ᔨᕆᒤᐊᐅᑉ ᐊᒡᓚᖏᑦ 40:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᐃᓴᕆᐊᓕᒥᐅᓪᓕ ᐅᓇᑕᕐᑎᖏᑕ ᐊᖓᔪᖅᑳᕆᔭᖏᑦ ᕿᒫᓂᑰᓪᓗᑎᒃ ᓇᓂᑐᐃᓐᓈᓕᕐᓂᑯᐃᑦ ᑐᓴᐅᒪᓕᕐᐳᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᒋᑕᓔᐊ ᐊᕼᐂᑲᐅᑉ ᐃᕐᓂᖓ ᐊᐅᓚᑦᓯᔨᓐᖑᕐᑎᑕᐅᓯᒪᓕᕐᓂᖓᓂᒃ ᓄᓇᓕᓕᒫᓄᑦ ᑲᒪᔨᐅᓕᕐᓂᖓᓂᒡᓗ, ᐊᖑᑏᑦ ᐊᕐᓁᓪᓗ, ᓄᑕᖅᑲᓪᓗ, ᐊᔪᕐᓴᕐᓂᕐᐹᖑᔪᓄᑦ ᐊᐅᓪᓚᕈᑦᔭᐅᖏᓐᓂᑯᓄᑦ ᐹᐱᓘᓂᒧᑦ ᑖᑦᓱᒧᖓ ᑐᓂᔭᐅᓯᒪᓕᕐᓂᖏᑦ.

ᔨᕆᒤᐊᐅᑉ ᐊᒡᓚᖏᑦ 40:7 Iomraidhean Croise

ᐊᑕᓃᑦ ᐂᑉᐸᖏᑦ 25:12

ᐃᓄᐃᓪᓕ ᐊᔪᕐᓴᕐᓂᕐᐹᖑᔪᑦ ᐃᓚᖏᓐᓂᒃ ᓄᓇᖁᑎᖃᖏᓐᓂᖏᓪᓗ ᕿᒪᒃᑕᐅᑎᑉᐰᑦ ᔫᑕᒥ, ᐸᐅᕐᖓᓂᒃ ᐱᕈᕐᓰᕕᖕᓂᓗ ᐱᕈᕐᓯᕐᕕᓕᕆᔨᓐᖑᕐᑎᓪᓗᒋᑦ.

ᐊᑕᓃᑦ ᐂᑉᐸᖏᑦ 25:4

ᐃᒡᓗᒐᓴᒡᔪᐊᑦ ᐊᕙᓗᕐᔪᐊᖓ ᓯᖁᑦᑎᕐᓗᒍ ᐊᖕᒪᕐᐹᑦ, ᑲᐅᓪᑎᐊᒥᐅᓄᑦ ᐃᒡᓗᒐᓴᒡᔪᐊᑦ ᐃᓗᒪᔭᐅᒐᓗᐊᕐᑎᓪᓗᒋᑦ, ᐅᓇᑕᕐᑎᓕᒫᑦ ᐅᓐᓄᐊᒃᑯᑦ ᐊᓂᐅᖅᑲᕐᐳᑦ ᐊᖓᔪᖅᑳᕐᔪᐊᒧᑦ ᐱᕈᕐᓰᕕᖁᑕᐅᓂᕋᕐᑕᐅᔪᖅ ᐊᖅᑯᑎᒋᓪᓗᒍ. ᐊᕙᓗᕐᔪᐊᑉ ᒪᕐᕉᓕᖅᑲᖓᓂᖓᑕ ᐊᑯᓐᓂᖓᒎᕐᓗᑎᒃ, ᔪᐊᕐᑕᓂᐅᑦ ᓇᕐᓴᖓ ᑐᕌᕐᓗᒍ ᕿᒫᕗᑦ.

ᔨᕆᒤᐊᐅᑉ ᐊᒡᓚᖏᑦ 39:10

ᓂᐳᔭᕋᑕᓐᓕ ᐅᓇᑕᕐᑎᓄᑦ ᐊᖓᔪᖄᖑᔪᖅ ᕿᒤᓚᐅᕐᐳᖅ ᔫᑕᒥᐅᓂᒃ ᐊᔪᕐᓴᕐᑐᓂᒃ ᑭᓱᖁᑎᖃᐅᖏᑦᑐᓂᒃ, ᑍᑦᓱᒪᓕ ᑕᕝᕙ ᓄᓇᖁᑎᑖᕐᑐᕐᑎᓚᐅᕐᐰᑦ ᕔᓂᓕᒃᓴᓂᒡᓗ ᐱᕈᕐᓰᕕᒃᑖᑎᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 39:14

ᔨᕆᒤᐊ ᑎᒍᔭᐅᓯᒪᕕᒋᔭᖓᓂᑦ ᐊᓂᑎᓪᓗᒍ, ᒋᑕᓔᐊᒧᑦ ᐊᕼᐂᑲᒥᐅᑉ ᐃᕐᓂᖓᓄᑦ ᑲᒪᒋᔭᐅᑎᑉᐹᑦ ᓴᕙᓂᐅᑉ ᐃᕐᖑᑕᖓᓄᑦ, ᑖᑦᓱᒧᖓᓗ ᐊᖏᕐᕋᕐᑎᑕᐅᕗᖅ ᐃᓅᖃᑎᒥᓃᖁᓪᓗᒍ.

ᔨᕆᒤᐊᐅᑉ ᐊᒡᓚᖏᑦ 39:4

ᐊᖓᔪᖅᑳᕐᔪᐊᑉ ᔨᑎᑬᐊᐅᑉ ᐅᓇᑕᕐᑎᖁᑎᖏᑕᓗ ᑕᑯᒐᒥᑦᔪᒃ ᕿᒫᕗᑦ ᐅᓐᓄᐊᒃᑯᑦ ᐊᖓᔪᖅᑳᕐᔪᐊᑉ ᐱᕈᕐᓰᕕᖁᑎᖓ ᐊᓂᕕᒋᓪᓗᒍ ᐊᕙᓗᕐᔪᐊᒃ ᒪᕐᕉᒃ ᐃᑎᕐᑕᕐᕕᖓᒍᑦ ᐊᕌᐸᐅᑉ ᓄᓇᖓ ᑐᕌᕐᕕᒋᓪᓗᒍ.

ᔨᕆᒤᐊᐅᑉ ᐊᒡᓚᖏᑦ 39:9

ᓂᐳᔭᕋᑕᓐ ᐊᖓᔪᖅᑳᕐᔪᐊᑉ ᐅᓇᑕᕐᑎᖁᑎᖏᑕ ᐊᖓᔪᖅᑳᖓᑦ ᐃᒡᓗᒐᓴᒡᔪᐊᓂ ᐊᒥᐊᒃᑰᔪᑦ ᑎᒍᓪᓗᓂᒋᑦ ᐊᐅᓪᓚᕈᑎᓚᐅᕐᐰᑦ ᐹᐱᓘᓂᒧᑦ ᐃᓚᒋᓪᓗᒋᑦ ᐃᒻᒥᖕᓂᒃ ᑐᓂᑦᔪᑎᒋᓚᐅᕐᑐᑦ ᑖᑦᓱᒧᖓ.

ᔨᕆᒤᐊᐅᑉ ᐊᒡᓚᖏᑦ 41:1

ᑍᑦᓱᒪᓂᓕ ᐊᕐᕌᒎᑉ ᑕᖅᑭᖏᑕ 7ᖓᓐᓂ, ᐃᓯᒥᐅᓕ ᓂᑕᓁᐊᐅᑉ ᐃᕐᓂᖓ ᐃᓔᓴᒪᐅᑉ ᐃᕐᖑᑕᖓ ᐊᖓᔪᖅᑳᕐᔪᐊᕐᒧᑦ ᐃᓚᒋᔭᐅᔪᖅ ᐊᖓᔪᖅᑳᒻᒪᕆᐅᖃᑕᐅᓪᓗᓂᓗ, ᐊᖑᑎᓂᒃ ᖁᓕᓂᒃ ᐃᓚᖃᕐᓗᓂ ᒥᔅᐸᒧᐊᕐᐳᖅ ᒋᑕᓔᐊᒥᒃ ᐊᕼᐂᑲᐅᑉ ᐃᕐᓂᖓᓂᒃ ᑕᑯᔭᕐᑐᕐᓗᓂ, ᓂᕆᖃᑎᒌᒃᑎᓪᓗᒋᑦ ᓂᕆᕕᖕᒥᖕᓂ ᒥᔅᐸᒥ.

ᔨᕆᒤᐊᐅᑉ ᐊᒡᓚᖏᑦ 41:10

ᐊᖓᔪᖅᑳᕐᔪᐊᓪᓗ ᐸᓂᖏᑦ ᑎᒍᔭᐅᑎᑉᐰᑦ ᐃᓄᑐᐃᓐᓁᓪᓗ ᒥᔅᐸᒦᑦᑐᑦ, ᓂᐳᔭᕋᑕᐅᑉ ᑲᒪᒋᔭᐅᑎᓕᓚᐅᕐᑕᖏᑦ ᐊᖓᔪᖅᑳᒧᑦ ᒋᑕᓔᐊᒧᑦ ᐊᕼᐂᑲᐅᑉ ᐃᕐᓂᖓᓄᑦ, ᐃᓯᒥᐅᓕᐅᑉ ᓂᑕᓁᐊᐅᑉ ᐃᕐᓂᖓᑕ ᑎᒍᔭᐅᑎᓪᓗᓂᒋᑦ ᐊᐅᓪᓚᕈᑎᓕᕐᐰᑦ ᓄᓇᐅᑉ ᐊᒧᓁᑎᐅᑉ ᓇᓛᓄᑦ.

ᔨᕆᒤᐊᐅᑉ ᐊᒡᓚᖏᑦ 41:11

ᔪᕼᐋᓇᓐ ᑲᕆᐊᑉ ᐃᕐᓂᖓ ᐅᓇᑕᕐᑐᒃᓮᓪᓗ ᐊᖓᔪᖅᑳᖏᑦ ᑐᓴᐅᒪᓕᕐᐳᑦ ᐃᓯᒥᐅᓕᐅᑉ ᓂᑕᓁᐊᐅᑉ ᐃᕐᓂᖓᑕ ᐃᓄᐊᕐᓯᓂᖓᓂᒃ.

ᔨᕆᒤᐊᐅᑉ ᐊᒡᓚᖏᑦ 43:6

ᐊᖑᑎᑦ, ᐊᕐᓁ, ᓄᑕᖅᑲᑦ, ᐊᖓᔪᖅᑳᕐᔪᐊᓪᓗ ᐸᓂᖏᑦ, ᑖᒃᑯᐊᓕᒫᑦ ᓂᐳᔭᕋᑕᐅᑉ ᑲᒪᒋᔭᐅᑎᓚᐅᕐᑕᖏᑦ ᒋᑕᓔᐊᒧᑦ ᐊᕼᐂᑲᐅᑉ ᐃᕐᓂᖓᓄᑦ ᓴᕙᓂᐅᑉ ᐃᕐᖑᑕᖓᓄᑦ ᐊᒡᓛᑦ ᐸᕉᒃᓗ ᓂᕅᐊᐅᑉ ᐃᕐᓂᖓ ᔨᕆᒤᐊᓗ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ ᐃᓚᐅᑎᑕᐅᒋᓪᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 52:16

ᓂᐳᔭᕋᑕᓐ ᕿᒤᓚᐅᐳᖅ ᐊᔪᕐᓴᕐᓂᕐᐹᑦ ᐃᓚᖏᓐᓂᒃ ᐱᕈᕐᓰᕕᖕᓂ ᑲᒪᔨᐅᖁᓪᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 45:16

“ᐃᓄᓕᒫᑦ ᓄᓇᓕᖕᓂ ᑍᒫᒃ ᑐᓂᕐᕈᓯᖃᑦᑕᕐᑐᒃᓴᐅᕗᑦ ᐊᖓᔪᖅᑳᓄᑦ ᐃᓴᕆᐊᓕᒥᐅᓂ ᐊᐅᓚᑦᓯᔨᓄᑦ.