7 ᐅᓪᓗᐃᑦ ᖁᓕᑦ ᐊᓂᒍᕐᑎᓪᓗᒋᑦ ᐊᑕᓂᖅ ᔨᕆᒤᐊᒧᑦ ᐅᖃᕐᐳᖅ;
ᐊᑕᓂᖅ ᐅᑕᖅᑭᒍᒃ; ᑯᒃᓴᓱᖏᓪᓗᑎᑦ, ᑕᕝᕙ ᐆᒻᒪᑏᑦ ᓴᓐᖏᓂᕐᒥᒃ ᑐᓂᓯᕕᒋᓂᐊᕐᐹ; ᐅᖃᕐᐳᖓ, ᐊᑕᓂᖅ ᐊᑏ ᐅᑕᖅᑭᒍᒃ!
ᑍᒤᒻᒪᑦ ᐊᑕᓂᖅ ᒎᑎ ᐅᖃᕐᐳᖅ: “ᑕᑯᒋᑦ, ᓮᐅᓂᒥ ᐅᔭᕋᖕᒥᒃ ᑐᓐᖓᕕᒃᓴᓕᐅᕐᐳᖓ, ᐆᒃᑐᕋᕐᑕᐅᓯᒪᔪᒥᒃ ᐅᔭᕋᖕᒥᒃ, ᐃᒡᓘᑉ ᑎᕆᖅᑯᒃᓴᖓᓂᒃ, ᑐᓐᖓᕕᒃᓴᒥᒃ ᐊᐅᓚᖏᑦᑐᒥᒃ; ᓇᓪᓕᐊᓪᓗ ᐅᒃᐱᕐᑐᖅ ᑐᐊᕕᕐᓗᓂ ᐱᓇᓱᐊᕆᐊᖃᕈᒫᓐᖏᓚᖅ.
ᐊᑕᓂᕐᓕ ᐅᑕᖅᑭᕗᖅ, ᐃᓕᑦᓯᓐᓂᒃ ᐱᑦᓯᐊᕐᕕᖃᕈᒪᓪᓗᓂ; ᑍᒤᒻᒪᑦ ᒪᑭᑦᓱᒫᕐᐳᖅ ᓂᑲᒍᓱᖕᓂᕐᒥᓂᒃ ᖃᐅᔨᑎᑦᓱᒪᓪᓗᓯ, ᐊᑕᓂᖅ ᒎᑎᐅᖕᒪᑦ ᐊᑦᔨᒌᒃᑎᑦᓯᔪᖅ; ᖁᕕᐊᓱᒍᑎᒃᓴᖃᕐᐳᑦ ᐊᑕᓂᕐᒥᒃ ᐅᑕᖅᑭᔪᓐᓇᕐᑐᓕᒫᑦ.
ᔨᕆᒤᐊᓕ ᐊᑕᓂᕐᒧᑦ ᐅᖃᕐᕕᐅᓚᐅᕆᕗᖅ ᓂᐳᔭᕋᑕᓐᒧᑦ ᐅᓇᑕᕐᑎᓄᑦ ᐊᖓᔪᖅᑳᖑᓂᕐᐹᕆᔭᐅᔪᒧᑦ ᑎᒍᔭᐅᓯᒪᕕᒋᓚᐅᕐᑕᖓᓂᑦ ᐊᓂᑎᑕᐅᓯᒪᓕᕐᑎᓪᓗᒍ ᕌᒪᒥ, ᔨᕆᒤᐊ ᑕᑯᓚᐅᕐᒪᒍ ᐊᑦᓱᖏᕐᓱᕐᑕᐅᖃᑕᐅᓯᒪᔪᖅ ᑎᒍᔭᐅᓯᒪᔪᓄᑦ ᔨᕉᓴᓕᒥᓐᖔᕈᑦᔭᐅᔪᓂᑦ ᔫᑕᒥᓪᓗ ᐊᐅᓪᓚᕈᑦᔭᐅᓕᕐᑎᓪᓗᒋᑦ ᐹᐱᓘᓂᒧᑦ.
ᔪᕼᐋᓇᓂᒃᑯᑦ ᑲᕆᐊᑉ ᐃᕐᓂᖓ ᐅᓇᑕᕐᑐᒃᓮᓪᓗ ᐊᖓᔪᖅᑳᒻᒪᕆᖏᑦ ᐃᓚᒋᔭᖏᑦ, ᐃᓄᐃᓪᓗ ᐱᓪᓚᕆᐅᖏᑦᑐᑦ ᐱᓪᓚᕇᓪᓗ ᔨᕆᒤᐊᐅᑉ ᑲᑎᖁᕔᑦ.
ᐅᓪᓗᐃᑦ 7 ᐊᓂᒍᕐᑎᓪᓗᒋᑦ ᐊᑕᓂᐅᑉ ᐅᖃᐅᓯᖓᑕ ᑎᑭᑉᐹᖓ ᐅᖃᕐᓗᓂ:
ᑕᑯᑎᑦᔪᑎᑦ ᐱᕕᒃᓴᒥᖕᓂᒃ ᓇᓪᓕᐅᑎᕝᕕᐅᓯᒪᖏᒃᑲᓗᐊᕐᑎᓪᓗᒋᑦ; ᑭᖑᓪᓕᕐᐹᒥᒡᓕ ᐅᖃᐅᓯᖏᑦ ᓇᓪᓕᐅᑎᔪᒫᕐᐳᑦ ᓴᒡᓗᓂᐊᕋᑎᒡᓗ. ᓇᓪᓕᐅᑎᓂᐊᕐᓂᖓ ᐊᑯᓂᐅᖅᑰᔨᓂᐊᕋᓗᐊᕐᐳᖅ, ᐅᑕᖅᑭᑐᐃᓐᓇᕐᓯᐅᒡᓕ; ᐱᕕᒃᓴᖓ ᓇᓪᓕᐅᑎᓪᓚᕆᒍᒫᕐᒪᑦ, ᑭᖑᕙᕐᓂᐊᕋᓂᓗ.
