ᔨᕆᒤᐊᐅᑉ ᐊᒡᓚᖏᑦ 48:46 - ᐊᒡᓔᑦ ᐃᑦᔪᕐᖕᓁᑦᑐᑦ

⁴⁶ ᑲᑉᐱᐊᓐᓇᒦᒃ ᒧᐊᐱᒥᐅᑕᐅᔪᓯ, ᑭᒨᓯᒥᐅᑦ ᐃᓄᖏᑦ ᓄᖑᑕᐅᖕᒪᑕ, ᐃᕐᓂᓯᓗ ᑎᒍᔭᐅᓪᓗᑎᒃ ᐊᐅᓪᓚᕈᑦᔭᐅᖕᒪᑕ ᐸᓂᓯᓗ ᑎᒍᔭᐅᓪᓗᑎᒃ ᓯᐊᓛᕐᑖᖑᖕᒪᑕ.

ᔨᕆᒤᐊᐅᑉ ᐊᒡᓚᖏᑦ 48:46 Iomraidhean Croise

ᐊᑕᓃᑦ ᓯᕗᓪᓖᑦ 11:7

ᓲᓗᒨᓂ ᓴᓇᓚᐅᕆᕗᖅ ᑐᒃᓯᐊᕐᕕᖕᒥᒃ ᑭᒨᓯᒧᑦ ᒧᐊᐱᒥᐅᑦ ᒎᑎᓐᖑᐊᖓᓐᓄᑦ ᒎᑎᐅᑉ ᓇᕐᕈᒋᔭᖓᓄᑦ, ᑐᒃᓯᐊᕐᕕᖕᒥᒡᓗ ᒧᓕᑭᒧᑦ ᐊᒧᓁᑎᒥᐅᑦ ᒎᑎᓐᖑᐊᖓᓂᒃ ᒎᑎᐅᑉ ᓇᕐᕈᒋᔭᖓᓂᒃ ᔨᕉᓴᓕᐅᑉ ᑕᓕᕐᐱᐊᓂ ᓯᕿᓂᐅᑉ ᓄᐃᕕᐊᑕ ᓇᓛᓂ.

ᐊᑕᓃᑦ ᐂᑉᐸᖏᑦ 23:13

ᐊᖓᔪᖅᑳᕐᔪᐊᑉ ᔫᓮᐊᐅᑉ ᐱᓪᓚᕆᒋᔭᐅᓪᓗᑎᒃ ᑐᒃᓯᐊᕐᕕᐅᖃᑦᑕᕐᑐᕕᓃᑦ ᐊᑐᕐᑕᐅᔪᓐᓁᓪᓕᑎᑉᐰᑦ ᔨᕉᓴᓕᐅᑉ ᓯᕿᓂᐊᑕ ᓇᓛᓃᑦᑐᑦ ᐱᖒᑉ ᐱᐅᖏᑦᑐᓕᕝᕕᖕᒥᒃ ᑍᔭᐅᔫᑉ ᓯᕿᓂᖓᓃᑦᑐᑦ, ᓲᓗᒨᓂᐅᑉ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑦᑕ ᓴᓇᔭᐅᑎᑕᕕᓂᖏᑦ ᒎᑎᓐᖑᐊᒧᑦ ᐋᔅᑕᕉᑎᒥᒃ ᑍᔭᐅᔪᒧᑦ ᓮᑐᓂᐊᒥᐅᑦ ᒎᑎᓐᖑᐊᖓᓐᓄᑦ ᓇᕐᕈᓇᕐᑐᒧᑦ, ᑭᒨᓯᓗ ᒧᐊᐱᒥᐅᑦ ᒎᑎᓐᖑᐊᖓᓄᑦ ᓇᕐᕈᓇᕐᑐᒧᑦ, ᒥᐅᓪᑲᒻᒧᓪᓗ ᐊᒧᓁᑎᒥᐅᑦ ᒎᑎᓐᖑᐊᖓᓐᓄᑦ ᓇᕐᕈᓇᕐᑐᒧᑦ.

ᐂᓮᐊᓯᐅᑉ ᐊᒡᓚᖏᑦ 16:2

ᑎᖕᒥᐊᑎᑐᑦ ᐃᕙᕕᖕᒥᖕᓂᑦ ᑎᖏᑎᑕᐅᓯᒪᔪᑎᑐᑦ ᑍᒤᑦᓱᒫᕐᐳᑦ, ᒧᐊᐱᐅᑉ ᐸᓂᖏᑦ ᑰᖕᒥ ᐋᕐᓄᓂᒥ ᐅᑕᖅᑭᓗᑎᒃ ᐃᑳᕐᕕᖕᓂ.

ᔨᕆᒤᐊᐅᑉ ᐊᒡᓚᖏᑦ 48:13

ᒧᐊᐱ ᑲᓐᖑᓲᑎᖃᓕᕈᒫᕐᐳᖅ ᒎᑎᒥᓂᒃ ᑭᒨᓯᒥᒃ, ᓲᕐᓗᑦᑕᐅᖅ ᐃᓴᕆᐊᓕᒥᐅᑦ ᑲᓐᖑᓲᑎᖃᓕᓚᐅᕐᒪᑕ ᒎᑎᓐᖑᐊᒥᒃ ᐱᑎᓕᒥᒃ ᑕᑎᖃᓗᐊᓚᐅᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 48:7

ᑕᑎᖃᓚᐅᕋᑦᓯ ᐱᔪᓐᓇᕐᓂᑦᓯᓐᓂᒃ ᐊᔪᕐᓴᖏᓐᓂᑦᓯᓐᓂᒡᓗ, ᑎᒍᔭᐅᓗᓯ ᐊᐅᓪᓚᕈᑦᔭᐅᔪᒫᕆᕗᓯ; ᒎᑎᒋᔭᓯ ᑭᒨᓯ ᓄᓇᒋᓐᖏᑕᒥᓄᑦ ᐊᐅᓪᓚᕈᑦᔭᐅᔪᒫᕆᕗᖅ, ᑐᓂᕐᕈᓯᕐᑎᑦᓯᔨᖏᑦ ᐊᖓᔪᖅᑳᖁᑎᖏᓪᓗ ᐱᖃᓯᐅᑦᔭᐅᓗᑎᒃ.

ᒨᓯᓯ ᓯᑕᒪᖏᑦ 21:29

ᑲᑉᐱᐊᓐᓇᒦᒃ, ᒧᐊᐱᒥᐅᑕᐅᔪᓯ! ᑭᒨᓯᒥᐅᑕᐅᔪᓯᓗ ᐊᓯᕈᕐᑕᐅᓯᒪᕗᓯ! ᐃᓕᑦᓯᓗ ᑖᒃᑯᓄᖓ ᕿᑐᕐᖓᕆᔭᐅᔪᓯ ᕿᒫᓯᒪᔭᕆᐊᖃᓕᕐᐳᓯ, ᐃᓕᑦᓯᓗ ᑖᒃᑯᓄᖓ ᐸᓂᒋᔭᐅᔪᓯ ᑎᒍᔭᐅᓗᓯ ᐊᐅᓪᓚᕈᔭᐅᓂᐊᕐᐳᓯ, ᐊᒧᕅᑎᑦ ᐊᖓᔪᖅᑳᕐᔪᐊᖓᓄᑦ ᓮᕼᐆᓂᒥᒃ ᐊᑎᓕᖕᒧᑦ.

ᐃᓗᐊᕐᓮᔩᑦ ᐊᒡᓚᖏᑦ 11:24

ᓄᓇᖁᑎᑖᕆᔪᒪᓐᖏᓚᓯᐅᒃ ᑭᒨᓯᐅᑉ ᒎᑎᓐᖑᐊᑦᓯ ᓄᓇ ᑐᓃᓚᐅᕐᑕᖓ ᐃᓕᑦᓯᓐᓄᑦ? ᐅᕙᒍᓪᓕ ᐱᓯᒤᓐᓇᕐᓂᐊᕆᕙᕗᑦ ᐊᑕᓂᐅᑉ, ᒎᑎᑦᑕ ᐊᕐᓵᕐᓯᑦᔪᑎᒋᓚᐅᕐᑕᖓ ᐅᕙᑦᑎᓐᓄᑦ ᑐᓂᓪᓗᒍ.