ᔨᕆᒤᐊᐅᑉ ᐊᒡᓚᖏᑦ 49:37 - ᐊᒡᓔᑦ ᐃᑦᔪᕐᖕᓁᑦᑐᑦ

³⁷ ᐃᓛᒥᐅᑦ ᐊᑭᕋᖏᓐᓄᑦ ᑲᑉᐱᐊᓱᒃᑎᑕᐅᑎᑦᓱᒫᕋᒃᑭᑦ, ᑖᒃᑯᓂᖓ ᑐᖁᑦᓯᔪᒪᔪᓄᑦ ᑲᑉᐱᐊᓇᕐᑐᒧᑦ ᑎᑭᕝᕕᐅᑎᑦᓱᒫᕐᐸᒃᑲ ᓂᓐᖓᕕᒡᔪᐊᕐᓯᒪᓂᓐᓄᑦ, ᐊᑕᓂᖅ ᐅᖃᕐᐳᖅ, ᐅᓇᑕᕐᑐᓄᑦ ᐱᔭᐅᑎᑦᓱᒫᕐᐸᒃᑲ ᓄᖑᑕᐅᖏᓐᓂᓕᒫᖏᓐᓂ.

ᔨᕆᒤᐊᐅᑉ ᐊᒡᓚᖏᑦ 49:37 Iomraidhean Croise

ᔨᕆᒤᐊᐅᑉ ᐊᒡᓚᖏᑦ 30:24

ᐊᑕᓂᐅᑉ ᓂᓐᖓᕕᒡᔪᐊᕐᓂᖓ ᓴᖑᑦᔮᖏᒻᒪᑦ ᐱᓂᐊᕈᒪᔭᒥᓂᒃ ᐱᔭᕇᓚᐅᖏᓐᓂᓕᒫᒥᓂ, ᐅᓪᓗᐃᑦ ᑭᖑᓪᓕᖏᓐᓂ ᑕᒪᓐᓇ ᑐᑭᓯᔪᒫᕐᐸᓯ.

ᔨᕆᒤᐊᐅᑉ ᐊᒡᓚᖏᑦ 48:2

ᒧᐊᐱᒥᐅᑦ ᓂᕐᑐᕐᓇᕐᓂᖓ ᐱᑕᖃᕈᓐᓃᕐᐳᑦ, ᕼᐃᓴᐸᓂᒥᐅᓄᑦ ᐊᓯᕈᕈᑎᒃᓴᕐᓯᐅᕐᑕᐅᓂᐊᕐᒪᑕ, ᐅᖃᕐᓗᑎᒃ, ‘ᐊᑏ ᓄᓁᕈᑎᓇᓱᐊᓚᐅᕐᓚᕗᑦ ᐃᓅᖃᑎᒌᒡᔪᐊᓂᑦ.’ ᒫᑦᒥᓂᒥᐅᑦ ᓄᓇᖓᑦ ᓂᐰᕉᑦᔭᐅᓂᐊᕐᐳᖅ, ᐅᓇᑕᕐᑐᓄᑦ ᐱᔭᐅᓂᐊᕐᒪᑕ.

ᔨᕆᒤᐊᐅᑉ ᐊᒡᓚᖏᑦ 48:39

ᓱᕋᒃᓯᒪᕗᖅ ᓯᖁᒥᑦᓯᐊᕐᓗᓂ, ᓂᐹᔪᐊᓘᓪᓗᑎᒡᓗ, ᒧᐊᐱᒥᐅᑦ ᑐᓄᑦᓯᓕᕐᐳᑦ ᑲᓐᖑᓱᖕᓂᕐᒧᑦ, ᒧᐊᐱᒥᐅᑦ ᒥᑕᐅᑎᒋᔭᒃᓴᓐᖑᕐᒪᑕ, ᑲᑉᐱᐊᓲᑎᒃᓴᓐᖑᕐᓗᑎᒡᓗ ᓄᓇᓕᐅᖃᑎᓕᒫᖏᓐᓄᑦ.”

ᔨᕆᒤᐊᐅᑉ ᐊᒡᓚᖏᑦ 49:22

ᑕᑯᓕᕆᑦ ᓇᒃᑐᕋᓕᖕᒥᒃ ᐊᐅᕐᓵᕐᑐᒥᒃ ᐃᓴᕈᖏᒃᑕᓗ ᐃᓵᖓᓂᖏᒃ ᐅᓕᒃᓯᕘᒃ ᐳᔾᕋᒥᐅᓂᒃ, ᐅᓪᓗᒥ ᑍᑲᓂ ᐄᑐᒥᒥᐅᑦ ᐅᓇᑕᕐᑎᖁᑎᖏᑦ ᐃᒃᐱᒍᓱᖕᓂᖃᕈᒫᕐᐳᑦ ᐊᕐᓇᐅᑉ ᐃᕐᓂᓱᒃᑑᑉ ᐃᒃᐱᒍᓱᖕᓂᖓᑎᑐᑦ.”

ᔨᕆᒤᐊᐅᑉ ᐊᒡᓚᖏᑦ 49:24

ᑕᒫᓯᑰᓯᒥᐅᑦ ᖁᐊᕐᓵᖓᓂᕐᒧᑦ ᓄᑭᖏᕈᑎᓕᕋᒥᒃ, ᕿᒪᒃᓯᕗᑦ, ᐅᐃᒻᒪᒃᐳᑦ ᐋᓐᓂᐊᓂᕐᒧᓪᓗ ᕿᒃᓵᒃᐳᑦ, ᐊᕐᓇᑎᑐᑦ ᐃᕐᓂᓱᒃᑐᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 49:29

ᑐᐱᖏᑦ ᐆᒪᔪᖁᑎᖏᓪᓗ ᐱᔭᐅᔪᒫᕐᐳᑦ, ᐊᖏᕐᕋᖏᑦ ᐱᖁᑎᖏᓪᓗ ᐊᐅᓪᓚᕈᑦᔭᐅᓗᑎᒃ, ᑳᒥᓕᖁᑎᖏᓪᓗ ᐊᐅᓪᓚᕈᑎᔭᐅᔪᒫᕐᐳᑦ ᑖᒃᑯᓇᓐᖓᑦ, ᐃᓄᐃᓪᓗ ᑲᑉᐱᐊᓇᕐᓂᕅᔪᒫᕐᐳᑦ ᓇᓂᑐᐃᓐᓇᖅ.

ᔨᕆᒤᐊᐅᑉ ᐊᒡᓚᖏᑦ 49:38

ᐃᓛᒥᐅᓂ ᐊᖓᔪᖅᑲᐅᕕᒃᑖᕐᓂᐊᕐᐳᖓ, ᐊᖓᔪᖅᑳᕐᔪᐊᖏᑦ, ᐊᖓᔪᖅᑳᖁᑎᖏᓪᓗ ᐊᓯᕈᕐᑕᐅᖁᓪᓗᒋᑦ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 49:5

ᑕᑯᒋᑦ, ᑲᑉᐱᐊᓇᕐᑐᒧᑦ ᑎᑭᕝᕕᐅᑎᓐᓂᐊᕐᐸᑦᓯ, ᐊᕙᑎᑦᓯᓐᓂᑦ ᐱᔪᓂᒃ, ᐊᑕᓂᖅ ᕿᓚᖕᒥᐅᒐᓴᒡᔪᐃᑦ ᒎᑎᖓ ᐅᖃᕐᐳᖅ, ᑕᒪᑦᓯ ᓄᓇᑦᓯᓐᓂᑦ ᐊᐅᓪᓚᕈᑦᔭᐅᔪᒫᕐᐳᓯ, ᕿᒫᓂᑯᐃᓪᓗ ᐃᓂᒃᓴᖃᕈᒫᓐᖏᓚᑦ.

ᔨᕆᒤᐊᐅᑉ ᐊᒡᓚᖏᑦ 50:36

ᐅᖃᕐᑎᖁᑎᖏᑦ ᓴᒡᓗᑐᔪᑦ ᑐᖁᑕᐅᔪᒫᕐᐳᑦ, ᓯᓔᓐᓂᖏᑦ ᓇᓗᓇᕈᓐᓃᕈᒫᕐᒪᑕ ᐅᓇᑕᕐᑎᖁᑎᖏᑦ ᑐᖁᕋᕐᑕᐅᔪᒫᕐᒪᑕ ᑲᑉᐱᐊᓱᖕᓂᕐᔪᐊᖃᕈᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 6:19

ᓄᓈ ᑐᓴᓕᕆᑦ, ᐃᓅᖃᑎᒌᑦ ᑖᒃᑯᐊ ᐊᓯᕈᕐᑕᐅᓇᕐᑐᒧᑦ ᑎᑭᕝᕕᐅᑎᓐᓂᐊᕐᐸᒃᑲ, ᐱᓂᐊᕐᓂᖏᑕ ᐱᕈᕐᑎᑕᖏᓐᓄᑦ, ᐅᖃᐅᓯᓐᓂᒃ ᓈᓚᓚᐅᖏᒻᒪᑕ ᐱᖁᔭᓐᓂᒡᓗ ᓇᕐᕈᓚᐅᕐᒪᑕ.

ᔨᕆᒤᐊᐅᑉ ᐊᒡᓚᖏᑦ 9:15

ᑍᒤᒻᒪᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᓴᕆᐊᓕᒥᐅᑦ ᒎᑎᖓᑦ ᐃᒫᒃ ᐅᖃᕐᐳᖅ, ᑕᑯᒋᑦ, ᐃᓄᐃᑦ ᑖᒃᑯᐊ ᓂᕆᑎᓐᓂᐊᕐᐸᒃᑲ ᒪᒤᑦᑐᓂᒃ, ᑐᖁᓐᓇᕐᑐᒥᒡᓗ ᐃᒥᕐᑎᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 9:16

ᓇᒧᑐᐃᓐᓇᖅ ᐃᓅᖃᑎᒌᒡᔪᐊᓄᑦ ᑲᑎᒪᖏᓪᓗᑎᒃ ᓄᓇᑖᕐᑐᕐᑎᑦᓱᒫᕐᐸᒃᑲ ᐃᓅᖃᑎᑖᕐᑎᓪᓗᒋᓪᓗ ᐃᓅᖃᑎᒋᓚᐅᓐᖏᑕᒥᖕᓂᒃ, ᓯᕗᓕᕕᓂᖏᑕᓘᓐᓃᑦ ᖃᐅᔨᒪᓚᐅᕐᓯᒪᓐᖏᑕᖏᓐᓄᑦ, ᑐᖁᑕᐅᓐᓇᕐᑐᒧᐊᕐᑎᓐᓂᐊᕐᐸᒃᑲ ᓄᖑᖅᑳᖏᓐᓂᖏᓐᓂ.

ᐃᓯᑭᐊᓕᐅᑉ ᐊᒡᓚᖏᑦ 12:14

ᓇᒧᑐᐃᓐᓇᖅ ᓯᐊᒻᒪᕐᑎᑦᓱᒫᕐᐸᒃᑲ ᐊᓐᓄᕌᕐᕕᐅᕙᒃᑐᓕᒫᓄᑦ ᐃᓚᒋᔭᓕᒫᖏᑦ, ᐃᑲᔪᕐᑎᖏᑦ ᐅᓇᑕᕐᑐᒃᓴᖁᑎᖏᓪᓗ; ᓴᕕᒡᔪᐊᕐᓗ ᐊᒧᓗᒍ ᒪᓕᒍᒫᕐᐸᒃᑲ.

ᐃᓯᑭᐊᓕᐅᑉ ᐊᒡᓚᖏᑦ 32:23

ᐃᓗᕕᕐᓯᒪᕗᑦ ᑐᖁᖓᔪᑦ ᓇᔪᕐᑕᖏᑦᑕ ᐃᑎᓂᕐᐹᖓᓐᓂ, ᐃᓚᓕᒫᖏᓪᓗ ᑕᒫᓂ ᐃᓗᕕᖃᖃᑕᐅᕗᑦ; ᑐᖁᑕᐅᓯᒪᔪᓕᒫᑦ, ᓴᕕᒡᔪᐊᒧᑦ ᑐᖁᑕᐅᓯᒪᔪᑦ, ᑲᑉᐱᐊᓱᒃᑎᑦᓯᖃᑦᑕᓚᐅᕐᑐᑦ ᓄᓇᕐᔪᐊᕐᒥ ᐃᓅᑎᓪᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 5:12

ᐃᓅᖃᑎᑦᓯ ᐱᖓᔪᓪᓗᐊᖏᑦ ᐋᓐᓂᐊᓇᕐᑐᒧᑦ ᑐᖁᕋᕈᒫᕐᐳᑦ ᑳᖕᓇᕐᑐᕐᔪᐊᒧᓪᓗ ᐱᕐᓕᕋᕐᓗᑎᒃ ᐊᑯᓐᓇᑦᓯᓐᓂ; ᐃᓅᖃᑎᑦᓯ ᐱᖓᔪᒋᖕᒥᔭᖏᑦ ᑐᖁᕋᕐᑕᐅᔪᒫᕐᐳᑦ ᓴᕕᒡᔪᐊᒧᑦ ᐊᕙᑎᑦᓯᓐᓂ; ᐱᖓᔪᒋᖕᒥᔭᖏᑦ ᓯᐊᒻᒪᕐᑎᓪᓗᒋᑦ ᐊᓄᕆᓕᒫᓄᑦ ᑎᒃᑕᐅᕋᕐᑎᑦᓱᒫᕐᐸᒃᑲ ᓴᕕᒡᔪᐊᕐᓗ ᐴᖓᓂᑦ ᐊᒧᓗᒍ ᒪᓕᒍᒫᕐᐸᒃᑲ ᕿᒫᑎᓪᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 5:2

ᐱᖓᔪᖏᑦ ᐃᑯᐊᓪᓚᒍᒫᕐᐸᑎᑦ ᐃᒡᓗᒐᓴᒡᔪᐊᑦ ᐃᓗᐊᓂ; ᔨᕉᓴᓕᒥᐅᑦ ᐊᑭᕋᒥᓄᑦ ᐊᕙᓗᔭᐅᓯᒪᓂᖓ ᐃᓱᓕᑉᐸᑦ; ᐱᖓᔪᖏᓪᓗ ᓴᕕᒡᔪᐊᕐᓄᑦ ᓇᑲᑎᕐᓗᒋᑦ ᓈᕕᑕᒃᓴᕆᕙᑎᑦ ᐃᒡᓗᒐᓮᑦ ᐊᕙᓗᐊᑕ ᓯᓚᑖ ᓈᓗᒍ; ᐱᖓᔪᒋᖕᒥᔭᖏᑦ ᑎᒃᑕᐅᕋᕐᑎᓪᓗᒋᑦ ᐊᓄᕆᒧᑦ, ᓴᕕᒡᔪᐊᕋ ᐊᒧᓗᒍ ᒪᓕᒍᒫᕐᐸᒃᑲ.

ᒨᓯᓯ ᐱᖓᔪᖏᑦ 26:33

ᓄᓇᓖᑦ ᐊᓯᖏᓐᓄᑦ ᐃᓅᖃᑎᒌᒡᔪᐊᓄᑦ ᐊᐅᓪᓚᕐᑎᓪᓗᓯ ᓯᐊᒻᒪᕐᑎᑦᓱᒫᕐᐸᑦᓯ, ᐅᓇᑕᕐᓂᕐᒥᒃᓗ ᓴᖅᑭᑎᑦᓯᓗᖓ. ᓄᓇᖁᑎᓯ ᐃᓄᖃᕈᓐᓁᕐᓗᑎᒃ ᐃᒡᓗᒐᓴᒡᔪᐊᓯ ᓯᖁᒥᓯᒪᒐᔭᕐᐳᑦ.