ᔨᕆᒤᐊᐅᑉ ᐊᒡᓚᖏᑦ 5:24 - ᐊᒡᓔᑦ ᐃᑦᔪᕐᖕᓁᑦᑐᑦ

²⁴ ᐃᓱᒪᓇᓱᐊᓐᖏᓚᓪᓘᓐᓃᑦ ᐊᑕᓂᖅ ᒎᑎᑎᒃ ᓯᕘᕋᒋᔪᒪᓗᒍ, ᐅᑭᐊᒃᓵᒃᑯᑦ ᐅᐱᕐᖔᒃᑯᓪᓗ ᓇᓪᓕᐅᑎᔭᕌᖓᑦ ᓯᓚᓗᒃᑎᑦᓯᕙᒃᑐᒥᒃ, ᐱᕈᕐᑐᓂᒡᓗ ᐱᕈᕇᕐᑎᑦᓯᕙᒃᑐᒥᒃ ᑲᑎᕐᓱᕐᑕᐅᕕᒃᓴᖏᓐᓂ ᑲᑎᕐᓱᕐᑕᐅᕙᖁᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 5:24 Iomraidhean Croise

ᒨᓯᓯ ᓯᕗᓪᓖᑦ 8:22

ᓄᓇᕐᔪᐊᖃᕐᓂᓕᒫᖓᓂ, ᐱᕈᕐᓰᓐᓇᕐᓂᐊᕐᐳᖅ ᑲᑎᑦᓯᕕᖃᕐᓗᓂᓗ, ᓂᒡᓚᓱᒃᐸᒡᓗᓂ ᐅᖅᑰᕙᒡᓗᓂᓗ, ᐊᐅᔭᖃᕐᓗᓂ ᐅᑭᐅᖃᕐᓗᓂᓗ, ᐅᓪᓗᖃᕐᓗᓂ ᐅᓐᓄᐊᖃᕐᓗᓂᓗ, ᑕᒪᒃᑯᐊ ᓄᖅᑲᕐᓂᐊᓐᖏᓚᑦ.”

ᐊᑕᓃᑦ ᓯᕗᓪᓖᑦ 17:1

ᐃᓔᑦᔭ ᑎᓯᐰᑎᒥᐅᑕᖅ, ᒋᓕᐊᑏᑦ ᓄᓇᖓᓂᑦ, ᐅᖃᕐᐳᖅ ᐂᕼᐊᑉᒧᑦ, “ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓ ᐃᓅᖕᒪᑦ, ᑖᑦᓱᒪ ᓵᖓᓂ ᓇᖏᕐᐳᖓ, ᐂᔪᖓᓇᕐᑐᖃᕐᓂᐊᓐᖏᓚᖅ ᓯᓚᓗᖃᕐᓂᐊᕈᓐᓃᕐᓗᓂᓗ ᐊᕐᕌᒍᓂ ᑖᒃᑯᓇᓂ, ᐱᖁᔨᓕᕐᓗᖓ ᐅᖃᓚᐅᖏᓐᓂᓐᓂ.”

ᔫᐱᐅᑉ ᐊᒡᓚᖏᑦ 29:23

ᐅᕙᓐᓂᒃ ᐅᑕᖅᑭᕙᓚᐅᕐᐳᑦ ᐱᕈᕐᓰᕕᓕᕆᔨᑎᑐᑦ; ᐅᐱᕐᖔᒃᑯᑦ ᓯᓚᓗᖕᒥᒃ ᐃᒥᕐᑐᑎᑐᑦ ᑐᓐᖓᓱᒃᑎᑦᓯᓪᓗᑎᒃ.

ᔫᐱᐅᑉ ᐊᒡᓚᖏᑦ 38:37

ᑭᓇ ᓯᓚᑐᓂᕐᒥᓄᑦ ᓄᕗᔭᓂᒃ ᓈᓮᔪᓐᓇᕐᐹ? ᐅᕝᕙᓗ ᑭᓇ ᐃᒥᒃᑯᕕᖕᒥᒃ ᕿᓚᖕᒦᑦᑐᒥᒃ ᑯᕕᑎᑦᓯᔪᓐᓇᕐᐸ?

ᔫᐱᐅᑉ ᐊᒡᓚᖏᑦ 5:10

ᓄᓇᒧᑦ ᓯᓚᓗᒃᑎᑦᓯᖃᑦᑕᕐᐳᖅ ᐱᕈᕐᓰᕖᓪᓗ ᐃᒻᒥᕐᓱᖃᑦᑕᕐᐰᑦ;

ᐃᓐᖏᕈᑎᑦ 147:8

ᕿᓚᖕᒥᒃ ᐅᓕᒃᓯᔪᖅ ᓄᕗᔭᓄᑦ, ᓄᓇᐅᓪᓗ ᓯᓚᓗᒃᑕᐅᓂᒃᓴᖓᓂᒃ ᐊᑐᐃᓐᓇᕈᐃᕙᒃᓗᓂ, ᖃᖅᑲᓂᓗ ᐃᕕᒃᓱᒐᕐᓂᒃ ᐱᕈᕐᑎᑦᓯᕙᒃᑐᖅ.

ᐃᓐᖏᕈᑎᑦ 65:9

ᓄᓇᕐᔪᐊᖅ ᑕᑯᔭᕐᑐᕐᐸᑦ ᐃᒻᒥᕐᑐᕐᓗᒍᓗ, ᐊᖏᔪᒥᒡᓗ ᐊᔪᕐᓴᓐᖏᑎᕐᔪᐊᕐᓗᒍ; ᒎᑎᐅᑉ ᑰᖁᑎᖓ ᐃᒪᕐᒥᒃ ᑕᑕᑉᐳᖅ; ᓂᕿᒃᓴᖃᕐᑎᑦᓯᓪᓗᑎᓪᓗ, ᑕᒪᓐᓇ ᐅᐸᓗᖎᔭᕐᓯᒪᒐᕕᐅᒃ.

ᐂᓮᐊᓯᐅᑉ ᐊᒡᓚᖏᑦ 64:7

ᓇᓪᓕᐊᓐᓂᒃ ᐊᑎᕐᓄᑦ ᑐᒃᓯᐊᕐᑐᖃᓚᐅᕐᓯᒪᔪᓐᓃᕐᐳᖅ, ᐊᒃᓱᕈᕐᓗᓂᓗ ᐃᓕᖕᓄᑦ ᐊᔪᐃᓐᓇᕐᑐᖃᓚᐅᕐᓯᒪᔪᓐᓃᕐᐳᖅ; ᑮᓁᑦ ᐅᕙᑦᑎᓐᓄᑦ ᐃᔨᕐᓯᒪᓕᕋᕕᐅᒃ, ᓄᖑᑕᐅᕙᓪᓕᐊᑐᐃᓐᓇᓕᕐᐳᒍᑦ ᐊᔪᕐᓂᑦᑎᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 10:13

ᓂᓪᓕᕌᖓᑦ ᐃᒤᑦ ᕿᓚᖕᒦᑦᑐᑦ ᐃᒃᑑᓛᕐᐳᑦ, ᓄᕗᔭᓂᒡᓗ ᓴᖅᑭᑎᑦᓯᕙᒡᓗᓂ ᓄᓇᕐᔪᐊᑉ ᑭᒡᓕᖓᓂᑦ, ᖃᐅᒻᒫᓪᓚᖃᕐᑎᑦᓯᓪᓗᓂᓗ ᓯᓚᓗᒃᑐᒥ, ᐊᓄᕆᖃᕐᑎᑦᓯᓪᓗᓂᓗ ᐱᖁᑎᒃᑯᕕᖕᒥᓂᑦ.

ᔨᕆᒤᐊᐅᑉ ᐊᒡᓚᖏᑦ 14:22

ᐃᓅᖃᑎᒌᒡᔪᐊᖑᖃᑎᑦᑕ ᒎᑎᖏᑦ ᓱᓕᖏᑦᑐᑦ ᓯᓚᓗᒃᑎᑦᓯᔪᓐᓇᕐᐹᑦ? ᓯᓚᒥᒡᓗ ᑯᕕᑐᐃᓐᓇᕐᑎᑦᓯᔪᓐᓇᕐᐹᑦ? ᑍᒤᑎᑦᓯᔪᓐᓇᕐᑐᖃᓐᖏᓚᖅ ᐃᕝᕕᑦ ᐊᓯᖕᓂᒃ ᐊᑕᓃᖅ ᒎᑏᒃ, ᐃᓕᖕᓂᑦ ᓂᕆᐅᒋᔭᖃᕐᐳᒍᑦ, ᐃᕝᕕᑐᐊᖅ ᑕᒪᒃᑯᐊᓕᒫᑦ ᐊᐅᓚᓐᓇᕕᒋᑦ.

ᔨᕆᒤᐊᐅᑉ ᐊᒡᓚᖏᑦ 2:19

ᐱᐅᖏᓐᓂᑦᓯ ᐋᖅᑭᒋᐊᕐᑕᐅᑎᓐᓂᐊᕐᐹᓯ, ᑲᑕᒃᓯᒪᓂᑦᓯᓗ ᓱᐊᖕᓂᐊᕐᐹᓯ. ᐃᓱᒪᒋᑦᓯᐊᕐᓯᐅᒃ ᑐᑭᓯᓇᓱᐊᕐᓗᒍᓗ ᐱᐅᖏᑦᑑᓂᖓ ᖁᕕᐊᓇᖏᑦᑑᓂᖓᓗ ᐊᑕᓂᕐᒥᒃ ᒎᑎᑦᓯᓐᓂᒃ ᕿᒤᓯᒪᓗᓂ ᓂᕐᑐᕐᓇᕐᓂᖓᓗ ᐃᓱᒪᒋᔪᓐᓃᕐᓗᒍ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᒎᑎ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 3:3

ᑍᒤᒻᒪᑦ ᓄᓇ ᖃᐅᓯᓕᕐᑎᑕᐅᔪᓐᓇᕈᓐᓃᕐᐳᖅ ᐅᐱᕐᖔᒃᑯᓪᓗ ᓯᓚᓗᒍᓐᓇᕈᓐᓃᕐᓗᓂ, ᐊᖑᓐᓂᐊᕐᑎᑎᑐᑦ ᑕᐅᑦᑐᖃᓕᕋᓗᐊᕋᕕᑦ ᑲᓐᖑᓲᑎᒋᔪᒪᓐᖏᓔᓪᓘᓐᓃᑦ.

ᔨᕆᒤᐊᐅᑉ ᐊᒡᓚᖏᑦ 5:22

ᐅᕙᓐᓃᒃ ᓯᕘᕋᔪᒃᓴᐅᓐᖏᓚᓰ? ᐊᑕᓂᖅ ᐅᖃᕐᐳᖅ, ᓴᔪᒃᑐᒃᓴᐅᓐᖏᓚᓰ ᓵᓐᓂ? ᓯᐅᕋᖅ ᑭᒡᓕᒋᔭᐅᑎᓐᓇᒃᑯ ᑕᕆᐅᕐᒧᑦ: ᑕᕆᐅᖅ ᖄᖏᓚᐅᕐᓯᒪᓂᐊᕈᓐᓃᕐᑎᓪᓗᒍ ᐃᓱᖃᖏᑦᑐᒧᑦ, ᒪᓪᓕᕐᑕᐅᖃᑦᑕᕐᓂᐊᕋᓗᐊᕐᐳᖅ ᑭᓯᐊᓂᓕ ᓄᖅᑲᕐᑕᕐᕕᒌᓐᓇᐅᔭᕐᓂᐊᕐᐹ ᒪᓕᐊᓗᐃᑦ ᓯᒡᔭᒧᑦ ᒥᕿᑦᑕᕐᐸᖕᓂᐊᕋᓗᐊᕐᐳᑦ ᑭᓯᐊᓂᓕ ᐅᖓᑖᓄᐊᕈᓐᓇᕐᓂᐊᓐᖏᓚᑦ ᐃᒪᐅᑉ ᑎᑭᑦᑕᕆᐊᖃᓐᖏᑕᖓᓄᑦ.

ᔨᕆᒤᐊᐅᑉ ᐊᒡᓚᖏᑦ 50:5

ᓮᐅᓂᒧᐊᕐᑐᒥᒃ ᐊᖅᑯᑎᒥᒃ ᖃᐅᔨᔪᒪᓕᕈᒫᕐᐳᑦ, ᓵᕝᕕᒋᓕᕐᓗᒍᓗ, ᕾᓂᐊᕐᐳᑦ ᐊᑕᓂᕐᓗ ᐃᓅᖃᑎᒌᓐᓇᕈᒪᓕᕈᒫᕐᐹᑦ ᐊᖏᖃᑎᒌᖕᓂᖃᕐᓗᑎᒃ ᐳᐃᒍᕐᑕᐅᓂᐊᕈᓐᓃᕐᑐᒥᒃ.

ᕼᐆᓯᐊᑉ ᐊᒡᓚᖏᑦ 3:5

ᑕᒪᑐᒪ ᑭᖑᓂᖓᒍᑦ ᐃᓴᕆᐊᓕᒥᐅᑦ ᐃᓄᖏᑦ ᐅᑎᕈᒫᕆᕗᑦ ᕿᓂᓕᕐᓗᑎᒡᓗ ᐊᑕᓂᕐᒥᒃ ᒎᑎᒥᖕᓂᒃ, ᑍᕕᑎᒥᒡᓗ ᐊᖓᔪᖅᑳᕐᔪᐊᒥᖕᓂᒃ; ᓯᕘᕋᓕᕈᒫᕐᐳᓪᓗ ᐊᑕᓂᕐᒥᒃ ᐱᐅᔪᓂᒡᓗ ᑐᓂᕐᕈᑎᖏᓐᓂᒃ ᐱᓕᕈᒫᕐᐳᑦ ᐅᓪᓗᐃᑦ ᑭᖑᓪᓕᖏᓐᓂ.

ᕼᐆᓯᐊᑉ ᐊᒡᓚᖏᑦ 6:1

“ᕾᓗᓯ ᐅᑎᓚᐅᕐᑕ ᐊᑕᓂᕐᒧᑦ; ᑖᑦᓱᒪ ᐋᓐᓂᕐᓯᒪᖕᒪᑎᒍᑦ, ᐋᖅᑭᒍᒪᓪᓗᑕ; ᑖᑦᓱᒪ ᐃᑭᓕᕐᓯᒪᖕᒪᑎᒍᑦ, ᑖᑦᓱᒪᓗ ᒪᑦᑐᓯᕐᓂᐊᕐᐹᑎᒍᑦ.

ᔪᐃᓕᐅᑉ ᐊᒡᓚᖏᑦ 2:23

ᖁᕕᐊᓱᒋᑦᓯ, ᓮᐅᓂᐅᑉ ᕿᑐᕐᖓᖏᑦ, ᖁᕕᐊᓱᒋᑦᓯ ᐊᑕᓂᖅ ᒎᑎᓯ ᐃᓕᑦᓯᓐᓄᑦ ᐱᓂᐊᕐᓯᒪᓂᖓ ᐱᑦᔪᑎᒋᓗᒍ, ᓯᓚᓗᒡᕕᐅᑎᒻᒪᓯ ᓯᕗᓪᓕᕐᓯᐅᒻᒥᒃ ᓱᖁᓯᔪᐃᑦᑑᓂᕐᒥᓄᑦ, ᓯᓚᓗᒡᕕᐅᑎᓕᕐᒪᓯ ᓯᕗᓪᓕᕐᓯᐅᒻᒥᒃ ᑭᖑᓪᓕᕐᓯᐅᒻᒥᒡᓗ ᓲᕐᓗ ᑍᑦᓱᒪᓂᑐᑦ.

ᐂᒨᓯᐅᑉ ᐊᒡᓚᖏᑦ 4:7

“ᓯᓚᓗᒡᓗ ᓄᖅᑲᖓᑎᓚᐅᕐᐸᕋ, ᓱᓕ ᑕᖅᑭᓂᒃ ᐱᖓᓱᓂᒃ ᑲᑎᕐᓱᐃᕕᒃ ᓇᓪᓕᐅᑎᓚᐅᕐᑎᓐᓇᒍ, ᐃᒡᓗᒐᓴᖕᓂ ᐊᑕᐅᓯᕐᓂ ᓯᓚᓗᒃᑎᑦᓯᓚᐅᕐᐳᖓ, ᐃᒡᓗᒐᓴᖕᓂᓗ ᐊᓯᖏᓐᓂ ᓯᓚᓗᒃ ᓄᖅᑲᖓᑎᓚᐅᕐᐸᕋ, ᐱᕈᕐᓰᕖᑦ ᐃᓚᖏᑦ ᓯᓚᓗᒃᑕᐅᑎᓚᐅᕐᐸᒃᑲ; ᐱᕈᕐᓰᕖᓪᓗ ᓯᓚᓗᒡᕕᐅᓚᐅᖏᑦᑐᑦ ᑐᖁᓕᓚᐅᕐᐳᑦ.

ᓴᑲᕅᐊᐅᑉ ᐊᒡᓚᖏᑦ 10:1

ᐊᑕᓂᖅ ᐅᐱᕐᖔᒃᑯᑦ ᓯᓚᓗᖁᔨᖁᓯᐅᒃ, ᑕᕝᕙ ᓄᕗᔭᖃᕐᑎᓐᓂᐊᕐᐹ ᓯᓚᕈᔪᒃᓯᐅᑎᓂᒃ ᓯᓚᓗᓕᕐᓗᓂ, ᐃᓄᓕᒫᓄᑦ ᐱᕈᕐᓰᕕᖁᑎᓕᒫᖏᓐᓄᓪᓗ.

ᒫᑎᐅᓯᐅᑉ ᐊᒡᓚᖏᑦ 5:45

ᕿᑐᕐᖓᕆᔭᐅᓕᖁᓪᓗᓯ ᐊᑖᑕᑦᓯᓐᓄᑦ ᕿᓚᖕᒦᑦᑐᒧᑦ; ᑖᑦᓱᒪ ᓯᕿᓂᓂ ᖃᐅᒻᒪᒃᑎᒻᒪᒍ ᐱᑦᓯᐊᕐᑐᓄᑦ ᐱᑦᓯᐊᖏᑦᑐᓄᓪᓗ, ᓯᓚᓗᒃᑎᑦᓯᕙᒡᓗᓂᓗ ᐊᑲᐅᔪᓕᔪᓄᑦ ᐊᑲᐅᖏᑦᑐᓕᔪᓄᓪᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 14:17

ᓇᓗᓁᕐᓯᔪᓂᒃ ᐃᒻᒥᓄᑦ ᑐᕌᖓᔪᓂᒃ ᓴᖅᑭᑎᑦᓯᖃᑦᑕᓚᐅᕐᐳᖅ, ᐱᑦᓯᐊᕐᓂᕐᒥᓂᒃ ᓴᖅᑭᑎᑦᓯᕙᒃᓗᓂ ᕿᓚᖕᒥᑦ ᓯᓚᓗᒃᑎᑦᓯᕙᒃᑲᒥ ᐊᑲᐅᓈᑦᓯᐊᕐᑐᒥᒃ, ᑐᓂᓯᕕᒋᕙᒃᐹᓯᓗ ᓂᕿᒃᓴᓂᒃ, ᖁᕕᐊᓱᖕᓂᖃᕐᑎᓪᓗᓯᓗ ᐃᓗᑦᓯᒍᑦ.”

ᒨᓯᓯ ᑕᓪᓕᒪᖏᑦ 28:12

ᐊᕐᕌᒍᓕᒫᕐᓗ ᓯᓚᓗᒃᑎᑦᓯᖃᑦᑕᕈᒫᕐᐳᖅ ᓄᓇᒋᔭᑦᓯᓐᓄᑦ ᓯᕐᓗᐊᕐᔪᐊᒥᓂᑦ ᕿᓚᖕᒥᑦ ᓮᒻᒪᕐᑎᓪᓗᓂᓯᓗ ᑕᒤᑎᒍᑦ ᐱᓇᓱᐊᕐᓂᑦᓯᒍᑦ, ᐃᓅᖃᑎᒌᒡᔪᐊᓄᑦ ᐊᓯᑦᓯᓐᓄᑦ ᐅᓄᕐᑐᓄᑦ, ᐊᑐᕐᑎᑦᓯᔪᓐᓇᖁᓪᓗᓯ, ᐊᓯᑦᓯᓐᓂᓪᓕ ᐊᑐᕐᑐᐊᕆᐊᖃᖃᑦᑕᕈᒫᓐᖏᓚᓯ.

ᔧᒥᓯᐅᑉ ᐊᒡᓚᖏᑦ 5:7

ᑍᒤᒻᒪᑦ ᐅᒃᐱᖃᑎᒃᑲ, ᕿᓄᐃᓵᕆᑦᓯ ᐊᑕᓂᖅ ᑎᑭᑦᓯᐊᕆᓗᒍ. ᑕᑯᒋᑦ ᐱᕈᕐᓰᕕᓕᕆᔨᐅᑉ ᕿᓄᐃᓵᕐᓗᓂ ᐱᕈᕐᑐᐃᑦ ᑕᑯᒥᓇᕐᑐᑦ ᐱᕈᕐᓯᐊᕆᕔᑦ, ᕿᓄᐃᓵᕐᓗᓂ ᐅᑕᖅᑭᕗᖅ ᐅᐱᕐᖔᒃᑯᑦ ᐅᑭᐊᒃᓵᒃᑯᓪᓗ ᓯᓚᓗᖕᓂᐅᕙᒃᑐᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:6

ᑖᒃᑯᐊᒡᓗ ᐱᔪᓐᓇᕐᓂᖃᕐᑎᑕᐅᕘᒃ ᒪᑐᓯᔪᓐᓇᕐᓗᑎᒃ ᕿᓚᖕᒥᒃ, ᓯᓚᓗᒍᓐᓁᓪᓕᖁᓪᓗᒍ ᐅᖃᐅᓯᐅᖁᔭᐅᔪᓂᒃ ᓇᓪᓕᐅᑎᔪᒫᕐᑐᓂᒃ ᐱᔭᕇᖏᓐᓂᕐᒋᓐᓂ, ᐱᔪᓐᓇᕐᓂᖃᕐᑎᑕᐅᒋᕘᒃ ᐃᒪᕐᒥᒃ ᐊᐅᓐᖑᕐᑎᑦᓯᔪᓐᓇᕐᓗᑎᒃ, ᓄᓇᕐᔪᐊᕐᒥᓗ ᖃᓄᐃᑦᑐᑐᐃᓐᓇᕐᓂᒃ ᐋᓐᓂᐊᓇᕐᑐᖃᕐᑎᑦᓯᔪᓐᓇᕐᓗᑎᒃ, ᖃᖓᓕᒫᖅ ᐱᖁᔨᓕᑐᐊᕈᑎᒃ.