ᔨᕆᒤᐊᐅᑉ ᐊᒡᓚᖏᑦ 40:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᑖᒃᑯᐊᓗ ᒋᑕᓔᐊᒧᐊᕐᐳᑦ ᓄᓇᒥᑦ ᒥᔅᐸᒥᑦ ᐅᑯᐊᖑᓪᓗᑎᒃ; ᐃᓯᒥᐅᓪ ᓂᑕᓁᐊᐅᑉ ᐃᕐᓂᖓ, ᔪᕼᐋᓇᓐ ᔫᓇᑕᓂᓗ ᑲᕆᐊᑉ ᐃᕐᓂᖏᒃ, ᓯᕅᐊᓗ, ᑖᓐᕼᐅᒥᑎᐅᑉ ᐃᕐᓂᖓ, ᐃᐰᓪᓗ ᐃᕐᓂᖏᒃ ᓂᑐᐸᕼᐊᑍᑎᒥᐅᑕᐅᑉ, ᔭᔭᓁᐊᓗ ᒫ-ᑲᑍᑎᒥᐅᑕᐅᑉ ᐃᕐᓂᖓ ᐅᓇᑕᕐᑎᖁᑎᖏᓪᓗ.

ᔨᕆᒤᐊᐅᑉ ᐊᒡᓚᖏᑦ 40:8 Iomraidhean Croise

ᓴᒧᐃᓕ ᐂᑉᐸᖏᑦ 10:6

ᐊᒧᓁᑎᒥᐅᑦ ᖃᐅᔨᓕᕋᒥᒃ ᑍᕕᑎᒧᑦ ᖁᕕᐊᒋᔭᐅᔪᓐᓃᕐᓂᕐᒥᖕᓂᒃ, ᑍᒤᒻᒪᑦ ᐊᑭᓖᓪᓗᑎᒃ ᑎᑭᖁᔨᓚᐅᕐᐳᑦ ᓯᕆᐊᒥᐅᑦ ᐅᓇᑕᕐᑐᒃᓴᖏᓐᓂᒃ ᐱᑦ-ᕆᕼᐊᐱᒥᑦ, ᔫᐸᒥᓪᓗ, 20,000ᓂᒃ ᐅᓇᑕᕐᑎᓂᒃ, ᒫᑲᐅᓪᓗ ᐊᖓᔪᖅᑳᕐᔪᐊᖓᓂᑦ 1,000ᓂᒃ, ᑑᑉᒥᓪᓗ 12,000ᓂᒃ ᐅᓇᑕᕐᑎᓂᒃ.

ᓴᒧᐃᓕ ᐂᑉᐸᖏᑦ 10:8

ᐊᒧᓁᑎᒥᐅᑦ ᐊᐅᓪᓚᕋᒥᒃ ᐊᑐᐃᓐᓇᕈᓚᐅᕐᐳᑦ ᐅᓇᑕᕐᓂᕐᒧᑦ ᕌᐸᐅᑉ ᐃᑎᕆᐊᕐᕕᖓᓂ; ᐊᓯᖏᓪᓕ ᓯᕆᐊᒥᐅᑦ ᕅᕼᐊᐱᒥᐅᓪᓗ, ᒫᑲᒥᐅᓪᓗ, ᐃᒻᒥᒍᑦ ᐃᓂᑖᓚᐅᕐᐳᑦ ᖃᖅᑲᖃᖏᑦᑐᒥ ᓄᓇᑐᐃᓐᓇᕐᒥ.

ᓴᒧᐃᓕ ᐂᑉᐸᖏᑦ 23:34

ᐃᓕᕕᓕᑦ ᐊᕼᐊᔅᐰᑉ ᐃᕐᓂᖓ ᒫᑲᑍᑎᒥᐅᑕᖅ, ᐃᓕᐊᒻ ᐊᕼᐃᑐᐱᓕᐅᑉ ᐃᕐᓂᖓ ᒋᓗᓁᑎᒥᐅᑕᖅ,

ᐊᑕᓃᑦ ᐂᑉᐸᖏᑦ 25:23

ᔫᑕᒥᐅᑦ ᐅᓇᑕᕐᑎᖁᑎᖏᑕ ᐊᖓᔪᖅᑳᖏᑦ ᑐᓴᕋᒥᒃ ᒋᑕᓔᐊᐅᑉ ᐹᐱᓘᓂᐅᑉ ᐊᖓᔪᖅᑳᕐᔪᐊᖓᑕ ᐊᐅᓚᑦᓯᔨᓐᖑᕐᑎᒻᒪᒍ ᐂᕕᒋᕚᑦ, ᒥᔅᐸᒦᑦᑐᖅ, ᐅᑯᐊᖑᓪᓗᑎᒃ, ᐃᓯᒥᐅᓕ ᓂᑕᓁᐊᐅᑉ ᐃᕐᓂᖓ, ᔪᕼᐋᓇᓐ ᑲᕆᐊᑉ ᐃᕐᓂᖓ, ᓯᕅᐊᓗ ᑖᓐᕼᐅᒥᑎᐅᑉ ᐃᕐᓂᖓ ᓂᑐᐸᕼᐊᒥᐅᖅ, ᔭ-ᐊᔭᓁᐊᓗ ᒫᑲᑍᑎᒥᐅᑕᐅᑉ ᐃᕐᓂᖓ.

ᐊᑕᓃᑦ ᐂᑉᐸᖏᑦ 25:25

ᑕᖅᑮᑦ 7ᖓᓐᓂ ᐊᕐᕌᒍᒥ ᑕᕝᕙᓂ, ᐃᓯᒥᐅᓕ ᓂᑕᓁᐊᐅᑉ ᐃᕐᓂᖓ, ᐃᓔᓴᒪᐅᑉ ᐃᕐᖑᑕᖓ, ᐊᖓᔪᖅᑳᕐᔪᐊᓂᒃ ᓇᖕᒥᓂᖅ ᐃᓚᖃᕐᑐᖅ, ᒥᔅᐸᒧᐊᕐᐳᖅ ᐊᖑᑎᓂᒃ ᖁᓕᓂᒃ ᐃᓚᖃᕐᓗᓂ ᒋᑕᓔᐊ ᑲᑐᑎᓪᓗᒍ ᑐᖁᑉᐹᑦ, ᐃᓴᕆᐊᓕᒥᐅᑦ ᑲᐅᓪᑎᐊᒥᐅᓪᓗ ᑕᕝᕙᓃᖃᑎᒋᔭᖏᑦ ᑐᖁᕋᕐᑕᐅᑎᒃᑭᕔᑦ.

ᑯᕉᓂᑲ ᓯᕗᓪᓖᑦ 11:30

ᒪᕼᐊᕅ ᓂᑐᐸᕼᐊᒥᐅᑕᖅ, ᕼᐃᓕᑦ ᐹᓇᐅᑉ ᐃᕐᓂᖓ ᓂᑐᐸᒥᐅᑕᖅ,

ᑯᕉᓂᑲ ᓯᕗᓪᓖᑦ 2:48

ᒫᑲ, ᑬᓚᐱᐅᑉ ᓄᓕᐊᒃᑲᓐᓂᐊ, ᐃᕐᓂᕐᑖᕐᐳᖅ ᓯᐱᕆᒥᒃ ᑎᕐᕼᐊᓇᒥᒡᓗ.

ᑯᕉᓂᑲ ᓯᕗᓪᓖᑦ 2:54

ᓵᓪᒪᐅᑉ ᐃᕐᓂᖏᑦ ᐅᑯᐊᖑᕗᑦ: ᐱᑦᓕᐊᒻ, ᓂᑐᐸᕼᐊᑍᑎᑦ, ᐊᑐᕉᑎ-ᐱᑦ-ᔪᐊᐱ, ᒪᓇᕼᐊᑎᐅᓪᓗ ᐃᓚᖏᑕ ᐊᕝᕙᖏᑦ, ᔪᕅᑏᓪᓗ.

ᐄᓱᕋᐅᑉ ᐊᒡᓚᖏᑦ 2:2

ᐊᖓᔪᖅᑳᕆᓚᐅᕐᑕᖏᑦ ᐅᑯᐊᖑᕗᑦ; ᔨᕈᐸᐱᐅᓪ, ᔩᓱᐊ, ᓂᕼᐃᒤᐊ, ᓯᕅᐊ, ᕇᓔᐊ, ᒧᐊᑎᑬ, ᐱᐅᓪᓵᓐ, ᒥᔅᐸ, ᐱᒡᕔ, ᕆᕼᐆᒻ, ᐹᓇᓗ. ᑖᒃᑯᐊ ᑕᕝᕙ ᐃᓚᒌᑦ ᐃᓴᕆᐊᓕᒥᐅᑦ, ᑖᒃᑯᐊᓗ ᐃᓚᒌᑦ ᐊᕕᒃᓯᒪᔪᑦ ᐅᑎᕐᑐᕕᓃᑦ ᐊᐅᓪᓚᕈᑦᔭᐅᓯᒪᕕᖕᒥᓂᑦ:

ᐄᓱᕋᐅᑉ ᐊᒡᓚᖏᑦ 2:22

ᓂᑐᐸᒥ ᓄᓇᓖᑦ 56ᖑᕗᑦ;

ᓂᕼᐃᒤᐊᐅᑉ ᐊᒡᓚᖏᑦ 7:26

ᐃᓄᐃᑦᑕᐅᖅ ᐱᑦᓕᐊᒻᒥᐅᑦ ᓂᑐᐸᒥᐅᓪᓗ ᑭᖑᕚᕇᑦ, 188ᖑᕗᑦ;

ᔨᕆᒤᐊᐅᑉ ᐊᒡᓚᖏᑦ 37:15

ᔨᕆᒤᐊᓗ ᐊᑲᐅᒋᖏᒻᒪᕆᓕᕐᐹᑦ ᐋᓐᓂᕐᓯᕐᑕᐅᑎᓪᓗᒍᓗ ᑎᒍᔭᐅᓯᒪᕕᖕᒧᐊᕐᑕᐅᑎᑉᐹᑦ ᔫᓇᑕᓂᐅᑉ ᑎᑎᕋᕐᑎᐅᑉ ᐃᒡᓗᕈᓯᖓᓄᑦ, ᑖᓐᓇ ᐃᒡᓗᕈᓯᖅ ᑎᒍᔭᐅᓯᒪᕕᓐᖑᕐᑎᓯᒪᒐᒥᑦᔪᒃ.

ᔨᕆᒤᐊᐅᑉ ᐊᒡᓚᖏᑦ 37:20

ᐊᑕᓂᕋ ᐊᖓᔪᖅᑳᕐᔪᐊᕋ, ᐅᖃᐅᓯᕆᔭᒃᑲ ᓈᓚᓚᐅᒃᑭᑦ, ᕿᓄᕕᒋᔪᒪᕙᒋᑦ ᐅᑎᕐᑎᑕᐅᔪᒪᓇᖓ ᔫᓇᑕᓂᐅᑉ ᐃᒡᓗᖓᓄᑦ, ᑐᖁᑐᐃᓐᓇᕆᐊᖃᕋᒪ ᑍᑲᓂ.”

ᔨᕆᒤᐊᐅᑉ ᐊᒡᓚᖏᑦ 38:26

ᐅᖃᐅᑎᓂᐊᕐᐸᑎᓪᓕ, ᐊᖓᔪᖅᑳᕐᔪᐊᕐᒧᑦ ᕿᓄᔭᕐᑐᓚᐅᕐᐳᖓ ᔫᓇᑕᓂᐅᑉ ᐃᒡᓗᖓᓄᑦ ᐅᑎᕐᑎᑕᐅᔪᒪᓇᖓ ᑐᖁᔭᕐᑐᕈᒪᓇᖓ ᑕᕝᕗᖓ.”

ᔨᕆᒤᐊᐅᑉ ᐊᒡᓚᖏᑦ 40:11

ᔫᑎᓪᓗ ᒧᐊᐱᒥ, ᐋᒪᓐᒥᓗ, ᐄᑐᒥᓗ ᓄᓇᓕᖕᓂᓗ ᑖᒃᑯᐊ ᐊᓯᖏᓐᓃᑦᑐᓂ ᑐᓴᐅᒪᓕᕋᒥᒃ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦ ᔫᑕᒥ ᐊᒥᐊᒃᑯᖃᕐᑎᑦᓯᓂᖓᓂᒃ, ᑖᒃᑯᐊᓗ ᑲᒪᔨᖃᓕᕐᓂᖏᓐᓂᒃ ᒋᑕᓔᐊᒥᒃ ᐊᕼᐂᑲᒻ ᐃᕐᓂᖓᓂᒃ ᓴᕙᓂᐅᑉ ᐃᕐᖑᑕᖓᓂᒃ.

ᔨᕆᒤᐊᐅᑉ ᐊᒡᓚᖏᑦ 40:13

ᔪᕼᐋᓇᓐ ᑲᕆᐊᑉ ᐃᕐᓂᖓ ᐅᓇᑕᕐᑎᓪᓗ ᐊᖓᔪᖅᑳᓕᒫᖏᑦ ᕿᒫᓪᓗᑎᒃ ᓄᓇᒥ ᑕᒫᓂᑐᐃᓐᓈᓕᕐᓂᑯᐃᑦ ᒋᑕᓔᐊᒧᐊᕐᐳᑦ ᒥᔅᐸᒦᑦᑐᒧᑦ.

ᔨᕆᒤᐊᐅᑉ ᐊᒡᓚᖏᑦ 40:14

ᐅᖃᕐᓗᑎᒡᓗ, “ᖃᐅᔨᒪᓐᖏᓚᑏᑦ ᐹᓔᐊᓯᐅᑉ ᐊᒧᓁᑎᑦ ᐊᖓᔪᖅᑳᕐᔪᐊᖓᑦᑕ ᐃᓯᒥᐅᓕ ᓂᑕᓁᐊᐅᑉ ᐃᕐᓂᖓ ᐃᓕᖕᓂᒃ ᑐᖁᑦᓯᔭᕐᑐᕐᑎᑕᐅᓯᒪᓂᖓᓃᒃ?” ᒋᑕᓔᐊᐅᓪᓕ ᐊᕼᐂᑲᐅᑉ ᐃᕐᓂᖓᑕ ᑖᒃᑯᐊ ᐅᒃᐱᕆᓐᖏᓔᑦ.

ᔨᕆᒤᐊᐅᑉ ᐊᒡᓚᖏᑦ 40:15

ᑕᕝᕙ ᔪᕼᐋᓇᓂᐅᑉ ᑲᕆᐊᑉ ᐃᕐᓂᖓᑕ ᐃᔨᕋᕐᑐᕐᓗᓂ ᒋᑕᓔᐊ ᒥᔅᐸᒥ ᐅᖃᐅᑎᕚ, “ᐃᓯᒥᐅᓕ ᓂᑕᓁᐊᐅᑉ ᐃᕐᓂᖓ ᑐᖁᑦᓴᕐᑐᓚᐅᕐᓚᒍ, ᖃᐅᔨᔪᖃᑦᔮᓐᖏᓚᖅ, ᓱᖕᒪᓪᓕ ᐃᓕᖕᓂᒃ ᑐᖁᑦᓯᑎᑕᐅᓇᓱᐊᕐᐹ? ᑐᖁᑕᐅᒐᔭᕈᕕᑦ ᔫᑎᑦ ᐃᓕᖕᓄᑦ ᐊᐅᓚᑕᐅᓕᕐᑐᑦ ᐊᕕᑎᑕᐅᑐᐃᓐᓇᕐᓂᐊᕐᐳᑦ, ᑕᒪᓐᓇᓗ ᖁᐊᕐᓵᕐᓇᕐᓂᐊᕐᐳᖅ ᔫᑕᒥᐅᑕᐅᔪᓕᒫᓄᑦ.”

ᔨᕆᒤᐊᐅᑉ ᐊᒡᓚᖏᑦ 40:6

ᔨᕆᒤᐊ ᓄᓇᒧᑦ ᒥᔅᐸᒧᐊᕋᒥ ᒋᑕᓔᐊᒃᑯᓐᓃᓕᕐᐳᖅ ᐊᕼᐂᑲᐅᑉ ᐃᕐᓂᖓᓂ ᐃᓅᖃᑎᒥᓃᓪᓗᓂᓗ ᕿᒪᒃᑕᐅᓂᑯᓂ ᓄᓇᒥᖕᓂ.

ᔨᕆᒤᐊᐅᑉ ᐊᒡᓚᖏᑦ 41:1

ᑍᑦᓱᒪᓂᓕ ᐊᕐᕌᒎᑉ ᑕᖅᑭᖏᑕ 7ᖓᓐᓂ, ᐃᓯᒥᐅᓕ ᓂᑕᓁᐊᐅᑉ ᐃᕐᓂᖓ ᐃᓔᓴᒪᐅᑉ ᐃᕐᖑᑕᖓ ᐊᖓᔪᖅᑳᕐᔪᐊᕐᒧᑦ ᐃᓚᒋᔭᐅᔪᖅ ᐊᖓᔪᖅᑳᒻᒪᕆᐅᖃᑕᐅᓪᓗᓂᓗ, ᐊᖑᑎᓂᒃ ᖁᓕᓂᒃ ᐃᓚᖃᕐᓗᓂ ᒥᔅᐸᒧᐊᕐᐳᖅ ᒋᑕᓔᐊᒥᒃ ᐊᕼᐂᑲᐅᑉ ᐃᕐᓂᖓᓂᒃ ᑕᑯᔭᕐᑐᕐᓗᓂ, ᓂᕆᖃᑎᒌᒃᑎᓪᓗᒋᑦ ᓂᕆᕕᖕᒥᖕᓂ ᒥᔅᐸᒥ.

ᔨᕆᒤᐊᐅᑉ ᐊᒡᓚᖏᑦ 41:11

ᔪᕼᐋᓇᓐ ᑲᕆᐊᑉ ᐃᕐᓂᖓ ᐅᓇᑕᕐᑐᒃᓮᓪᓗ ᐊᖓᔪᖅᑳᖏᑦ ᑐᓴᐅᒪᓕᕐᐳᑦ ᐃᓯᒥᐅᓕᐅᑉ ᓂᑕᓁᐊᐅᑉ ᐃᕐᓂᖓᑕ ᐃᓄᐊᕐᓯᓂᖓᓂᒃ.

ᔨᕆᒤᐊᐅᑉ ᐊᒡᓚᖏᑦ 41:2

ᐃᓯᒥᐅᓕᐅᑉ ᓂᑕᓁᐊᐅᑉ ᐃᕐᓂᖓ ᐃᓚᒋᔭᖏᑕᓗ ᖁᓖᑦ ᐊᖑᑎᑦ ᓴᕕᒡᔪᐊᑎᒃ ᐊᒧᓪᓗᒋᑦ ᒋᑕᓔᐊ ᐊᕼᐂᑲᒥᐅᑉ ᐃᕐᓂᖓ ᑐᖁᑉᐹᑦ ᓴᕙᓂᐅᑉ ᐃᕐᖑᑕᖓ, ᑖᓐᓇ ᐹᐱᓘᓂᐅᑉ ᐊᖓᔪᖅᑳᕐᔪᐊᖓᑕ ᑲᒪᔨᒻᒪᕆᓐᖑᕐᑎᓚᐅᕐᑕᖓ ᓄᓇᓕᖕᓄᑦ.

ᔨᕆᒤᐊᐅᑉ ᐊᒡᓚᖏᑦ 42:1

ᐅᓇᑕᕐᑐᒃᓮᑦ ᐊᖓᔪᖅᑳᖏᑦ ᔪᕼᐋᓇᓂᓗ ᑲᕆᐊᑉ ᐃᕐᓂᖓ, ᐊᔭᕅᐊᓗ ᕼᐅᓮᐊᐅᑉ ᐃᕐᓂᖓ ᔨᕆᒤᐊᒧᐊᕐᐳᑦ ᐃᓄᑐᐃᓐᓇᕐᓂᒃ ᐃᓚᖃᕐᓗᑎᒃ ᒥᑭᓐᓂᕐᐹᒥᑦ ᐱᔪᓐᓇᕐᓂᕐᐹᖅ ᑎᑭᓪᓗᒍ.

ᔨᕆᒤᐊᐅᑉ ᐊᒡᓚᖏᑦ 42:8

ᔪᕼᐋᓇᓂᒃᑯᑦ ᑲᕆᐊᑉ ᐃᕐᓂᖓ ᐅᓇᑕᕐᑐᒃᓮᓪᓗ ᐊᖓᔪᖅᑳᒻᒪᕆᖏᑦ ᐃᓚᒋᔭᖏᑦ, ᐃᓄᐃᓪᓗ ᐱᓪᓚᕆᐅᖏᑦᑐᑦ ᐱᓪᓚᕇᓪᓗ ᔨᕆᒤᐊᐅᑉ ᑲᑎᖁᕔᑦ.

ᔨᕆᒤᐊᐅᑉ ᐊᒡᓚᖏᑦ 43:2

ᐊᔭᕅᐊᐅᑉ ᕼᐅᓮᐊᐅᑉ ᐃᕐᓂᖓᑕ, ᔪᕼᐋᓇᓂᐅᓪᓗ ᑲᕆᐊᑉ ᐃᕐᓂᖓᑕ ᐊᓯᖏᑕᓗ ᐊᔪᖏᑦᑑᓐᓇᓱᒋᔪᑦ ᔨᕆᒤᐊ ᐅᖃᐅᑎᕚᑦ, “ᓱᓕᖏᑦᑐᓂᒃ ᐅᖃᕐᐳᑎᑦ ᐊᑕᓂᐅᑉ ᒎᑎᑦᑕ ᐅᕙᑦᑎᓐᓄᑦ ᑎᓕᓐᖏᓛᑎᑦ ᐅᖃᕐᑎᑦᓴᕐᑐᕐᓗᑎᑦ ᐄᑦᔨᑉᑎᒥ ᓄᓇᖃᖁᖏᓪᓗᑕ.

ᔨᕆᒤᐊᐅᑉ ᐊᒡᓚᖏᑦ 43:5

ᑕᕝᕙ ᔪᕼᐋᓇᓂ ᑲᕆᐊᑉ ᐃᕐᓂᖓ ᐅᓇᑕᕐᑐᒃᓴᓄᓪᓗ ᐊᖓᔪᖅᑳᒻᒪᕆᐅᔪᑦ ᔫᑕᐅᑉ ᓄᓇᖓᓂᑦ ᐊᒥᐊᒃᑰᓂᑯᐃᑦ ᐄᑦᔨᑉᑎᒧᐊᕈᑎᕔᑦ, ᐃᓅᖃᑎᒌᒡᔪᐊᓄᓪᓗ ᓯᐊᒻᒪᕐᑎᑕᐅᓂᑰᓪᓗᑎᒃ ᐅᑎᕐᓂᑯᐃᑦ ᐃᓚᐅᑎᓪᓗᒋᑦ.

ᒨᓯᓯ ᑕᓪᓕᒪᖏᑦ 3:14

ᔧᕆ ᒫᓇᓯᐅᑉ ᑭᖑᕚᖏᓐᓂᑦ ᐱᓯᒪᔪᖅ, ᓄᓇᑖᓚᐅᕆᕗᖅ ᓄᓇ ᐊᕐᒎᓕᒫᖅ ᐊᑕᖏᕐᓗᒍ, ᒪᑯᐊ ᐹᓴᓂᒥᑦ ᐱᒋᐊᕐᓗᒍ ᓄᓇᓖᑦ ᒋᓱᕅᒥᐅᑦ ᒫᑲᑍᑎᒥᐅᓪᓗ ᑎᑭᓪᓗᒋᒃ. ᑕᒪᓐᓇᓕ ᓄᓇᑖᓂ ᐊᑦᓯᓚᐅᕐᐹ ᓇᖕᒥᓂᖅ ᐊᑎᕐᒥᓂᒃ, ᓱᓕ ᑍᔭᐅᕙᒃᐳᖅ ᔨᐊᕐᒧᑦ ᓄᓇᒋᔭᐅᓂᕋᕐᑕᐅᓪᓗᓂ.)

ᔮᓱᐊᑉ ᐊᒡᓚᖏᑦ 12:5

ᐊᐅᓚᑦᓯᓚᐅᕆᕗᖅ ᐅᑯᓂᖓ ᖃᖅᑲᒥᒃ ᕼᐊᕐᒪᓐᒥᒃ ᓴᓕᑲᒥᒡᓗ ᐹᓴᓂᒥᐅᓕᒫᓪᓗ ᒋᓱᕅᒥᐅᓪᓗ ᒫᑲᑍᑎᒥᐅᓪᓗ ᓄᓇᖓᑕ ᑭᒡᓕᖓ ᑎᑭᓪᓗᒍ, ᒋᓕᐊᑎᐅᓪᓗ ᕿᑎᖅᑲᖓ ᐊᖓᔪᖅᑳᕐᔪᐊᓪᓗ ᓮᕼᐆᓂ ᕼᐃᓴᐸᓂᒥᐅᑕᐅᑉ ᓄᓇᖁᑎᖓ ᑭᒡᓕᖓ ᑎᑭᓪᓗᒍ.