ᔨᕆᒤᐊᐅᑉ ᐊᒡᓚᖏᑦ 4:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐃᓴᕆᐊᓕᒥᐅᖑᔪᓯ, ᐅᑎᕈᒪᒍᑦᓯ ᐅᕙᓐᓄᑦ ᐅᑎᓚᐅᕆᑦᓯ, ᐊᑕᓂᖅ ᐅᖃᕐᐳᖅ, ᒎᑎᓐᖑᐊᓯ ᐲᔭᕐᓗᒋᑦ, ᑕᒻᒪᕐᑍᓕᓕᕐᓗᓯᓗ ᑭᖑᓂᖓᒍᑦ.

ᔨᕆᒤᐊᐅᑉ ᐊᒡᓚᖏᑦ 4:1 Iomraidhean Croise

ᒨᓯᓯ ᓯᕗᓪᓖᑦ 35:2

ᑕᕝᕙ ᔧᑯ ᓇᖕᒥᓂᕐᒥᓄᑦ ᐃᓚᒋᔭᓕᒫᒥᓄᓪᓗ ᐅᖃᕐᐳᖅ, “ᐃᓅᖃᑎᑐᖃᕆᓐᖏᑕᑦᑕ ᒎᑎᓐᖑᐊᖏᑦ ᐱᓯᒪᔭᓯ ᐃᒋᓚᐅᕐᓯᐅᒃ; ᐃᓕᑦᓯᓐᓂᒃ ᓴᓗᒻᒪᕐᓴᕆᑦᓯ, ᐊᓯᖏᓐᓂᒡᓗ ᐊᓐᓄᕌᕐᓗᓯ.

ᐊᑕᓃᑦ ᐂᑉᐸᖏᑦ 23:13

ᐊᖓᔪᖅᑳᕐᔪᐊᑉ ᔫᓮᐊᐅᑉ ᐱᓪᓚᕆᒋᔭᐅᓪᓗᑎᒃ ᑐᒃᓯᐊᕐᕕᐅᖃᑦᑕᕐᑐᕕᓃᑦ ᐊᑐᕐᑕᐅᔪᓐᓁᓪᓕᑎᑉᐰᑦ ᔨᕉᓴᓕᐅᑉ ᓯᕿᓂᐊᑕ ᓇᓛᓃᑦᑐᑦ ᐱᖒᑉ ᐱᐅᖏᑦᑐᓕᕝᕕᖕᒥᒃ ᑍᔭᐅᔫᑉ ᓯᕿᓂᖓᓃᑦᑐᑦ, ᓲᓗᒨᓂᐅᑉ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑦᑕ ᓴᓇᔭᐅᑎᑕᕕᓂᖏᑦ ᒎᑎᓐᖑᐊᒧᑦ ᐋᔅᑕᕉᑎᒥᒃ ᑍᔭᐅᔪᒧᑦ ᓮᑐᓂᐊᒥᐅᑦ ᒎᑎᓐᖑᐊᖓᓐᓄᑦ ᓇᕐᕈᓇᕐᑐᒧᑦ, ᑭᒨᓯᓗ ᒧᐊᐱᒥᐅᑦ ᒎᑎᓐᖑᐊᖓᓄᑦ ᓇᕐᕈᓇᕐᑐᒧᑦ, ᒥᐅᓪᑲᒻᒧᓪᓗ ᐊᒧᓁᑎᒥᐅᑦ ᒎᑎᓐᖑᐊᖓᓐᓄᑦ ᓇᕐᕈᓇᕐᑐᒧᑦ.

ᐊᑕᓃᑦ ᐂᑉᐸᖏᑦ 23:24

ᓱᓕᓗ ᔫᓮᐊᐅᑉ ᑐᖁᖓᔪᑦ ᐊᓂᕐᓂᖏᓐᓂᒃ ᐅᖃᖃᑎᖃᕋᓱᒃᐸᒃᑐᑦ, ᓯᕗᓂᒃᓴᒥᒡᓗ ᓇᓚᐅᑦᑍᔨᐅᓇᓱᒃᐸᒃᑐᑦ ᐊᓯᖏᓪᓗ ᓇᕐᕈᓇᕐᑑᓂᕋᕐᑕᐅᔪᓕᒫᑦ ᔨᕉᓴᓕᒥᐅᓂ ᔫᑕᒥᐅᓂᓗ ᓄᖅᑲᕐᑎᑉᐰᑦ, ᐃᒡᓗᒋᔭᐅᔪᓂᓗ ᒎᑎᓐᖑᐊᑦ, ᓴᓇᓯᒪᔪᓪᓗ ᐱᑦᑍᓕᓂᕐᒨᖓᔪᒃ ᐋᕐᖑᐊᑦ ᐲᔭᕐᑕᐅᑎᑉᐰᑦ ᑐᓂᕐᕈᓯᕐᑎᑦᓯᔩᑦ ᐳᕐᑐᓂᕐᐹᖓᑦᑕ ᕼᐃᓪᑬᐊᐅᑉ ᐊᒡᓔᑦ ᐱᖁᔭᕐᑕᓖᑦ ᑐᒃᓯᐊᕐᕕᒡᔪᐊᒥ ᓇᓂᓚᐅᕐᑕᖏᑦ ᒪᓕᒃᑕᐅᓯᐊᓕᖁᓪᓗᒋᑦ.

ᑯᕉᓂᑲ ᐂᑉᐸᖏᑦ 15:8

ᐂᓴᐅᑉ ᑕᒪᓐᓇ ᑐᓴᕋᒥᐅᒃ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ ᐊᔭᕅᐊᑉ ᐅᐱᑎᐅᑉ ᐃᕐᓂᖓᑕ ᐅᖃᐅᓯᕆᔭᖏᑦ, ᓴᐱᕈᓐᓂᕐᐳᖅ, ᒎᑎᓐᖑᐊᓪᓗ ᓇᕐᕈᓇᕐᑐᑦ ᐲᔭᕐᐰᑦ ᓄᓇᓕᓕᒫᓂᑦ ᔫᑕᒥ ᐱᓐᔭᒥᓂᒥᓗ ᐃᒡᓗᒐᓴᖕᓂᓗ ᓇᒡᕚᕐᑕᕐᕕᒋᓚᐅᕐᑕᒥᓂ ᐃᕗᕅᒥᐅᑦ ᖃᖅᑲᖏᓐᓂᑦ, ᐊᑕᓂᐅᓪᓗ ᑐᓂᕐᕈᓯᕐᕕᖁᑎᖓ ᓴᓇᒋᐊᕐᓗᒍ ᐅᑎᕐᑎᑉᐹ ᐊᑕᓂᐅᑉ ᐃᒡᓗᖓᑕ ᑐᕐᓲᖑᔭᖓᑕ ᓯᕗᕌᓄᑦ.

ᑯᕉᓂᑲ ᐂᑉᐸᖏᑦ 33:8

ᐃᓴᕆᐊᓕᒥᐅᓪᓗ ᐊᕐᓵᕐᓂᐊᕈᓐᓃᕐᐸᒃᑲ ᓄᓇᖓᓂᒃ ᓯᕗᓕᖏᓐᓄᑦ ᑐᓂᓚᐅᕐᑕᓐᓂᒃ, ᑲᒪᑦᓯᐊᕋᔭᕐᐸᑕ ᑎᓕᓯᑦᔪᑎᒋᓚᐅᕐᑕᓐᓂᒃ, ᐱᖁᔭᓕᒫᓂᒃ, ᒪᓕᒐᒃᓴᐅᖁᔭᓐᓂᒃ ᐊᑐᕐᑕᐅᖁᔭᓐᓂᒡᓗ ᑐᓂᓚᐅᕐᑕᓐᓂᒃ ᒨᓯᓯᑯᑦ.”

ᑯᕉᓂᑲ ᐂᑉᐸᖏᑦ 34:33

ᔫᓮᐊᐅᓪᓗ ᓇᕐᕈᓇᕐᑐᓕᒫᑦ ᐲᔭᕐᐰᑦ ᐃᓴᕆᐊᓕᒥᐅᑦ ᓄᓇᖏᓐᓃᑦᑐᑦ, ᐃᓴᕆᐊᓕᒦᑦᑐᓕᒫᓪᓗ ᐱᔨᑦᓯᖁᕔᑦ ᐊᑕᓂᕐᒥᒃ ᒎᑎᒥᖕᓂᒃ. ᐃᓅᓂᓕᒫᖓᓂ ᐃᓄᐃᑦ ᕿᒤᓚᐅᓐᖏᓚᑦ ᐊᑕᓂᕐᒥᒃ ᓯᕗᓕᖏᑦᑕ ᒎᑎᖓᓂᒃ.

ᐂᓮᐊᓯᐅᑉ ᐊᒡᓚᖏᑦ 31:6

ᐅᑎᕐᕕᒋᓕᕐᓯᐅᒃ ᑖᑦᓱᒥᖓ ᐊᖏᔪᒥᒃ ᐊᑭᕋᕐᑐᓚᐅᕐᑐᓯ, ᐃᓕᑦᓯ ᐃᓴᕆᐊᓕᐅᑉ ᐃᓄᖏᑦ.

ᔨᕆᒤᐊᐅᑉ ᐊᒡᓚᖏᑦ 15:19

ᑍᒤᒻᒪᑦ ᐊᑕᓂᖅ ᐃᒫᒃ ᐅᖃᕐᐳᖅ: “ᐅᕙᓐᓄᑦ ᐅᑎᕈᕕᑦ ᑕᕝᕙ ᐅᑎᕐᑎᓐᓂᐊᕐᐸᒋᑦ, ᐱᔨᑦᓯᓕᕐᓂᐊᕋᕕᖓ, ᐊᑐᕐᓇᕐᑐᓂᒡᓗ ᐅᖃᓪᓚᖃᑦᑕᓕᕐᓂᐊᕋᕕᑦ, ᐊᑐᕐᓇᖏᑦᑐᓂᒃ ᐅᖃᐅᓯᖃᕈᓐᓃᕐᓗᑎᑦ, ᖃᓂᕆᓕᕐᓂᐊᕆᕙᒋᑦ, ᑖᒃᑯᓄᖓ ᐅᐸᒃᑕᐅᔪᒫᕐᐳᑎᑦ, ᑖᒃᑯᓄᖓᓕ ᐅᐸᒍᑎᔭᕆᐊᖃᕐᓂᐊᓐᖏᓚᑎᑦ.

ᔨᕆᒤᐊᐅᑉ ᐊᒡᓚᖏᑦ 15:4

ᐊᖓᔪᖅᑳᕐᔪᐊᓄᑦ ᓄᓇᕐᔪᐊᓕᒫᒥ ᑲᑉᐱᐊᓲᑎᒃᓴᐅᑎᓐᓂᐊᕐᐸᒃᑲ ᐊᖓᔪᖅᑳᕐᔪᐊᑉ ᒫᓇᓯᐅᑉ ᕼᐃᓯᑬᐊᐅᑉ ᐃᕐᓂᖓᑕ ᐱᓂᐊᕐᓂᕆᓚᐅᕐᑕᖏᑦ ᔨᕉᓴᓕᒧᑦ ᐱᑦᔪᑎᒋᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 18:11

ᑍᒤᒻᒪᑦ, ᔫᑕᐅᑉ ᔨᕉᓴᓕᐅᓪᓗ ᐃᓄᖏᑦ ᐅᖃᐅᑎᒃᑭᑦ, ᐃᒫᒃ ᑕᕝᕙ ᐊᑕᓂᖅ ᐅᖃᕐᐳᖅ, ‘ᑕᑯᒋᑦ, ᑲᑉᐱᐊᓇᕐᑐᒥᒃ ᑎᑭᑦᑐᒃᓴᒥᒃ ᐃᓕᑦᓯᓐᓄᑦ ᐋᖅᑭᒃᓱᐃᓕᕐᐳᖓ, ᖃᓄᐃᓕᒋᐊᕈᑎᒃᓴᓂᒡᓗ ᐅᐸᓗᖕᒊᔭᕐᓗᖓ, ᐱᐅᖏᑦᑐᓕᓂᑦᓯᓐᓂᑦ ᓵᒋᐊᓕᕆᑦᓯ ᐊᖅᑯᑎᑦᓯᓐᓂᑦ ᐱᓂᐊᕐᓂᓯᓗ ᐋᖅᑭᒋᐊᓕᕐᓯᐅᒃ.’

ᔨᕆᒤᐊᐅᑉ ᐊᒡᓚᖏᑦ 24:9

ᐃᓅᖃᑎᒋᔪᒥᓇᕈᓐᓃᕐᑎᑦᓱᒪᕙᒃᑲ ᐱᐅᒋᔭᐅᖏᑦᑑᑎᓪᓗᒋᓪᓗ ᐊᖓᔪᖅᑳᕐᔪᐊᖃᕐᕕᐅᔪᓕᒫᓄᑦ ᓄᓇᒥ, ᐱᐅᖏᑦᑐᒥᒃ ᐅᖃᐅᓯᐅᒐᔪᒃᑎᓪᓗᒋᑦ ᐊᑭᕋᕐᑐᕐᑕᐅᒐᔪᒃᑎᓪᓗᒋᓪᓗ ᓇᓂᑐᐃᓐᓇᖅ ᓄᓇᖃᓕᕌᖓᑕ.

ᔨᕆᒤᐊᐅᑉ ᐊᒡᓚᖏᑦ 25:5

ᐅᖃᖃᑦᑕᓚᐅᕐᐳᓪᓗ, ‘ᓵᒋᐊᓕᕆᑦᓯ, ᑕᒪᑦᓯ ᐊᑐᓂᑦ, ᐱᐅᖏᑦᑐᓕᓂᑦᓯᓐᓂᑦ ᐱᓂᐊᕐᓂᕆᔭᑦᓯᓐᓂᓪᓗ ᓈᒻᒪᖏᑦᑐᓂᑦ ᓄᓇᖃᑯᑖᒍᓐᓇᕐᓂᐊᕋᑦᓯ ᐊᑕᓂᐅᑉ ᓄᓇᑖᕆᔭᐅᑎᓯᒪᔭᖓᓂᒃ ᐃᓕᑦᓯᓐᓄᑦ ᓯᕗᓕᑦᓯᓐᓄᓪᓗ ᑍᑦᓱᒪᓂᐊᓗᖕᒥᑦ ᐃᓱᖃᖏᑦᑐᒧᑦ.

ᔨᕆᒤᐊᐅᑉ ᐊᒡᓚᖏᑦ 3:1

ᐊᖑᑦ ᓄᓕᐊᒥᓂᒃ ᐊᕕᑦᑎᒃᐸᑦ ᐊᕐᓇᐅᓪᓗ ᐅᐃᒋᓚᐅᕐᑕᓂ ᕿᒪᒡᓗᒍ ᐊᓯᐊᓂᒡᓗ ᐅᐃᓂᒡᓗᓂ, ᐅᐃᒋᓚᐅᕐᑕᖓᑕ ᐅᑎᕐᕕᒋᔭᕆᐊᖃᕐᐸᐅᒃ? ᐃᓕᑦᓯᓕ ᐊᖑᓐᓂᐊᕐᑎᑎᑐᑦ ᐃᓅᓕᕐᐳᓯ ᐅᓄᕐᑐᓂᒃ ᐅᖓᒋᔭᖃᓕᕐᑐᑎᑐᑦ, ᑕᕝᕙ ᒫᓐᓇ ᐅᕙᓐᓄᑦ ᐅᑎᕈᓐᓇᕐᐱᓰ? ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 3:12

ᐂᓕᕆᑦ, ᐅᓐᓄᐊᓪᓗᐊᑉ ᓇᓛᓃᑦᑐᓄᑦ ᐅᖃᕆᐊᕐᑐᕆᑦ. ᐃᓴᕆᐊᓕ ᐅᕙᓐᓄᑦ ᐅᑎᓚᐅᕆᑦ, ᐊᑕᓂᖅ ᐅᖃᕐᐳᖅ, ᓂᓐᖓᐅᒪᓂᕐᒧᑦ ᑕᑯᓂᐊᓐᖏᓚᒋᑦ ᓂᑲᒍᓱᒃᑐᕐᔫᒐᒪ, ᐃᓱᖃᖏᑦᑐᒧᑦ ᓂᓐᖓᐅᒪᓂᐊᓐᖏᓚᖓ.

ᔨᕆᒤᐊᐅᑉ ᐊᒡᓚᖏᑦ 3:14

ᐊᑕᓂᖅ ᐅᖃᕐᐳᖅ, ᐊᓯᓐᓂᐊᕐᑎᐅᔪᓯ ᐅᕙᓐᓄᑦ ᐅᑎᕆᑦᓯ, ᐅᐃᒋᒐᑦᓯᓐᖓ. ᓂᕈᐊᕐᓂᐊᕐᐳᖓ ᐊᑕᐅᓯᕐᒥᒃ ᓄᓇᓕᖁᑎᑦᓯᓐᓂᑦ ᑕᒤᓐᓂᑦ, ᒪᕐᕉᓈᕐᑎᕆᓗᖓᓗ ᐃᓚᒌᖕᓂᑦ ᐊᑐᓂᑦ, ᓮᐅᓂᒧᓐᖓᐅᑎᓗᓯᓗ.

ᔨᕆᒤᐊᐅᑉ ᐊᒡᓚᖏᑦ 3:22

ᐅᑎᕆᑦᓯ, ᐊᑕᓂᕐᒥᒃ ᕿᒤᓚᐅᕐᑐᓯ ᑕᕝᕙ ᑲᑕᒃᓯᒪᓂᑦᓯᓐᓂᑦ ᐋᖅᑭᖕᓂᐊᕐᐸᑦᓯ. ᐅᖃᕐᐳᓯ, “ᐅᑎᕈᒪᕗᒍᑦ ᐊᑕᓂᐅᒐᕕᑦ ᒎᑎᒋᔭᕗᑦ.

ᔨᕆᒤᐊᐅᑉ ᐊᒡᓚᖏᑦ 35:15

ᐅᓄᕐᑐᐃᕐᓱᕐᓗᖓ ᐅᖃᕐᑎᒃᑲ ᑎᓕᕙᓚᐅᕐᐸᒃᑲ ᐃᓕᑦᓯᓐᓄᑦ, ᐅᖃᕐᐸᓚᐅᕐᐳᓪᓗ, ‘ᓵᒋᐊᕐᑐᒃᓴᐅᕗᓯ ᐱᐅᖏᑦᑐᓕᓂᑦᓯᓐᓂᑦ ᐊᑲᐅᔪᒥᒡᓗ ᐃᓕᖅᑯᓯᖃᓕᕐᓗᓯ; ᒎᑎᓐᖑᐊᓂᒃ ᒪᓕᓕᕐᑍᓕᒋᑦᓯ ᐱᓂᐊᕐᕕᒋᓇᒋᓪᓘᓐᓃᑦ, ᑕᕝᕙ ᐃᓅᓂᐊᕐᐳᓯ ᓯᕗᓕᑦᓯᓐᓄᑦ ᐃᓕᑦᓯᓐᓄᓪᓗ ᓄᓇᒋᔭᐅᖁᓚᐅᕐᑕᓐᓂ.’ ᑭᓯᐊᓂᓕ ᑐᓴᕈᓐᓇᓚᐅᓐᖏᓚᑦᓯᓐᖓ ᓈᓚᒍᒪᓇᖓᓗ.

ᔨᕆᒤᐊᐅᑉ ᐊᒡᓚᖏᑦ 36:3

ᐃᒻᒪᖄ ᔫᑕᒥᐅᑦ ᑖᕙᓐᖓᓂᑦ ᑲᑉᐱᐊᓇᕐᑐᓂᒃ ᑎᑭᑦᑐᖃᕈᒫᕐᓂᖓᓂᒃ ᐅᖃᖃᑦᑕᕐᓂᕆᓕᓚᐅᕐᑕᕋ ᑐᓴᓕᕈᓂᑦᔪᒃ ᓵᒋᐊᕈᓐᓇᕐᓯᒐᔭᕐᐳᑦ ᐱᐅᖏᑦᑐᓕᓯᒪᓂᕐᒥᖕᓂᑦ, ᑕᕝᕙ ᐱᐅᖏᑦᑐᓕᓯᒪᓂᖏᑦ ᐊᔪᕐᑐᓕᓂᖏᓪᓗ ᐃᓱᒪᒋᔪᓐᓁᕋᔭᕐᐸᒃᑲ.”

ᔨᕆᒤᐊᐅᑉ ᐊᒡᓚᖏᑦ 4:4

ᐊᑕᓂᕐᒧᑦ ᑐᓂᓕᕆᑦᓯ, ᐆᒻᒪᑎᓯᓗ ᑐᓂᓗᒋᑦ ᐃᓕᑦᓯ ᐃᓄᖁᑎᒋᔭᐅᔪᓯ ᔫᑕᒥ ᔨᕉᓴᓕᒥᓗ, ᑐᓂᓂᐊᖏᒃᑯᑦᓯ ᓂᓐᖓᖕᓂᕋ ᐃᑯᐊᓚᔪᑎᑐᑦ ᑍᒤᓐᓂᐊᕐᐳᖅ ᐱᐅᖏᑦᑐᓂᒃ ᐱᓂᐊᕐᓯᒪᓂᓯ ᐱᓪᓗᒋᑦ, ᑭᓇᒧᓐᓘᓐᓃᑦ ᖃᒥᑕᐅᔪᓐᓇᕐᓂᐊᓐᖏᓚᖅ.”

ᔨᕆᒤᐊᐅᑉ ᐊᒡᓚᖏᑦ 7:3

ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ, ᐃᓕᖅᑯᓯᕆᔭᓯ ᐱᓂᐊᕐᓂᕆᔭᓯᓗ ᐋᖅᑭᒋᐊᕐᑕᒃᓴᕆᕙᓯ ᓄᓇᖃᕈᒪᒍᑦᓯ ᑕᒫᓂ.

ᔨᕆᒤᐊᐅᑉ ᐊᒡᓚᖏᑦ 7:5

ᐃᓕᖅᑯᓯᕆᔭᑦᓯᓐᓂᒃ ᐱᓂᐊᕐᓂᕆᔭᑦᓯᓐᓂᒡᓗ ᐋᖅᑭᒋᐊᓪᓚᕆᖕᓂᐊᕈᑦᓯ, ᐃᓅᖃᑎᑦᓯᓐᓄᓪᓗ ᓈᒻᒪᑦᓯᐊᕐᑐᒥᒃ ᐱᓂᐊᕐᓂᖃᕐᓗᓯ,

ᔨᕆᒤᐊᐅᑉ ᐊᒡᓚᖏᑦ 7:7

ᑕᕝᕙ ᓄᓇᖃᕐᑎᑦᓱᓐᓇᕋᔭᕐᐸᑦᓯ ᑕᒫᓂ, ᓯᕗᓕᕕᓂᑦᓯᓐᓄᑦ ᓄᓇᑖᕆᔭᐅᑎᓚᐅᕐᑕᕋ ᓄᓇᒋᔭᐅᖏᓐᓇᖁᓪᓗᒍ ᐃᓱᖃᖏᑦᑐᒧᑦ.

ᐃᓯᑭᐊᓕᐅᑉ ᐊᒡᓚᖏᑦ 11:18

ᑕᕝᕗᖓᕈᑎᒃ, ᐃᑦᔪᕐᓇᕐᑐᓂᒃ ᐲᔧᔪᒫᕐᐳᑦ ᒎᑎᒧᓪᓗ ᓇᕐᕈᓇᕐᑐᓕᒫᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 18:13

ᐊᑐᕐᑎᑦᓯᔭᕌᖓᒥᓗ ᑮᓇᐅᔭᓕᕈᑎᖃᕋᓱᒃᐸᒡᓗᓂ, ᐅᓄᕐᓯᒋᐊᕐᑎᑦᓯᓗᓂ, ᑍᒤᑦᑐᖅ ᐃᓅᔪᒫᕐᐹ? ᐃᓅᔪᒫᓐᖏᓚᖅ. ᑕᒪᒃᑯᓂᖓ ᓇᕐᕈᓇᕐᑐᓂᒃ ᐱᓇᓱᐊᕐᓯᒪᓂᕐᒥᓄᑦ ᐃᓅᔭᕆᐊᖃᓐᖏᓚᖅ; ᑖᓐᓇ ᑐᖁᓂᐊᓪᓚᕆᒃᐳᖅ; ᑐᖁᓂᕐᒥᓄᓪᓗ ᓵᑕᒃᓴᑑᒐᔭᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 43:9

ᒫᓐᓇ ᐊᓯᓐᓂᒃ ᒎᑎᖃᕐᓂᕐᒥᒃ ᓄᖅᑲᐅᑦᔨᓕᕐᓕᑦ ᐊᖓᔪᖅᑳᕐᔪᐊᕕᓂᖏᑕᓗ ᑎᒥᕕᓂᖏᑦ ᐅᕙᓐᓂᑦ ᐅᖓᓯᒃᓯᑎᑕᐅᓗᑎᒃ, ᑕᕝᕙ ᐊᑯᕐᖓᓐᓂ ᐃᓂᖃᓕᕐᓂᐊᕐᐳᖓ ᐃᓱᖃᖏᑦᑐᒧᑦ.

ᕼᐆᓯᐊᑉ ᐊᒡᓚᖏᑦ 14:1

ᐃᓴᕆᐊᓖ, ᐅᑎᓚᐅᕆᑦ ᐊᑕᓂᕐᒧᑦ ᒎᑎᖕᓄᑦ, ᐹᓪᓚᒃᓯᒪᒐᕕᑦ ᐱᐅᖏᑦᑐᓕᓂᕐᓄᑦ.

ᕼᐆᓯᐊᑉ ᐊᒡᓚᖏᑦ 2:2

“ᐊᓈᓇᓯ ᐊᔪᐃᓐᓈᕆᓯᐅᒃ ᐅᑎᖅᑯᓪᓗᒍ, ᓄᓕᐊᕆᔪᓐᓁᕋᒃᑯ ᑖᑦᓱᒪᓗ ᐅᐃᒋᔪᓐᓁᕐᒪᖓ, ᐊᔪᐃᓐᓈᕆᓯᐅᒃ ᐊᑐᒐᐅᔪᓐᓁᖁᓪᓗᒍ ᐊᑭᓕᕐᑕᐅᓂᕐᒧᑦ, ᐊᓯᓐᓂᐊᕐᑎᐅᔪᓐᓁᖁᓪᓗᒍᓗ.

ᕼᐆᓯᐊᑉ ᐊᒡᓚᖏᑦ 7:16

ᒎᑎᓐᖑᐊᓄᑦ ᓵᖃᑦᑕᕐᐳᑦ; ᐱᑎᒃᓯᐅᕗᑦ ᑐᕚᕆᔭᒃᓴᐅᖏᑦᑐᑦ, ᐊᖓᔪᖅᑳᖁᑎᖏᑦ ᑐᖁᔪᒫᕐᐳᑦ ᓴᕕᒡᔪᐊᓄᑦ ᖃᓂᒃᑯᑦ ᒥᑕᐅᑎᖃᖃᑦᑕᓚᐅᕐᒪᑕ. ᑕᒪᓐᓇᓗ ᐄᑦᔨᑉᑎᒥᐅᓄᑦ ᒥᑕᐅᑕᐅᑦᔪᑎᒋᔪᒫᕐᐹᑦ.”

ᔪᐃᓕᐅᑉ ᐊᒡᓚᖏᑦ 2:12

ᐊᑕᓂᖅ ᐅᖃᕐᐳᖅ, “ᒫᓐᓇ ᑍᒤᒻᒪᑦ, ᐃᓗᖏᕐᑐᕐᓗᓯ ᐅᕙᓐᓄᑦ ᐅᑎᓕᕆᑦᓯ, ᓂᕆᑦᑍᓕᓗᓯ, ᕿᐊᓗᓯ, ᕿᒃᓵᒡᓗᓯᓗ.”

ᓴᑲᕅᐊᐅᑉ ᐊᒡᓚᖏᑦ 1:4

“ᓯᕗᓕᕕᓂᑦᓯᑐᑦ ᐱᖁᓐᖏᓚᑦᓯ, ᑍᒃᑯᐊ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᓐᓄᑦ ᐅᖃᕐᕕᐅᕙᓚᐅᕐᐳᑦ ᐃᒫᒃ, ‘ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᐊᑐᕐᓂᕐᓗᒃᑕᑦᓯᓐᓂᑦ ᖃᕿᐊᓕᕆᑦᓯ ᐱᐅᖏᑦᑐᓕᓂᕆᕙᒃᑕᑦᓯᓐᓂᓪᓗ.’ ᑍᒫᒃ ᑐᓴᕋᓗᐊᕋᒥᒃ ᓈᓚᓚᐅᓐᖏᓚᑦ ᒪᓕᒍᒪᓚᐅᓐᖏᓚᓪᓘᓐᓃᑦ.

ᒨᓯᓯ ᑕᓪᓕᒪᖏᑦ 27:15

“‘ᒎᑎᐅᑉ ᓱᒋᐊᕐᑕᒃᓴᕆᕚ ᓇᓪᓕᐊᑦ ᐅᔭᕋᖕᓂᒃ ᒎᑎᓐᖑᐊᓕᐅᕐᑐᖅ, ᕿᔪᖕᓂᒡᓘᓐᓃᑦ, ᓴᕕᕋᔭᖕᓂᒡᓘᓐᓃᑦ ᐊᑕᓂᐅᑉ ᐆᒥᒋᔭᖓᓂᒃ, ᓴᓇᔨᐅᑉ ᓴᓇᔭᖓ, ᐃᔨᕋᕐᑐᕐᓗᓂ ᐃᓂᒃᓴᖓᓄᓪᓗ ᓇᑉᐸᕐᑎᓪᓗᒍ.’ “ᑕᕝᕙ ᐃᓄᓕᒫᑦ ᑭᐅᔪᒃᓴᐅᕗᑦ, ‘ᐋᒦᓐ!’

ᒨᓯᓯ ᑕᓪᓕᒪᖏᑦ 4:30

ᐊᑲᐅᖏᑦᔪᑎᒃᓴᖃᕐᓂᕐᒧᓪᓕ ᑎᑭᐅᑎᒍᑦᓯ ᑕᒪᒃᑯᐊᓗ ᐃᓕᑦᓯᓐᓄᑦ ᑎᑭᐅᑎᒃᐸᑕ, ᑕᕝᕙ ᐊᑕᓂᕐᒧᑦ ᒎᑎᑦᓯᓐᓄᑦ ᓵᓕᑍᓐᓇᕈᒫᕐᐳᓯ ᓈᓚᓕᕐᓗᒍᓗ.

ᔮᓱᐊᑉ ᐊᒡᓚᖏᑦ 24:14

“ᒫᓐᓇᓕ ᑍᒤᒻᒪᑦ ᐊᑕᓂᖅ ᓯᕘᕋᒋᓯᐅᒃ, ᐅᐱᒋᑦᓯᐊᕐᓗᒍ ᐱᔨᑦᓯᕐᓯᐅᒃ ᓱᓕᑦᓯᐊᕐᓗᓯ ᓱᖁᓯᔪᐃᑦᑑᓗᓯᓗ; ᓯᕗᓕᓯ ᒎᑎᒋᓚᐅᕐᑕᒋᑦ ᖁᔭᓈᕐᓯᐅᒃ ᑐᒃᓯᐊᕐᕕᒋᓚᐅᕐᑕᖏᑦ ᑰᑉ ᐊᑭᐊᓂ, ᐄᑦᔨᑉᑎᒥᓗ, ᐊᑕᓂᕐᓕ ᐱᔨᑦᓯᕐᓯᐅᒃ.

ᐃᓗᐊᕐᓮᔩᑦ ᐊᒡᓚᖏᑦ 10:16

ᑕᕝᕙ ᓄᓇᖃᑎᒋᓐᖏᑕᒥ ᒎᑎᓐᖑᐊᖏᓐᓂᒃ ᕿᒤᓚᐅᕐᐳᑦ ᑐᒃᓯᐊᓕᕐᓗᑎᒡᓗ ᐊᑕᓂᕐᒧᑦ; ᐃᓱᒪᔮᕈᑎᖃᓕᕐᐳᕐᓗ ᐃᓴᕆᐊᓕᒥᐅᑦ ᐊᒃᓱᕈᕐᓂᖏᓐᓂᒃ.

ᓴᒧᐃᓕ ᓯᕗᓪᓖᑦ 7:3

ᓴᒧᐃᓕᓕ ᐅᖃᕐᐳᖅ ᐃᓴᕆᐊᓕᒥᐅᑦ ᐃᓄᓕᒫᖏᓐᓄᑦ, “ᐊᑕᓂᕐᒧᑦ ᐅᑎᕐᓂᐊᕈᑦᓯ ᐆᒻᒪᑎᑦᓯᓐᓄᑦ ᐊᑕᖏᕐᑐᒧᑦ, ᑕᕝᕙ ᒎᑎᓐᖑᐊᑦ ᐱᒃᓴᔭᕆᓐᖏᑕᓯ ᐃᒋᑕᒃᓴᕆᕙᓯ ᒎᑎᓐᖑᐊᓪᓗ ᐊᕐᓇᐅᑉ ᐋᔅᑕᕉᑎᐅᑉ ᐊᑦᔨᓐᖑᐊᖏᑦ, ᐆᒻᒪᑎᑦᓯᒍᑦ ᑐᓂᒃᑲᓐᓂᓕᕆᑦᓯ ᐊᑕᖏᕐᑐᒧᑦ ᐊᑕᓂᖅ ᐱᔨᑦᓯᕐᑕᑐᐊᕆᓕᕐᓗᒍ, ᑕᕝᕙ ᐱᐅᓕᓂᐊᕐᐹᓯ ᐱᓕᔅᑍᓂᒥᐅᑦ ᐱᔪᓐᓇᕐᓂᖏᓐᓂᑦ.”