ᔨᕆᒤᐊᐅᑉ ᐊᒡᓚᖏᑦ 49:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᐃᓕᐊᕐᔪᖁᑎᓯ ᕿᒪᒃᓯᐅᒃ, ᑲᒪᒋᓂᐊᕐᐸᒃᑲ, ᐅᐃᒡᒐᕐᓂᖁᑎᓯᑦᑕᐅᖅ ᐅᕙᓐᓂᒃ ᑕᑎᖃᕈᓐᓇᕐᓂᐊᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 49:11 Iomraidhean Croise

ᐃᓐᖏᕈᑎᑦ 146:9

ᐊᑕᓂᐅᑉ ᓂᐅᕐᕈᐊᑦ ᑲᒪᒋᕔᑦ, ᐃᓕᐊᕐᔪᐃᑦ ᐅᐃᒡᒐᕐᓃᓪᓗ ᐃᑲᔪᕐᐰᑦ; ᐱᐅᖏᑦᑐᓪᓕ ᐊᖅᑯᑎᖏᑦ ᓄᖑᑎᑉᐰᑦ.

ᐃᓐᖏᕈᑎᑦ 68:5

ᐊᑖᑕᖃᖏᑦᑐᑦ ᐊᑖᑕᖓᑦ, ᐅᐃᒡᒐᕐᓃᑦ ᓴᐳᑦᔨᔨᖓᑦ, ᒎᑎ ᐃᓂᒋᔭᒥᓃᑉᐳᖅ ᐃᑦᔪᕐᓁᑦᑐᒥ.

ᐃᓐᖏᕈᑎᑦ 82:3

ᐊᔪᕐᓴᕐᑐᑦ ᐃᓕᐊᕐᔪᐃᓪᓗ ᐱᑦᓯᐊᕐᕕᒋᓯᒋᒃ; ᐋᓐᓂᐊᑎᑕᐅᔪᑦ ᐱᒃᓴᖃᖏᑦᑐᓪᓗ ᐃᑲᔪᕐᓯᒋᒃ.

ᕼᐆᓯᐊᑉ ᐊᒡᓚᖏᑦ 14:3

ᐊᓯᕆᐊᒧᑦ ᐱᐅᓕᔭᐅᓂᐊᓐᖏᓚᒍᑦ, ᕿᒻᒥᕐᔪᐊᒃᑰᕐᓂᐊᓐᖏᓚᒍᑦ; ᐅᖃᕐᓂᐊᕈᓐᓁᕐᐳᒍᓪᓗ, ‘ᒎᑎᕗᑦ,’ ᐊᒡᒐᑦᑕ ᓴᓇᓯᒪᔭᖏᓐᓄᑦ. ᐃᓕᖕᓂᑦ ᐃᓕᐊᕐᔪᐃᑦ ᓂᑲᒋᔭᐅᓂᕐᒥᒃ ᓇᒡᕚᕐᒪᑕ.”

ᔫᓇᐅᑉ ᐊᒡᓚᖏᑦ 4:11

ᐊᖏᓂᕐᓴᒥᒡᓕ ᖃᓄᖅ ᑕᕝᕙ, ᓂᑲᒍᓱᒃᑲᓐᓂᕈᓐᓇᕐᐳᖔ ᓂᓂᕕᒥᐅᓂᒃ? ᐃᒡᓗᒐᓴᒡᔪᐊᖑᖕᒪᑕ ᐊᖏᔪᐊᓘᓪᓗᑎᒃ. ᑖᒃᑯᓇᓂᓗ ᐸᓯᔭᒃᓴᐅᖏᑦᑐᓂᒃ ᓱᕈᓯᕐᑕᖃᕐᐳᖅ 120,000ᓂᒃ, ᖃᐅᔨᒪᖏᑦᑐᓂᒃ ᑕᓕᕐᐱᖕᒥᖕᓂᒃ ᓴᐅᒥᖕᒥᖕᓂᒡᓗ, ᐆᒪᔪᕐᑕᖃᕐᓗᓂᓗ ᐅᓄᕐᑐᕐᔪᐊᓂᒃ!”

ᓴᑲᕅᐊᐅᑉ ᐊᒡᓚᖏᑦ 7:10

ᐅᐃᒡᒐᕐᓃᑦ ᓇᒡᓕᒃᓵᕐᑎᑦᑍᓕᓗᒋᑦ ᐃᓕᐊᕐᔪᐃᓪᓗ, ᓄᓇᖃᑎᑐᖃᕆᓐᖏᑕᓯᓗ ᐊᒃᓗᔪᓪᓘᓐᓃᑦ; ᐱᐅᖏᑦᑐᒥᒃ ᐃᓅᖃᑎᑦᓯᓐᓄᑦ ᐃᔨᕐᓯᒪᔪᒥᒃ ᐃᓱᒪᖃᕐᓂᐊᕋᓯ.”

ᒪᓚᑬᑉ ᐊᒡᓚᖏᑦ 3:5

“ᑕᕝᕙ ᓴᖅᑭᑦᓱᒫᕐᐳᖓ ᐃᖅᑲᕐᑐᕆᐊᕐᑐᕐᓗᓯ; ᐱᒋᐊᑦᓴᐅᑎᒋᔪᒫᕐᐳᖓ ᐊᑭᕋᕐᑐᓪᓗᖓ ᐊᖓᒃᑰᓇᓱᐊᕐᑐᓂᒃ, ᐊᓯᓐᓂᐊᕐᑎᓂᒃ, ᓱᓕᖏᑦᑐᒥᒡᓗ ᐊᖏᕈᑎᓕᖕᓂᒃ, ᓯᓔᕐᕆᒃᓯᓗᑎᒡᓗ ᐊᑭᓕᕐᓱᐃᔪᓂᒃ ᐃᖅᑲᓁᔭᕐᑎᓂᒃ, ᐅᐃᒡᒐᕐᓂᕐᓂᒃ ᐃᓕᐊᕐᔪᖕᓂᒡᓗ ᐊᒃᓱᕈᕐᑎᑦᓯᔪᓂᒃ, ᓄᓇᓕᑐᖃᐅᖏᑦᑐᓂᒡᓗ ᑐᓐᖓᓱᒃᑎᑦᓯᖏᑦᑐᓂᒃ, ᐅᕙᓐᓂᒃ ᐃᓕᕋᓱᖏᑦᑐᓂᒃ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.”

ᒨᓯᓯ ᑕᓪᓕᒪᖏᑦ 10:18

ᑲᒪᒋᔭᐅᑦᓯᐊᖁᔨᓪᓗᓂᓗ ᐋᖅᑭᒃᓯᓲᖑᕗᖅ ᐃᓕᐊᕐᔪᖕᓂᒃ ᐅᐃᒡᒐᕐᓂᕐᓂᒡᓗ; ᓄᓇᖃᕐᑐᑐᖃᐅᖏᑦᑐᓪᓗ ᓇᒡᓕᒋᕔᑦ ᐃᓅᖃᑎᑦᑎᓐᓄᑦ ᓄᓇᖅᑲᑎᒋᔭᐅᔪᑦ, ᓂᕿᒃᓴᖃᕐᑎᓪᓗᒋᑦ ᐊᓐᓄᕌᒃᓴᖃᕐᑎᑉᐰᑦ.

ᑎᒧᑎᒧᑦ ᓯᕗᓪᓖᑦ 5:5

ᐅᐃᒡᒐᕐᓂᕐᓕ ᐃᓄᑐᐊᖑᒃᐸᑦ ᐃᑲᔪᕐᑎᒃᓴᖃᕋᓂ, ᑍᒤᑦᑐᖅ ᒎᑎᒥᑦ ᑭᓯᐊᓂ ᓂᕆᐅᒃᐳᖅ, ᑐᒃᓯᐊᖏᓐᓇᕐᐳᕐᓗ ᐃᑲᔪᕐᑕᐅᔪᒪᓪᓗᓂ ᐅᓐᓄᐊᖑᒐᓗᐊᕐᐸᑦ ᐅᓪᓘᒐᓗᐊᕐᐸᓪᓗ;

ᔧᒥᓯᐅᑉ ᐊᒡᓚᖏᑦ 1:27

ᐅᒃᐱᕐᓂᖅ ᐸᓯᔭᒃᓴᐅᓂᖃᖏᑦᑐᖅ ᓱᓕᔪᕐᓗ ᒎᑎᐅᑉ ᐊᑖᑕᐅᑉ ᓈᒻᒪᒋᔭᖓ ᐃᒤᑦᑑᕗᖅ; ᐃᓕᐊᕐᔪᐃᑦ ᐳᓛᕆᐊᖃᑦᑕᕐᓗᒋᑦ ᐅᐃᒡᒐᕐᓃᓪᓗ ᐅᖁᒤᒃᓴᕐᓂᖏᓐᓂᒃ ᐃᑲᔪᕐᓗᒋᑦ, ᓇᖕᒥᓂᕐᓗ ᐃᑦᔪᕐᓇᕐᓯᑎᑕᐅᑦᑍᓕᓗᓂ ᓯᓚᕐᔪᐊᕐᒥᐅᑦ ᐱᐅᓯᖏᓐᓄᑦ.