ᔨᕆᒤᐊᐅᑉ ᐊᒡᓚᖏᑦ 4:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᑕᑯᒋᑦᓯ, ᐃᖏᕐᕋᓂᖏᑦ ᓄᕗᔭᑎᑐᑦ ᓱᒃᑲᑦᑑᑎᒋᕗᑦ, ᕿᒧᒃᓯᐅᑎᖏᓪᓗ ᐅᓚᓗᔨᕋᕐᑐᑎᑐᑦ, ᕿᒻᒥᕐᔪᐊᖏᓪᓗ ᓱᒃᑲᓂᕐᓴᐅᕗᑦ ᓇᒃᑐᕋᓕᖕᓂᑦ! ᑲᑉᐱᐊᓐᓇᒦᖑᔪᒍᑦ, ᐊᓯᕈᕐᑕᐅᕗᒍᑦ!

ᔨᕆᒤᐊᐅᑉ ᐊᒡᓚᖏᑦ 4:13 Iomraidhean Croise

ᓴᒧᐃᓕ ᐂᑉᐸᖏᑦ 1:23

ᓴᐅᓕᒃᑯᒃ ᔫᓇᑕᓂᒃᑯᒃ, ᐱᐅᒋᔭᐅᓚᐅᕐᐴᒃ ᐅᖓᒋᔭᐅᓪᓗᑎᒡᓗ; ᐃᓅᖃᑎᒌᓚᐅᕐᐴᒃ, ᑐᖁᓂᕐᒧᑦ ᑎᑭᓪᓗᑎᒃ ᐊᕕᓚᐅᓐᖏᓚᒃ; ᓇᒃᑐᕋᓕᖕᓂᑦ ᓱᒃᑲᓂᕐᓴᐅᓚᐅᕐᐴᒃ, ᓛᔭᓂᓪᓗ ᓴᓐᖏᓂᕐᓴᐅᓪᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 13:5

ᑖᒃᑯᐊ ᓄᓇᒥᑦ ᐅᖓᓯᒃᑐᒥᑦ ᐱᕗᑦ, ᕿᓔᑦ ᐃᓱᐊᓂᑦ, ᐊᑕᓂᐅᑉ ᐅᓇᑕᐅᑏᓪᓗ ᓂᓐᖓᐅᑦᔨᓯᒪᓂᕐᒥᓄᑦ ᐱᓇᓱᐊᕐᓂᕆᕔᑦ, ᓄᓇᕐᔪᐊᖅ ᐃᓘᓐᓈᑦ ᐊᓯᕈᕈᒪᓪᓗᒍ.

ᐂᓮᐊᓯᐅᑉ ᐊᒡᓚᖏᑦ 19:1

ᐅᖃᐅᓰᑦ ᐄᑦᔨᑉᑎᒥᐅᑦ ᐱᓪᓗᒋᑦ, ᑕᑯᓕᕐᓯᐅᒃ ᐊᑕᓂᖅ ᓄᕗᔭᒥ ᓱᒃᑲᓕᔪᒥ ᐃᑭᒪᓗᓂ ᐄᑦᔨᑉᑎᒧᑦ ᑎᑭᓕᕐᑐᖅ; ᐄᑦᔨᑉᑎᒥᐅᑦ ᒎᑎᓐᖑᐊᖏᑦ ᓴᔪᒍᒫᕐᐳᑦ ᑖᑦᓱᒪ ᓇᔪᕐᑕᖓᓂ, ᐄᑦᔨᑉᑎᒥᐅᓪᓗ ᐆᒻᒪᑎᖏᑦ ᐊᐅᒃᑐᑎᑐᑦ ᑍᒤᑦᓱᒫᕐᐳᑦ ᐃᓗᖏᓐᓂ.

ᐂᓮᐊᓯᐅᑉ ᐊᒡᓚᖏᑦ 3:8

ᔨᕉᓴᓕᒻ ᐹᓪᓚᒃᓯᒪᕗᖅ, ᔫᑕᓗ ᑲᑕᒃᓯᒪᓪᓗᓂ; ᐅᖃᐅᓯᖏᑦ ᐱᓂᐊᕐᓂᖏᓪᓗ ᐊᑭᕋᕐᑐᕐᒪᑕ ᐊᑕᓂᕐᒥᒃ ᑲᒪᒋᓇᒍ ᓇᔫᑎᓂᖓᑕ ᐱᓐᓇᕐᓇᕐᓂᕐᔪᐊᖓ.

ᐂᓮᐊᓯᐅᑉ ᐊᒡᓚᖏᑦ 5:28

ᖃᕐᔪᖏᑦ ᐃᐱᒃᐳᑦ, ᐱᓯᒃᑎᓕᒫᖏᓪᓗ ᓂᐅᖓᒃᓯᒪᕗᑦ ᐅᕐᓕᕐᑐᕐᓗᑎᒃ, ᕿᒻᒥᕐᔪᐊᖏᑕᓗ ᑯᑭᖏᑦ ᐊᖕᒫᒃᓴᑎᑐᑦ ᓯᑎᔪᑎᑐᑦ ᑍᒤᑉᐳᑦ, ᑲᓕᒐᖏᑕᓗ ᐊᒃᓴᓗᐊᖏᑦ ᐅᓚᔪᔭᕐᑎᑐᑦ ᑬᕕᑉᐳᑦ.

ᐂᓮᐊᓯᐅᑉ ᐊᒡᓚᖏᑦ 66:15

“ᑕᑯᒋᑦᓯ, ᐊᑕᓂᖅ ᑎᑭᑦᓱᒫᕐᐳᖅ ᐃᑯᐊᓚᔪᒦᓪᓗᓂ, ᕿᒧᒃᓯᐅᑎᖁᑎᖏᓪᓗ ᐊᒃᓴᓗᐊᓕᖕᓂᒃ ᐅᓂᐊᕐᑐᑦ ᐅᓚᓗᔨᕋᕐᑐᑎᑐᑦ ᑍᒤᑦᓱᒫᕐᐳᑦ, ᐊᑭᓖᔭᕐᑐᕐᓗᓂ ᓂᓐᖓᕕᒡᔪᐊᕐᓯᒪᓂᕐᒧᑦ, ᑖᑦᓱᒪᓗ ᓱᐊᖕᓂᖓ ᐃᑯᒪᐅᓗᓂ ᐃᑯᐊᓚᔪᖅ.

ᔨᕆᒤᐊᐅᑉ ᐊᒡᓚᖏᑦ 10:19

ᐅᖃᕐᓂᐊᕐᐳᖅ, “ᑲᑉᐱᐊᓐᓇᒦᒃ ᐊᖏᔪᒥᒃ ᐋᓐᓂᕐᓯᒪᔪᖓ! ᐃᑭᓕᕐᑕᐅᓂᒃᑲ ᒪᒥᑦᑐᓐᓁᓪᓕᕗᑦ. ᐃᓱᒪᓂᐊᕆᕗᓪᓕ, ‘ᐋᓂᐊᕆᒐᒃᑯ ᓇᖕᒥᓂᖅ ᕿᓄᐃᓵᕈᑎᒋᔭᕆᐊᖃᕐᐸᕋ.’

ᔨᕆᒤᐊᐅᑉ ᐊᒡᓚᖏᑦ 4:12

ᐊᓄᕆᑦᑕᐅᖅ ᑕᒪᑐᒪᓐᖓᑦ ᓴᓐᖏᓂᕐᓴᐅᔪᖅ ᐊᑕᓂᕐᒥᑦ ᐱᔪᒫᕐᒪᑦ! ᐃᖅᑲᕐᑐᐃᓂᖓ ᑐᑭᓯᑦᔪᑕᐅᔪᒃᓴᐅᕗᖅ ᐃᓄᖁᑎᖏᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 4:31

ᓂᓪᓕᐊᔪᒥᒃ ᑐᓵᕗᖓ ᐃᕐᓂᓱᒃᑑᑉ ᓂᓪᓕᐊᓂᖓᑎᑐᑦ ᓂᓪᓕᐊᔪᒥᒃ, ᓲᕐᓗ ᕿᑐᕐᖏᔭᕆᐅᕈᑎᒥᓂᒃ ᕿᑐᕐᖓᕐᑖᕋᓱᐊᓕᕐᑑᑉ ᓂᓪᓕᐊᓂᖓᑎᑐᑦ, ᓮᐅᓂᐅᑉ ᐸᓂᖓᑕ ᓂᐱᖓ ᐊᓂᕐᓵᕐᑐᒡᒐᓕᕐᑐᑎᑐᑦ ᑍᒤᑦᑐᖅ ᑕᓖᖕᓂᓗ ᐃᓵᒡᓗᒋᒃ ᐅᖃᕐᑐᖅ, “ᑲᑉᐱᐊᓐᓇᒦᒃ! ᓄᑮᕈᑎᓕᕐᐳᖓ ᐃᓄᐊᕐᑏᑦ ᓵᖏᓐᓂ!”

ᔨᕆᒤᐊᐅᑉ ᐊᒡᓚᖏᑦ 46:18

ᐅᕙᖓ ᐊᑕᓂᐅᒐᒪ ᐊᔪᒐᖃᖏᑦᑐᖅ, ᐊᖓᔪᖅᑳᕐᔪᐊᖑᕗᖓ, ᐆᒪᓪᓗᖓ, ᓲᕐᓗ ᖃᖅᑲᖅ ᑍᐸᕆ ᖃᖅᑲᓂᑦ ᐳᕐᑐᓛᖑᖕᒪᑦ, ᖃᖅᑲᕐᓗ ᑳᕐᒥᐅᓪ ᓄᐃᑕᖕᒪᑦ ᑕᕆᐅᕐᒧᑦ, ᑍᒫᒃᑕᐅᖅ ᐱᔪᓐᓇᕐᑐᕐᔪᐊᖑᓂᐊᕐᐳᑦ ᐃᓕᑦᓯᓐᓂᒃ ᐅᓇᑕᕆᐊᕐᑐᑦ.

ᔨᕆᒤᐊᐅᑉ ᐊᒡᓚᖏᑦ 48:40

ᐃᒫᒃ ᐊᑕᓂᖅ ᐅᖃᕐᐳᖅ, “ᑕᑯᒋᑦ ᓇᒃᑐᕋᓕᒃ ᐊᐅᕐᓵᕐᑐᖅ, ᐃᓴᕈᖏᒃᑕ ᐃᓵᖓᓂᖏᖕᓄᑦ ᒧᐊᐱᒥᐅᑦ ᐅᓕᒃᑕᐅᕗᑦ.

ᔨᕆᒤᐊᐅᑉ ᐊᒡᓚᖏᑦ 49:22

ᑕᑯᓕᕆᑦ ᓇᒃᑐᕋᓕᖕᒥᒃ ᐊᐅᕐᓵᕐᑐᒥᒃ ᐃᓴᕈᖏᒃᑕᓗ ᐃᓵᖓᓂᖏᒃ ᐅᓕᒃᓯᕘᒃ ᐳᔾᕋᒥᐅᓂᒃ, ᐅᓪᓗᒥ ᑍᑲᓂ ᐄᑐᒥᒥᐅᑦ ᐅᓇᑕᕐᑎᖁᑎᖏᑦ ᐃᒃᐱᒍᓱᖕᓂᖃᕈᒫᕐᐳᑦ ᐊᕐᓇᐅᑉ ᐃᕐᓂᓱᒃᑑᑉ ᐃᒃᐱᒍᓱᖕᓂᖓᑎᑐᑦ.”

ᔨᕆᒤᐊᐅᑉ ᐊᒡᓚᖏᑦ 6:23

ᐅᓇᑕᐅᑎᖃᕐᐳᑦ ᐱᑎᒃᓯᓂᒃ ᖃᓗᒋᐊᓂᒡᓗ, ᐊᑦᑕᕆᔭᖃᓐᖏᓚᑦ ᓇᒡᓕᖕᓂᖃᕋᑎᒡᓗ, ᓂᐱᖏᑦ ᓂᐱᖃᕐᐳᑦ ᐃᒪᕕᐅᑉ ᐃᒃᑑᓕᔮᕐᓂᖓᑐᑦ, ᐃᖏᕐᕋᓕᕌᖓᒥᒃ ᕿᒻᒥᕐᔪᐊᓄᑦ, ᓮᐅᓂᒥᐅᑕᐅᔪᓯ ᐅᐸᒃᑕᐅᓕᕐᐳᓯ ᐅᓇᑕᐅᓯᔭᕐᑐᓄᑦ.

ᔨᕆᒤᐊᐅᑉ ᐊᒡᓚᖏᑦ 9:19

ᓮᐅᓂᒥᐅᓂᑦ ᕿᐊᔪᑦ ᑐᓴᕐᓴᐅᕗᑦ, “ᓱᕋᑦᓯᐊᕐᐳᒍᑦ, ᑲᓐᖑᓇᕐᑐᕐᔪᐊᒥᒃ ᐊᑐᓕᕐᐳᒍᑦ, ᓄᓇᕗᑦ ᕿᒪᒡᓗᒍ ᑭᓯᐊᓂᐅᓕᕐᐳᖅ ᐃᒡᓗᕕᓂᕋᓗᐊᕗᑦ ᓱᕋᒃᑎᕐᑕᐅᖕᒪᑕ.”

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:19

ᓇᒃᑐᕋᓕᐅᑉ ᐊᐅᕐᓵᕐᓂᖓᓂᑦ ᓱᒃᑲᓂᕐᓴᐅᓪᓗᑎᒃ ᐅᕙᑦᑎᓐᓂᒃ ᐊᖑᓯᓚᐅᕐᐳᑦ, ᒪᓕᒃᓗᓂᑎᒍᑦ ᐊᖑᓚᐅᕐᐹᑎᒍᑦ ᖃᖅᑲᓂ, ᐃᓄᖃᔪᐃᑦᑐᒥᓗ ᐅᑕᖅᑭᓪᓗᑕ ᑎᒍᓚᐅᕐᐹᑎᒍᑦ.

ᐃᓯᑭᐊᓕᐅᑉ ᐊᒡᓚᖏᑦ 26:10

ᕿᒻᒥᕐᔪᐊᖏᑕ ᐅᓄᕐᑐᕐᔪᐊᑦ ᐳᔫᕐᑎᑕᖏᓐᓄᑦ ᓂᑦᑍᑦᑐᕐᓯᐅᓕᕈᒫᕐᐳᓯ; ᕿᒻᒥᕐᔪᐊᒃᑰᕐᑐᑦ ᑲᓕᒐᖏᑕᓗ ᐊᒃᓴᓗᐊᓖᓪᓗ ᐃᒃᑑᓕᔮᕐᓂᖏᓐᓄᑦ ᐊᑭᓐᓇᓯ ᐊᐅᓚᑎᑕᐅᔪᒫᕐᐳᑦ, ᐃᑎᕐᑕᕐᕕᒃᑯᑦ ᐃᑎᕈᒫᕐᐳᑦ ᐃᒡᓗᒐᓴᒡᔪᐊᑦ ᓯᖁᒥᑕᐅᓯᒪᓕᕐᑎᓪᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 38:9

ᓵᓚᒋᔪᒫᕐᐸᑎᑦ, ᐊᓄᕆᕐᔪᐊᑎᑐᑦ ᑎᑭᕝᕕᒋᓗᒋᑦ, ᓄᓇᖓᓪᓗ ᓄᕗᔭᒧᑦ ᑖᓪᓕᕐᑕᐅᔪᑎᑐᑦ ᑍᒤᑦᓱᒫᕐᐸᑦ, ᐃᓚᒋᔭᓕᒫᑎᓪᓗ ᐃᓚᒋᓗᒋᑦ ᐃᓄᒋᐊᒃᑐᕐᔪᐊᑦ.

ᑖᓂᐊᓕᐅᑉ ᐊᒡᓚᖏᑦ 11:40

“ᑍᑦᓱᒪ ᐃᓱᐊᓂ ᐊᖓᔪᖅᑳᕐᔪᐊᖅ ᓯᕿᓂᐅᑉ ᓇᓛᓂᑦ ᐱᔪᖅ ᐅᓇᑕᖃᑎᒋᔪᒫᕐᐹ, ᐊᖓᔪᖅᑳᕐᔪᐊᓪᓗ ᐅᓐᓄᐊᑉ ᓇᓛᓂᑦ ᐱᔫᑉ ᓱᕐᔪᒍᒫᕆᕚ ᕿᒧᒃᓯᐅᑎᑦ ᐃᑭᒪᕝᕕᖕᒥᒃ ᐅᓂᐊᕐᑐᑦ ᐊᑐᕐᓗᒋᑦ, ᐅᓇᑕᕐᑐᒃᓴᒐᓴᒃᔪᐊᖃᕐᓗᓂ, ᐅᒥᐊᕐᔪᐊᖁᑎᖏᓪᓗ ᐅᓄᕐᑐᑦ ᐊᑐᕐᓗᒋᑦ, ᓄᓇᓕᒡᔪᐊᑦ ᐅᓄᕐᑐᑦ ᐅᓇᑕᕈᒫᕐᐰᑦ ᐃᒪᕐᑐᑦ ᖄᒥᑦᑐᑐᑦ.

ᑖᓂᐊᓕᐅᑉ ᐊᒡᓚᖏᑦ 7:4

ᓯᕗᓪᓕᕐᐹᖅ ᑕᐅᑦᑐᖃᕐᐳᖅ ᓛᔭᑎᑐᑦ, ᐃᓴᕈᖃᕐᓗᓂᓗ ᓇᒃᑐᕋᓕᒃᑎᑐᑦ. ᑕᑯᓐᓇᕐᑎᓪᓗᖓ ᐃᓴᕈᖏᒃ ᐲᕐᑕᐅᕗᒃ ᓄᓇᒥᓪᓗ ᖃᖓᑦᑕᕐᑎᑕᐅᓪᓗᓂ ᓂᐅᖏᖕᓄᓪᓗ ᒪᕐᕉᖕᓄᑦ ᓂᑯᕕᑎᑕᐅᕗᖅ ᐃᓄᒃᑎᑐᑦ, ᐃᓅᓪᓗ ᐆᒻᒪᑎᖓᓂᒃ ᐆᒻᒪᑎᓕᕐᑕᐅᕗᖅ.

ᕼᐆᓯᐊᑉ ᐊᒡᓚᖏᑦ 8:1

“ᐅᓇᑕᕐᑐᕐᓯᐅᑏᑦ ᑎᑦᑐᓚᐅᑏᑦ ᐊᑐᐃᓐᓇᕈᓕᕐᓯᐅᒃ, ᑎᖕᒥᐊᑦ ᑎᒥᕕᓂᕐᑐᓲᑦ ᐊᐅᕐᓵᓕᕐᒪᑕ ᐊᑕᓂᐅᑉ ᐃᒡᓗᖓᑕ ᖁᓛᓂ, ᐃᓄᖁᑎᒪ ᐊᖏᖃᑎᒌᒍᑎᒃᑲ ᓯᖁᒥᓚᐅᕐᒪᒋᑦ, ᐊᑭᕋᕐᑐᓕᕐᓗᑎᒡᓗ ᐱᖁᔭᓐᓂᒃ.

ᒤᑲᐅᑉ ᐊᒡᓚᖏᑦ 2:4

ᑍᑲᓂ ᐅᓪᓗᒥ ᐃᓄᖕᓂᑦ ᒥᑕᐅᑎᒋᔭᐅᔪᒫᕐᐳᓯ ᐃᓐᖏᕈᓯᓕᐊᕆᔭᐅᓗᓯᓗ ᕿᒃᓵᒍᑎᓂᒃ, ᐅᒡᒍᐊᕐᓇᕐᑑᔪᒫᕐᐳᖅ ᖃᓯᓕᓇᕐᑐᑎᑐᑦ ᕿᒃᓵᖕᓇᕐᓗᓂ, ᐃᒫᒃ ᐅᖃᕈᒫᕐᐳᑦ, ‘ᐊᓯᕈᕐᑕᐅᓯᒪᒻᒪᕆᒃᐳᒍᑦ! ᐊᑕᓂᐅᑉ ᐊᕐᓵᕐᓯᒪᖕᒪᑎᒍᑦ ᑭᖑᕐᖑᑎᔭᒃᓴᑦᑎᓐᓂᒃ, ᑐᓂᓪᓗᒋᓪᓗ ᐅᕙᑦᑎᓐᓂᒃ ᑎᒍᓯᓚᐅᕐᑐᓄᑦ.’”

ᓇᕼᐅᒥᐅᑉ ᐊᒡᓚᖏᑦ 1:3

ᐊᑕᓂᖅ ᕿᓄᐃᑉᐳᖅ ᐱᒃᓴᕐᑐᓂᓕᒡᔫᓪᓗᓂᓗ, ᓱᒋᐊᕐᓯᑦᑍᓕᓐᖏᓚᕐᓗ ᖃᕿᐊᓕᕐᓂᖃᖏᑦᑐᓂᒃ. ᐊᑕᓂᖅ ᐃᓂᖃᕐᐳᖅ ᐅᓚᔪᔭᕐᒥ ᐊᖅᑯᓇᕐᔪᐊᒥᓗ, ᐃᑎᒐᖏᑕᓗ ᓄᕗᔧᑦ ᐳᔪᕋᕆᕔᑦ.

ᕼᐊᐸᑲᐅᑉ ᐊᒡᓚᖏᑦ 1:8

“ᕿᒻᒥᕐᔪᐊᖏᑦ ᓱᒃᑲᓂᕐᓴᐅᕗᑦ ᐆᒪᔪᓂᑦ ᓱᒃᑲᓂᕐᐹᓂᑦ ᓕᐸᕐᑎᓂᑦ, ᐃᕐᓯᓇᕐᓂᕐᓴᐅᓪᓗᑎᒡᓗ ᐊᒪᕈᕐᓂᑦ ᑲᑦᔭᓂᑦ. ᐃᖏᕐᕋᕗᑦ ᕿᒻᒥᕐᔪᐊᒦᑦᑐᖁᑎᖏᑦ ᐱᐅᔪᕆᓪᓗᑎᒃ. ᐃᓛᒃ ᕿᒻᒥᕐᔪᐊᒦᑦᑐᖁᑎᖏᑦ ᓄᓇᒥᑦ ᐅᖓᓯᒃᑐᒥᑦ ᐱᓯᒪᕗᑦ. ᐊᐅᕐᓵᕐᐳᑦ ᓇᒃᑐᕋᓕᒃᑐᑦ ᓂᕿᒃᓴᒥᖕᓂᒃ ᐅᐸᒃᑐᕐᑐᑎᑐᑦ.

ᓴᑲᕅᐊᐅᑉ ᐊᒡᓚᖏᑦ 6:1

ᖁᒻᒧᑦ ᑕᑯᓴᕐᒥᒐᒪ, ᑕᑯᒋᕗᖓ ᐊᒃᓴᓗᐊᓕᖕᓂᒃ ᕿᒧᒃᓯᐅᑎᓂᑦ ᐅᓂᐊᕐᑕᐅᔪᓂᒃ ᓯᑕᒤᓂᒃ, ᓄᐃᓕᕐᑐᓂᒃ ᖃᖄᒃ ᒪᕐᕈᒃ ᐊᑯᓐᓂᖓᓂᑦ, ᖃᖄᓗ ᑖᒃᑯᐊᒃ ᑲᓐᓄᔭᐅᕗᒃ.

ᒫᑎᐅᓯᐅᑉ ᐊᒡᓚᖏᑦ 24:30

ᑕᕝᕙ ᐃᓅᑉ ᐃᕐᓂᖓᑕ ᓇᓗᓁᒃᑯᑕᖓ ᕿᓚᖕᒥᑦ ᓴᖅᑭᑦᓱᒫᕐᐳᖅ; ᐃᓄᐃᑦ ᐃᓘᓐᓇᑦᓯᐊᑎᒃ ᓄᓇᕐᔪᐊᕐᒦᑦᑐᑦ ᕿᐊᓕᕈᒫᕐᐳᑦ, ᑕᑯᓕᕈᑎᒃ ᐃᓅᑉ ᐃᕐᓂᖓᓂᒃ ᑎᑭᓕᕐᑐᒥᒃ ᕿᓚᐅᑉ ᓄᕗᔭᖏᑎᒍᑦ ᐱᔪᓐᓇᕐᑐᕐᔪᐊᒥᒃ ᓂᕐᑐᕐᓇᕐᑐᕐᔪᐊᕐᒥᒡᓗ.

ᒨᓯᓯ ᑕᓪᓕᒪᖏᑦ 28:49

ᐊᑕᓂᖅ ᐃᓅᖃᑎᒌᒡᔪᐊᓂᒃ ᓄᓇᕐᔪᐊᑉ ᐃᓱᐊᓂᑦ ᐱᓯᒪᔪᓄᑦ ᐅᐸᒃᑕᐅᑎᑦᓱᒫᕐᐹᓯ ᐅᓇᑕᕆᐊᕐᑕᐅᓗᓯ, ᐅᐸᒃᑐᕈᒫᕐᐳᑦ ᓇᒃᑐᕋᓕᒃᑎᑐᑦ ᐊᐅᕐᓵᕐᑐᑎᑐᑦ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:7

ᑕᑯᒋᑦ, ᓄᕗᔭᑎᒍᑦ ᕾᓕᕐᐳᖅ, ᑕᒪᕐᒥᒡᓗ ᑕᑯᔪᒫᕐᐹᑦ, ᑖᑦᓱᒥᖓ ᑲᐱᓯᓚᐅᕐᑐᑦᑕᐅᖅ ᑕᑯᔪᒫᕆᕗᑦ; ᐃᓄᐃᓪᓗ ᓄᓇᕐᔪᐊᕐᒥᐅᓕᒫᑦ ᕿᐊᔪᒫᕐᐳᑦ ᑖᓐᓇ ᐱᓪᓗᒍ. ᐊᑏ ᑍᒤᓕᕐᓕ. ᐋᒦᓐ.