ᔨᕆᒤᐊᐅᑉ ᐊᒡᓚᖏᑦ 4:26 - ᐊᒡᓔᑦ ᐃᑦᔪᕐᖕᓁᑦᑐᑦ

²⁶ ᓄᓇᓗ ᕿᒥᕐᕈᒐᒃᑯ, ᐱᕈᕐᑐᖃᓚᐅᕐᑐᖅ ᐸᓂᕐᓗᓂ ᓱᓇᑕᖃᓐᖏᓚᖅ, ᓄᓇᖃᕐᕕᕕᓃᓪᓗ ᓄᓇᓕᕕᓂᑐᐃᓐᓇᐅᓕᕐᐳᑦ, ᐊᑕᓂᐅᑉ ᓵᖓᓂ, ᐊᑕᓂᐅᑉ ᓂᓐᖓᒡᕕᒋᓚᐅᕐᒪᒋᑦ. (

ᔨᕆᒤᐊᐅᑉ ᐊᒡᓚᖏᑦ 4:26 Iomraidhean Croise

ᐃᓐᖏᕈᑎᑦ 107:34

ᓄᓇᓗ ᐱᕈᕐᑐᖃᑦᓯᐊᕐᑐᖅ ᐱᕈᕐᕕᐅᔪᓐᓁᓪᓕᑎᑉᐹ ᑕᕆᐅᕈᕐᓗᓂ, ᑕᕝᕙᓂ ᓄᓇᖃᕐᑐᑦ ᐱᐅᖏᑦᑐᓕᓂᖏᑦ ᐱᑦᔪᑎᒋᓪᓗᒋᑦ.

ᐃᓐᖏᕈᑎᑦ 76:7

ᐃᕝᕕᑐᐊᖅ ᓯᕘᕋᒋᔭᐅᔪᒃᓴᐅᕗᑎᑦ; ᑭᓇ ᓇᔪᕐᑕᕐᓂ ᓇᖏᕈᓐᓇᕐᐹ ᓂᓐᖓᒃᑎᓪᓗᑎᑦ?

ᔨᕆᒤᐊᐅᑉ ᐊᒡᓚᖏᑦ 12:13

ᐃᓄᖁᑎᒃᑲ ᓂᐊᖂᔭᒃᓴᓂᒃ ᑲᓐᖓᕐᓱᐃᓚᐅᕐᐳᑦ ᐅᕐᐱᖕᓂᒡᓕ ᑲᑭᓐᓇᕐᑐᓕᖕᓂᒃ ᑲᑎᕐᓱᐃᕗᑦ, ᐱᓇᓱᐊᕐᓂᕐᒧᑦ ᑕᖃᑐᐃᓐᓇᕐᐸᒃᐳᑦ, ᐱᓇᓱᐊᕐᓂᖓᓪᓕ ᐱᕙᓪᓕᕐᓇᕐᑐᖃᓐᖏᓚᖅ. ᐱᕈᕐᑎᑕᕕᓂᕐᒥᓂᒃ ᑲᓐᖑᓲᑎᖃᕈᒫᕐᐳᑦ ᐊᑕᓂᐅᑉ ᓂᓐᖓᐅᓯᕐᒥᓄᑦ ᐱᓂᐊᕐᕕᒋᔪᒫᕐᒪᒋᑦ.

ᔨᕆᒤᐊᐅᑉ ᐊᒡᓚᖏᑦ 12:4

ᖃᓄᖅ ᐊᑯᓂᐅᑎᒋᔪᒥᒃ ᓄᓇ ᕿᒃᓵᖕᓂᐊᕐᐹ? ᐃᕕᒃᓱᒐᕕᓂᖏᓪᓗ ᑐᖁᓕᓗᑎᒃ? ᐃᓄᖏᑕ ᐱᐅᖏᓐᓂᖏᓐᓄᑦ, ᐆᒪᔪᑦ ᑎᖕᒥᐊᓪᓗ ᑐᖁᕋᓕᕐᐳᑦ, ᐅᖃᕐᒪᑕ, ‘ᐊᑕᓂᐅᑉ ᐱᐅᓯᕗᑦ ᖃᐅᔨᒪᓐᖏᓔ.’

ᔨᕆᒤᐊᐅᑉ ᐊᒡᓚᖏᑦ 25:11

ᑕᒪᓐᓇ ᓄᓇᓕᒫᖅ ᓯᖁᑦᑎᕐᓯᒪᓕᕈᒫᕐᐳᖅ ᐊᑐᕐᑐᒃᓴᐅᔪᓐᓃᕐᓗᓂ, ᑖᒃᑯᐊᓗ ᐃᓅᖃᑎᒌᒡᔪᐊᑦ ᐊᐅᓚᑕᐅᓕᕈᒫᕐᐳᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᐊᕐᕌᒍᓂᒃ 70ᓂᒃ.

ᔨᕆᒤᐊᐅᑉ ᐊᒡᓚᖏᑦ 7:34

ᖁᕕᐊᓇᕐᑐᖃᕈᓐᓃᕈᒫᕐᐳᖅ ᖁᕕᐊᓱᒡᕙᓗᒃᑐᑦ ᓄᓕᐊᓂᒃᑐᑦ ᐅᐃᓂᒃᑐᓪᓗ ᓂᐱᖓᑐᑦ ᑐᓴᕐᓴᐅᔪᓐᓇᕈᓐᓃᕈᒫᕐᐳᑦ ᔫᑕᒥᐅᓂ ᔨᕉᓴᓕᒥᐅᓂᓗ, ᓄᓇᖏᑦ ᑭᓱᑕᖃᕈᓐᓃᕈᒪᕐᒪᑕ ᐃᓄᖃᔪᐃᑦᑐᑎᑐᑦ.”

ᔨᕆᒤᐊᐅᑉ ᐊᒡᓚᖏᑦ 9:10

ᖃᖅᑬᑦ ᕿᐅᑦᔪᑎᒋᓂᐊᕐᐸᒃᑲ ᓂᐹᓗᖓ, ᐅᒡᒍᐊᕈᑎᖃᕐᓗᖓᓗ ᓇᑎᕐᓁᑦ ᓄᓇᑦᓯᐊᕙᐅᓂᕆᕙᓚᐅᕐᑕᖏᓐᓂᒃ, ᓱᓇᑕᖃᕈᓐᓃᕐᒪᑕ ᐃᖏᕐᕋᕕᐅᔪᓐᓇᕈᓐᓃᕐᓗᑎᒡᓗ ᐆᒪᔪᐃᓪᓗ ᓂᕆᓇᓱᐊᕐᐸᓚᐅᕐᑐᑦ ᑐᓴᕐᑕᐅᑦᔮᔪᓐᓃᕐᒪᑕ, ᑎᖕᒥᐊᓕᒫᓪᓗ ᕿᒫᓗᑎᒃ ᐊᐅᓪᓚᕐᓯᒪᓕᕐᒪᑕ ᐆᒪᔪᖃᕈᓐᓃᕐᓗᓂᓘᓐᓃᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:7

ᐊᑕᓂᐅᑉ ᑐᓂᕐᕈᓯᕐᕕᖁᑎᓂ ᐃᑦᔪᕐᓁᑦᑐᒃᑯᕕᖁᑎᓂᓗ ᖁᔭᓈᕐᐰᑦ ᐃᒡᓗᒐᓴᒡᔪᐊᖁᑎᒥᓗ ᐊᕙᓗᕐᔪᐊᖏᑦ ᓯᖁᒥᑕᐅᑎᑉᐰᑦ ᐊᑭᕋᖏᓐᓄᑦ, ᓵᓚᖃᕐᓂᕐᒥᒃ ᓂᓪᓕᐊᕕᐅᓕᕐᐳᑦ ᑐᒃᓯᐊᕐᕕᒃᔪᐊᖁᑎᕗᑦ ᓂᕐᑐᐃᕙᓗᒃᑐᓂᒃ ᓂᓪᓕᐊᕕᐅᕙᓚᐅᕐᑐᖅ ᓇᓪᓕᐅᓐᓂᕐᓯᐅᕖᑦ ᐊᑐᕐᑎᓪᓗᒋᑦ.

ᒨᓯᓯ ᐱᖓᔪᖏᑦ 26:31

ᐃᒡᓗᒐᓴᒡᔪᐊᓯ ᓯᖁᑦᑎᕐᓂᐊᕐᐸᒃᑲ, ᑐᒃᓯᐊᕐᕕᒃᓯᓗ ᐊᓯᕈᕐᓗᒋᑦ, ᑐᓂᕐᕈᑎᓯᓗ ᐆᑕᒃᓮᑦ ᐃᓚᓕᐅᕐᓂᐊᓐᖏᓚᒃᑲ.

ᒤᑲᐅᑉ ᐊᒡᓚᖏᑦ 3:12

ᑍᒤᒻᒪ ᐃᓕᑦᓯ ᐱᓪᓗᓯ ᓮᐅᓂᐅᑉ ᓄᓇᖓ ᒧᒥᒃᑎᑕᐅᔪᒫᕐᐳᖅ ᐱᕈᕐᓰᕕᒃᑎᑐᑦ, ᔨᕉᓴᓕᒻ ᓱᕋᒃᑎᕐᓯᒪᓕᕈᒫᕐᐳᖅ, ᑐᒃᓯᐊᕐᕕᒡᔪᐊᓪᓗ ᐃᓂᖓ, ᐱᖑᑐᐃᓐᓇᐅᓕᕐᓗᓂ ᓇᐹᕐᑐᓄᑦ ᐱᕈᕐᕕᑐᐃᓐᓇᐅᓕᕐᓗᓂ.”

ᔨᐸᓁᐊᐅᑉ ᐊᒡᓚᖏᑦ 1:18

ᓯᐅᓪᕕᕆᖁᑎᖏᑕ ᒎᓗᖁᑎᖏᑕᓘᓐᓃᑦ ᐱᐅᓕᔭᐅᔪᓐᓇᕈᒫᓐᖏᓔᑦ ᐊᑕᓂᐅᑉ ᓂᓐᖓᐅᓯᖓᑕ ᐅᓪᓗᖓᓂ. ᓄᓇᕐᔪᐊᓕᒫᖅ ᓄᖑᑕᐅᔪᒫᕐᐳᖅ ᓯᒡᒐᑦᔨᓂᕐᒥᓄᑦ ᓂᓐᖓᐅᒪᓂᖓᑕ ᐃᑯᐊᓚᓂᖓᓄᑦ; ᑲᑉᐱᐊᓇᒃᑲᓐᓂᕐᕕᖃᖏᑦᑐᒧᑦ ᑕᕝᕔᓐᓇᖅ ᓄᖑᑦᓱᒫᕐᐰᑦ ᓄᓇᕐᔪᐊᕐᒥᐅᓕᒫᑦ.