ᔨᕆᒤᐊᐅᑉ ᐊᒡᓚᖏᑦ 46:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐄᑦᔨᑉᑎᒥᐅᑦ ᐱᓪᓗᒋᑦ ᐅᖃᕐᐳᖅ, ᐅᖃᐅᓯᒃᓴᖃᕐᐳᖓ ᓂᑯ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓ ᐱᓪᓗᒍ, ᓵᓚᒋᔭᐅᓚᐅᕐᑑᑉ ᑳᕐᓯᒥᔅᒥ ᑰᖕᒥ ᐃᕗᕅᑎᒥ ᓂᐱᑯᓁᓴᐅᑉ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᔫᑕᒥᐅᑦ ᐊᖓᔪᖅᑳᕐᔪᐊᖓᑦᑕ ᔨᕼᐅᐃᐊᑭᐅᑉ ᔫᓮᐊᐅᑉ ᐃᕐᓂᖓᑕ ᐊᐅᓚᑦᓯᓂᖏᑕ ᓯᑕᒪᒋᓕᕐᑕᖓᓂ:

ᔨᕆᒤᐊᐅᑉ ᐊᒡᓚᖏᑦ 46:2 Iomraidhean Croise

ᐊᑕᓃᑦ ᐂᑉᐸᖏᑦ 18:21

ᐄᑦᔨᑉᑎᒥᐅᓂᒃ ᐃᑲᔪᕐᑎᖃᕐᓂᐊᕋᓱᒋᒐᓗᐊᕐᑐᑎᑦ ᓱᓪᓗᓕᖕᒥᒃ ᐊᔭᐅᑉᐱᐊᖃᕋᓱᐊᕐᑐᑎᑐᑦ ᑍᒤᓐᓂᐊᕐᐳᑎᑦ ᓇᑲᑉᐸᑦ ᐊᒡᒐᑎᑦ ᑲᐱᓂᐊᕐᐳᑦ. ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᑦ ᑍᒫᒃ ᐱᐅᓯᖃᕐᒪᑦ ᑕᑎᒋᔭᐅᓇᓱᐊᓕᕌᖓᒥ.”

ᐊᑕᓃᑦ ᐂᑉᐸᖏᑦ 23:29

ᔫᓮᐊ ᐊᖓᔪᖅᑳᕐᔪᐊᖑᑎᓪᓗᒍ, ᐰᕉ ᓂᑯ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᑦ ᑰᖕᒧᑦ ᐃᕗᕅᑎᒧᑦ ᐅᐸᒍᑎᓚᐅᕐᐳᖅ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᓐᓂᒃ ᐃᑲᔪᕆᐊᕐᓗᓂ. ᔫᓮᐊᐅᑉ ᐅᓇᑕᕐᑎᖁᑎᖏᑕᓗ ᐅᓇᑕᕆᐊᕐᕕᒋᓪᓗᒍ ᐹᕆᐊᕐᑐᕐᐹᑦ, ᐄᑦᔨᑉᑎᒥᐅᓪᓕ ᐊᖓᔪᖅᑳᕐᔪᐊᖓᑦᑕ ᓂᑰᑉ ᐅᓇᑕᕐᓗᑎᒃ ᓵᓚᒋᓪᓗᒍ ᔫᓮᐊ ᑐᖁᑉᐹ ᓄᓇᒥ ᒥᒌᑐᒥ.

ᐊᑕᓃᑦ ᐂᑉᐸᖏᑦ 23:33

ᐰᕉᑉ ᓂᑰᑉ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᑦᑕ ᐊᕐᓵᕐᑑᔭᓄᑦ ᐊᑦᑐᖏᕐᓱᐊᕆᓚᐅᕐᐹ ᓄᓇᓕᖕᓂ ᕆᑉᓚᒥ ᕼᐊᒫᑎᐅᑉ ᓄᓇᓕᒃᑕᖏᑕ ᐃᓚᖓᓂ. ᔨᕉᓴᓕᒥ ᐊᐅᓚᑦᓯᖁᓇᒍ, ᔫᑕᒥᐅᓪᓗ ᐊᑭᓕᕐᑐᒐᒃᓴᓕᐅᕐᐰᑦ 7,500ᓂᒃ ᓯᐅᓪᕕᕆᓂᒃ, 75ᓂᒃ ᐅᖁᒤᓐᓂᖃᕐᑐᓂᒃ ᒎᓗᓂᒃ.

ᐊᑕᓃᑦ ᐂᑉᐸᖏᑦ 24:7

ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᑦ ᐅᓇᑕᕆᐊᕐᑎᑦᓯᓚᐅᕐᓯᒪᔪᓐᓃᓚᐅᕐᐳᖅ ᐅᓇᑕᕐᑎᖁᑎᒥᓂᒃ, ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᓄᓇᖁᑎᕕᓂᕋᓗᐊᖏᓐᓂᒃ ᐊᕐᓵᕐᑕᐅᓯᒪᓕᓚᐅᕋᒥ, ᑰᖕᒥᒃ ᐃᕗᕅᑎᒥᑦ ᐱᒋᐊᕐᓗᒍ ᐄᑦᔨᑉᑎᐅᑉ ᑕᕐᕌᓄᑦ ᑎᑭᓪᓗᒍ ᓄᓁᕐᑕᐅᓯᒪᓕᓚᐅᕐᒪᑦ.

ᐂᓮᐊᓯᐅᑉ ᐊᒡᓚᖏᑦ 10:9

ᑳᓪᓄ ᑳᕐᓯᒥᓯᑐᑦ ᑍᒤᓐᖏᓛᖅ? ᕼᐊᒫᑎ ᐋᕐᐹᑎᑐᑦ ᑍᒤᓐᖏᓛᖅ? ᓴᒥᐊᕆᐊ ᑕᒫᓯᑰᓯᑐᑦ ᑍᒤᓐᖏᓛᖅ?

ᐂᓮᐊᓯᐅᑉ ᐊᒡᓚᖏᑦ 19:1

ᐅᖃᐅᓰᑦ ᐄᑦᔨᑉᑎᒥᐅᑦ ᐱᓪᓗᒋᑦ, ᑕᑯᓕᕐᓯᐅᒃ ᐊᑕᓂᖅ ᓄᕗᔭᒥ ᓱᒃᑲᓕᔪᒥ ᐃᑭᒪᓗᓂ ᐄᑦᔨᑉᑎᒧᑦ ᑎᑭᓕᕐᑐᖅ; ᐄᑦᔨᑉᑎᒥᐅᑦ ᒎᑎᓐᖑᐊᖏᑦ ᓴᔪᒍᒫᕐᐳᑦ ᑖᑦᓱᒪ ᓇᔪᕐᑕᖓᓂ, ᐄᑦᔨᑉᑎᒥᐅᓪᓗ ᐆᒻᒪᑎᖏᑦ ᐊᐅᒃᑐᑎᑐᑦ ᑍᒤᑦᓱᒫᕐᐳᑦ ᐃᓗᖏᓐᓂ.

ᐂᓮᐊᓯᐅᑉ ᐊᒡᓚᖏᑦ 19:19

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ, ᐱᑕᖃᓕᕈᒫᕐᐳᖅ ᐊᑕᓂᕐᒧᑦ ᑐᓂᕐᕈᓯᕐᕕᖕᒥᒃ ᐄᑦᔨᑉᑎᒥᐅᑦ ᓄᓇᖓᑕ ᕿᑎᖓᓂ, ᐅᔭᕌᓗᖕᒥᒡᓗ ᓇᐸᔪᒥᒃ ᓴᓇᓯᒪᔪᕐᑕᖃᕐᒥᓗᓂ ᐄᑦᔨᑉᑎᐅᑉ ᓄᓇᖓᑕ ᑭᒡᓕᖓᓂ ᐊᑕᓂᕐᒥᒃ ᐅᐱᒍᓲᑎᒥᒃ.

ᔨᕆᒤᐊᐅᑉ ᐊᒡᓚᖏᑦ 25:1

ᐊᑕᓂᐅᑉ ᐅᖃᕐᕕᒋᕚ ᔨᕆᒤᐊ ᔫᑕᒥᐅᓕᒫᑦ ᐱᑦᔪᑎᒋᓪᓗᒋᑦ, ᐊᕐᕌᒍᐃᑦ ᔨᕼᐅᐃᐊᑭᒻ ᔫᓮᐊᐅᑉ ᐃᕐᓂᖓᑕ ᐊᖓᔪᖅᑳᕐᔪᐊᕆᔭᐅᓂᖓᑕ ᔫᑕᒥ ᓯᑕᒪᒋᓕᕐᑕᖓᓂ, ᓂᐱᑯᓁᓴ ᐊᕐᕌᒍᓕᒫᒥᒃ ᐊᖓᔪᖅᑳᕐᔪᐊᕆᔭᐅᓕᕐᑎᓪᓗᒍ ᐹᐱᓘᓂᒥᐅᓄᑦ.

ᔨᕆᒤᐊᐅᑉ ᐊᒡᓚᖏᑦ 25:19

ᐅᑯᐊ ᑕᕝᕙ ᓇᓗᓁᕐᓯᒪᔪᑦ ᑕᕝᕙᓐᖓᑦ ᐃᒥᐅᑎᒥᑦ ᐃᒥᕆᐊᖃᕐᑐᑦ: ᐰᕉ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᑦ, ᑲᒪᔨᖁᑎᖏᓪᓗ ᐊᖓᔪᖅᑳᖁᑎᖏᓪᓗ, ᐃᓄᖁᑎᖏᓪᓗ.

ᔨᕆᒤᐊᐅᑉ ᐊᒡᓚᖏᑦ 25:9

ᑕᑯᒋᑦ, ᐅᓐᓄᐊᓪᓗᐊᑉ ᓇᓛᓃᑦᑐᑦ ᐃᓄᓕᒫᖏᓐᓂᒃ ᑎᓕᓯᓂᐊᕐᐳᖓ, ᑭᒡᒐᓐᓂᒡᓗ ᓂᐱᑯᓁᓴᒥᒃ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓂᒃ, ᐊᑕᓂᖅ ᐅᖃᕐᐳᖅ, ᐅᓇᑕᕆᐊᕐᑎᓐᓂᐊᕐᐸᒃᑲᓗ ᓄᓇᒧᑦ ᑕᒪᐅᖓ ᐃᓅᖃᑎᒌᒡᔪᐊᓄᑦ, ᓄᓇᓕᐅᖃᑎᒋᔭᓕᒫᓯᓗ ᐊᓯᕈᕐᑕᐅᑎᓐᓂᐊᕐᐸᒃᑲ ᑲᑉᐱᐊᓲᑎᒃᓴᓐᖑᕐᑎᓪᓗᒋᓪᓗ ᐋᖅᑭᒃᑕᐅᒃᑲᓐᓂᕐᓂᐊᕈᓐᓃᕐᑐᒥᒃ ᓄᓇᓕᕕᓂᑐᐃᓐᓇᐅᓕᕐᑎᓐᓂᐊᕐᐸᕋ.

ᔨᕆᒤᐊᐅᑉ ᐊᒡᓚᖏᑦ 36:1

ᔨᕼᐅᐃᐊᑭᒻ ᐊᖓᔪᖅᑳᕐᔪᐊᖑᓂᖓᑕ ᔫᑕᒥᐅᓄᑦ ᓯᑕᒪᒋᓕᕐᑕᖓᓐᓂ ᔫᓮᐊᐅᑉ ᐃᕐᓂᖓᑕ, ᔨᕆᒤᐊ ᐃᒫᒃ ᐊᑕᓂᕐᒧᑦ ᐅᖃᕐᕕᐅᓚᐅᕐᐳᖅ:

ᔨᕆᒤᐊᐅᑉ ᐊᒡᓚᖏᑦ 43:11

ᓂᐱᑯᓁᓴ ᑎᑭᓐᓂᐊᕐᒪᑦ ᐄᑦᔨᑉᑎᒥᐅᓂᒃ ᓵᓚᖃᕆᐊᕐᑐᕐᓗᓂ, ᑍᒃᑯᐊ ᐋᓐᓂᐊᓇᕐᑐᓄᑦ ᑐᖁᔪᒃᓮᑦ ᐋᓐᓂᐊᓇᕐᑐᓄᑦ ᑐᖁᔪᒫᕐᐳᑦ, ᑍᒃᑯᐊᓗ ᐊᐅᓪᓚᕈᑦᔭᐅᔪᒃᓮᑦ ᐊᐅᓪᓚᕈᑦᔭᐅᔪᒫᕐᐳᑦ ᑎᒍᔭᐅᓗᑎᒃ, ᑍᒃᑯᐊᓗ ᐅᓇᑕᕐᑐᓄᑦ ᑐᖁᑕᐅᔪᒃᓮᑦ ᐅᓇᑕᕐᑐᓂ ᑐᖁᑕᐅᔪᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 45:1

ᐃᒫᒃ ᔨᕆᒤᐊᐅᑉ ᒎᑎᐅᑉ ᐅᖃᕐᑎᖓᑕ ᐸᕉᒃ ᓂᕅᐊᐅᑉ ᐃᕐᓂᖓ ᐅᖃᐅᑎᓚᐅᕐᐹ, ᔨᕼᐅᐃᐊᑭᒻ ᔫᓮᐊᐅᑉ ᐃᕐᓂᖓ ᐊᖓᔪᖅᑳᕐᔪᐊᖑᓯᒪᓕᕐᑎᓪᓗᒍ ᐊᕐᕌᒍᓂᒃ ᓯᑕᒪᓂᒃ, ᐸᕉᒃ ᑎᑎᕋᓚᐅᕐᓯᒪᓕᕐᑎᓪᓗᒍ ᔨᕆᒤᐊᐅᑉ ᐅᖃᕐᐸᓪᓕᐊᔭᖏᓐᓂᒃ ᐊᒡᓚᖕᓂᒃ.

ᔨᕆᒤᐊᐅᑉ ᐊᒡᓚᖏᑦ 46:14

“ᑕᒪᓐᓇ ᐅᖃᐅᓯᕆᒍᒃ ᐄᑦᔨᑉᑎᒥᐅᓂ, ᐅᖃᐅᓯᕆᓗᒍᓗ ᒥᒡᑐᓕᒥ, ᐅᖃᐅᓯᕆᖕᒥᓗᒍᓗ ᒥᒻᐱᓯᒥ ᑕᐸᓂᓯᒥᓗ, ᐃᓂᒃᓴᑦᓯᓐᓄᐊᕐᓗᓯ ᐅᐸᓗᖕᒊᕐᓯᒪᓕᕆᑦᓯ, ᐊᕙᑎᑦᓯᓐᓃᑦᑐᑦ ᓴᕕᒡᔪᐊᒧᑦ ᑐᖁᕋᕐᑕᐅᓂᐊᕐᒪᑕ!