ᔨᕆᒤᐊᐅᑉ ᐊᒡᓚᖏᑦ 42:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ “ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᓴᕆᐊᓕᒥᐅᑦ ᒎᑎᖓᑦ ᐃᒫᒃ ᐅᖃᕐᐳᖅ, ᑍᒫᒃᑕᐅᖅ ᔨᕉᓴᓕᒥᐅᓄᑦ ᓂᓐᖓᕕᒡᔪᐊᕐᓂᕋ ᓴᖅᑭᑎᓚᐅᕋᒃᑯ, ᐃᓕᑦᓯᓐᓄᑦᑕᐅᖅ ᓴᖅᑭᑎᑦᓱᓐᓇᕆᕙᕋ ᐄᑦᔨᑉᑎᒧᐊᕐᓂᐊᕈᑦᓯ. ᑕᑯᔪᒥᓇᕐᑑᔪᒫᓐᖏᓚᓯ ᐃᓄᖕᓄᓪᓗ ᒥᑕᐅᑎᒋᔭᒃᓴᐅᔪᒫᕐᐳᓯ ᐅᖃᕐᓂᕐᓘᑎᒃᓴᐅᓗᓯᓗ, ᓄᓇᓯᓗ ᑕᒪᓐᓇ ᑕᑯᒃᑲᓐᓂᕈᓐᓇᕈᒫᓐᖏᓚᓯᐅᒃ.”

ᔨᕆᒤᐊᐅᑉ ᐊᒡᓚᖏᑦ 42:18 Iomraidhean Croise

ᑯᕉᓂᑲ ᐂᑉᐸᖏᑦ 34:25

ᐅᕙᓐᓂᒃ ᕿᒤᓚᐅᕐᒪᑕ ᑎᐱᑦᓯᐊᕆᒃᑐᓂᒡᓗ ᐃᑯᐊᓪᓔᖃᑦᑕᓕᕐᓗᑎᒃ ᒎᑎᓐᖑᐊᓄᑦ, ᐅᕙᓐᓂᒡᓗ ᓂᓐᖓᒃᓮᓚᐅᕐᒪᑕ ᐱᓂᐊᕐᓂᕐᒥᖕᓄᑦ, ᑍᒤᒻᒪᑦ ᓂᓐᖓᐅᓯᕋ ᑯᕕᓂᐊᕐᐳᖅ ᑕᕝᕗᖓ ᖃᒥᑎᑕᐅᓂᐊᕋᓂᓗ.

ᐂᓮᐊᓯᐅᑉ ᐊᒡᓚᖏᑦ 30:3

ᐊᖓᔪᖅᑳᕐᔪᐊᓪᓕ ᐃᑲᔪᕐᑎᒋᔪᒪᔭᖏᑦ ᐱᔪᓐᓇᕐᓂᖃᕈᒫᓐᖏᓚᑦ, ᐄᑦᔨᑉᑎᒥᐅᓄᑦ ᓴᐳᑦᔭᐅᓇᓱᐊᕐᓂᖓᑦ ᐊᓯᕈᕐᑕᐅᑦᔪᑎᒃᓴᑐᐃᓐᓇᐅᔪᒫᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 65:15

ᐊᑎᕐᓯ ᐃᓕᔪᒫᕐᐸᓯ ᓂᕈᐊᕐᓯᒪᔭᓐᓄᑦ ᓇᕐᕈᒋᔭᒃᓴᓐᖑᖁᓪᓗᒋᑦ; ᐊᑕᓂᐅᓪᓗ ᒎᑎᐅᑉ ᑐᖁᑦᓱᒫᕐᐹᓯ; ᐱᔨᓂᓕ ᑍᒎᓯᖃᓕᕐᑎᑦᓱᒫᕐᐰᑦ ᐊᑎᖏᑕ ᐊᓯᐊᓂᒃ.

ᔨᕆᒤᐊᐅᑉ ᐊᒡᓚᖏᑦ 18:16

ᓄᓇᖓ ᐊᑐᕐᑐᒃᓴᐅᔪᓐᓃᕐᓂᐊᕐᐳᖅ, ᓄᓇᒋᔭᐅᔭᕆᐊᒃᓴᖅ ᓇᕐᕈᒋᔭᐅᓕᕐᓗᓂ. ᐊᖅᑯᓵᕐᑐᓕᒫᑦ ᑲᒪᓂᐊᖃᑦᑕᕈᒫᕐᐳᑦ ᐃᓕᕿᑕᒫᕐᓗᑎᒡᓗ.

ᔨᕆᒤᐊᐅᑉ ᐊᒡᓚᖏᑦ 22:27

ᐅᑎᕈᓐᓇᕈᒫᓐᖏᓚᓯ ᓄᓇᒧᑦ ᐅᑎᕐᓯᕐᕕᒌᓐᓇᕐᑕᑦᓯᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 23:40

ᐃᓱᖃᖏᑦᑐᒧᓪᓗ ᓇᕐᕈᓇᕐᑎᑕᐅᓂᕐᒥᒃ ᐃᓕᑦᓯᓐᓄᑦ ᑎᑭᑎᑦᓯᔪᒫᕐᐳᖓ ᑲᓐᖑᓇᕐᑐᒦᓐᓂᕐᒥᒃ, ᐳᐃᒍᕐᑕᐅᓚᐅᕐᓯᒪᓂᐊᖏᑦᑐᒥᒃ.”

ᔨᕆᒤᐊᐅᑉ ᐊᒡᓚᖏᑦ 24:9

ᐃᓅᖃᑎᒋᔪᒥᓇᕈᓐᓃᕐᑎᑦᓱᒪᕙᒃᑲ ᐱᐅᒋᔭᐅᖏᑦᑑᑎᓪᓗᒋᓪᓗ ᐊᖓᔪᖅᑳᕐᔪᐊᖃᕐᕕᐅᔪᓕᒫᓄᑦ ᓄᓇᒥ, ᐱᐅᖏᑦᑐᒥᒃ ᐅᖃᐅᓯᐅᒐᔪᒃᑎᓪᓗᒋᑦ ᐊᑭᕋᕐᑐᕐᑕᐅᒐᔪᒃᑎᓪᓗᒋᓪᓗ ᓇᓂᑐᐃᓐᓇᖅ ᓄᓇᖃᓕᕌᖓᑕ.

ᔨᕆᒤᐊᐅᑉ ᐊᒡᓚᖏᑦ 25:9

ᑕᑯᒋᑦ, ᐅᓐᓄᐊᓪᓗᐊᑉ ᓇᓛᓃᑦᑐᑦ ᐃᓄᓕᒫᖏᓐᓂᒃ ᑎᓕᓯᓂᐊᕐᐳᖓ, ᑭᒡᒐᓐᓂᒡᓗ ᓂᐱᑯᓁᓴᒥᒃ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓂᒃ, ᐊᑕᓂᖅ ᐅᖃᕐᐳᖅ, ᐅᓇᑕᕆᐊᕐᑎᓐᓂᐊᕐᐸᒃᑲᓗ ᓄᓇᒧᑦ ᑕᒪᐅᖓ ᐃᓅᖃᑎᒌᒡᔪᐊᓄᑦ, ᓄᓇᓕᐅᖃᑎᒋᔭᓕᒫᓯᓗ ᐊᓯᕈᕐᑕᐅᑎᓐᓂᐊᕐᐸᒃᑲ ᑲᑉᐱᐊᓲᑎᒃᓴᓐᖑᕐᑎᓪᓗᒋᓪᓗ ᐋᖅᑭᒃᑕᐅᒃᑲᓐᓂᕐᓂᐊᕈᓐᓃᕐᑐᒥᒃ ᓄᓇᓕᕕᓂᑐᐃᓐᓇᐅᓕᕐᑎᓐᓂᐊᕐᐸᕋ.

ᔨᕆᒤᐊᐅᑉ ᐊᒡᓚᖏᑦ 26:6

ᑕᕝᕙ ᑐᒃᓯᐊᕐᕕᒃᔪᐊᖅ ᐱᓂᐊᕐᕕᒋᓂᐊᕐᐸᕋ ᓮᓗᐊᒧᑦ ᐱᓇᓱᐊᕐᓂᕆᓚᐅᕐᑕᑦᑐᑦ, ᓄᓇᓖᓪᓗ ᑖᒃᑯᐊ ᓇᕐᕈᒋᔭᐅᓕᕈᒫᕐᐳᑦ ᐃᓅᖃᑎᒌᒡᔪᐊᓄᑦ ᑕᒤᓐᓄᑦ.”

ᔨᕆᒤᐊᐅᑉ ᐊᒡᓚᖏᑦ 29:18

ᐅᓇᑕᕐᑕᐅᑎᓐᓂᐊᕐᐸᒃᑲ ᑳᖕᓇᕐᑐᕐᔪᐊᖃᕐᑎᑦᓯᓗᖓᓗ ᐋᓐᓂᐊᓇᕐᑐᖃᕐᑎᑦᓯᓂᐊᕐᐳᖓ ᐃᓅᖃᑎᒌᒡᔪᐊᓄᓪᓗ ᑲᑉᐱᐊᓲᑕᐅᓂᐊᕐᐳᑦ ᑕᒪᒃᑯᐊ ᑕᑯᔭᐅᓕᕈᑎᒃ ᑍᒃᑯᓄᖓ ᑎᑭᑎᒃᑯᒃᑭᑦ.

ᔨᕆᒤᐊᐅᑉ ᐊᒡᓚᖏᑦ 29:22

ᐃᓄᐃᓪᓗ ᐊᐅᓪᓚᕈᑦᔭᐅᓯᒪᔪᑦ ᔨᕉᓴᓕᒥᑦ ᐹᐱᓘᓂᒧᑦ ᓱᒋᐊᕐᑕᐅᖁᔨᓕᕌᖓᒥᒃ ᐅᖃᕐᐸᖕᓂᐊᕐᐳᑦ, ‘ᐊᑕᓂᐅᑉ ᐱᓂᐊᕐᕕᒋᓕᑎᑦ ᓲᕐᓗ ᔨᑎᑬᐊᒧᑦ ᐂᕼᐊᑉᒧᓪᓗ ᐱᓂᐊᓚᐅᕐᓂᖓᑐᑦ ᐆᒪᑎᓪᓗᒋᒃ ᐹᐱᓘᓂᐅᑉ ᐊᖓᔪᖅᑳᕐᔪᐊᖓᓄᑦ ᐃᑯᐊᓪᓚᒃᑕᐅᓚᐅᕐᒪᑎᒃ.’

ᔨᕆᒤᐊᐅᑉ ᐊᒡᓚᖏᑦ 33:5

ᐃᓚᖏᓪᓕ ᐊᑭᒪᓇᓱᐊᕈᒫᕐᐳᑦ ᑲᐅᓪᑎᐊᒥᐅᓂᒃ, ᐃᒡᓗᖁᑎᖏᓪᓗ ᑕᑕᑦᓱᒫᕐᐳᑦ ᑐᖁᖓᔪᕕᓂᕐᓂᒃ ᓂᓐᖓᕕᒃᔪᐊᕐᓂᓐᓄᑦ ᐊᑭᓂᐊᕐᕕᒋᓕᕈᒃᑭᑦ, ᑖᒃᑯᐊ ᐃᒡᓗᒐᓴᒡᔪᐊᑦ ᐊᓚᕐᐸᒃᑲ ᑮᓇᓐᓄᑦ ᐃᓄᖏᑕ ᐱᐅᖏᑦᑐᓕᓂᕐᒥᒃ ᐱᓇᓱᐊᑐᐃᓐᓇᓕᕐᓂᖏᑦ ᐱᑦᔪᑎᒋᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 44:12

ᔫᑕᒥᐅᑦ ᐊᒥᐊᒃᑯᖏᑦ ᐄᑦᔨᑉᑎᒥ ᓄᓇᖃᕆᐊᕐᑐᕐᓯᒪᔪᑦ ᓄᖑᓐᓂᐊᕐᐸᒃᑲ ᐃᓘᓐᓇᑎᒃ ᐄᑦᔨᑉᑎᒦᓕᕋᓗᐊᕐᑎᓪᓗᒋᑦ ᑐᖁᕋᕈᒫᕐᐳᑦ, ᐅᓇᑕᕐᑐᓂᓘᓐᓃᑦ, ᑳᖕᓇᕐᑐᕐᔪᐊᒧᓪᓘᓐᓃᑦ, ᒥᑭᓐᓂᕐᐹᒥᑦ ᐱᔪᓐᓇᕐᓂᕐᐹᑦ ᑎᑭᓪᓗᒋᑦ, ᑐᖁᑕᐅᔪᒫᕐᐳᑦ ᐅᓇᑕᕐᑐᒃᓴᓄᑦ ᑳᖕᓇᕐᑐᕐᔪᐊᒧᓪᓗ, ᐅᖃᕐᓂᕐᓘᑎᒃᓴᓐᖑᕈᒫᕐᐳᑦ ᑕᑯᒥᓁᑦᑑᓗᑎᒡᓗ ᐃᒋᑕᒃᓴᐅᓂᐊᕐᐳᑦ ᐸᓯᔭᒃᓴᐅᓗᑎᒡᓗ.

ᔨᕆᒤᐊᐅᑉ ᐊᒡᓚᖏᑦ 44:22

ᐊᑕᓂᖅ ᕿᓄᐃᓵᕈᓐᓁᓪᓕᒐᒥ ᐱᐅᖏᑦᑐᓂᒃ ᐃᓕᖅᑯᓯᖃᕐᓂᑦᓯᓐᓄᑦ, ᓈᒻᒪᒋᓐᖏᑕᖏᓐᓂᒡᓗ ᐱᓇᓱᐊᖃᑦᑕᕐᓂᑦᓯᓐᓄᑦ ᓄᓇᒋᔭᓯ ᐅᖃᐅᓯᕐᓘᑎᒃᓴᓐᖑᓚᐅᕐᐳᖅ, ᓱᓁᕈᑎᓪᓗᓂᓗ ᐃᓄᖃᕈᓐᓃᕐᓗᓂᓗ ᒫᓐᓇ ᑍᒤᑦᑑᓕᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 44:6

ᓂᓐᖓᕕᒃᔪᐊᕐᓂᕋ ᓴᖅᑭᑎᓚᐅᕐᐸᕋ ᔫᑕᒥᐅᓄᑦ ᔨᕉᓴᓕᒥᐅᓄᓪᓗ ᓄᓇᓖᓪᓗ ᐃᑯᐊᓪᓚᒃᑕᐅᑎᓚᐅᕐᐸᒃᑲ, ᓄᓇᓕᕕᓂᑐᐃᓐᓇᐅᓕᕐᐳᑦ ᐅᓪᓗᒥ ᑕᑯᓪᓗᒋᓪᓗ ᑕᑯᔪᒥᓇᓐᖏᓚᑦ.

ᔨᕆᒤᐊᐅᑉ ᐊᒡᓚᖏᑦ 44:8

ᓱᖕᒪᑦ ᓂᓐᖓᒃᑎᓐᓇᓱᐊᕐᐱᓯᓐᖔ ᑐᒃᓯᐊᕐᕕᖃᕐᓂᑦᓯᓐᓄᑦ ᒎᑎᓐᖑᐊᓄᑦ ᑐᓂᕐᕈᓯᕐᕕᒋᓪᓗᒋᓪᓗ ᐄᑦᔨᑉᑎᒥ ᒎᑎᒋᔭᐅᔪᑦ? ᑍᒤᓕᐅᕋᓱᐊᕐᐱᓰ? ᓄᖑᑦᓯᐊᒻᒪᕆᒍᒪᓪᓗᓯ, ᓄᓇᒥ ᐃᓅᖃᑎᒌᒡᔪᐊᖑᔪᓄᑦ ᒥᑕᐅᑎᒋᔭᒃᓴᓐᖑᕈᒪᓪᓗᓯ ᐅᖃᕐᓂᕐᓘᑎᒃᓴᐅᔪᒪᓪᓗᓯᓘ?

ᔨᕆᒤᐊᐅᑉ ᐊᒡᓚᖏᑦ 6:11

ᐅᕙᖓᓕ ᐊᑕᓂᐅᑉ ᓂᓐᖓᐅᓯᖓᓂᑦ ᐱᑕᖃᓗᐊᓂᕐᒧᑦ ᐱᓯᒪᒋᐊᖓ ᑕᖃᕙᕋ, “ᐊᓂᑎᓕᕈᒃ ᕿᑐᕐᖓᖏᓐᓄᑦ ᐊᖅᑯᑎᒦᑦᑐᓄᑦ, ᐃᓅᓱᒃᑐᖁᑎᖏᓐᓄᓪᓗ ᑲᑎᒪᔪᓄᑦ, ᓄᓕᐊᕇᓄᓪᓗ ᓴᖅᑭᓐᓂᐊᕐᐸᕋ ᐃᓄᑐᖃᐅᓕᕐᑐᓄᓪᓗ.

ᔨᕆᒤᐊᐅᑉ ᐊᒡᓚᖏᑦ 7:20

ᐃᒫᒃ ᑕᕝᕙ ᐊᑕᓂᖅ ᒎᑎ ᐅᖃᕐᐳᖅ: ᑕᑯᒋᑦ, ᓂᓐᖓᒃᑯᒪ ᓂᓐᖓᐅᒪᓗᖓ ᐱᓇᓱᐊᕐᕕᒋᓂᐊᕐᐸᒃᑲ ᐃᓄᐃᓗ ᐆᒪᔪᓪᓗ, ᓇᐹᕐᑐᐃᓪᓗ, ᐸᐅᕐᒊᓪᓗ ᓄᓇᒥ ᐱᕈᕐᐸᒃᑐᑦ, ᐃᑯᐊᓚᓂᐊᕐᐳᑦ ᖃᒥᑕᐅᔪᓐᓇᖏᑦᑐᒥᒃ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:4

ᐱᑎᒃᓯᒥᓄᑦ ᑐᕌᕐᑎᑉᐹᑎᒍᑦ ᐱᒋᐊᕈᒪᓪᓗᑕ ᐊᑭᕋᕐᑎᑐᑦ, ᓄᖑᑕᐅᑎᑉᐰᑦ ᖁᕕᐊᒋᓪᓗᒋᑦ ᐃᓅᖃᑎᓐᓈᕆᔭᕗᑦ, ᓂᓐᖓᕕᒃᔪᐊᕐᓂᕐᒥᓄᑦ ᐃᑯᐊᓪᓔᔭᕐᑐᕐᑐᑎᑐᑦ ᓮᐅᓂᐅᑉ ᐸᓂᖏᑕ ᑐᐱᖏᑦ ᓄᖑᑕᐅᑎᑉᐰᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:6

ᑐᒃᓯᐊᕐᕕᒡᔪᐊᖅ ᐃᓂᒋᓂᕋᕐᑕᓂ ᓯᖁᑦᑎᕐᑕᐅᑎᑉᐹ ᐱᕈᕐᓰᕕᒃᑎᑐᑦ ᑖᓐᓇ ᑲᑎᕕᒋᕙᒃᑕᕗᑦ, ᐊᑕᓂᐅᑉ ᓮᐅᓂ ᐳᐃᒍᕐᑕᐅᑎᑉᐹ ᓇᓪᓕᐅᓐᓂᕐᓯᐅᕐᕕᐅᕙᒃᑐᓂᒃ ᓴᐸᑎᓂᓗ, ᐊᖓᔪᖅᑳᕐᔪᐊᖅ ᑐᓂᕐᕈᓯᕐᑎᑦᓯᔩᓪᓗ ᓂᓐᖓᕕᒃᔪᐊᕐᓂᕐᒥᓄᑦ ᓇᕐᕈᒋᓕᕐᐰᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:11

ᐊᑕᓂᐅᑉ ᓂᓐᖓᕕᒡᔪᐊᕐᓂᓂ ᓴᖅᑭᑎᒻᒪᒍ, ᓮᐅᓂ ᐃᑯᐊᓪᓚᒃᑕᐅᕗᖅ ᓄᖑᓪᓗᓂ.

ᐃᓯᑭᐊᓕᐅᑉ ᐊᒡᓚᖏᑦ 20:34

ᓄᓇᓂᑦ ᓇᑭᑐᐃᓐᓇᖅ ᓯᐊᒻᒪᕐᑎᑕᐅᓯᒪᕕᑦᓯᓐᓂᑦ ᑲᑎᕐᓱᕈᒫᕐᐸᑦᓯ, ᐊᒡᒐᓐᓄᑦ ᓲᖑᔪᓄᑦ ᑕᓕᓐᓄᓪᓗ ᓴᓐᖏᔪᒧᑦ, ᓂᓐᖓᐅᓯᓐᓂᒃ ᐃᓚᖃᕐᑐᒧᑦ;

ᐃᓯᑭᐊᓕᐅᑉ ᐊᒡᓚᖏᑦ 22:22

ᓯᐅᓪᕕᕇᑦ ᐊᐅᒃᑎᑦᓯᕕᖕᒥ ᐊᐅᒃᑎᑕᐅᓲᖑᖕᒪᑕ, ᐃᓕᑦᓯᑦᑕᐅᖅ ᐊᐅᒃᑎᑕᐅᔪᒫᕐᐳᓯ ᑕᕝᕙᓂ; ᑕᕝᕙ ᖃᐅᔨᔪᒫᕐᐳᓯ ᐅᕙᖓ ᐊᑕᓂᖅ, ᐃᓕᑦᓯᓐᓂᒃ ᓂᓐᖓᐅᑦᔨᓯᒪᓂᓐᓄᑦ ᑍᒤᓕᐅᕐᕕᒋᓚᐅᕋᑦᓯ.”

ᑖᓂᐊᓕᐅᑉ ᐊᒡᓚᖏᑦ 9:11

ᐃᓴᕆᐊᓕᑎᓕᒫᑦ ᓯᖁᒥᑦᓯᖃᑦᑕᕐᓯᒪᖕᒪᑕ ᐱᖁᔭᕐᓂᒃ ᒪᓕᖕᓇᒋᓪᓗ, ᐃᓕᖕᓂᒡᓗ ᓈᓚᒍᒪᓇᑎᒃ. ᑍᒤᒻᒪᑦ ᓇᕐᕈᓇᕐᓯᑎᑕᐅᓃᑦ ᐃᖅᑲᕐᑐᐃᓂᒃᑯᓪᓗ ᓱᒋᐊᕐᓯᓃᑦ ᒨᓯᓯᐅᑉ ᐱᔨᒋᔭᕕᑦ ᐱᖁᔭᖏᑎᒍᑦ ᑎᑎᕋᕐᓯᒪᔪᑦ, ᐅᕙᑦᑎᓐᓄᑦ ᑯᕕᓯᒪᕗᑦ, ᐃᓕᖕᓄᑦ ᐱᐅᖏᑦᑐᓕᓯᒪᒐᑦᑕ.

ᑖᓂᐊᓕᐅᑉ ᐊᒡᓚᖏᑦ 9:27

ᑖᓐᓇ ᐊᖏᖃᑎᒌᒍᑎᒥᒃ ᐋᖅᑭᒃᓯᔪᒫᕐᐳᖅ ᓇᓪᓕᐅᓐᓃᑦ 7ᐃᑦ ᐃᓚᖓᓐᓂ, ᓇᓪᓕᐅᓐᓃᑦ 7ᐃᑦ ᐃᓚᖓᓐᓂ ᑐᖁᑕᐅᔪᒫᕐᐳᖅ ᐆᒪᔪᑎᑐᑦ ᑐᓂᕐᕈᑎᒋᔭᐅᓗᓂ. ᑐᒃᓯᐊᕐᕕᒡᔪᐊᑉ ᐳᕐᑐᓂᕐᐹᖓᓂ ᐃᓕᓯᔪᒫᕐᐳᖅ ᓇᕐᕈᓇᕐᑐᕐᔪᐊᒥᒃ ᓱᕋᒃᑕᐅᑎᑦᓯᔪᒥᒃ ᐃᒡᓗᒐᓴᒡᔪᐊᓂᒃ ᑖᓐᓇ ᑍᒤᓕᖓᓂᐊᕐᐳᖅ, ᐅᖃᐅᑕᐅᓯᒪᔫᑉ ᓇᓪᓕᐅᑎᓂᖓᑕ ᐃᓱᓕᑦᓯᐊᕐᓂᖓᓄᑦ ᑎᑭᓪᓗᒍ.”

ᕼᐆᓯᐊᑉ ᐊᒡᓚᖏᑦ 7:16

ᒎᑎᓐᖑᐊᓄᑦ ᓵᖃᑦᑕᕐᐳᑦ; ᐱᑎᒃᓯᐅᕗᑦ ᑐᕚᕆᔭᒃᓴᐅᖏᑦᑐᑦ, ᐊᖓᔪᖅᑳᖁᑎᖏᑦ ᑐᖁᔪᒫᕐᐳᑦ ᓴᕕᒡᔪᐊᓄᑦ ᖃᓂᒃᑯᑦ ᒥᑕᐅᑎᖃᖃᑦᑕᓚᐅᕐᒪᑕ. ᑕᒪᓐᓇᓗ ᐄᑦᔨᑉᑎᒥᐅᓄᑦ ᒥᑕᐅᑕᐅᑦᔪᑎᒋᔪᒫᕐᐹᑦ.”

ᓇᕼᐅᒥᐅᑉ ᐊᒡᓚᖏᑦ 1:6

ᓂᓐᖓᓕᕐᐸᑦ, ᑭᓇ ᐊᓐᓇᒍᓐᓇᕋᔭᕐᐹ? ᑭᓇᓗ ᐊᓐᓇᒍᓐᓇᕐᐹ ᓂᓐᖓᐅᒪᕕᒡᔪᐊᕐᓂᖓᓂᑦ? ᑖᑦᓱᒪ ᓂᓐᖓᐅᒪᓂᖓ ᐃᑯᒪᔪᑐᑦ ᑍᒤᑦᑐᖅ ᓈᕕᑕᐅᕗᖅ; ᑕᕝᕙ ᐅᔭᕅᑦ ᓯᖃᓪᓕᕗᑦ ᑖᑦᓱᒪ ᓵᖓᓂ.

ᓴᑲᕅᐊᐅᑉ ᐊᒡᓚᖏᑦ 8:13

ᔫᑕᒥ ᐃᓴᕆᐊᓕᒥᓗ ᓄᓇᖃᕐᑐᓯ ᐃᓅᖃᑎᒌᒡᔪᐊᓂᑦ ᓇᕐᕈᓇᕐᓂᕋᕐᑕᐅᕙᒃᐳᓯ ᐱᐅᖏᑦᑐᐊᓘᓂᕋᕐᑕᐅᕙᒡᓗᓯᓗ, ᑍᒤᒻᒪᑦ ᓴᐳᑎᔪᒪᕙᑦᓯ, ᓮᒻᒪᕐᑕᐅᑦᔪᑎᒃᓴᐅᓕᕈᒫᕐᐳᓯ ᐊᓯᑦᓯᓐᓄᑦ, ᑲᑉᐱᐊᓱᓐᖏᓕᕆᑦᓯ ᓯᕘᕋᓇᓯᓗ.”

ᒨᓯᓯ ᓯᑕᒪᖏᑦ 5:27

ᐃᒥᕐᒥᒃ ᐃᒥᕐᑎᒃᑯᓂᐅᒃ ᑕᕝᕙ ᐃᒤᑦᑑᓕᕋᔭᕐᐳᖅ, ᐃᒻᒥᓂᒃ ᓴᓗᒤᓕᑎᓯᒪᒍᓂ ᐅᐃᒥᓂᒃ ᐊᓯᓐᓂᐊᕐᓯᒪᒍᓂ, ᐃᒥᖅ ᑎᒥᖓᓄᑦ ᐃᑎᕐᑐᖅ ᑖᓐᓇ ᖃᓯᓕᓇᕐᓂᐊᕐᐳᖅ, ᓈᖅᑯᕐᑐᓯᓗᓂ, ᓇᓕᒃᑳᖓᓗ ᓱᕈᕐᓗᓂ, ᐊᕐᓇᕐᓗ ᐃᓅᖃᑎᒥ ᐊᑯᕐᖓᓐᓂ ᐃᑦᔪᕐᓇᕐᓯᓂᐊᕐᐳᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:10

ᑖᓐᓇᑦᑕᐅᖅ ᐃᒥᕐᑐᒃᓴᐅᕗᖅ ᐅᐂᓂᒥᒃ ᒎᑎᐅᑉ ᓂᓐᖓᐅᓯᖓᓂᒃ ᐃᒪᓕᖕᒥᒃ, ᑯᕕᔭᐅᓯᒪᔪᒥᒃ ᓴᓐᖐᓕᒋᐊᕐᓯᒪᖏᑦᑐᒥᒃ ᒎᑎᐅᑉ ᓂᓐᖓᐅᓯᖓᑕ ᖃᓪᓗᑎᖓᓄᑦ, ᐋᓐᓂᐊᑎᑕᐅᔪᒫᕐᐳᖅ ᐃᑯᒪᒧᑦ ᐳᔪᕐᒧᓪᓗ ᐃᑯᐊᓪᓚᕆᒃᑐᒧᑦ ᖃᒃᑭᓐᓇᕐᑐᒧᑦ ᐂᖏᓖᑦ ᐃᑦᔪᕐᓁᑦᑐᑦ ᓄᕐᕋᐅᔭᐅᓪᓗ ᓵᖓᓂ.