ᔨᕆᒤᐊᐅᑉ ᐊᒡᓚᖏᑦ 4:30 - ᐊᒡᓔᑦ ᐃᑦᔪᕐᖕᓁᑦᑐᑦ

³⁰ ᓱᓇᒥᒃ ᐱᓇᓱᐊᓕᕐᐲᑦ? ᐃᓕᑦᓯ ᐃᓅᕕᒃᓴᖃᕈᓐᓃᕐᑐᓯ! ᓱᖕᒪᑦ ᐊᐅᐸᕐᑐᓂᒃ ᐱᐅᔪᓂᒃ ᐊᓐᓄᕌᕐᑐᕐᐱᓰ? ᐱᐅᓴᐅᑎᓂᒡᓗ ᐊᑎᓯᓪᓗᓰ? ᐃᔨᓯᓗ ᕿᕐᓂᕐᓯᓕᕐᓗᓯᐅᒃ? ᐱᐅᔫᔪᒪᒐᓗᐊᕐᐳᓯ, ᐅᖓᒋᓚᐅᕐᑕᑦᓯᓕ ᐱᐅᒋᔪᓐᓃᕐᐹᓯ ᑐᖁᑦᓱᒪᓕᕐᐹᓯᓕ ᐊᒡᓛᑦ.

ᔨᕆᒤᐊᐅᑉ ᐊᒡᓚᖏᑦ 4:30 Iomraidhean Croise

ᐊᑕᓃᑦ ᐂᑉᐸᖏᑦ 9:30

ᔨᕼᐆᓕ ᔨᔭᕆᐅᓪᒧᐊᕋᒥ ᔨᔨᐱᐊᓕᒧᐊᕐᐳᖅ, ᔨᔨᐱᐊᓕ ᑐᓴᕐᑎᑕᐅᒐᒥ ᑎᑭᑦᑐᒥᒃ, ᐃᔩᖕᓂ ᐱᐅᓴᓚᐅᕐᐹᒃ ᓄᔭᓂᓗ ᐋᖅᑭᒃᓱᕆᐊᕇᕋᒥᒋᑦ ᐃᒐᓛᒃᑯᑦ ᐃᑦᓱᐊᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 6:25

ᐃᓂᖁᓇᕐᓂᖓ ᐆᒻᒪᑎᒃᑯᑦ ᐃᒃᓯᒋᓕᕐᑍᓕᒍᒃ, ᖃᓪᓗᕐᓱᕐᓂᖓᓄᓪᓗ ᐅᐃᕕᕆᔭᐅᑦᑍᓕᒋᑦ ᑖᑦᓱᒧᖓ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 7:10

ᑕᑯᒋᓪᓗ, ᐊᕐᓇᐅᑉ ᐅᐸᒃᐹ, ᐊᖑᓐᓂᐊᕐᑎᑎᑐᑦ ᐊᓐᓄᕌᕐᓯᒪᓪᓗᓂ ᐊᑐᕈᒪᔭᒥᓂᒡᓗ ᐋᖅᑭᒃᓯᔭᕇᕐᓯᒪᓪᓗᓂ.

ᐂᓮᐊᓯᐅᑉ ᐊᒡᓚᖏᑦ 10:3

ᖃᓄᐃᓕᐅᕈᒫᕐᐱᓰ ᐅᓪᓗᒥ ᓱᒋᐊᕐᑕᐅᕕᖕᒥ? ᐊᓯᕈᐃᔪᒧᑦ ᑎᑭᑕᐅᓕᕈᑦᓯ ᐅᖓᓯᒃᑐᒥᑦ ᐱᔪᒧᑦ? ᑭᓇᒧᑦ ᕿᒫᓛᕐᐱᓰ ᐃᑲᔪᕐᑕᐅᔪᒪᓗᓯ? ᐊᔪᕐᓴᖏᑦᔪᑎᓯ ᓇᒧᑦ ᕿᒪᓛᕐᐱᓯᒋᑦ?

ᐂᓮᐊᓯᐅᑉ ᐊᒡᓚᖏᑦ 20:6

ᐅᓪᓗᐃᑦ ᑍᒃᑯᐊ ᓇᓪᓕᐅᑎᒃᐸᑕ ᐱᓕᔅᑎᐊᑉ ᓄᓇᖓᑕ ᓯᒡᔭᒥᐅᖁᑎᖏᑦ ᐅᖃᕈᒫᕐᐳᑦ, ᑕᑯᒋᑦ ᓴᐳᑦᔨᔨᒋᓂᐊᕋᓱᒋᓚᐅᕐᑕᕗᑦ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦᑕ ᐱᔪᓐᓇᕐᓂᖓᓂᑦ ᖃᓄᕐᓕ ᐃᓅᔪᒫᓕᕐᐱᑕ?”

ᐂᓮᐊᓯᐅᑉ ᐊᒡᓚᖏᑦ 33:14

ᐊᔪᕐᑐᓕᔪᑦ ᓮᐅᓂᒦᑦᑐᑦ ᑲᑉᐱᐊᓱᓕᕐᐳᑦ; ᒎᑎᖃᖏᑦᑐᓪᓗ ᓴᔪᓕᕐᓗᑎᒃ; ᓇᓕᕐᐳᑦ ᐃᓅᔪᓐᓇᕐᐹ ᐃᑯᐊᓚᔪᒥ ᓄᖒᑦᓯᔪᒥ? ᓇᓕᕐᐳᓪᓗ ᐃᓂᖃᕈᓐᓇᕐᐹ ᐃᓱᖃᖏᑦᑐᒧᑦ ᐃᑯᐊᓚᔪᒥ?

ᔨᕆᒤᐊᐅᑉ ᐊᒡᓚᖏᑦ 13:21

ᖃᓄᕐᓕ ᐅᖃᕐᓂᐊᕐᐱᓰ? ᐊᖓᔪᖅᑲᕐᑖᕈᑦᓯ ᐃᑲᔪᕐᑎᒋᓂᐊᕋᓱᒋᓪᓗᒋᑦ ᐊᒡᓛᑦ ᐃᓕᓴᓚᐅᕐᑕᑦᓯᓐᓄᑦ ᑕᐱᕆᔪᒪᓪᓗᒋᑦ, ᑕᕝᕙ ᐋᓐᓂᐊᒐᔭᓐᖏᓚᓰ? ᐊᕐᓇᑎᑐᑦ ᐃᕐᓂᓱᒃᑐᑎᑐᑦ?

ᔨᕆᒤᐊᐅᑉ ᐊᒡᓚᖏᑦ 22:23

ᓕᐸᓇᓂᒥᐅᑕᐅᔪᓯ ᐃᒡᓗᖃᐅᑦᓯᐊᕐᑐᓯ ᕿᔪᑦᓯᐊᕙᖕᓂᒃ ᓰᑕᕆᓂᑦ ᓴᓇᓯᒪᔪᓂᒃ, ᐅᒡᒐᕐᓱᕈᒫᕐᐳᓯᓕ ᐋᓐᓂᐊᓇᕐᑐᒧᑦ ᑎᑭᑕᐅᓕᕈᑦᓯ, ᐊᕐᓇᑐᑦ ᐃᕐᓂᓱᒃᑐᑎᑐᑦ.”

ᔨᕆᒤᐊᐅᑉ ᐊᒡᓚᖏᑦ 30:14

ᐅᖓᒋᔨᒋᓚᐅᕐᑕᑦᓯ ᐳᐃᒍᕐᐹᓯ ᐃᒃᐱᒋᔭᐅᔪᓐᓃᕐᓗᓯᓗ ᑖᒃᑯᓄᖓ, ᐊᑭᕋᑦᑐᑦ ᐊᑭᓂᐊᕐᕕᒋᒐᑦᓯ, ᓇᒡᓕᖕᓂᖃᖏᑦᑐᑎᑐᑦ ᓱᒋᐊᕐᐸᑦᓯ ᐸᓯᔭᒃᓴᐅᓂᓯ ᐊᖏᔫᓗᐊᓕᕐᒪᑦ, ᐊᔪᕐᑐᓕᓯᒪᓂᓯᓗ ᐅᓄᓗᐊᓕᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 5:31

ᒎᑎᐅᑉ ᐅᖃᕐᑎᖏᑦ ᐅᖃᐅᓯᖃᕐᒪᑕ ᓱᓕᖏᑦᑐᓂᒃ, ᑐᓂᕐᕈᓯᕐᑎᑦᓯᔩᓪᓗ ᓇᖕᒥᓂᖅ ᐊᑐᕈᒪᔭᒥᖕᓂᒃ ᑭᓯᐊᓂ ᐊᐅᓚᑦᓯᔪᒪᖕᒪᑕ, ᐃᓄᖁᑎᒪᓗ ᑍᒫᒃ ᖁᕕᐊᒋᓪᓗᓂᑦᔪᒃ ᖃᓄᕐᓕ ᐱᔪᒫᕐᐹᑦ ᑕᒪᓐᓇ ᐃᓱᓕᑉᐸᑦ?”

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:19

ᑕᐱᕆᖃᑦᑕᓚᐅᕐᑕᒃᑲ ᐃᑲᔪᕐᑎᒋᔪᒪᒐᓗᐊᕋᒃᑭᑦ, ᐊᕕᑉᐹᖓ, ᑐᓂᕐᕈᓯᕐᑎᑦᓯᔨᖁᑎᒃᑲ ᐊᖓᔪᖅᑳᖁᑎᒃᑲᓗ ᐱᕐᓕᕋᕐᐳᑦ, ᐃᒡᓗᒐᓴᒡᔪᐊᓂ ᕿᓂᕋᓗᐊᕐᓗᑎᒃ ᓂᕿᒃᓴᒥᖕᓂᒃ ᐃᓅᑦᔪᑎᒋᓂᐊᕐᑕᒥᖕᓂᒃ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:2

ᐅᓐᓄᐊᒃᑯᑦ ᕿᐊᖓᔭᖕᓂᕐᒧᑦ ᖁᕝᕕᖏᑦ ᑰᒐᕐᐳᑦ ᑮᓇᖓᓂ. ᐃᓚᓐᓇᕆᔭᖃᖏᑦᑐᑎᑐᑦ ᓮᒻᒪᕐᓮᔨᒃᓴᖃᓐᖏᓚᖅ, ᐃᓚᓐᓇᕆᓚᐅᕐᑕᖏᑕ ᐊᑭᕋᕐᑐᓕᕐᒪᑦᔪᒃ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:17

ᐃᑲᔪᕐᑎᒃᓴᕐᓯᐅᓚᐅᕐᐳᒍᑦ ᓴᐱᓕᑐᐃᓐᓇᕐᓗᑕ ᓱᓇᖃᖏᑦᑐᒧᑦ ᓱᓇᐅᕝᕙ, ᐃᓅᖃᑎᒌᒡᔪᐊᓂᓪᓗ ᐃᑲᔪᕐᓯᕐᑕᐅᓂᐊᕋᓱᒋᓪᓗᑕ ᐅᑕᖅᑭᓚᐅᕐᐳᒍᑦ ᑖᒃᑯᐊᓕ ᐱᐅᓕᓯᔪᓐᓇᓚᐅᓐᖏᓚᑦ.

ᐃᓯᑭᐊᓕᐅᑉ ᐊᒡᓚᖏᑦ 28:13

ᐄᑕᓂᒥ ᓄᓇᖃᓚᐅᕐᐳᑎᑦ, ᒎᑎᐅᑉ ᐱᕈᕐᓰᕕᖁᑎᖓᓂ; ᐅᔭᕋᖕᓂᒃ ᐱᐅᔪᓂᒃ ᐊᑦᔨᒌᖏᑦᑐᓂᒃ ᐱᐅᓴᐅᑎᖃᕐᐸᒡᓗᑎᑦ, ᑲᕐᓃᓕᐊᓂᒃ, ᑑᐹᑦᓯᓂᒃ, ᔭᓯᐸᕆᓂᒡᓗ, ᑯᕅᓱᓕᐊᓂᒃ ᐳᕅᓕᓂᒃ, ᐆᓂᒡᓯᓂᒡᓗ, ᓴᐰᕋᓂᒃ, ᑳᐳᕐᓐᑯᓪᓂᒃ, ᐃᒪᕆᐅᓪᓂᒡᓗ; ᐊᓐᓄᕌᑎᑦ ᒎᓗᓂᒃ ᑕᕐᓴᖃᐅᕐᐸᒡᓗᑎᒃ ᓴᓇᓐᖑᐊᕐᓯᒪᔪᓂᒃ ᐃᑎᕐᓴᓕᐅᕈᑎᓯᒪᔪᓂᒃ. ᑕᒪᒃᑯᐊᓗ ᐊᓐᓄᕌᒃᓴᐅᑕᐅᓚᐅᕐᐳᑦ ᐃᓕᖕᓄᑦ ᐱᓐᖑᕐᑎᑕᐅᕕᖕᓂᑦ ᐱᒋᐊᕐᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 28:9

ᑐᖁᑦᓯᔭᕐᑐᕐᑐᑦ ᓵᖏᓐᓂ ᓱᓕ ᒎᑎᐅᓂᕋᕈᒫᕐᐲᑦ? ᐃᓄᑐᐃᓐᓇᐅᒐᕕᑦ, ᒎᑎᐅᓇᒡᓗ, ᑐᖁᑦᓯᔭᕐᑐᕐᑐᑦ ᓵᖏᓐᓃᓕᕈᕕᑦ.

ᐅᐸᑍᐊᑉ ᐊᒡᓚᖏᑦ 1:7

ᐊᖏᖃᑎᒋᓚᐅᕐᑕᓕᒫᕕᑦ ᓯᓔᕐᕆᕚᑎᑦ ᓄᓇᐅᑉ ᑭᒡᓕᖓᓄᑦ ᐊᐅᓪᓚᕐᑎᓪᓗᑎᑦ; ᐃᓕᖕᓄᑦ ᐱᑦᓯᐊᓚᐅᕐᑐᑦ ᓵᓚᒋᕚᑎᑦ; ᓂᕆᖃᑎᒋᔭᑎᑦ ᒥᑭᒋᑦᔨᕐᐳᑦ ᐃᓕᖕᓄᑦ; ᓇᓪᓕᐊᓐᓂᒡᓘᓐᓃᑦ ᒪᓗᒍᓱᒃᑐᖃᓐᖏᓚᖅ.”

ᐄᑉᕈᐃᓄᑦ 2:3

ᖃᓄᕐᓕ ᑕᕝᕙ ᐊᓐᓇᒍᓐᓇᕋᔭᕐᐱᑖ? ᐱᐅᓕᔭᐅᕕᒃᓴᖅ ᑍᒫᒃ ᐱᓪᓚᕆᐅᑎᒋᔪᖅ ᑲᒪᒋᖏᒃᑯᑦᑎᒍ? ᑕᒪᓐᓇ ᐊᑕᓂᐅᑉ ᐱᐅᓕᔭᐅᕕᒃᓴᖅ ᐅᖃᐅᓯᕆᖅᑳᓚᐅᕐᒪᒍ, ᑕᒪᑐᒥᖓ ᑐᓴᓚᐅᕐᑐᑦ ᑖᑦᓱᒪᓐᖓᑦ ᐅᕙᑦᑎᓐᓄᑦ ᓇᓗᓁᕐᓯᓚᐅᕐᐳᑦ ᑕᒪᑐᒪ ᓱᓕᓂᖓᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:13

ᑖᒃᑯᐊ ᖁᓕᑦ ᐊᑕᐅᓯᕐᒥᒃ ᐃᓱᒪᖃᖃᑎᒌᒃᐳᑦ ᐱᔪᓐᓇᕐᓂᑎᒃ ᐱᔪᓐᓇᕐᓯᑎᑕᐅᓯᒪᓂᑎᒡᓗ ᑐᓂᓯᒪᓪᓗᒋᑦ ᐆᒪᔪᐊᓗᖕᒧᑦ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:2

ᐊᖓᔪᖅᑳᕐᔪᐊᓪᓗ ᓄᓇᕐᔪᐊᕐᒦᑦᑐᑦ ᐊᕐᓇᕐᓂᐊᖃᑦᑕᓚᐅᕐᐹᑦ, ᓄᓇᕐᔪᐊᕐᒥᐅᓪᓗ ᐋᖓᔮᓕᕐᑎᓚᐅᕐᐰᑦ ᐊᓯᓐᓂᐊᕐᓂᐅᑉ ᐅᐂᓂᖓᓂᒃ ᐃᒥᕐᑎᓪᓗᒋᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:4

ᐊᕐᓇᕐᓗ ᐊᓐᓄᕌᕐᓯᒪᕗᖅ ᓵᑦᑐᒥᒃ ᐊᐅᐸᓪᓚᕆᒃᑐᒥᒃ ᐊᐅᐸᕐᑐᒥᒡᓗ, ᒎᓗᓂᒡᓗ ᐅᔭᕋᖕᓂᒡᓗ ᐱᐅᔪᓂᒃ ᓴᐸᖓᕐᓂᒡᓗ ᐊᓐᓄᕌᒥ ᖄᖓᒍᑦ ᐱᐅᓴᐅᑎᖃᕐᐳᖅ, ᑎᒍᒥᐊᕐᓗᓂᓗ ᖃᓪᓗᑎᒥᒃ ᒎᓗᒥᒃ ᐃᒪᖃᕐᑐᒥᒃ ᓇᕐᕈᓇᕐᑐᓂᒃ ᐊᖑᓐᓂᐊᖃᑦᑕᕐᓂᖓᑕᓗ ᓴᓗᒤᓐᓂᖏᓐᓂᒃ.