ᔨᕆᒤᐊᐅᑉ ᐊᒡᓚᖏᑦ 49:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᑲᑉᐱᐊᓱᒃᑎᑦᓯᓂᕆᖃᑦᑕᕐᑕᑦᓯᓐᓄᑦ, ᐱᐅᔪᕆᓂᑦᓯᓐᓄᓪᓗ ᐅᐃᕕᕐᕆᔭᐅᕗᓯ, ᐃᓈᕈᐃᑦ ᕾᕈᓱᖏᓐᓂ ᐊᖏᕐᕋᖃᕐᐳᓯ, ᐳᕐᑐᔪᒦᓐᓇᓱᐊᕐᓗᓯᓗ ᐊᖏᕐᕋᖃᕈᒪᓪᓗᓯ ᐳᕐᑐᓂᕐᐹᓃᑦᑐᓂᒃ ᓇᒃᑐᕋᓕᐅᑉ ᐃᕙᕕᖃᕐᕕᖏᑎᑐᑦ, ᐃᓂᒋᔭᑦᓯᓐᓂᑦ ᑲᑕᒃᑎᑦᓱᒫᕐᐸᑦᓯ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 49:16 Iomraidhean Croise

ᐊᑕᓃᑦ ᐂᑉᐸᖏᑦ 14:7

ᐊᒪᓮᔭ ᑐᖁᑦᑎᓚᐅᕐᐳᖅ 10,000ᓂᒃ ᐄᑐᒥᐅᑍᑦ ᐅᓇᑕᕐᑎᖁᑎᖏᓐᓂᒃ ᐅᓇᑕᖃᑎᒌᒃᓗᑎᒃ ᑕᕆᐅᕐᑕᓕᐅᑉ ᓇᕐᓴᖓᓂᒃ ᐊᑎᖃᕐᑐᒥ. ᐅᓇᑕᕐᓂᒃᑯᑦ ᓵᓚᖃᕐᓗᑎᒃ ᓄᓇᓕᖕᓂᒃ ᓰᓚᒥᒃ ᐊᑎᖃᕐᑐᓂᒃ ᑎᒍᓯᓚᐅᕐᐳᑦ, ᐊᑎᕐᑖᕐᑎᓪᓗᒋᓪᓗ ᔫᒃᓯᐅᓪᒥᒃ. ᐅᓪᓗᒥᒧᑦ ᑎᑭᓪᓗᒍ ᓱᓕ ᑍᒫᒃ ᓄᓇᓖᑦ ᑖᒃᑯᐊ ᑍᔭᐅᕗᑦ.

ᔫᐱᐅᑉ ᐊᒡᓚᖏᑦ 39:27

ᓇᒃᑐᕋᓖᑦ ᐱᖁᔨᓂᕐᓂᒃ ᓈᓚᒡᓗᑎᒃ ᖁᑦᓯᒃᑐᒧᐊᓲᖑᕚᑦ ᐅᓪᓗᓕᐅᕐᓗᑎᒡᓗ ᑕᑉᐹᓂᐊᓗᒃ ᐳᕐᑐᔪᓂ?

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:18

ᐱᐅᔪᕆᓂᖅ ᓯᕗᓪᓕᐅᕗᖅ ᐊᓯᕈᕐᑕᐅᓂᕐᒥᑦ, ᐊᔪᖏᓐᓇᓱᒋᓂᕐᓗ ᓯᕗᓪᓕᐅᕗᖅ ᑲᑕᖕᓂᕐᒥᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 18:21

ᑐᖁ ᐃᓅᓯᕐᓗ ᐅᖃᐅᑉ ᐱᔪᓐᓇᕐᓂᖓᓃᑉᐳᑦ, ᐅᖃᕐᒥᖕᓂᒃ ᐱᓪᓗᐊᑕᓖᑦ ᐱᕈᕐᑎᑕᖏᓐᓂᒃ ᓂᕿᖃᕐᓂᐊᕐᐳᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 29:23

ᐊᖑᑦ ᐱᐅᔪᕆᓂᕐᒥᖕᓄᑦ ᑲᓐᖑᓱᒃᑎᑕᐅᔪᒫᕐᐳᖅ, ᐱᐅᔪᕆᖏᑦᑐᕐᓕ ᐊᓂᕐᓂᕐᒥᒍᑦ ᐅᐱᒋᔭᐅᓕᕈᒫᕐᐳᖅ.

ᓲᓗᒨᓂᐅᑉ ᐃᓐᖏᕈᓯᖏᑦ 2:14

ᑑᕕᖁᑏᒃ, ᕾᕐᑑᑉ ᖁᖕᓈᕈᖏᓐᓂ ᐃᓂᖃᕐᑐᑎᑦ, ᕾᕐᑑᑉ ᐃᔨᕐᓯᒪᕕᖏᓐᓂ, ᑮᓁᑦ ᑕᑯᓚᐅᕐᓚᒍ, ᓂᐲᓪᓗ ᑐᓴᕐᓚᒍ, ᑐᓴᕐᓂᕐᒪᑦ, ᐃᓂᖁᓇᕐᑐᐊᓘᓪᓗᑎᓪᓗ.

ᐂᓮᐊᓯᐅᑉ ᐊᒡᓚᖏᑦ 10:14

ᐊᖑᑎᑐᑦ ᒪᓐᓂᖕᓂᒃ ᓇᓂᓯᔪᑎᑐᑦ ᕿᒪᒃᑕᐅᓂᑯᓂᒃ, ᓄᓇᕐᔪᐊᕐᒦᑦᑐᓕᒫᑦ ᑲᑎᕐᓱᓚᐅᕐᐸᒃᑲ; ᓇᓪᓕᐊᓐᓂᒡᓘᓐᓃᑦ ᐃᓴᕈᖏᓐᓂᒃ ᐊᐅᓚᑦᔭᒃᑐᖃᓚᐅᓐᖏᓚᖅ, ᐂᑦᑕᕐᑐᖃᓚᐅᕋᓂᓗ ᐃᕐᓯᓵᕐᑐᒥᒃ ᓂᑦᔭᒃᑐᖃᓚᐅᓐᖏᓚᖅ.”

ᐂᓮᐊᓯᐅᑉ ᐊᒡᓚᖏᑦ 2:21

ᐳᓚᔪᒫᕐᐳᓪᓗ ᕾᕐᑑᑉ ᖁᖕᓈᖏᓐᓄᑦ ᐃᓐᓈᕈᐃᓪᓗ ᕾᕈᓱᖏᓐᓄᑦ, ᐊᑕᓂᐅᑉ ᓯᕘᕋᓇᕐᑐᕐᔪᐊᖑᓂᖓᓂᒃ ᕿᒫᓗᑎᒃ, ᐊᖓᔪᖅᑳᕐᔪᐊᖑᓂᖓᑕᓗ ᓂᕐᑐᕐᓇᕐᓂᕐᔪᐊᖓᓂᑦ, ᒪᑭᓕᕐᐸᑦ ᓄᓇᕐᔪᐊᖅ ᓴᔪᒃᑎᓪᓗᒍ ᐊᖏᔪᕐᔪᐊᒥᒃ.

ᐂᓮᐊᓯᐅᑉ ᐊᒡᓚᖏᑦ 49:25

ᐊᑕᓂᕐᓕ ᐃᒫᒃ ᐅᖃᕐᐳᖅ: “ᓴᓐᖏᔪᕐᔪᐊᓄᑦ ᑎᒍᔭᐅᓯᒪᔪᑦ ᐊᐅᓪᓚᕈᑦᔭᐅᔪᒫᕐᐳᑦ, ᑲᑉᐱᐊᒋᔭᖃᖏᑦᑐᓪᓗ ᐱᓯᒪᔭᖏᑦ ᓴᐳᑎᔭᐅᔪᒫᕐᐳᑦ; ᐃᓕᑦᓯᓐᓂᒃ ᐊᑭᕋᕐᑐᕐᑐᑦ ᐊᑭᕋᕐᑐᕐᓂᐊᕆᕙᒃᑲ, ᕿᑐᕐᖓᓯᓗ ᐱᐅᓕᔪᒫᕐᐸᒃᑲ.

ᔨᕆᒤᐊᐅᑉ ᐊᒡᓚᖏᑦ 48:14

ᖃᓄᖅ ᐅᖃᕈᓐᓇᕐᐱᓰ? ᐅᓇᑕᕐᑎᐊᓘᓂᕋᕐᓗᓯ ᐅᓇᑕᕆᐊᒃᓴᕐᓗ ᐊᔪᖏᓐᓂᕋᕐᓗᓯ.

ᔨᕆᒤᐊᐅᑉ ᐊᒡᓚᖏᑦ 49:15

ᑕᑯᒋᑦ, ᐃᓅᖃᑎᒌᒡᔪᐊᑦ ᐊᑯᓐᓂᖓᓂ ᒥᑭᓐᓂᕐᐸᐅᑎᑦᓱᒫᕐᐸᒋᑦ, ᐃᓄᖕᓄᓪᓗ ᓇᕐᕈᒋᔭᒃᓴᐅᓗᑎᑦ.

ᔨᕆᒤᐊᐅᑉ ᐊᒡᓚᖏᑦ 50:29

“ᐱᑎᒃᓵᕐᑏᑦ ᐹᐱᓘᓂᒧᑦ ᐱᑎᒃᓵᕆᐊᕐᑐᖁᔭᐅᓕᑦ, ᐊᕙᑕᖏᕐᑕᐅᓯᒪᓗᑎᒃ ᓯᓂᒃᑕᕆᐊᕐᕕᐅᓕᑦ, ᐊᑕᐅᓯᕐᒥᒡᓘᓐᓃᑦ ᐊᓐᓇᒃᑐᖃᕐᑍᓕᓕ, ᐊᑭᓂᐊᕐᕕᐅᓕᑦ ᐱᓂᐊᕐᓂᕆᖃᑦᑕᓚᐅᕐᑕᖏᑦ ᒪᓕᒡᓗᒋᑦ, ᐊᑕᓂᖅ ᐊᑭᕋᕐᑐᓚᐅᕐᒪᑦᔪᒃ ᐃᓴᕆᐊᓕᒥᐅᑦ ᐃᑦᔪᕐᓁᓐᓂᕐᐹᖁᑎᖓᑦ.

ᔨᕆᒤᐊᐅᑉ ᐊᒡᓚᖏᑦ 51:53

ᐹᐱᓘᓂᒥᐅᑦ ᕿᓚᖕᒧᑦ ᑎᑭᐅᓯᒪᔪᓐᓇᕋᓗᐊᕐᐸᑕ, ᐱᔭᐅᑦᔧᕐᓯᒪᓂᖓᓄᑦ ᐅᓇᖕᒥᓇᖏᒃᑲᓗᐊᕐᐸᑕ, ᐊᓯᕈᐃᔪᒃᓴᓂᒃ ᑎᑭᕝᕕᐅᑎᑦᓱᒫᕐᐸᒃᑲ, ᐊᑕᓂᖅ ᐅᖃᕐᐳᖅ.”

ᐂᒨᓯᐅᑉ ᐊᒡᓚᖏᑦ 9:2

ᐃᑎᕐᓴᓕᐅᕋᓗᐊᕐᐸᑕᓗ ᑐᖁᖓᔪᑦ ᐃᓂᖓᓐᓄᑦ, ᑍᑲᓐᖓᑦ ᑎᒍᔪᒫᕐᐸᒃᑲ; ᒪᔪᕋᓗᐊᕐᐸᑕᓗ ᕿᓚᖕᒧᑦ ᑕᕝᕙᓐᖓᑦ ᐊᖅᑲᕐᑎᑦᓱᒫᕐᐸᒃᑲ.

ᕼᐊᐸᑲᐅᑉ ᐊᒡᓚᖏᑦ 2:9

ᑲᑉᐱᐊᓐᓇᒦᒃ! ᓇᖕᒥᓂᖅ ᐃᓚᖏᑕ ᐊᔪᕐᓴᕈᓐᓁᕈᑎᒃᓴᖏᓐᓂᒃ ᐱᐅᖏᑦᑐᓕᓂᒃᑯᑦ ᐱᑖᕋᓱᐊᕐᑐᖅ, ᐃᓚᒋᔭᓂ ᖁᓪᓕᕐᐹᖑᑎᑦᓱᒪᓪᓗᒋᑦ, ᓴᐳᑎᔭᐅᔪᓐᓇᕈᒪᓗᓂ ᖃᓄᐃᓕᔭᐅᓐᓇᕐᑑᑉ ᐱᔪᓐᓇᕐᓂᖓᓂᑦ!

ᒪᓚᑬᑉ ᐊᒡᓚᖏᑦ 1:3

ᐄᓴ ᐆᒥᒋᓪᓗᒍ, ᖃᖅᑲᖁᑎᖓᓗ ᓱᓇᖃᕈᓐᓃᕐᑎᓚᐅᕐᐸᕋ ᑭᖑᕐᖑᑎᔭᒃᓴᖏᓪᓗ ᓱᓇᖃᔪᐃᑦᑐᒥ ᑐᓂᓚᐅᕐᐸᒃᑲ ᕿᒻᒥᖓᔪᓄᑦ.”