ᔨᕆᒤᐊᐅᑉ ᐊᒡᓚᖏᑦ 49:28 - ᐊᒡᓔᑦ ᐃᑦᔪᕐᖕᓁᑦᑐᑦ

²⁸ ᑭᑕᕆᐅᑉ ᑭᖑᕚᖏᑦ ᐱᓪᓗᒋᑦ ᕼᐂᔭᒥᐅᓪᓗ ᐊᐅᓚᑕᖏᑦ, ᓂᐱᑯᓁᓴᐅᑉ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦᑕ ᐅᓇᑕᕐᑐᒃᓴᖁᑎᖏᓐᓄᑦ ᐅᐸᒃᑐᕐᑕᐅᓚᐅᕐᑐᑦ, ᐃᒫᒃ ᐊᑕᓂᖅ ᐅᖃᕐᐳᖅ, “ᑭᑕᕆᐅᑉ ᑭᖑᕚᖏᑦ ᐅᓇᑕᕆᐊᓕᕐᓯᐅᒃ ᐃᓅᖃᑎᒌᖑᓂᖓᑦ ᐊᓯᕈᕐᑕᐅᓕ!

ᔨᕆᒤᐊᐅᑉ ᐊᒡᓚᖏᑦ 49:28 Iomraidhean Croise

ᒨᓯᓯ ᓯᕗᓪᓖᑦ 25:13

ᐅᑯᐊ ᑕᕝᕙ ᐊᑎᖏᑦ ᐃᓯᒥᐅᑉ ᐃᕐᓂᖏᑕ ᐊᖓᔪᒃᓯᕐᓂᑦ ᐱᒋᐊᕐᓗᒋᑦ; ᓂᐰᐅᑎ ᐄᓯᒥᐅᑉ ᐊᖓᔪᒃᓯᕐᐹᖁᑎᖓ; ᑭᑕᕆ, ᐊᑉᑎᐅᓪ, ᒥᑉᓵᒻ,

ᒨᓯᓯ ᓯᕗᓪᓖᑦ 25:6

ᓄᓕᐊᖓᑕ ᐊᓯᐊᒍᑦ ᐃᕐᓂᕐᑖᕆᓯᒪᔭᓂ ᑐᓂᓯᕕᒋᕔᑦ ᑐᓂᕐᕈᑎᓂᒃ, ᐃᓅᓂᕐᒥᓂ ᓱᓕ ᑖᒃᑯᐊ ᐃᕐᓂᓂ ᐊᐅᓪᓚᕐᑎᑉᐰᑦ ᐃᕐᓂᕐᒥᓄᑦ ᐂᓴᑭᒧᑦ ᑲᑎᒪᔭᐅᖁᓇᒋᑦ, ᓄᓇᐅᑉ ᓯᕿᓐᓂᓕᕐᕕᐊᑕ ᓇᓛᓄᑦ.

ᑯᕉᓂᑲ ᓯᕗᓪᓖᑦ 1:29

ᐅᑯᐊ ᑕᕝᕙ ᐃᓯᒥᐅᓕᐅᑉ ᑭᖑᕚᖏᑦ: ᐃᕐᓂᖓ ᐊᖓᔪᒃᓯᕐᐹᖅ ᓂᐰᐅᑎ, ᑭᑕᕆ, ᐊᑉᑎᐅᓪ, ᒥᑉᓵᒻ,

ᔫᐱᐅᑉ ᐊᒡᓚᖏᑦ 1:3

ᓰᐱᖁᑎᖃᓚᐅᕐᐳᓪᓗ 7,000ᓂᒃ, ᑳᒥᓕᖁᑎᖃᕐᓗᓂᓗ 3,000ᓂᒃ, 1,000ᓂᒡᓗ ᐃᒻᒧᒃᓯᐅᒐᖁᑎᖃᕐᓗᓂ, 500ᓂᒡᓗ ᓯᐅᑎᖅᑯᕐᑐᔪᖁᑎᖃᕐᓗᓂ ᐊᕐᓇᓪᓗᖕᓂᒃ, ᐅᓄᕐᑐᓂᒡᓗ ᐱᔨᖃᕐᓗᓂ; ᐊᔪᕐᓴᖏᓐᓂᕐᐹᖑᓚᐅᕐᐳᕐᓗ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᓕᒫᓂᑦ.

ᐃᓐᖏᕈᑎᑦ 120:5

ᑲᑉᐱᐊᓐᓇᒦᒃ ᐅᕙᖓ ᓄᓇᖃᖃᑕᐅᒐᒪ ᒥᓯᑭᒥ, ᐃᓚᒋᔭᐅᓪᓗᖓᓗ ᑭᑕᕆᒃᑯᑦ ᑐᐱᖃᕐᕕᖏᓐᓂ.

ᓲᓗᒨᓂᐅᑉ ᐃᓐᖏᕈᓯᖏᑦ 1:5

ᕿᕐᓂᕐᑕᐅᕗᖓ, ᐃᓂᖁᓇᕐᑑᓪᓗᖓ, ᐃᓕᑦᓯ ᔨᕉᓴᓕᐅᑉ ᐸᓂᖏᑦ, ᑐᐱᕐᑎᑐᑦ ᑭᑕᕆᒦᑦᑐᑎᑑᕐᐳᓯ, ᓲᓗᒨᓂᐅᓪᓗ ᐃᒐᓛᖏᑕ ᑖᓗᑕᖏᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 11:14

ᐊᐅᕐᓵᕐᑐᑎᑐᓪᓕ ᐊᒻᒧᐊᒍᒫᕐᐴᒃ ᐱᓕᔅᑍᓂᒥᐅᓄᑦ ᐅᓇᑕᕆᐊᕐᓗᑎᒃ; ᑐᓄᐊᓐᓂᑦ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᓄᑦ; ᑲᑐᑦᔨᓗᑎᒃ ᐊᕐᓵᕐᓂᔪᒫᕐᐳᑦ ᓯᕿᓂᐅᑉ ᓄᐃᕕᐊᓂᒥᐅᓂᒃ; ᐱᔪᓐᓇᕐᓂᖃᕐᓗᑎᒃ ᐅᓇᑕᕆᐊᕈᒫᕐᐳᑦ ᐄᑐᒥᒥᐅᓂᒃ ᒧᐊᐱᒥᐅᓂᒡᓗ, ᐊᒧᓁᑎᒥᐅᓪᓗ ᑖᒃᑯᓂᖓ ᓈᓚᓕᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 21:13

ᐅᖃᐅᓯᖅ ᐃᓂᕐᑎᕆᔪᖅ ᐊᕋᐱᐊᒥᐅᓂᒃ, ᑎᑖᓂᒥᐅᑕᐅᔪᓯ, ᑕᖕᒫᕐᓯᒪᕙᒃᑐᓯ ᐃᓄᖃᖏᑦᑐᒥ ᑳᒥᓕᖕᓂᒃ ᐃᖏᕐᕋᑦᔪᑎᖃᕐᓗᓯ ᐊᕅᐱᐊᑉ ᓄᓇᖓᒍᑦ.

ᐂᓮᐊᓯᐅᑉ ᐊᒡᓚᖏᑦ 42:11

ᓱᓇᖃᔪᐃᑦᑐᖅ ᓄᓇᓕᖏᓪᓗ ᓂᓪᓕᐊᓕᕐᓕᑦ ᓂᐱᖅᑯᕐᑐᓗᑎᒃ, ᓄᓇᓖᑦ ᑭᑕᕆᒥ ᓄᓇᖃᕐᑐᑦ ᐱᖃᑕᐅᓕᑦ; ᓰᓚᒥᐅᑦ ᐃᓄᖏᑦ ᐃᓐᖏᕐᓕᑦ ᖁᕕᐊᓱᖕᓂᕐᒧᑦ, ᓂᐱᖅᑯᕐᑐᓗᑎᒃ ᓂᓪᓕᐊᓕᑦ ᖃᖅᑬᑦ ᖄᖏᓐᓂᑦ.

ᔨᕆᒤᐊᐅᑉ ᐊᒡᓚᖏᑦ 2:10

ᐃᑳᕐᓗᓯ ᕿᑭᕐᑕᒧᑦ ᓮᐸᕋᓯᒥᒃ ᐊᑎᓕᖕᒧᑦ, ᓄᓇᒧᓪᓗ ᑭᑕᕆᒧᑦ ᑎᓕᓯᓕᕆᑦᓯ, ᑕᑯᓕᕆᑦᓯ ᐅᑦᔨᕐᓱᕐᓗᓯᓗ ᑍᒤᑦᑐᖃᓚᐅᕐᓯᒪᓐᓂᕐᒪᖔᑦ ᓯᕗᓂᖓᒍᑦ.

ᔨᕆᒤᐊᐅᑉ ᐊᒡᓚᖏᑦ 25:23

ᑎᑖᓂᒥᐅᑦ, ᑏᒪᒥᐅᑦ, ᐳᔾᒥᐅᓪᓗ ᑖᒃᑯᐊᓗ ᐅᖓᓯᒋᔭᖓᓂ ᓄᓇᖃᐅᕐᑐᑦ.

ᔨᕆᒤᐊᐅᑉ ᐊᒡᓚᖏᑦ 25:24

ᐊᕋᐱᐊᒥᐅᓪᓗ ᐊᖓᔪᖅᑳᕐᔪᐊᓕᒫᖏᑦ, ᓱᓇᖃᔪᐃᑦᑐᒥᓗ ᓄᓇᖃᕐᑐᑦ ᐊᖓᔪᖅᑳᕐᔪᐊᖏᑦ.

ᔨᕆᒤᐊᐅᑉ ᐊᒡᓚᖏᑦ 49:14

“ᐊᑕᓂᕐᒥᑦ ᑐᓴᒐᒃᓴᒥᒃ ᐅᖃᐅᑎᔭᐅᓚᐅᕐᐳᖓ, ᑐᓴᕐᑎᑦᓯᔨ ᐃᓅᖃᑎᒌᒡᔪᐊᓄᑦ ᐅᖃᕆᐊᕐᑐᕐᑎᑕᐅᕗᖅ, ᐃᒫᒃ, ‘ᑲᑎᕐᓱᓕᕆᑦᓯ ᐅᓇᑕᕆᐊᕐᓂᐊᕋᑦᓯᒋᒃ.’

ᔨᕆᒤᐊᐅᑉ ᐊᒡᓚᖏᑦ 49:33

ᕼᐂᔭ ᕿᒻᒥᐅᔮᕐᑐᓄᑦ ᐃᓂᑖᖑᔪᒫᕐᐳᖅ ᐃᓄᖃᖏᓐᓂᖓᓄᑦ, ᓄᓇᖃᕐᕕᐅᔪᓐᓃᕈᒫᕐᒪᑦ ᐃᓄᖃᕐᑐᒃᓴᐅᔪᓐᓃᕐᓗᓂᓗ.”

ᐃᓯᑭᐊᓕᐅᑉ ᐊᒡᓚᖏᑦ 27:21

ᐊᕋᐱᐊᒥᐅᑦ ᑭᑕᕆᒥᐅᓪᓗ ᐊᖓᔪᖅᑳᖏᑦ ᐱᖁᑎᑦᓯᓐᓂᒃ ᑕᐅᕐᓰᕕᒋᕙᒃᐸᓯ ᓄᕐᕋᐅᔭᓂᒃ, ᓰᐲᓪᓗ ᐊᖑᓴᓪᓗᖏᓐᓂᒃ, ᒎᑦᓯᓂᒡᓗ ᐱᑖᕐᕕᒋᖔᕐᓗᒋᑦ.

ᐃᓗᐊᕐᓮᔩᑦ ᐊᒡᓚᖏᑦ 6:3

ᑍᒪᓐᖓᓪᓗ ᐃᓴᕆᐊᓕᒥᐅᑦ ᐱᕈᕐᓰᔭᕐᑐᕌᖓᑕ ᓂᕿᒃᓴᒥᖕᓂᒃ, ᒥᑎᐊᓂᒥᐅᑦ ᐊᒪᓕᑬᑎᓪᓗ ᓯᐅᕋᕐᒥᐅᓪᓗ ᐅᐸᒍᑎᕙᓚᐅᕐᐳᑦ ᐅᓇᑕᕆᐊᕐᑐᕐᓗᑎᒃ.