ᔨᕆᒤᐊᐅᑉ ᐊᒡᓚᖏᑦ 39:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᓂᐳᔭᕋᑕᓐ ᐊᖓᔪᖅᑳᕐᔪᐊᑉ ᐅᓇᑕᕐᑎᖁᑎᖏᑕ ᐊᖓᔪᖅᑳᖓᑦ ᐃᒡᓗᒐᓴᒡᔪᐊᓂ ᐊᒥᐊᒃᑰᔪᑦ ᑎᒍᓪᓗᓂᒋᑦ ᐊᐅᓪᓚᕈᑎᓚᐅᕐᐰᑦ ᐹᐱᓘᓂᒧᑦ ᐃᓚᒋᓪᓗᒋᑦ ᐃᒻᒥᖕᓂᒃ ᑐᓂᑦᔪᑎᒋᓚᐅᕐᑐᑦ ᑖᑦᓱᒧᖓ.

ᔨᕆᒤᐊᐅᑉ ᐊᒡᓚᖏᑦ 39:9 Iomraidhean Croise

ᒨᓯᓯ ᓯᕗᓪᓖᑦ 37:36

ᑍᑦᓱᒪᓂᐅᑎᓪᓗᒍᓕ ᒥᑎᐊᓂᒥᐅᑦ ᓂᐅᕐᕈᑎᒋᕚᑦ ᐄᑦᔨᑉᑎᒥ ᐹᑎ-ᐸᕆᒧᑦ, ᐰᕉᑉ ᐊᖓᔪᖅᑳᖁᑎᖓᓄᑦ, ᐊᖓᔪᖅᑳᒃᑯᕕᖕᒥ ᖃᐅᔨᓴᕐᑏᑦ ᐊᖓᔪᖅᑳᖓᓐᓄᑦ.

ᐊᑕᓃᑦ ᐂᑉᐸᖏᑦ 20:18

ᐃᕝᕕᓪᓗ ᓇᖕᒥᓂᖅ ᐃᕐᓂᑎᑦ, ᕿᑐᕐᖓᕐᑖᕆᓯᒪᔭᑎᑦ, ᐊᐅᓪᓚᕈᑦᔭᐅᖃᑕᐅᔪᒫᕐᐳᑦ ᐹᐱᓘᓂᒥᐅᓪᓗ ᐊᖓᔪᖅᑳᕐᔪᐊᖓᑦᑕ ᐃᒡᓗᖓᓂ ᕿᑐᕐᖏᔪᓐᓁᓪᓕᑎᑕᐅᓯᒪᓗᑎᒃ ᐱᔨᑦᓯᕋᕐᑎᑐᐃᓐᓇᐅᓕᕈᒫᕐᐳᑦ.”

ᐊᑕᓃᑦ ᐂᑉᐸᖏᑦ 25:11

ᑕᕝᕙ ᓂᐳᔭᕋᑕᓐ ᓴᐳᓐᓂᐊᕐᑎᓄᑦ ᐊᖓᔪᖅᑳᖑᔫᑉ ᐃᓄᐃᑦ ᐃᒡᓗᒐᓴᖕᓂ ᐊᒥᐊᒃᑰᓯᒪᔪᑦ ᑎᒍᓪᓗᒋᑦ ᐹᐱᓘᓂᒧᑦ ᐊᐅᓚᕈᑎᕔᑦ, ᓴᓇᔪᓐᓇᕐᑐᑦ ᐊᒥᐊᒃᑯᕕᓂᖏᑦ ᐹᐱᓘᓂᒥᐅᓄᓪᓗ ᐃᓚᒋᓕᐅᑎᓂᑰᓕᕐᑐᑦ.

ᐊᑕᓃᑦ ᐂᑉᐸᖏᑦ 25:20

ᓂᐳᔭᕋᑕᐅᑉ ᑖᒃᑯᐊᓕᒫᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᐋᓚᐅᕐᐰᑦ ᐃᒡᓗᒐᓴᖕᓂ ᕆᑉᓚᒦᑦᑐᒧᑦ.

ᐂᓮᐊᓯᐅᑉ ᐊᒡᓚᖏᑦ 5:13

ᑍᒤᒻᒪᑦ ᐃᓄᖁᑎᒃᑲ ᐊᐅᓪᓚᕈᑦᔭᐅᓚᐅᕐᐳᑦ ᑎᒍᔭᐅᓪᓗᑎᒃ, ᖃᐅᔨᒪᓇᓱᓚᐅᖏᓐᓇᒥᒃ; ᐊᖑᑎᑦ ᐅᐱᓐᓇᕐᑐᖁᑎᖏᑦ ᑳᖕᓂᕐᒧᑦ ᐱᕐᓕᓕᕐᐳᑦ, ᐃᓄᒐᓴᒡᔪᐊᖁᑎᖏᓪᓗ ᐃᒥᕈᖕᓂᕐᒧᑦ ᖀᓕᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 10:18

ᐃᒫᒃ ᐊᑕᓂᖅ ᐅᖃᕐᐳᖅ: “ᑕᑯᒋᑦ, ᑕᒫᓂ ᓄᓇᖃᕐᑐᓂᒃ ᐃᒋᑦᓯᓂᐊᕐᐳᖓ ᒫᓐᓇ ᓇᓪᓕᐅᑦᑐᒥ, ᐅᖁᒤᑦᑐᒧᐊᕐᑎᓐᓂᐊᕐᐸᒃᑲᓗ ᕿᒫᕕᒃᓴᖃᕈᓐᓁᖁᓪᓗᒋᑦ.”

ᔨᕆᒤᐊᐅᑉ ᐊᒡᓚᖏᑦ 16:13

ᑍᒤᒻᒪᑦ ᓄᓇᒥᑦ ᑕᒫᓐᖓᑦ ᐃᒋᑕᐅᑎᓐᓂᐊᕐᐸᑦᓯ ᓄᓇᒧᑦ ᓯᕗᓕᕕᓂᑦᓯᓐᓄᑦ ᐊᒡᓛᑦ ᖃᐅᔨᒪᔭᐅᓚᐅᖏᑦᑐᒧᑦ ᓄᓇᑖᕐᓗᓯᓗ ᑕᕝᕙᓂ, ᑕᕝᕙᓂᓗ ᒎᑎᒋᔪᒪᔭᑦᓯᓐᓂᒃ ᒎᑎᖃᕈᒫᕋᑦᓯ ᖃᐅᑕᒫᑦ ᐱᔨᑦᓯᕐᓂᐊᕐᑕᑦᓯᓐᓂᒃ ᐅᓪᓗᒃᑯᑦ ᐅᓐᓄᐊᒃᑯᓪᓗ, ᐃᓕᑦᓯᓐᓂᒃ ᓂᑲᒍᓱᖕᓂᐊᕈᓐᓃᕐᐳᖓ.’”

ᔨᕆᒤᐊᐅᑉ ᐊᒡᓚᖏᑦ 24:8

“ᐊᑕᓂᕐᓕ ᐅᖃᕐᐳᖅ: ᐃᕕᒐᕐᒦᑦᑐᓪᓕ ᐱᒋᓖᑦ ᐱᐅᔪᓐᓃᕐᓯᒪᔪᑦ ᐱᐅᓐᖏᓗᐊᒧᑦ ᓂᕆᔭᒃᓴᐅᔪᓐᓃᕐᑐᑦ, ᐊᑦᔨᖃᕐᐳᑦ ᔫᑕᐅᑉ ᐊᖓᔪᖅᑳᕐᔪᐊᖓᓂᒃ ᔨᑎᑬᐊᒥᒃ, ᐊᖓᔪᖅᑳᖁᑎᖏᓐᓂᒃ ᐊᒥᐊᒃᑰᔪᓂᒡᓗ ᓄᓇᒥ ᔨᕉᓴᓕᒦᖏᓐᓇᕐᑐᓂᒃ, ᐄᑦᔨᑉᑎᒦᖏᓐᓇᕐᑐᓂᒡᓗ.

ᔨᕆᒤᐊᐅᑉ ᐊᒡᓚᖏᑦ 38:19

ᐊᖓᔪᖅᑳᕐᔪᐊᖅ ᔨᑎᑬᐊ ᐅᖃᕐᐳᖅ ᔨᕆᒤᐊᒧᑦ, “ᓯᕘᕋᒐᒪ ᔫᑎᐅᖃᑎᓐᓂᒃ ᑲᐅᓪᑎᐊᒥᐅᓄᐊᕐᓯᒪᔪᓂᒃ, ᑖᒃᑯᓄᖓ ᐱᔭᐅᑎᒃᑲᓗᐊᕈᒪ ᑍᒃᑯᓄᖓ ᑐᓂᑦᔪᑕᐅᓗᖓ ᐋᓐᓂᐊᑎᑕᐅᓂᐊᕋᓱᒋᕗᖓ.”

ᔨᕆᒤᐊᐅᑉ ᐊᒡᓚᖏᑦ 40:1

ᔨᕆᒤᐊᓕ ᐊᑕᓂᕐᒧᑦ ᐅᖃᕐᕕᐅᓚᐅᕆᕗᖅ ᓂᐳᔭᕋᑕᓐᒧᑦ ᐅᓇᑕᕐᑎᓄᑦ ᐊᖓᔪᖅᑳᖑᓂᕐᐹᕆᔭᐅᔪᒧᑦ ᑎᒍᔭᐅᓯᒪᕕᒋᓚᐅᕐᑕᖓᓂᑦ ᐊᓂᑎᑕᐅᓯᒪᓕᕐᑎᓪᓗᒍ ᕌᒪᒥ, ᔨᕆᒤᐊ ᑕᑯᓚᐅᕐᒪᒍ ᐊᑦᓱᖏᕐᓱᕐᑕᐅᖃᑕᐅᓯᒪᔪᖅ ᑎᒍᔭᐅᓯᒪᔪᓄᑦ ᔨᕉᓴᓕᒥᓐᖔᕈᑦᔭᐅᔪᓂᑦ ᔫᑕᒥᓪᓗ ᐊᐅᓪᓚᕈᑦᔭᐅᓕᕐᑎᓪᓗᒋᑦ ᐹᐱᓘᓂᒧᑦ.

ᔨᕆᒤᐊᐅᑉ ᐊᒡᓚᖏᑦ 40:7

ᐃᓴᕆᐊᓕᒥᐅᓪᓕ ᐅᓇᑕᕐᑎᖏᑕ ᐊᖓᔪᖅᑳᕆᔭᖏᑦ ᕿᒫᓂᑰᓪᓗᑎᒃ ᓇᓂᑐᐃᓐᓈᓕᕐᓂᑯᐃᑦ ᑐᓴᐅᒪᓕᕐᐳᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᒋᑕᓔᐊ ᐊᕼᐂᑲᐅᑉ ᐃᕐᓂᖓ ᐊᐅᓚᑦᓯᔨᓐᖑᕐᑎᑕᐅᓯᒪᓕᕐᓂᖓᓂᒃ ᓄᓇᓕᓕᒫᓄᑦ ᑲᒪᔨᐅᓕᕐᓂᖓᓂᒡᓗ, ᐊᖑᑏᑦ ᐊᕐᓁᓪᓗ, ᓄᑕᖅᑲᓪᓗ, ᐊᔪᕐᓴᕐᓂᕐᐹᖑᔪᓄᑦ ᐊᐅᓪᓚᕈᑦᔭᐅᖏᓐᓂᑯᓄᑦ ᐹᐱᓘᓂᒧᑦ ᑖᑦᓱᒧᖓ ᑐᓂᔭᐅᓯᒪᓕᕐᓂᖏᑦ.

ᔨᕆᒤᐊᐅᑉ ᐊᒡᓚᖏᑦ 52:26

ᓂᐳᔭᕋᑕᐅᑉ ᐅᓇᑕᕐᑏᑦ ᐊᖓᔪᖅᑳᒻᒪᕆᖓᑦᑕ ᑖᒃᑯᐊ ᑎᒍᔭᓂ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᐊᕈᑎᕔᑦ ᕆᑉᓚᒦᑦᑐᒧᑦ.

ᔨᕆᒤᐊᐅᑉ ᐊᒡᓚᖏᑦ 52:27

ᑕᕝᕙᓂᓗ ᕆᑉᓚᒦᓪᓗᑎᒃ ᓱᓕ ᐹᐱᓘᓂᐅᑉ ᐊᖓᔪᖅᑳᕐᔪᐊᖓᑕ ᑖᒃᑯᐊ ᑐᖁᑕᐅᑎᑉᐰᑦ ᕼᐊᒫᑎᒥ, ᑕᕝᕙ ᔫᑕᒥᐅᑦ ᐃᓄᖏᑦ ᑎᒍᔭᐅᓚᐅᕐᐳᑦ ᐊᐅᓪᓚᕈᑦᔭᐅᓪᓗᑎᒡᓗ ᓄᓇᑐᖃᒥᖕᓂᑦ.

ᑖᓂᐊᓕᐅᑉ ᐊᒡᓚᖏᑦ 2:14

ᐊᕆᐅᑭᓕ ᐊᖓᔪᖅᑳᕐᔪᐊᑉ ᐅᓇᑕᕐᑐᓴᖁᑎᖏᑕ ᐊᖓᔪᖅᑳᖓᑦ, ᑐᖁᕅᔭᕐᑐᕐᑎᓪᓗᒍ ᐹᐱᓘᓂᒥᐅᑦ ᓯᓚᑐᔪᖁᑎᖏᓐᓂᒃ, ᑖᓂᐊᓕᐅᑉ ᐅᖃᖃᑎᒋᕚ, ᓯᓚᑐᓂᕐᒥᓄᑦ ᐅᖃᐅᓯᕐᓄᓪᓗ ᐋᖅᑭᒃᓱᑦᓯᐊᕐᓯᒪᔪᓄᑦ.

ᒨᓯᓯ ᐱᖓᔪᖏᑦ 26:33

ᓄᓇᓖᑦ ᐊᓯᖏᓐᓄᑦ ᐃᓅᖃᑎᒌᒡᔪᐊᓄᑦ ᐊᐅᓪᓚᕐᑎᓪᓗᓯ ᓯᐊᒻᒪᕐᑎᑦᓱᒫᕐᐸᑦᓯ, ᐅᓇᑕᕐᓂᕐᒥᒃᓗ ᓴᖅᑭᑎᑦᓯᓗᖓ. ᓄᓇᖁᑎᓯ ᐃᓄᖃᕈᓐᓁᕐᓗᑎᒃ ᐃᒡᓗᒐᓴᒡᔪᐊᓯ ᓯᖁᒥᓯᒪᒐᔭᕐᐳᑦ.

ᒨᓯᓯ ᑕᓪᓕᒪᖏᑦ 4:27

ᐊᑕᓂᐅᑉ ᓯᐊᒻᒪᕐᑎᓐᓂᐊᕐᐹᓯ ᐃᓅᖃᑎᒌᒡᔪᐊᓄᑦ ᐊᓯᑦᓯᓐᓄᑦ, ᐅᓄᖏᑦᑐᓯᒍᓪᓕ ᐊᒥᐊᒃᑰᓂᐊᕐᐳᓯ.