ᔨᕆᒤᐊᐅᑉ ᐊᒡᓚᖏᑦ 49:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᑍᒤᒻᒪᑦ, ᑕᑯᒋᑦ, ᐅᓪᓗᐃᑦ ᓇᓪᓕᐅᑦᓱᒫᕐᐳᑦ, ᐊᑕᓂᖅ ᐅᖃᕐᐳᖅ, ᐅᓇᑕᕆᐊᖁᔨᓗᖓ ᓂᓪᓕᕈᒫᕋᒪ ᕌᐸᒥᐅᓄᑦ ᐊᒧᓁᑎᒦᑦᑐᓄᑦ, ᓄᓇᓕᕕᓂᑐᐃᓐᓇᐅᓕᕈᒫᕐᐳᑦ, ᓄᓇᓖᓪᓗ ᖃᓂᒋᔭᖓᓃᑦᑐᑦ ᐃᑭᓐᓂᑯᐃᓐᓇᐅᓕᕐᓗᑎᒃ, ᐃᓴᕆᐊᓕᒥᐅᓪᓗ ᐊᕐᓵᕐᓯᔪᒫᕐᐳᑦ ᐊᕐᓵᕐᓯᔨᒋᓚᐅᕐᑕᒥᖕᓂᒃ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 49:2 Iomraidhean Croise

ᓴᒧᐃᓕ ᐂᑉᐸᖏᑦ 11:1

ᐊᕐᕌᒍᒥ ᑕᕝᕙᓂ ᐅᐱᕐᖓᕐᑎᓪᓗᒍ, ᐊᖓᔪᖅᑳᕐᔪᐊᑦ ᐅᓇᑕᕆᐊᖃᑦᑕᕐᑎᓪᓗᒋᑦ, ᑍᕕᑎᐅᑉ ᔪᐊᐱ ᑎᓕᓚᐅᕐᐹ ᐊᖓᔪᖅᑳᖁᑎᖏᓪᓗ, ᐃᓴᕆᐊᓕᒥᐅᓪᓗ ᐅᓇᑕᕐᑐᒃᓴᖏᑦ; ᐊᒧᓁᑎᒥᐅᓪᓗ ᓵᓚᒋᓚᐅᕐᐰᑦ, ᕌᐸᐅᓪᓗ ᐃᒡᓗᒐᓴᖏᑦ ᑎᒍᓪᓗᒋᑦ. ᑍᕕᑎᓕ ᔨᕉᓴᓕᒦᖏᓐᓇᓚᐅᕐᐳᖅ.

ᐃᓐᖏᕈᑎᑦ 48:11

ᖃᖅᑲᖅ ᓮᐅᓂ ᖁᕕᐊᓱᒡᓕ, ᔫᑕᐅᓪᓗ ᐸᓂᖏᑦ ᐊᓕᐊᓁᒍᓱᒡᓕᑦ, ᐃᖅᑲᕐᑐᐃᑦᓯᐊᕐᓂᑎᑦ ᐱᑦᔪᑎᒋᓗᒋᑦ.

ᐃᓐᖏᕈᑎᑦ 97:8

ᓮᐅᓂ ᑐᓴᕋᒥ ᐊᓕᐊᓁᒍᓱᓕᕐᐳᖅ, ᔫᑕᐅᓪᓗ ᐸᓂᖏᑦ ᓂᕐᑐᐃᓕᕐᐳᑦ, ᐊᑕᓃᖅ, ᐋᖅᑭᒃᓱᐃᓂᑎᑦ ᐱᑦᔪᑎᒋᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 11:14

ᐊᐅᕐᓵᕐᑐᑎᑐᓪᓕ ᐊᒻᒧᐊᒍᒫᕐᐴᒃ ᐱᓕᔅᑍᓂᒥᐅᓄᑦ ᐅᓇᑕᕆᐊᕐᓗᑎᒃ; ᑐᓄᐊᓐᓂᑦ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᓄᑦ; ᑲᑐᑦᔨᓗᑎᒃ ᐊᕐᓵᕐᓂᔪᒫᕐᐳᑦ ᓯᕿᓂᐅᑉ ᓄᐃᕕᐊᓂᒥᐅᓂᒃ; ᐱᔪᓐᓇᕐᓂᖃᕐᓗᑎᒃ ᐅᓇᑕᕆᐊᕈᒫᕐᐳᑦ ᐄᑐᒥᒥᐅᓂᒃ ᒧᐊᐱᒥᐅᓂᒡᓗ, ᐊᒧᓁᑎᒥᐅᓪᓗ ᑖᒃᑯᓂᖓ ᓈᓚᓕᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 17:1

ᐅᖁᒤᒃᓴᐅᑎᖃᕐᓂᖅ ᑕᒫᓯᑰᓯ ᐱᓪᓗᒍ, “ᑕᑯᒋᑦ, ᑕᒫᓯᑰᓯ ᐃᒡᓗᒐᓴᒡᔪᐊᕕᓂᑐᐃᓐᓇᐅᓕᕈᒫᕐᐳᖅ, ᓯᖁᑦᑎᕐᓯᒪᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 4:19

ᐊᒃᓱᕈᕐᐳᖓ, ᐊᒃᓱᕈᕐᐳᖓ ᕿᑲᕈᓐᓁᓪᓕᕗᖓ ᐋᓐᓂᐊᓂᕐᒧᑦ ᐃᓗᒃᑯᑦ, ᐆᒻᒪᑎᒃᑯᑦ ᐋᓐᓂᐊᕋᒪ, ᐆᒻᒪᑎᒐ ᐊᖏᔪᒥᒃ ᑎᒡᓕᓕᕐᒪᑦ, ᓂᐱᖃᖏᑦᑑᔪᓐᓇᓐᖏᓚᖓ ᑎᑦᑐᓚᐅᑎᐅᑉ ᓂᐱᖓᓂᒃ ᑐᓴᕐᓯᒪᓕᕋᒪ, ᐅᓇᑕᕐᓂᐊᕐᑐᓂᒡᓗ ᑐᓵᓕᕐᐳᖓ.

ᔨᕆᒤᐊᐅᑉ ᐊᒡᓚᖏᑦ 49:1

ᐊᒧᓁᑎᒥᐅᑦ ᐱᓪᓗᒋᑦ, ᐃᒫᒃ ᐊᑕᓂᖅ ᐅᖃᕐᐳᖅ, “ᐃᓴᕆᐊᓕᒥᐅᑦ ᑭᖑᕚᒃᓴᕐᑖᕐᓂᖏᒻᒪᑖ? ᑭᖑᕐᖑᑦᔨᔪᒃᓴᖃᓐᖏᓛᖅ? ᖃᓄᐃᒻᒪᓪᓕ ᒫᓕᑭ ᒑᑎᒥᐅᓂᒃ ᑎᒍᓯᓯᒪᕚ? ᐊᒧᓁᑎᒥᐅᓂᒡᓗ ᐃᓄᖃᐅᕐᓗᑎᒃ ᓄᓇᓕᖏᑦ.

ᐃᓯᑭᐊᓕᐅᑉ ᐊᒡᓚᖏᑦ 21:20

ᐊᖅᑯᑎᐅᑉ ᐂᑉᐸᖓ ᓇᓗᓁᕐᓯᓯᒪᓗᓂ ᐊᖓᔪᖅᑳᕐᔪᐊᑉ ᐊᒧᓁᑎᒥᐅᓄᐊᕈᓐᓇᕐᓂᖓᓂᒃ ᕌᐸᒦᑦᑐᒧᑦ, ᐂᑉᐸᖓᓗ ᓇᓗᓁᕐᓯᓯᒪᓗᓂ ᔫᑕᐅᑉ ᓄᓇᖓᓄᐊᕈᓐᓇᕐᓂᖓᓂᒃ ᔨᕉᓴᓕᒧᓪᓗ ᐊᕙᓗᕐᔪᐊᖃᕐᑐᒧᑦ.

ᐃᓯᑭᐊᓕᐅᑉ ᐊᒡᓚᖏᑦ 21:25

ᐱᐅᖏᑦᑐᕐᔪᐊᖑᓪᓗᑎᑦ ᐊᖓᔪᖅᑳᖑᒐᕕᑦ ᐃᓴᕆᐊᓕᒥᐅᓄᑦ, ᐅᓪᓗᖅ ᑭᖑᓪᓕᕐᐹᖅ ᓱᒋᐊᕐᑕᐅᕕᒃᓮᑦ ᓇᓪᓕᐅᑎᕗᖅ.

ᐂᒨᓯᐅᑉ ᐊᒡᓚᖏᑦ 1:14

ᕌᐸᐅᑉ ᐊᕙᓗᕐᔪᐊᖓ ᐃᑯᐊᓪᓚᒃᑎᓐᓂᐊᕐᐸᕋ, ᑕᒪᑐᒧᖓᓗ ᕿᒫᕕᖏᑦ ᐊᓯᕈᕐᑕᐅᓂᐊᕐᐳᑦ, ᐃᓄᖏᓪᓗ ᕾᒐᓛᕐᓂᐊᕐᐳᑦ ᓂᐱᕐᔪᐊᖃᕐᓗᑎᒃ ᐅᓇᑕᕆᐊᕐᑐᑎᑐᑦ, ᓱᓗᒃᓱᕐᔪᐊᕐᑐᑎᑐᓪᓗ ᐊᓄᕌᕐᑎᓪᓗᒍ ᐅᓚᔪᔨᕋᕐᑐᑎᑐᑦ.

ᐅᐸᑍᐊᑉ ᐊᒡᓚᖏᑦ 1:19

ᔫᑕᐅᑉ ᓯᕿᓂᖓᑕ ᓇᓛᓂᒥᐅᑦ ᐄᓴᐅᑉ ᖃᖅᑲᖓ ᐱᑖᕆᔪᒫᕐᐹᑦ, ᐱᓕᔅᑍᓂᒥᐅᓪᓗ ᐱᑖᕆᔭᐅᔪᒫᕐᐳᖅ ᓯᕿᓂᐅᑉ ᓂᐱᕕᐊᑕ ᓇᓛᓂᒥᐅᑕᕐᓄᑦ; ᐃᓴᕆᐊᓕᒃᑯᓪᓗ ᓄᓇᑖᕈᒫᕐᐳᑦ ᐃᕗᕅᒥᒃ ᓴᒥᐊᕆᐊᒥᒡᓗ; ᐱᓐᔭᒥᓂᑯᑦ ᐃᓄᖏᑕ ᓄᓇᑖᕆᔪᒫᕐᐹᑦ ᒋᓕᐊᑎ.

ᒨᓯᓯ ᓯᑕᒪᖏᑦ 10:9

“ᐅᓇᑕᕆᐊᕐᑐᓕᕈᑦᓯᓕ ᓄᓇᑦᓯᓐᓂ ᐊᑭᕋᕐᑐᕐᑎᓯ ᐊᑭᕋᕐᑐᕐᓗᒋᑦ, ᓂᓪᓕᐊᑎᑦᓯᔭᕆᐊᖃᕐᐳᓯ ᑎᑦᑐᓚᐅᑎᓂᒃ, ᐃᖅᑲᐅᒪᔭᐅᓂᐊᕐᐳᓯᓗ ᐊᑕᓂᐅᑉ ᒎᑎᑦᓯ ᓵᖓᓂ, ᓴᐳᑎᔭᐅᓗᓯᓗ ᐊᑭᕋᑦᓯᓐᓂᑦ.

ᒨᓯᓯ ᓯᑕᒪᖏᑦ 21:25

ᐃᓴᕆᐊᓕᒥᐅᑦ ᐃᒡᓗᒐᓴᒡᔪᐊᑦ ᑖᒫᓂᑦᑐᑦ ᑎᒍᕔᑦ, ᐃᓴᕆᐊᓕᒥᐅᓪᓗ ᓄᓇᖃᓕᓚᐅᕐᐳᑦ ᐊᒧᕅᑎᑦ ᓄᓇᖏᓐᓂ, ᕼᐃᓴᐸᓂᒥᓗ ᖃᓂᒋᔮᓂᓗ ᓄᓇᓕᖕᓂ ᒥᑭᔪᓂ.

ᒨᓯᓯ ᑕᓪᓕᒪᖏᑦ 13:16

ᐱᖁᑎᓕᒫᖏᑦ ᐊᑕᐅᓯᕐᒧᑦ ᑲᑎᓪᓗᒋᑦ ᐃᒡᓗᒐᓴᖏᑕ ᕿᑎᖓᓂ, ᐱᕕᑐᓂᖓᓄᑦ, ᓄᓇᓕᓕᒫᖅ ᐃᑯᐊᓪᓚᒃᑕᐅᔪᒃᓴᐅᕗᖅ ᐱᖁᑎᓕᒫᖏᓪᓗ ᐱᖃᓯᐅᑎᓗᒋᑦ, ᐃᑯᐊᓚᓂᒃᑯᑦ ᑐᓂᕐᕈᑎᒋᓗᒋᑦ ᐊᑕᓂᕐᒧᑦ ᒎᑎᑦᓯᓐᓄᑦ. ᕿᒪᒃᑕᐅᔪᒃᓴᐅᕗᑦ ᓱᕋᑦᓯᐊᕐᑎᓪᓗᒋᑦ ᐃᓱᖃᖏᑦᑐᒧᑦ, ᓴᓇᔭᐅᒃᑲᓐᓂᕐᑐᒃᓴᐅᓇᑎᒡᓗ.

ᒨᓯᓯ ᑕᓪᓕᒪᖏᑦ 3:11

(ᐊᖓᔪᖅᑳᕐᔪᐊᖅ ᐋᒡ ᐹᓴᓂᐅᑉ ᐊᖓᔪᖅᑳᕐᔪᐊᖓ ᐊᒥᐊᒃᑯᑐᐊᖑᓚᐅᕐᐳᖅ ᕆᐰᒥᐅᓂᑦ; ᐃᓗᕕᖓ, ᓴᕕᕋᔭᐅᓚᐅᕐᐳᖅ, ᑕᑭᓂᖃᓚᐅᕐᐳᖅ 13ᓂᒃ ᐃᑎᒐᖕᓂᒃ ᓯᓕᖕᓂᖃᕐᓗᓂᓗ 6ᓂᒃ ᐃᑎᒐᖕᓂᒃ ᐆᒃᑐᕋᐅᑎᓪᓚᕆᐅᓲᑦ ᒪᓕᒡᓗᒋᑦ. ᓱᓕ ᑕᑯᔭᒃᓴᐅᕗᖅ ᐊᒧᓁᑎᒥᐅᑦ ᐃᒡᓗᒐᓴᖏᓐᓂ ᕌᐸᒥ.)

ᔮᓱᐊᑉ ᐊᒡᓚᖏᑦ 17:11

ᐃᓴᑳᕆᐅᓪᓗ ᐋᓱᕆᐅᓪᓗ ᓄᓇᖓᑕ ᐃᓗᐊᓂ, ᒫᓇᓯᐅᑉ ᐱᒋᕔᑦ ᐱᑦ-ᓰᓐ ᓄᓇᓕᖁᑎᖏᓪᓗ, ᐃᑉᓖᒻᓗ ᐃᓚᖃᕐᓗᓂ ᓄᓇᓕᖕᓂᒃ ᖃᓂᒋᔭᖓᓃᑦᑐᓂᒃ, ᐅᑯᐊᓗ ᑐᐊᕆ, ᐃᓐ-ᑐᐊᕆ, ᑖᓇᒃᓗ ᓄᓇᓖᓪᓗ ᖃᓂᒋᔮᓃᑦᑐᑦ, ᒥᒌᑐᓗ ᓄᓇᓖᓪᓗ ᖃᓂᒋᔭᖓᓃᑦᑐᑦ.

ᔮᓱᐊᑉ ᐊᒡᓚᖏᑦ 17:16

ᔫᓯᐱᐅᑉ ᑭᖑᕚᖏᑦ ᑭᐅᕗᑦ, “ᖃᖅᑲᔮᑦ ᒥᑭᓗᐊᕐᐳᑦ ᐅᕙᑦᑎᓐᓄᑦ; ᑬᓇᓂᒥᐅᓪᓕ ᒪᓂᖅᑲᒦᑦᑐᑦ ᓴᕕᕋᔭᖕᓂᒃ ᐊᒃᓴᓗᐊᓕᖕᓂᒃ ᑲᓕᒐᖁᑎᖃᕐᐳᑦ, ᑕᒪᖏᒃ ᐱᑦ-ᓰᓐᒥᐅᑦ ᓄᓇᓖᓪᓗ ᖃᓂᒋᔭᖓᓃᑦᑐᑦ ᓄᓇᓖᓪᓗ ᔨᔭᕆᐅᓪ ᓇᕐᓴᖓᓃᑦᑐᓕᒫᑦ.”