ᔨᕆᒤᐊᐅᑉ ᐊᒡᓚᖏᑦ 44:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᐅᓪᓗᒥᒧᑦ ᑎᑭᓪᓗᒍ ᓱᓕ ᒥᑭᒡᓕᑎᓚᐅᕐᓯᒪᓐᖏᓚᓯ ᐃᓕᑦᓯᓗ ᓯᕗᓕᕕᓂᓯᓗ, ᐅᕙᓐᓂᒃ ᐅᐱᒋᔭᖃᓚᐅᕐᓯᒪᓐᖏᓚᓯ ᐃᓅᓇᓱᐊᓚᐅᕐᓯᒪᓇᓯᓗ ᐱᖁᔭᒃᑲ ᒪᓕᒡᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 44:10 Iomraidhean Croise

ᐊᑕᓃᑦ ᓯᕗᓪᓖᑦ 21:29

“ᑕᑯᓚᐅᕐᐲᑦ, ᐂᕼᐊᑉ ᐃᒻᒥᓂᒃ ᒥᑭᒡᓕᑎᕐᓂᖓᓂᒃ ᓵᓐᓂ? ᑖᓐᓇ ᓵᓐᓂ ᒥᑭᒡᓕᑎᓚᐅᕐᒪᑦ, ᐱᐅᖏᑦᑐᑦ ᑎᑭᑎᑦᓱᒫᕈᓐᓃᕐᐸᒃᑲ ᐃᓅᑎᓪᓗᒍ; ᐃᕐᓂᖓᓕ ᐃᓅᑎᓪᓗᒍ ᐱᐅᖏᑦᑐᑦ ᑎᑭᑎᑦᓱᒫᕐᐸᒃᑲ ᓇᖕᒥᓂᖏᓐᓄᑦ.”

ᐊᑕᓃᑦ ᐂᑉᐸᖏᑦ 22:19

ᖃᕿᐊᓕᕋᕕᑦ, ᒥᑭᒡᓕᑎᕐᓗᑎᓪᓗ ᐊᑕᓂᐅᑉ ᓵᖓᓂ, ᑐᓴᓚᐅᕐᓂᕐᓄᑦ ᓄᓇᒋᔭᑦᓯ ᓱᒋᐊᕐᑕᐅᔪᒃᓴᐅᓂᖓᓂᒃ, ᐃᓄᖏᑕᓗ, ᐃᓄᐃᕈᑦᔭᐅᔪᒃᓴᐅᓂᖏᓐᓂᒃ ᓇᕐᕈᓇᕐᓯᔪᒃᓴᐅᓂᖏᓐᓂᒡᓗ, ᐊᓐᓄᕌᑎᑦ ᐊᓕᒃᑲᕕᒋᑦ ᕿᐊᓪᓗᑎᓪᓗ ᓵᓐᓂ, ᑐᓴᓚᐅᕐᐸᒋᑦ ᐊᑕᓂᖅ ᐅᖃᕐᐳᖅ.

ᑯᕉᓂᑲ ᐂᑉᐸᖏᑦ 32:26

ᕼᐃᓯᑬᐊᓕ ᐃᒻᒥᓂᒃ ᒥᑭᒡᓕᑎᓕᓚᐅᕐᐳᖅ ᐆᒻᒪᑎᒥᒍᑦ ᐱᐅᔪᕆᓂᕐᒥᓂᑦ, ᔨᕉᓴᓕᒥᓗ ᓄᓇᖃᕐᑐᓕᒫᑦ, ᑍᒤᒻᒪᑦ ᐊᑕᓂᐅᑉ ᓂᓐᖓᐅᓯᖓ ᑖᒃᑯᓄᖓ ᑎᑭᓚᐅᓐᖏᓚᖅ ᕼᐃᓯᑬᐊ ᐃᓅᑎᓪᓗᒍ.

ᑯᕉᓂᑲ ᐂᑉᐸᖏᑦ 33:12

ᐅᖁᒤᑦᑐᒦᓕᕋᒥᓗ ᐊᑕᓂᖅ ᒎᑎᓂ ᓵᕝᕕᒋᕚ ᐃᒻᒥᓂᒡᓗ ᒥᑭᒡᓕᑎᕕᒡᔪᐊᕐᓗᓂ ᓯᕗᓕᖏᑕ ᒎᑎᖓᑕ ᓵᖓᓂ.

ᑯᕉᓂᑲ ᐂᑉᐸᖏᑦ 33:19

ᑐᒃᓯᐊᕐᓂᖓᓗ, ᖃᓄᕐᓗ ᒎᑎᒧᑦ ᑭᐅᔭᐅᓚᐅᕐᓂᖓ ᕿᓄᓂᖓᓄᑦ, ᐊᔪᕐᑐᓕᓂᓕᒫᖏᓪᓗ ᐅᒃᐱᓚᐅᖏᓐᓂᖓᓗ, ᓇᓂᓗ ᑐᒃᓯᐊᕐᕕᓕᐅᓚᐅᕐᓂᖓ ᒎᑎᓐᖑᐊᓄᑦ ᐋᖅᑭᒃᓱᐃᓚᐅᕐᓂᖓᓗ ᕿᔪᖕᓂᒃ ᐊᓯᕋᒥᒃ ᐊᑎᓕᖕᒥᒃ ᐃᓄᓐᖑᐊᓂᒡᓗ ᓴᓇᓚᐅᕐᓂᖓ, ᒥᑭᒡᓕᑎᓚᐅᖏᓐᓂᕐᒥᓂ, ᑕᑯᒋᑦ, ᑎᑎᕋᕐᓯᒪᕗᑦ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ ᑎᑎᕋᕐᓯᒪᔪᖁᑎᖏᓐᓂ.

ᑯᕉᓂᑲ ᐂᑉᐸᖏᑦ 34:27

ᐆᒻᒪᑎᒃᑯᑦ ᖃᕿᐊᓕᓚᐅᕋᕕᑦ ᐃᒻᒥᓂᒡᓗ ᒥᑭᒡᓕᑎᕐᓗᑎᑦ ᒎᑎᐅᑉ ᓵᖓᓂ ᑐᓴᕐᑎᓪᓗᑎᑦ ᐅᖃᐅᓯᖏᓐᓂᒃ ᑖᒃᑯᐊ ᐃᖅᑲᕐᑐᒐᒃᓴᐅᓕᕐᑎᓪᓗᒋᑦ ᓄᓇᖃᕐᑐᓪᓗ ᑕᒫᓂ, ᐃᓕᖕᓂᒃ ᒥᑭᒡᓕᑎᓚᐅᕋᕕᑦ ᓵᓐᓂ, ᐊᓐᓄᕌᑎᓪᓗ ᐊᓕᓚᐅᕋᕕᒋᑦ ᕿᐊᓪᓗᑎᓪᓗ ᓵᓐᓂ, ᑕᕝᕙ ᑐᓴᓚᐅᕐᐸᒋᑦ, ᐊᑕᓂᖅ ᐅᖃᕐᐳᖅ.

ᐃᓐᖏᕈᑎᑦ 34:18

ᐊᑕᓂᖅ ᖃᓂᑉᐳᖅ ᓯᖁᒥᓯᒪᔪᓂᒃ ᐆᒻᒪᑎᓕᖕᓄᑦ, ᐱᐅᓕᕔᓪᓗ ᐊᓂᕐᓂᒥᒍᑦ ᑲᑉᐱᐊᓱᒃᑐᑦ.

ᐃᓐᖏᕈᑎᑦ 51:17

ᒎᑎᐅᓪᓕ ᑐᓂᕐᕈᑏᑦ ᐃᓚᓕᐅᕈᓐᓇᕐᑕᖏᑦ ᐊᓂᕐᓂᐅᕗᑦ ᓯᖁᒥᓯᒪᔪᑦ, ᐆᒻᒪᑏᑦ ᓯᖁᒥᓯᒪᔪᑦ, ᖃᕿᐊᓕᕐᑐᓪᓗ ᒎᑏ, ᓇᕐᕈᒋᓐᖏᓚᑎᑦ.

ᐃᓐᖏᕈᑎᑦ 78:10

ᒎᑎᐅᑉ ᐊᖏᖃᑎᒌᒍᑎᒋᓯᒪᔭᖓᓂᒃ ᒪᓕᓚᐅᖏᒻᒪᑕ; ᐱᖁᔭᖏᓪᓕ ᒪᓕᒡᓗᒋᑦ ᐃᓅᔪᒪᓚᐅᓐᖏᓚᑦ,

ᒨᓯᓯ ᐂᑉᐸᖏᑦ 10:3

ᑕᕝᕙ ᒨᓯᓯᒃᑯᒃ ᐂᕉᓂᒃᑯᒃ ᐰᕉᒧᐊᕐᐴᒃ, ᐅᖃᐅᑎᓪᓗᒍᓗ, “ᐊᑕᓂᖅ ᐃᒫᒃ ᐅᖃᕐᐳᖅ, ᐄᑉᕈᐃᑦ ᒎᑎᖓᑦ, ᖃᓄᖅ ᐊᑯᓂᐅᑎᒋᔪᖅ ᐅᕙᓐᓄᑦ ᓂᑲᓇᕐᓴᕐᑍᓕᓂᐊᕐᐲᑦ? ᐃᓄᖁᑎᒃᑲ ᐊᐅᓪᓚᕈᓐᓇᕐᑎᓚᐅᒃᑭᑦ, ᐅᕙᓐᓂᒃ ᑐᒃᓯᐊᕐᕕᖃᕈᓐᓇᖁᓪᓗᒋᑦ.

ᒨᓯᓯ ᐂᑉᐸᖏᑦ 9:17

ᑭᓯᐊᓂᓕ ᓱᓕ ᑐᓴᕈᓐᓇᓐᖏᓚᑎᑦ ᐃᓄᖁᑎᒃᑲᓗ ᓱᓇᐅᒋᓇᒋᑦ ᐊᐅᓪᓚᖁᓐᖏᓚᑎᑦ.

ᒨᓯᓯ ᐂᑉᐸᖏᑦ 9:30

ᖃᐅᔨᒪᕗᖓᓕ ᐃᕝᕕᑦ ᐱᔨᑎᓪᓗ, ᓱᓕ ᐊᑕᓂᖅ ᒎᑎ ᓈᓚᖏᓐᓇᑦᓯᐅᒃ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:16

ᓯᓚᑐᔪᖅ ᓯᕘᕋᒐᒥ ᐱᐅᖏᑦᑐᒥᒃ ᐊᑐᕐᑍᓕᕗᖅ, ᓯᓔᑦᑐᕐᓕ ᐃᓱᒤᓐᓇᕐᕆᓪᓗᓂ ᐊᑐᕆᐊᖃᓐᖏᑕᓂ ᑲᒪᒋᑦᓯᐊᓐᖏᓛ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:6

ᑲᒪᑦᓯᐊᕐᓂᕐᒧᑦ ᓱᖁᓯᔪᐃᑦᑑᓂᕐᒧᓪᓗ ᐊᔪᕐᑐᓕᓃᑦ ᐃᓱᒪᒋᔪᓐᓁᕐᑕᐅᑦᔪᑎᒃᓴᖃᕐᐳᑦ, ᐊᑕᓂᕐᒥᒃ ᓯᕘᕋᓂᒃᑯᑦ ᐃᓄᒃ ᐱᐅᖏᑦᑐᓂᒃ ᓂᒍᐃᔪᓐᓇᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:14

ᖁᕕᐊᓱᑦᓮᓐᓇᕐᐳᖅ ᐊᖑᑦ ᐊᑕᓂᕐᒥᒃ ᓯᕘᕋᔪᖅ, ᑖᓐᓇᓕ ᐆᒻᒪᑎᒥᓂᒃ ᓯᑎᑎᑦᓯᔪᖅ ᑲᑕᒍᒫᕐᐳᖅ ᐱᕐᕈᓗᐊᕿᓂᕐᒧᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 8:13

ᐊᑕᓂᕐᒥᒃ ᓯᕘᕋᓂᖅ ᐱᐅᖏᑦᑐᒥᒃ ᐆᒥᓱᒃᐳᖅ; ᐱᐅᔪᕆᔪᑦ ᐱᔪᓐᓇᕋᓱᒋᓗᐊᕐᑐᓪᓗ ᐱᐅᖏᑦᑐᓕᔪᓪᓗ ᓱᓕᖏᑦᑐᓂᒡᓗ ᐅᖃᓚᒃᐸᒃᑐᑦ ᐆᒥᒋᕙᒃᑲ.

ᐂᓮᐊᓯᐅᑉ ᐊᒡᓚᖏᑦ 42:24

ᑭᐊ ᔧᑰᑉ ᑭᖑᕚᖏᑦ ᐊᕐᓵᕐᑎᕆᔪᒧᑦ ᑐᓂᓚᐅᕐᐰᑦ, ᐃᓴᕆᐊᓕᒥᐅᓪᓗ ᑎᒡᓕᒃᑎᓄᑦ ᑐᓂᓪᓗᒋᑦ? ᐊᑕᓂᐅᑉ ᑍᒤᑕᐅᑎᓚᐅᓐᖏᓔᑦ? ᐊᔪᕐᑐᓕᕕᒋᓚᐅᕋᑦᑎᒍ, ᑍᑦᓱᒪᓂ ᐊᑐᕐᑕᐅᖁᔭᖏᓐᓂᒃ ᒪᓕᓚᐅᖏᒻᒪᑕ, ᐱᖁᔭᖏᓪᓗ ᓈᓚᓚᐅᕐᓇᒋᑦ.

ᐂᓮᐊᓯᐅᑉ ᐊᒡᓚᖏᑦ 57:15

ᐊᑕᓂᖅ ᖁᑦᓯᖕᓃᕐᐹᒥ ᐃᓂᖃᕐᑐᖅ ᐃᓱᖃᖏᑦᑐᒥ, ᐊᑎᖓᓗ ᐃᑦᔪᕐᓁᑦᑐᖅ ᐃᒫᒃ ᐅᖃᕐᒪᑦ, “ᖁᑦᓯᒃᑐᒥ ᐃᑦᔪᕐᓁᑦᑐᒥᓗ ᐃᓂᖃᕐᐳᖓ, ᓯᖁᒥᓯᒪᔪᓂᒃ ᐊᓂᕐᓂᕐᒥᒍᓪᓗ ᒥᑭᒡᓕᑎᕐᓯᒪᔪᓂᒃ ᐃᓚᖃᕐᐳᖓ, ᓯᖁᒥᓯᒪᔪᓪᓗ ᐆᒻᒪᑎᖏᑦ ᐆᒻᒪᕐᑎᑦᓱᒪᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 66:2

ᑕᒪᒃᑯᐊ ᓴᖅᑭᑎᑕᐅᓯᒪᔪᓕᒫᑦ ᐊᒡᒐᖕᒪ ᓴᓇᓯᒪᕔᑦ, ᑕᒪᕐᒥᓕᒫᕐᓗ ᐱᒋᕙᒃᑲ, ᐊᑕᓂᖅ ᐅᖃᕐᐳᖅ. ᐅᓇ ᑕᕝᕙ ᐃᓄᒃ ᑕᑯᓐᓇᕐᓂᐊᕐᑕᕋ, ᒥᑭᒡᓕᑎᕐᓯᒪᔪᖅ ᓯᖁᒥᓯᒪᔪᕐᓗ ᐊᓂᕐᓂᕐᒥᒍᑦ, ᐅᖃᐅᓯᓐᓂᒡᓗ ᑐᓴᕐᓗᓂ ᓴᔪᒃᑐᖅ.

ᔨᕆᒤᐊᐅᑉ ᐊᒡᓚᖏᑦ 10:7

ᑭᓇᓕ ᓯᕘᕋᖏᑦᑑᔪᓐᓇᕐᐹ ᐃᓕᖕᓃᒃ? ᐊᖓᔪᖅᑳᕐᔪᐊᖑᔪᑎᑦ ᐃᓅᖃᑎᒌᒡᔪᐊᓄᑦ ᓂᕐᑐᕐᑕᐅᔪᒃᓴᐅᕗᑎᑦ; ᓯᓚᑐᔪᕐᔪᐊᓕᒫᑦ ᐃᓅᖃᑎᒌᒡᔪᐊᓂ ᐊᖓᔪᖅᑲᐅᕕᓕᒫᓪᓗ ᑲᑎᓪᓗᒋᑦ ᐃᓕᒃᑐᑦ ᑍᒤᑦᑐᕐᑕᖃᓐᖏᓚᑦ.

ᔨᕆᒤᐊᐅᑉ ᐊᒡᓚᖏᑦ 26:4

ᐅᖃᐅᑎᔭᒃᓴᕆᕙᑎᑦ, ᐊᑕᓂᖅ ᐃᒫᒃ ᐅᖃᕐᐳᖅ, “ᓈᓚᖏᒃᑯᑦᓯᓐᖓ ᐱᖁᔭᒃᑲᓗ ᒪᓕᖏᒃᑯᑦᓯᐅᒃ ᐃᓕᑦᓯᓐᓄᑦ ᒪᓕᒐᒃᓴᓕᐊᕆᓚᐅᕐᑕᒃᑲ.

ᔨᕆᒤᐊᐅᑉ ᐊᒡᓚᖏᑦ 32:23

ᓄᓇᒧᓪᓗ ᑕᒪᐅᖓ ᑎᑭᓐᓇᒥᒃ ᓄᓇᖃᓕᓚᐅᕐᐳᑦ. ᓂᐱᖕᓂᒡᓕ ᓈᓚᓚᐅᓐᖏᓚᑦ ᐱᖁᔭᑎᓪᓗ ᒪᓕᒍᒪᓇᒋᑦ, ᑍᒤᒻᒪᑦ ᐱᖁᔭᕐᓂᒃ ᒪᓕᒍᒪᖏᒻᒪᑕ ᑲᑉᐱᐊᓇᕐᑐᓄᑦ ᑎᑭᕝᕕᐅᑎᓚᐅᕐᐸᑎᑦ.

ᔨᕆᒤᐊᐅᑉ ᐊᒡᓚᖏᑦ 36:24

ᐊᖓᔪᖅᑳᕐᔪᐊᖅ ᐱᖃᑎᒋᔭᖏᓪᓗ ᐅᖃᐅᓯᕐᓂᒃ ᑐᓴᕋᓗᐊᕋᒥᒃ ᖁᐊᕐᓵᖓᓚᐅᓐᖏᓚᑦ ᐊᓐᓄᕌᒥᖕᓂᒡᓗ ᐊᓕᒃᓯᓇᑎᒃ.

ᔨᕆᒤᐊᐅᑉ ᐊᒡᓚᖏᑦ 44:23

ᑐᓂᕐᕈᓯᖃᑦᑕᓚᐅᕋᑦᓯ ᐊᑕᓂᕐᓗ ᐊᔪᕐᑐᓕᕕᒋᓪᓗᒍ, ᓈᓚᓚᐅᖏᓐᓇᑦᓯᐅᒃ ᐱᖁᔭᖏᓪᓗ ᒪᓕᖕᓇᒋᑦ ᑐᓴᕐᑕᐅᖁᔭᖏᓪᓗ ᐃᓱᒪᒋᓇᒋᑦ ᐊᖏᕐᓯᒪᓂᖏᓪᓘᓐᓃᑦ, ᑕᒪᑦᔭ ᑲᑉᐱᐊᓇᕐᑐᓂᒃ ᐊᑐᕈᑎᒋᓕᕐᑕᓯ ᐅᓪᓗᒥᓗ ᑕᑯᓯᒪᓕᕐᐸᓯ ᑍᒤᑦᑐᒦᑦᔪᑎᒋᔭᓯ ᓱᓇᒨᕐᒪᖔᑦ.”

ᔨᕆᒤᐊᐅᑉ ᐊᒡᓚᖏᑦ 5:3

ᐊᑕᓃᖅ, ᓱᓕᔪᓂᒃ ᕿᓂᕐᐳᑎᑦ, ᐋᓐᓂᕋᓗᐊᕋᕕᒋᑦ ᐃᒃᐱᖕᓂᓐᖏᓚᑦ, ᐱᕕᒃᓮᕈᑎᒐᓗᐊᕋᕕᒋᑦ ᓱᓕ ᐋᖅᑭᒋᐊᕈᒪᓐᖏᓚᑦ. ᑮᓇᖏᑦ ᓴᖑᑎᑕᒃᓴᐅᖏᑦᑐᑎᑐᑦ ᑕᐅᑦᑐᖃᕐᐳᑦ ᓵᒋᐊᕈᒪᓇᑎᒡᓗ.

ᔨᕆᒤᐊᐅᑉ ᐊᒡᓚᖏᑦ 6:15

ᑲᓐᖑᓲᑎᖃᕐᐹᑦ ᑕᒪᒃᑯᓂᖓ ᓈᒻᒪᖏᑦᑐᓕᐅᕐᓂᕆᔭᒥᖕᓃᒃ? ᑍᒤᓐᖏᓚᑦ ᑲᓐᖑᓱᒍᓐᓁᓪᓕᕗᑦ, ᐊᐅᐸᓪᓕᕈᓐᓁᓪᓕᓪᓗᑎᒡᓘᓐᓃᑦ, ᑲᑕᒃᓯᒪᔪᓄᑦ ᑲᑕᖃᑕᐅᕕᒡᔪᐊᕐᓂᐊᕐᐳᑦ; ᓱᒋᐊᓕᕈᒃᑭᑦ, ᐃᒋᑕᐅᔪᒫᕐᐳᑦ,” ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 8:12

ᑲᓐᖑᓲᑎᖃᕐᐹᑦ ᓈᒻᒪᖏᑦᑐᓂᒃ ᐃᓕᖅᑯᓯᖃᕐᓂᕐᒥᖕᓃᒃ? ᐋᒃᑲ. ᑲᓐᖑᓱᖏᑦᓯᐊᕐᐳᑦ, ᐊᐅᐸᓪᓕᕆᐊᒃᓵᕐᓘᓐᓃᑦ ᓇᓗᓕᕐᐳᑦ, ᑲᑕᒃᓯᒪᔪᓄᑦ ᑲᑕᖃᑕᐅᓂᐊᕐᐳᑦ, ᓱᒋᐊᓕᕈᒃᑭᑦ ᓱᓇᐅᔪᓐᓃᕈᒫᕐᐳᑦ ᐊᑕᓂᖅ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 9:4

ᐊᑕᓂᐅᓪᓗ ᐅᖃᐅᑎᕚ, “ᔨᕉᓴᓕᐅᑉ ᐃᒡᓗᒐᓴᖏᑎᒍᑦ ᐃᖏᕐᕋᒋᑦ, ᖃᐅᖏᑎᒍᑦ ᓇᓗᓁᒃᑯᓯᕐᓱᐃᓗᑎᑦ ᐊᓂᕐᓴᐅᒥᑦᔪᑎᓕᖕᓂᒃ ᐅᒡᒍᐊᕈᑎᓕᖕᓂᒡᓗ ᓇᕐᕈᓇᕐᑐᓂᒃ ᐱᓂᐊᕐᓂᐅᕙᒃᑐᓂᒃ.”

ᒪᓚᑬᑉ ᐊᒡᓚᖏᑦ 4:2

ᐊᑎᓐᓂᒡᓕ ᓯᕘᕋᔪᓯ ᐃᓱᐊᕐᑐᓕᓂᐅᑉ ᓯᕿᓂᖓᓄᑦ ᓄᐃᕕᐅᔪᒫᕐᐳᓯ, ᐃᓴᕈᕐᒥᒍᑦ ᐋᖅᑭᒃᑕᐅᓂᕐᒥᒃ ᐱᑕᓕᖕᒧᑦ. ᐊᓂᔪᒫᕐᐳᓯ ᒥᓯᒃᑕᕐᓗᓯ ᓄᕐᕋᕐᑎᑐᑦ ᐆᒪᔪᒃᑯᕕᖕᒥᑦ ᐊᓂᔪᑎᑐᑦ.

ᒫᑎᐅᓯᐅᑉ ᐊᒡᓚᖏᑦ 27:54

ᐅᓇᑕᕐᑐᒃᓮᑦ ᐊᖓᔪᖅᑳᖓᑦᑕ ᐅᓇᑕᕐᑐᒃᓮᓪᓗ ᑕᕝᕙᓃᖃᑦᑎᒋᔭᖏᑕ ᔩᓱᓯᒥᒃ ᖃᐅᔨᓴᕐᑐᑦ, ᓄᓇᐅᑉ ᓴᔪᒃᐱᓪᓚᖕᓂᖓ ᐊᓯᖏᓪᓗ ᑕᒪᒃᑯᐊ ᐱᓂᐊᕐᓂᕆᔭᐅᔪᑦ ᑕᑯᒐᒥᒋᑦ, ᐊᖏᔪᒥᒃ ᑲᒪᓕᕐᓗᑎᒃ ᐅᖃᕐᐳᑦ, “ᐅᓇ ᐃᓛᒃ ᒎᑎᐅᑉ ᓱᓕᔪᒥᒃ ᐃᕐᓂᕆᕚ!”

ᓘᑲᓯᐅᑉ ᐊᒡᓚᖏᑦ 23:40

ᐂᑉᐸᖓᑕᓕ ᐃᓂᕐᑎᕐᐹ ᐅᖃᕐᓗᓂ, “ᒎᑎᒥᒃ ᓯᕘᕋᖏᓐᓇᕖᑦ? ᑍᒫᓪᓗᐊᕐᑕᐅᖅ ᑖᑦᓱᑐᓇᖅ ᓱᒋᐊᕐᑕᐅᔪᑎᑦ ᑐᖁᑕᐅᓂᐊᕐᓗᑎᑦ.

ᕉᒪᒥᐅᓄᑦ 11:20

ᑕᒪᓐᓇ ᓱᓕᕗᖅ. ᑍᒃᑯᐊᓕ ᓇᑲᑕᐅᓚᐅᕐᐳᑦ ᐅᒃᐱᖏᓐᓂᖏᓐᓄᑦ, ᐃᕝᕕᓪᓕ ᓇᖏᕐᐳᑎᑦ ᐅᒃᐱᕐᓂᒃᑯᑦ ᑭᓯᐊᓂ. ᑍᒤᒻᒪᑦ ᐱᐅᔪᕆᓕᕐᓂᐊᕐᓇᒃ, ᓯᕘᕋᓗᑎᓪᓕ ᓂᑯᕕᖓᒋᑦ.

ᐲᑦᑐᕉᓯ ᓯᕗᓪᓖᑦ 5:6

ᑍᒤᒻᒪᑦ, ᐃᓕᑦᓯᓐᓂᒃ ᒥᑭᒡᓕᑎᕆᑦᓯ ᒎᑎᐅᑉ ᐱᔪᓐᓇᕐᑐᕐᔪᐊᑉ ᐊᒡᒐᖏᓐᓄᑦ, ᑖᑦᓱᒪ ᑕᕝᕙ ᐊᖏᔪᕈᕐᑎᑦᓱᒫᕐᐹᓯ ᐱᕕᒃᓴᕆᔪᒪᔭᒥᒍᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 15:4

ᑭᓇ ᓯᕘᕋᖏᓪᓗᓂ ᐊᑎᕐᓂᒃ ᓂᕐᑐᐃᔪᓐᓇᕐᐹ ᐊᑕᓃᖅ? ᐃᕝᕕᑦ ᑭᓯᕕᑦ ᐃᑦᔪᕐᓁᑦᑐᑑᒐᕕᑦ. ᐃᓄᖃᑎᒌᒡᔪᐊᓕᒫᑦ ᕾᔪᒫᕐᐳᑦ ᑐᒃᓯᐊᕐᕕᒋᔭᕐᑐᕐᓗᑎᒃ, ᐱᓂᐊᕐᓂᕕᑦ ᓇᓛᒎᕐᓂᖏᑦ ᑕᒤᓐᓄᑦ ᑕᑯᔭᐅᓯᒪᖕᒪᑕ.”