ᔨᕆᒤᐊᐅᑉ ᐊᒡᓚᖏᑦ 50:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᐊᓈᓁᑦ ᑲᓐᖑᓱᒃᑎᑕᐅᕕᒃᔪᐊᕈᒫᕐᐳᖅ, ᐃᓕᖕᓂᒃ ᕿᑐᕐᖓᕐᑖᓚᐅᕐᑐᖅ ᐃᓕᕋᒃᑯᑦᔨᓂᐊᕐᐳᖅ, ᑕᑯᒋᑦ, ᐃᓅᖃᑎᒌᒡᔪᐊᓂᑦ ᐃᓱᒪᓇᖏᓐᓂᕐᐹᖑᓕᕈᒫᕐᐳᖅ, ᓱᓇᖃᔪᐃᑦᑐᓐᖑᕐᓗᓂ, ᓄᓇᖓᓗ ᐸᓂᕐᓗᓂ ᓯᐅᕋᕐᔪᐊᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 50:12 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 14:22

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ, “ᐅᓇᑕᕆᐊᕈᒫᕐᐸᒃᑲ ᐹᐱᓘᓂᐅᓪᓗ ᐊᑎᖓ ᓇᑲᑦᓱᒫᕐᐸᕋ ᐊᒥᐊᒃᑯᖃᕐᑎᖏᓪᓗᒋᑦ, ᕿᑐᕐᖓᖏᓪᓗ ᑭᖑᕚᒃᓴᖏᓪᓗ, ᐊᑕᓂᖅ ᐅᖃᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 23:13

ᑲᐅᓪᑎᐊᒥᐅᓄᑦ ᐆᒪᔪᓄᑦ ᓄᔪᐊᕐᑐᓄᑦ ᑍᕆᒥᐅᑦ ᐊᖅᑯᓵᕐᑕᐅᑎᑕᐅᓚᐅᕐᐳᑦ ᐊᓯᕆᐊᒥᐅᓅᖏᑦᑐᖅ. ᑖᒃᑯᐊᓗ ᐹᐱᓘᓂᒥᐅᑦ ᐊᕙᑕᖏᕐᓯᓯᒪᓪᓗᑎᒃ ᓇᐸᔪᐊᓗᓕᐅᓚᐅᕐᐳᑦ, ᑍᕆᒥᐅᑦ ᐊᕙᓗᕐᔪᐊᖏᓐᓂᒃ ᓯᖁᒥᑦᓯᑦᔪᑎᒋᓚᐅᕐᑕᒥᖕᓂᒃ ᐃᒡᓗᒐᓴᒡᔪᐊᓂᒡᓗ ᐊᓯᕈᐃᑦᔪᑎᒋᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 12:14

ᐃᒫᒃ ᐊᑕᓂᖅ ᐅᖃᕐᐳᖅ, “ᐃᓄᖁᑎᒪ ᐃᓴᕆᐊᓕᒥᐅᑦ ᐊᓯᖏᑦ ᐊᑲᐅᖏᑦᑐᓕᔪᑦ ᑎᒍᓯᓚᐅᕐᑐᑦ ᑖᒃᑯᓂᖓ ᓄᓱᒍᒫᕐᐸᒃᑲ ᓄᓇᖏᓐᓂᑦ, ᔫᑕᒥᐅᓪᓗ ᐱᔭᐅᕕᒋᓯᒪᔭᖏᓐᓂᑦ ᓄᓱᒍᒫᕆᕙᒃᑲ.

ᔨᕆᒤᐊᐅᑉ ᐊᒡᓚᖏᑦ 15:9

ᐊᕐᓇᖅ 7ᓂᒃ ᕿᑐᕐᖓᓕᒃ ᓄᑮᕈᑎᓂᐊᕐᐳᖅ ᐊᓂᕐᓇᖏᕐᓗᓂᓗ; ᓯᕿᓂᖅ ᑕᑯᓐᓇᕈᓐᓃᕐᓂᐊᕐᐹ ᓱᓕ ᐅᓪᓘᒐᓗᐊᕐᑎᓪᓗᒍ; ᖁᕕᐊᓇᖏᑦᑐᒦᓐᓂᐊᕐᐳᖅ ᑲᓐᖑᓇᕐᑐᒦᓪᓗᓂᓗ. ᐊᒥᐊᒃᑰᔫᓪᓗ ᐅᓇᑕᕐᑐᓂ ᑐᖁᑕᐅᔪᒫᕐᐳᑦ, ᐊᑕᓂᖅ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 22:6

“‘ᐃᒫᒃ ᐊᑕᓂᖅ ᐅᖃᕐᒪᑦ ᔫᑕᐅᑉ ᐊᖓᔪᖅᑳᕐᔪᐊᖓᑕ ᐃᒡᓗᖓᓃᑦᑐᓄᑦ: ᑕᑯᒥᓇᕋᓗᐊᕐᐳᑎᑦ ᒋᓕᐊᑎᐅᑉ ᓄᓇᖓᑎᑐᑦ, ᓕᐸᓇᓂᐅᓪᓗ ᖃᖅᑲᖏᑎᑐᑦ, ᓱᓇᖃᔪᐃᑦᑑᑉ ᓄᓇᖓᑐᑦ ᑍᒤᑦᑐᓐᖑᕐᑎᑦᓱᒫᕐᐸᑦᓯ, ᓄᓇᓕᖃᖏᑦᑐᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 25:12

ᐊᕐᕌᒍᓪᓕ 70 ᓈᒃᐸᑕ, ᐊᑭᓂᐊᕕᒋᔪᒫᕐᐹᕋ ᐹᐱᓘᓂᐅᑉ ᐊᖓᔪᖅᑳᕐᔪᐊᖓ ᐃᓄᖁᑎᖏᓪᓗ ᑲᐅᓪᑎᐊᒥᐅᑦ, ᓄᓇᖓᓪᓗ ᐸᓯᔭᒃᓴᐅᓂᖏᑦ ᐱᑦᔪᑎᒋᓗᒋᑦ ᐊᑕᓂᖅ ᐅᖃᕐᐳᖅ, ᓱᓇᑕᖃᕈᓐᓃᕈᒫᕐᐳᕐᓗ ᐃᓱᖃᖏᑦᑐᒧᑦ.

ᔨᕆᒤᐊᐅᑉ ᐊᒡᓚᖏᑦ 25:26

ᐅᓐᓄᐊᓪᓗᐊᓪᓗ ᓇᓛᓂᑦᑐᑦ ᐊᖓᔪᖅᑳᕐᔪᐊᓕᒫᖏᑦ, ᖃᓂᑦᑐᒦᑦᑐᑦ ᐅᖓᓯᒃᑐᒦᑦᑐᓪᓗ. ᓄᓇᕐᔪᐊᕐᒥᐅᓕᒫᑦ ᐊᖓᔪᖅᑲᐅᕕᒃᔪᐊᖏᑦ ᑖᒃᑯᐊᓕᒫᑦ, ᓯᓵᒃᒥᐅᑦ ᐊᖓᔪᖅᑳᕐᔪᐊᖓᑦ ᐃᓚᒋᔭᐅᓗᓂ ᑖᑦᓱᒥᖓ ᐃᒥᕐᑐᒃᓴᐅᕗᑦ.

ᔨᕆᒤᐊᐅᑉ ᐊᒡᓚᖏᑦ 49:2

ᑍᒤᒻᒪᑦ, ᑕᑯᒋᑦ, ᐅᓪᓗᐃᑦ ᓇᓪᓕᐅᑦᓱᒫᕐᐳᑦ, ᐊᑕᓂᖅ ᐅᖃᕐᐳᖅ, ᐅᓇᑕᕆᐊᖁᔨᓗᖓ ᓂᓪᓕᕈᒫᕋᒪ ᕌᐸᒥᐅᓄᑦ ᐊᒧᓁᑎᒦᑦᑐᓄᑦ, ᓄᓇᓕᕕᓂᑐᐃᓐᓇᐅᓕᕈᒫᕐᐳᑦ, ᓄᓇᓖᓪᓗ ᖃᓂᒋᔭᖓᓃᑦᑐᑦ ᐃᑭᓐᓂᑯᐃᓐᓇᐅᓕᕐᓗᑎᒃ, ᐃᓴᕆᐊᓕᒥᐅᓪᓗ ᐊᕐᓵᕐᓯᔪᒫᕐᐳᑦ ᐊᕐᓵᕐᓯᔨᒋᓚᐅᕐᑕᒥᖕᓂᒃ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 51:43

ᓄᓇᓕᖁᑎᖏᑦ ᓱᓁᕈᑎᔪᒫᕐᐳᑦ, ᐸᓂᕐᓗᑎᒃ ᓯᐅᕋᕐᔪᐊᑎᑐᑦ ᑍᒤᓕᕐᓗᑎᒃ ᓄᓇᖃᕐᕕᐅᔪᓐᓃᕐᓗᑎᒡᓗ, ᐃᖏᕐᕋᔪᓄᓪᓗ ᐊᖅᑯᑎᐅᔪᓐᓃᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 51:47

ᑍᒤᒻᒪᑦ, ᑕᑯᒋᑦ, ᐅᓪᓗᐃᑦ ᓇᓪᓕᐅᑎᔪᒫᕐᐳᑦ ᐹᐱᓘᓂᒥᐅᑦ ᒎᑎᖏᓐᓂᒃ ᓱᒋᐊᕐᓯᔪᒫᕐᓂᕋ, ᓄᓇᓕᒫᖓᑦ ᐱᐅᔪᓐᓃᕐᑎᑦᓱᒫᕐᐸᕋ, ᑐᖁᕋᕐᑕᐅᓂᑯᐃᑦ ᓄᓇᖓᓐᓂ ᓇᓂᑐᐃᓐᓈᕈᒫᕐᐳᑦ.

ᒐᓔᑎᐊᒥᐅᓄᑦ 4:26

ᕿᓚᖕᒥᓕ ᔨᕉᓴᓕᐅᔪᒫᕐᑐᖅ ᕿᓚᒃᓱᕐᑕᐅᓯᒪᓐᖏᓚᖅ, ᑖᓐᓇᓗ ᑕᕝᕙ ᐊᓈᓇᒋᕙᕗᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:5

ᖃᐅᖓᒍᓪᓗ ᑎᑎᕋᕐᓯᒪᔪᖃᕐᐳᖅ ᐊᑎᕐᒥᒃ ᓇᓗᓇᕐᑐᒥᒃ: “ᐹᐱᓘᓂ ᐊᔪᖏᑦᑐᕐᔪᐊᖅ, ᐊᖑᓐᓂᐊᕐᑏᑦ ᐊᓈᓇᖓᑦ ᓄᓇᕐᔪᐊᒥ ᓇᕐᕈᓇᕐᑐᓕᓃᑦ.”