ᔨᕆᒤᐊᐅᑉ ᐊᒡᓚᖏᑦ 40:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᑕᕝᕙ ᔪᕼᐋᓇᓂᐅᑉ ᑲᕆᐊᑉ ᐃᕐᓂᖓᑕ ᐃᔨᕋᕐᑐᕐᓗᓂ ᒋᑕᓔᐊ ᒥᔅᐸᒥ ᐅᖃᐅᑎᕚ, “ᐃᓯᒥᐅᓕ ᓂᑕᓁᐊᐅᑉ ᐃᕐᓂᖓ ᑐᖁᑦᓴᕐᑐᓚᐅᕐᓚᒍ, ᖃᐅᔨᔪᖃᑦᔮᓐᖏᓚᖅ, ᓱᖕᒪᓪᓕ ᐃᓕᖕᓂᒃ ᑐᖁᑦᓯᑎᑕᐅᓇᓱᐊᕐᐹ? ᑐᖁᑕᐅᒐᔭᕈᕕᑦ ᔫᑎᑦ ᐃᓕᖕᓄᑦ ᐊᐅᓚᑕᐅᓕᕐᑐᑦ ᐊᕕᑎᑕᐅᑐᐃᓐᓇᕐᓂᐊᕐᐳᑦ, ᑕᒪᓐᓇᓗ ᖁᐊᕐᓵᕐᓇᕐᓂᐊᕐᐳᖅ ᔫᑕᒥᐅᑕᐅᔪᓕᒫᓄᑦ.”

ᔨᕆᒤᐊᐅᑉ ᐊᒡᓚᖏᑦ 40:15 Iomraidhean Croise

ᓴᒧᐃᓕ ᐂᑉᐸᖏᑦ 18:3

ᑖᒃᑯᐊ ᑭᐅᕗᑦ, “ᐅᕙᑦᑎᓐᓂᒃ ᒪᓕᒋᐊᖃᓐᖏᓚᑎᑦ, ᕿᒫᓕᕈᑦᑕ, ᐅᕙᑦᑎᓐᓂᒃ ᑲᒪᑦᔮᖏᒻᒪᑕ. ᕿᑎᖅᑲᓕᒫᕗᑦ ᑐᖁᑕᐅᒐᓗᐊᕐᐸᑕ, ᖃᓄᐃᒃᓴᑦᔮᓐᖏᓚᑦ; ᐃᕝᕕᓪᓕ 10,000ᑎᑐᑦ ᐊᑑᑎᖃᕐᐳᑎᑦ ᐅᕙᑦᑎᓐᓄᑦ; ᐱᐅᓂᕐᓴᐅᕗᖅ ᐃᒡᓗᒐᓴᖕᓃᑐᐃᓐᓇᕐᓗᑎᑦ ᐃᑲᔪᕆᐊᕐᑐᓂᒃ ᑎᓕᓯᑐᐃᓐᓇᖃᑦᑕᕈᕕᑦ.”

ᓴᒧᐃᓕ ᐂᑉᐸᖏᑦ 21:17

ᐊᐱᓮᓕ ᔨᕈᐃᐊᐅᑉ ᐃᕐᓂᖓ ᑍᕕᑎᒥᒃ ᐃᑲᔪᕆᐊᕐᐳᖅ, ᐃᓄᒃᐹᓗᒃ ᐱᓕᔅᑍᓂᒥᐅᖅ ᐅᓇᑕᓕᕐᓗᒍ ᑐᖁᓪᓗᒍᓗ. ᑕᕝᕙ ᑍᕕᑎᐅᑉ ᐃᓚᖏᑕ ᑍᕕᑎ ᐊᖏᕐᑎᓚᐅᕐᐹᑦ ᐅᓇᑕᕆᐊᒃᑲᓐᓂᖃᑦᑕᖁᔭᐅᔪᓐᓃᕐᓗᓂ ᑖᒃᑯᐊ ᐃᓚᒋᓗᒋᑦ, ᐅᖃᕐᓗᑎᒃ, “ᐃᓴᕆᐊᓕᒥᐅᓄᑦ ᓂᕆᐅᖕᓂᖃᕐᕕᒋᔭᐅᒐᕕᑦ, ᐃᓕᖕᓂᒃ ᐊᓯᐅᔨᔪᒪᓐᖏᓚᒍᑦ.”

ᔫᐱᐅᑉ ᐊᒡᓚᖏᑦ 31:31

ᐱᓇᓱᐊᕐᑎᖁᑎᒃᑲ ᖃᐅᔨᒪᑦᓯᐊᕐᐳᑦ, ᐊᖏᕐᕋᓐᓂ ᑳᒃᑐᖃᓚᐅᕐᓯᒪᖏᒻᒪᑦ ᓇᓪᓕᐊᓐᓂᒡᓘᓐᓃᑦ.

ᔨᕆᒤᐊᐅᑉ ᐊᒡᓚᖏᑦ 40:8

ᑖᒃᑯᐊᓗ ᒋᑕᓔᐊᒧᐊᕐᐳᑦ ᓄᓇᒥᑦ ᒥᔅᐸᒥᑦ ᐅᑯᐊᖑᓪᓗᑎᒃ; ᐃᓯᒥᐅᓪ ᓂᑕᓁᐊᐅᑉ ᐃᕐᓂᖓ, ᔪᕼᐋᓇᓐ ᔫᓇᑕᓂᓗ ᑲᕆᐊᑉ ᐃᕐᓂᖏᒃ, ᓯᕅᐊᓗ, ᑖᓐᕼᐅᒥᑎᐅᑉ ᐃᕐᓂᖓ, ᐃᐰᓪᓗ ᐃᕐᓂᖏᒃ ᓂᑐᐸᕼᐊᑍᑎᒥᐅᑕᐅᑉ, ᔭᔭᓁᐊᓗ ᒫ-ᑲᑍᑎᒥᐅᑕᐅᑉ ᐃᕐᓂᖓ ᐅᓇᑕᕐᑎᖁᑎᖏᓪᓗ.

ᔨᕆᒤᐊᐅᑉ ᐊᒡᓚᖏᑦ 42:2

ᔨᕆᒤᐊᒧᓪᓗ ᐅᖃᕐᐳᑦ, “ᑐᒃᓯᕋᐅᑎᒋᔪᒪᔭᑦᑎᓐᓂᒃ ᐊᖏᕐᑕᐅᔪᒪᒐᓗᐊᕋᑦᑕ, ᑐᒃᓯᐅᑦᔭᐅᔪᒪᓪᓗᑕ ᐊᑕᓂᕐᒧᑦ ᒎᑎᑦᑎᓐᓄᑦ, ᐃᓅᔪᑑᓕᕐᑐᒍᑦ ᑐᒃᓯᐅᑦᔭᐅᔪᒪᒐᑦᑕ, ᐃᓄᒋᐊᓚᐅᕋᓗᐊᕐᓗᑕ ᖃᑦᓰᓐᓇᐅᓕᕋᑦᑕ ᑕᑯᓐᓇᕋᕕᑦ.

ᔪᐊᓇᓯᐅᑉ ᐊᒡᓚᖏᑦ 11:50

ᑐᑭᓯᓐᖏᓐᓇᑦᓯ ᐃᓕᑦᓯᓐᓄᑦ ᐱᐅᓂᕐᓴᐅᒐᔭᕐᒪᑦ ᐃᓄᒃ ᐊᑕᐅᓯᖅ ᑐᖁᒃᐸᑦ ᐃᓅᖃᑎᒌᑦ ᐱᑦᔪᑎᒋᓗᒋᑦ, ᐃᓅᖃᑎᒌᑦ ᐊᓯᕈᕐᑕᐅᒐᔭᕐᓂᖏᓐᓃᑦ?”

ᓴᒧᐃᓕ ᓯᕗᓪᓖᑦ 24:4

ᑍᕕᑎᐅᓪᓗ ᐃᓄᖁᑎᖏᑦ ᐅᖃᕐᐳᑦ, “ᐅᓪᓗᖅ ᑕᕝᕙ ᐊᑕᓂᐅᑉ ᕾᑎᑉᐹ ᐅᖃᓚᐅᕐᑕᖓ ᐃᓕᖕᓄᑦ, ‘ᑕᑯᒋᑦ ᐊᑭᕋᑎᑦ ᐃᓕᖕᓄᑦ ᑐᓂᔪᒫᕐᐸᒃᑲ, ᐃᓱᒪᕐᓲᑎᒋᔪᒫᕐᐸᑎᓪᓗ ᖃᓄᐃᓕᐅᕈᒪᑐᐊᕈᕕᒋᑦ.’” ᑕᕝᕙ ᑍᕕᑎ ᒪᑭᑉᐳᖅ ᑎᕐᓕᐊᕐᓗᒍ ᐲᕐᓯᕗᖅ ᓴᐅᓕᐅᑉ ᐅᓕᒡᔪᐊᖓᑕ ᐃᓚᖓᓂᒃ.

ᓴᒧᐃᓕ ᓯᕗᓪᓖᑦ 26:8

ᐊᐱᓮ ᐅᖃᕐᐳᖅ ᑍᕕᑎᒧᑦ, “ᒎᑎᐅᑉ ᐊᑭᕅᑦ ᐅᓪᓗᒥ ᑐᓂᕚ ᐃᓕᖕᓄᑦ; ᑍᒤᒻᒪᑦ ᒫᓐᓇ ᑲᐱᓚᐅᕐᓚᒍ ᓇᖕᒥᓂᖅ ᖃᓗᒋᐊᖓᓄᑦ ᐸᐅᒍᐊᕐᓗᒍᓗ ᓄᓇᒧᑦ ᐊᑕᐅᓯᐊᕐᓗᖓ ᐱᒋᐊᒃᑲᓐᓂᕆᐊᖃᑦᔮᖏᓐᓇᒪ.”