ᔨᕆᒤᐊᐅᑉ ᐊᒡᓚᖏᑦ 4:31 - ᐊᒡᓔᑦ ᐃᑦᔪᕐᖕᓁᑦᑐᑦ

³¹ ᓂᓪᓕᐊᔪᒥᒃ ᑐᓵᕗᖓ ᐃᕐᓂᓱᒃᑑᑉ ᓂᓪᓕᐊᓂᖓᑎᑐᑦ ᓂᓪᓕᐊᔪᒥᒃ, ᓲᕐᓗ ᕿᑐᕐᖏᔭᕆᐅᕈᑎᒥᓂᒃ ᕿᑐᕐᖓᕐᑖᕋᓱᐊᓕᕐᑑᑉ ᓂᓪᓕᐊᓂᖓᑎᑐᑦ, ᓮᐅᓂᐅᑉ ᐸᓂᖓᑕ ᓂᐱᖓ ᐊᓂᕐᓵᕐᑐᒡᒐᓕᕐᑐᑎᑐᑦ ᑍᒤᑦᑐᖅ ᑕᓖᖕᓂᓗ ᐃᓵᒡᓗᒋᒃ ᐅᖃᕐᑐᖅ, “ᑲᑉᐱᐊᓐᓇᒦᒃ! ᓄᑮᕈᑎᓕᕐᐳᖓ ᐃᓄᐊᕐᑏᑦ ᓵᖏᓐᓂ!”

ᔨᕆᒤᐊᐅᑉ ᐊᒡᓚᖏᑦ 4:31 Iomraidhean Croise

ᒨᓯᓯ ᓯᕗᓪᓖᑦ 27:46

ᕇᐱᑲᓗ ᐂᓴᑭᒧᑦ ᐅᖃᓕᕐᐳᖅ, “ᐃᓱᒫᓗᒍᑎᖃᕋᒪ ᐃᓅᓯᓐᓂ ᐊᕐᓁᑦ ᕼᐃᑍᑎᒥᐅᑦ ᐱᓪᓗᒋᑦ, ᔧᑯᓕ ᓄᓕᐊᓂᖕᓂᐊᕐᒥᒃᐸᑦ ᕼᐃᑍᑎᒥᐅᑦ ᐊᕐᓇᖏᓐᓂᑦ ᑕᒫᓂ ᓄᓇᖃᕐᑐᓂᑦ, ᐃᓄᓯᕋ ᓱᓇᐅᔪᓐᓃᑦᓯᐊᕐᓂᐊᕐᐳᖅ.”

ᔫᐱᐅᑉ ᐊᒡᓚᖏᑦ 10:1

“ᐃᓅᓯᕋ ᐃᕿᐊᓐᖑᕋᒃᑯ; ᓈᓚᓚᐅᓐᖓ ᓈᒻᒪᒃᓴᖏᓐᓂᕆᔭᓐᓂᒃ;

ᐃᓐᖏᕈᑎᑦ 120:5

ᑲᑉᐱᐊᓐᓇᒦᒃ ᐅᕙᖓ ᓄᓇᖃᖃᑕᐅᒐᒪ ᒥᓯᑭᒥ, ᐃᓚᒋᔭᐅᓪᓗᖓᓗ ᑭᑕᕆᒃᑯᑦ ᑐᐱᖃᕐᕕᖏᓐᓂ.

ᐂᓮᐊᓯᐅᑉ ᐊᒡᓚᖏᑦ 1:15

“ᐊᒡᒐᓯ ᐃᓵᒃᑲᓗᐊᕋᑦᓯᐅᒃ ᐅᕙᓐᓄᑦ, ᑕᑯᓐᓇᕐᓂᐊᕈᓐᓃᕐᐸᑦᓯ; ᐅᓄᕐᑐᓂᒃ ᑐᒃᓯᐊᕐᓂᓕᐅᕋᓗᐊᕈᑦᓯ ᓈᓚᖕᓂᐊᓐᖏᓚᖓ, ᐊᒡᒐᓯ ᐊᐅᖏᓐᓇᐅᖕᒪᑕ.

ᐂᓮᐊᓯᐅᑉ ᐊᒡᓚᖏᑦ 13:8

ᑲᑉᐱᐊᓱᓕᕈᒫᕐᐳᓪᓗ. ᐋᓐᓂᕐᓇᕐᑐᕐᔪᐊᕐᒧᑦ ᓂᐹᓂᕐᒧᓪᓗ ᑎᑭᑕᐅᔪᒫᕐᐳᑦ; ᐋᓐᓂᐊᔪᐊᓘᔪᒫᕐᐳᑦ ᐊᕐᓇᑐᑦ ᐃᕐᓂᓱᒃᑐᑐᑦ; ᐃᕐᓯᓂᕐᒧᑦ ᐃᒻᒥᖕᓄᑦ ᑕᑯᓐᓇᖃᑦᑕᐅᑎᑐᐃᓐᓇᕈᒫᕐᐳᑦ; ᑮᓇᖏᓪᓗ ᑕᑯᒥᓁᓕᔪᒫᕐᐳᑦ ᐃᑯᒪᔪᑐᑦ.

ᐂᓮᐊᓯᐅᑉ ᐊᒡᓚᖏᑦ 21:3

ᑍᒤᒻᒪᑦ ᓈᒃᑲᒃ ᑕᑕᑉᐳᒃ ᐃᓱᒪᔮᕐᓂᕐᒥᒃ; ᐋᓐᓂᐊᓂᕐᒧᓪᓗ ᐊᔪᓕᕐᑎᑕᐅᕗᖓ, ᐃᕐᓂᓱᒃᑑᑉ ᐋᓐᓂᐊᓂᖓᑐᑦ; ᐅᑯᖓᓕᓂᕐᒧᑦ ᑐᓵᔪᓐᓃᕐᐳᖓ, ᐃᓱᒪᔮᕐᓂᕐᒧᓪᓗ ᑕᐅᑐᒍᓐᓃᕋᒪ.

ᐂᓮᐊᓯᐅᑉ ᐊᒡᓚᖏᑦ 26:17

ᐊᕐᓇᐅᑉ ᐃᕐᓂᓱᒡᓗᓂ ᐋᓐᓂᐊᓂᕐᒧᑦ ᐃᓗᖏᕐᓱᕐᓂᕆᕙᒃᑕᖓᑐᑦ, ᐊᐅᓚᔪᑐᑦ ᓂᓪᓕᐊᓪᓗᓂᓗ ᐋᓐᓂᐊᓂᕐᒥᓄᑦ, ᐃᕐᓂᕕᒋᓂᐊᕐᑕᖓ ᓇᓪᓕᐅᑎᓕᕐᑎᓪᓗᒍ, ᐃᓕᖕᓄᑦ ᑍᒤᑉᐸᒃᑭᕗᒍᑦ, ᐊᑕᓃᖅ.

ᐂᓮᐊᓯᐅᑉ ᐊᒡᓚᖏᑦ 42:14

“ᐊᑯᓂ ᓂᐱᖃᓚᐅᓐᖏᓚᖓ, ᓄᖅᑲᖓᓚᐅᕐᐳᖓ ᐅᕙᓐᓂᒃ ᓄᖅᑲᖓᑎᓐᓇᓱᒃᓗᖓ; ᒫᓐᓇᓕ ᓂᐱᖅᑯᕐᑐᓗᖓ ᓂᓪᓕᐊᔪᒪᓕᕐᐳᖓ ᐊᕐᓇᑐᑦ ᐃᕐᓂᓱᖕᓂᕐᒧᑦ ᓂᓪᓕᐊᔪᑐᑦ, ᐊᒃᓱᕈᕐᓂᕐᒧᓪᓗ ᐃᐱᓂᐊᕐᓗᖓ.

ᐂᓮᐊᓯᐅᑉ ᐊᒡᓚᖏᑦ 6:5

ᑕᕝᕙ ᐅᖃᕐᐳᖓ: “ᑲᑉᐱᐊᓐᓇᒦᒃ, ᑐᖁᓂᐊᓕᕐᐳᖓ; ᓴᓗᒪᖏᑦᑐᒥᒃ ᖃᓂᕋ ᑕᑕᒻᒪᑦ, ᐃᓅᖃᑎᖃᕋᒪᓗ ᓴᓗᒪᖏᑦᑐᓂᒃ ᐅᖃᓪᓚᖃᑦᑕᕐᑐᓂᒃ; ᐃᔨᓐᓄᑦ ᓇᖕᒥᓂᖅ ᑕᑯᒐᒃᑯ ᐊᖓᔪᖅᑳᕐᔪᐊᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ.”

ᔨᕆᒤᐊᐅᑉ ᐊᒡᓚᖏᑦ 10:19

ᐅᖃᕐᓂᐊᕐᐳᖅ, “ᑲᑉᐱᐊᓐᓇᒦᒃ ᐊᖏᔪᒥᒃ ᐋᓐᓂᕐᓯᒪᔪᖓ! ᐃᑭᓕᕐᑕᐅᓂᒃᑲ ᒪᒥᑦᑐᓐᓁᓪᓕᕗᑦ. ᐃᓱᒪᓂᐊᕆᕗᓪᓕ, ‘ᐋᓂᐊᕆᒐᒃᑯ ᓇᖕᒥᓂᖅ ᕿᓄᐃᓵᕈᑎᒋᔭᕆᐊᖃᕐᐸᕋ.’

ᔨᕆᒤᐊᐅᑉ ᐊᒡᓚᖏᑦ 13:21

ᖃᓄᕐᓕ ᐅᖃᕐᓂᐊᕐᐱᓰ? ᐊᖓᔪᖅᑲᕐᑖᕈᑦᓯ ᐃᑲᔪᕐᑎᒋᓂᐊᕋᓱᒋᓪᓗᒋᑦ ᐊᒡᓛᑦ ᐃᓕᓴᓚᐅᕐᑕᑦᓯᓐᓄᑦ ᑕᐱᕆᔪᒪᓪᓗᒋᑦ, ᑕᕝᕙ ᐋᓐᓂᐊᒐᔭᓐᖏᓚᓰ? ᐊᕐᓇᑎᑐᑦ ᐃᕐᓂᓱᒃᑐᑎᑐᑦ?

ᔨᕆᒤᐊᐅᑉ ᐊᒡᓚᖏᑦ 14:18

ᐱᕈᕐᓰᕕᖕᒧᐊᕈᒪ, ᑕᑯᒋᑦ, ᓇᓂᑐᐃᓐᓇᖅ ᓴᕕᒡᔪᐊᒧᑦ ᑐᖁᑕᕕᓂᕐᓂᒃ ᑕᑯᕗᖓ, ᐃᒡᓗᒐᓴᖕᓄᐊᕋᒪᓗ, ᑕᑯᒋᑦ, ᐱᕐᓕᕋᕐᑐᕕᓂᕐᓂᒃ ᑕᑯᒋᕗᖓ, ᓇᓚᐅᑦᑍᔪᑦ ᑐᓂᕐᕈᓯᕐᑎᑦᓯᔩᓪᓗ ᑕᒪᕐᒥᒃ, ᑲᔪᓯᕗᑦ ᐱᓇᓱᐊᕐᑕᒥᖕᓂᒃ ᖃᐅᔨᒪᓇᑎᒃ.”

ᔨᕆᒤᐊᐅᑉ ᐊᒡᓚᖏᑦ 15:18

ᓱᖕᒪᓪᓕ ᐋᓐᓂᐊᓂᕋ ᓄᖅᑲᕈᓐᓇᓐᖏᓚᖅ, ᐃᑭᓕᕐᑕᐅᓂᒃᑲᓗ ᒪᒥᑦᓱᓐᓇᕋᑎᒃ, ᐊᖅᑮᔪᒪᓐᖏᓚᑏᑦ? ᑰᒃᑎᑐᑦ ᐃᒤᕈᓯᒪᔪᑎᑐᑦ ᐅᕙᓐᓄᑦ ᑍᒤᑦᑑᓂᐊᕐᐲᑦ?”

ᔨᕆᒤᐊᐅᑉ ᐊᒡᓚᖏᑦ 18:21

ᑍᒤᒻᒪᑦ ᕿᑐᕐᖓᖏᑦ ᑳᖕᓇᕐᑐᕐᔪᐊᒧᑦ ᐱᕐᓕᕋᓕᕐᓕᑦ; ᐅᓇᑕᕐᑐᓄᓪᓗ ᑐᖁᕋᕐᑕᐅᓕᕐᓕᑦ, ᓄᓕᐊᖏᑦ ᕿᑐᕐᒊᕈᑦᔭᐅᓕᕐᓕᑦ, ᐅᐃᒡᒐᕐᓂᐅᓕᕐᓗᑎᒡᓗ, ᐊᖑᑎᖏᓪᓗ ᑐᖁᕋᕐᑕᐅᓗᑎᒃ ᐋᓐᓂᐊᓇᕐᑐᓄᑦ, ᐃᓅᓱᒃᑐᖁᑎᖏᓪᓗ ᐅᓇᑕᕐᑐᓂ ᑐᖁᕋᕐᑕᐅᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 22:23

ᓕᐸᓇᓂᒥᐅᑕᐅᔪᓯ ᐃᒡᓗᖃᐅᑦᓯᐊᕐᑐᓯ ᕿᔪᑦᓯᐊᕙᖕᓂᒃ ᓰᑕᕆᓂᑦ ᓴᓇᓯᒪᔪᓂᒃ, ᐅᒡᒐᕐᓱᕈᒫᕐᐳᓯᓕ ᐋᓐᓂᐊᓇᕐᑐᒧᑦ ᑎᑭᑕᐅᓕᕈᑦᓯ, ᐊᕐᓇᑐᑦ ᐃᕐᓂᓱᒃᑐᑎᑐᑦ.”

ᔨᕆᒤᐊᐅᑉ ᐊᒡᓚᖏᑦ 30:6

ᐃᓱᒪᒋᓕᕐᓯᐅᒃ ᒫᓐᓇ ᑕᑯᓗᓯᓗ, ᐊᖑᑦ ᐃᕐᓂᓱᒡᓗᓂ ᕿᑐᕐᖏᔪᓐᓇᕐᐹ? ᓱᖕᒪᓪᓕ ᐊᖑᑎᒻᒪᕆᐊᓗᖕᓂᒃ ᑕᑯᓐᓇᕐᐳᖔ? ᓈᕐᒥᖕᓂᒃ ᐸᑎᒻᒥᒡᓕᕐᑐᓂᒃ ᐊᕐᓇᑎᑐᑦ ᐃᕐᓂᓱᒃᑐᑎᑐᑦ, ᑮᓇᖏᓪᓗ ᖃᑯᕐᓯᓯᒪᓪᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 45:2

ᐃᒫᒃ ᑕᕝᕙ ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ, “ᐸᕉᒃ ᐃᓕᖕᓄᑦ:

ᔨᕆᒤᐊᐅᑉ ᐊᒡᓚᖏᑦ 48:41

ᐃᒡᓗᒐᓴᒡᔪᐊᑦ ᓵᓚᒋᔭᐅᓗᑎᒃ ᑎᒍᔭᐅᔪᒫᕐᐳᑦ, ᐱᔭᐅᑦᔧᕐᓯᒪᔫᒐᓗᐊᓪᓗ ᐱᔭᐅᓗᑎᒃ. ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᒧᐊᐱᒥᐅᑦ ᐅᓇᑕᕐᑐᒃᓴᖁᑎᖏᑕ ᐆᒻᒪᑎᖏᑦ ᐊᑦᔨᖃᕈᒫᕐᐳᑦ, ᐊᕐᓇᐅᑉ ᐃᕐᓂᓱᒃᑑᑉ ᐃᒃᐱᒋᔭᖓᑐᑦ ᐋᓐᓂᐊᓂᖃᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 49:22

ᑕᑯᓕᕆᑦ ᓇᒃᑐᕋᓕᖕᒥᒃ ᐊᐅᕐᓵᕐᑐᒥᒃ ᐃᓴᕈᖏᒃᑕᓗ ᐃᓵᖓᓂᖏᒃ ᐅᓕᒃᓯᕘᒃ ᐳᔾᕋᒥᐅᓂᒃ, ᐅᓪᓗᒥ ᑍᑲᓂ ᐄᑐᒥᒥᐅᑦ ᐅᓇᑕᕐᑎᖁᑎᖏᑦ ᐃᒃᐱᒍᓱᖕᓂᖃᕈᒫᕐᐳᑦ ᐊᕐᓇᐅᑉ ᐃᕐᓂᓱᒃᑑᑉ ᐃᒃᐱᒍᓱᖕᓂᖓᑎᑐᑦ.”

ᔨᕆᒤᐊᐅᑉ ᐊᒡᓚᖏᑦ 49:24

ᑕᒫᓯᑰᓯᒥᐅᑦ ᖁᐊᕐᓵᖓᓂᕐᒧᑦ ᓄᑭᖏᕈᑎᓕᕋᒥᒃ, ᕿᒪᒃᓯᕗᑦ, ᐅᐃᒻᒪᒃᐳᑦ ᐋᓐᓂᐊᓂᕐᒧᓪᓗ ᕿᒃᓵᒃᐳᑦ, ᐊᕐᓇᑎᑐᑦ ᐃᕐᓂᓱᒃᑐᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 50:43

ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦ ᑐᓴᕐᑎᑕᐅᒐᒥ ᑕᓕᖏᒃ ᓄᑮᕈᑎᕘᒃ, ᑯᒃᓴᓱᖕᓂᕐᒧᑦ ᐅᑯᒤᒃᓴᓕᕐᐳᖅ, ᐋᓐᓂᐊᓕᕐᓗᓂᓗ ᐊᕐᓇᑎᑐᑦ ᐃᕐᓂᓱᒃᑐᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 6:2

ᓮᐅᓂᐅᓪᓗ ᐸᓂᖓᑐᑦ ᑍᒤᑦᑐᑎᑦ ᓄᖑᑕᐅᑎᓐᓂᐊᕐᐸᒋᑦ, ᐱᐅᔫᓪᓗᑎᑦ ᑕᑯᒥᓇᕐᑑᒐᓗᐊᕐᑎᓪᓗᑎᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:17

ᓮᐅᓂ ᐃᓵᖓᒐᓗᐊᕐᒪᑦ ᐃᑲᔪᕐᑕᐅᔪᒪᓪᓗᓂ, ᐃᑲᔪᕐᑎᒃᓴᕐᑕᖃᓐᖏᓚᕐᓕ, ᐊᑕᓂᐅᑉ ᔧᑯᒃᑯᑦ ᐅᓇᑕᕐᕕᐅᔭᕐᑐᖁᕔᑦ, ᐃᓅᖃᑎᒋᓇᓱᒋᓚᐅᕐᑕᖏᑦ ᐊᑭᕋᕐᑐᓕᖁᓪᓗᒋᑦ, ᔨᕉᓴᓕᒻᓗ ᓇᕐᕈᒋᔭᐅᓕᕐᐳᖅ ᐃᓄᖕᓄᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:20

ᐊᑕᓃᖅ, ᑕᑯᓚᐅᓐᖓ ᐋᓐᓂᐊᕐᑐᖓ, ᐃᓗᒃᑯᑦ ᐋᓐᓂᐊᓕᕐᐳᖓ, ᐆᒻᒪᑎᒐ ᓯᖁᒥᑉᐳᖅ, ᐊᔪᕐᑐᓕᓯᒪᓂᕋ ᐱᑦᔪᑎᒋᓪᓗᒍ, ᓯᓚᒥ ᑐᖁᕋᐅᑎᔪᑦ ᐅᓄᕐᐳᑦ, ᐃᒡᓗᒥᓗ ᑐᖁᖓᔪᕐᑕᖃᐅᓕᕐᐳᖅ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:21

ᐃᓅᓱᒃᑐᑦ ᐃᓐᓇᑐᕾᓪᓗ ᓇᓂᑐᐃᓐᓇᖅ ᑐᖁᖓᐅᓕᕐᐳᑦ, ᐃᓅᓱᒃᑐᑦ ᐊᖑᑎᑦ ᐊᕐᓁᓪᓗ ᑐᖁᖓᐅᕐᐳᑦ ᐊᑭᕋᑦᑎᓐᓄᑦ ᑐᖁᑕᐅᓂᑯᐃᑦ, ᓂᑲᒍᓱᖏᓪᓗᑎᑦ ᑐᖁᕋᕐᑕᐅᑎᓐᓇᕕᒋᑦ ᓂᓐᖓᕕᒃᔪᐊᕐᓂᕐᐱᑦ ᓇᓪᓕᐅᓯᒪᓂᖓᓂ.

ᕼᐆᓯᐊᑉ ᐊᒡᓚᖏᑦ 13:13

ᐊᕐᓇᐅᑉ ᐃᕐᓂᓱᒃᑑᑉ ᓯᓪᓕᒪᓕᓂᖓᓄᑦ ᑎᑭᑕᐅᕗᖅ, ᑖᓐᓇᓕ ᓯᓔᑦᑑᓪᓗᓂ ᐃᕐᓂᐅᕗᖅ; ᒫᓐᓇᓗ ᐃᓅᓕᕐᕕᒃᓴᖓᑕ ᓇᓪᓕᐅᑎᑎᓪᓗᒍ ᐃᒡᓕᐊᕐᒥᑦ ᐊᓂᕕᖓᓄᐊᕋᓱᐊᓐᖏᓚᖅ.

ᒤᑲᐅᑉ ᐊᒡᓚᖏᑦ 4:10

ᓮᐅᓂᐅᑉ ᐸᓂᖓ ᐋᓐᓂᐊᕆᑦᓯ ᐋᓐᓂᐊᓂᑦᓯᓐᓄᑦ ᐊᕐᓇᑐᑦ ᐃᕐᓂᓱᒃᑐᑐᑦ ᑍᒤᓐᓂᐊᕐᐳᓯ. ᒫᓐᓇ ᐊᐅᓪᓚᕆᐊᖃᓕᕋᑦᓯ ᐃᒡᓗᒐᓴᖕᓂᑦ, ᐃᓂᖃᓕᕐᓗᓯᓗ ᓇᑎᕐᓇᓂ, ᐹᐱᓘᓂᒧᐊᕈᒫᕐᐳᓯᓗ, ᑍᑲᓂ ᐃᑲᔪᕐᑕᐅᔪᒫᕐᐳᓯ; ᑍᑲᓂᓗ ᐊᑕᓂᐅᑉ ᐱᐅᓕᔪᒫᕐᐹᓯ ᐊᑭᕋᑦᓯ ᐊᒡᒐᖏᓐᓂᑦ.

ᒤᑲᐅᑉ ᐊᒡᓚᖏᑦ 4:9

ᓱᖕᒪᑦ ᕿᐊᕖᑦ ᓂᐱᖃᕐᓗᑏᑦ? ᐊᖓᔪᖅᑳᕐᔪᐊᖃᖏᓐᓂᑦᓯᓐᓅᑦ? ᐃᓱᒪᒃᓴᕐᓯᐅᕐᑎᓰ ᐊᓯᐅᓯᒪᖕᒪᑕ? ᐋᓐᓂᐊᓕᕐᐳᓯ ᐊᕐᓇᐅᑉ ᐃᕐᓂᓱᒃᑑᑉ ᐋᓐᓂᐊᓂᖓᑐᑦ.

ᒤᑲᐅᑉ ᐊᒡᓚᖏᑦ 7:1

ᑲᑉᐱᐊᓐᓇᒦᒃ! ᐊᐅᔭᒥ ᑲᑎᕐᓱᐃᔪᑐᑦ ᐱᕈᕐᑐᓂᒃ ᑲᑎᕐᓱᐃᓴᕇᕐᑎᓪᓗᒋᑦ ᐊᒥᐊᒃᑯᖏᓐᓂᑦ ᑲᑎᕐᓱᐃᔭᕐᑐᕋᓗᐊᕋᒪ, ᐸᐅᕐᖓᓂᒃ ᕔᓂᒃᓴᓂᒃ ᑲᑎᓐᖓᔪᓂᒃ ᓂᕆᔭᒃᓴᓂᒃ ᐱᑕᖃᓐᖏᓚᖅ, ᐸᐅᕐᖓᓂᒡᓗ ᐱᒋᓕᖕᓂᒃ ᐱᕈᕋᑖᕐᓂᑯᓂᒃ ᑕᐅᑐᓐᖑᐊᕐᑕᓐᓂᒃ ᐱᑕᖃᖏᒻᒪᑦ.

ᒫᑎᐅᓯᐅᑉ ᐊᒡᓚᖏᑦ 21:5

“ᓮᐅᓂᐅᑉ ᐃᒡᓗᒐᓴᖏᑦ ᐅᖃᐅᑎᓯᐅᒃ, ᑕᑯᒋᑦ, ᐊᖓᔪᖅᑳᕐᔪᐊᓯ ᕾᓕᕐᐳᖅ! ᐃᒻᒥᓂᒃ ᒥᑭᓕᑎᕐᓗᓂ ᓯᐅᑎᖅᑯᕐᑐᔫᑉ ᖄᖓᓂ ᐃᑭᒪᓪᓗᓂ, ᓯᐅᑎᖅᑯᕐᑐᔫᑉ ᓄᕐᕋᖓᓂ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 9:16

ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐊᔪᕆᕐᑐᐃᖃᑦᑕᕐᓂᕋ, ᐅᕙᓐᓂᒃ ᓂᕐᑐᕈᑎᒋᔪᒪᖏᓐᓇᒃᑯ, ᐊᔪᕆᕐᑐᐃᔭᕐᑐᖁᔭᐅᓯᒪᒐᒪ ᑲᑉᐱᐊᓇᕐᑐᐊᓘᒐᔭᕐᐳᖅ ᐅᕙᓐᓄᑦ ᐊᔪᕆᕐᑐᐃᖏᒃᑯᒪ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ!

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:3

ᐃᓄᐃᑦ ᐅᖃᕐᐸᑕ, “ᐅᐃᒪᓇᕐᑐᖃᓐᖏᓚᖅ ᓯᕘᕋᓇᕐᑐᖃᕋᓂᓗ,” ᑕᕝᕙ ᑕᕝᕔᓐᓇ ᐊᓯᕈᕐᓇᕐᑑᑉ ᑎᑭᑦᓱᒫᕐᐰᑦ ᓲᕐᓗ ᑕᕝᕔᓐᓇᖅ ᐋᓐᓂᐊᓇᕐᑐᒧᑦ ᐊᕐᓇᐅᑉ ᑎᑭᑕᐅᓂᖓᑐᑦ ᐃᕐᓂᓱᓕᕐᑎᓪᓗᒍ, ᕿᒫᔪᓐᓇᕐᑐᖃᕈᒫᓐᖏᓚᕐᓗ.