ᔨᕆᒤᐊᐅᑉ ᐊᒡᓚᖏᑦ 42:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦ ᑲᑉᐱᐊᒋᑦᑍᓕᓯᐅᒃ, ᐱᖃᑎᒋᒐᑦᓯ ᐱᐅᓕᓂᐊᕐᐸᑦᓯ ᐱᔪᓐᓇᕐᓂᖓᓂᓪᓗ ᓴᐳᑎᓯᒪᓂᐊᕐᐸᑦᓯ.

ᔨᕆᒤᐊᐅᑉ ᐊᒡᓚᖏᑦ 42:11 Iomraidhean Croise

ᐊᑕᓃᑦ ᐂᑉᐸᖏᑦ 25:26

ᐃᓴᕆᐊᓕᒥᐅᓕᒫᑦ ᐊᒃᓗᔪᑦ ᐊᒃᓗᐃᑦᑐᓪᓗ, ᐅᓇᑕᕐᑏᓪᓗ ᐊᖓᔪᖅᑳᖏᑦ ᓄᓇᒥᖕᓂᑦ ᐊᐅᓪᓚᕐᐳᑦ ᐄᑦᔨᑉᑎᒧᑦ ᐊᐅᓪᓛᕐᓗᑎᒃ, ᑲᐅᓪᑎᐊᒥᐅᓂᒃ ᓯᕘᕋᓕᕋᒥᒃ.

ᐃᓐᖏᕈᑎᑦ 118:6

ᐊᑕᓂᖅ ᓴᓂᓐᓃᒻᒪᑦ ᐃᕐᓯᓂᐊᓐᖏᓚᖓ; ᖃᓄᖅ ᐃᓄᖕᓄᑦ ᐱᓂᐊᕐᕕᐅᔪᓐᓇᕐᐳᖔ?

ᐃᓐᖏᕈᑎᑦ 46:11

ᕿᓚᖕᒥᐅᒐᓴᒃᔪᐃᑦ ᐊᑕᓂᖓᑦᑕ ᐃᓚᒋᕚᑎᒍᑦ; ᔧᑰᑉ ᒎᑎᖓ ᕿᒫᕕᒃᓴᕆᕙᕗᑦ. ᓰᓚ

ᐃᓐᖏᕈᑎᑦ 46:7

ᐊᑕᓂᐅᑉ ᐊᔪᒐᖃᖏᑦᑑᑉ ᐃᓚᒋᕚᑎᒍᑦ; ᔧᑰᑉ ᒎᑎᖓ ᕿᒫᕕᒃᓴᕆᕙᕗᑦ. ᓰᓚ

ᐂᓮᐊᓯᐅᑉ ᐊᒡᓚᖏᑦ 41:10

ᑲᑉᐱᐊᓱᒃᑍᓕᒋᑦ, ᓇᔪᕋᒃᑭᑦ; ᓴᐱᕐᑍᓕᒋᑦ ᒎᑎᒋᒐᕕᖓ; ᐱᔪᓐᓇᕐᑎᓐᓂᐊᕐᐸᒋᑦ ᐄᓛᒃ ᐃᑲᔪᕐᓂᐊᕐᐸᒋᑦ, ᒪᑭᑕᑎᓐᓂᐊᕐᐸᒋᑦ ᐊᒡᒐᓐᓄᑦ ᑕᓕᕐᐱᓐᓄᑦ ᓵᓚᖃᕐᓯᒪᔪᒧᑦ.

ᐂᓮᐊᓯᐅᑉ ᐊᒡᓚᖏᑦ 43:2

ᐃᒪᒃᑰᕋᓗᐊᕈᕕᑦ ᐱᖃᑎᒋᓂᐊᕐᐸᒋᑦ; ᑰᒃᑰᕋᓗᐊᕈᕕᓪᓗ ᓴᕐᕙᐅᓂᐊᓐᖏᓚᑎᑦ. ᐃᑯᒪᒃᑰᕋᓗᐊᕈᕕᑦ ᐃᑯᐊᓪᓚᒃᑕᐅᓂᐊᓐᖏᓚᑎᑦ, ᐃᑯᒪᒧᓪᓗ ᐆᑕᐅᓂᐊᓐᖏᓚᑎᑦ.

ᐂᓮᐊᓯᐅᑉ ᐊᒡᓚᖏᑦ 43:5

ᐃᕐᓯᓇᒃ, ᐱᖃᑎᒋᒐᒃᑭᑦ; ᑭᖑᕚᑎᑦ ᑎᑭᑎᑦᓱᒫᕐᐸᒃᑲ ᓯᕿᓂᐅᑉ ᓄᐃᕕᐊᑕ ᓇᓛᓂᑦ, ᑲᑎᑎᕐᓗᓯᓗ ᓯᕿᓂᐅᑉ ᓂᐱᕕᐊᑕ ᓇᓛᓂᑦ.

ᔨᕆᒤᐊᐅᑉ ᐊᒡᓚᖏᑦ 1:19

ᑖᒃᑯᐊ ᐅᓇᑕᕈᒫᕐᐹᑎᑦ; ᓵᓚᒋᔭᐅᓂᐊᓐᖏᓚᑎᓪᓕ, ᐅᕙᖓ ᐱᖃᑎᒋᓂᐊᕋᒃᑭᑦ ᓴᐳᑎᓯᒪᓗᑎᑦ. ᐅᕙᖓ ᐊᑕᓂᐅᔪᖓ ᐅᖃᕐᐳᖓ ᑕᒪᑐᒥᖓ.”

ᔨᕆᒤᐊᐅᑉ ᐊᒡᓚᖏᑦ 1:8

ᑲᑉᐱᐊᒋᑦᑍᓕᑭᑦ, ᐃᓚᒋᓂᐊᕐᐸᒋᑦ ᓴᐳᑎᓯᒪᓗᑎᑦ, ᐅᕙᖓ ᐊᑕᓂᐅᓪᓗᖓ ᐅᖃᕐᐳᖓ!”

ᔨᕆᒤᐊᐅᑉ ᐊᒡᓚᖏᑦ 15:20

ᐃᒡᓗᒐᓮᑦ ᐊᕙᓗᕐᔪᐊᖏᑎᑐᑦ ᑍᒤᑦᑑᑎᓐᓂᐊᕐᐸᒋᑦ ᐃᓄᖕᓄᑦ, ᐊᕙᓗᕐᔪᐊᑎᑐᑦ ᐱᔭᐅᓐᓇᖏᑦᑐᑎᑐᑦ ᑲᓐᓄᔭᒥᑦ ᓴᓇᔭᐅᓯᒪᔪᑎᑐᑦ, ᐃᓕᖕᓂᒃ ᐱᓇᓱᐊᕋᓗᐊᕈᑎᒃ ᓵᓚᖃᕐᓂᐊᓐᖏᓚᑦ, ᐅᕙᖓ ᓇᔪᕐᓂᐊᕋᒃᑭᑦ ᓴᐳᑎᓂᐊᕐᐸᒋᑦ ᐱᐅᓕᓗᑎᓪᓗ.” ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 27:11

ᐃᓅᖃᑎᒌᒡᔪᐊᖑᔪᓪᓕ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦᑕ ᐊᐅᓚᑦᓯᓂᖓᓄᑦ ᐊᐅᓚᑕᐅᔪᒪᔪᑦ ᓄᓇᑐᖃᕐᒥᖕᓂᑦ ᓄᓇᖃᕐᓂᐊᕐᐳᑦ ᐱᔨᑦᓯᕐᓗᒍᓗ ᐃᓅᕕᒋᓂᐊᕐᐹᑦ, ᐊᑕᓂᖅ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 27:12

ᑍᒫᑦᓮᓐᓇᖅ ᔨᑎᑬᐊ ᔫᑕᒥᐅᑦ ᐊᖓᔪᖅᑳᕐᔪᐊᖓᑦ ᐅᖃᐅᑎᓚᐅᕆᕙᕋ, ᐅᖃᕐᓗᖓᓗ, “ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᐊᐅᓚᑕᐅᔪᒃᓴᐅᕗᑎᑦ ᐱᔨᑦᓯᕐᓗᒍᓗ ᑕᕝᕙ ᐃᓅᓂᐊᕐᐳᑎᑦ.

ᔨᕆᒤᐊᐅᑉ ᐊᒡᓚᖏᑦ 27:17

ᓈᓚᒃᑍᓕᓯᒋᒃ ᐹᐱᓘᓂᐅᑉ ᐊᖓᔪᖅᑳᕐᔪᐊᖓ ᐱᔨᑦᓯᕈᑦᓯᐅᒃ ᑕᕝᕙ ᐃᓅᓂᐊᕐᐳᓯ ᓱᖕᒪᑦ ᑖᒃᑯᐊ ᐃᒡᓗᒐᓴᒡᔪᐊᑦ ᓄᓇᓕᕕᓂᑐᐃᓐᓇᐅᓕᖁᕕᓯᐅᒃ?

ᔨᕆᒤᐊᐅᑉ ᐊᒡᓚᖏᑦ 41:18

ᑲᐅᓪᑎᐊᒥᐅᓄᑦ ᐱᔭᐅᓇᓱᐊᕐᓂᐊᕋᓱᒋᒐᒥᒃ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦᑕ ᐊᐅᓚᑦᓯᔨᓐᖑᕐᑎᓚᐅᕐᑕᖓᑦ ᒋᑕᓔᐊ ᐊᕼᐂᑲᐅᑉ ᐃᕐᓂᖓᑕ ᑐᖁᑕᐅᓯᒪᓂᖓ ᐃᓯᒥᐅᓕᒧᑦ ᓂᑕᓁᐊᐅᑉ ᐃᕐᓂᖓᓄᑦ ᐱᑦᔪᑎᒋᓪᓗᒍ.

ᒨᓯᓯ ᓯᑕᒪᖏᑦ 14:9

ᑭᓯᐊᓂ ᐊᑕᓂᖅ ᐊᑭᕋᕐᑐᕐᓂᐊᕐᓇᒍ, ᐅᕝᕙᓗ ᐃᓄᐃᑦ ᑖᕙᓃᑦᑐᑦ ᐃᕐᓯᒋᓂᐊᕐᓇᒋᑦ, ᐅᕙᑦᑎᓐᓄᑦ ᓂᕆᔭᒃᓴᑎᑐᑦ ᑍᒤᑐᐃᓐᓇᕐᒪᑕ; ᓴᐴᓗᑕᖏᑦ ᐊᑐᕈᓐᓁᕐᒪᑕ ᐊᑕᓂᐅᑉ ᐃᓚᒋᖕᒪᑎᒍᑦ. ᐃᕐᓯᒋᓂᐊᕐᓇᒋᑦ.”

ᒫᑎᐅᓯᐅᑉ ᐊᒡᓚᖏᑦ 10:28

ᓯᕘᕋᒋᓂᐊᕋᓯᒋᒃ ᑎᒥᒥᒃ ᑐᖁᑦᓯᔪᑦ ᑕᕐᓂᕐᒥᒡᓕ ᑐᖁᑦᓯᔪᓐᓇᖏᑦᑐᑦ; ᓯᕘᕋᒋᓯᐅᒃᓕ, ᑕᒤᓐᓂᒃ ᐊᓯᕈᐃᔪᓐᓇᕐᑐᖅ ᑎᒥᒥᒃ ᑕᕐᓂᕐᒥᒡᓗ ᐃᑯᒪᕐᔪᐊᕐᒥ.

ᒫᑎᐅᓯᐅᑉ ᐊᒡᓚᖏᑦ 28:20

ᐊᔪᕆᕐᑐᕐᓗᒋᓪᓗ ᒪᓕᖁᓪᓗᒋᑦ ᐃᓕᑦᓯᓐᓄᑦ ᐱᖁᔨᓂᕆᓚᐅᕐᑕᓐᓂᒃ ᑕᒤᓐᓂᒃ; ᑕᑯᒋᑦ ᑍᒪᓐᖓᓕᒫᖅ ᐃᓚᒋᓂᐊᕐᐸᑦᓯ, ᓯᓚᕐᔪᐊᑉ ᓇᒡᒐᑖ ᑎᑭᓪᓗᒍ.”

ᐋᐴᓯᑕᓖᑦ ᐱᓂᐊᕐᓂᖏᑦ 18:10

ᐃᓚᒋᒐᒃᑭᑦ, ᑭᓇᒧᓪᓘᓐᓃᑦ ᐅᐸᒃᑐᕐᑕᐅᓂᐊᓐᖏᓚᑎᑦ ᐊᓐᓂᕐᑕᐅᔭᕐᑐᕐᓗᑎᑦ, ᐊᒥᓱᓂᒃ ᐃᓄᖁᑎᖃᕋᒪ ᑕᕝᕙᓂ ᐃᒡᓗᒐᓴᖕᓂ.”

ᕉᒪᒥᐅᓄᑦ 8:31

ᑕᒪᑐᒧᖓ ᑕᕝᕙ ᖃᓄᖅ ᐅᖃᕐᑐᒃᓴᐅᓕᕐᐱᑖ? ᒎᑎᐅᑉ ᐃᓚᒋᒃᐸᑎᒍᑦ, ᑭᐊ ᐊᑭᕋᕐᑐᕈᓐᓇᕐᐹᑎᒎᑦ?

ᒨᓯᓯ ᑕᓪᓕᒪᖏᑦ 20:4

ᐊᑕᓂᐅᑉ ᒎᑎᑦᓯ ᐃᓚᒋᓂᐊᕐᒪᓯ, ᑖᑦᓱᒪᓗ ᓵᓚᒃᓴᕐᑎᓐᓂᐊᕐᐹᓯ.’

ᑎᒧᑎᒧᑦ ᐂᑉᐸᖏᑦ 4:17

ᐊᑕᓂᐅᓪᓕ ᓇᔪᕐᒪᖓ ᑖᑦᓱᒪ ᐱᔪᓐᓇᕐᓂᖃᕐᑎᓚᐅᕐᐹᖓ ᐅᖃᓪᓚᒍᓐᓇᓚᐅᕐᐳᖓ ᑕᒤᓐᓂᒃ ᐅᖃᕆᐊᖃᕐᑕᓐᓂᒃ, ᔫᑎᐅᖏᑦᑐᓕᒫᑦ ᑐᓴᕈᓐᓇᖁᓪᓗᒋᑦ. ᑕᕝᕙ ᓔᔭᓐᐅᑉ ᖃᓂᖏᓐᓂᑦ ᓴᐳᑎᔭᐅᓚᐅᕐᐳᖓ.

ᔮᓱᐊᑉ ᐊᒡᓚᖏᑦ 1:5

ᔮᓱᐊ ᑭᓇᒧᓪᓘᓐᓃᑦ ᓵᓚᐅᓂᐊᓐᖏᓚᑎᑦ ᐃᓅᑎᓪᓗᑎᑦ ᓇᔪᐃᓐᓇᕐᓂᐊᕐᐸᒋᑦ ᑍᒫᑦᓮᓐᓇᖅ ᒨᓯᓯ ᓇᔪᓚᐅᕋᒃᑯ ᓇᔪᐃᓐᓇᕐᓂᐊᕐᐸᒋᑦ ᕿᒪᖕᓂᐊᕐᓇᒡᓗ.

ᔮᓱᐊᑉ ᐊᒡᓚᖏᑦ 1:9

ᐃᖅᑲᐅᒪᓂᐊᕐᐳᑎᑦ ᑎᓕᓚᐅᕋᒃᑭᑦ, ᓴᓐᖏᔫᓕᕆᑦ ᓴᐱᖏᓪᓗᑎᓪᓗ; ᑲᑉᐱᐊᓱᒃᑍᓕᒋᑦ, ᖁᓚᖏᓪᓗᑎᓪᓗ; ᐊᑕᓂᐅᑉ ᒎᑎᕕᑦ ᐃᓚᒋᓂᐊᕐᐹᑎᑦ ᓇᒧᓐᖓᕐᓂᐊᕈᕕᓪᓘᓐᓃᑦ.”