ᔨᕆᒤᐊᐅᑉ ᐊᒡᓚᖏᑦ 49:24 - ᐊᒡᓔᑦ ᐃᑦᔪᕐᖕᓁᑦᑐᑦ

²⁴ ᑕᒫᓯᑰᓯᒥᐅᑦ ᖁᐊᕐᓵᖓᓂᕐᒧᑦ ᓄᑭᖏᕈᑎᓕᕋᒥᒃ, ᕿᒪᒃᓯᕗᑦ, ᐅᐃᒻᒪᒃᐳᑦ ᐋᓐᓂᐊᓂᕐᒧᓪᓗ ᕿᒃᓵᒃᐳᑦ, ᐊᕐᓇᑎᑐᑦ ᐃᕐᓂᓱᒃᑐᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 49:24 Iomraidhean Croise

ᒨᓯᓯ ᓯᕗᓪᓖᑦ 3:16

ᐊᕐᓇᒧᓪᓗ ᐅᖃᕐᐳᖅ, “ᐋᓐᓂᐊᕐᔪᐊᖃᑦᑕᕈᒫᓕᕐᐳᑎᑦ ᐃᕐᓂᓱᓕᕌᖓᕕᑦ; ᐋᓐᓂᐊᕐᓗᑎᑦ ᕿᑐᕐᖓᕐᑖᖃᑦᑕᕈᒫᓕᕐᐳᑎᑦ, ᑍᒤᒃᑲᓗᐊᕐᑎᓪᓗᒍ ᐅᐃᖕᓄᑦ ᐱᔪᒪᓂᕾᓐᓇᕐᓂᐊᕐᐳᑎᑦ, ᐅᐃᓪᓗ ᐊᖓᔪᖅᑳᖑᓂᐊᕐᐳᖅ ᐃᓕᖕᓄᑦ.”

ᐂᓮᐊᓯᐅᑉ ᐊᒡᓚᖏᑦ 13:8

ᑲᑉᐱᐊᓱᓕᕈᒫᕐᐳᓪᓗ. ᐋᓐᓂᕐᓇᕐᑐᕐᔪᐊᕐᒧᑦ ᓂᐹᓂᕐᒧᓪᓗ ᑎᑭᑕᐅᔪᒫᕐᐳᑦ; ᐋᓐᓂᐊᔪᐊᓘᔪᒫᕐᐳᑦ ᐊᕐᓇᑐᑦ ᐃᕐᓂᓱᒃᑐᑐᑦ; ᐃᕐᓯᓂᕐᒧᑦ ᐃᒻᒥᖕᓄᑦ ᑕᑯᓐᓇᖃᑦᑕᐅᑎᑐᐃᓐᓇᕈᒫᕐᐳᑦ; ᑮᓇᖏᓪᓗ ᑕᑯᒥᓁᓕᔪᒫᕐᐳᑦ ᐃᑯᒪᔪᑐᑦ.

ᔨᕆᒤᐊᐅᑉ ᐊᒡᓚᖏᑦ 30:6

ᐃᓱᒪᒋᓕᕐᓯᐅᒃ ᒫᓐᓇ ᑕᑯᓗᓯᓗ, ᐊᖑᑦ ᐃᕐᓂᓱᒡᓗᓂ ᕿᑐᕐᖏᔪᓐᓇᕐᐹ? ᓱᖕᒪᓪᓕ ᐊᖑᑎᒻᒪᕆᐊᓗᖕᓂᒃ ᑕᑯᓐᓇᕐᐳᖔ? ᓈᕐᒥᖕᓂᒃ ᐸᑎᒻᒥᒡᓕᕐᑐᓂᒃ ᐊᕐᓇᑎᑐᑦ ᐃᕐᓂᓱᒃᑐᑎᑐᑦ, ᑮᓇᖏᓪᓗ ᖃᑯᕐᓯᓯᒪᓪᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 4:31

ᓂᓪᓕᐊᔪᒥᒃ ᑐᓵᕗᖓ ᐃᕐᓂᓱᒃᑑᑉ ᓂᓪᓕᐊᓂᖓᑎᑐᑦ ᓂᓪᓕᐊᔪᒥᒃ, ᓲᕐᓗ ᕿᑐᕐᖏᔭᕆᐅᕈᑎᒥᓂᒃ ᕿᑐᕐᖓᕐᑖᕋᓱᐊᓕᕐᑑᑉ ᓂᓪᓕᐊᓂᖓᑎᑐᑦ, ᓮᐅᓂᐅᑉ ᐸᓂᖓᑕ ᓂᐱᖓ ᐊᓂᕐᓵᕐᑐᒡᒐᓕᕐᑐᑎᑐᑦ ᑍᒤᑦᑐᖅ ᑕᓖᖕᓂᓗ ᐃᓵᒡᓗᒋᒃ ᐅᖃᕐᑐᖅ, “ᑲᑉᐱᐊᓐᓇᒦᒃ! ᓄᑮᕈᑎᓕᕐᐳᖓ ᐃᓄᐊᕐᑏᑦ ᓵᖏᓐᓂ!”

ᔨᕆᒤᐊᐅᑉ ᐊᒡᓚᖏᑦ 48:41

ᐃᒡᓗᒐᓴᒡᔪᐊᑦ ᓵᓚᒋᔭᐅᓗᑎᒃ ᑎᒍᔭᐅᔪᒫᕐᐳᑦ, ᐱᔭᐅᑦᔧᕐᓯᒪᔫᒐᓗᐊᓪᓗ ᐱᔭᐅᓗᑎᒃ. ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᒧᐊᐱᒥᐅᑦ ᐅᓇᑕᕐᑐᒃᓴᖁᑎᖏᑕ ᐆᒻᒪᑎᖏᑦ ᐊᑦᔨᖃᕈᒫᕐᐳᑦ, ᐊᕐᓇᐅᑉ ᐃᕐᓂᓱᒃᑑᑉ ᐃᒃᐱᒋᔭᖓᑐᑦ ᐋᓐᓂᐊᓂᖃᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 49:22

ᑕᑯᓕᕆᑦ ᓇᒃᑐᕋᓕᖕᒥᒃ ᐊᐅᕐᓵᕐᑐᒥᒃ ᐃᓴᕈᖏᒃᑕᓗ ᐃᓵᖓᓂᖏᒃ ᐅᓕᒃᓯᕘᒃ ᐳᔾᕋᒥᐅᓂᒃ, ᐅᓪᓗᒥ ᑍᑲᓂ ᐄᑐᒥᒥᐅᑦ ᐅᓇᑕᕐᑎᖁᑎᖏᑦ ᐃᒃᐱᒍᓱᖕᓂᖃᕈᒫᕐᐳᑦ ᐊᕐᓇᐅᑉ ᐃᕐᓂᓱᒃᑑᑉ ᐃᒃᐱᒍᓱᖕᓂᖓᑎᑐᑦ.”

ᔨᕆᒤᐊᐅᑉ ᐊᒡᓚᖏᑦ 49:29

ᑐᐱᖏᑦ ᐆᒪᔪᖁᑎᖏᓪᓗ ᐱᔭᐅᔪᒫᕐᐳᑦ, ᐊᖏᕐᕋᖏᑦ ᐱᖁᑎᖏᓪᓗ ᐊᐅᓪᓚᕈᑦᔭᐅᓗᑎᒃ, ᑳᒥᓕᖁᑎᖏᓪᓗ ᐊᐅᓪᓚᕈᑎᔭᐅᔪᒫᕐᐳᑦ ᑖᒃᑯᓇᓐᖓᑦ, ᐃᓄᐃᓪᓗ ᑲᑉᐱᐊᓇᕐᓂᕅᔪᒫᕐᐳᑦ ᓇᓂᑐᐃᓐᓇᖅ.

ᔨᕆᒤᐊᐅᑉ ᐊᒡᓚᖏᑦ 49:37

ᐃᓛᒥᐅᑦ ᐊᑭᕋᖏᓐᓄᑦ ᑲᑉᐱᐊᓱᒃᑎᑕᐅᑎᑦᓱᒫᕋᒃᑭᑦ, ᑖᒃᑯᓂᖓ ᑐᖁᑦᓯᔪᒪᔪᓄᑦ ᑲᑉᐱᐊᓇᕐᑐᒧᑦ ᑎᑭᕝᕕᐅᑎᑦᓱᒫᕐᐸᒃᑲ ᓂᓐᖓᕕᒡᔪᐊᕐᓯᒪᓂᓐᓄᑦ, ᐊᑕᓂᖅ ᐅᖃᕐᐳᖅ, ᐅᓇᑕᕐᑐᓄᑦ ᐱᔭᐅᑎᑦᓱᒫᕐᐸᒃᑲ ᓄᖑᑕᐅᖏᓐᓂᓕᒫᖏᓐᓂ.

ᔨᕆᒤᐊᐅᑉ ᐊᒡᓚᖏᑦ 50:43

ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦ ᑐᓴᕐᑎᑕᐅᒐᒥ ᑕᓕᖏᒃ ᓄᑮᕈᑎᕘᒃ, ᑯᒃᓴᓱᖕᓂᕐᒧᑦ ᐅᑯᒤᒃᓴᓕᕐᐳᖅ, ᐋᓐᓂᐊᓕᕐᓗᓂᓗ ᐊᕐᓇᑎᑐᑦ ᐃᕐᓂᓱᒃᑐᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 6:24

“ᑐᓴᐅᒪᓕᕋᑦᑎᒍ ᑕᓕᕗᑦ ᓄᑭᖃᕈᓐᓃᕐᐳᑦ, ᐃᓱᒫᓗᓕᕐᓗᑕᓗ ᐋᓐᓂᐊᓕᕐᐳᒍᑦ ᐊᕐᓇᐅᑉ ᐃᕐᓂᓱᒃᑑᑉ ᐋᓐᓂᐊᓂᖓᑐᑦ.

ᕼᐆᓯᐊᑉ ᐊᒡᓚᖏᑦ 13:13

ᐊᕐᓇᐅᑉ ᐃᕐᓂᓱᒃᑑᑉ ᓯᓪᓕᒪᓕᓂᖓᓄᑦ ᑎᑭᑕᐅᕗᖅ, ᑖᓐᓇᓕ ᓯᓔᑦᑑᓪᓗᓂ ᐃᕐᓂᐅᕗᖅ; ᒫᓐᓇᓗ ᐃᓅᓕᕐᕕᒃᓴᖓᑕ ᓇᓪᓕᐅᑎᑎᓪᓗᒍ ᐃᒡᓕᐊᕐᒥᑦ ᐊᓂᕕᖓᓄᐊᕋᓱᐊᓐᖏᓚᖅ.

ᒫᑎᐅᓯᐅᑉ ᐊᒡᓚᖏᑦ 24:8

ᑕᒪᒃᑯᐊᓕ ᐊᕐᓇᐅᑉ ᐃᕐᓂᓱᓕᕐᑑᑉ ᐃᒃᐱᖕᓂᐊᓕᕐᓂᖓᑐᑦ ᑍᒤᑐᐃᓐᓇᕐᐳᑦ.

ᒫᑯᓯᐅᑉ ᐊᒡᓚᖏᑦ 13:8

ᐃᓅᖃᑎᒌᒡᔪᐊᑦ ᐅᓇᑕᕈᒫᕐᐳᑦ ᐃᓅᖃᑎᒌᒡᔪᐊᓄᑦ ᐊᓯᒥᖕᓄᑦ, ᐊᖓᔪᖅᑲᐅᕖᑦ ᐅᓇᑕᕈᒫᕐᐳᑦ ᐊᖓᔪᖅᑲᐅᕕᖕᓄᑦ ᐊᓯᒥᖕᓄᑦ; ᓄᓇᒥ ᓇᓂᑐᐃᓐᓇᖅ ᓴᔪᒃᐱᓪᓚᖃᑦᑕᕈᒫᕐᐳᖅ, ᑳᖕᓇᕐᑐᕐᔪᐊᖃᖃᑦᑕᕐᓗᓂᓗ; ᑕᒪᒃᑯᐊ ᑕᕝᕙ ᐃᕐᓂᓱᒃᑑᑉ ᐃᒃᐱᖕᓂᐊᓕᕐᓂᖓᑐᑦ ᐱᒋᐊᕐᐸᓪᓕᐊᓕᕐᑐᑦ.