ᔨᕆᒤᐊᐅᑉ ᐊᒡᓚᖏᑦ 44:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐊᑕᓂᐅᑉ ᔨᕆᒤᐊ ᐅᖃᕐᕕᒋᕚ ᔫᑎᑦ ᐄᑦᔨᑉᑎᒦᑦᑐᑦ ᐱᑦᔪᑎᒋᓗᒋᑦ ᓄᓇᓕᖕᓂ ᐅᑯᓇᓃᑦᑐᑦ; ᒥᒡᑐᓕᒥ, ᑕᐸᓂᓯᒥ ᒥᒻᐱᓯᒥᓗ, ᓄᓇᒥᓗ ᐹᑐᕉᓯᒥ.

ᔨᕆᒤᐊᐅᑉ ᐊᒡᓚᖏᑦ 44:1 Iomraidhean Croise

ᒨᓯᓯ ᓯᕗᓪᓖᑦ 10:14

ᐹᑐᕉᓯᒻᓗ, ᑲᓴᓗᕼᐃᒻᓗ, ᑯᕇᑎᓗ, (ᑕᕝᕙᓐᖓᓪᓗ ᐱᓕᔅᑍᓂᒥᐅᑦ ᐱᒋᐊᕐᓂᖃᕐᓯᒪᕗᑦ), ᑲᑉᕼᐊᑐᕆᒻᓗ.

ᒨᓯᓯ ᐂᑉᐸᖏᑦ 14:2

“ᐃᓴᕆᐊᓕᒥᐅᑦ ᐅᖃᐅᑎᒃᑭᑦ ᐅᑎᕐᓗᑎᒃ ᓯᓂᒃᑕᖁᓗᒋᑦ ᐰ-ᕼᐊᕼᐃᕋᑎᒥ, ᓄᓇᐅᑉ ᒥᒡᑐᓕᐅᑉ ᐃᒪᐅᓪᓗ ᐊᐅᐸᓗᒃᑕᒥᒃ ᐊᑎᓕᐅᑉ ᐊᑯᓐᓂᖓᓃᑦᑐᒥ, ᐰᓕ-ᔨᐸᓂᐅᑉ ᖃᓂᒋᔭᖓᓃᑦᑐᒧᑦ.

ᐂᓮᐊᓯᐅᑉ ᐊᒡᓚᖏᑦ 11:11

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᐅᑉ ᐊᒡᒐᓂ ᐃᓴᒍᒫᕐᐰᑦ ᐃᓄᖁᑎᓂ ᐊᒥᐊᒃᑰᔪᑦ ᐅᑎᕐᑎᑦᓱᒪᓗᒋᑦ, ᐊᓯᕆᐊᒥᑦ ᐄᑦᔨᑉᑎᒥᓪᓗ, ᐹᑐᕉᓯᒥᑦ ᐃᑎᐅᐱᐊᒥᓪᓗ, ᐃᓛᒻᒥᑦ ᓯᓇᕆᒥᓪᓗ, ᕼᐊᒫᑎᒥᑦ ᕿᑭᕐᑕᓂᓪᓗ ᐃᒪᕕᖕᒦᑦᑐᓂᑦ.

ᐂᓮᐊᓯᐅᑉ ᐊᒡᓚᖏᑦ 19:13

ᔪᐊᓐᒥᐅᑦ ᓯᕗᓕᕐᑎᖏᑦ ᓯᓔᑉᐳᑦ, ᒥᒻᐱᓯᒥᐅᓪᓗ ᓯᕗᓕᕐᑎᖏᑦ ᓇᓗᓪᓗᑎᒃ; ᐃᓅᖃᑎᒌᒡᔪᐊᓂᑦ ᐱᓪᓚᕆᖁᑎᒋᔭᐅᓪᓗᑎᒃ ᐄᑦᔨᑉᑎᒥᐅᓂᒃ ᑕᒻᒪᕐᑎᑦᓯᓯᒪᕗᑦ.

ᔨᕆᒤᐊᐅᑉ ᐊᒡᓚᖏᑦ 2:16

ᒥᒻᐱᓯᒥᐅᑦ ᑕᐸᓂᓯᒥᐅᓪᓗ ᐊᖑᑎᖏᓐᓄᑦ ᓂᐊᖁᓯ ᓱᕋᒃᑕᐅᕗᑦ.

ᔨᕆᒤᐊᐅᑉ ᐊᒡᓚᖏᑦ 24:8

“ᐊᑕᓂᕐᓕ ᐅᖃᕐᐳᖅ: ᐃᕕᒐᕐᒦᑦᑐᓪᓕ ᐱᒋᓖᑦ ᐱᐅᔪᓐᓃᕐᓯᒪᔪᑦ ᐱᐅᓐᖏᓗᐊᒧᑦ ᓂᕆᔭᒃᓴᐅᔪᓐᓃᕐᑐᑦ, ᐊᑦᔨᖃᕐᐳᑦ ᔫᑕᐅᑉ ᐊᖓᔪᖅᑳᕐᔪᐊᖓᓂᒃ ᔨᑎᑬᐊᒥᒃ, ᐊᖓᔪᖅᑳᖁᑎᖏᓐᓂᒃ ᐊᒥᐊᒃᑰᔪᓂᒡᓗ ᓄᓇᒥ ᔨᕉᓴᓕᒦᖏᓐᓇᕐᑐᓂᒃ, ᐄᑦᔨᑉᑎᒦᖏᓐᓇᕐᑐᓂᒡᓗ.

ᔨᕆᒤᐊᐅᑉ ᐊᒡᓚᖏᑦ 43:13

ᓇᐸᔪᓪᓗ ᐃᑦᔪᕐᓁᑦᑐᖁᑎᒋᓂᕋᕐᑕᖏᑦ ᐱᑦ-ᓯᒥᔅᓰᑦ ᕼᐃᓕᐅᐳᓖᓯᒦᑦᑐᑦ ᐄᑦᔨᑉᑎᒥ ᐅᕐᕉᕋᕐᑎᑦᓱᒫᕐᐰᑦ ᒎᑎᓐᖑᐊᒥᖕᓄᓪᓗ ᑐᒃᓯᐊᕐᕕᖏᑦ ᐃᑯᐊᓪᓚᒃᑎᓪᓗᒋᑦ.’”

ᔨᕆᒤᐊᐅᑉ ᐊᒡᓚᖏᑦ 44:15

ᐊᖑᑎᑦ ᑕᒪᕐᒥᒃ ᖃᐅᔨᒪᔪᑦ ᓄᓕᐊᒥᖕᓂᒃ ᑐᓂᕐᕈᓯᖃᑦᑕᕐᑐᓂᒃ ᒎᑎᒋᔭᒥ ᐊᓯᐊᓄᑦ ᐊᕐᓇᐅᖃᑎᖏᓪᓗ ᑕᕝᕙᓃᖃᑕᐅᔪᑦ ᐃᓄᐃᓪᓗ ᑕᕝᕙᓃᑦᑐᑦᑕᐅᖅ, ᐹᑐᕉᓯᒦᑦᑐᓪᓗ ᐄᑦᔨᑉᑎᒥᐅᓂ, ᑕᕆᐅᓪᓗ ᓇᓛᓂᒥᐅᑦ ᔨᕆᒤᐊᒧᑦ ᐅᖃᕐᐳᑦ,

ᔨᕆᒤᐊᐅᑉ ᐊᒡᓚᖏᑦ 46:14

“ᑕᒪᓐᓇ ᐅᖃᐅᓯᕆᒍᒃ ᐄᑦᔨᑉᑎᒥᐅᓂ, ᐅᖃᐅᓯᕆᓗᒍᓗ ᒥᒡᑐᓕᒥ, ᐅᖃᐅᓯᕆᖕᒥᓗᒍᓗ ᒥᒻᐱᓯᒥ ᑕᐸᓂᓯᒥᓗ, ᐃᓂᒃᓴᑦᓯᓐᓄᐊᕐᓗᓯ ᐅᐸᓗᖕᒊᕐᓯᒪᓕᕆᑦᓯ, ᐊᕙᑎᑦᓯᓐᓃᑦᑐᑦ ᓴᕕᒡᔪᐊᒧᑦ ᑐᖁᕋᕐᑕᐅᓂᐊᕐᒪᑕ!

ᔨᕆᒤᐊᐅᑉ ᐊᒡᓚᖏᑦ 46:19

ᐄᑦᔨᑉᑎᒥᐅᑕᐅᔪᓯ ᓇᒃᓴᕐᓂᐊᕐᑕᑦᓯᓐᓂᒃ ᐴᖅᑬᓕᕆᑦᓯ ᐊᐅᓪᓚᕈᑦᔭᐅᔪᒫᕋᑦᓯ, ᒥᒻᐱᓯᒥ ᓄᓇᖃᕐᑐᑦ ᓱᓁᕈᑎᔪᒫᕐᐳᑦ ᓄᓇᖃᕐᕕᕕᓂᑐᐃᓐᓇᐅᓕᕐᓗᑎᒃ ᐃᓄᖃᕈᓐᓃᕈᒫᕐᒪᑕ.

ᐃᓯᑭᐊᓕᐅᑉ ᐊᒡᓚᖏᑦ 29:10

ᑍᒤᒻᒪᑦ ᑕᑯᒋᑦ, ᓵᓐᖓᓕᕐᐸᒋᑦ, ᑰᖁᑎᑎᓪᓗ ᓵᓐᖓᓕᕐᐸᒃᑲ, ᐄᑦᔨᑉᑎᓕᒫᑉ ᓄᓇᖓ ᓱᓁᕈᑎᑎᑦᓱᒫᕐᐸᕋ ᐊᓯᕈᕐᑕᐅᓗᓂᓗ, ᒥᒡᑐᓕᒥᑦ ᐱᒋᐊᕐᓗᒍ ᓮᓂᒧᑦ ᑎᑭᓪᓗᒍ, ᐃᑎᐅᐱᐊᒥᐅᓪᓗ ᓄᓇᖓᑦᑕ ᑭᒡᓕᖓ ᑎᑭᓪᓗᒍ.

ᐃᓯᑭᐊᓕᐅᑉ ᐊᒡᓚᖏᑦ 29:14

ᐄᑦᔨᑉᑎᒥᐅᓪᓗ ᐅᑎᕐᑎᑦᓱᕐᐸᒃᑲ, ᓄᓇᖃᓕᕈᒫᕐᐳᓪᓗ ᓄᓇᒥ ᐹᑦᑐᕉᓯᒥ, ᓄᓇᑐᖃᕆᓚᐅᕐᑕᒥᖕᓂ, ᑕᕝᕙᓂᓗ ᐊᖓᔪᖅᑲᐅᕕᖓᑦ ᐊᖏᔫᔪᒫᓐᖏᓚᖅ.

ᐃᓯᑭᐊᓕᐅᑉ ᐊᒡᓚᖏᑦ 30:13

“ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᒎᑎᓐᖑᐊᖏᑦ ᐊᓯᕈᕈᒫᕐᐸᒃᑲ, ᒥᒻᐱᓯᒥᐅᓪᓗ ᐃᓄᓐᖑᐊᖁᑎᖏᑦ ᓯᖁᑦᑎᕈᒫᕐᐸᒃᑲ; ᐄᑦᔨᑉᑎᒥᐅᑦ ᐊᖓᔪᖅᑳᖃᕈᓐᓃᕈᒫᕐᐳᑦ; ᑕᕝᕙᓃᑦᑐᓪᓗ ᓯᕘᕋᓕᕐᑎᑦᓱᒫᕐᐸᒃᑲ.

ᐃᓯᑭᐊᓕᐅᑉ ᐊᒡᓚᖏᑦ 30:14

ᐹᑐᕉᓯᒥᐅᑦ ᓄᖑᑕᐅᑎᑦᓱᒫᕐᐸᒃᑲ, ᔪᐊᓐᒥᐅᓪᓗ ᐃᑯᐊᓪᓚᒃᑎᓪᓗᒋᑦ, ᑎᐱᓯᒥᐅᓪᓗ ᓱᒋᐊᕈᒫᕐᐸᒃᑲ.

ᐃᓯᑭᐊᓕᐅᑉ ᐊᒡᓚᖏᑦ 30:16

ᐄᑦᔨᑉᑎᒥᐅᑦ ᐃᑯᐊᓪᓚᒃᑎᑦᓱᒫᕐᐸᒃᑲ; ᐱᓗᓯᓐᒥᐅᓪᓗ ᐋᓐᓂᐊᓂᕐᒧᑦ ᓂᐹᔪᒫᕐᐳᑦ; ᑎᐱᓯᒥᐅᓪᓗ ᐃᒡᓗᒐᓴᒡᔪᐊᖏᑦ ᐊᕙᓗᕐᔪᐊᖓᓗ ᐅᕐᕉᕋᕐᓗᓂ ᓯᖁᑦᑎᕈᒫᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 30:18

ᑎᕼᐊᐸᓂᕼᐃᒥᐅᑦ ᑖᕐᓯᐅᓕᕈᒫᕐᐳᑦ, ᐄᑦᔨᑉᑎᒥᐅᑦ ᐱᔪᓐᓇᕐᓂᖏᑦ ᓵᓚᒋᒍᒃᑭᑦ, ᐱᐅᔪᕆᓂᖏᑦ ᐃᓱᓕᑦᓱᒫᕐᐳᑦ; ᓄᕗᔭᒧᑦ ᐅᓕᒃᑕᐅᔪᒫᕐᐳᑦ, ᐃᓄᖏᑦ ᑎᒍᔭᐅᓗᑎᒃ ᐊᐅᓪᓚᕈᑦᔭᐅᔪᒫᕐᒪᑕ.

ᕼᐆᓯᐊᑉ ᐊᒡᓚᖏᑦ 9:6

ᑕᑯᒋᑦ, ᐊᓯᕈᕐᑕᐅᓂᕐᒥᑦ ᕿᒫᓇᓱᐊᕐᐳᑦ; ᐄᑦᔨᑉᑎᒥᐅᓪᓕ ᑲᑎᕐᓱᕈᒫᕐᐰᑦ, ᒥᒻᐱᓯᒥᐅᓪᓗ ᐃᓗᕕᕈᒫᕐᐰᑦ. ᓯᐅᓪᕕᕆᖁᑎᖏᑕᓗ ᐃᓂᖏᑦ ᐱᕈᕐᓂᕐᓗᒃᑐᓄᑦ ᐱᕈᕐᕕᐅᔪᒫᕐᐳᑦ, ᐅᕐᐱᒊᓪᓗ ᑲᑭᓪᓚᕐᓇᕐᑐᑦ ᑐᐱᖏᓐᓂ ᐱᕈᕈᒫᕐᐳᑦ.