ᔨᕆᒤᐊᐅᑉ ᐊᒡᓚᖏᑦ 5:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ “ᓱᖕᒪᑦ ᐃᓱᒪᒋᔪᓐᓁᕐᕕᒋᔭᖃᕐᑐᒃᓴᐅᕗᖔ ᐃᓕᑦᓯᓐᓂᒃ? ᕿᑐᕐᖓᓯ ᐊᒡᓛᑦ ᒪᓕᒍᒪᔪᓐᓁᕐᐳᑦ ᐅᕙᓐᓂᒃ, ᐊᖏᒻᒪᕆᒃᐸᒡᓗᑎᒡᓗ ᒎᑎᓐᖑᐊᑦ ᐊᑎᖏᑦ ᐊᑐᕐᓗᒋᑦ. ᐃᓅᑦᔪᑎᒃᓴᓕᒫᖏᓐᓂᒃ ᐊᔪᕐᓴᕐᑎᖏᒃᑲᓗᐊᕋᒃᑭᑦ, ᓱᓕᓕ ᐊᓯᓐᓂᐊᕐᐳᑦ, ᐊᖑᓐᓂᐊᕐᑎᓪᓗ ᐃᒡᓗᖏᓐᓃᖃᑦᑕᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 5:7 Iomraidhean Croise

ᑯᕉᓂᑲ ᐂᑉᐸᖏᑦ 13:9

ᐊᓂᑦᑎᓚᐅᓐᖏᓚᓰ ᐊᑕᓂᐅᑉ ᑐᓂᕐᕈᓯᕐᑎᑦᓯᔨᖏᓐᓂᒃ, ᐂᕉᓂᐅᓪᓗ ᐃᕐᓂᖏᓐᓂᒃ, ᓕᕔᑎᓂᒡᓗ, ᓇᖕᒥᓂᕐᓗ ᑐᓂᕐᕈᓯᕐᑎᑦᓯᔨᒃᓴᑦᓯᓐᓂᒃ ᑎᓕᓯᓪᓗᓯ, ᐃᓅᖃᑎᒌᒡᔪᐊᑦ ᐊᓯᓯ ᒪᓕᒡᓗᒋᑦ? ᓇᓪᓕᐊᑦ ᑐᓂᕐᕈᓯᕆᐊᖃᕐᑎᓪᓗᒍ ᐃᒻᒥᓂᒃ ᐃᑦᔪᕐᓁᓕᑎᓪᓗᓂ ᐊᖑᓴᓪᓗᕐᒥᒃ ᐅᕝᕙᓗ 7ᓂᒃ ᓰᐱᐅᑉ ᐊᖑᓴᓪᓗᖏᓐᓂᒃ ᑐᓂᕐᕈᓯᕐᑎᑦᓯᔨᓐᖑᕐᑎᑉᐱᓯᐅᒃ ᒎᑎᐅᖏᑦᑐᓄᑦ?

ᔫᐱᐅᑉ ᐊᒡᓚᖏᑦ 31:12

ᑕᒪᓐᓇ ᐃᑯᒪᐅᒐᔭᕐᐳᖅ ᓱᒃᑯᑎᕆᓗᓂ ᓯᖁᒥᑕᐅᓂᕐᒧᑦ, ᐱᖁᑎᓕᒫᒃᑲᓗ ᐊᒫᖏᓐᓄᑦ ᑎᑭᓪᓗᒋᑦ ᓄᖑᑕᐅᒐᔭᕐᐳᑦ.

ᐃᓐᖏᕈᑎᑦ 50:18

ᑎᒡᓕᑐᔪᒥᒃ ᑕᑯᒐᑦᓯ ᐊᖏᖃᑎᒋᓚᐅᕐᐸᓯ, ᓄᓕᐊᕇᖕᓂᕐᒥᒡᓗ ᐊᓯᕈᐃᔪᓂ ᑍᒤᓕᐅᖃᑕᐅᓯᒪᕗᓯ.

ᔨᕆᒤᐊᐅᑉ ᐊᒡᓚᖏᑦ 12:16

ᑕᒪᑐᒪ ᑭᖑᕐᖓᒍᑦ, ᐊᒃᓱᕈᕐᓗᑎᒃ ᐃᓄᖁᑎᒪ ᐱᐅᓯᖏᓐᓂᒃ ᐃᓕᓐᓂᐊᕋᔭᕐᐸᑕ, ᐅᖃᕕᒍᑎᖃᕐᓗᑎᒡᓗ ᐊᑎᓐᓂ, ‘ᐊᑕᓂᖅ ᐃᓅᖕᒪᑦ,’ ᑍᒫᒃᑕᐅᖅ ᐃᓄᖁᑎᒃᑲ ᐃᓕᓐᓂᐊᕐᑎᓚᐅᕐᒪᒋᑦ ᐅᖃᕕᒡᕕᖃᖁᓪᓗᒋᑦ ᐰᓕᒧᑦ, ᑖᒃᑯᐊ ᒪᑭᑦᓱᒫᕐᐳᑦ ᐃᓄᖁᑎᒪ ᐊᑯᕐᖓᓐᓂ.

ᔨᕆᒤᐊᐅᑉ ᐊᒡᓚᖏᑦ 13:27

ᓇᕐᕈᓇᕐᑐᓕᓂᓯ ᑕᑯᓯᒪᒐᒃᑭᑦ, ᐊᓯᓐᓂᐊᕐᓯᒪᓂᓯ ᐱᔪᒪᓗᐊᕐᓂᓯᓗ, ᑲᓐᖑᓱᒐᓯ ᓄᓕᐊᕐᓃᑦ ᐱᓇᓱᐊᓚᐅᕐᑕᓯ ᑕᑯᓯᒪᕙᒃᑲ, ᖃᖅᑬᑦ ᖄᖏᓐᓂ ᓇᑎᕐᓇᓂᓗ. ᑲᑉᐱᐊᓐᓇᒦᖑᔪᓯ ᔨᕉᓴᓕᒥᐅᑦ! ᖃᓄᖅ ᐊᑯᓂᐅᑎᒋᔪᖅ ᓴᓗᒤᑦᑑᓂᐊᕐᐱᓰ?”

ᔨᕆᒤᐊᐅᑉ ᐊᒡᓚᖏᑦ 16:11

ᐃᒫᒃ ᐅᖃᐅᑎᔭᒃᓴᕆᕙᑎᑦ, ‘ᓯᕗᓕᕕᓂᑦᓯ ᕿᒪᓚᐅᕐᒪᖓ, ᐊᑕᓂᖅ ᐅᖃᕐᐳᖅ, ᒎᑎᓐᖑᐊᓂᒡᓗ ᒪᓕᒐᖃᖔᓕᓚᐅᕐᒪᑕ ᑖᒃᑯᐊᓗ ᐱᔨᑦᓯᖔᓕᕐᓗᒋᑦ ᑐᒃᓯᐊᕐᕕᒋᕙᒃᓗᒋᓪᓗ, ᐅᕙᓐᓂᒡᓕ ᕿᒤᓪᓗᑎᒃ ᐱᖁᔭᒃᑲ ᒪᓕᒍᒪᔪᓐᓃᓚᐅᕐᐰᑦ.

ᔨᕆᒤᐊᐅᑉ ᐊᒡᓚᖏᑦ 16:20

ᐃᓄᐃᑦ ᓇᖕᒥᓂᖅ ᓴᓇᔭᒥᖕᓂᒃ ᒎᑎᖃᕈᓐᓇᕐᐹᑦ? ᑍᒤᑦᑐᓪᓕ, ᒎᑎᐅᓐᖏᓚᑦ!

ᔨᕆᒤᐊᐅᑉ ᐊᒡᓚᖏᑦ 2:11

ᐃᓅᖃᑎᒌᒡᔪᐊᑦ ᒎᑎᒥᖕᓂᒃ ᐊᓯᑦᔩᓲᖑᕚᑦ? ᒎᑎᐅᖏᒃᑲᓗᐊᕐᑎᓪᓗᒋᑦ ᒎᑎᒋᔭᖏᑦ, ᐃᓄᖁᑎᒪᓕ ᐃᓅᖃᓐᓂᕐᓯᑎᑕᐅᓯᒪᓂᕆᔭᑎᒃ ᐃᓇᖏᕐᑕᐅᑎᑉᐹᑦ ᒎᑎᓐᖑᐊᓄᑦ ᐊᑑᑎᒃᓴᖃᖏᑦᑐᓄᑦ.

ᔨᕆᒤᐊᐅᑉ ᐊᒡᓚᖏᑦ 2:31

ᑭᖑᕚᖑᖃᑎᒌᖑᔪᓯ ᐊᑕᓂᐅᑉ ᐅᖃᐅᓯᕆᔭᖏᑦ ᑐᓴᕐᓯᒋᒃ, ᐃᓴᕆᐊᓕᒥᐅᓄᑦ ᓄᓇᑎᑐᑦ ᐃᓄᖃᔪᐃᑦᑐᑎᑐᑦ ᑍᒤᓐᓇᒫ? ᓄᓇᑎᑐᓪᓘᓐᓃᑦ ᑲᑉᐱᐊᓇᕐᑐᕐᑕᖃᕐᑐᑎᑐᑦ! ᓱᖕᒪᓪᓕ ᐃᓄᖁᑎᒃᑲ ᐅᖃᕐᐹᑦ, ᐃᓱᒪᕐᓱᕐᐳᒍᑦ, ᐃᓕᖕᓄᑦ ᐅᐸᒍᑎᓂᐊᕈᓐᓃᕐᐳᒍᑦ.

ᔨᕆᒤᐊᐅᑉ ᐊᒡᓚᖏᑦ 23:10

ᓄᓇᓕᓕᒫᖅ ᓈᖕᒪᑦ ᐊᓯᓐᓂᐊᕐᑎᓂᒃ; ᓇᕐᕈᓇᕐᓯᑎᑕᐅᓂᕐᒧᑦ ᓄᓇ ᕿᒃᓵᒃᐳᖅ, ᓇᑎᕐᓁᓪᓗ ᐃᕕᒃᓱᒐᖏᑦ ᑐᖁᓕᕗᑦ, ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑦ ᐱᐅᖏᑦᑐᓕᓂᕐᒥᒃ ᐃᓅᓯᖃᓕᕐᒪᑕ ᐱᔪᓐᓇᕐᓂᑎᒡᓗ ᐊᑐᕐᓂᕐᓗᓕᕐᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 3:19

ᐊᑕᓂᖅ ᐅᖃᕐᐳᖅ, “ᐅᖃᓚᐅᕐᐳᖓᓕ, ᖁᕕᐊᓱᒃᑲᔭᓚᐅᕐᐳᖓ ᐃᕐᓂᑦᑐᑦ ᐱᔪᒪᓗᓯ, ᓄᓇᒃᑯᒥᓇᕐᑐᒥᓗ ᓄᓇᖃᕐᑎᓪᓗᓯ. ᐃᓅᖃᑎᒌᒡᔪᐊᓄᑦ ᑭᖑᕐᖑᑎᔭᐅᕙᒃᑐᓂᑦ ᐱᐅᓂᕐᐹᒥᒃ. ᐊᑖᑕᒥᒡᓗ ᑍᔭᐅᕙᖕᓂᐊᕈᒪᓪᓗᖓ, ᖁᔭᓈᕐᑕᐅᓂᐊᕋᓱᒋᓇᖓᓗ.

ᔨᕆᒤᐊᐅᑉ ᐊᒡᓚᖏᑦ 3:8

ᐃᓴᕆᐊᓕᒥᐅᑉ ᐊᓯᓐᓂᐊᕐᓂᖓ ᐱᓪᓗᒍ ᐊᕕᑦᑎᑦᔪᑎᓂᒃ ᑐᓂᓚᐅᕐᐸᕋ, ᕿᒪᒡᓗᒍᓗ, ᑍᒤᑎᑦᓯᓂᕋ ᔫᑕᐅᑉ ᑕᑯᒐᓗᐊᕋᒥᐅᒃ ᓯᕘᕋᓕᓚᐅᖏᓐᓂᕗᕐᑕᐅᖅ. ᐊᓯᓐᓂᐊᕐᓂᕐᒥᓂᒡᓗ ᑲᔪᓯᑐᐃᓐᓇᓚᐅᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 7:9

ᑎᒡᓕᖃᑦᑕᕐᓂᐊᕐᐱᓰ? ᐃᓄᐊᕐᐸᒡᓗᓯᓗ, ᐊᓯᓐᓂᐊᕐᐸᒡᓗᓯᓗ ᐊᖏᕈᑎᒋᔭᕕᓂᑦᓯᓐᓂᒡᓗ ᐱᔮᖅᑯᒥᒃ ᐊᑐᕈᓐᓃᕐᐸᒡᓗᓯ, ᒎᑎᓐᖑᐊᒧᓪᓗ ᐰᓕᒧᑦ ᑐᓂᕐᕈᓯᕐᐸᒡᓗᓯ, ᒎᑎᓐᖑᐊᓂᒡᓗ ᒪᓕᓕᕐᐸᒡᓗᓯ ᖃᐅᔨᒪᓚᐅᓐᖏᑕᑦᓯᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 9:1

ᓂᐊᖁᕋ ᐃᒪᕐᒥᒃ ᑯᕕᔪᓐᓇᕐᐸᑦ, ᐃᔩᒃᑲᒡᓗ ᖁᕝᕕᐅᕐᓂᓐᓂᒃ ᐃᒪᖃᐅᑎᐅᒃᐸᑎᒃ, ᐅᓪᓗᓕᒫᖅ ᐅᓐᓄᐊᓕᒫᕐᓗ ᕿᐊᒐᔭᕐᐳᖓ, ᐃᓄᖁᑎᒪ ᑐᖁᑕᐅᓂᖏᑦ ᐱᑦᔪᑎᒋᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 9:2

ᓄᓇᒥᓗ ᓯᐅᕅᓐᓇᕐᒥ ᓯᓂᒃᑕᕐᕕᒃᑕᖃᕐᐸᑦ ᐃᖏᕐᕋᕙᒃᑐᓄᑦ, ᐃᓅᖃᑎᒃᑲ ᕿᒪᒡᓗᒋᑦ ᐊᐅᓪᓚᕋᔭᕋᓗᐊᕐᐳᖓ, ᐊᓯᓐᓂᐊᕐᑏᓐᓇᐅᖕᒪᑕ ᐅᒃᐱᕐᓇᖏᑦᑐᐃᓐᓇᐅᓕᕐᒪᑕ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:42

“ᐊᔪᕐᑐᓕᓚᐅᕐᐳᒍᑦ ᐃᓕᖕᓄᑦ ᐊᑕᓃᖅ, ᐊᑭᕋᕐᑐᕐᓯᒪᒐᑦᑎᒋᓪᓗ ᐃᓱᒪᒋᔪᓐᓁᕐᕕᒋᓯᒪᓐᖏᓚᑦᑎᒍᑦ.

ᐃᓯᑭᐊᓕᐅᑉ ᐊᒡᓚᖏᑦ 22:11

ᐃᓚᖏᑦ ᐃᓅᖃᑎᒥ ᓄᓕᐊᖓᓂᒃ ᐃᓐᓇᖓᖃᑎᖃᖃᑦᑕᕐᐳᑦ ᒎᑎᒧᑦ ᓇᕐᕈᓇᕐᓂᕋᕐᑕᐅᔪᒥᒃ; ᐃᓚᖏᓪᓗ ᐅᑯᐊᒥᖕᓂᒃ ᐃᒃᓕᒎᕐᓂᒃᑯᑦ ᓇᕐᕈᓇᕐᓯᑎᑦᓯᕙᒃᓗᑎᒃ ᐃᓐᓇᖓᖃᑎᖃᕐᓂᒃᑯᑦ; ᐃᓚᖏᓪᓗ ᓇᔭᖕᒥᖕᓂᒃ ᓇᕐᕈᓇᕐᓯᑎᑦᓯᕙᒃᓗᑎᒃ, ᐊᑖᑕᒥᑕ ᐸᓂᖏᓐᓂᒃ.

ᕼᐆᓯᐊᑉ ᐊᒡᓚᖏᑦ 11:8

“ᖃᓄᕐᓕ ᐃᓕᖕᓂᒃ ᓴᐱᓕᕈᓐᓇᕐᐳᖔ ᐃᕗᕅᒥ? ᖃᓄᕐᓕ ᓴᒃᑯᐃᔪᓐᓇᕐᐳᖔ, ᐃᓴᕆᐊᓖ? ᖃᓄᕐᓕ ᐊᑦᔨᐅᑎᑦᑐᓐᓇᕐᐱᒌᑦ ᐊᑦᒪᒧᑦ? ᖃᓄᕐᓕ ᐱᓂᐊᕐᕕᒋᔪᓐᓇᕐᐱᒌᑦ ᔨᐳᐃᒻᑐᑦ? ᐆᒻᒪᑎᒐ ᐃᒃᐱᖕᓂᐊᕗᖅ ᐃᓗᓐᓂ, ᐃᓚᑦᓱᒍᓱᖕᓂᕋ ᓂᕈᒥᒃᓯᕗᖅ ᐊᕿᓕᓪᓗᓂᓗ.

ᕼᐆᓯᐊᑉ ᐊᒡᓚᖏᑦ 13:6

ᓄᓇᒧᓪᓕ ᓂᕿᒃᓴᖃᑦᓯᐊᕐᑐᒧᑦ ᑎᑭᒐᒥᒃ ᐊᕿᐊᑦᑐᓚᐅᕐᐳᑦ, ᓈᒻᒪᒃᓯᓪᓗᑎᒡᓗ, ᐊᕿᐊᑦᑐᓱᓕᕋᒥᒃ ᐆᒻᒪᑎᒥᒍᑦ ᐱᐅᔪᕆᓕᓚᐅᕐᐳᑦ; ᑍᒤᒻᒪᑦ ᐳᐃᒍᓚᐅᕐᐹᖓ.

ᕼᐆᓯᐊᑉ ᐊᒡᓚᖏᑦ 4:2

ᐅᖃᕕᒃᓗᑎᒃ ᐊᖏᒻᒪᕆᒃᐸᒃᑲᓗᐊᕐᐳᑦ, ᓴᒡᓗᖃᑦᑕᕐᐳᑦ, ᑐᖁᕅᕗᑦ, ᑎᒡᓕᒐᕐᐳᑦ, ᐊᓯᓐᓂᐊᕐᓗᑎᒡᓗ; ᐱᕋᔭᖕᓃᓪᓗ ᑭᒡᓕᖃᕈᓐᓃᕐᐳᑦ, ᑐᖁᕅᑐᐃᓐᓇᓕᕐᐳᑦ ᑐᖓᓕᕇᒥᒃ.

ᕼᐆᓯᐊᑉ ᐊᒡᓚᖏᑦ 7:4

ᐊᓯᓐᓂᐊᕐᑏᓐᓇᐅᕗᑦ; ᓂᕿᓕᐅᕐᕕᒃᑐᑦ ᐆᓇᕐᑐᑐᑦ ᑍᒤᑉᐳᑦ, ᓂᐊᖂᔭᓕᐅᕐᑎᒧᑦ ᐃᑯᐊᓪᓚᒃᓴᕐᑕᐅᓚᐅᖏᑦᑐᑐᑦ, ᓂᐊᖂᔭᓕᐊᖓ ᐳᕙᓪᓚᓚᐅᖏᓐᓂᖓᓂ.

ᒨᓯᓯ ᐱᖓᔪᖏᑦ 20:10

“ᐊᖑᑦ ᐊᓯᓐᓂᐊᕐᐸᑦ ᐃᓅᖃᑎᒥ ᓄᓕᐊᖓᓂᒃ, ᑖᒃᑯᐊᒃ ᐊᖑᓪᓗ ᐊᕐᓇᕐᓗ ᐊᓯᓐᓂᐊᕐᑑᒃ ᑕᒪᕐᒥᒃ ᑐᖁᑕᐅᔭᕆᐊᖃᕐᐳᒃ.

ᐂᒨᓯᐅᑉ ᐊᒡᓚᖏᑦ 8:14

ᐊᖏᕈᑎᓕᐅᕐᑐᓪᓗ ᓴᒥᐊᕆᐊᑉ ᒎᑎᓐᖑᐊᖓᒍᑦ ᐊᓯᒪᒃᑯᑦ, ᐃᒫᒃ ᐅᖃᕐᓗᑎᒃ, ‘ᑖᓐ ᑭᖑᕚᖏᑦ ᒎᑎᓯ ᐃᓅᖕᒪᑦ! ᐱᐊᕐᓯᐸᐅᓪᓗ ᒎᑎᖓ ᐃᓅᖕᒪᑦ!’ ᑖᒃᑯᐊ ᐅᕐᕈᔪᒫᕐᐳᑦ ᒪᑭᓐᓂᐊᕈᓐᓁᕐᓗᑎᒡᓗ.”

ᔨᐸᓁᐊᐅᑉ ᐊᒡᓚᖏᑦ 1:5

ᑐᒃᓯᐊᕐᐸᒃᑐᓪᓗ ᕿᓚᐅᑉ ᐊᑖᓃᑦᑐᓄᑦ ᐃᒡᓗᒥᑦᑕ ᖄᖏᓐᓂ; ᐹᒻᒪᒃᑎᕐᐸᒃᑐᓪᓗ ᐅᖃᕕᒃᓗᑎᒃ ᐊᑕᓂᕐᒧᑦ ᒧᓛᒃᒥᒃ ᒎᑎᓐᖑᐊᒥᒃ ᐱᖃᓯᐅᑦᔨᓪᓗᑎᒃ.

ᒪᓚᑬᑉ ᐊᒡᓚᖏᑦ 3:5

“ᑕᕝᕙ ᓴᖅᑭᑦᓱᒫᕐᐳᖓ ᐃᖅᑲᕐᑐᕆᐊᕐᑐᕐᓗᓯ; ᐱᒋᐊᑦᓴᐅᑎᒋᔪᒫᕐᐳᖓ ᐊᑭᕋᕐᑐᓪᓗᖓ ᐊᖓᒃᑰᓇᓱᐊᕐᑐᓂᒃ, ᐊᓯᓐᓂᐊᕐᑎᓂᒃ, ᓱᓕᖏᑦᑐᒥᒡᓗ ᐊᖏᕈᑎᓕᖕᓂᒃ, ᓯᓔᕐᕆᒃᓯᓗᑎᒡᓗ ᐊᑭᓕᕐᓱᐃᔪᓂᒃ ᐃᖅᑲᓁᔭᕐᑎᓂᒃ, ᐅᐃᒡᒐᕐᓂᕐᓂᒃ ᐃᓕᐊᕐᔪᖕᓂᒡᓗ ᐊᒃᓱᕈᕐᑎᑦᓯᔪᓂᒃ, ᓄᓇᓕᑐᖃᐅᖏᑦᑐᓂᒡᓗ ᑐᓐᖓᓱᒃᑎᑦᓯᖏᑦᑐᓂᒃ, ᐅᕙᓐᓂᒃ ᐃᓕᕋᓱᖏᑦᑐᓂᒃ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:9

ᖃᐅᔨᒪᓐᖏᓚᓰ ᐊᑲᐅᖏᑦᑐᓕᔪᑦ ᒎᑎᐅᑉ ᐊᑕᓂᐅᕕᖓᓂᒃ ᑭᖑᕐᖑᑦᔨᓂᐊᖏᒻᒪᑕ? ᓯᓔᕐᕆᔭᐅᑦᑍᓕᒋᑦᓯ; ᐊᖑᓐᓂᐊᕐᐸᒃᑐᑦ ᐊᕐᓇᕐᓂᐊᕐᐸᒃᑐᓪᓗ ᒎᑎᐅᖏᑦᑐᓂᒡᓗ ᒎᑎᖃᕐᑐᑦ, ᐂᑉᐸᓖᓪᓗ ᐊᓯᓐᓂᐊᕐᐸᒃᑐᑦ, ᐊᖑᑏᑦ ᐊᕐᓁᓪᓗ ᑍᒤᑦᑑᖃᑎᒥᖕᓅᕐᐸᒃᑐᑦ,

ᑯᕆᓐᑎᐊᒥᐅᓄᑦ ᓯᕗᓪᓖᑦ 8:4

ᑍᒤᒻᒪᑦ ᒎᑎᓐᖑᐊᓄᑦ ᑐᓂᕐᕈᑕᐅᔪᕕᓂᕐᓂᒃ ᓂᕿᒥᒃ ᓂᕆᖃᑦᑕᕐᓂᖅ ᐱᑦᔪᑎᒋᓪᓗᒍ; ᖃᐅᔨᒪᒐᑦᑕ ᒎᑎᓐᖑᐊᑦ ᓱᓇᐅᖏᑦᓯᐊᕐᒪᑕ ᓯᓚᕐᔪᐊᕐᒥ, ᒎᑎᑕᖃᖏᒻᒪᓪᓗ ᒎᑎᑑᔪᑉ ᐊᓯᐊᓂᒃ.

ᒐᓔᑎᐊᒥᐅᓄᑦ 4:8

ᑕᒪᑐᒪ ᓯᕗᓂᖓᒍᑦ, ᒎᑎᒥᒃ ᖃᐅᔨᒪᓚᐅᕐᑎᓐᓇᓯ, ᓯᐊᓛᕆᔭᐅᓚᐅᕐᐳᓯ ᐃᓕᖅᑯᓯᑐᐃᓐᓇᕐᓄᑦ ᒎᑎᐅᖏᑦᑐᓄᑦ.

ᒨᓯᓯ ᑕᓪᓕᒪᖏᑦ 32:15

ᔨᓱᕋᓐᓕ ᖁᐃᒃᓯᓚᐅᕐᐳᖅ, ᐊᑭᕋᕐᑐᓕᕐᓗᓂᓗ; ᖁᐃᒃᓯᓚᐅᕐᐳᓯ ᓯᓕᒃᓯᓪᓗᓯ, ᒪᓂᖅᑲᑑᓕᕐᓗᓯᓗ; ᖁᐃᒃᓯᓚᐅᕐᐳᑦ ᓂᕿᒃᓴᓂᒡᓗ ᑲᑎᑦᓯᓯᒪᔪᐊᓘᓪᓗᑎᒃ; ᒎᑎᒥᒡᓕ ᐱᓐᖑᕐᑎᑦᓯᔨᒥᖕᓂᒃ ᕿᒤᓚᐅᕐᐳᑦ ᒥᑕᐅᑎᒋᓪᓗᒍᓗ ᕾᕐᑐᖅ ᐱᐅᓕᔭᐅᕕᒃᓴᕆᔭᓂ.

ᒨᓯᓯ ᑕᓪᓕᒪᖏᑦ 32:21

ᒎᑎᓐᖑᐊᖏᓐᓄᑦ ᓂᓐᖓᒃᑎᑕᐅᕗᖓ ᓯᖕᓇᕗᖓ ᒎᑎᐅᓂᕋᕐᑕᖏᓐᓄᑦ ᓱᓕᖏᑦᑐᓄᑦ, ᒎᑎᓪᓚᕆᐅᖏᑦᑐᓂᒃ ᒎᑎᖃᕋᓱᖕᒪᑕ. ᑍᒤᒻᒪᑦ ᐃᓅᖃᑎᒌᒡᔪᐊᓂᒃ ᐊᑐᕐᓗᖓ ᓂᓐᖓᒃᓴᕐᓂᐊᕐᐸᒃᑲ; ᐃᓅᖃᑎᒌᒡᔪᐊᓄᑦ ᓯᓔᑦᑐᓄᑦ ᓯᖕᓇᓕᕐᑎᓐᓂᐊᕐᐸᒃᑲ.

ᐄᑉᕈᐃᓄᑦ 13:4

ᓄᓕᐊᕇᖕᓂᖅ ᑕᒤᓐᓄᑦ ᐅᐱᒋᔭᐅᑦᓯᐊᕆᐊᖃᕐᐳᖅ, ᓄᓕᐊᕇᓪᓗ ᐃᓐᓇᖓᕕᐊ ᓇᕐᕈᓇᕐᓯᑎᑕᐅᑦᑍᓕᓕ; ᓄᓕᐊᕇᖕᓂᕐᒥᒃ ᐊᑐᕐᓂᕐᓗᒃᑐᑦ ᐊᓯᓐᓂᐊᕐᑐᓪᓗ ᒎᑎᐅᑉ ᓱᒋᐊᕈᒫᕐᒪᒋᑦ.

ᔧᒥᓯᐅᑉ ᐊᒡᓚᖏᑦ 4:4

ᐊᓯᓐᓂᐊᕐᑎᐅᔪᓯ! ᖃᐅᔨᒪᓐᖏᓚᓰ ᓯᓚᕐᔪᐊᕐᒥᒃ ᐃᓚᓐᓈᖃᕐᓂᖅ ᒎᑎᒥᒃ ᐊᑭᕋᕐᑐᕐᓂᐅᖕᒪᑦ? ᑍᒤᒻᒪᑦ ᓇᓪᓕᐊᑦ ᓯᓚᕐᔪᐊᕐᒥᒃ ᐃᓚᓐᓈᖃᕈᒪᔪᖅ ᑖᓐᓇ ᒎᑎᒥᒃ ᐊᑭᕋᕐᑐᓕᕐᐳᖅ?

ᔮᓱᐊᑉ ᐊᒡᓚᖏᑦ 23:7

ᐃᓅᖃᑎᒌᒡᔪᐊᓂᓗ ᐊᒥᐊᒃᑰᓯᒪᔪᓂᒃ ᐂᑉᐸᕐᑖᕐᑐᒃᓴᐅᓐᖏᓚᓯ, ᐅᖃᐅᓯᕆᑦᑍᓕᓗᒋᓪᓗ ᒎᑎᖏᑕ ᐊᑎᖏᑦ, ᐊᑎᖏᓪᓘᓐᓃᑦ ᐊᖏᕈᑎᒋᓂᐊᕋᓯᐅᒃ, ᒎᑎᖏᓪᓗ ᑐᒃᓯᐊᕐᕕᒋᔭᒃᓴᕆᓐᖏᓚᓯ, ᐹᒻᒪᒡᕕᒋᓂᐊᕐᓇᒋᓪᓗ.