ᔨᕆᒤᐊᐅᑉ ᐊᒡᓚᖏᑦ 44:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐃᓄᒋᓚᐅᕐᑕᖏᓐᓂᑦ ᓂᓐᖓᒃᑎᑕᐅᓚᐅᕋᒪ ᐱᐅᖏᑦᑐᓕᓂᖏᓐᓄᑦ, ᑐᓂᕐᕈᓯᕐᓗᑎᒃ ᑐᒃᓯᐊᕐᕕᖃᖃᑦᑕᓚᐅᕐᒪᑕ ᐊᓯᓐᓂᒃ ᒎᑎᒋᔪᒪᔭᒥᖕᓂᒃ ᑖᒃᑯᐊᓗ ᐱᔨᑦᓯᖔᓕᕐᓗᒋᑦ ᓯᕗᓕᕕᓂᖏᑕ ᓯᕗᓕᕕᓂᑦᓯᓗ ᑐᒃᓯᐊᕐᕕᒋᓂᐅᔭᓚᐅᓐᖏᑕᖏᓐᓂᒃ.

ᔨᕆᒤᐊᐅᑉ ᐊᒡᓚᖏᑦ 44:3 Iomraidhean Croise

ᓂᕼᐃᒤᐊᐅᑉ ᐊᒡᓚᖏᑦ 9:33

ᓈᒻᒪᒃᑐᒥᒃ ᐱᓇᓱᐊᕐᓯᒪᕗᑎᑦ ᓱᒋᐊᕐᓗᑕ; ᓱᖁᓯᔪᐃᑦᑑᓪᓗᑎᑦ ᑲᔪᓯᑦᓯᐊᕐᓯᒪᕗᑎᑦ, ᐅᕙᒍᓪᓕ ᐊᔪᕐᑐᓕᓯᒪᕗᒍᑦ.

ᐂᓮᐊᓯᐅᑉ ᐊᒡᓚᖏᑦ 3:8

ᔨᕉᓴᓕᒻ ᐹᓪᓚᒃᓯᒪᕗᖅ, ᔫᑕᓗ ᑲᑕᒃᓯᒪᓪᓗᓂ; ᐅᖃᐅᓯᖏᑦ ᐱᓂᐊᕐᓂᖏᓪᓗ ᐊᑭᕋᕐᑐᕐᒪᑕ ᐊᑕᓂᕐᒥᒃ ᑲᒪᒋᓇᒍ ᓇᔫᑎᓂᖓᑕ ᐱᓐᓇᕐᓇᕐᓂᕐᔪᐊᖓ.

ᔨᕆᒤᐊᐅᑉ ᐊᒡᓚᖏᑦ 11:17

“ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᐱᕈᕐᑎᓚᐅᕋᓗᐊᕐᒪᓯ, ᐃᓴᕆᐊᓕᒥᐅᓪᓕ ᔫᑕᒥᐅᓪᓗ ᐅᕙᓐᓂᒃ ᓂᓐᖓᒃᓮᓯᒪᕗᑦ ᐱᐅᖏᑦᑐᓕᓂᕐᒥᖕᓄᑦ, ᑐᓂᕐᕈᓯᕐᓗᑎᒃ ᒎᑎᓐᖑᐊᒧᑦ ᐰᓕᒧᑦ.”

ᔨᕆᒤᐊᐅᑉ ᐊᒡᓚᖏᑦ 16:10

“ᑕᒪᒃᑯᓂᖓᓕ ᐅᖃᐅᑎᒍᕕᒋᑦ, ᐊᐱᕆᔭᐅᒍᕕᑦ ᐃᒫᒃ, ‘ᓱᖕᒪᑦ ᐊᑕᓂᖅ ᑍᒫᓗᐊᕌᓗᒃ ᑲᑉᐱᐊᓇᕐᑐᓂᒃ ᑎᑭᑎᑦᓯᕚ ᐅᕙᑦᑎᓐᓄᑦ? ᓱᓇᒥᒃ ᐱᐅᖏᑦᑐᓕᑦᔪᑎᖃᕐᓂᕋᑦᑖ? ᓱᓇᒥᒡᓗ ᐊᔪᕐᑐᓕᓐᓂᕋᑦᑕ ᐊᑕᓂᕐᒧᑦ ᒎᑎᑦᑎᓐᓅᑦ?’

ᔨᕆᒤᐊᐅᑉ ᐊᒡᓚᖏᑦ 22:9

ᑭᐅᔭᐅᔪᒫᕐᐳᓪᓗ, “ᐊᑕᓂᐅᑉ ᒎᑎᒥᑕ ᐊᖏᖃᑎᒌᒍᑎᒋᓯᒪᔭᖓᓂᒃ ᕿᒤᓚᐅᕐᒪᑕ, ᑐᒃᓯᐊᕐᕕᖃᖔᓕᕐᓗᑎᒡᓗ ᐱᔨᑦᓯᖔᓕᕐᓗᑎᒃ ᒎᑎᓐᖑᐊᓂᒃ.”’”

ᔨᕆᒤᐊᐅᑉ ᐊᒡᓚᖏᑦ 29:19

ᐅᖃᐅᓯᓐᓂᒃ ᓈᓚᓚᐅᖏᒻᒪᑕ, ᐊᑕᓂᖅ ᐅᖃᕐᐳᖅ, ᐅᓄᕐᑐᐃᕐᓱᕐᓗᖓ ᐅᖃᕐᑕᐅᖁᔭᓐᓂᒃ ᑐᓴᕐᑎᖃᑦᑕᓚᐅᕋᓗᐊᕋᒃᑭᑦ ᐅᖃᕐᑎᒃᑲ ᐊᖅᑯᑎᒋᓪᓗᒋᑦ, ᐃᓕᑦᓯᑦᑕᐅᖅ ᓈᓚᒍᒪᓚᐅᓐᖏᓚᓯ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 32:30

ᐃᓴᕆᐊᓕᒥᐅᑦ ᔫᑕᒥᐅᓪᓗ ᐃᓄᖏᑦ ᓵᓐᓂ ᐱᐅᖏᑦᑐᐃᓐᓇᕐᒥᒃ ᐃᓕᖅᑯᓯᖃᕐᓯᒪᖕᒪᑕ ᒪᒃᑯᖕᓂᕐᒥᖕᓂᑦ, ᐃᓴᕆᐊᓕᒥᐅᓪᓕ ᓂᓐᖓᒃᓮᕗᑦ ᐊᒡᒐᖏᑕ ᐱᓂᐊᕐᓂᖏᑎᒍᑦ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 44:23

ᑐᓂᕐᕈᓯᖃᑦᑕᓚᐅᕋᑦᓯ ᐊᑕᓂᕐᓗ ᐊᔪᕐᑐᓕᕕᒋᓪᓗᒍ, ᓈᓚᓚᐅᖏᓐᓇᑦᓯᐅᒃ ᐱᖁᔭᖏᓪᓗ ᒪᓕᖕᓇᒋᑦ ᑐᓴᕐᑕᐅᖁᔭᖏᓪᓗ ᐃᓱᒪᒋᓇᒋᑦ ᐊᖏᕐᓯᒪᓂᖏᓪᓘᓐᓃᑦ, ᑕᒪᑦᔭ ᑲᑉᐱᐊᓇᕐᑐᓂᒃ ᐊᑐᕈᑎᒋᓕᕐᑕᓯ ᐅᓪᓗᒥᓗ ᑕᑯᓯᒪᓕᕐᐸᓯ ᑍᒤᑦᑐᒦᑦᔪᑎᒋᔭᓯ ᓱᓇᒨᕐᒪᖔᑦ.”

ᔨᕆᒤᐊᐅᑉ ᐊᒡᓚᖏᑦ 44:8

ᓱᖕᒪᑦ ᓂᓐᖓᒃᑎᓐᓇᓱᐊᕐᐱᓯᓐᖔ ᑐᒃᓯᐊᕐᕕᖃᕐᓂᑦᓯᓐᓄᑦ ᒎᑎᓐᖑᐊᓄᑦ ᑐᓂᕐᕈᓯᕐᕕᒋᓪᓗᒋᓪᓗ ᐄᑦᔨᑉᑎᒥ ᒎᑎᒋᔭᐅᔪᑦ? ᑍᒤᓕᐅᕋᓱᐊᕐᐱᓰ? ᓄᖑᑦᓯᐊᒻᒪᕆᒍᒪᓪᓗᓯ, ᓄᓇᒥ ᐃᓅᖃᑎᒌᒡᔪᐊᖑᔪᓄᑦ ᒥᑕᐅᑎᒋᔭᒃᓴᓐᖑᕈᒪᓪᓗᓯ ᐅᖃᕐᓂᕐᓘᑎᒃᓴᐅᔪᒪᓪᓗᓯᓘ?

ᔨᕆᒤᐊᐅᑉ ᐊᒡᓚᖏᑦ 5:19

ᐃᓄᐃᓪᓗ ᐊᐱᕆᒃᐸᑕ, “ᖃᓄᐃᒻᒪᑦ ᐊᑕᓂᐅᑉ ᒎᑎᑦᑕ ᑍᒤᓕᐅᕐᑕᐅᑎᑉᐹᑎᒎᑦ? ᐅᖃᐅᑎᔭᒃᓴᕆᕙᑎᑦ, ᓄᓇᒋᔭᑦᓯᓐᓃᒃᑲᓗᐊᕐᓗᓯ ᐅᕙᓐᓂᒃ ᕿᒤᓪᓗᓯ ᐊᓯᑦᓯ ᒎᑎᒋᔭᖏᓐᓂᒃ ᒪᓕᖔᓕᓚᐅᕋᑦᓯ, ᓄᓇᒋᓐᖏᑕᑦᓯᓐᓃᓪᓗᓯ ᔫᑎᐅᖏᑦᑐᓄᑦ ᐊᐅᓚᑕᐅᓕᕈᒫᕐᐳᓯ.”

ᔨᕆᒤᐊᐅᑉ ᐊᒡᓚᖏᑦ 5:29

ᑕᒪᒃᑯᓄᖓ ᓱᒋᐊᕆᐊᖃᓐᖏᓚᒃᑳ? ᐊᑕᓂᖅ ᐅᖃᕐᐳᖅ, ᐊᑭᓂᐊᕐᑐᒃᓴᐅᓐᖏᓚᖔ ᐃᓅᖃᑎᒋᒡᔪᐊᓂᒃ ᑍᒤᓕᐅᕐᑐᓃᒃ?

ᔨᕆᒤᐊᐅᑉ ᐊᒡᓚᖏᑦ 7:19

ᐅᕙᓐᓂᒃ ᓂᓐᖓᒃᓮᒐᓗᐊᕐᐹᑦ? ᐊᑕᓂᖅ ᐅᖃᕐᐳᖅ, ᑍᒤᓕᐅᕐᓂᕐᒥᖕᓄᑦ ᐃᒻᒥᖕᓂᖔᖅ ᐊᓯᕈᕈᑎᒃᓴᓕᐅᓕᓐᖏᓛᑦ ᑲᓐᖑᓇᕐᑐᒦᑎᓪᓗᑎᒡᓗ?

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:8

ᔨᕉᓴᓕᒥᐅᑦ ᐊᔪᕐᑐᓕᓚᐅᕐᒪᑕ ᕿᒃᓵᖕᓇᕐᑐᒥᒃ ᒥᑕᐅᑎᒃᓴᑐᐃᓐᓇᐅᓕᕐᐳᑦ, ᐅᐱᒍᓲᑎᖃᓚᐅᕐᑐᓕᒫᑦ ᒫᓐᓇ ᓇᕐᕈᓕᕐᐳᑦ, ᓱᓇᖃᖏᓐᓂᖓ ᑕᑯᓕᕋᒥᑦᔪᒃ, ᓇᖕᒥᓂᕐᓗ ᐋᓐᓂᐊᑎᑉᐳᑦ ᑲᓐᖑᓱᒃᓗᑎᒡᓗ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:13

ᑍᒤᑦᓱᓐᓁᓚᐅᕐᐳᕐᓕ, ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑦ, ᑐᓂᕐᕈᓯᕐᑎᑦᓯᔨᖁᑎᖏᓪᓗ ᒎᑎᒧᑦ ᐊᔪᕐᑐᓕᓚᐅᕐᒪᑕ ᑐᖁᑕᐅᑎᑦᑎᓯᒪᓂᕐᒥᖕᓄᑦ ᐸᓯᔭᒃᓴᐅᖏᑦᑐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 9:9

ᑕᕝᕙ ᐅᖃᐅᑎᕚᖓ, “ᐃᓴᕆᐊᓕᐅᑉ ᔫᑕᐅᓪᓗ ᑭᖑᕚᖏᑦ ᐸᓯᔭᒃᓴᐅᓗᐊᕐᒪᑕ; ᓄᓇ ᐊᐅᖕᒥᒃ ᑕᑕᒻᒪᑦ, ᐃᒡᓗᒐᓴᒡᔪᐊᕐᒥᐅᓪᓗ ᐊᑦᔨᒌᒃᑎᑦᓯᓇᑎᒃ; ᐅᖃᖃᑦᑕᕐᒪᑕ, ‘ᐊᑕᓂᖅ ᓄᓇᒥᒃ ᖁᔭᓈᕐᓯᕗᖅ, ᑕᑯᓐᓇᕈᓐᓃᕐᓗᓂᓗ.’

ᑖᓂᐊᓕᐅᑉ ᐊᒡᓚᖏᑦ 9:5

“ᐱᐅᖏᑦᑐᓕᓯᒪᒐᑦᑕ ᓈᒻᒪᖏᑦᑐᓂᒡᓗ ᐱᓂᐊᕐᓂᖃᕐᓯᒪᓪᓗᑕ, ᐱᐅᖏᑦᑐᐊᓘᓯᒪᒐᑦᑕ ᐃᓕᖕᓂᒡᓗ ᐊᑭᕋᕐᑐᕐᓯᒪᓪᓗᑕ; ᒪᓕᒐᒃᓴᐅᖁᔭᕐᓂᒃ ᐱᖁᔭᕐᓂᒡᓗ ᕿᒤᓯᒪᒐᑦᑕ.

ᒨᓯᓯ ᑕᓪᓕᒪᖏᑦ 13:6

“ᖃᑕᓐᖑᑎᕕᑦ, ᐊᓈᓇᕕᑦ ᐃᕐᓂᕕᓪᓘᓐᓃᑦ, ᐸᓂᕕᓪᓘᓐᓃᑦ, ᓄᓕᐊᕕᓪᓘᓐᓃᑦ ᓇᒡᓕᒋᒻᒪᕆᒃᑕᕕᑦ ᐱᖃᓐᓇᕆᔭᕕᓪᓘᓐᓃᑦ ᖃᓂᒋᒻᒪᕆᒃᑕᕕᑦ ᐃᔨᕋᕐᑐᕐᓗᓂ ᒎᑎᓐᖑᐊᓄᑦ ᑐᒃᓯᐊᖃᑦᑕᖁᓗᓂᑎᑦ ᐃᓇᓐᓇᓱᐊᕐᐸᑎᑦ, ᒎᑎᒋᔭᐅᔪᓄᑦ ᐃᕝᕕᓪᓗ ᓯᕗᓕᕕᓂᕐᐱᓪᓗ ᖃᐅᔨᓚᐅᕐᓯᒪᓐᖏᑕᖏᓐᓄᑦ.

ᒨᓯᓯ ᑕᓪᓕᒪᖏᑦ 29:25

ᑕᒪᓐᓇ ᐃᒤᓕᖓᔪᒥᒃ, ‘ᐱᑦᔪᑎᖃᕐᐳᖅ ᐊᑕᓂᐅᑉ ᐃᓄᖁᑎᖏᑕ ᑖᑦᓱᒧᖓ ᐊᖏᖃᑎᒌᒍᑎᒋᓚᐅᕐᑕᓂ ᓯᖁᓯᒥᒪᖕᒪᒋᑦ, ᓯᕗᓕᕕᓂᖏᑕ ᒎᑎᖓᓄᑦ, ᐊᖏᖃᑎᒌᒍᑎᓕᐊᕆᓚᐅᕐᑕᖓᓄᑦ ᐄᑦᔨᑉᑎᒥᑦ ᐊᐅᓪᓚᕐᑎᓐᓇᒥᒋᑦ.

ᒨᓯᓯ ᑕᓪᓕᒪᖏᑦ 29:26

ᒎᑎᒋᔭᐅᔪᓂᒃ ᑖᑦᓱᒪ ᐊᓯᖏᓐᓂᒃ ᑐᒃᓯᐊᕐᕕᖃᖃᑦᑕᓕᕐᒪᑕ ᓯᕗᓂᖓᒍᑦ ᑐᒃᓯᐊᕐᕕᒋᖃᑦᑕᓚᐅᕐᓯᒪᓐᖏᑕᒥᖕᓄᑦ, ᒎᑎᓄᑦ ᐊᑕᓂᐅᑉ ᑐᒃᓯᐊᕐᕕᐅᖃᑦᑕᖁᓚᐅᓐᖏᑕᖏᓐᓄᑦ.

ᒨᓯᓯ ᑕᓪᓕᒪᖏᑦ 32:17

ᐊᓂᕐᓂᕐᓗᖕᓄᑦ ᑐᓂᕐᕈᓯᖃᑦᑕᓚᐅᕐᐳᑦ ᒎᑎᒨᖏᑦᑐᖅ, ᒎᑎᓄᑦ ᓯᕗᓕᕕᓂᖏᑕ ᖃᐅᔨᒪᓚᐅᓐᖏᑕᖏᓐᓄᑦ, ᓄᑖᓄᑦ ᒎᑎᓄᑦ ᖃᐅᔨᒪᓚᐅᓐᖏᑕᒥᖕᓄᑦ, ᒎᑎᓄᑦ ᓯᕗᓕᕕᓂᑦᓯ ᓈᓚᓚᐅᕐᓯᒪᓐᖏᑕᖏᓐᓄᑦ.

ᐄᑉᕈᐃᓄᑦ 3:16

ᑭᓇᒃᑰᓚᐅᕐᐸᑦ ᑍᒃᑯᐊ ᑐᓴᓚᐅᕐᑐᑦ ᐊᑭᕋᕐᑐᓚᐅᕐᑐᓪᓗ? ᑖᒃᑯᐊᖑᓐᖏᓛᑦ ᒨᓯᓯᐅᑉ ᐄᑦᔨᑉᑎᒥᑦ ᐊᐅᓪᓚᕈᑎᓚᐅᕐᑕᓕᒫᖏᑦ?