ᔨᕆᒤᐊᐅᑉ ᐊᒡᓚᖏᑦ 4:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᓱᓕᑦᓯᐊᕈᒪᓕᕐᓗᓯ, ᐊᑲᐅᔪᒥᒡᓗ ᐱᓇᓱᐊᕈᒪᒍᑦᓯ, ᐊᖏᒻᒪᕆᓚᐅᕆᑦᓯ ᐊᑕᓂᐅᑉ ᐊᑎᖓᓂ, ᑕᕝᕙ ᐃᓅᖃᑎᒌᒡᔪᐊᑦ ᓮᒻᒪᕐᑎᑕᐅᓂᐊᕐᐳᑦ, ᐊᑕᓂᕐᓗ ᓂᕐᑐᕐᓂᐊᕐᐹᑦ.

ᔨᕆᒤᐊᐅᑉ ᐊᒡᓚᖏᑦ 4:2 Iomraidhean Croise

ᒨᓯᓯ ᓯᕗᓪᓖᑦ 22:18

ᑭᖑᕚᒃᑯᓪᓗ ᐃᓅᖃᑎᒌᒡᔪᐊᓕᒫᑦ ᓄᓇᕐᔪᐊᕐᒥ ᓮᒻᒪᕐᑎᑕᐅᔪᒫᕐᐳᑦ, ᓂᐱᒐ ᓈᓚᓚᐅᕋᕕᐅᒃ.”

ᐊᑕᓃᑦ ᓯᕗᓪᓖᑦ 3:6

ᓲᓗᒨᓂ ᑭᐅᕗᖅ “ᓇᒡᓕᒍᓱᖕᓂᕐᓂᒃ ᐊᖏᔪᒥᒃ ᓱᖁᓯᔪᐃᑦᑐᒥᒃ ᐱᔨᖕᓄᑦ ᐊᑖᑕᓐᓄᑦ ᑍᕕᑎᒧᑦ ᓴᖅᑭᑎᑦᓯᓯᒪᕗᑎᑦ, ᑖᓐᓇ ᐃᓅᓯᖃᓚᐅᕐᒪᑦ ᐃᓕᖕᓂᒃ ᒪᓕᑦᓯᐊᕐᓱᓂ, ᐃᓱᐊᕐᑐᓕᓂᕐᒥ, ᑲᔪᓯᑦᓯᐊᕐᓗᓂᓗ ᐆᒻᒪᑎᒥᒍᑦ ᐃᓕᖕᓄᑦ; ᓇᓗᓁᕐᓯᕕᒋᓯᒪᒐᕕᐅᒡᓗ ᐊᖏᔪᐊᓗᖕᒥᒃ ᓇᒡᓕᖕᓂᕐᓂᒃ ᓱᕐᕋᔪᐃᑦᑐᒥᒃ, ᐃᕐᓂᕐᑖᕐᑎᓪᓗᒍ ᐊᖓᔪᖅᑳᕐᔪᐊᖑᕕᖓᓂ ᐃᒃᓯᕙᓂᐊᕐᑐᒥᒃ ᐅᓪᓗᒥ ᐊᑐᓕᕐᑐᒥᒃ.

ᐃᓐᖏᕈᑎᑦ 72:17

ᑖᑦᓱᒪ ᐊᑎᖓ ᐳᐃᒍᕐᑕᐅᓂᐊᓐᖏᓚᖅ ᐃᓱᖃᖏᑦᑐᒧᑦ; ᐅᐱᒋᔭᐅᔪᒫᕐᐳᕐᓗ ᓯᕿᓂᕐᑐᑦ ᐊᑯᓂᐅᑎᒋᔪᒥᒃ! ᐃᓄᐃᓪᓗ ᓮᒻᒪᕐᑎᑕᐅᔪᒫᕐᐳᑦ ᑖᑦᓱᒧᖓ; ᐃᓅᖃᑎᒌᒡᔪᐊᓕᒫᓪᓗ ᓮᒻᒪᕐᑎᑕᐅᓯᒪᔪᒥᒃ ᑍᔪᒫᕐᐹᑦ.

ᐃᓐᖏᕈᑎᑦ 99:4

ᐊᖓᔪᖅᑳᕐᔪᐊᖅ ᐊᔪᖏᑦᑐᕐᔪᐊᖑᔪᑎᑦ ᓇᒡᓕᒋᔭᖃᕐᐳᑎᑦ ᓈᒻᒪᓈᕐᓯᒪᔪᒥᒃ; ᐋᖅᑭᒃᓯᓯᒪᕗᑎᑦ ᑍᒤᓪᓘᐊᕇᒃᑎᑦᓯᓂᕐᒥᒃ; ᓈᒻᒪᓈᕐᓯᒪᔪᒥᒃ ᐃᓱᐊᕐᑐᓕᓂᕐᒥᒡᓗ ᐋᖅᑭᒃᓯᕗᑎᑦ ᔧᑯᒃᑯᓐᓂ.

ᐂᓮᐊᓯᐅᑉ ᐊᒡᓚᖏᑦ 45:23

ᓇᖕᒥᓂᖅ ᐅᕙᒃᑯᑦ ᐅᖃᕕᒃᓯᒪᒐᒪ ᓴᖑᑎᓐᓂᐊᓐᖏᑕᓐᓂᒃ; ᐅᖃᐅᓯᖅ ᖃᓂᒃᑯᑦ ᐊᓂᓯᒪᔪᖅ ᓇᓛᒎᕐᓂᒃᑯᑦ, ᐅᖅᑭᓐᓇᕐᓂᐊᓐᖏᓚᖅ ᐅᕙᓐᓄᑦ, ᓵᓐᓂ ᓰᖅᑯᓕᒫᑦ ᓰᖅᑯᕐᑐᒃᓴᐅᕗᑦ, ᐅᖃᓕᒫᓪᓗ ᐅᖃᕕᒃᑐᒃᓴᐅᕗᑦ.

ᐂᓮᐊᓯᐅᑉ ᐊᒡᓚᖏᑦ 45:25

ᐊᑕᓂᕐᒥᓕ ᐃᓴᕆᐊᓕᒥᐅᑦ ᑭᖑᕚᓕᒫᖏᑦ ᓵᓚᖃᕐᑎᑕᐅᔪᒫᕐᐳᑦ, ᓂᕐᑐᕐᓇᕐᑎᑕᐅᓗᑎᒡᓗ.’”

ᐂᓮᐊᓯᐅᑉ ᐊᒡᓚᖏᑦ 65:16

ᓇᓪᓕᐊᑦ ᓄᓇᒥᓂᒃ ᓮᒻᒪᕐᑎᑕᐅᖁᔨᓗᓂ ᕿᓄᔪᖅ, ᓮᒻᒪᕐᑎᑕᐅᔪᒫᕐᐳᖅ ᒎᑎᒧᑦ ᓱᓕᑦᓯᐊᕐᑐᒧᑦ; ᐅᖃᕕᒍᒪᔪᖅ ᓴᖑᑎᓐᓂᐊᖏᓪᓗᒍ, ᐅᖃᕕᖕᓂᐊᕐᐳᖅ ᒎᑎᐅᑉ ᓱᓕᑦᓯᐊᕐᓂᖓᒍᑦ; ᐃᓱᐊᖏᑦᑐᕐᓯᐅᕐᓂᐅᓚᐅᕐᑐᑦ ᐃᖅᑲᐅᒪᔭᐅᔪᒫᖏᒻᒪᑕ, ᐃᔨᒪᓗ ᓵᖓᓂ ᑕᑯᒃᓴᐅᔪᓐᓃᕐᓗᑎᒃ.”

ᔨᕆᒤᐊᐅᑉ ᐊᒡᓚᖏᑦ 10:10

ᐊᑕᓂᕐᓕ ᒎᑎᐅᓪᓗᓂ ᓱᓕᔪᑑᕗᖅ; ᒎᑎᐅᓪᓗᓂ ᐆᒪᕗᖅ, ᐃᓱᖃᖏᑦᑐᒧᑦ ᐊᖓᔪᖅᑳᕐᔪᐊᖅ. ᓂᓐᖓᒃᐸᑦ ᓄᓇ ᓴᔪᒃᐱᓗᒃᐳᖅ, ᓂᓐᖓᒡᓗᓂ ᐱᓇᓱᐊᓕᕐᐸᑦ ᐃᓅᖃᑎᒌᒡᔪᐊᓄᑦ ᓵᓚᒋᔭᐅᔪᓐᓇᓐᖏᓚᖅ.

ᔨᕆᒤᐊᐅᑉ ᐊᒡᓚᖏᑦ 12:15

ᓄᓱᒌᕈᒃᑭᓪᓗ ᐃᓚᑦᓱᒋᓕᕈᒫᕆᕙᒃᑲ, ᐅᑎᕐᑎᓪᓗᒋᓪᓗ ᐊᑐᓂᑦ ᑭᖑᕐᖑᑎᔭᒃᓴᔭᖏᓐᓄᑦ ᐊᑐᓂᓪᓗ ᓄᓇᖏᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 12:16

ᑕᒪᑐᒪ ᑭᖑᕐᖓᒍᑦ, ᐊᒃᓱᕈᕐᓗᑎᒃ ᐃᓄᖁᑎᒪ ᐱᐅᓯᖏᓐᓂᒃ ᐃᓕᓐᓂᐊᕋᔭᕐᐸᑕ, ᐅᖃᕕᒍᑎᖃᕐᓗᑎᒡᓗ ᐊᑎᓐᓂ, ‘ᐊᑕᓂᖅ ᐃᓅᖕᒪᑦ,’ ᑍᒫᒃᑕᐅᖅ ᐃᓄᖁᑎᒃᑲ ᐃᓕᓐᓂᐊᕐᑎᓚᐅᕐᒪᒋᑦ ᐅᖃᕕᒡᕕᖃᖁᓪᓗᒋᑦ ᐰᓕᒧᑦ, ᑖᒃᑯᐊ ᒪᑭᑦᓱᒫᕐᐳᑦ ᐃᓄᖁᑎᒪ ᐊᑯᕐᖓᓐᓂ.

ᔨᕆᒤᐊᐅᑉ ᐊᒡᓚᖏᑦ 16:19

ᐊᑕᓃᖅ ᐱᔪᓐᓇᐅᑎᒋᕙᒋᑦ ᓴᐴᓗᑕᕆᓪᓗᑎᓪᓗ, ᕿᒫᕕᒋᕙᒃᐸᒋᑦ ᐅᖁᒤᑦᑐᒦᓕᕌᖓᒪ, ᐃᓅᖃᑎᒌᒡᔪᐊᑦ ᐃᓕᖕᓄᐊᕐᑐᒃᓴᐅᖕᒪᑕ ᐅᖃᕐᓗᑎᒡᓗ: “ᓯᕗᓕᕗᑦ ᑭᖑᕐᖑᑦᔨᓚᐅᓐᖏᓚᑦ ᓱᓇᒥᒡᓘᓐᓃᑦ ᓴᒡᓗᕿᑕᐅᓂᕐᒥᒃ ᑭᓯᐊᓂ, ᒎᑎᓐᖑᐊᓂᒃ ᐊᑑᑎᖃᖏᑦᑐᓂᒃ ᐱᕚᓪᓕᕈᑎᒃᓴᐅᖏᑦᑐᓂᒃ.

ᔨᕆᒤᐊᐅᑉ ᐊᒡᓚᖏᑦ 3:17

ᑕᒪᓐᓇ ᓇᓪᓕᐅᑎᒃᐸᑦ ᔨᕉᓴᓕᒻ ᐊᑕᓂᕐᒧᑦ ᐃᒃᓯᕙᐅᑕᕐᔪᐊᖃᕐᕕᐅᓂᕋᕐᑕᐅᓕᕈᒫᕐᐳᖅ, ᐃᓅᖃᑎᒌᒡᔪᐊᓪᓗ ᔨᕉᓴᓕᒧᑦ ᑲᑎᖃᑦᑕᕈᒫᕐᐳᑦ ᐊᑕᓂᐅᑉ ᐊᑎᖓᓂᒃ ᐅᐱᒍᓱᖕᓂᕐᒥᖕᓂᒃ ᓇᓗᓁᕐᓯᔭᕐᑐᕐᓗᑎᒃ. ᐆᒻᒪᑎᒥᒃᑕ ᓯᑎᔫᓂᖏᓐᓂᒃ ᐱᐅᖏᑦᑐᓕᔪᒪᓂᖏᓐᓂᒡᓗ ᒪᓕᒍᓐᓃᕈᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 33:9

ᔨᕉᓴᓕᒥᐅᑦ ᐅᕙᓐᓄᑦ ᖁᕕᐊᓇᕐᑐᒥᒃ ᐊᑎᖃᓕᕈᒫᕆᕗᑦ, ᓂᕐᑐᕐᑕᐅᓕᕈᒫᕐᐳᑦ ᐅᐱᒋᔭᐅᓗᑎᒡᓗ ᐃᓅᖃᑎᒌᒡᔪᐊᓕᒫᓄᑦ ᓄᓇᕐᔪᐊᕐᒦᑦᑐᓄᑦ ᑐᓴᕈᒫᕐᒪᑕ ᐱᐅᔪᓂᒃ ᐱᓇᓱᐊᕐᕕᒋᒐᒃᑭᑦ; ᐃᓅᖃᑎᒌᒡᔪᐊᓪᓗ ᓯᕘᕋᓕᕈᒫᕐᐳᑦ ᓴᔪᓕᕐᓗᑎᒡᓗ ᔨᕉᓴᓕᒥᐅᓄᑦ ᐱᐅᔪᓂᒃ ᐱᓂᐊᕐᓂᕆᔭᓐᓂᒃ ᐃᓄᖏᓐᓂᒡᓗ ᒪᑭᑎᑦᓯᓂᕆᔭᓐᓂᒃ ᐱᑦᔪᑎᖃᕐᓗᑎᒃ.”

ᔨᕆᒤᐊᐅᑉ ᐊᒡᓚᖏᑦ 5:2

ᐅᖃᕋᓗᐊᕐᓗᑎᒃ ᐊᑕᓂᐅᑉ ᐊᑎᖓᓂ ᐱᓂᐊᕐᓂᕋᕐᓗᑎᒃ ᑭᓯᐊᓂᓕ ᓱᓕᑎᑦᓯᕙᓐᖏᓚᑦ ᐅᖃᕐᑕᒥᖕᓂᒃ.

ᔨᕆᒤᐊᐅᑉ ᐊᒡᓚᖏᑦ 7:5

ᐃᓕᖅᑯᓯᕆᔭᑦᓯᓐᓂᒃ ᐱᓂᐊᕐᓂᕆᔭᑦᓯᓐᓂᒡᓗ ᐋᖅᑭᒋᐊᓪᓚᕆᖕᓂᐊᕈᑦᓯ, ᐃᓅᖃᑎᑦᓯᓐᓄᓪᓗ ᓈᒻᒪᑦᓯᐊᕐᑐᒥᒃ ᐱᓂᐊᕐᓂᖃᕐᓗᓯ,

ᔨᕆᒤᐊᐅᑉ ᐊᒡᓚᖏᑦ 9:24

ᓂᕐᑐᕐᑕᐅᑦᔪᑎᖃᕈᒪᔪᕐᓕ ᓂᕐᑐᕐᑕᐅᑦᔪᑎᖃᕐᓕ ᖃᐅᔨᒪᓂᕐᒥᖕᓂᒃ ᐃᓕᓯᒪᓂᕐᒥᖕᓂᒡᓗ ᐅᕙᓐᓂᒃ, ᐊᑕᓂᐅᒐᒪ ᑍᒪᓐᖓᑦ ᓇᒡᓕᒍᓱᒃᑐᖅ ᐱᑦᓯᐊᕐᓂᕐᒥᒃ ᐱᓇᓱᐊᕈᑎᖃᕐᐸᒃᑐᖅ, ᓈᒻᒪᑦᓯᐊᕐᑐᒥᒃ ᐊᑲᐅᔪᒥᒡᓗ ᓄᓇᒥ, ᑕᒪᑦᔭ ᓂᕐᑐᐃᑦᔪᑕᐅᑎᓪᓗᒋᑦ ᖁᕕᐊᒋᔭᒃᑲ, ᐊᑕᓂᖅ ᐅᖃᕐᐳᖅ.”

ᕼᐆᓯᐊᑉ ᐊᒡᓚᖏᑦ 2:19

ᐃᓴᕆᐊᓖ, ᓄᓕᐊᕐᑖᕆᔪᒫᕐᐸᒋᑦ ᐃᓱᖃᖏᑦᑐᒧᑦ; ᓄᓕᐊᕐᑖᕆᔪᒫᕐᐸᒋᑦ ᓇᓛᒎᕐᓂᕐᒥ ᐊᑦᔨᒌᒃᑎᑦᓯᓂᕐᒥᓗ, ᓇᒡᓕᖕᓂᕐᒥᓗ ᓱᖁᓯᔪᐃᑦᑐᒥ, ᓈᒃᑭᒍᓱᖕᓂᕐᒥᓗ.

ᔪᐃᓕᐅᑉ ᐊᒡᓚᖏᑦ 2:12

ᐊᑕᓂᖅ ᐅᖃᕐᐳᖅ, “ᒫᓐᓇ ᑍᒤᒻᒪᑦ, ᐃᓗᖏᕐᑐᕐᓗᓯ ᐅᕙᓐᓄᑦ ᐅᑎᓕᕆᑦᓯ, ᓂᕆᑦᑍᓕᓗᓯ, ᕿᐊᓗᓯ, ᕿᒃᓵᒡᓗᓯᓗ.”

ᓴᑲᕅᐊᐅᑉ ᐊᒡᓚᖏᑦ 8:8

ᐅᑎᕐᑎᑦᓱᒫᕐᐸᒃᑲ ᔨᕉᓴᓕᒥ ᐃᓂᖃᓕᖁᓪᓗᒋᑦ ᓯᕿᓂᐅᑉ ᓄᐃᓕᕐᕕᐊᓂᑦ ᓂᐱᕕᐊᓄᑦ; ᐃᓄᖁᑎᒋᔪᒫᕐᐸᒃᑲ, ᐅᕙᖓᓗ ᓱᖁᓯᔪᐃᑑᓗᖓ ᐃᖅᑲᕐᑐᐃᑦᓯᐊᕐᓗᖓᓗ ᑖᒃᑯᓄᖓ ᒎᑎᒋᔭᐅᔪᒫᕐᐳᖓ.”

ᒪᓚᑬᑉ ᐊᒡᓚᖏᑦ 1:11

ᓯᕿᓂᐅᑉ ᓄᐃᕕᐊᓂᑦ ᓂᐱᕕᐊᓄᑦ ᐊᑎᕋ ᐊᖏᔪᕈᕐᑎᑕᐅᕗᖅ ᐃᓅᖃᑎᒌᒡᔪᐊᓂ, ᓇᓂᓕᒫᖅ ᑎᐱᑦᓯᐊᕆᒃᑐᓂᒃ ᐳᔪᕐᓂᒃ ᑐᓂᕐᕈᓯᕐᐳᑦ ᐊᑎᓐᓄᑦ, ᐃᑦᔪᕐᓁᑦᑐᓂᒡᓗ ᑐᓂᕐᕈᑎᓂᒃ; ᐊᑎᕋ ᐊᖏᔪᕈᕐᑎᑕᐅᕗᖅ ᐃᓅᖃᑎᒌᒡᔪᐊᓄᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:31

ᑍᒤᒻᒪᑦ, ᐊᒡᓚᖕᓂ ᑎᑎᕋᕐᓯᒪᕗᖅ, “ᐃᒻᒥᓂᒃ ᓂᕐᑑᑎᔪᒪᔫᑉ ᐊᑕᓂᖅ ᓂᕐᑐᕈᑎᒋᓕᐅᒃ.”

ᑯᕆᓐᑎᐊᒥᐅᓄᑦ ᐂᑉᐸᖏᑦ 10:17

“ᐃᒻᒥᓂᒃ ᓂᕐᑑᑎᔪᒪᔪᖅ, ᐊᑕᓂᕐᒥᒃ ᓂᕐᑑᑎᑦᔪᑎᖃᓕᕐᓕ.”

ᒐᓔᑎᐊᒥᐅᓄᑦ 3:8

ᐊᒡᓔᑦ, ᓯᕗᓂᒃᓴᒥᒃ ᓇᓗᓁᕐᓯᓚᐅᕐᒪᑕ ᔫᑎᐅᖏᑦᑐᑦ ᒎᑎᐅᑉ ᐸᓯᔭᒃᓴᐅᔪᓐᓃᕐᑎᑦᓱᒫᕐᒪᒋᑦ ᐅᒃᐱᕐᓂᖏᑎᒍᑦ, ᑍᒤᒻᒪᑦ ᐂᑉᕋᕼᐋᒻ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᕐᕕᐅᔭᕇᕐᓂᕐᐳᖅ ᓯᕗᓂᖓᒍᑦ, ᐃᒫᒃ, “ᐃᕝᕕᑦ ᐊᖅᑯᑎᒋᓗᑎᑦ ᐃᓅᖃᑎᒌᒡᔪᐊᓕᒫᑦ ᓮᒻᒪᕐᑎᑕᐅᔪᒫᕐᐳᑦ.”

ᒨᓯᓯ ᑕᓪᓕᒪᖏᑦ 10:20

ᐊᑕᓂᖅ ᒎᑎᒋᔭᓯ ᓈᓚᒐᒃᓴᕆᕙᓯ ᑖᓐᓇᓗ ᑭᓯᒥ ᑐᒃᓯᐊᕐᕕᒋᓗᒍ. ᑖᑦᓱᒧᖓᓗ ᓱᖁᓯᔪᐃᑦᑑᔪᒃᓴᐅᕗᓯ ᑖᑦᓱᒪᓗ ᐊᑎᖓᒍᑦ ᑭᓯᐊᓂ ᐊᖏᒻᒪᕆᒃᑐᒃᓴᐅᕗᓯ.

ᒨᓯᓯ ᑕᓪᓕᒪᖏᑦ 4:30

ᐊᑲᐅᖏᑦᔪᑎᒃᓴᖃᕐᓂᕐᒧᓪᓕ ᑎᑭᐅᑎᒍᑦᓯ ᑕᒪᒃᑯᐊᓗ ᐃᓕᑦᓯᓐᓄᑦ ᑎᑭᐅᑎᒃᐸᑕ, ᑕᕝᕙ ᐊᑕᓂᕐᒧᑦ ᒎᑎᑦᓯᓐᓄᑦ ᓵᓕᑍᓐᓇᕈᒫᕐᐳᓯ ᓈᓚᓕᕐᓗᒍᓗ.

ᒨᓯᓯ ᑕᓪᓕᒪᖏᑦ 6:13

ᐊᑕᓂᖅ ᒎᑎᓯ ᓯᕘᕋᒋᔭᒃᓴᕆᕙᓯ, ᑖᓐᓇᑐᐊᕐᓗ ᑐᒃᓯᐊᕐᕕᒋᓗᒍ, ᐊᖏᒻᒪᕆᓕᕈᑦᓯᓗ ᐊᑎᖓ ᑖᓐᓇᑐᐊᖅ ᐊᑐᕐᑕᒃᓴᕆᕙᓯ.

ᐱᓕᐱᒥᐅᓄᑦ 3:3

ᐅᕙᒍᑦ ᓱᓕᔪᒥᒃ ᑭᐱᔭᐅᓯᒪᕗᒍᑦ, ᒎᑎᒥᒃ ᐱᔨᑦᓯᕐᑐᒍᑦ ᐊᓂᕐᓂᒃᑯᑦ, ᖁᕕᐊᓲᑎᖃᕐᓗᑕᓗ ᔩᓱᓯ ᙭ᔅᑑᓯᒥ, ᑎᒥᐅᑉ ᐱᐅᓯᖓᓂᒃ ᑕᑎᖃᕐᒥᓇᑕ.

ᕉᑎᐅᑉ ᐅᓂᒃᑲᐅᓯᓂᖓ 3:13

ᑕᕝᕙᓃᑐᐃᓐᓇᓕᕆᑦ ᒫᓐᓇ ᐅᓐᓄᒃ, ᐅᓪᓚᒃᑯᑦ ᖃᐅᔨᒋᐊᕐᓂᐊᕐᐳᒍᒃ ᑍᓐᓇ ᐃᓚᒋᓂᕐᓴᕆᔧᑦ ᐅᐃᒋᓚᐅᕐᑕᒃᑯᑦ ᑲᔪᓯᔪᒪᖕᒪᖔᑦ ᐃᓕᖕᓄᑦ, ᑲᔪᓯᓂᐊᑐᐊᕐᐸᑦ ᓈᒻᒪᖕᓂᐊᕐᐳᖅ. ᑭᓯᐊᓂᓕ ᑲᔪᓯᔪᓐᓇᖏᑉᐸᑦ, ᐊᑕᓂᖅ ᐃᓅᖕᒪᑦ, ᓱᓕᑦᓯᐊᕐᓗᖓ ᑲᔪᓯᓂᐊᓪᓚᕆᒃᐳᖓ ᒎᑎᐅᑉ ᒎᑎᓪᓚᕆᑐᐊᖑᔫᑉ ᖃᐅᔨᒪᓂᐊᕐᐸᖓ, ᒫᓐᓇᓕ ᑕᕝᕙᓂ ᓯᓂᑐᐃᓐᓇᓕᕆᑦ ᐅᓪᓚᓐᖑᓚᐅᖏᓐᓂᖓᓂ.”

ᓴᒧᐃᓕ ᓯᕗᓪᓖᑦ 20:3

ᑍᕕᑎᓕ ᑭᐅᕗᖅ, “ᐊᑖᑍᑦ ᖃᐅᔨᒪᑦᓯᐊᕐᐳᖅ ᖃᓄᖅ ᐱᑦᓯᐊᕐᑎᒋᖕᒪᖔᕐᐱᑦ ᐅᕙᓐᓂᒃ, ᐃᓱᒪᖃᕐᐳᕐᓕ, ‘ᔫᓇᑕᓂ ᑕᒪᑐᒥᖓ ᖃᐅᔨᑎᑕᐅᑦᑍᓕᓕ, ᕿᒃᓵᓕᖁᓇᒍ.’ ᓱᓕᑦᓯᐊᕐᐳᖓ, ᐊᑕᓂᐅᑉ ᐆᒪᓂᖓᒍᑦ ᐃᕝᕕᓪᓗ, ᑐᖂᑉ ᐊᓪᓗᕆᐊᕐᓂᖓᓃᓕᕋᒪ.”