ᔨᕆᒤᐊᐅᑉ ᐊᒡᓚᖏᑦ 42:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᔫᑕᒥ ᐊᒥᐊᒃᑰᔪᓯ ᐊᑕᓂᐅᑉ ᐅᖃᐅᓯᖏᑦ ᑐᓴᓕᕐᓯᐅᒃ, ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ, ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ, ‘ᐄᑦᔨᑉᑎᒥᐅᑕᐅᔪᒪᓪᓚᕆᒃᑯᑦᓯ ᐄᑦᔨᑉᑎᒧᐊᓕᕆᑦᓯ ᓄᓇᑖᕆᐊᕐᑐᕐᓗᓯ,

ᔨᕆᒤᐊᐅᑉ ᐊᒡᓚᖏᑦ 42:15 Iomraidhean Croise

ᒨᓯᓯ ᓯᕗᓪᓖᑦ 31:21

ᐱᖁᑎᓕᒫᓂᓗ ᓇᒃᓴᕐᓗᒋᑦ ᕿᒫᓪᓗᓂ ᐊᐅᓪᓚᕐᐳᖅ, ᑰᒃ ᐃᕗᕅᑎ ᐃᑳᕐᓗᓂᐅᒃ, ᖃᖅᑲᓕᖕᒧᑦ ᒋᓕᐊᑎᒥᒃ ᐊᑎᓕᖕᓄᑦ ᑐᕌᕐᓗᓂ.

ᔨᕆᒤᐊᐅᑉ ᐊᒡᓚᖏᑦ 27:8

“ᐃᓅᖃᑎᒌᒡᔪᐊᖑᔪᓪᓕ ᐊᐅᓚᑕᐅᓕᕈᒪᓂᐊᖏᑉᐸᑕ ᓂᐱᑯᓁᓴᒧᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᑖᒃᑯᐊ ᓱᒋᐊᕐᑕᐅᑎᑦᓱᒫᕐᐸᒃᑲ ᐅᓇᑕᕐᓂᕐᒧᑦ, ᑳᖕᓇᕐᑐᕐᔪᐊᒧᑦ ᐋᓐᓂᐊᓇᕐᑐᓄᓪᓗ ᐊᓯᕈᕐᑕᐅᖏᓐᓂᓕᒫᖏᓐᓂ ᓂᐱᑯᓁᓴᐅᑉ ᐱᔪᓐᓇᕐᓂᖓᓄᑦ.

ᔨᕆᒤᐊᐅᑉ ᐊᒡᓚᖏᑦ 42:17

ᐃᓄᓕᒫᑦ ᐄᑦᔨᑉᑎᒥᐅᑕᐅᔪᒪᔪᑦ ᑐᖁᕋᕈᒫᕐᐳᑦ ᐅᓇᑕᕐᓂᒃᑯᑦ, ᐱᕐᓕᕋᕐᓗᑎᒃ, ᐋᓐᓂᐊᓇᕐᑐᓄᓪᓘᓐᓃᑦ, ᐊᑕᐅᓯᕐᒥᒡᓘᓐᓃᑦ ᐊᓐᓇᒍᓐᓇᕐᑐᖃᕈᒫᓐᖏᓚᖅ ᑲᑉᐱᐊᓇᕐᑐᓄᑦ ᑎᑭᑎᒐᔭᕐᑕᓐᓄᑦ.’

ᔨᕆᒤᐊᐅᑉ ᐊᒡᓚᖏᑦ 44:24

ᔨᕆᒤᐊᐅᑉ ᐅᖃᐅᑎᒃᑲᓐᓂᕐᐰᑦ ᐃᓄᓕᒫᑦ ᐊᕐᓁᓪᓗ, “ᐊᑕᓂᐅᑉ ᐅᖃᐅᓯᖏᑦ ᑐᓴᕐᓯᐅᒃ, ᔫᑕᒥᐅᑕᐅᔪᓯ ᐄᑦᔨᑉᑎᒦᓕᕐᑐᓯ.

ᑖᓂᐊᓕᐅᑉ ᐊᒡᓚᖏᑦ 11:17

“ᐊᖓᔪᖅᑲᐅᕕᓕᒫᓂ ᐱᔪᓐᓇᕐᓂᕐᔪᐊᕐᑖᖁᒧᑦ, ᐊᖓᔪᖅᑳᕐᔪᐊᖅ ᓯᕿᓂᐅᑉ ᓇᓛᓂᒥᐅᑕᖅ ᑕᐱᕆᓕᕈᒫᕐᐹ; ᑐᓂᓯᕕᒋᓗᒍᓗ ᐸᓂᖕᒥᓂᒃ, ᐊᖓᔪᖅᑲᐅᕕᖓ ᓄᑭᖃᕈᓐᓁᖅᑯᓪᓗᒍ, ᐃᓱᒪᒋᔭᖓ ᑲᔪᓯᔪᒫᓐᖏᓚᖅ, ᐱᕙᓪᓕᕈᑎᒋᓇᒍᓘᓐᓃᑦ.

ᓘᑲᓯᐅᑉ ᐊᒡᓚᖏᑦ 9:51

ᔩᓱᓯᐅᑉ ᕿᓚᖕᒧᐊᕐᑎᑕᐅᕕᒃᓴᖓ ᖃᒡᓕᕙᓪᓕᐊᓕᕐᒪᑦ, ᑲᔪᓯᔪᒪᓕᕐᐳᖅ ᔨᕉᓴᓕᒻᒧᑦ ᐂᔪᒪᓕᕐᓗᓂ.

ᒨᓯᓯ ᑕᓪᓕᒪᖏᑦ 17:16

ᑖᓐᓇ ᐅᓄᕐᑐᐊᓗᖕᓂᒃ ᕿᒻᒥᕐᔪᐊᖃᕐᑐᒃᓴᐅᓐᖏᓚᖅ ᓇᖕᒥᓂᒃᓴᒥᓂᒃ, ᐃᓄᖁᑎᒥᓂᒡᓗ ᐄᑦᔨᑉᑎᒧᑦ ᐅᑎᕐᑎᑦᓯᔪᒃᓴᐅᓐᖏᓚᖅ ᕿᒻᒥᕐᔪᐊᓂᒃ ᐅᓄᕐᓯᑎᑦᓯᔪᒪᓗᓂ, ᐊᑕᓂᖅ ᐅᖃᕐᓯᒪᖕᒪᑦ ᐃᓕᑦᓯᓐᓄᑦ, ‘ᑕᐅᕗᖓ ᐅᑎᓚᐅᕐᓯᒪᓂᐊᓐᖏᓚᓯ ᖃᖓᓕᒫᖅ.’