈᒫᕐᐳᕐᓗ ᐃᓱᖃᖏᑦᑐᒧᑦ.

ᔨᕆᒤᐊᐅᑉ ᐊᒡᓚᖏᑦ 34:22

ᑎᓕᓯᓂᐊᕐᐳᖓ, ᐊᑕᓂᖅ ᐅᖃᕐᐳᖅ, ᐅᑎᕐᓂᐊᕐᒪᑕ ᑕᕝᕗᖓ ᐃᒡᓗᒐᓴᒡᔪᐊᓄᑦ ᐅᓇᑕᕐᓗᒍᓗ ᓵᓚᒋᒍᓂᑦᔪᒃ ᐃᑯᐊᓪᓚᖕᓂᐊᕐᐹᑦ, ᔫᑕᒥᐅᓪᓗ ᓄᓇᓕᖁᑎᖏᑦ ᓄᓇᒋᔭᒃᓴᐅᔪᓐᓃᕐᑎᓐᓂᐊᕐᐸᒃᑲ ᓄᓇᒋᔭᐅᔪᓐᓃᖁᓪᓗᒋᑦ ᐃᓄᖕᓄᑦ.”

ᔨᕆᒤᐊᐅᑉ ᐊᒡᓚᖏᑦ 49:17

“ᐄᑐᒥᒥᐅᑦ ᑕᑯᒥᓁᑦᑐᕐᔪᐊᓐᖑᕈᒫᕐᐳᑦ, ᐊᖅᑯᓵᕐᑐᑦ ᒥᑕᐅᑎᒃᓴᕐᐸᒍᒫᕐᐳᑦ ᑕᑯᔭᒥᖕᓂᒃ, ᑖᑦᓱᒪ ᓯᖁᑦᑎᕐᓯᒪᓂᖓᓄᑦ.

ᔨᕆᒤᐊᐅᑉ ᐊᒡᓚᖏᑦ 50:3

“ᐅᓐᓄᐊᓪᓗᐊᑉ ᓇᓛᓂᑦ ᑎᑭᑦᑐᓄᑦ ᐃᓅᖃᑎᒌᒡᔪᐊᓄᑦ ᐅᓇᑕᕐᑕᐅᔪᒫᕐᐳᑦ, ᓄᓇᖓᓗ ᓱᓁᕈᑦᔭᐅᓗᓂ ᓄᓇᒋᔭᐅᔪᓐᓃᕐᑎᑕᐅᔪᒫᕐᐳᖅ ᐃᓄᖕᓄᑦ, ᐆᒪᔪᓪᓗ ᐃᓄᖏᓪᓗ ᑕᒪᕐᒥᒃ ᕿᒫᔪᒫᕐᐳᑦ.”

ᔨᕆᒤᐊᐅᑉ ᐊᒡᓚᖏᑦ 51:26

ᐃᒡᓗᓕᐅᕐᑐᓄᑦ ᑎᕆᖅᑯᒃᓴᒥᒃ ᐅᔭᕋᒃᓴᕐᑖᕐᕕᐅᓚᐅᕐᓯᒪᒃᔮᓐᖏᓚᑎᑦ, ᑐᓐᖓᕕᒃᓴᐅᓂᐊᕐᑐᒥᒡᓘᓐᓃᑦ ᐅᔭᕋᒃᑖᕐᕕᐅᓂᐊᓐᖏᓚᑎᑦ, ᓱᓁᕈᓯᒪᔪᒫᕋᕕᑦ ᐃᓱᖃᖏᑦᑐᒧᑦ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 51:29

ᓄᓇ ᓴᔪᒃᐱᓗᒃᐳᖅ ᐋᓐᓂᕇᓯᕐᑐᑎᑐᑦ, ᐊᑕᓂᐅᑉ ᐹᐱᓘᓂᒥᐅᓄᑦ ᐊᑭᓂᐊᕐᓂᕆᔪᒪᔭᖓ ᓇᓪᓕᐅᑎᖕᒪᑦ, ᐹᐱᓘᓂᒥᐅᑦ ᓄᓇᖓᑦ ᓱᓁᕈᑦᔭᐅᖕᒪᑦ ᓄᓇᖃᕐᕕᐅᔪᓐᓇᕈᓐᓃᕐᐳᖅ ᑭᓇᒃᑯᑐᐃᓐᓇᕐᓄᑦ.

ᔨᕆᒤᐊᐅᑉ ᐊᒡᓚᖏᑦ 51:37

ᐹᐱᓘᓂᒥᐅᑦ ᖃᑦᑎᒃᓯᓯᒪᓕᕈᒫᕐᐳᑦ ᓄᓇᓕᕕᓂᑐᐃᓐᓇᐅᓕᕈᑎᒃ, ᑎᕆᒐᓂᐊᖓᔪᓄᑦ ᐃᓂᐅᓕᕐᓂᐊᕐᐳᖅ ᑕᑯᒥᓁᑦᑐᕐᔪᐊᖑᔪᒫᕐᐳᖅ, ᐃᓄᖃᖏᓪᓗᓂᓗ.

ᔨᕆᒤᐊᐅᑉ ᐊᒡᓚᖏᑦ 51:62

ᐅᖃᕐᓗᑎᓪᓗ, ‘ᐊᑕᓃᖅ, ᐅᖃᓚᐅᕋᕕᑦ ᑖᒃᑯᐊ ᓄᓇᓖᑦ ᐊᓯᕈᕈᒫᕐᓂᕋᕐᓗᒋᑦ ᓇᔪᒐᒃᓴᐅᔪᓐᓃᖁᓪᓗᒋᑦ ᐆᒪᔪᓄᑦ ᐃᓄᖕᓄᓪᓗ, ᓱᓇᖃᕈᓐᓁᕈᒫᕐᒪᑦ ᐃᓱᖃᖏᑦᑐᒧᑦ.’

ᐃᓯᑭᐊᓕᐅᑉ ᐊᒡᓚᖏᑦ 27:36

ᓂᐅᕕᕋᕐᑎᓕᒫᑦ ᓯᓚᕐᔪᐊᕐᒥ ᓯᕘᕋᑦᔪᑎᒋᓕᕐᐹᓯ; ᑲᑉᐱᐊᓇᕐᑐᒥᒃ ᐃᓱᓕᒃᑲᑦᓯ ᐱᑕᖃᕐᓂᐊᕈᓐᓃᕐᓗᓯᓗ ᐃᓱᖃᖏᑦᑐᒧᑦ.’”

ᔨᐸᓁᐊᐅᑉ ᐊᒡᓚᖏᑦ 2:15

ᑖᓐᓇ ᐃᒡᓗᒐᓴᒃ ᖁᕕᐊᓱᒃᐳᖅ ᐃᓄᖏᓪᓗ ᐃᓂᓪᓚᖓᑦᓯᐊᕐᐳᑦ, ᐆᒻᒪᑎᒥᒍᑦ ᐅᖃᕐᑐᒧᑦ, “ᑖᓐᓇᐅᕗᖓ, ᐊᓯᓐᓂᒃ ᐱᑕᖃᓐᖏᓚᖅ.” ᖃᓄᐃᒻᒪᓖ ᕿᒪᒃᑕᐅᓯᒪᕚ? ᐆᒪᔪᓕᒫᓄᑦ ᐊᖁᐱᕕᐅᑐᐃᓐᓇᓕᕐᑐᖅ! ᑕᕝᕘᓇ ᐊᖅᑯᓵᕐᑐᓕᒫᑦ ᐅᖃᕐᓂᕐᓘᑎᖃᕈᒫᕐᐳᑦ ᐃᓵᒡᓗᑎᒡᓗ ᐅᕐᓕᕈᒫᕐᐳᑦ.

ᓴᑲᕅᐊᐅᑉ ᐊᒡᓚᖏᑦ 1:15

ᐊᒃᓱᒻᒪᕆᐊᓗᒃ ᓂᓐᖓᐅᒪᕕᖃᕐᐳᖓ ᐃᓅᖃᑎᒌᒡᔪᐊᓂᒃ ᓄᓇᓂ ᓮᓕᓇᕐᑐᒦᑦᑐᓂᒃ. ᓂᓐᖓᐅᒪᓗᐊᓚᐅᓐᖏᒃᑲᓗᐊᕐᐳᖓ ᐃᓄᖁᑎᓐᓄᑦ, ᔫᑎᐅᖏᑦᑐᓪᓕ ᐅᖁᒤᒃᓴᕐᑎᑦᓯᕙᓪᓕᐊᓚᐅᕐᐳᑦ ᑖᒃᑯᓂᖓ.

ᒨᓯᓯ ᑕᓪᓕᒪᖏᑦ 29:22

“ᓯᕗᓂᑦᓯᓐᓂ ᐃᓅᖃᑎᒌᖑᔪᒫᕐᑐᓄᑦ, ᑭᖑᕚᒃᓴᑦᓯᓐᓄᑦ, ᓄᓇᖅᑲᑎᒋᓐᖏᑕᑦᓯᓐᓄᓪᓗ ᓄᓇᒥᑦ ᐅᖓᓯᒃᑐᒥᑦ ᐱᓯᒪᔪᓄᑦ ᑕᒪᒃᑯᐊ ᑕᑯᔭᐅᔪᒫᕐᐳᑦ ᐱᓂᕐᓗᒃᑕᐅᓇᕐᑐᑦ ᐋᓐᓂᐊᓇᕐᑐᓪᓗ ᐊᑕᓂᐅᑉ ᓄᓇᑦᓯᓐᓄᑦ ᑎᑭᑎᓯᒪᔭᖏᑦ.