ᔨᕆᒤᐊᐅᑉ ᐊᒡᓚᖏᑦ 49:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᓱᖕᒪᑦ ᐅᓇᖕᒥᓁᔭᐅᑎᖃᕐᐱᓰ ᓇᕐᓴᖁᑎᑦᓯᓐᓂᒃ ᐱᕈᕐᑐᖃᑦᓯᐊᕐᐸᒃᑐᓂᒃ, ᐃᓕᑦᓯ ᐊᓯᓐᓂᐊᕐᑎᐅᔪᓯ ᐊᔪᕐᓴᖏᑦᔪᑎᑦᓯᓐᓂᒃ ᑕᑎᖃᕐᓗᓯ ᐅᖃᕐᐸᒃᐳᓯ, ‘ᐅᓇᑕᕐᑕᐅᓂᐅᔭᓐᖏᓚᒍᑦ.’

ᔨᕆᒤᐊᐅᑉ ᐊᒡᓚᖏᑦ 49:4 Iomraidhean Croise

ᐃᓐᖏᕈᑎᑦ 49:6

ᐊᔪᕐᓴᖏᓐᓂᕐᒥᖕᓂᒃ ᑕᑎᖃᕐᑐᑦ ᐃᓄᒋᐊᒃᑐᓂᓗ ᐊᒃᓗᐃᓐᓂᕐᒥᖕᓂᒃ ᐱᐅᔪᕆᑦᔪᑎᖃᕐᑐᑦ.

ᐃᓐᖏᕈᑎᑦ 52:7

“ᐆᒪ ᐊᖑᑎᐅᑉ ᒎᑎ ᐊᔪᖏᑦᔪᑎᒋᓚᐅᓐᖏᓛ, ᑕᑎᖃᕐᓂᕐᓴᐅᓚᐅᕐᐳᕐᓕ ᐊᒃᓗᐃᑦᔪᑎᒥᓂᒃ, ᐱᐅᖏᑦᑐᓕᓂᕐᓗ ᓴᓐᖏᔫᑦᔪᑎᒋᓚᐅᕐᐹ.”

ᐃᓐᖏᕈᑎᑦ 62:10

ᐊᒃᓱᕈᕐᑎᑕᐅᓂᕐᒧᑦ ᓵᓚᖃᕋᓱᐊᕐᓂᖅ ᑕᑎᒋᓂᐊᕐᓇᒍ, ᐱᐅᔪᕆᑦᔪᑎᒋᓂᐊᕐᓇᒋᓪᓗ ᑎᒡᓕᒐᕕᓃᑦ; ᐊᒃᓗᐃᓕᒐᓗᐊᕈᕕᑦ, ᐆᒻᒪᑏᑦ ᑕᕝᕙᓂ ᐃᓂᖃᓕᕐᑎᓐᓂᐊᕐᓇᒍ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 10:15

ᐊᒃᓗᐃᑦᑑᑉ ᐊᔪᕐᓴᖏᓐᓂᖅ ᐊᑦᑕᕐᓁᑦᑑᑦᔪᑎᒋᕚ ᓴᐴᓗᑕᕆᓪᓗᒍ, ᐊᒃᓗᔪᕐᓕ ᐊᔪᕐᓴᕐᓂᕐᒥᓄᑦ ᐊᓯᕈᕐᑕᐅᕗᑦ.

ᔨᕆᒤᐊᐅᑉ ᐊᒡᓚᖏᑦ 21:13

ᑕᑯᒋᑦ, ᔨᕉᓴᓕᒥᐅᑕᐅᔪᓯ ᐊᑲᐅᒋᓐᖏᓚᑦᓯ, ᓇᕐᓴᒥᐅᑕᐅᔪᓯ, ᕾᕐᑑᓂᖓᓂ ᓄᓇᖃᕐᑐᓯ, ᐊᑕᓂᖅ ᐅᖃᕐᐳᖅ, ᐅᖃᕐᐳᓯ, ‘ᑭᒃᑯᑦ ᐅᕙᑦᑎᓐᓂᒃ ᐅᓇᑕᕋᓱᐊᕐᐹᑦ? ᑭᒃᑯᓪᓗ ᐱᔭᐅᑦᔧᕐᓯᒪᕕᑦᑎᓐᓄᑦ ᐃᑎᕈᓐᓇᕐᐹᑦ?’

ᔨᕆᒤᐊᐅᑉ ᐊᒡᓚᖏᑦ 3:14

ᐊᑕᓂᖅ ᐅᖃᕐᐳᖅ, ᐊᓯᓐᓂᐊᕐᑎᐅᔪᓯ ᐅᕙᓐᓄᑦ ᐅᑎᕆᑦᓯ, ᐅᐃᒋᒐᑦᓯᓐᖓ. ᓂᕈᐊᕐᓂᐊᕐᐳᖓ ᐊᑕᐅᓯᕐᒥᒃ ᓄᓇᓕᖁᑎᑦᓯᓐᓂᑦ ᑕᒤᓐᓂᑦ, ᒪᕐᕉᓈᕐᑎᕆᓗᖓᓗ ᐃᓚᒌᖕᓂᑦ ᐊᑐᓂᑦ, ᓮᐅᓂᒧᓐᖓᐅᑎᓗᓯᓗ.

ᔨᕆᒤᐊᐅᑉ ᐊᒡᓚᖏᑦ 31:22

ᖃᓄᖅ ᐊᑯᓂᐅᑎᒋᔪᖅ ᐱᔭᕐᓂᖏᑦᑑᒐᓱᐊᕐᓂᐊᕐᐱᓰ? ᐅᒃᐱᕈᓱᒍᓐᓇᖏᑦᑐᓯ, ᐊᑕᓂᖅ ᓄᑖᒥᒃ ᓴᖅᑭᑎᑦᓯᓂᐊᕐᐳᖅ ᐊᖑᒻᒥᒃ ᐊᕐᓇᒧᑦ ᓴᐳᑦᔭᐅᓯᒪᖔᕐᑐᑎᑐᑦ ᑍᒤᑦᑐᒥᒃ.”

ᔨᕆᒤᐊᐅᑉ ᐊᒡᓚᖏᑦ 48:7

ᑕᑎᖃᓚᐅᕋᑦᓯ ᐱᔪᓐᓇᕐᓂᑦᓯᓐᓂᒃ ᐊᔪᕐᓴᖏᓐᓂᑦᓯᓐᓂᒡᓗ, ᑎᒍᔭᐅᓗᓯ ᐊᐅᓪᓚᕈᑦᔭᐅᔪᒫᕆᕗᓯ; ᒎᑎᒋᔭᓯ ᑭᒨᓯ ᓄᓇᒋᓐᖏᑕᒥᓄᑦ ᐊᐅᓪᓚᕈᑦᔭᐅᔪᒫᕆᕗᖅ, ᑐᓂᕐᕈᓯᕐᑎᑦᓯᔨᖏᑦ ᐊᖓᔪᖅᑳᖁᑎᖏᓪᓗ ᐱᖃᓯᐅᑦᔭᐅᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 49:16

ᑲᑉᐱᐊᓱᒃᑎᑦᓯᓂᕆᖃᑦᑕᕐᑕᑦᓯᓐᓄᑦ, ᐱᐅᔪᕆᓂᑦᓯᓐᓄᓪᓗ ᐅᐃᕕᕐᕆᔭᐅᕗᓯ, ᐃᓈᕈᐃᑦ ᕾᕈᓱᖏᓐᓂ ᐊᖏᕐᕋᖃᕐᐳᓯ, ᐳᕐᑐᔪᒦᓐᓇᓱᐊᕐᓗᓯᓗ ᐊᖏᕐᕋᖃᕈᒪᓪᓗᓯ ᐳᕐᑐᓂᕐᐹᓃᑦᑐᓂᒃ ᓇᒃᑐᕋᓕᐅᑉ ᐃᕙᕕᖃᕐᕕᖏᑎᑐᑦ, ᐃᓂᒋᔭᑦᓯᓐᓂᑦ ᑲᑕᒃᑎᑦᓱᒫᕐᐸᑦᓯ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 7:24

ᑭᓯᐊᓂᓕ ᑐᓴᓚᐅᓐᖏᓚᑦ, ᓈᓚᓚᐅᓐᖏᓚᓪᓘᓐᓃᑦ, ᒪᓕᖔᑐᐃᓐᓇᓕᓚᐅᕐᐳᑦ ᓈᒻᒪᖏᑦᑐᓂᒃ ᐆᒻᒪᑎᖏᑦ ᓯᑎᔫᒐᒥᒃ, ᐃᓱᒪᒥᖕᓂᒃ ᐃᓅᑐᐃᓐᓇᐅᓚᐅᕐᐳᑦ ᑭᖑᒧᑦ ᑕᑯᓐᓇᕋᒥᒃ ᓯᕗᒨᖏᑦᑐᖅ.

ᔨᕆᒤᐊᐅᑉ ᐊᒡᓚᖏᑦ 9:23

ᐃᒫᒃ ᐊᑕᓂᖅ ᐅᖃᕐᐳᖅ, “ᓯᓚᑐᔪᑦ ᓯᓚᑐᓂᕐᒥᖕᓂᒃ ᓂᕐᑐᕐᑕᐅᑦᔪᑎᖃᕈᒪᑦᑍᓕᓕᑦ, ᓴᓐᖏᔪᓪᓗ ᓴᓐᖏᓂᕐᒥᖕᓂᒃ, ᐊᔪᕐᓴᖏᑦᑐᓪᓗ ᐊᔪᕐᓴᖏᓐᓂᕐᒥᖕᓂᒃ.

ᕼᐆᓯᐊᑉ ᐊᒡᓚᖏᑦ 4:16

ᐃᓴᕆᐊᓕᒥᐅᑦ ᓯᐅᑎᖁᕐᑐᔪᑎᑐᑦ ᐱᔭᕐᓃᑦᑑᑎᒋᕗᑦ; ᖃᓄᕐᓕ ᐊᑕᓂᕐᒧᑦ ᓂᕆᑎᑕᐅᔪᓐᓇᕐᐸᑦ ᓰᐲᑦ ᓄᕐᕋᖏᑎᑐᑦ ᓂᕿᒃᓴᓕᖕᒦᑦᑐᑎᑐᑦ?

ᑎᒧᑎᒧᑦ ᓯᕗᓪᓖᑦ 6:17

ᓯᓚᕐᔪᐊᑉ ᐱᖏᓐᓄᑦ ᐊᔪᕐᓴᓐᖏᑦᑐᑦ, ᐱᐅᔪᕆᖁᖏᓪᓗᒋᑦ ᐅᖃᐅᑎᒃᑭᑦ, ᓂᕆᐅᖁᖏᓪᓗᒋᓪᓗ ᐊᔪᕐᓴᖏᑦᑐᒪᓂᑐᐃᓐᓇᒧᑦ ᐊᐅᓚᑕᐅᔪᒥᒃ, ᒎᑎᒥᓪᓕ ᑖᑦᓱᒪ ᐊᓐᓂᕈᓱᒐᓂ ᓱᓇᓕᒫᓂᒃ ᑐᓂᓯᕕᒋᖕᒪᑎᒍᑦ ᖁᕕᐊᓲᑎᒋᓗᒋᑦ ᐃᓅᖁᓪᓗᑕ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:7

ᐃᒻᒥᓂᒃ ᓂᕐᑐᕐᓇᕐᑎᓚᐅᕐᒪᑦ ᐊᔪᕐᓴᖏᑦᑐᕐᔪᐊᖑᓕᕐᓗᓂᓗ, ᑍᒫᒃᑕᐅᖅ ᐅᖁᒤᑦᑐᒧᑦ ᐋᓐᓂᐊᑎᑕᐅᓂᕐᒧᑦ ᕿᒃᓵᖕᓇᕐᑐᒧᐊᕐᑕᐅᓕᕐᓕ. ᐆᒻᒪᑎᒥᒍᑦ ᐃᓱᒪᕙᖕᒪᑦ, ‘ᐃᒃᓯᕙᕗᖓ ᐊᖓᔪᖅᑳᕐᔪᐊᖑᕕᖕᒥ ᐅᐃᒡᒐᕐᓂᐅᖏᓐᓇᒪ, ᕿᒃᓵᖕᓇᕐᑐᒥᒃ ᖃᐅᔨᓚᐅᕐᓯᒪᓂᐊᓐᖏᓚᖓ.’