ᔨᕆᒤᐊᐅᑉ ᐊᒡᓚᖏᑦ 4:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᐅᓪᓗᖅ ᓇᓪᓕᐅᑎᒃᐸᑦ, ᐊᑕᓂᖅ ᐅᖃᕐᐳᖅ, “ᐊᖓᔪᖅᑳᕐᔪᐊᑦ ᐊᖓᔪᖅᑳᖁᑎᖏᓪᓗ ᓴᐱᕐᓇᕐᑐᒧᑦ ᑎᑭᑕᐅᓂᐊᕐᐳᑦ, ᑐᓂᕐᕈᓯᕐᑎᑦᓯᔩᓪᓗ ᑲᑉᐱᐊᓱᖕᓂᐊᕐᐳᑦ, ᒎᑎᐅᓪᓗ ᐅᖃᕐᑎᖏᑦ ᑲᒪᓂᐊᕐᓗᑎᒃ.”

ᔨᕆᒤᐊᐅᑉ ᐊᒡᓚᖏᑦ 4:9 Iomraidhean Croise

ᐊᑕᓃᑦ ᐂᑉᐸᖏᑦ 25:4

ᐃᒡᓗᒐᓴᒡᔪᐊᑦ ᐊᕙᓗᕐᔪᐊᖓ ᓯᖁᑦᑎᕐᓗᒍ ᐊᖕᒪᕐᐹᑦ, ᑲᐅᓪᑎᐊᒥᐅᓄᑦ ᐃᒡᓗᒐᓴᒡᔪᐊᑦ ᐃᓗᒪᔭᐅᒐᓗᐊᕐᑎᓪᓗᒋᑦ, ᐅᓇᑕᕐᑎᓕᒫᑦ ᐅᓐᓄᐊᒃᑯᑦ ᐊᓂᐅᖅᑲᕐᐳᑦ ᐊᖓᔪᖅᑳᕐᔪᐊᒧᑦ ᐱᕈᕐᓰᕕᖁᑕᐅᓂᕋᕐᑕᐅᔪᖅ ᐊᖅᑯᑎᒋᓪᓗᒍ. ᐊᕙᓗᕐᔪᐊᑉ ᒪᕐᕉᓕᖅᑲᖓᓂᖓᑕ ᐊᑯᓐᓂᖓᒎᕐᓗᑎᒃ, ᔪᐊᕐᑕᓂᐅᑦ ᓇᕐᓴᖓ ᑐᕌᕐᓗᒍ ᕿᒫᕗᑦ.

ᐃᓐᖏᕈᑎᑦ 102:4

ᐆᒻᒪᑎᒐ ᐊᓇᐅᓕᕐᑕᐅᓂᑰᕗᖅ ᐃᕕᒃᓱᒃᑲᑎᑐᑦ ᐸᓂᕐᑐᑎᑐᑦ; ᐊᒡᓛᑦ ᓂᕆᔭᒃᓴᒃᑲ ᓂᕆᔭᕆᐊᖏᑦ ᐳᐃᒍᕐᓯᒪᕙᒃᑲ.

ᐂᓮᐊᓯᐅᑉ ᐊᒡᓚᖏᑦ 19:16

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐄᑦᔨᑉᑎᒥᐅᑦ ᐊᕐᓇᑎᑐᑦ ᑍᒤᓕᕈᒫᕐᐳᑦ, ᓴᔪᒍᒫᕐᐳᑦ ᑲᑉᐱᐊᓱᒡᓗᑎᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᐊᒡᒐᖕᒥᓄᑦ ᓴᔪᒃᑎᑦᓱᒫᕐᒪᒋᑦ.

ᐂᓮᐊᓯᐅᑉ ᐊᒡᓚᖏᑦ 19:3

ᐄᑦᔨᑉᑎᒥᐅᑦ ᐃᓕᖅᑯᓯᖏᑦ ᐊᑐᕈᓐᓃᕈᒫᕐᐳᑦ ᑖᒃᑯᓇᓂ, ᐱᓇᓱᐊᕈᒪᔭᖏᓐᓂᒡᓗ ᓇᓗᓕᕐᑎᑦᓱᒫᕐᐸᒃᑲ; ᒎᑎᓐᖑᐊᒥᖕᓂᒃ ᐊᖓᒃᑯᓂᒡᓗ ᐃᑲᔪᕐᑎᖃᕋᓱᐊᓕᕈᒫᕐᐳᑦ, ᑐᖁᖓᔪᓪᓗ ᐊᓂᕐᓂᖏᓐᓂᒃ ᐱᓇᓱᐊᖃᑦᑕᕐᑐᓂᒃ ᐊᖓᒃᑰᓇᓱᐊᕐᑐᓂᒡᓗ ᑕᑎᖃᕋᓱᓕᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 28:19

ᑏᒐᕐᑕᐅᖃᑦᑕᕈᒫᕐᐳᓯ ᐱᒋᐊᕐᑕᐅᓂᑕᒫᑦ; ᖃᐅᑕᒫᑦ ᐅᓪᓛᑕᒫᑦ ᑏᒐᕐᑕᐅᖃᑦᑕᕈᒫᕐᐳᓯ, ᐅᓪᓗᒃᑯᓪᓗ ᐅᓐᓄᐊᒃᑯᓪᓗ; ᑲᑉᐱᐊᓇᖃᑦᑕᕈᒫᕐᐳᖅ ᐅᖃᐅᓯᕐᒥᒃ ᑐᓴᕐᓗᓯ ᑐᑭᓯᑦᓯᐊᕐᓗᒍᓗ.”

ᔨᕆᒤᐊᐅᑉ ᐊᒡᓚᖏᑦ 2:26

ᐊᑕᓂᖅ ᐅᖃᕐᐳᖅ, “ᑎᒡᓕᒐᕐᑎ ᑲᓐᖑᓇᕐᑐᒥᒃ ᐊᑐᓕᕐᐸᖕᒪᑦ ᖃᐅᔨᔭᐅᔭᕌᖓᒥ, ᑍᒫᒃᑕᐅᖅ ᐃᓴᕆᐊᓕᒥᐅᑦ ᐃᓄᖏᑦ ᑲᓐᖑᓇᕐᑐᒥᒃ ᐊᑐᕐᓂᐊᕐᐳᑦ, ᐊᖓᔪᖅᑳᕐᔪᐊᖏᑦ, ᐊᖓᔪᖅᑳᖁᑎᖏᑦ, ᑐᓂᕐᕈᓯᕐᑎᑦᓯᔩᑦ, ᒎᑎᒧᓪᓗ ᐱᔪᖃᓛᕐᑐᒥᒃ ᐅᖃᕐᑎᐅᔪᑦ.

ᔨᕆᒤᐊᐅᑉ ᐊᒡᓚᖏᑦ 25:34

“ᖁᕝᕕᐅᕆᑦᓯ ᕿᐊᓗᓯᓗ, ᐃᓕᑦᓯ ᐰᕐᓯᔨᒋᔭᐅᔪᓯ, ᐊᒃᓴᑳᖃᑦᑕᕐᓗᓯ ᐊᕐᔭᓕᓂᕐᓂ, ᐃᓕᑦᓯ ᓯᕗᓕᕐᑎᒋᔭᐅᔪᓯ ᐃᓄᖁᑎᓐᓄᑦ. ᑐᖁᕋᕐᑕᐅᕕᒃᓴᓯ ᓇᓪᓕᐅᑎᖕᒪᑦ, ᐅᕐᕈᔪᒫᕐᐳᓯ ᓯᖁᑦᑎᕐᓗᓯᓗ ᒪᕐᕋᐅᔭᕐᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 37:19

ᓇᐅᒡᓖᒃᑯᐊ ᐅᖃᕐᑎᓯ ᐅᖃᓪᓚᒃᐸᒃᑐᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᐅᓇᑕᕐᑕᐅᑦᔮᖏᓐᓂᕅᓪᓗᑎᒃ ᐃᓕᑦᓯᓐᓃᒃ?

ᔨᕆᒤᐊᐅᑉ ᐊᒡᓚᖏᑦ 48:41

ᐃᒡᓗᒐᓴᒡᔪᐊᑦ ᓵᓚᒋᔭᐅᓗᑎᒃ ᑎᒍᔭᐅᔪᒫᕐᐳᑦ, ᐱᔭᐅᑦᔧᕐᓯᒪᔫᒐᓗᐊᓪᓗ ᐱᔭᐅᓗᑎᒃ. ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᒧᐊᐱᒥᐅᑦ ᐅᓇᑕᕐᑐᒃᓴᖁᑎᖏᑕ ᐆᒻᒪᑎᖏᑦ ᐊᑦᔨᖃᕈᒫᕐᐳᑦ, ᐊᕐᓇᐅᑉ ᐃᕐᓂᓱᒃᑑᑉ ᐃᒃᐱᒋᔭᖓᑐᑦ ᐋᓐᓂᐊᓂᖃᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 5:31

ᒎᑎᐅᑉ ᐅᖃᕐᑎᖏᑦ ᐅᖃᐅᓯᖃᕐᒪᑕ ᓱᓕᖏᑦᑐᓂᒃ, ᑐᓂᕐᕈᓯᕐᑎᑦᓯᔩᓪᓗ ᓇᖕᒥᓂᖅ ᐊᑐᕈᒪᔭᒥᖕᓂᒃ ᑭᓯᐊᓂ ᐊᐅᓚᑦᓯᔪᒪᖕᒪᑕ, ᐃᓄᖁᑎᒪᓗ ᑍᒫᒃ ᖁᕕᐊᒋᓪᓗᓂᑦᔪᒃ ᖃᓄᕐᓕ ᐱᔪᒫᕐᐹᑦ ᑕᒪᓐᓇ ᐃᓱᓕᑉᐸᑦ?”

ᔨᕆᒤᐊᐅᑉ ᐊᒡᓚᖏᑦ 52:7

ᔨᕉᓴᓕᐅᑉ ᐊᕙᓗᕐᔪᐊᖓ ᐊᖕᒪᕐᑕᐅᖕᒪᑦ, ᐅᓇᑕᕐᑎᖁᑎᖏᑦ ᕿᒫᓚᐅᕐᐳᑦ, ᐅᓐᓄᐊᒃᑯᑦ ᐊᓂᐅᕋᕐᓗᑎᒃ ᐃᑎᕐᑕᕐᕕᒃᑯᑦ ᐊᕙᓗᕐᔪᐊᒃ ᒪᕐᕉᒃ ᐅᖓᓕᕇᒃ ᐊᑯᓐᓂᖓᓃᑦᑐᒃᑯᑦ, ᐊᖓᔪᖅᑳᕐᔪᐊᑉ ᐱᕈᕐᓰᕕᖁᑎᖓᑕ ᖃᓂᒋᔮᒍᑦ, ᑲᐅᓪᑎᐊᒥᐅᑦ ᐊᕙᑕᖏᕐᓯᓯᒪᒐᓗᐊᕐᑎᓪᓗᒋᑦ, ᕿᒫᕗᑦ ᓄᓇᐅᑉ ᐊᕋᐹᒥᒃ ᐊᑎᖃᕐᑑᑉ ᓇᓛᓄᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 13:41

‘ᑕᑯᒋᑦᓯ, ᒥᑕᐅᑎᒃᓴᕐᑎᐅᔪᓯ, ᑕᑕᒥᓐᓂᐊᕐᓗᓯᓗ, ᐊᓯᕈᕐᑕᐅᓕᕆᑦᓯ; ᐃᓅᑎᓪᓗᓯ ᐱᓂᐊᕐᓂᖃᕐᓂᐊᕋᒪ, ᐱᓂᐊᕐᓂᕐᓂᒃ ᐅᒃᐱᕆᔭᕆᐊᒃᓴᖅ ᐊᔪᕐᑕᑦᓯᓐᓂᒃ, ᐅᖃᐅᓯᐅᒐᓗᐊᕐᐸᑦ ᑐᑭᓯᓇᕐᓯᑎᑕᐅᒐᓗᐊᕐᐸᓪᓘᓐᓃᑦ.’”