ᔨᕆᒤᐊᐅᑉ ᐊᒡᓚᖏᑦ 44:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ “ᑍᒤᒻᒪᑦ ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ, ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ, ᐊᑭᕋᕐᑐᕐᓂᐊᕐᐸᑦᓯ ᔫᑕᒥᐅᓕᒫᓪᓗ ᐊᓯᕈᕈᒫᕐᐸᒃᑲ.

ᔨᕆᒤᐊᐅᑉ ᐊᒡᓚᖏᑦ 44:11 Iomraidhean Croise

ᐃᓐᖏᕈᑎᑦ 34:16

ᐊᑕᓂᐅᓪᓕ ᑮᓇᖓᑕ ᐱᐅᖏᑦᑐᓕᔪᑦ ᐊᑭᕋᕐᑐᕐᐰᑦ, ᓄᓇᕐᔪᐊᒥᑦ ᐃᖅᑲᐅᒪᔭᐅᓂᖏᑦ ᐲᔭᕈᒪᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 21:10

ᑍᒤᓕᐅᕈᒪᓂᕋ ᓴᖑᑎᑦᔮᔪᓐᓃᕐᐸᕋ ᐃᒡᓗᒐᓴᖕᓄᑦ ᐱᐅᔪᒥᒃ ᐱᓇᓱᐊᕐᓂᐊᖏᓐᓇᒪ ᐱᐅᖏᑦᑐᒥᒃ ᑭᓯᐊᓂ, ᐊᑕᓂᖅ ᐅᖃᕐᐳᖅ: ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦ ᐱᔪᓐᓇᕐᓂᖃᕐᑎᑕᐅᓂᐊᕐᐳᖅ ᐊᓯᕈᐃᖁᓪᓗᒍ ᐃᑯᒪᒧᑦ.’”

ᔨᕆᒤᐊᐅᑉ ᐊᒡᓚᖏᑦ 44:26

ᑍᒤᒻᒪᑦ ᐊᑕᓂᐅᑉ ᐅᖃᐅᓯᖏᑦ ᑐᓴᕐᓯᐅᒃ ᔫᑎᐅᔪᓯ ᐄᑦᔨᑉᑎᒥ ᓄᓇᖃᓕᕐᑐᓯ: ᑕᑯᒋᑦ, ᐊᑎᕋ ᐊᑐᕐᓗᒍ ᐅᖃᒻᒪᕆᒃᐳᖓ, ᐊᑕᓂᖅ ᐅᖃᕐᐳᖅ, ᔫᑕᒥᐅᑦ ᓇᓪᓕᐊᑐᐃᓐᓇᖅ ᐄᑦᔨᑉᑎᒦᓕᕐᑐᑦ ᑐᒃᓯᐊᕋᓱᐊᕐᐸᖁᔪᓐᓃᕐᐸᒃᑲ ᐅᕙᓐᓄᑦ, ᐊᑎᕋᓘᓐᓃᑦ ᐊᑐᕐᓗᒍ ᐅᖃᕐᐸᖁᔪᓐᓃᕐᐸᒃᑲ, ᐃᒫᒃ, ‘ᐊᑕᓂᖅ ᐊᑕᓂᐅᓂᕐᐹᖑᔪᖅ ᐆᒪᖕᒪᑦ.’

ᐃᓯᑭᐊᓕᐅᑉ ᐊᒡᓚᖏᑦ 15:7

ᑖᒃᑯᐊ ᓵᓐᖓᔪᒫᕐᐸᒃᑲ; ᐃᑯᐊᓚᔪᒥᑦ ᐊᓐᓇᒃᓗᑎᒃ ᐊᓂᒍᐃᒐᓗᐊᕐᐸᑕ, ᐃᑯᒪᒧᓪᓕ ᓱᓕ ᓄᖑᑕᐅᔪᒫᕐᐳᑦ; ᑕᕝᕙ ᖃᐅᔨᔪᒫᕐᐳᓯ ᐅᕙᖓᐅᒐᒪ ᐊᑕᓂᖅ, ᑮᓇᓐᓄᑦ ᓵᓐᖓᓕᕈᒃᑭᑦ.

ᒨᓯᓯ ᐱᖓᔪᖏᑦ 17:10

“ᐃᓴᕆᐊᓕᒥᐅᑦ ᐃᓴᕆᐊᓕᒥᐅᖑᖏᑦᑐᕐᓘᓐᓃᑦ ᑖᒃᑯᓇᓂ ᓄᓇᖃᖃᑕᐅᔪᖅ ᐊᐅᖕᒥᒃ ᓂᕆᒃᐸᑦ ᑮᓇᕋ ᑖᑦᓱᒪᓐᖓᑦ ᐊᓚᕐᓂᐊᕐᐸᕋ ᐊᐅᖕᒥᒃ ᓂᕆᔪᖅ ᐃᓅᖃᑎᖏᓐᓂᑦ ᐃᓚᒋᔭᐅᓂᕋᕈᓐᓁᕐᓂᐊᕐᐸᕋ.

ᒨᓯᓯ ᐱᖓᔪᖏᑦ 26:17

ᐊᓚᕐᓂᐊᕐᐸᑦᓯ, ᐊᑭᕋᑦᓯᓐᓂᓪᓗ ᓵᓚᐅᓂᐊᕐᐳᓯ; ᐆᒥᒋᔨᓯ ᐊᖓᔪᖅᑳᕆᓕᕐᓂᐊᕐᐸᓯ, ᕿᒫᖃᑦᑕᕐᓂᐊᕐᐳᓯᓗ ᖃᓄᐃᓕᐅᕐᑕᐅᖏᒃᑲᓗᐊᕐᑎᓪᓗᓯ.

ᐂᒨᓯᐅᑉ ᐊᒡᓚᖏᑦ 9:4

ᑎᒍᔭᐅᒐᓗᐊᕐᐸᑕᓗ ᐊᑭᕋᒥᖕᓄᑦ, ᐱᖁᔨᔪᒫᕐᐳᖓ ᓴᕕᒡᔪᐊᒥᒃ, ᑖᑦᓱᒪᓗ ᑐᖁᑦᓱᒫᕐᐰᑦ; ᑕᑯᓐᓇᕈᒫᕐᐸᒃᑲᓗ ᐱᐅᖏᑦᑐᒧᑦ ᐱᒋᐊᕈᒪᓗᒋᑦ ᐱᐅᔪᒨᖏᑦᑐᖅ.”