ᔨᕆᒤᐊᐅᑉ ᐊᒡᓚᖏᑦ 5:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᐊᑕᓂᖅ ᓴᒡᓗᑎᒋᓪᓗᒍ ᐅᖃᓚᐅᕐᒪᑕ ᐅᖃᕐᓗᑎᒃ, “ᖃᓄᐃᓕᐅᑦᔮᖏᓐᓚᖅ ᐅᕙᑦᑎᓐᓂᒃ, ᐊᓯᕈᕐᓇᕐᑐᒧᑦ ᑎᑭᑕᐅᑦᔮᓐᖏᓚᒍᑦ, ᐅᓇᑕᕐᑐᓂᒃ ᑳᖕᓇᕐᑐᒥᒡᓘᓐᓃᑦ ᑕᑯᓚᐅᕐᓯᒪᑦᔮᓐᖏᓚᒍᑦ.”

ᔨᕆᒤᐊᐅᑉ ᐊᒡᓚᖏᑦ 5:12 Iomraidhean Croise

ᑯᕉᓂᑲ ᐂᑉᐸᖏᑦ 36:16

ᑖᒃᑯᐊᓕ ᒥᑕᐅᑎᖃᖃᑦᑕᓚᐅᕐᐳᑦ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᓐᓂᒃ, ᐅᖃᐅᓯᖏᓪᓗ ᓈᓚᒍᒪᓇᒋᑦ, ᐅᖃᕐᑎᖏᑦ ᒥᑕᐅᑎᒋᓪᓗᒋᑦ ᐅᖃᕐᓂᕐᓗᒡᕕᒋᖃᑦᑕᓚᐅᕐᐰᑦ, ᐊᑕᓂᐅᑉ ᓂᓐᖓᐅᓯᖓ ᐃᓄᖁᑎᒥᓄᑦ ᑎᑭᓚᐅᕐᑎᓐᓇᒍ, ᑖᒃᑯᐊᓗ ᐱᐅᓕᔭᐅᕕᒃᓴᖃᕈᓐᓃᓚᐅᕐᐳᑦ.

ᐃᓐᖏᕈᑎᑦ 10:6

ᐆᒻᒪᑎᒥᒍᑦ ᐃᓱᒪᕗᖅ, “ᐊᓯᓐᓂᑦ ᐊᐅᓚᑕᐅᓂᐊᓐᖏᓚᖓ, ᐊᑲᐅᖏᑦᑐᒧᓪᓗ ᖃᖓᓕᒫᖅ ᑎᑭᑕᐅᓂᐊᕐᓇᖓ.”

ᐃᓐᖏᕈᑎᑦ 14:1

ᓯᓔᑦᑐᖅ ᐆᒻᒪᑎᒥᒍᑦ ᐅᖃᕐᒪᑦ, “ᒎᑎᑕᖃᓐᖏᓚᖅ.” ᐊᔪᕐᑐᓕᔪᐊᓘᕗᑦ, ᐱᓂᐊᕐᓂᖏᓪᓗ ᐱᐅᖏᑦᑑᓪᓗᑎᒃ, ᓇᓪᓕᐊᓐᓂᒡᓘᓐᓃᑦ ᐱᐅᔪᒥᒃ ᐱᓂᐊᕐᓂᖃᕐᑐᖃᓐᖏᓚᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 30:9

ᐊᕿᐊᑦᑐᓗᐊᕈᒪ ᐃᓕᖕᓂᒃ ᐃᒃᐱᒍᓱᒍᓐᓃᖁᓇᖓ, ᐅᖃᓕᖁᓇᖓᓗ, “ᑭᓇ ᐊᑕᓂᐅᕙ?” ᐅᕝᕙᓗ ᐊᔪᕐᓴᓗᐊᓕᕈᒪ ᑎᒡᓕᖃᑦᑕᓕᖁᓇᖓ, ᒎᑎᒪᓗ ᐊᑎᖓᓂᒃ ᐊᑐᕐᓂᕐᓗᓕᖁᓇᖓ.

ᔨᕆᒤᐊᐅᑉ ᐊᒡᓚᖏᑦ 14:22

ᐃᓅᖃᑎᒌᒡᔪᐊᖑᖃᑎᑦᑕ ᒎᑎᖏᑦ ᓱᓕᖏᑦᑐᑦ ᓯᓚᓗᒃᑎᑦᓯᔪᓐᓇᕐᐹᑦ? ᓯᓚᒥᒡᓗ ᑯᕕᑐᐃᓐᓇᕐᑎᑦᓯᔪᓐᓇᕐᐹᑦ? ᑍᒤᑎᑦᓯᔪᓐᓇᕐᑐᖃᓐᖏᓚᖅ ᐃᕝᕕᑦ ᐊᓯᖕᓂᒃ ᐊᑕᓃᖅ ᒎᑏᒃ, ᐃᓕᖕᓂᑦ ᓂᕆᐅᒋᔭᖃᕐᐳᒍᑦ, ᐃᕝᕕᑐᐊᖅ ᑕᒪᒃᑯᐊᓕᒫᑦ ᐊᐅᓚᓐᓇᕕᒋᑦ.

ᔨᕆᒤᐊᐅᑉ ᐊᒡᓚᖏᑦ 2:6

ᐅᖃᓚᐅᓐᖏᓚᓪᓘᓐᓃᑦ, ᐊᑕᓂᖅ ᓇᓃᒻᒪᖔᑦ, ᑭᓇᒧᓪᓗ ᐄᑦᔨᑉᑎᒥᑦ ᐊᐅᓪᓚᕐᑎᑕᐅᓚᐅᕐᒪᖔᕐᒥᒃ; ᑭᓇᒧᓪᓗ ᐃᓄᖃᖏᑦᑐᒃᑯᑦ ᑕᓯᐅᕐᑕᐅᓚᐅᕐᒪᖔᕐᒥᒃ, ᓄᓇᒃᑯᑦ ᓯᐅᕋᒃᑯᑦ ᑭᕕᓐᓇᕐᑐᓕᒃᑯᓪᓗ, ᓄᓇᒃᑯᓪᓗ ᑳᖕᓇᕐᑐᖃᕐᑐᒃᑯᑦ ᑲᑉᐱᐊᓇᕐᑐᖃᕐᑐᒃᑯᓪᓗ, ᓄᓇᒃᑯᑦ ᐊᐅᓚᕝᕕᐅᕙᖏᑦᑐᒃᑯᑦ ᓄᓇᖃᕐᕕᐅᕙᖏᑦᑐᒃᑯᓪᓗ.

ᔨᕆᒤᐊᐅᑉ ᐊᒡᓚᖏᑦ 28:4

ᐅᑎᕐᑎᓐᓂᐊᕆᕙᕋᓗ ᔨᑯᓁᐊ ᔨᕼᐅᐃᐊᑭᐅᑉ ᐃᕐᓂᖓ ᔫᑕᒥᐅᑦ ᐊᖓᔪᖅᑳᕐᔪᐊᖓᑦ, ᐊᐅᓪᓚᕈᑦᔭᐅᓯᒪᖃᑕᐅᔪᓕᒫᓪᓗ ᐹᐱᓘᓂᒧᑦ ᐅᑎᕐᑎᒻᒥᓗᒋᑦ ᔫᑕᒧᑦ, ᐊᑕᓂᖅ ᐅᖃᕐᐳᖅ, ᐹᐱᓘᓂᐅᑉ ᐊᖓᔪᖅᑳᕐᔪᐊᖓᑦᑕ ᐊᓄᓯᒪᐅᑎᖓ ᕿᔪᒃ ᓯᖁᒥᓐᓂᐊᕋᒃᑯ.”

ᔨᕆᒤᐊᐅᑉ ᐊᒡᓚᖏᑦ 4:10

ᐅᖃᕐᐳᖓᓕ, “ᐊᑕᓃᖅ ᒎᑏ, ᔨᕉᓴᓕᒥᐅᑦ ᐃᓄᖏᑦ ᓴᒡᓗᕿᑉᐸᑎᑦ ᖃᓄᐃᓐᓇᖏᑦᑐᒥᒃ ᐃᓅᓯᖃᕐᓂᐊᕐᓂᕋᕐᓗᒋᑦ, ᓱᓇᐅᕝᕙᓕ ᑐᖁᑕᐅᓂᐊᕐᑎᓪᓗᒋᑦ.”

ᔨᕆᒤᐊᐅᑉ ᐊᒡᓚᖏᑦ 43:1

ᔨᕆᒤᐊᐅᑉ ᐃᓄᐃᑦ ᐅᖃᐅᑎᔭᕇᕐᒪᒋᑦ ᐊᑕᓂᐅᑉ ᒎᑎᖓᑦᑕ ᐅᖃᕐᑕᐅᖁᔭᓕᒫᖏᓐᓂᒃ.

ᔨᕆᒤᐊᐅᑉ ᐊᒡᓚᖏᑦ 5:31

ᒎᑎᐅᑉ ᐅᖃᕐᑎᖏᑦ ᐅᖃᐅᓯᖃᕐᒪᑕ ᓱᓕᖏᑦᑐᓂᒃ, ᑐᓂᕐᕈᓯᕐᑎᑦᓯᔩᓪᓗ ᓇᖕᒥᓂᖅ ᐊᑐᕈᒪᔭᒥᖕᓂᒃ ᑭᓯᐊᓂ ᐊᐅᓚᑦᓯᔪᒪᖕᒪᑕ, ᐃᓄᖁᑎᒪᓗ ᑍᒫᒃ ᖁᕕᐊᒋᓪᓗᓂᑦᔪᒃ ᖃᓄᕐᓕ ᐱᔪᒫᕐᐹᑦ ᑕᒪᓐᓇ ᐃᓱᓕᑉᐸᑦ?”

ᔨᕆᒤᐊᐅᑉ ᐊᒡᓚᖏᑦ 6:14

ᐃᓄᖁᑎᒪ ᑭᓪᓕᖏᓐᓂᒃ ᒪᑦᑐᓯᕐᓯᑐᐃᓐᓇᕐᐳᑦ. ᐅᖃᕐᓗᑎᒃ, ‘ᖃᓄᐃᓐᓇᕐᑐᖃᓐᖏᓚᖅ,’ ᖃᓄᐃᓐᓇᕐᑐᒦᒃᑲᓗᐊᕋᒥᒃ.

ᐃᓯᑭᐊᓕᐅᑉ ᐊᒡᓚᖏᑦ 13:6

ᓱᓕᖏᑦᑐᒥᒃ ᐅᖃᖃᑦᑕᕐᒪᑕ ᓴᒡᓗᓪᓚᕆᒃᓗᑎᒃ; ᐅᖃᖃᑦᑕᕐᐳᑦ, ‘ᐊᑕᓂᖅ ᐅᖃᕐᐳᖅ,’ ᐊᑕᓂᕐᒧᑦ ᑎᓕᔭᐅᓯᒪᓇᑎᒃ, ᐅᖃᐅᓯᕆᔭᒥᖕᓂᒃ ᓂᕆᐅᒋᔭᖃᕋᓱᖃᑦᑕᕐᐳᑦ ᓇᓚᐅᑦᓯᑎᑕᐅᓂᐊᕋᓱᒋᓪᓗᒋᑦ.

ᒤᑲᐅᑉ ᐊᒡᓚᖏᑦ 2:11

ᐃᓄᒃ ᓴᒡᓗᑐᔪᖅ ᓴᒡᓗᓗᓂ ᐅᖃᕐᐸᑦ ᐃᒫᒃ, “ᓇᓚᐅᑦᑍᓂᐊᕐᐳᖓ ᐃᓕᑦᓯᓐᓄᑦ ᕔᓂᖃᑦᓯᐊᕐᓂᐊᕐᐳᓯ ᐃᒥᐊᓗᖃᕐᓗᓯᓗ ᓴᓐᖏᔪᒥᒃ,” ᑍᒤᑦᑐᒥᒃ ᐊᔪᕆᕐᑐᐃᔨᖃᕈᒪᕗᓯ ᐃᓄᖕᓄᑦ.

ᒤᑲᐅᑉ ᐊᒡᓚᖏᑦ 3:11

ᓯᕗᓕᕐᑎᐅᔪᑦ ᐃᖅᑲᕐᑐᐃᖕᒪᑕ ᐊᑭᓕᕐᑕᐅᔪᒪᓂᒃᑯᑦ ᑭᓯᐊᓂ, ᑐᓂᕐᕈᓯᕐᑎᑦᓯᔩᓪᓗ ᐱᖁᔭᓂᒃ ᐃᓕᓮᕙᖕᒪᑕ ᐊᑭᓕᕐᑕᐅᓪᓗᑎᒃ ᑭᓯᐊᓂ, ᓇᓚᐅᑦᑍᔩᓪᓗ ᓇᓚᐅᑦᑍᖕᒪᑕ ᑮᓇᐅᔭᒧᑦ ᑭᓯᐊᓂ, ᐃᓘᓐᓇᑎᒃ ᐊᑕᓂᕐᒧᑦ ᐃᓚᒋᔭᐅᓂᕋᕐᒪᑕ ᐅᖃᕐᐸᖕᒪᑕᓗ, ‘ᐊᑕᓂᐅᑉ ᐃᓚᒋᕚᑎᒍᑦ, ᑲᑉᐱᐊᓇᕐᑐᒧᑦ ᑎᑭᑕᐅᓂᐊᓐᖏᓚᒍᑦ.’

ᒨᓯᓯ ᑕᓪᓕᒪᖏᑦ 29:19

ᐅᓪᓗᒥ ᐅᕙᓃᑦᑐᒥᒃ ᐱᖁᔨᑦᔪᑎᐅᓪᓚᕆᒃᑐᓂᒃ ᑐᓵᔪᒥᒃ ᐃᓱᒪᔪᖃᕐᑍᓕᓕ ᑍᒤᑦᑐᓅᓕᕋᓗᐊᕈᓂ ᖃᓄᐃᓐᓂᐊᕋᓱᒋᖏᑦᑐᒥᒃ, ᓈᓚᒍᒪᖏᓪᓗᓂ ᐊᓯᒥᓂᒃ ᐃᓱᒪᒋᔭᑐᐃᓐᓇᕐᒥᓂᒃ ᐃᓅᔪᓐᓇᕋᓱᒋᔪᒥᒃ. ᑕᒪᓐᓇ ᑍᒤᓕᖓᓂᖅ ᑕᒪᑦᓯᓐᓂᒃ ᓄᖑᑎᑦᓯᔪᒫᕐᐳᖅ, ᐱᐅᔪᓂᒃ ᐱᐅᖏᑦᑐᓂᒡᓗ.

ᔪᐊᓇᓯ ᓯᕗᓪᓖᑦ 5:10

ᑖᓐᓇ ᒎᑎᐅᑉ ᐃᕐᓂᖓᓂᒃ ᐅᒃᐱᕐᑐᖅ ᓇᓗᓁᕐᓯᓂᖅ ᑕᒪᓐᓇ ᐃᓗᒥᐅᑕᕆᕚ. ᓇᓪᓕᐊᓪᓕ ᒎᑎᒥᒃ ᐅᒃᐱᖏᑦᑐᖅ ᑖᓐᓇ ᓴᒡᓗᑐᔫᑎᑦᓯᕗᖅ ᒎᑎᒥᒃ, ᒎᑎᐅᑉ ᐃᕐᓂᕐᒥᓂᒃ ᓇᓗᓁᕐᓯᓂᖓ ᐅᒃᐱᕆᖏᓐᓇᒥᐅᒃ.

ᓴᒧᐃᓕ ᓯᕗᓪᓖᑦ 6:9

ᖃᐅᔨᓴᕐᑐᒃᓴᐅᕗᓯ ᓇᒧᓐᖓᐅᖕᒪᖔᑦ; ᑲᔪᓯᑐᐊᕐᐸᑦ ᓄᓇᓕᖕᓄᑦ ᐱᑦ-ᓯᒥᔅᒧᑦ, ᑐᑭᖃᕐᓂᐊᕐᐳᖅ ᐃᓴᕆᐊᓕᒥᐅᑦ ᒎᑎᖓᑕ ᑕᒪᓐᓇ ᐱᐅᖏᑦᑐᐊᓗᒃ ᐊᑑᑎᓚᐅᕐᑕᕗᑦ ᑎᑭᑎᓯᒪᖕᒪᒍ; ᑲᔪᓯᓐᖏᑐᐊᕐᐸᓪᓕ, ᖃᐅᔨᓂᐊᕐᐳᒍ ᑕᒪᓐᓇ ᖃᓂᒪᓇᕐᑐᖅ ᑖᑦᓱᒪ ᑎᑭᑎᓚᐅᖏᒻᒪᒍ; ᓇᓪᓕᐅᑎᔪᕕᓂᑐᐃᓐᓇᐅᒐᔭᕐᐳᕐᓕ.”