ᔨᕆᒤᐊᐅᑉ ᐊᒡᓚᖏᑦ 44:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐅᖃᕐᑎᓐᓂᒃ ᐱᓇᓱᐊᕐᕕᐅᔭᕐᑐᕐᑎᖃᑦᑕᓚᐅᕐᐸᑦᓯ, ᐅᖃᐅᑎᓪᓗᓯ, ‘ᐱᐅᖏᑦᑐᓂᒃ ᐆᒥᒋᔭᓐᓂᒃ ᐱᓇᓱᐊᓕᖁᓇᓯ.’

ᔨᕆᒤᐊᐅᑉ ᐊᒡᓚᖏᑦ 44:4 Iomraidhean Croise

ᑯᕉᓂᑲ ᐂᑉᐸᖏᑦ 36:15

ᑖᑦᓱᒪ ᐊᑕᓂᐅᑉ, ᓯᕗᓕᖏᑕ ᒎᑎᖓᑕ ᑎᓕᓯᕕᒋᓪᓗᒋᑦ ᐃᓂᕐᑎᖃᑦᑕᓚᐅᕐᐰᑦ ᐅᖃᕐᑎᒥᒍᑦ, ᐃᓄᖁᑎᓂ ᐃᓚᑦᓱᒋᒐᒥᒋᑦ ᐃᒡᓗᓗ ᐃᓂᒃᓴᕆᔭᓂ ᓴᐳᑎᔪᒪᓪᓗᒍ.

ᓂᕼᐃᒤᐊᐅᑉ ᐊᒡᓚᖏᑦ 9:30

ᐊᕐᕌᒍᓂᒃ ᐅᓄᕐᑐᓂᒃ ᕿᓄᐃᓵᕐᓗᑎᑦ ᐃᓂᕐᑎᖃᑦᑕᓚᐅᕐᐸᑎᑦ, ᐅᖃᕐᑎᑎᓪᓗ ᐊᓂᕐᓂᒃᑯᑦ ᐅᖃᕈᒪᔪᓐᓇᕐᑎᓚᐅᕐᐸᑎᑦ, ᐃᓄᖁᑎᑎᓪᓕ ᓱᓕ ᑐᓵᓐᖏᓴᓚᐅᕐᐳᑦ; ᑍᒤᒻᒪᑦ ᓵᓚᐅᑎᓚᐅᕐᐸᑎᑦ ᐃᓅᖃᑎᒌᒡᔪᐊᓄᑦ.

ᓂᕼᐃᒤᐊᐅᑉ ᐊᒡᓚᖏᑦ 9:34

ᐊᒡᓛᑦ ᐊᖓᔪᖅᑳᕐᔪᐊᕗᑦ, ᓯᕗᓕᕐᑎᕗᓪᓗ, ᑐᓂᕐᕈᓯᕐᑎᑦᓯᔨᕗᑦ ᓯᕗᓕᕗᓪᓗ, ᐱᖁᔭᕐᓂᒃ ᒪᓖᓐᓇᕐᓯᒪᖏᒻᒪᑕ, ᓈᓚᓚᐅᖏᒻᒪᑕ ᐱᖁᔭᕐᓂᒃ ᐃᓂᕐᑎᕆᐅᑎᒋᔭᕐᓂᒡᓗ, ᓇᓗᓁᕐᓯᓕᓚᐅᕐᐳᑎᑦ ᓈᒻᒪᒃᓴᖏᓐᓂᕐᓂᒃ ᑖᒃᑯᓂᖓ.

ᔨᕆᒤᐊᐅᑉ ᐊᒡᓚᖏᑦ 16:18

ᒪᕐᕈᐃᕐᑐᓪᓗᐊᕐᑐᒥᒃ ᐊᑭᓂᐊᕐᕕᒋᔪᒫᕐᐸᒃᑲ ᐱᐅᖏᑦᑐᓕᓂᖏᓐᓄᑦ ᐊᔪᕐᑐᓕᓂᖏᓐᓄᓪᓗ, ᓄᓇᖁᑎᒐ ᓇᕐᕈᓇᕐᓯᑎᑕᐅᓯᒪᖕᒪᑦ ᐆᒪᖏᑦᑐᓂᒃ ᒎᑎᓐᖑᐊᓕᐅᕐᕕᐅᓪᓗᑎᒃ, ᑭᖑᕐᖑᑎᔭᒃᓴᕋᓗ ᓇᕐᕈᓇᕐᑐᓂᒃ ᒎᑎᓐᖑᐊᓂᒃ ᑕᑕᑎᕐᓯᒪᕚᑦ.”

ᔨᕆᒤᐊᐅᑉ ᐊᒡᓚᖏᑦ 26:5

ᐅᖃᕐᑎᒪᓗ ᐅᖃᐅᓯᕆᔭᖏᑦ ᓈᓚᖏᒃᑯᑦᓯᐅᒃ, ᐃᓕᑦᓯᓐᓄᑦ ᑎᓕᖃᑦᑕᕐᓯᒪᔭᒪ ᐅᖃᐅᓯᖏᑦ ᓈᓚᓚᐅᖏᓐᓇᑦᓯᐅᒃ.

ᔨᕆᒤᐊᐅᑉ ᐊᒡᓚᖏᑦ 29:19

ᐅᖃᐅᓯᓐᓂᒃ ᓈᓚᓚᐅᖏᒻᒪᑕ, ᐊᑕᓂᖅ ᐅᖃᕐᐳᖅ, ᐅᓄᕐᑐᐃᕐᓱᕐᓗᖓ ᐅᖃᕐᑕᐅᖁᔭᓐᓂᒃ ᑐᓴᕐᑎᖃᑦᑕᓚᐅᕋᓗᐊᕋᒃᑭᑦ ᐅᖃᕐᑎᒃᑲ ᐊᖅᑯᑎᒋᓪᓗᒋᑦ, ᐃᓕᑦᓯᑦᑕᐅᖅ ᓈᓚᒍᒪᓚᐅᓐᖏᓚᓯ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 32:33

ᐅᕙᓐᓂᒃ ᑐᓄᐃᓚᐅᕐᒪᑕ ᓵᓐᖓᓇᓱᐊᕈᓐᓃᕐᓗᑎᒡᓘᓐᓃᑦ ᐊᔪᕆᕐᑐᖃᑦᑕᓚᐅᕋᓗᐊᕐᐸᒃᑲ ᐅᓄᕐᑐᐃᕐᓱᕐᓗᒋᑦ ᓈᓚᒍᒪᓚᐅᓐᖏᓚᓪᓕ, ᑐᓴᕈᒪᓇᑎᒡᓘᓐᓃᑦ ᐋᖅᑭᒋᐊᕐᓯᓂᕆᓇᓱᐊᕐᑕᓐᓂᒃ.

ᔨᕆᒤᐊᐅᑉ ᐊᒡᓚᖏᑦ 32:34

ᒎᑎᓐᖑᐊᒥᖕᓂᒃ ᓇᕐᕈᓇᕐᑐᕐᔪᐊᓂᒃ ᐃᒡᓗᖁᑎᓐᓄᐊᕐᓯᓯᒪᖕᒪᑕ ᐅᕙᓐᓂᒃ ᐊᑎᓕᖕᒧᑦ, ᓱᕈᕐᑎᑕᐅᓪᓗᓂ.

ᔨᕆᒤᐊᐅᑉ ᐊᒡᓚᖏᑦ 32:35

ᒎᑎᓐᖑᐊᓪᓗ ᐰᓕᐅᑉ ᐃᓂᒃᓴᖏᓐᓂᒃ ᐳᕐᑐᔪᓂᒃ ᓴᓇᓯᒪᕗᑦ ᐱᓐ ᕼᐃᓇᐅᑉ ᓇᕐᓴᖓᓂ, ᑐᓂᕐᕈᓯᕈᒪᓪᓗᑎᒃ ᐃᕐᓂᕐᒥᖕᓂᒃ ᐸᓂᖕᒥᖕᓂᒡᓗ ᒎᑎᓐᖑᐊᒧᑦ ᒧᓕᑭᒧᑦ, ᑎᓕᓚᐅᕐᓯᒪᖏᒃᑲᓗᐊᕐᐸᒃᑲ, ᐃᓱᒪᒋᓚᐅᕐᓯᒪᓇᒍᓘᓐᓃᑦ, ᑍᒫᒃ ᐱᐅᖏᑦᑐᐊᓗᖕᒥᒃ ᐊᑐᕐᓗᑎᒃ, ᔫᑕᐅᑉ ᐃᓄᖏᑦ ᐊᔪᕐᑐᓕᑎᑉᐰᑦ.”

ᔨᕆᒤᐊᐅᑉ ᐊᒡᓚᖏᑦ 35:15

ᐅᓄᕐᑐᐃᕐᓱᕐᓗᖓ ᐅᖃᕐᑎᒃᑲ ᑎᓕᕙᓚᐅᕐᐸᒃᑲ ᐃᓕᑦᓯᓐᓄᑦ, ᐅᖃᕐᐸᓚᐅᕐᐳᓪᓗ, ‘ᓵᒋᐊᕐᑐᒃᓴᐅᕗᓯ ᐱᐅᖏᑦᑐᓕᓂᑦᓯᓐᓂᑦ ᐊᑲᐅᔪᒥᒡᓗ ᐃᓕᖅᑯᓯᖃᓕᕐᓗᓯ; ᒎᑎᓐᖑᐊᓂᒃ ᒪᓕᓕᕐᑍᓕᒋᑦᓯ ᐱᓂᐊᕐᕕᒋᓇᒋᓪᓘᓐᓃᑦ, ᑕᕝᕙ ᐃᓅᓂᐊᕐᐳᓯ ᓯᕗᓕᑦᓯᓐᓄᑦ ᐃᓕᑦᓯᓐᓄᓪᓗ ᓄᓇᒋᔭᐅᖁᓚᐅᕐᑕᓐᓂ.’ ᑭᓯᐊᓂᓕ ᑐᓴᕈᓐᓇᓚᐅᓐᖏᓚᑦᓯᓐᖓ ᓈᓚᒍᒪᓇᖓᓗ.

ᔨᕆᒤᐊᐅᑉ ᐊᒡᓚᖏᑦ 35:17

ᑍᒤᒻᒪᑦ ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ ᐃᓴᕆᐊᓕᒥᐅᑦ ᒎᑎᖓᑦ, ᔫᑕᒥᐅᓄᑦ ᔨᕉᓴᓕᒥᐅᓕᒫᓄᓪᓗ ᑎᑭᑕᐅᑎᑦᓯᔪᒫᕐᐳᖓ ᑲᑉᐱᐊᓇᕐᑐᓂᒃ ᑎᑭᓐᓂᐊᕐᓂᕋᕐᓯᒪᔭᓐᓂᒃ, ᐅᖃᐅᑎᕙᓚᐅᕋᓗᐊᕋᒃᑭᑦ ᓈᓚᒍᒪᓚᐅᖏᒻᒪᑕ, ᑎᓕᓯᑦᔪᑎᓐᓂᒡᓗ ᓈᓚᒍᒪᓚᐅᕋᑎᒃ.”

ᔨᕆᒤᐊᐅᑉ ᐊᒡᓚᖏᑦ 7:13

ᑕᒪᒃᑯᓂᖓ ᐱᔪᒥᓇᖏᑦᑐᓂᒃ ᐱᓇᓱᐊᕐᑎᓪᓗᓯ, ᐊᑕᓂᖅ ᐅᖃᕐᐳᖅ ᐃᓕᑦᓯᓐᓄᑦ ᐅᖃᕋᓱᐊᖃᑦᑕᓚᐅᕋᓗᐊᕐᐳᖓ ᐅᓄᕐᑐᐃᕐᓱᕐᓗᖓ, ᓈᓚᓚᐅᓐᖏᓚᑦᓯᓐᖓᓕ, ᐅᖃᐅᑦᔨᓇᓱᐊᕋᓗᐊᕐᑎᓪᓗᖓ ᑭᐅᔪᓐᓇᓚᐅᓐᖏᓚᓯ.

ᔨᕆᒤᐊᐅᑉ ᐊᒡᓚᖏᑦ 7:17

ᑕᑯᖃᑦᑕᓐᖏᓚᑏᑦ? ᖃᓄᐃᓕᐅᕐᓂᕆᔭᖏᓐᓂᒃ ᔫᑕᒥ ᔨᕉᓴᓕᒥᐅᓪᓗ ᐊᖅᑯᓯᓂᖏᓐᓃ?

ᔨᕆᒤᐊᐅᑉ ᐊᒡᓚᖏᑦ 7:18

ᕿᑐᕐᖓᖏᑦ ᐃᑯᐊᓚᑦᓯᑦᔪᑎᒃᓴᓂᒃ ᕿᔪᒃᑕᕐᐳᑦ, ᐊᑖᑕᖏᑕᓗ ᐃᑭᓵᕐᓗᓂᒋᑦ, ᐊᕐᓇᖏᓪᓗ ᓂᐊᖂᔭᓕᐊᒃᓴᒥᖕᓂᒃ ᐃᖑᑦᓯᕗᑦ, ᓂᐊᖂᔭᓂᒡᓗ ᖃᓚᑦᑎᕗᑦ ᕿᓚᐅᑉ ᑯᐃᖓᑕ ᐱᓂᐊᕐᑕᖏᓐᓂᒃ. ᐃᒥᕐᑕᐅᔪᒃᓴᓂᒡᓗ ᑐᓂᕐᕈᓯᕐᐳᑦ ᒎᑎᓐᖑᐊᓄᑦ ᐅᕙᓐᓂᒃ ᓂᓐᖓᒃᓮᓪᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 7:25

ᓯᕗᓕᕕᓂᓯ ᐄᑦᔨᑉᑎᒥᑦ ᐊᐅᓪᓚᕐᑎᑕᐅᓯᒪᓂᖓᑕ ᑭᖑᓂᖓᓂᑦ ᐱᒋᐊᕐᓗᒍ ᐅᓪᓗᒥᒧᑦ ᑎᑭᓪᓗᒍ, ᖃᐅᑕᒫᑦ ᐅᓄᕐᑐᐃᕐᓱᕐᓗᖓ ᑎᓕᓯᕕᒋᖃᑦᑕᕐᓯᒪᕙᒃᑲ ᐱᔪᖃᓛᕐᑐᒥᒃ ᐅᖃᕐᑎᓐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 16:36

“ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ, ᑲᓐᖑᓇᕐᑐᓕᓂᓯ ᓴᖅᑭᔮᑦᓯᐊᕐᐳᖅ ᐊᓐᓄᕅᔭᕐᑎᕐᓗᓯ ᐅᕕᓃᓐᓇᐅᓕᖃᑦᑕᕐᓂᑦᓯᑐᑦ ᐃᓐᓇᖓᖃᑎᖃᕐᓗᓯ ᐅᖓᒋᔨᑦᓯᓐᓂᒃ, ᒎᑎᓐᖑᐊᖃᕐᓂᓕᒫᓯᓗ, ᕿᑐᕐᖓᓯᓗ ᐊᐅᖏᓐᓂᒃ ᑐᓂᕐᕈᑎᖃᖃᑦᑕᕐᓂᓯ ᑖᒃᑯᓄᖓ,

ᐃᓯᑭᐊᓕᐅᑉ ᐊᒡᓚᖏᑦ 16:47

ᓈᒻᒪᒃᓯᓚᐅᓐᖏᓚᑎᑦ ᐊᑐᓚᐅᕐᑕᖓᓂᒃ ᐊᑐᕋᓗᐊᕋᕕᑦ, ᓇᕐᕈᓇᕐᑐᓂᒡᓗ ᐱᓇᓱᐊᓚᐅᕐᑕᖏᑕ ᐊᑦᔨᖏᓐᓂᒃ ᐊᑐᕐᓗᑎᑦ; ᐊᑯᓂᐅᖏᑦᑐᖅ ᑍᒃᑯᓇᓐᖓᑦ ᐱᐅᖏᓐᓂᕐᓵᓗᖕᓂᒃ ᐊᑐᓕᓚᐅᕐᐳᑎᑦ ᐃᓕᖅᑯᓯᕆᔭᓕᒫᒃᑯᑦ.

ᐃᓯᑭᐊᓕᐅᑉ ᐊᒡᓚᖏᑦ 18:31

ᐱᐅᖏᑦᑐᓕᓂᓕᒫᑦ ᐱᓇᓱᐊᓚᐅᕐᑕᓯ ᕿᒪᒡᓗᒋᑦ, ᓄᑖᒥᒃ ᐆᒻᒪᑎᑖᓕᕆᑦᓯ ᓄᑖᒥᒡᓗ ᐊᓂᕐᓂᕐᑖᕐᓗᓯ! ᓱᖕᒪᑦ ᐃᓴᕆᐊᓕᒥᐅᑦ ᑭᖑᕚᖑᖃᑎᒌᑦ ᑐᖁᔪᒪᕕᓰ?

ᐃᓯᑭᐊᓕᐅᑉ ᐊᒡᓚᖏᑦ 8:10

ᑕᕝᕙ ᐃᑎᕐᐳᖓ ᑕᑯᓪᓗᖓᓗ; ᐊᑭᓐᓇᕐᒥ ᑎᑎᕋᐅᔭᕐᕕᒋᓯᒪᕗᑦ ᖁᐱᕐᕈᓐᖑᐊᓂᒃ ᐹᕐᖑᕐᑐᓂᒃ ᖃᓄᐃᑦᑐᑐᐃᓐᓇᕐᓂᒃ, ᐆᒪᔪᕐᓗᓐᖑᐊᓂᒃ ᓇᕐᕈᓇᕐᑐᓂᒃ, ᐃᓴᕆᐊᓕᐅᓪᓗ ᑭᖑᕚᖏᑕ ᒎᑎᓐᖑᐊᓕᒫᖏᓐᓂᒃ.

ᑖᓂᐊᓕᐅᑉ ᐊᒡᓚᖏᑦ 9:6

ᐱᔨᑎᑦ ᐅᖃᕐᑎᑎᑦ ᓈᓚᖃᑦᑕᕐᓯᒪᖏᓐᓇᑦᑎᒍ, ᐃᕝᕕᑦ ᐊᑎᖓᓂ ᐅᖃᓪᓚᖃᑕᕐᓯᒪᔪᑦ ᐊᖓᔪᖅᑳᕐᔪᐊᓄᑦ, ᐊᖓᔪᖅᑳᓄᓪᓗ ᓯᕗᓕᕕᓂᑦᑎᓐᓄᓪᓗ, ᐃᓄᖕᓄᓪᓗ ᓄᓇᑎᓐᓂ ᓄᓇᖃᕐᑐᓕᒫᓄᑦ.

ᓴᑲᕅᐊᐅᑉ ᐊᒡᓚᖏᑦ 7:7

ᐊᑕᓂᖅ ᑍᒫᒃ ᐅᖃᖃᑦᑕᓚᐅᕐᐳᖅ ᐅᖃᕐᑎᒥᒍᑦ ᓯᕗᓪᓕᕐᑎᒍᑦ ᔨᕉᓴᓕᒻᒥᐅᑦ ᖃᓂᒋᔭᖏᓐᓃᑦᑐᓪᓗ ᓮᒻᒪᖃᑎᒌᑦᓯᐊᕐᑎᓪᓗᒋᑦ ᐊᔪᕐᓴᖏᑦᓯᐊᕐᑎᓪᓗᒋᓪᓗ, ᓂᕆᕕᒃ ᐃᓄᖃᕐᑎᓪᓗᒍ ᓯᕿᓂᐅᓪᓗ ᓂᐱᕕᐊᑕ ᓇᓛᓃᑦᑐᑦ ᐱᖑᐃᑦ ᐊᑖᓂ ᓄᓇᓕᖃᕐᑎᓪᓗᒋᑦ.

ᐲᑦᑐᕉᓯ ᓯᕗᓪᓖᑦ 4:3

ᐊᓂᒍᕐᓯᒪᓕᕐᒪᑕ ᐃᓅᓯᕆᓚᐅᕐᑕᓯ ᐅᒃᐱᖏᑦᑐᑦ ᐱᔪᒪᓂᖏᑦ ᒪᓕᒃᓗᒋᑦ, ᐃᓅᓯᒪᒐᑦᓯ ᑲᓐᖑᓇᕐᑐᓕᓂᕐᓂᒃ, ᐃᒃᖠᒍᖕᓂᕐᓂᒃ, ᐋᖓᔮᕐᓂᕐᓂᒃ, ᓄᓕᐊᕐᓂᕐᓂᒃ, ᐃᒥᐊᓗᖕᒧᑦ ᖁᕕᐊᓲᑎᖃᕐᓂᕐᓂᒃ, ᓇᕐᕈᓇᕐᑐᓄᓪᓗ ᑐᒃᓯᐊᖃᑦᑕᕐᓂᕐᓂᒃ ᒎᑎᐅᖏᑦᑐᓄᑦ.