ᔨᕆᒤᐊᐅᑉ ᐊᒡᓚᖏᑦ 40:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᔨᕆᒤᐊᓕ ᕿᒪᕉᑎᒋᐊᓚᐅᕐᑎᓐᓇᒍ ᓂᐳᓴᑖᓐ ᐅᖃᒃᑲᓐᓂᕐᐳᖅ, “ᒋᑕᓔᐊ ᐊᕼᐂᑲᒻ ᐃᕐᓂᖓ ᓴᕙᓂᐅᑉ ᐃᕐᖑᑕᖓ ᐅᑎᕐᕕᒋᓕᕈᒃ, ᑲᒪᔨᓐᖑᕐᑎᑕᐅᓯᒪᔪᖅ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᔫᑕᒥᐅᑦ ᓄᓇᓕᖏᓐᓄᑦ, ᐃᓅᖃᑎᖕᓃᑦᓱᒪᒍᕕᑦ ᐅᕝᕙᓘᓐᓃᑦ ᐊᓯᐊᓂ ᓇᔪᕈᒪᔭᕐᓂ.” ᑖᑦᓱᒪᓗ ᐊᖓᔪᖅᑳᒻᒪᕆᐅᑉ ᑕᖁᐊᒃᓴᖏᓐᓂᒃ ᑐᓂᓪᓗᒍ ᐱᖁᑎᑖᕐᑎᓪᓗᓂᐅᒡᓗ ᐊᐅᓪᓚᕐᑎᑉᐹ.

ᔨᕆᒤᐊᐅᑉ ᐊᒡᓚᖏᑦ 40:5 Iomraidhean Croise

ᐊᑕᓃᑦ ᐂᑉᐸᖏᑦ 22:12

ᐊᖓᔪᖅᑳᕐᔪᐊᓪᓗ ᐅᖃᐅᑎᔭᐅᖁᕔᑦ ᕼᐃᓪᓚᑬᐊ ᑐᓂᕐᕈᓯᕐᑎᑦᓯᔨ, ᐊᕼᐂᑲᒻ ᓴᕙᓂᐅᑉ ᐃᕐᓂᖓ, ᐊᒃᐳᕆᓗ ᒥᑬᐊᐅᑉ ᐃᕐᓂᖓ, ᓴᕙᓂᓗ ᐊᖓᔪᖅᑳᕐᔪᐊᑉ ᑲᑎᒪᔨᖏᑕ ᑎᑎᕋᕐᑎᖓ; ᐊᓮᐊᓗ ᐊᖓᔪᖅᑳᕐᔪᐊᑉ ᐱᔨᖓ ᐅᖃᕐᓗᓂ:

ᐊᑕᓃᑦ ᐂᑉᐸᖏᑦ 22:14

ᑕᕝᕙ ᕼᐃᓪᑬᐊ ᑐᓂᕐᕈᓯᕐᑎᑦᓯᔨ, ᐊᕼᐂᑲᒻᓗ, ᐊᒃᐳᕆᓗ, ᓴᕙᓂᓗ, ᐊᓮᐊᓗ ᐂᕗᑦ ᑐᑭᓯᒋᐊᕐᕕᖃᕈᒪᓪᓗᑎᒃ ᐊᕐᓇᒥᒃ ᐊᑎᖃᕐᑐᒥᒃ ᕼᐅᓪᑕᒥᒃ, ᒎᑎᒧᑦ ᐅᖃᕐᑎᐅᔪᒥᒃ ᐃᒡᓗᖃᕐᑐᒥᒃ ᔨᕉᓴᓕᐅᑉ ᐃᓚᖓᓂ, ᑖᓐᓇ ᐅᐃᖃᕐᐳᖅ ᓴᓗᒻᒥᒃ ᐊᑎᖃᕐᑐᒥᒃ, ᑎᒡᕙᐅᑉ ᐃᕐᓂᖓᓂᒃ, ᕼᐊᕋᕼᐊᔅᒧᑦ ᐃᕐᖑᑕᕆᔭᐅᔪᒥᒃ ᑐᒃᓯᐊᕐᕕᒡᔪᐊᕐᒥ ᐊᓐᓄᕌᖃᐅᑎᒧᑦ ᑲᒪᔨᐅᔪᒧᑦ ᐅᖃᖃᑎᒋᕚᓪᓗ.

ᑯᕉᓂᑲ ᐂᑉᐸᖏᑦ 34:20

ᐊᖓᔪᖅᑳᕐᔪᐊᕐᓗ ᑎᓕᓯᕗᖅ ᕼᐃᓪᑬᐊᒥᒃ, ᐊᕼᐂᑲᒻ ᓴᕙᓂᐅᑉ ᐃᕐᓂᖓᓂᒃ, ᐊᑉᑖᓐᒥᒃ ᒤᑲᐅᑉ ᐃᕐᓂᖓᓂᒃ, ᓮᕙᓐᓗ ᑎᑎᕋᕐᑎ, ᐊᓮᐊᓗ ᐊᖓᔪᖅᑳᕐᔪᐊᑉ ᐱᔨᖓ, ᐅᖃᕐᓗᓂ,

ᐄᓱᕋᐅᑉ ᐊᒡᓚᖏᑦ 7:27

ᐄᓱᕋ ᐅᖃᓚᐅᕐᐳᖅ, “ᐊᑕᓂᖅ ᓂᕐᑐᕐᑕᐅᓕ, ᓯᕗᓕᕕᓂᑦᑕ ᒎᑎᖓ ᐊᖓᔪᖅᑳᕐᔪᐊᖅ ᑍᒫᒃ ᐅᐱᒍᓱᒍᓐᓇᕐᑎᒻᒪᒍ ᐱᐅᓯᑎᑦᓯᓗᓂᓗ ᐊᑕᓂᐅᑉ ᑐᒃᓯᐊᕐᕕᒡᔪᐊᖓᓂᒃ ᔨᕉᓴᓕᒦᑦᑐᒥᒃ.

ᐄᓱᕋᐅᑉ ᐊᒡᓚᖏᑦ 7:6

ᑖᓐᓇ ᐄᓱᕋ ᐊᐅᓪᓚᓚᐅᕐᐳᖅ ᐹᐱᓘᓂᒥᑦ; ᐃᓕᓐᓂᐊᕐᓯᒪᒻᒪᕆᓚᐅᕐᐳᖅ ᖃᐅᔨᒪᔪᒻᒪᕆᐅᓪᓗᓂᓗ ᐱᖁᔭᓂᒃ ᐊᑕᓂᐅᑉ ᐃᓴᕆᐊᓕᒥᐅᑦ ᒎᑎᖓᑕ ᑐᓂᓚᐅᕐᑕᖏᓐᓂᒃ ᒨᓯᓯᒧᑦ, ᐊᖓᔪᖅᑳᕐᔪᐊᑉ ᐄᓱᕋ ᑐᓂᓯᕕᒋᓚᐅᕐᐹ ᐱᔪᒪᔭᓕᒫᖏᓐᓂᒃ, ᐊᑕᓂᐅᑉ ᐃᓴᕆᐊᓕᒥᐅᑦ ᒎᑎᖓᑦᑕ ᐱᓇᓱᐊᕐᑕᐅᖁᔭᓕᒫᖏᓐᓂᒃ ᑖᑦᓱᒧᖓ.

ᓂᕼᐃᒤᐊᐅᑉ ᐊᒡᓚᖏᑦ 1:11

ᐊᑕᓃᖅ, ᑐᒃᓯᐊᕐᐳᖓ, ᓯᐅᑏᒃᑭᒃ ᓈᓚᓚᐅᕐᓕᒃ ᐱᔨᕕᑦ ᑐᒃᓯᐊᕐᓂᖓᓂᒃ, ᐱᔨᕕᓪᓗ ᑐᒃᓯᐊᕐᓂᓕᒫᖏᓐᓄᑦ ᐃᓕᖕᓂᒃ ᐅᐱᓐᓇᕐᓯᑎᑦᓯᔪᒪᔪᓄᑦ; ᐅᓪᓗᒥᓗ ᐱᔩᑦ ᐊᖏᕐᑕᐅᔪᓐᓇᕐᑎᓚᐅᕈᒃ, ᓂᑲᒋᔭᐅᖁᓪᓗᒍᓗ ᐊᖓᔪᖅᑳᕐᔪᐊᕐᒧᑦ.” ᑍᑦᓱᒪᓂᐅᑎᓪᓗᒍ ᐊᖓᔪᖅᑳᕐᔪᐊᕐᒧᑦ ᕔᓂᑐᕐᑎᑦᓯᔨᒋᔭᐅᓚᐅᕋᒪ.

ᔫᐱᐅᑉ ᐊᒡᓚᖏᑦ 22:29

ᒎᑎᐅᑉ ᐱᐅᔪᕆᔪᑦ ᐅᕐᕈᑎᑉᐰᑦ, ᐱᐅᔪᕆᖏᑦᑐᓪᓕ ᐱᐅᓕᕔᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:7

ᐃᓅᑉ ᐃᓕᖅᑯᓯᕐᒥᒍᑦ ᐊᑕᓂᖅ ᖁᕕᐊᓱᒃᑎᑉᐸᒍ, ᐊᑭᕋᖏᓐᓄᑦ ᐊᒡᓛᑦ ᐊᑕᓂᐅᑉ ᐱᑦᓯᐊᕐᑕᐅᑎᑦᓱᓐᓇᕐᐹ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:1

ᐊᖓᔪᖅᑳᕐᔪᐊᑉ ᐆᒻᒪᑎᖓᑕ ᐃᒥᕐᒥᒃ ᑰᖕᓂᖓ ᐊᑕᓂᐅᑉ ᐊᒡᒐᖏᓐᓃᑉᐳᖅ, ᑰᖕᓂᖓ ᓇᒧᑐᐃᓐᓇᖅ ᓵᑎᖃᑦᑕᕈᓐᓇᕐᐹ ᐃᓱᒪᒥᓂᒃ.

ᔨᕆᒤᐊᐅᑉ ᐊᒡᓚᖏᑦ 15:11

ᐊᑕᓃᖅ ᑍᒤᓕᕐᓕ, ᐱᐅᔪᒥᒃ ᐱᓇᓱᐊᓚᐅᖏᒃᑯᒪ ᐃᓕᖕᓄᑦ, ᑐᒃᓯᐊᓚᐅᖏᒃᑯᒪᓗ ᐃᓕᖕᓄᑦ ᐊᑭᕋᕐᑐᕐᑐᑦ ᐱᑦᔪᑎᒋᓗᒋᑦ ᑲᑉᐱᐊᓇᕐᑐᖃᓕᕐᑎᓪᓗᒍ ᐅᖁᒤᑦᑐᖃᓕᕐᑎᓪᓗᒍᓗ.

ᔨᕆᒤᐊᐅᑉ ᐊᒡᓚᖏᑦ 26:24

ᑭᓯᐊᓂᓕ ᐊᕼᐂᑲᒻ ᓴᕙᓂᐅᑉ ᐃᕐᓂᖓᑕ ᔨᕆᒤᐊ ᐃᑲᔪᕐᑐᕐᒪᒍ ᐃᓄᖕᓄᑦ ᑐᖁᑕᐅᓚᐅᓐᖏᓚᖅ.

ᔨᕆᒤᐊᐅᑉ ᐊᒡᓚᖏᑦ 39:14

ᔨᕆᒤᐊ ᑎᒍᔭᐅᓯᒪᕕᒋᔭᖓᓂᑦ ᐊᓂᑎᓪᓗᒍ, ᒋᑕᓔᐊᒧᑦ ᐊᕼᐂᑲᒥᐅᑉ ᐃᕐᓂᖓᓄᑦ ᑲᒪᒋᔭᐅᑎᑉᐹᑦ ᓴᕙᓂᐅᑉ ᐃᕐᖑᑕᖓᓄᑦ, ᑖᑦᓱᒧᖓᓗ ᐊᖏᕐᕋᕐᑎᑕᐅᕗᖅ ᐃᓅᖃᑎᒥᓃᖁᓪᓗᒍ.

ᔨᕆᒤᐊᐅᑉ ᐊᒡᓚᖏᑦ 40:4

ᒫᓐᓇᓕ ᑕᑯᒋᑦ, ᐅᓪᓗᒥ ᕿᓚᕈᑦᔮᕈᒪᕙᒋᑦ ᐊᒡᒐᐅᑎᒃᑯᑦ ᐊᕐᓵᕐᑑᔭᓄᑦ ᐊᑦᓱᖏᐅᑎᒋᔭᕐᓂᑦ, ᐹᐱᓘᓂᒧᑦ ᐃᓚᐅᔪᒪᒍᕕᑦ ᒪᓕᒍᓐᓇᕐᐳᑎᑦ, ᑲᒪᒋᑦᓯᐊᕐᓂᐊᕐᐸᒋᑦ, ᒪᓕᒍᒪᖏᒃᑯᕕᓪᓕ ᒪᓕᒃᑍᓕᒋᑦ ᑕᑯᒋᑦ ᓄᓇᒋᔪᒪᔭᕐᓂ ᓄᓇᖃᕈᓐᓇᓕᕐᐳᑎᑦ ᐃᓱᒪᕐᓱᕐᓗᑎᑦ.”

ᔨᕆᒤᐊᐅᑉ ᐊᒡᓚᖏᑦ 41:1

ᑍᑦᓱᒪᓂᓕ ᐊᕐᕌᒎᑉ ᑕᖅᑭᖏᑕ 7ᖓᓐᓂ, ᐃᓯᒥᐅᓕ ᓂᑕᓁᐊᐅᑉ ᐃᕐᓂᖓ ᐃᓔᓴᒪᐅᑉ ᐃᕐᖑᑕᖓ ᐊᖓᔪᖅᑳᕐᔪᐊᕐᒧᑦ ᐃᓚᒋᔭᐅᔪᖅ ᐊᖓᔪᖅᑳᒻᒪᕆᐅᖃᑕᐅᓪᓗᓂᓗ, ᐊᖑᑎᓂᒃ ᖁᓕᓂᒃ ᐃᓚᖃᕐᓗᓂ ᒥᔅᐸᒧᐊᕐᐳᖅ ᒋᑕᓔᐊᒥᒃ ᐊᕼᐂᑲᐅᑉ ᐃᕐᓂᖓᓂᒃ ᑕᑯᔭᕐᑐᕐᓗᓂ, ᓂᕆᖃᑎᒌᒃᑎᓪᓗᒋᑦ ᓂᕆᕕᖕᒥᖕᓂ ᒥᔅᐸᒥ.

ᔨᕆᒤᐊᐅᑉ ᐊᒡᓚᖏᑦ 41:18

ᑲᐅᓪᑎᐊᒥᐅᓄᑦ ᐱᔭᐅᓇᓱᐊᕐᓂᐊᕋᓱᒋᒐᒥᒃ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦᑕ ᐊᐅᓚᑦᓯᔨᓐᖑᕐᑎᓚᐅᕐᑕᖓᑦ ᒋᑕᓔᐊ ᐊᕼᐂᑲᐅᑉ ᐃᕐᓂᖓᑕ ᑐᖁᑕᐅᓯᒪᓂᖓ ᐃᓯᒥᐅᓕᒧᑦ ᓂᑕᓁᐊᐅᑉ ᐃᕐᓂᖓᓄᑦ ᐱᑦᔪᑎᒋᓪᓗᒍ.

ᔨᕆᒤᐊᐅᑉ ᐊᒡᓚᖏᑦ 41:2

ᐃᓯᒥᐅᓕᐅᑉ ᓂᑕᓁᐊᐅᑉ ᐃᕐᓂᖓ ᐃᓚᒋᔭᖏᑕᓗ ᖁᓖᑦ ᐊᖑᑎᑦ ᓴᕕᒡᔪᐊᑎᒃ ᐊᒧᓪᓗᒋᑦ ᒋᑕᓔᐊ ᐊᕼᐂᑲᒥᐅᑉ ᐃᕐᓂᖓ ᑐᖁᑉᐹᑦ ᓴᕙᓂᐅᑉ ᐃᕐᖑᑕᖓ, ᑖᓐᓇ ᐹᐱᓘᓂᐅᑉ ᐊᖓᔪᖅᑳᕐᔪᐊᖓᑕ ᑲᒪᔨᒻᒪᕆᓐᖑᕐᑎᓚᐅᕐᑕᖓ ᓄᓇᓕᖕᓄᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 27:3

ᖃᐅᑎᓪᓗᒍ ᓮᑐᓂᒧᑦ ᑎᑭᑉᐳᒍᑦ; ᔫᓕᐊᓯ ᐸᐅᓗᓯᒥᒃ ᐱᑦᓯᐊᕋᒥ, ᐃᓚᓐᓈᕆᔭᖏᓐᓄᑦ ᓄᓈᕈᓐᓇᕐᑎᑉᐹ ᑭᓐᖒᒪᔭᖏᓐᓂᒃ ᑐᓂᓯᕕᐅᖁᓪᓗᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 27:43

ᐅᓇᑕᕐᑐᒃᓮᓪᓕ ᐊᖓᔪᖅᑳᖓᑦᑕ ᐸᐅᓗᓯ ᑐᖁᑕᐅᖁᖏᓐᓇᒥᐅᒃ ᐃᓂᕐᑎᕐᐰᑦ. ᐳᐃᑦᔭᕈᓐᓇᕐᑐᑦ ᓯᕗᓪᓕᐅᓗᑎᒃ ᐃᒫᓄᑦ ᒥᓯᖁᕔᑦ ᓄᓇᒧᑦ ᐳᐃᑦᔭᖁᓪᓗᒋᑦ,

ᐋᐴᓯᑕᓖᑦ ᐱᓂᐊᕐᓂᖏᑦ 28:10

ᓱᓇᑐᐃᓐᓇᕐᓂᒡᓗ ᐊᒥᓱᓂᒃ ᑐᓂᓯᕕᒋᕚᑎᒍᑦ; ᐅᒥᐊᕐᔪᐊᒃᑯᑦ ᐊᐅᓪᓚᓕᕋᑦᑕ ᑕᖁᐊᒃᓴᕐᑖᕐᑎᑉᐹᑎᒍᑦ ᐱᔭᕆᐊᑲᕐᑕᓕᒫᑦᑎᓐᓂᒃ.

ᐄᑉᕈᐃᓄᑦ 13:6

ᑍᒤᒻᒪᑦ ᖁᓚᖏᓪᓗᑕ ᐅᖃᕈᓐᓇᕐᐳᒍᑦ, “ᐊᑕᓂᖅ ᐃᑲᔪᕐᑎᒋᒐᒃᑯ, ᐃᕐᓯᓂᐊᓐᖏᓚᖓ; ᐃᓄᖕᓄᑦ ᖃᓄᐃᓕᐅᕐᑕᐅᔪᓐᓇᕐᓂᐊᖏᓚᖓ.”