16 “ᐊᑕᓂᐅᑉ ᐊᑎᖓᓂ ᐅᖃᐅᓯᕆᔭᑎᑦ ᓈᓚᖕᓂᐊᓐᖏᓚᕗᑦ,
“ᐊᐅᓚᑦᓯᓂᖏᑦ ᓯᖁᒥᑦᓱᒪᕙᕗᑦ, ᐃᐱᕐᓯᒪᐅᑎᖏᓪᓗ ᐅᕙᑦᑎᓐᓄᑦ ᑭᐱᔪᒪᕙᕗᑦ.”
ᐰᕉᓕ ᐅᖃᕐᐳᖅ, “ᐊᑕᓂᖅ ᖃᓄᐃᑦᑑᖕᒪᑦ, ᑖᑦᓱᒪ ᐱᖁᔨᓂᖓ ᓈᓚᒋᐊᖃᕋᔭᕈᒃᑯ ᐃᓴᕆᐊᓕᒥᐅᓂᒃ ᐊᐅᓪᓚᕐᑎᑦᓯᔪᓐᓇᖁᓪᓗᖔ? ᑖᓐᓇ ᐊᑕᓂᐅᓂᕋᕐᑕᓯ ᖃᐅᔨᒪᓐᖏᓚᕋ, ᑍᒤᒻᒪᑦ ᐃᓴᕆᐊᓕᒥᐅᑦ ᐊᐅᓪᓚᖁᓂᐊᓐᖏᓚᒃᑲ.”
ᕾᖁᓚᐅᕋᒃᑭᑦ ᓈᓚᒍᒪᓚᐅᓐᖏᓚᑎᑦ, ᐃᓴᒻᒥᖃᑦᑕᕐᓯᒪᕗᖓ ᓇᓪᓕᐊᓐᓄᓪᓘᓐᓃᑦ ᐅᐸᒋᐊᕐᑕᐅᓚᐅᕐᓯᒪᓇᖓ.
ᑮᓇᖏᑕ ᑕᑯᒃᓴᐅᓂᖏᑦ ᓇᓗᓁᕐᓯᕗᑦ ᐸᓯᔭᒃᓴᐅᓂᖏᓐᓂᒃ; ᐊᔪᕐᓂᑎᒃ ᓴᖅᑭᑎᑉᐰᑦ ᓱᑑᒪᒥᐅᑎᑐᑦ, ᐃᔨᕐᓯᒪᓇᒋᓪᓗ. ᑲᑉᐱᐊᓐᓇᒦᒃ ᑕᕐᓂᖏᑦ! ᐱᐅᖏᑦᑐᒥᒃ ᐃᒻᒥᖕᓄᑦ ᓇᖕᒥᓂᖅ ᐱᑎᑦᓯᖕᒪᑕ.
ᓯᕗᓕᕆᓚᐅᕐᑕᒥ ᐊᔪᕐᑐᓕᑦᔪᑎᒋᕙᓚᐅᕐᑕᖏᓐᓄᑦ ᐅᑎᕐᒪᑕ, ᓈᓚᒍᒪᕙᓚᐅᖏᑦᑐᓄᑦ ᐅᖃᐅᓯᕐᓂᒃ, ᐊᓯᓐᓂᒡᓗ ᒎᑎᖃᕋᓱᐊᕐᐳᑦ ᐱᔨᑦᓯᕈᒪᔭᒥᖕᓂᒃ; ᐃᓴᕆᐊᓕᒥᐅᑦ ᔫᑕᒥᐅᓪᓗ ᑕᒪᕐᒥᒃ ᓯᖁᒥᑦᑎᓯᒪᖕᒪᑕ ᓯᕗᓕᖏᓐᓄᑦ ᐊᖏᖃᑎᒌᒍᑎᒋᓯᒪᔭᓐᓂᒃ.”
ᑐᓴᓚᐅᓐᖏᓚᓪᓕ ᓈᓚᒐᓱᐊᓚᐅᓐᖏᓚᓪᓘᓐᓃᑦ ᒪᓕᖔᓚᐅᕐᐳᓪᓕ ᐆᒻᒪᑎᒥ ᓯᑎᔫᑦᔪᑎᒋᔭᖏᓐᓂᒃ ᐱᐅᖏᑦᑐᓂᒃ. ᑍᒤᒻᒪᑦ ᑐᓂᓚᐅᕐᐸᒃᑲ ᐊᖏᖃᑎᒌᖕᓂᐅᑉ ᐅᖃᐅᓯᖏᓐᓂᒃ, ᒪᓕᒃᑕᐅᖁᓪᓗᒋᑦ ᑖᒃᑯᓄᖓ, ᒪᓕᒍᒪᓚᐅᓐᖏᓚᓪᓕ.”
ᐃᓄᐃᑦ ᐅᑯᐊ ᐱᐅᖏᑦᑐᓕᔪᑦ, ᐅᖃᐅᓯᓐᓂᒃ ᓈᓚᒍᒪᓐᖏᓚᑦ, ᐆᒻᒪᑎᒥᓗ ᓯᑎᓂᖏᓐᓄᑦ ᒎᑎᓐᖑᐊᓂᒃ ᒪᓕᒍᒪᕗᑦ ᑐᒃᓯᐊᕐᕕᖃᖃᑦᑕᕈᒪᓪᓗᑎᒃ, ᑍᒤᑦᓱᒫᕆᕗᑦ ᑖᑦᓱᑐᓇᖅ ᕿᑎᕈᑎᑐᑦ ᐊᑑᑎᒃᓴᖃᕈᓐᓃᕐᑐᑐᑦ.
ᐃᓄᐃᓪᓕ ᐅᖃᕐᐳᑦ, “ᔨᕆᒤᐊ ᖃᓄᐃᓕᐅᕈᑎᒋᓚᐅᕐᓚᕗᑦ! ᑐᓂᕐᕈᓯᕐᑎᑦᓯᔩᑦ ᐱᖁᔭᓂᒃ ᐊᔪᕆᕐᑐᐃᓂᕆᕙᒃᑕᖏᑦ ᐊᓯᐅᑎᑕᐅᔭᕆᐊᖃᖏᒻᒪᑕ, ᐃᓕᓯᒪᑦᓯᐊᕐᑐᓪᓗ ᐅᖃᐅᑦᔪᐃᓂᖏᑦ, ᐱᔪᖃᓛᕐᑐᒥᒡᓗ ᐅᖃᕐᑎᑦ ᐅᖃᐅᓯᖏᑦ. ᔨᕆᒤᐊ ᐸᓯᔭᒃᓴᓕᐊᕆᓚᐅᕐᓚᕗᑦ ᐅᖃᐅᓯᖏᓪᓗ ᓈᓚᖏᓪᓗᒋᑦ.”
ᐊᖓᔪᖅᑳᖑᔪᑦ ᐊᖓᔪᖅᑳᕐᔪᐊᕐᒧᑦ ᐅᖃᕐᐳᑦ, “ᐃᓄᒃ ᑖᓐᓇ ᑐᖁᑕᐅᔪᒃᓴᐅᕗᖅ, ᐅᓇᑕᕐᑐᒃᓴᓂᒃ ᓴᐱᕐᓵᕆᖕᒪᑦ ᐃᒡᓗᒐᓴᒡᔪᐊᓂ ᐊᒥᐊᒃᑰᔪᓂᒃ, ᐃᓄᖕᓂᒡᓗ, ᐅᖃᐅᓯᕆᖃᑦᑕᕐᑕᒥᓄᑦ ᐃᓄᖕᓂᒃ ᐱᔪᓐᓇᕐᓯᑎᑦᓯᓇᓱᐊᖏᒻᒪᑦ ᓴᐱᓕᕐᑎᑦᓯᓇᓱᖔᕐᒪᓪᓕ.”
“ᐅᖃᓕᕈᑦᓯᓕ, ‘ᓄᓇᖃᑦᔮᓐᖏᓚᒍᑦ ᑕᒫᓂ,’ ᐊᑕᓂᐅᓪᓗ ᒎᑎᑦᓯ ᓂᐱᖓ ᓈᓚᖏᒃᑯᑦᓯᐅᒃ,
ᐊᔭᕅᐊᐅᑉ ᕼᐅᓮᐊᐅᑉ ᐃᕐᓂᖓᑕ, ᔪᕼᐋᓇᓂᐅᓪᓗ ᑲᕆᐊᑉ ᐃᕐᓂᖓᑕ ᐊᓯᖏᑕᓗ ᐊᔪᖏᑦᑑᓐᓇᓱᒋᔪᑦ ᔨᕆᒤᐊ ᐅᖃᐅᑎᕚᑦ, “ᓱᓕᖏᑦᑐᓂᒃ ᐅᖃᕐᐳᑎᑦ ᐊᑕᓂᐅᑉ ᒎᑎᑦᑕ ᐅᕙᑦᑎᓐᓄᑦ ᑎᓕᓐᖏᓛᑎᑦ ᐅᖃᕐᑎᑦᓴᕐᑐᕐᓗᑎᑦ ᐄᑦᔨᑉᑎᒥ ᓄᓇᖃᖁᖏᓪᓗᑕ.
ᔨᕆᒤᐊᐅᑉ ᐅᖃᐅᑎᒃᑲᓐᓂᕐᐰᑦ ᐃᓄᓕᒫᑦ ᐊᕐᓁᓪᓗ, “ᐊᑕᓂᐅᑉ ᐅᖃᐅᓯᖏᑦ ᑐᓴᕐᓯᐅᒃ, ᔫᑕᒥᐅᑕᐅᔪᓯ ᐄᑦᔨᑉᑎᒦᓕᕐᑐᓯ.
ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ, ᑕᒪᑦᓯ ᓄᓕᐊᓯᓗ ᐱᓂᐊᕐᓂᑦᓯᒍᑦ ᓇᓗᓇᕈᓐᓃᕐᑎᑦᓯᕗᓯ ᐊᑐᕈᒪᓚᐅᕐᑕᓯ ᐅᖃᕐᑎᓪᓗᓯ, ‘ᐊᖏᖃᑎᒌᒍᑎᓕᐅᕐᐳᒍᑦ ᐆᓯᒪᔪᓂᒃ ᑐᓂᕐᕈᓯᖃᑦᑕᕈᒪᓪᓗᑕ ᑯᕕᓯᖃᑦᑕᕈᒪᓪᓗᑕᓗ ᐃᒥᕐᑕᒃᓴᖏᓐᓂᒃ ᑐᓂᕐᕈᓯᖃᑦᑕᕐᓗᑕᓗ ᕿᓚᐅᑉ ᑯᐃᖓᓄᑦ.’ ᐊᑏ ᑍᒤᓕᐅᕈᒪᒍᑦᓯ ᑍᒤᓕᐅᕆᑦᓯ ᐊᖏᕈᑎᒋᓚᐅᕐᑕᓯ ᐊᑐᕐᓗᒍ.
ᐃᒫᒃ ᐊᑕᓂᖅ ᐅᖃᕐᐳᖅ, “ᐊᖅᑯᑏᑦ ᑲᑎᓐᓂᖏᓐᓄᑦ ᑕᑯᔭᕐᑐᕆᑦᓯ, ᐊᑐᕐᑕᐅᕙᒃᑐᑐᕾᓪᓗ ᖃᐅᔨᓇᓱᐊᕐᓯᒋᑦ, ᑐᑭᓯᑎᑕᐅᔪᒪᓗᓯ ᐊᖅᑯᒻᒥᒃ ᐊᑲᐅᔪᒥᒃ ᐊᑐᕐᓂᐊᕐᑕᑦᓯᓐᓂᒃ. ᑕᕝᕙ ᑕᕐᓂᑦᓯᓐᓄᑦ ᒥᕐᖑᐃᕐᓯᕐᕕᒃᓴᕐᓯᓂᐊᕐᐳᓯ. “ᑭᓯᐊᓂᓕ ᐅᖃᕐᐳᑦ, ‘ᐊᖅᑯᒻᒥᒃ ᑍᒤᑦᑐᒥᒃ ᐊᑐᕈᒪᓐᖏᓚᒍᑦ.’
ᑲᓐᖑᓲᑎᖃᕐᐹᑦ ᓈᒻᒪᖏᑦᑐᓂᒃ ᐃᓕᖅᑯᓯᖃᕐᓂᕐᒥᖕᓃᒃ? ᐋᒃᑲ. ᑲᓐᖑᓱᖏᑦᓯᐊᕐᐳᑦ, ᐊᐅᐸᓪᓕᕆᐊᒃᓵᕐᓘᓐᓃᑦ ᓇᓗᓕᕐᐳᑦ, ᑲᑕᒃᓯᒪᔪᓄᑦ ᑲᑕᖃᑕᐅᓂᐊᕐᐳᑦ, ᓱᒋᐊᓕᕈᒃᑭᑦ ᓱᓇᐅᔪᓐᓃᕈᒫᕐᐳᑦ ᐊᑕᓂᖅ ᐅᖃᕐᐳᖅ.
ᑐᓵᓇᓱᑦᓯᐊᖃᑦᑕᕋᓗᐊᕐᐳᖓ, ᑭᓯᐊᓂᓕ ᐱᐅᔪᒥᒃ ᑐᓴᕐᕕᒋᓚᐅᕐᓯᒪᓐᖏᓚᒃᑲ ᖃᕿᐊᓕᕐᑐᖃᖃᑦᑕᖏᒻᒪᑦ ᐱᐅᖏᑦᑐᓕᓯᒪᓂᕐᒥᖕᓂᑦ, ᐅᖃᕐᑐᖃᕈᓐᓇᖏᒻᒪᓪᓘᓐᓃᑦ, ‘ᑕᒻᒪᕐᑐᐊᓘᕗᖓ.’ ᑕᒪᕐᒥᒃ ᐊᑐᕈᒪᔭᑐᐃᓐᓇᕐᒥᖕᓂᒃ ᐃᓅᓇᓱᑐᐃᓐᓇᓕᕐᒪᑕ ᓲᕐᓗ ᕿᒻᒥᕐᔪᐊᖅ ᐸᖓᓕᒃᓯᔪᖅ ᐅᓇᑕᕆᐊᕈᑕᐅᓕᕋᒥ ᐅᓇᑕᕐᑐᓄᑦ.
ᑎᑦᑐᓚᐅᑏᑦ ᐊᑦᔨᒌᖏᑦᑐᑦ, ᓱᐴᒊᓪᓗ ᐊᑦᔨᒌᖏᑦᑐᑦ, ᓄᖃᕐᑎᓖᓪᓗ ᐊᑦᔨᒌᖏᑦᑐᑦ, ᑐᓴᕐᓂᕋᐅᑏᓪᓗ ᓱᓇᑐᐃᓐᓁᑦ, ᓂᓪᓕᕐᑎᑕᐅᔪᑦ ᑐᓴᕈᑦᓯᐅᒃ, ᐹᒻᒪᒃᑎᕐᓂᐊᕈᑦᓯ ᑐᒃᓯᐊᕐᓗᓯᓗ ᐃᓄᓐᖑᐊᒧᑦ ᓴᓇᔭᐅᑎᓚᐅᕐᑕᓐᓄᑦ ᑍᒫᒃ ᓈᒻᒪᒃᐳᖅ: ᑖᑦᓱᒧᖓᓕ ᑐᒃᓯᐊᕐᓂᐊᖏᒍᑦᓯ, ᐃᒋᑕᐅᓂᐊᕐᐳᓯ ᐃᒐᐅᑉ ᐃᑯᐊᓚᔫᑉ ᐃᓗᐊᓄᑦ. ᑭᓇᐅᓪᓗ ᒎᑎᐅᑉ ᓴᐳᑎᔪᓐᓇᕐᐹᓯ ᐊᒡᒐᓐᓂᑦ?”
ᓄᓇᖃᑎᖏᑕ ᑖᓐᓇ ᐊᖓᔪᖅᑳᖅ ᐆᒥᒋᒐᒥᑦᔪᒃ, ᑎᓕᓯᕗᑦ ᐅᖃᕆᐊᕐᑐᕐᑐᓂᒃ, ‘ᐅᓇ ᐊᖓᔪᖅᑳᕐᔪᐊᕐᑖᕆᔪᒪᓐᖏᑕᕗᑦ.’
ᑍᒃᑯᐊ ᐅᕙᓐᓂᒃ ᐊᑭᕋᕐᑐᕐᑐᑦ, ᐅᕙᓐᓂᒃ ᐊᖓᔪᖅᑳᕐᔪᐊᖑᖁᔨᖏᑦᑐᑦ, ᕾᑎᓯᐅᒃ ᑕᑯᓐᓇᕐᑎᓪᓗᖓ ᑐᖁᓪᓗᒋᑦ.’”
ᐃᓄᐃᓪᓕ ᓈᓚᒍᒪᓚᐅᓐᖏᓚᑦ ᓴᒧᐃᓕᐅᑉ ᐅᖃᐅᓯᖏᓐᓂᒃ; ᐅᖃᕐᐳᓪᓕ, “ᐋᒃᑲ! ᐅᕙᒍᓪᓕ ᐊᖓᔪᖅᑳᕐᔪᐊᕐᑖᕈᒪᕗᒍᑦ,
