ᔨᕆᒤᐊᐅᑉ ᐊᒡᓚᖏᑦ 5:28 - ᐊᒡᓔᑦ ᐃᑦᔪᕐᖕᓁᑦᑐᑦ

²⁸ ᓂᕆᓂᕐᒧᓪᓗ ᖁᐃᓂᔫᓕᕐᐳᑦ, ᐱᐅᖏᑦᑐᓂᒡᓗ ᐱᓇᓱᐊᕐᓂᖏᑦ ᐃᓱᓕᑦᑐᓐᓇᓐᖏᓚᑦ, ᐊᑖᑕᖃᖏᑦᑐᓄᑦ ᐱᓇᓱᐊᕐᓂᖏᑦ ᓈᒻᒪᓐᖏᓚᑦ, ᐊᔪᕐᓴᕐᑐᓂᒡᓗ ᐃᑲᔪᕐᑐᐃᓐᖏᓚᑦ.

ᔨᕆᒤᐊᐅᑉ ᐊᒡᓚᖏᑦ 5:28 Iomraidhean Croise

ᔫᐱᐅᑉ ᐊᒡᓚᖏᑦ 12:6

ᑎᒡᓕᒃᑏᑦ ᒎᑎᖃᖏᑦᑐᓪᓗ ᐃᓱᒫᓗᓇᖏᑦᓯᐊᕐᑐᒃᑯᑦ ᐃᓅᕗᑦ, ᓇᖕᒥᓂᖅ ᐱᔪᓐᓇᕐᓂᕐᒥᖕᓂᒃ ᒎᑎᑐᐊᖃᕐᑐᑦ.

ᐃᓐᖏᕈᑎᑦ 119:70

ᐆᒻᒪᑎᖏᑦ ᐅᕐᓱᑎᑐᑦ ᑭᓂᕆᓂᑯᑎᑐᑦ ᑍᒤᑉᐳᑦ; ᐅᕙᖓᓕ ᐱᖁᔭᑎᑦ ᖁᕕᐊᓲᑎᒋᕙᒃᑲ.

ᐃᓐᖏᕈᑎᑦ 72:4

ᐊᑦᔨᒌᒃᑎᑦᓯᔪᓐᓇᖁᓪᓗᒍ ᐃᓄᖕᓂᒃ ᐊᔪᕐᓴᕐᑐᓂᒃ; ᐱᒃᓴᖃᖏᑦᑐᓪᓗ ᕿᑐᕐᖓᖏᓐᓂᒃ ᓴᐳᑦᔨᔪᒫᕐᐳᖅ, ᐅᖁᒤᒃᓴᕐᑎᑦᓯᔪᓪᓗ ᓵᓚᒋᔪᒫᕐᐰᑦ.

ᐃᓐᖏᕈᑎᑦ 73:12

ᑕᑯᒋᑦ, ᑖᒃᑯᐊ ᐱᐅᖏᑦᑐᑦ ᑍᒤᓕᐅᕐᐳᑦ; ᐃᓱᒪᒥᖕᓂᒃ ᐃᓅᔪᑦ, ᐊᔪᕐᓴᕈᓐᓃᕐᐸᓪᓕᐊᓗᑎᒡᓗ.

ᐃᓐᖏᕈᑎᑦ 73:4

ᑐᖁᕕᒃᓴᒥᖕᓂᒃ ᑲᑉᐱᐊᓱᖏᒻᒪᑕ, ᑎᒥᖏᓪᓗ ᖃᓄᐃᖏᑦᓯᐊᕐᓗᑎᒃ ᓴᓐᖏᔫᓪᓗᑎᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:25

ᐊᑕᓂᐅᑉ ᐱᐅᔪᕆᔪᑦ ᐊᖏᕐᕋᖏᑦ ᐊᓯᕈᕐᓂᐊᕐᐰᑦ, ᐅᐃᒡᒐᕐᓂᐅᓪᓗ ᓄᓇᖁᑎᖓᑕ ᑭᒡᓕᖓ ᑍᒤᓕᖓᑎᓐᓂᐊᕐᐹ.

ᐂᓮᐊᓯᐅᑉ ᐊᒡᓚᖏᑦ 1:23

ᐊᖓᔪᖅᑳᖁᑎᓯᓗ ᐊᑭᕋᕐᑐᕐᑎᐅᓕᕐᐳᑦ ᑎᒡᓕᒃᑎᓄᓪᓗ ᐃᓚᒋᔭᐅᓕᕐᓗᑎᒃ; ᐅᐃᕕᕐᕆᒃᓯᓂᕐᒥᒃ ᖁᕕᐊᒋᔭᖃᕐᑐᐃᓐᓇᐅᓕᕐᐳᑦ ᑐᓂᓯᕕᐅᔪᒪᓂᕐᒥᒡᓗ ᐱᓇᓱᐊᒐᖃᕐᓗᑎᒃ. ᐃᓕᐊᕐᔪᖕᓂᒃ ᓴᐳᓐᓂᐊᓐᖏᓚᑦ, ᐅᐃᒡᒐᕐᓂᕐᓂᒡᓗ ᐃᑲᔪᕈᒪᓂᕐᒥᒃ ᐃᓱᒪᖃᕋᑎᒃ.

ᔨᕆᒤᐊᐅᑉ ᐊᒡᓚᖏᑦ 12:1

“ᐊᑕᓂᖅ ᐃᓱᐊᕐᓃᑦ ᓱᕐᕋᒍᓐᓇᖏᒻᒪᑦ, ᓇᓗᓕᕐᓯᒪᑦᔪᑎᒋᔭᒃᑲ ᓵᖕᓄᑦ ᓴᖅᑭᑦᓱᒪᕙᒃᑲ, ᓱᖕᒪᑦ ᐱᐅᖏᑦᑐᓕᔪᑦ ᐱᔪᓐᓇᑦᓯᐊᕐᐹᑦ? ᐅᒃᐱᖏᑦᑐᓪᓗ ᑲᔪᓯᑦᓯᐊᕐᓗᑎᒃ?

ᔨᕆᒤᐊᐅᑉ ᐊᒡᓚᖏᑦ 2:33

ᐅᖓᒋᔭᒃᓴᕐᓯᐅᓕᕌᖓᑦᓯ ᐱᓯᑎᐊᓘᕗᓯ, ᐊᕐᓁᑦ ᐱᐅᖏᑦᑐᓕᔪᑦ ᐱᐅᓯᑦᓯᓐᓂᒃ ᐃᓕᓴᕐᐸᓯ.

ᔨᕆᒤᐊᐅᑉ ᐊᒡᓚᖏᑦ 22:3

ᐃᒫᒃ ᐊᑕᓂᖅ ᐅᖃᕐᐳᖅ: ᐊᑦᔨᒌᒃᑎᑦᓯᓂᕐᒥᒃ ᐃᓱᐊᕐᑐᓕᓂᕐᒥᒡᓗ ᐱᓇᓱᐊᕆᑦᓯ, ᓴᐳᑦᔨᓯᒪᓇᓱᐊᕐᐸᒡᓗᓯᓗ ᑎᒡᓕᒡᕕᐅᓯᒪᔪᓂᒃ; ᓄᓇᑦᓯᓐᓂᒥᐅᑕᐅᖏᑦᑐᓂᒡᓗ ᐱᑦᓯᐊᖃᑦᑕᕐᓗᓯ, ᐱᓂᕐᓗᐃᑦᑍᓕᒋᑦᓯ ᐊᑖᑕᖃᖏᑦᑐᓂᒃ ᐅᐃᒡᒐᕐᓂᕐᓂᒡᓗ, ᐸᓯᔭᒃᓴᐅᖏᑦᑐᓂᒡᓗ ᑐᖁᑕᐅᑎᑦᓯᕙᖏᓪᓗᓯ ᑕᒫᓂ ᓄᓇᑦᓯᓐᓂ.

ᔨᕆᒤᐊᐅᑉ ᐊᒡᓚᖏᑦ 7:6

ᐅᖁᒤᒃᓴᕐᑎᑦᓯᖏᓪᓗᓯᓗ ᐃᓅᖃᑎᑐᖃᕆᓐᖏᑕᑦᓯᓐᓂᒃ, ᐃᓕᐊᕐᔪᖕᓂᒃ, ᐅᐃᒡᒐᕐᓂᕐᓂᒡᓗ ᐸᓯᔭᒃᓴᐅᖏᑦᑐᓂᒡᓗ ᑐᖁᑕᐅᑎᑦᓯᕙᖏᓪᓗᓯ, ᒎᑎᓐᖑᐊᓂᒡᓗ ᒪᓕᒐᖃᕐᓂᑦᓯᓐᓄᑦ ᓇᖕᒥᓂᖅ ᓱᕋᒍᑎᒋᕙᖕᓂᐊᖏᓐᓇᑦᓯᐅᒃ.

ᐂᒨᓯᐅᑉ ᐊᒡᓚᖏᑦ 4:1

ᓈᓚᒋᑦᓯ ᐃᓕᑦᓯ ᐊᕐᓁᑦ ᖃᖅᑲᒥ ᓴᒥᐊᕆᐊᒥ ᐃᓂᖃᕐᑐᓯ, ᐹᓴᓂᒥᐅᑦ ᐃᒻᒧᒃᓯᐅᒐᖁᑎᖏᑎᑐᑦ ᖁᐃᓂᔪᑎᑐᑦ ᑍᒤᑦᑐᓯ, ᐊᒃᓱᕈᕐᑎᑦᓯᔪᓯ ᐊᔪᕐᓴᕐᑐᓂᒃ, ᓱᓇᐅᔪᓐᓁᕐᑎᑦᓯᔪᓯᓗ ᐃᑲᔪᕐᑕᐅᔭᕆᐊᓕᖕᓂᒃ, ᐅᐃᑦᓯᓐᓄᑦ ᐅᖃᕋᑦᓯ, “ᕔᓂᒥᒃ ᐂᑦᑐᕐᑎᒍᑦ ᐃᒥᕐᓂᐊᕋᑕ!”

ᓴᑲᕅᐊᐅᑉ ᐊᒡᓚᖏᑦ 7:10

ᐅᐃᒡᒐᕐᓃᑦ ᓇᒡᓕᒃᓵᕐᑎᑦᑍᓕᓗᒋᑦ ᐃᓕᐊᕐᔪᐃᓪᓗ, ᓄᓇᖃᑎᑐᖃᕆᓐᖏᑕᓯᓗ ᐊᒃᓗᔪᓪᓘᓐᓃᑦ; ᐱᐅᖏᑦᑐᒥᒃ ᐃᓅᖃᑎᑦᓯᓐᓄᑦ ᐃᔨᕐᓯᒪᔪᒥᒃ ᐃᓱᒪᖃᕐᓂᐊᕋᓯ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 5:1

ᐅᖃᐅᓯᐅᓪᓚᕆᒃᓯᒪᖕᒪᑦ ᓄᓕᐊᕐᓂᑰᕐᑐᒥᒃ ᐊᑐᒐᒃᓴᐅᖏᑦᑐᒥᒃ ᐃᓗᐊᖏᑦᔪᑎᖃᕐᓂᕋᕐᑕᐅᑎᓪᓗᓯ, ᐅᒃᐱᖏᑦᑑᒐᓗᐊᓂᑦ ᐱᐅᓯᕆᔭᐅᓲᖑᖏᑦᑐᒥᒃ; ᐃᓕᑦᓯᓐᓂᒎᖅ ᐊᑖᑕᒥ ᓄᓕᐊᖓᓂᒃ ᓄᓕᐊᖃᖃᑕᐅᔪᖃᖃᑦᑕᓕᕐᒪᑦ.

ᒨᓯᓯ ᑕᓪᓕᒪᖏᑦ 32:15

ᔨᓱᕋᓐᓕ ᖁᐃᒃᓯᓚᐅᕐᐳᖅ, ᐊᑭᕋᕐᑐᓕᕐᓗᓂᓗ; ᖁᐃᒃᓯᓚᐅᕐᐳᓯ ᓯᓕᒃᓯᓪᓗᓯ, ᒪᓂᖅᑲᑑᓕᕐᓗᓯᓗ; ᖁᐃᒃᓯᓚᐅᕐᐳᑦ ᓂᕿᒃᓴᓂᒡᓗ ᑲᑎᑦᓯᓯᒪᔪᐊᓘᓪᓗᑎᒃ; ᒎᑎᒥᒡᓕ ᐱᓐᖑᕐᑎᑦᓯᔨᒥᖕᓂᒃ ᕿᒤᓚᐅᕐᐳᑦ ᒥᑕᐅᑎᒋᓪᓗᒍᓗ ᕾᕐᑐᖅ ᐱᐅᓕᔭᐅᕕᒃᓴᕆᔭᓂ.