30 ᑲᑉᐱᐊᓇᕐᑐᒥᒃ ᖁᐊᕐᓵᖓᓇᕐᑐᒥᒡᓗ ᓄᓇᒧᑦ ᓇᓪᓕᐅᑎᓯᒪᔪᖃᕐᐳᖅ.
ᐊᑕᓂᖅ ᐅᖃᕐᐳᖅ, “ᑐᓴᕆᑦᓯ ᕿᓚᐅᔪᓯ, ᓈᓚᒋᓪᓗ ᓄᓇᕐᔪᐊᖑᔪᑎᑦ; ᕿᑐᕐᖓᒃᑲ ᐱᕈᕐᓴᓚᐅᕐᐸᒃᑲ ᓂᕆᑎᖃᑦᑕᕐᓗᒋᓪᓗ ᐅᕙᓐᓂᒡᓕ ᐊᑭᕋᕐᑐᓕᕐᐳᑦ.
ᑍᒤᒻᒪᑦ ᐊᑕᓂᖅ ᐃᒫᒃ ᐅᖃᕐᐳᖅ: “ᐃᓅᖃᑎᒌᒡᔪᐊᓄᑦ ᖃᐅᔨᓇᓱᐊᓕᕆᑦ ᑍᒫᒃ ᐅᖃᕐᑐᖃᓚᐅᕐᓯᒪᖕᒪᖔᑕᓕ ᑍᒤᓚᐅᕐᓯᒪᖏᑦᓯᐊᕐᓗᑎᒃ ᐃᓴᕆᐊᓕᒥᐅᑦ ᐱᔭᒃᓴᐅᖏᑦᑐᐊᓗᖕᒥᒃ ᐊᑐᓕᕐᒪᑕ.
ᖁᑦᓯᖕᓂᕐᐹᖑᔪᓯ ᑲᒪᓂᐊᕈᑎᖃᓕᕆᑦᓯ ᑕᒪᑐᒥᖓ, ᑲᑉᐱᐊᓱᖕᓂᕐᒧᓪᓗ ᓴᔪᒃᑎᑕᐅᓕᕆᑦᓯ, ᐊᑕᓂᖅ ᐅᖃᕐᐳᖅ.
ᔨᕉᓴᓕᒥᐅᓂᓗ ᒎᑎᒧᑦ ᐱᔪᖃᓛᕐᑐᒥᒃ ᐅᖃᕐᑎᐅᔪᓂᒃ ᐱᐅᖏᓐᓂᕐᓴᓂᒃ ᑕᑯᓯᒪᕗᖓ, ᐊᓯᓐᓂᐊᖃᑦᑕᕐᒪᑕ ᐃᓅᓯᖃᓕᕐᓗᑎᒡᓗ ᓱᓕᖏᑦᑐᒥᒃ; ᐱᐅᖏᑦᑐᓕᔪᓂᒃ ᐃᑲᔪᕐᑐᐃᑐᐃᓐᓇᖃᑦᑕᓕᕐᐳᑦ, ᐱᐅᖏᑦᑐᓕᓂᕐᒥᖕᓂᑦ ᓵᒋᐊᕐᑐᖃᕈᓐᓇᕈᓐᓃᕐᐳᖅ; ᓱᑑᒪᒥᐅᓄᑦ ᐊᑦᔨᒋᔭᐅᑎᓕᕐᐸᒃᑲ, ᐃᓄᖏᓪᓗ ᒍᒨᕋᒥᐅᑎᑐᑦ ᑍᒤᓕᕐᓗᑎᒃ.”
ᑕᑯᓯᒪᕗᖓ ᐱᐅᖏᑦᑐᐊᓗᖕᓂᒃ ᐃᓴᕆᐊᓕᐅᑉ ᑭᖑᕚᖏᓐᓂ; ᐃᓄᖁᑎᒃᑲ ᐃᕗᕅᒥᐅᑦ ᑕᕝᕙᓂ ᐊᓯᓐᓂᐊᖃᑦᑕᕐᐳᑦ ᐊᑐᒐᕐᓂᒃ ᐱᖃᑎᑲᕐᑐᑎᑐᑦ, ᐃᓴᕆᐊᓕᒥᐅᑦ ᓇᕐᕈᓇᕐᑎᑕᐅᕗᑦ.
