ᔨᕆᒤᐊᐅᑉ ᐊᒡᓚᖏᑦ 42:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᔨᕆᒤᐊᐅᑉ ᑭᐅᕔᑦ, “ᑐᓴᐅᒪᕙᒋᑦ ᑕᑯᒋᑦ, ᑐᒃᓯᐊᕐᓂᐊᕐᐳᖓ ᐊᑕᓂᕐᒧᑦ ᒎᑎᑦᑎᓐᓄᑦ ᑐᒃᓯᐅᑦᔭᐅᔪᒪᓂᓯ ᒪᓕᒡᓗᒍ, ᖃᓄᑐᐃᓐᓇᖅ ᐊᑕᓂᖅ ᑭᐅᒃᐸᑦ ᐅᖃᐅᑎᓂᐊᕐᐸᒋᑦ, ᐅᖃᐅᓯᖃᕐᑍᓕᓂᐊᓐᖏᓚᖓ ᐃᓕᑦᓯᓐᓄᑦ.”

ᔨᕆᒤᐊᐅᑉ ᐊᒡᓚᖏᑦ 42:4 Iomraidhean Croise

ᐃᓐᖏᕈᑎᑦ 40:10

ᐃᔨᕐᓯᒪᓇᓱᓚᐅᓐᖏᓚᕋᓗ ᐃᓱᐊᕐᑐᓕᓃᑦ ᐆᒻᒪᑎᓐᓂ; ᐅᖃᐅᓯᕆᓚᐅᕐᐸᕋᓗ ᓱᖁᓯᔪᐃᑦᑑᓃᑦ ᐱᐅᓕᕐᓯᓃᓪᓗ; ᓇᒡᓕᖕᓃᓪᓗ ᓱᖁᓯᔪᐃᑦᑐᖅ ᐃᔨᕐᓯᒪᓚᐅᓐᒋᓚᕋ ᓱᓕᑦᓯᐊᕐᓃᓪᓗ ᐃᓄᒋᐊᒃᑐᕐᔪᐊᓂᑦ ᑲᑎᒪᔪᓂᑦ.

ᒨᓯᓯ ᐂᑉᐸᖏᑦ 8:29

ᒨᓯᓯᐅᓪᓕ ᑭᐅᕚ, “ᑕᑯᒋᑦ ᑕᕝᕙᓐᖓᑦ ᐊᓂᓕᕈᒪ ᑐᒃᓯᐅᑎᓂᐊᕐᐸᒋᑦ ᐊᑕᓂᕐᒧᑦ ᖃᐅᒃᐸᑦ ᑕᒪᒃᑯᓄᖓ ᐊᓇᓐᖏᕐᓄᑦ ᕿᒪᒃᑕᐅᖁᓪᓗᓯ ᐱᔨᑎᓪᓗ ᐃᓄᖁᑎᑎᓪᓗ, ᑭᓯᐊᓂᓕ ᓴᒡᓗᔪᒃᓴᐅᓐᖏᓚᑎᑦ ᑕᒪᑐᒪᓂ, ᐃᓄᖕᓂᒃ ᑐᓂᕐᕈᓯᕆᐊᕐᑐᖁᔨᔪᓐᓃᕐᓗᑎᑦ ᐊᑕᓂᕐᒧᑦ ᑍᒤᑦᑐᒃᓴᐅᓐᖏᓚᑎᑦ.”

ᔨᕆᒤᐊᐅᑉ ᐊᒡᓚᖏᑦ 23:28

ᐱᔪᖃᓛᕐᑐᒥᒃ ᐅᖃᕐᑎ ᓯᓐᓇᒃᑑᒪᓐᓂᕈᓂ ᓯᓐᓇᒃᑑᒪᒥᓂᒃ ᐅᓂᒃᑳᕐᓕ, ᐅᖃᐅᓯᓐᓂᒃᑕᐅᖅ ᐱᓯᒪᔪᖅ ᐅᖃᐅᓯᖃᕐᓕ ᑲᔪᓯᑦᓯᐊᕐᓗᓂ. ᓂᐊᖂᔭᒃᓴᖅ ᐊᑦᔨᖃᕈᓐᓇᕐᐹ ᐃᕕᒡᓱᒐᕐᒥᒃ? ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 23:35

ᐃᒫᒃ ᐅᖃᕐᑐᒃᓴᐅᕗᓯ ᐃᓚᓐᓇᕆᔭᑦᓯᓐᓄᑦ ᐃᓚᑦᓯᓐᓄᓪᓗ, ‘ᖃᓄᖅ ᐊᑕᓂᖅ ᑭᐅᕙ?’ ᐅᕝᕙᓗ ‘ᖃᓄᖅ ᐊᑕᓂᖅ ᐅᖃᕐᐸ?’

ᔨᕆᒤᐊᐅᑉ ᐊᒡᓚᖏᑦ 26:2

“ᐊᑕᓂᖅ ᐃᒫᒃ ᐅᖃᕐᐳᖅ, ᑐᒃᓯᐊᕐᕕᒡᔪᐊᑉ ᐊᓂᕕᖓᓂ ᓇᖏᕐᓗᑎᑦ, ᔫᑕᐅᑉ ᓄᓇᓕᖁᑎᖏᑕ ᐃᓄᖏᓐᓄᑦ ᐅᖃᓪᓚᒋᑦ ᐊᑕᓂᐅᑉ ᑐᒃᓯᐊᕐᕕᒃᔪᐊᖁᑎᖓᓄᑦ ᑐᒃᓯᐊᕆᐊᕐᓯᒪᔪᓄᑦ, ᐃᓕᖕᓄᑦ ᐅᖃᐅᓯᐅᖁᔭᓕᒫᒃᑲ ᐅᖃᐅᓯᕆᒃᑭᑦ; ᐅᖃᐅᓯᐅᖁᔭᓐᓂᒃ ᐅᖃᓐᖏᑕᖃᕐᑍᓕᓗᑎᑦ.

ᐃᓯᑭᐊᓕᐅᑉ ᐊᒡᓚᖏᑦ 2:7

ᐅᖃᕐᑕᐅᖁᔭᓂᒃ ᐅᖃᐅᓯᖃᕐᑐᒃᓴᐅᕗᑎᑦ, ᓈᓚᒃᑕᐅᓂᐊᕈᕕᑦ ᓈᓚᒃᑕᐅᔮᖏᒃᑯᕕᓪᓘᓐᓃᑦ, ᑖᒃᑯᐊ ᐊᑭᕋᕐᑐᕐᑎᐅᖕᒪᑕ.

ᐋᐴᓯᑕᓖᑦ ᐱᓂᐊᕐᓂᖏᑦ 20:20

ᐅᖃᕐᑍᓕᕙᓚᐅᓐᖏᓚᖓᓗ ᑲᓐᖑᓱᖕᓇᖓ ᐃᓕᑦᓯᓐᓄᑦ ᐱᕚᓕᕈᑕᐅᔪᓐᓇᕐᑐᓂᒃ ᐊᔪᕆᕐᑐᐃᖃᑦᑕᕐᓗᖓᓗ ᐃᓄᐃᑦ ᓵᖏᓐᓂ, ᐃᓪᓗᖏᓐᓂᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 20:27

ᐅᖃᕐᑍᓕᒪᓚᐅᖏᓐᓇᒪ ᐃᓕᑦᓯᓐᓄᑦ ᒎᑎᐅᑉ ᐊᑐᕐᑕᐅᖁᔭᓕᒫᖏᓐᓂᒃ.

ᕉᒪᒥᐅᓄᑦ 10:1

ᐃᓗᖏᕐᓱᕐᓗᖓ ᐃᓅᖃᑎᒃᑲ ᑐᒃᓯᐅᑎᕙᒃᑲ ᒎᑎᒧᑦ ᐱᐅᓕᔭᐅᖁᓪᓗᒋᑦ.

ᓴᒧᐃᓕ ᓯᕗᓪᓖᑦ 12:23

ᐅᕙᓐᓂᓪᓕ, ᐅᖓᓯᒡᓕ ᐊᔪᕐᑐᓕᔪᒃᓴᐅᓂᕋ ᐊᑕᓂᕐᒧᑦ ᑐᒃᓯᐅᑦᔨᖃᑦᑕᕈᓐᓃᕋᔭᕈᒪ ᐃᓕᑦᓯᓐᓂᒃ; ᐊᔪᕆᕐᑐᖃᑦᑕᕐᓂᐊᕐᐸᑦᓯ ᐱᐅᔪᒥᒃ ᓈᒻᒪᓈᕐᑐᒥᒡᓗ.