ᔨᕆᒤᐊᐅᑉ ᐊᒡᓚᖏᑦ 43:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᐊᖑᑎᑦ, ᐊᕐᓁ, ᓄᑕᖅᑲᑦ, ᐊᖓᔪᖅᑳᕐᔪᐊᓪᓗ ᐸᓂᖏᑦ, ᑖᒃᑯᐊᓕᒫᑦ ᓂᐳᔭᕋᑕᐅᑉ ᑲᒪᒋᔭᐅᑎᓚᐅᕐᑕᖏᑦ ᒋᑕᓔᐊᒧᑦ ᐊᕼᐂᑲᐅᑉ ᐃᕐᓂᖓᓄᑦ ᓴᕙᓂᐅᑉ ᐃᕐᖑᑕᖓᓄᑦ ᐊᒡᓛᑦ ᐸᕉᒃᓗ ᓂᕅᐊᐅᑉ ᐃᕐᓂᖓ ᔨᕆᒤᐊᓗ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ ᐃᓚᐅᑎᑕᐅᒋᓪᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 43:6 Iomraidhean Croise

ᔨᕆᒤᐊᐅᑉ ᐊᒡᓚᖏᑦ 38:22

ᐊᕐᓇᓕᒫᑦ ᔫᑕᒥᐅᑦ ᐊᖓᔪᖅᑳᕐᔪᐊᖓᑕ ᐃᒡᓗᖓᓃᑦᑐᑦ ᐊᓂᑎᑕᐅᔪᒫᕐᐳᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦᑕ ᐊᖓᔪᖅᑳᖁᑎᖏᓐᓄᑦ, ᑖᒃᑯᐊᓗ ᐊᕐᓁᑦ ᐃᓕᖕᓂᒃ ᐅᖃᐅᓯᖃᕈᒫᕐᐳᑦ ᐃᒫᒃ: ‘ᐊᖓᔪᖅᑳᕐᔪᐊᖅ ᐃᓚᓐᓇᕆᔭᒥᓄᑦ ᑕᒻᒪᕐᑎᑕᐅᓪᓗᓂ ᓵᓚᒋᔭᐅᑎᑕᐅᕗᖅ, ᐃᑎᒐᖏᑦ ᒪᕐᕋᕐᒧᑦ ᒪᖑᖕᒪᑕ, ᐃᓚᓐᓇᕆᔭᒥᓄᑦ ᕿᒪᒃᑕᐅᕗᖅ.’

ᔨᕆᒤᐊᐅᑉ ᐊᒡᓚᖏᑦ 39:10

ᓂᐳᔭᕋᑕᓐᓕ ᐅᓇᑕᕐᑎᓄᑦ ᐊᖓᔪᖄᖑᔪᖅ ᕿᒤᓚᐅᕐᐳᖅ ᔫᑕᒥᐅᓂᒃ ᐊᔪᕐᓴᕐᑐᓂᒃ ᑭᓱᖁᑎᖃᐅᖏᑦᑐᓂᒃ, ᑍᑦᓱᒪᓕ ᑕᕝᕙ ᓄᓇᖁᑎᑖᕐᑐᕐᑎᓚᐅᕐᐰᑦ ᕔᓂᓕᒃᓴᓂᒡᓗ ᐱᕈᕐᓰᕕᒃᑖᑎᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 40:11

ᔫᑎᓪᓗ ᒧᐊᐱᒥ, ᐋᒪᓐᒥᓗ, ᐄᑐᒥᓗ ᓄᓇᓕᖕᓂᓗ ᑖᒃᑯᐊ ᐊᓯᖏᓐᓃᑦᑐᓂ ᑐᓴᐅᒪᓕᕋᒥᒃ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦ ᔫᑕᒥ ᐊᒥᐊᒃᑯᖃᕐᑎᑦᓯᓂᖓᓂᒃ, ᑖᒃᑯᐊᓗ ᑲᒪᔨᖃᓕᕐᓂᖏᓐᓂᒃ ᒋᑕᓔᐊᒥᒃ ᐊᕼᐂᑲᒻ ᐃᕐᓂᖓᓂᒃ ᓴᕙᓂᐅᑉ ᐃᕐᖑᑕᖓᓂᒃ.

ᔨᕆᒤᐊᐅᑉ ᐊᒡᓚᖏᑦ 40:7

ᐃᓴᕆᐊᓕᒥᐅᓪᓕ ᐅᓇᑕᕐᑎᖏᑕ ᐊᖓᔪᖅᑳᕆᔭᖏᑦ ᕿᒫᓂᑰᓪᓗᑎᒃ ᓇᓂᑐᐃᓐᓈᓕᕐᓂᑯᐃᑦ ᑐᓴᐅᒪᓕᕐᐳᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᒋᑕᓔᐊ ᐊᕼᐂᑲᐅᑉ ᐃᕐᓂᖓ ᐊᐅᓚᑦᓯᔨᓐᖑᕐᑎᑕᐅᓯᒪᓕᕐᓂᖓᓂᒃ ᓄᓇᓕᓕᒫᓄᑦ ᑲᒪᔨᐅᓕᕐᓂᖓᓂᒡᓗ, ᐊᖑᑏᑦ ᐊᕐᓁᓪᓗ, ᓄᑕᖅᑲᓪᓗ, ᐊᔪᕐᓴᕐᓂᕐᐹᖑᔪᓄᑦ ᐊᐅᓪᓚᕈᑦᔭᐅᖏᓐᓂᑯᓄᑦ ᐹᐱᓘᓂᒧᑦ ᑖᑦᓱᒧᖓ ᑐᓂᔭᐅᓯᒪᓕᕐᓂᖏᑦ.

ᔨᕆᒤᐊᐅᑉ ᐊᒡᓚᖏᑦ 41:10

ᐊᖓᔪᖅᑳᕐᔪᐊᓪᓗ ᐸᓂᖏᑦ ᑎᒍᔭᐅᑎᑉᐰᑦ ᐃᓄᑐᐃᓐᓁᓪᓗ ᒥᔅᐸᒦᑦᑐᑦ, ᓂᐳᔭᕋᑕᐅᑉ ᑲᒪᒋᔭᐅᑎᓕᓚᐅᕐᑕᖏᑦ ᐊᖓᔪᖅᑳᒧᑦ ᒋᑕᓔᐊᒧᑦ ᐊᕼᐂᑲᐅᑉ ᐃᕐᓂᖓᓄᑦ, ᐃᓯᒥᐅᓕᐅᑉ ᓂᑕᓁᐊᐅᑉ ᐃᕐᓂᖓᑕ ᑎᒍᔭᐅᑎᓪᓗᓂᒋᑦ ᐊᐅᓪᓚᕈᑎᓕᕐᐰᑦ ᓄᓇᐅᑉ ᐊᒧᓁᑎᐅᑉ ᓇᓛᓄᑦ.

ᔨᕆᒤᐊᐅᑉ ᐊᒡᓚᖏᑦ 43:3

ᐸᕉᑭᐅᑉ ᓂᕅᐊᐅᑉ ᐃᕐᓂᖓᑕ ᐃᓱᒪᑖᕐᑎᓯᒪᖕᒪᑎᑦ ᖁᕕᐊᓇᖏᑦᑐᓂᒃ ᐅᕙᑦᑎᓐᓄᑦ ᐅᖃᓪᓚᒃᐳᑎᑦ, ᑲᐅᓪᑎᐊᒥᐅᓄᑦ ᓵᓚᒋᔭᐅᓗᑕ ᑐᖁᑕᐅᖁᒐᑦᑎᒍᑦ, ᐊᐅᓪᓚᕈᑦᔭᐅᓗᑕᓘᓐᓃᑦ ᐹᐱᓘᓂᒧᑦ.”

ᔨᕆᒤᐊᐅᑉ ᐊᒡᓚᖏᑦ 45:1

ᐃᒫᒃ ᔨᕆᒤᐊᐅᑉ ᒎᑎᐅᑉ ᐅᖃᕐᑎᖓᑕ ᐸᕉᒃ ᓂᕅᐊᐅᑉ ᐃᕐᓂᖓ ᐅᖃᐅᑎᓚᐅᕐᐹ, ᔨᕼᐅᐃᐊᑭᒻ ᔫᓮᐊᐅᑉ ᐃᕐᓂᖓ ᐊᖓᔪᖅᑳᕐᔪᐊᖑᓯᒪᓕᕐᑎᓪᓗᒍ ᐊᕐᕌᒍᓂᒃ ᓯᑕᒪᓂᒃ, ᐸᕉᒃ ᑎᑎᕋᓚᐅᕐᓯᒪᓕᕐᑎᓪᓗᒍ ᔨᕆᒤᐊᐅᑉ ᐅᖃᕐᐸᓪᓕᐊᔭᖏᓐᓂᒃ ᐊᒡᓚᖕᓂᒃ.

ᔨᕆᒤᐊᐅᑉ ᐊᒡᓚᖏᑦ 52:10

ᓄᓇᒥ ᕇᑉᓚᒥ ᔨᑎᑬᐊᐅᑉ ᐃᕐᓂᖏᑦ ᑐᖁᕋᕐᑕᐅᑎᑉᐰᑦ, ᔨᑎᑬᐊ ᑕᑯᓐᓇᕐᑎᓪᓗᒍ. ᔫᑕᒥᐅᑦ ᐊᖓᔪᖅᑳᖁᑎᖏᑦ ᑕᒪᕐᒥᒃ ᑐᖁᑕᐅᑎᒃᑭᕔᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:1

ᐅᕙᖓ ᑕᑯᓯᒪᕗᖓ ᐋᓐᓂᐊᑎᑕᐅᓂᕐᒥᒃ. ᑖᑦᓱᒪ ᓂᓐᖓᐅᒪᓂᖓᑕ ᐊᓇᐅᑕᖓᓂᒃ!

ᔪᐊᓇᓯᐅᑉ ᐊᒡᓚᖏᑦ 21:18

ᓱᓕᔪᒥᒃ ᐅᖃᐅᑎᕙᒋᑦ, ᐃᓅᓱᒃᑑᑎᓪᓗᑎᑦ, ᐃᓕᖕᓂᒃ ᑕᑦᓯᕈᓯᕐᓗᑎᑦ ᐂᕙᓚᐅᕐᐳᑎᑦ ᐂᕕᒋᔪᒪᔭᕐᓄᑦ; ᐃᑦᑑᓕᕈᕕᓪᓕ ᑕᓖᒃᑭᒃ ᐃᓴᒍᒫᕐᐹᒃᑭᒃ, ᐊᓯᕕᓪᓗ ᑕᑦᓯᕈᓯᕈᒫᕐᐹᑎᑦ ᐂᑎᓪᓗᑎᑦ ᐂᕕᒋᔪᒪᓐᖏᑕᕐᓄᑦ.”