ᔨᕆᒤᐊᐅᑉ ᐊᒡᓚᖏᑦ 5:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᐃᓴᕆᐊᓕᒥᐅᓄᑦ, ᐊᑕᓂᖅ ᐅᖃᕐᐳᖅ, ᑎᓕᓯᓂᐊᕐᐳᖓ ᐃᓅᖃᑎᒌᒡᔪᐊᓂᒃ ᐅᖓᓯᒃᑐᒥᑦ ᐱᔪᓂᒃ ᐃᓕᑦᓯᓐᓂᒃ ᐅᓇᑕᕆᐊᕐᑐᕐᑐᓂᒃ. ᐃᓅᖃᑎᒌᒡᔪᐊᑐᖃᐅᔪᓂᒃ ᐱᔪᓐᓇᕐᓂᖃᑦᓯᐊᕐᑐᓂᒃ, ᐅᖃᐅᓯᖃᖃᑎᒋᓐᖏᑕᑦᓯᓐᓂᒃ ᐅᖃᐅᓯᖏᓪᓗ ᑐᑭᓯᓂᐊᓐᖏᓚᓯ.

ᔨᕆᒤᐊᐅᑉ ᐊᒡᓚᖏᑦ 5:15 Iomraidhean Croise

ᒨᓯᓯ ᓯᕗᓪᓖᑦ 11:7

ᐊᖅᑲᕐᕕᒋᓚᐅᕐᓚᕗᑦ, ᐅᖃᐅᓯᖏᓪᓗ ᐊᑦᔨᒌᒍᓐᓃᕐᑎᓪᓗᒋᑦ, ᑐᑭᓯᐊᖃᑦᑕᐅᑎᔪᓐᓁᓪᓕᓂᐊᕐᒪᑕ ᐃᒻᒥᖕᓄᑦ ᐅᖃᖃᑎᒌᒐᓱᒡᓗᑎᒃ.”

ᐃᓐᖏᕈᑎᑦ 81:5

ᑍᒤᑦᑐᒥᒃ ᐱᖁᔨᓚᐅᕐᐳᖅ ᔫᓯᐱᒃᑯᓐᓄᑦ ᓇᓗᓁᕐᓯᑦᔪᑎᒋᔪᒪᓪᓗᓂᐅᒃ, ᓄᓇᒧᑦ ᐄᑦᔨᑉᑎᓂᒧᑦ ᐃᖏᕐᕋᓕᕐᑎᓪᓗᒍ. ᓂᐱᒥᒃ ᑐᓴᓚᐅᕐᐳᖓ ᑐᓴᓚᐅᕐᓯᒪᓐᖏᑕᓐᓂᒃ ᐅᖃᕐᑐᒥᒃ:

ᐂᓮᐊᓯᐅᑉ ᐊᒡᓚᖏᑦ 28:11

ᓈᓚᖏᒃᑯᑦᓯ ᐃᓄᐃᑦ ᑐᑭᓯᐊᓐᖏᑕᑦᓯᓐᓂᒃ ᐅᖃᐅᓯᓖᑦ, ᐊᑐᕐᓗᒋᑦ ᐊᑕᓂᐅᑉ ᐃᓄᖁᑎᓂ ᐅᖃᓪᓚᒡᕕᒋᔪᒫᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 29:3

ᓯᓚᑎᑦᓯᓐᓂ ᑕᖕᒫᕐᓯᒪᔪᒫᕐᐳᖓ ᐊᕙᑕᖏᕐᓯᒪᓗᑎᑦ, ᐃᒡᓗᒐᓴᒡᔪᐊᓂᒃ ᓵᓚᖃᕋᓱᒃᑐᕐᓯᐅᑎᓂᒃ ᓴᓇᔪᒫᕐᐳᖓ ᐳᕐᑐᔪᓂᒡᓗ ᐃᒡᓗᓕᐅᕐᓗᖓ, ᐃᒡᓗᒐᓴᒡᔪᐊᓂᒃ ᓵᓚᖃᕋᓲᑎᓂᒃ ᓴᓇᔪᒪᕗᖓ ᐃᓕᖕᓂᒃ ᐊᑭᕋᕐᑐᕐᓗᖓ.

ᐂᓮᐊᓯᐅᑉ ᐊᒡᓚᖏᑦ 29:6

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᑎᑭᕝᕕᒋᔪᒫᕐᐹᓯ ᑲᓪᓕᕐᒧᑦ, ᓄᓇᐅᓪᓗ ᓴᔪᒃᐱᓗᖕᓂᖓᓄᑦ, ᓂᐱᖅᑯᕐᑐᔪᕐᔪᐊᒧᓪᓗ, ᐊᓄᕆᕐᔪᐊᒧᓪᓗ ᑬᕙᑦᑐᒧᑦ, ᐊᖅᑯᓇᕐᔪᐊᒧᓪᓗ, ᐃᑯᐊᓚᔪᕐᔪᐊᒧᓪᓗ ᓄᖒᑦᓯᔪᒧᑦ.

ᐂᓮᐊᓯᐅᑉ ᐊᒡᓚᖏᑦ 33:19

ᐃᓄᖕᓂᒃ ᓵᓚᓯᐊᖃᕐᑐᓂᒃ ᑕᑯᔪᓐᓃᕈᒫᕐᐳᓯ, ᑐᑭᓯᐊᓐᖏᑕᑦᓯᓐᓂᒡᓗ ᐅᖃᐅᓯᖃᕐᑐᓂᒃ ᑕᑯᔪᓐᓃᕈᒫᕐᐳᓯ, ᐃᒃᑐᕆᒃᑐᓂᒡᓗ ᐅᖃᐅᓯᖃᕐᑐᑦ ᑐᑭᓯᔪᓐᓇᓐᖏᑕᑦᓯᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 39:3

ᑕᕝᕙ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ ᐂᓮᐊᓯ ᐊᖓᔪᖅᑳᕐᔪᐊᕐᒧᑦ ᕼᐃᓯᑬᐊᒧᐊᕐᐳᖅ ᐊᐱᕆᓪᓗᓂᓗ: “ᓇᑭᓄᑯᐊ ᐱᓯᒪᔪᑦ, ᖃᓄᕐᓗ ᐅᖃᕐᕕᐅᕖᑦ ᑖᒃᑯᓄᖓ?” ᕼᐃᓯᑬᐊᐅᑉ ᑭᐅᕚ, “ᐅᖓᓯᒃᑐᒥᑦ ᐅᑯᐊ ᑎᑭᓯᒪᔪᑦ ᐹᐱᓘᓂᒥᑦ.”

ᐂᓮᐊᓯᐅᑉ ᐊᒡᓚᖏᑦ 5:26

ᑖᑦᓱᒪ ᓇᓗᓁᒃᑯᑕᖁᑎᓂ ᓇᑉᐸᕐᑎᓐᓂᐊᕐᐹ ᐃᓅᖃᑎᒌᒡᔪᐊᓄᑦ ᐅᖓᓯᒃᑐᒦᑦᑐᓄᑦ, ᐅᕕᓐᖏᐊᕐᕕᒋᔪᒫᕐᐰᓪᓗ ᕾᖁᓗᒋᑦ ᓄᓇᐅᑉ ᑭᒡᓕᖓᓂᑦ; ᑕᑯᒋᓪᓗ ᑐᐊᕕᒻᒪᕆᒡᓗᑎᒃ, ᕾᔪᒫᕐᐳᑦ!

ᐂᓮᐊᓯᐅᑉ ᐊᒡᓚᖏᑦ 5:7

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᕔᓂᒃᓴᓕᐅᕐᕕᒋᖕᒪᒋᑦ ᐃᓴᕆᐊᓕᐅᑉ ᑭᖑᕚᖏᑦ; ᔫᑕᐅᓪᓗ ᐃᓄᖏᑦ ᑕᑯᒥᓇᕐᑐᖁᑎᒋᓪᓗᒋᑦ ᐱᕈᕐᓰᕕᖁᑎᒋᕔᑦ; ᓂᕆᐅᒡᕕᒋᓚᐅᕐᐰᑦ ᐊᑦᔨᒌᒃᑎᑦᓯᓂᕐᒥᒃ, ᑭᓯᐊᓂᓕ ᐅᖁᒤᒃᓴᕐᑎᑦᓯᓯᒪᕗᑦ; ᐃᓱᐊᕐᓂᕐᒥᒡᓗ ᓂᕆᐅᒡᕕᒋᓚᐅᕐᐰᑦ, ᕿᐊᔪᓂᒡᓕ ᑐᓵᕗᑦ.

ᔨᕆᒤᐊᐅᑉ ᐊᒡᓚᖏᑦ 1:15

ᐅᓐᓄᐊᓪᓗᐊᑉ ᓇᓛᓃᑦᑐᑦ ᐃᓅᖃᑎᒌᒡᔪᐊᑦ ᑕᒪᐅᖓ ᑎᑭᖁᔪᒫᕋᒃᑭᑦ ᐊᖓᔪᖅᑳᕐᔪᐊᖏᓪᓗ ᐊᖓᔪᖅᑲᐅᕕᒃᑖᖁᓂᐊᕐᐸᒃᑲ ᔨᕉᓴᓕᐅᑉ ᐃᑎᕐᑕᕐᕕᒃᔪᐊᖏᓐᓂ, ᐊᕙᓗᕐᔪᐊᖏᑕᓗ ᐊᕙᑖᓂ, ᔫᑕᐅᓪᓗ ᐃᒡᓗᒐᓴᒡᔪᐊᖁᑎᖏᑕ ᐊᕙᑖᓂ.

ᔨᕆᒤᐊᐅᑉ ᐊᒡᓚᖏᑦ 2:26

ᐊᑕᓂᖅ ᐅᖃᕐᐳᖅ, “ᑎᒡᓕᒐᕐᑎ ᑲᓐᖑᓇᕐᑐᒥᒃ ᐊᑐᓕᕐᐸᖕᒪᑦ ᖃᐅᔨᔭᐅᔭᕌᖓᒥ, ᑍᒫᒃᑕᐅᖅ ᐃᓴᕆᐊᓕᒥᐅᑦ ᐃᓄᖏᑦ ᑲᓐᖑᓇᕐᑐᒥᒃ ᐊᑐᕐᓂᐊᕐᐳᑦ, ᐊᖓᔪᖅᑳᕐᔪᐊᖏᑦ, ᐊᖓᔪᖅᑳᖁᑎᖏᑦ, ᑐᓂᕐᕈᓯᕐᑎᑦᓯᔩᑦ, ᒎᑎᒧᓪᓗ ᐱᔪᖃᓛᕐᑐᒥᒃ ᐅᖃᕐᑎᐅᔪᑦ.

ᔨᕆᒤᐊᐅᑉ ᐊᒡᓚᖏᑦ 25:9

ᑕᑯᒋᑦ, ᐅᓐᓄᐊᓪᓗᐊᑉ ᓇᓛᓃᑦᑐᑦ ᐃᓄᓕᒫᖏᓐᓂᒃ ᑎᓕᓯᓂᐊᕐᐳᖓ, ᑭᒡᒐᓐᓂᒡᓗ ᓂᐱᑯᓁᓴᒥᒃ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓂᒃ, ᐊᑕᓂᖅ ᐅᖃᕐᐳᖅ, ᐅᓇᑕᕆᐊᕐᑎᓐᓂᐊᕐᐸᒃᑲᓗ ᓄᓇᒧᑦ ᑕᒪᐅᖓ ᐃᓅᖃᑎᒌᒡᔪᐊᓄᑦ, ᓄᓇᓕᐅᖃᑎᒋᔭᓕᒫᓯᓗ ᐊᓯᕈᕐᑕᐅᑎᓐᓂᐊᕐᐸᒃᑲ ᑲᑉᐱᐊᓲᑎᒃᓴᓐᖑᕐᑎᓪᓗᒋᓪᓗ ᐋᖅᑭᒃᑕᐅᒃᑲᓐᓂᕐᓂᐊᕈᓐᓃᕐᑐᒥᒃ ᓄᓇᓕᕕᓂᑐᐃᓐᓇᐅᓕᕐᑎᓐᓂᐊᕐᐸᕋ.

ᔨᕆᒤᐊᐅᑉ ᐊᒡᓚᖏᑦ 4:16

ᐃᓅᖃᑎᒌᒡᔪᐊᑦ ᑕᒪᑐᒥᖓ ᐅᖃᐅᑎᓯᒋᒃ, ᔨᕉᓴᓕᒥᐅᓄᓪᓗ ᐅᓇᑕᕆᐊᕐᑐᕐᑐᑦ ᕾᓕᕐᒪᑕ ᐅᖓᓯᒃᑐᒥᑦ, ᓂᐱᖅᑯᕐᑐᓗᑎᒡᓗ ᐅᓇᑕᕆᐊᕐᑐᕐᓂᕐᒥᖕᓂᒃ ᓂᓪᓕᐊᑦᔪᑎᖃᕐᒪᑕ ᔫᑕᒥᐅᓄᑦ.

ᔨᕆᒤᐊᐅᑉ ᐊᒡᓚᖏᑦ 5:11

ᐃᓴᕆᐊᓕᒥᐅᑦ ᔫᑕᒥᐅᓪᓗ, ᐊᓯᓐᓂᐊᓚᐅᕐᒫᖓ, ᐊᑕᓂᖅ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 6:22

ᐃᒫᒃ ᐊᑕᓂᖅ ᐅᖃᕐᐳᖅ, “ᑕᑯᒋᑦᓯ ᐅᓇᑕᕆᐊᕐᑐᕐᑐᑦ ᐃᓕᑦᓯᓐᓂᒃ ᕾᓕᕐᐳᑦ, ᐅᓐᓄᐊᓪᓗᐊᑉ ᓇᓛᓂᑦ, ᐃᓅᖃᑎᒌᒡᔪᐊᑦ ᐅᓇᑕᕐᑐᒃᓴᖏᑦ ᐅᖓᓯᖕᓂᕐᐹᒥᐅᑦ ᐊᐅᓚᑦᔭᓕᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 9:26

ᐄᑦᔨᑉᑎᒥᐅᑦ, ᔫᑕᒥᐅᑦ, ᐄᑐᒥᒥᐅᑦ, ᐋᒪᓐᒥᐅᑦ, ᒧᐊᐱᒥᐅᓪᓗ, ᐅᖓᓯᒃᑐᒥᐅᓪᓗ ᓯᐅᕅᓐᓇᕐᒥ ᓄᓇᖃᕐᑐᑦ ᐃᓅᖃᑎᒌᒡᔪᐊᑦ ᑭᐱᔭᐅᓯᒪᖏᑦᑐᐃᓐᓇᐅᖕᒪᑕ, ᐊᒡᓛᑦ ᐃᓴᕆᐊᓕᒥᐅᓕᒫᑦ ᑭᐱᔭᐅᓯᒪᓐᖏᓚᑦ ᐆᒻᒪᑎᒥᒃᑎᒍᑦ.”

ᐃᓯᑭᐊᓕᐅᑉ ᐊᒡᓚᖏᑦ 18:31

ᐱᐅᖏᑦᑐᓕᓂᓕᒫᑦ ᐱᓇᓱᐊᓚᐅᕐᑕᓯ ᕿᒪᒡᓗᒋᑦ, ᓄᑖᒥᒃ ᐆᒻᒪᑎᑖᓕᕆᑦᓯ ᓄᑖᒥᒡᓗ ᐊᓂᕐᓂᕐᑖᕐᓗᓯ! ᓱᖕᒪᑦ ᐃᓴᕆᐊᓕᒥᐅᑦ ᑭᖑᕚᖑᖃᑎᒌᑦ ᑐᖁᔪᒪᕕᓰ?

ᑖᓂᐊᓕᐅᑉ ᐊᒡᓚᖏᑦ 1:4

ᐊᖑᑎᓂᒃ ᐃᓅᓱᒃᑐᓂᒃ ᐃᓗᓯᕐᓗᖃᖏᑦᑐᓂᒃ, ᐃᓂᖁᓇᕐᑑᓗᑎᒃ, ᓯᓚᑐᔪᓂᒃ ᐃᓕᑦᓯᓴᕅᑦᑑᓗᑎᒃ, ᖃᐅᔨᒪᑦᓯᐊᕐᓗᑎᒃ ᓱᓇᓕᒫᓂᒃ, ᑐᑭᓯᓴᕅᑦᑑᓗᑎᒡᓗ, ᐊᖓᔪᖅᑳᕐᔪᐊᑉ ᐃᒡᓗᖓᓂ ᐱᓇᓱᐊᕈᓐᓇᕐᓗᑎᒃ. ᐃᓕᓐᓂᐊᕐᑎᑕᐅᖁᓪᓗᒋ ᐹᐱᓘᓂᒥᐅᑦ ᐅᖃᐅᓯᖏᓐᓂᒃ ᐱᐅᓯᖏᓐᓂᒡᓗ.

ᑖᓂᐊᓕᐅᑉ ᐊᒡᓚᖏᑦ 7:7

“ᓱᓕ, ᐅᓐᓄᐊᒥ ᑕᑯᑎᑕᐅᓪᓗᖓ ᑕᑯᒋᕗᖓ ᐆᒪᔪᐊᓗᐃᑦ ᓯᑕᒪᖓᓐᓂᒃ, ᑲᑉᐱᐊᓇᕐᑑᓪᓗᓂ ᓯᕘᕋᓇᕐᑐᖅ ᓴᓐᖏᔪᕐᔪᐊᖑᓪᓗᓂᓗ, ᑭᒍᑎᖃᕐᐳᖅ ᓴᕕᕋᔭᖕᓂᒃ ᐊᖏᔪᐊᓗᖕᓂᒃ; ᖃᖅᑯᐊᕐᐳᖅ ᓂᕆᓪᓗᓂᓗ ᓵᓚᒋᔭᒥᓂᒃ, ᑐᓪᓕᕋᕐᐰᓪᓗ ᐊᒥᐊᒃᑯᓂ. ᐆᒪᔪᕐᔪᐊᖑᖃᑎᒥᓂᑦ ᓯᕗᓪᓕᕐᓂᑦ ᐊᑦᔨᒋᔭᐅᓐᖏᓚᖅ, ᖁᓕᓂᑦ ᓇᒡᔪᖃᕐᑐᖅ.

ᐂᒨᓯᐅᑉ ᐊᒡᓚᖏᑦ 6:14

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᒎᑎ ᐅᖃᕐᐳᖅ, “ᑕᑯᒋᑦ, ᐃᓅᖃᑎᒋᒡᔪᐊᓂᒃ ᒪᑭᑎᑦᓯᓂᐊᕐᐳᖓ ᐃᓕᑦᓯᓐᓂᒃ ᐊᑭᕋᕐᑐᕐᓂᐊᕐᑐᓂᒃ, ᐃᓴᕆᐊᓕᒧᑦ ᑭᖑᕚᖑᔪᓯ; ᐊᒃᓱᕈᕐᑎᑦᓯᓂᐊᕐᐳᓪᓗ ᐃᓕᑦᓯᓐᓂᒃ ᕼᐊᒫᑎᐅᑉ ᐃᑎᕆᐊᕐᕕᖓᓂᑦ ᐋᕋᐸᐅᑉ ᓇᕐᓴᖓ ᑎᑭᓪᓗᒍ.”

ᕼᐊᐸᑲᐅᑉ ᐊᒡᓚᖏᑦ 3:16

ᑕᒪᓐᓇᓗ ᑐᓴᕋᒃᑯ, ᐃᓗᒐ ᓴᔪᓕᕐᐳᖅ; ᖃᓂᕐᒪᓗ ᓯᓈ ᐆᓕᒃᑐᑎᑐᑦ ᑍᒤᓕᕐᐳᖅ ᑲᑉᐱᐊᓱᖕᓂᕐᒧᑦ. ᓴᐅᓂᒃᑲᓗ ᓴᐅᓂᓐᖑᔪᑎᑐᑦ ᑍᒤᓕᕐᐳᑦ, ᐃᑎᒐᒃᑲᓗ ᖁᐂᔭᕿᑦᑖᓕᕐᐳᑦ ᑐᖕᒪᕐᑕᒃᑯᑦ. ᓂᐱᖃᖏᓪᓗᖓ ᐅᑕᖅᑭᑐᐃᓐᓇᕐᓂᐊᓕᕐᐳᖓ ᑎᑭᓛᕐᑐᒥᒃ ᒎᑎᐅᑉ ᓱᒋᐊᕐᓯᓂᒃᓴᖓᓂᒃ ᐅᕙᑦᑎᓐᓂᒃ ᓱᒃᑯᔨᐊᖃᕐᑐᓂᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:21

ᐱᖁᔭᓂ ᑎᑎᕋᕐᓯᒪᖕᒪᑦ, “ᐃᓄᐃᑦ ᑐᓴᕐᖓᕐᑕᓂᒃ ᐊᑐᕐᓗᖓ ᐅᖃᐅᓯᖃᕐᕕᒋᔪᒪᕙᒃᑲ ᐅᖃᐅᓯᖃᑎᒋᔭᐅᖏᑦᑐᓪᓗ ᖃᓂᖏᑎᒍᑦ ᐃᓄᐃᑦ ᑖᒃᑯᐊ ᐅᖃᐅᑎᔪᒪᕙᒃᑲ, ᑍᒤᓕᐅᕋᓗᐊᕈᒪᓕ ᓱᓕ ᐅᕙᓐᓂᒃ ᓈᓚᖕᓂᐊᓐᖏᓚᑦ, ᐊᑕᓂᖅ ᐅᖃᕐᐳᖅ.”

ᒨᓯᓯ ᑕᓪᓕᒪᖏᑦ 28:33

ᐃᓅᖃᑎᒌᒡᔪᐊᓄᑦ ᐊᓯᑦᓯᓐᓂᑦ ᐱᓯᒪᔪᓄᑦ ᖃᐅᔨᒪᓐᖏᑕᑦᓯᓐᓄᑦ ᓂᐊᖂᔭᒃᓴᖁᑎᓯ ᓂᕿᒋᔭᐅᔪᒫᕐᐳᑦ ᐊᒃᓱᕈᒻᒪᕆᒃᓗᑎᑦ ᐱᓇᓱᐊᕈᑎᒋᖃᑦᑕᕐᓯᒪᔭᑎᑦ ᐱᕈᕐᑎᓐᓇᓱᐊᕐᓗᒋᑦ; ᐱᑎᑕᐅᖏᑦᓯᐊᕐᓗᓯ ᐅᖁᒤᒃᓴᕐᑎᑕᐅᔪᒫᕐᐳᓯ ᑍᒪᓐᖓᑦ ᐱᑲᒻᒪᒃᑕᐅᖃᑦᑕᕐᓗᓯᓗ ᓂᑲᒋᔭᐅᖏᓪᓗᓯ.

ᒨᓯᓯ ᑕᓪᓕᒪᖏᑦ 28:49

ᐊᑕᓂᖅ ᐃᓅᖃᑎᒌᒡᔪᐊᓂᒃ ᓄᓇᕐᔪᐊᑉ ᐃᓱᐊᓂᑦ ᐱᓯᒪᔪᓄᑦ ᐅᐸᒃᑕᐅᑎᑦᓱᒫᕐᐹᓯ ᐅᓇᑕᕆᐊᕐᑕᐅᓗᓯ, ᐅᐸᒃᑐᕈᒫᕐᐳᑦ ᓇᒃᑐᕋᓕᒃᑎᑐᑦ ᐊᐅᕐᓵᕐᑐᑎᑐᑦ,