ᔨᕆᒤᐊᐅᑉ ᐊᒡᓚᖏᑦ 40:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᔫᑎᓪᓗ ᒧᐊᐱᒥ, ᐋᒪᓐᒥᓗ, ᐄᑐᒥᓗ ᓄᓇᓕᖕᓂᓗ ᑖᒃᑯᐊ ᐊᓯᖏᓐᓃᑦᑐᓂ ᑐᓴᐅᒪᓕᕋᒥᒃ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦ ᔫᑕᒥ ᐊᒥᐊᒃᑯᖃᕐᑎᑦᓯᓂᖓᓂᒃ, ᑖᒃᑯᐊᓗ ᑲᒪᔨᖃᓕᕐᓂᖏᓐᓂᒃ ᒋᑕᓔᐊᒥᒃ ᐊᕼᐂᑲᒻ ᐃᕐᓂᖓᓂᒃ ᓴᕙᓂᐅᑉ ᐃᕐᖑᑕᖓᓂᒃ.

ᔨᕆᒤᐊᐅᑉ ᐊᒡᓚᖏᑦ 40:11 Iomraidhean Croise

ᒨᓯᓯ ᓯᕗᓪᓖᑦ 36:8

ᑕᕝᕙ ᐄᓴ ᓄᓇᖃᓕᓚᐅᕐᐳᖅ ᖃᖅᑲᓕᖕᒥ ᓄᓇᒥ ᓰᐊᕆᒥ; ᐄᓴ ᐊᑎᖃᕐᒪᑦ ᐄᑐᒥᒥᒃ.

ᐂᓮᐊᓯᐅᑉ ᐊᒡᓚᖏᑦ 11:14

ᐊᐅᕐᓵᕐᑐᑎᑐᓪᓕ ᐊᒻᒧᐊᒍᒫᕐᐴᒃ ᐱᓕᔅᑍᓂᒥᐅᓄᑦ ᐅᓇᑕᕆᐊᕐᓗᑎᒃ; ᑐᓄᐊᓐᓂᑦ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᓄᑦ; ᑲᑐᑦᔨᓗᑎᒃ ᐊᕐᓵᕐᓂᔪᒫᕐᐳᑦ ᓯᕿᓂᐅᑉ ᓄᐃᕕᐊᓂᒥᐅᓂᒃ; ᐱᔪᓐᓇᕐᓂᖃᕐᓗᑎᒃ ᐅᓇᑕᕆᐊᕈᒫᕐᐳᑦ ᐄᑐᒥᒥᐅᓂᒃ ᒧᐊᐱᒥᐅᓂᒡᓗ, ᐊᒧᓁᑎᒥᐅᓪᓗ ᑖᒃᑯᓂᖓ ᓈᓚᓕᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 16:4

ᒧᐊᐱᒥᑦ ᐊᓂᑎᑕᐅᓯᒪᔪᒍᑦ ᐃᓕᑦᓯᓐᓂ ᑐᔪᕐᒥᐊᖑᑎᓚᐅᕐᑎᒍᑦ; ᓴᐳᑎᓚᐅᕐᑎᒍᑦ ᐊᓯᕈᐃᔨᒥᑦ.” ᐊᒃᓱᕈᕐᓇᕐᑐᖅ ᐊᓯᕈᕐᑕᐅᓇᕐᑐᓪᓗ ᐃᓱᓕᑦᓱᒫᕐᐳᑦ, ᓄᓇᓂᒡᓗ ᓱᓁᕈᑦᔨᓚᐅᕐᑐᑦ ᓄᖑᑦᓱᒫᕐᐳᑦ ᓄᓇᒥᑦ.

ᔨᕆᒤᐊᐅᑉ ᐊᒡᓚᖏᑦ 24:9

ᐃᓅᖃᑎᒋᔪᒥᓇᕈᓐᓃᕐᑎᑦᓱᒪᕙᒃᑲ ᐱᐅᒋᔭᐅᖏᑦᑑᑎᓪᓗᒋᓪᓗ ᐊᖓᔪᖅᑳᕐᔪᐊᖃᕐᕕᐅᔪᓕᒫᓄᑦ ᓄᓇᒥ, ᐱᐅᖏᑦᑐᒥᒃ ᐅᖃᐅᓯᐅᒐᔪᒃᑎᓪᓗᒋᑦ ᐊᑭᕋᕐᑐᕐᑕᐅᒐᔪᒃᑎᓪᓗᒋᓪᓗ ᓇᓂᑐᐃᓐᓇᖅ ᓄᓇᖃᓕᕌᖓᑕ.

ᔨᕆᒤᐊᐅᑉ ᐊᒡᓚᖏᑦ 41:10

ᐊᖓᔪᖅᑳᕐᔪᐊᓪᓗ ᐸᓂᖏᑦ ᑎᒍᔭᐅᑎᑉᐰᑦ ᐃᓄᑐᐃᓐᓁᓪᓗ ᒥᔅᐸᒦᑦᑐᑦ, ᓂᐳᔭᕋᑕᐅᑉ ᑲᒪᒋᔭᐅᑎᓕᓚᐅᕐᑕᖏᑦ ᐊᖓᔪᖅᑳᒧᑦ ᒋᑕᓔᐊᒧᑦ ᐊᕼᐂᑲᐅᑉ ᐃᕐᓂᖓᓄᑦ, ᐃᓯᒥᐅᓕᐅᑉ ᓂᑕᓁᐊᐅᑉ ᐃᕐᓂᖓᑕ ᑎᒍᔭᐅᑎᓪᓗᓂᒋᑦ ᐊᐅᓪᓚᕈᑎᓕᕐᐰᑦ ᓄᓇᐅᑉ ᐊᒧᓁᑎᐅᑉ ᓇᓛᓄᑦ.

ᔨᕆᒤᐊᐅᑉ ᐊᒡᓚᖏᑦ 43:5

ᑕᕝᕙ ᔪᕼᐋᓇᓂ ᑲᕆᐊᑉ ᐃᕐᓂᖓ ᐅᓇᑕᕐᑐᒃᓴᓄᓪᓗ ᐊᖓᔪᖅᑳᒻᒪᕆᐅᔪᑦ ᔫᑕᐅᑉ ᓄᓇᖓᓂᑦ ᐊᒥᐊᒃᑰᓂᑯᐃᑦ ᐄᑦᔨᑉᑎᒧᐊᕈᑎᕔᑦ, ᐃᓅᖃᑎᒌᒡᔪᐊᓄᓪᓗ ᓯᐊᒻᒪᕐᑎᑕᐅᓂᑰᓪᓗᑎᒃ ᐅᑎᕐᓂᑯᐃᑦ ᐃᓚᐅᑎᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 43:6

ᐊᖑᑎᑦ, ᐊᕐᓁ, ᓄᑕᖅᑲᑦ, ᐊᖓᔪᖅᑳᕐᔪᐊᓪᓗ ᐸᓂᖏᑦ, ᑖᒃᑯᐊᓕᒫᑦ ᓂᐳᔭᕋᑕᐅᑉ ᑲᒪᒋᔭᐅᑎᓚᐅᕐᑕᖏᑦ ᒋᑕᓔᐊᒧᑦ ᐊᕼᐂᑲᐅᑉ ᐃᕐᓂᖓᓄᑦ ᓴᕙᓂᐅᑉ ᐃᕐᖑᑕᖓᓄᑦ ᐊᒡᓛᑦ ᐸᕉᒃᓗ ᓂᕅᐊᐅᑉ ᐃᕐᓂᖓ ᔨᕆᒤᐊᓗ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ ᐃᓚᐅᑎᑕᐅᒋᓪᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 9:26

ᐄᑦᔨᑉᑎᒥᐅᑦ, ᔫᑕᒥᐅᑦ, ᐄᑐᒥᒥᐅᑦ, ᐋᒪᓐᒥᐅᑦ, ᒧᐊᐱᒥᐅᓪᓗ, ᐅᖓᓯᒃᑐᒥᐅᓪᓗ ᓯᐅᕅᓐᓇᕐᒥ ᓄᓇᖃᕐᑐᑦ ᐃᓅᖃᑎᒌᒡᔪᐊᑦ ᑭᐱᔭᐅᓯᒪᖏᑦᑐᐃᓐᓇᐅᖕᒪᑕ, ᐊᒡᓛᑦ ᐃᓴᕆᐊᓕᒥᐅᓕᒫᑦ ᑭᐱᔭᐅᓯᒪᓐᖏᓚᑦ ᐆᒻᒪᑎᒥᒃᑎᒍᑦ.”

ᐃᓯᑭᐊᓕᐅᑉ ᐊᒡᓚᖏᑦ 25:12

“ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐄᑐᒥᐅᑦ ᔫᑕᐅᑉ ᑭᖑᕚᖏᓐᓂᒃ ᐊᑭᓂᐊᓚᐅᕐᒪᑕ ᑕᒪᓐᓇ ᐸᓯᔭᒃᓴᐅᑦᔪᑎᒋᓂᐊᓕᕐᐹᑦ,

ᐃᓯᑭᐊᓕᐅᑉ ᐊᒡᓚᖏᑦ 25:2

“ᐃᓅᑉ ᐃᕐᓂᖓ, ᐊᒧᓁᑎᒥᐅᑦ ᓄᓇᖓ ᐊᑭᕋᕐᑐᕐᓗᒍ ᐅᖃᓪᓚᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 25:6

ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᖁᕕᐊᓱᖕᓂᕐᒧᑦ ᐃᑎᒐᓯ ᑐᒃᑲᕐᑕᓚᐅᕐᐸᓯ ᐸᑎᒃᑕᕐᓗᓯᓗ ᐃᓴᕆᐊᓕᐅᑉ ᓄᓇᖓᓂᒃ ᒥᑕᐅᑎᖃᕈᓐᓇᕐᕕᓕᒫᑦᓯᓐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 25:8

ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: “ᒧᐊᐱᒥᐅᑦ ᓰᐊᕆᒥᐅᓪᓗ ᐅᖃᓚᐅᕐᒪᑕ ᐃᓴᕆᐊᓕᒥᐅᓂᒃ ᐊᑦᔨᐅᑐᐃᓐᓇᕐᓂᕅᓪᓗᑎᒃ ᐃᓅᖃᑎᒌᒡᔪᐊᓕᒫᓄᑦ ᐊᓯᖏᓐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 34:6

ᓰᐱᖁᑎᒃᑲ ᓯᐊᒻᒪᕐᓯᒪᓕᕐᐳᑦ, ᖃᖅᑲᓂᓗ ᐱᖑᕐᓂᓗ ᐳᕐᑐᔪᓂ ᐃᓂᖃᓕᕐᓗᑎᒃ; ᓰᐱᖁᑎᒃᑲᓗ ᓄᓇᕐᔪᐊᓕᒫᒧᑦ ᓯᐊᒻᒪᕐᓯᒪᓕᕐᐳᑦ, ᕿᓂᕐᑕᐅᖏᓐᓇᒥᒃ ᕿᓂᕆᐊᕐᑕᐅᓯᒪᓇᑎᒡᓗ.

ᐃᓯᑭᐊᓕᐅᑉ ᐊᒡᓚᖏᑦ 35:15

ᖁᕕᐊᓱᓚᐅᕋᑦᓯ ᐃᓴᕆᐊᓕᐅᑉ ᑭᖑᕚᖏᓐᓂᒃ ᑭᖑᕐᖑᑦᔨᓕᕋᑦᓯ, ᓱᓁᕈᑦᔭᐅᑎᓪᓗᒋᑦ, ᑍᒫᒃ ᐱᓂᐊᕐᕕᒋᓂᐊᓕᕐᐸᑦᓯ; ᓱᓁᕈᑦᔭᐅᔪᒫᕐᐳᓯ, ᓰᐊᕆᐅᑉ ᖃᖅᑲᖏᑦ, ᐄᑐᒥᐅᓪᓗ ᓄᓇᓕᒫᖓ ᐊᑕᖏᕐᓗᓂ. ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ.”

ᐃᓯᑭᐊᓕᐅᑉ ᐊᒡᓚᖏᑦ 35:5

“ᐃᓴᕆᐊᓕᒥᐅᓂᒃ ᐆᒥᓱᒃᑎᐅᓚᐅᕋᑦᓯ, ᑐᖁᕋᑕᐅᑎᓚᐅᕋᑦᓯᐅᒡᓗ ᑲᑉᐱᐊᓱᒃᑎᑕᐅᑎᓪᓗᒋᑦ, ᓱᒋᐊᕐᑕᐅᕕᖓᑦ ᑭᖑᓪᓕᕐᐹᖅ ᓇᓪᓕᐅᓯᒪᑎᓪᓗᒍ;

ᐃᓯᑭᐊᓕᐅᑉ ᐊᒡᓚᖏᑦ 5:12

ᐃᓅᖃᑎᑦᓯ ᐱᖓᔪᓪᓗᐊᖏᑦ ᐋᓐᓂᐊᓇᕐᑐᒧᑦ ᑐᖁᕋᕈᒫᕐᐳᑦ ᑳᖕᓇᕐᑐᕐᔪᐊᒧᓪᓗ ᐱᕐᓕᕋᕐᓗᑎᒃ ᐊᑯᓐᓇᑦᓯᓐᓂ; ᐃᓅᖃᑎᑦᓯ ᐱᖓᔪᒋᖕᒥᔭᖏᑦ ᑐᖁᕋᕐᑕᐅᔪᒫᕐᐳᑦ ᓴᕕᒡᔪᐊᒧᑦ ᐊᕙᑎᑦᓯᓐᓂ; ᐱᖓᔪᒋᖕᒥᔭᖏᑦ ᓯᐊᒻᒪᕐᑎᓪᓗᒋᑦ ᐊᓄᕆᓕᒫᓄᑦ ᑎᒃᑕᐅᕋᕐᑎᑦᓱᒫᕐᐸᒃᑲ ᓴᕕᒡᔪᐊᕐᓗ ᐴᖓᓂᑦ ᐊᒧᓗᒍ ᒪᓕᒍᒫᕐᐸᒃᑲ ᕿᒫᑎᓪᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 5:3

ᐊᒥᐊᒃᑯᐊᕐᔪᒡᓗᒋᑦ ᓄᔭᕐᐱᑦ ᐃᓚᖏᑦ, ᐊᓐᓄᕌᕕᑦ ᓯᓈᓄᑦ ᕿᓚᒃᓱᕋᒃᓴᕆᕙᑎᑦ.

ᒨᓯᓯ ᓯᑕᒪᖏᑦ 22:1

ᐃᓴᕆᐊᓕᒥᐅᑦ ᐃᖏᕐᕋᓚᐅᕐᐳᑦ, ᑕᖕᒫᕐᓗᑎᒡᓗ ᓇᑎᕐᓇᒥ ᒧᐊᐱᒥᒃ ᐊᑎᓕᖕᒥ ᔪᐊᕐᑕᓂᐅᑉ ᓯᓈᓂ ᔨᕆᑰᑉ ᐊᑭᐊᓂ.

ᒨᓯᓯ ᓯᑕᒪᖏᑦ 25:1

ᐃᓴᕆᐊᓕᒥᐅᑦ ᓄᖅᑲᖓᓚᐅᕐᐳᑦ ᓯᑎᒻᒥ, ᐃᓄᐃᓪᓗ ᓄᓕᐊᒐᕐᓂᒃ ᐱᖃᑎᖃᖃᑦᑕᓕᓚᐅᕐᐳᑦ ᒧᐊᐱᒥᐅᑦ ᐊᕐᓇᖏᓐᓂᒃ.

ᒨᓯᓯ ᓯᑕᒪᖏᑦ 25:2

ᑖᒃᑯᐊ ᕾᖁᔨᖃᑦᑕᓚᐅᕐᒪᑕ ᐃᓴᕆᐊᓕᒥᐅᓂᒃ ᒎᑎᓐᖑᐊᒥᖕᓄᑦ ᑐᓂᕐᕈᓯᕌᖓᒥᒃ, ᐃᓄᐃᓪᓗ ᓂᕆᖃᑦᑕᓚᐅᕐᐳᑦ ᐹᒻᒪᒃᑎᕐᓗᑎᒡᓗ ᒎᑎᓐᖑᐊᖏᓐᓄᑦ.

ᓴᒧᐃᓕ ᓯᕗᓪᓖᑦ 11:1

ᓇᕼᐊᔅ ᐊᒧᓁᑎᒥᐅᑕᖅ ᐅᓇᑕᕆᐊᕐᐳᖅ ᔭᐲᓯ-ᒋᓖᑎᒧᑦ ᓵᓚᒋᓪᓗᒍᓗ; ᑕᕝᕙ ᔭᐲᓯᐅᑉ ᐃᓄᖏᑦ ᐅᖃᕐᐳᑦ ᓇᕼᐊᔅᒧᑦ, “ᐊᖏᖃᑎᒌᓚᐅᕐᑕ ᐃᓕᖕᓂᒃ ᐱᔨᑦᓯᕐᓂᐊᕐᐳᒍᑦ.”

ᓴᒧᐃᓕ ᓯᕗᓪᓖᑦ 12:12

ᑭᓯᐊᓂᓕ ᐊᖓᔪᖅᑳᕐᔪᐊᖅ ᓇᕼᐊᔅ ᐊᒧᓁᑎᒥᐅᑕᖅ ᑕᑯᒐᑦᓯᐅᒃ ᐅᓇᑕᕆᐊᕐᑐᖅ ᐃᓕᑦᓯᓐᓂᒃ, ᐅᕙᓐᓄᑦ ᐅᖃᓚᐅᕐᐳᓯ, ‘ᐋᒃᑲ ᐊᖓᔪᖅᑳᕐᔪᐊᕐᑖᕈᒪᕗᒍᑦ ᐊᐅᓚᑦᓯᔨᒃᓴᑦᑎᓐᓂᒃ,’ ᐊᑕᓂᕐᒥᒃ ᒎᑎᑦᓯᓐᓂᒃ ᐊᖓᔪᖅᑳᕐᔪᐊᖃᕋᓗᐊᕐᑎᓪᓗᓯ.